Thursday, June 30, 2011

အီးမေးလ် အကောင့် မသုံးဗျန် ဆိုရေ သတင်း အသိပီးခြင်း

အီးမေလ်အကောင့် မသုံးဗျန် ဆိုရေ သတင်း။ မလိုတမာလူတိက အသုံးပြုလာကေ သိထားပါရန်--- ကျွှန်တော် ခိုင်အောင်ကျော်( နယူးယောက် ) ဆိုပနာ ( kyawaungkhaing@gmail.com) အီးမေလ်းအကောင့်နာင့် အသုံးပြုခစွာ ဟိန့် ပါရေ ။ ယေကေလဲ အခုအချိန်မှာ ညဇကပင် ယင်းအကောင့်က လုံးဝ သုံးလို့  မရဗျန် ဖြစ်လားခရေ အတွက် ယင်းအကောင်နာင့် ဆောင်းပါးများ၊ စာများ နှင့် အခြား ထင်ယောင်ထင်မှား ဖြစ်စီတတ်တေ သတင်းအချက်အလက်တိနာင့် ဆက်သွယ်ရီးပို့ လာကေ ကျွှန်တော် ခိုင်အောင်ကျော် ( နယူးယောက်) မှ ရီးပို့  စွာ မဟုတ်ကြောင်းကို သိစီချင်ပါရေ ။ နောက်နောင် ကျွှန်တော့်မှာ စာပီယိုင်ကျေးမူတိနာင့် ပါတ်သက်လို့  ဇါသူတယောက်ဘားကိုလဲ မပို့ ရေပိုင် ကျွှန်တော်၏ နိုင်ငံရီးသဘောတရား စာပီ နာင့် ယိုင်ကျေးမူ ဆိုင်ရာ် အချက်အလက်တိကို ၀ပ်ဆိုက်တိနာင့် ဘလော့တိကတဆင့်မှာရာ ရီးလီပါဖို့  ဗျန် ဖြစ်ကြော်း အသိပီး အကြောင်းကြား အပ်ပါရေ ။ ခိုင်အောင်ကျော် ( နယူးယောက် )

ရခိုင်ပုစွန်ကုန်သည်တိ အရှုံးပေါ်ပြန်

    ရခိုင်ရိုးမ (ဘင်္ဂလားဒေ့ရှ် ) 
       မောင်တောကနိန်ဘင်္ဂလားဒေ့ရ်ှနိုင်ငံသို့ရီထွက်ကုန်တင်မှုရေပုဇွန်ကုန်သည်တိအရှုံးနန့်ရင်ဆိုင်နိန် ရကြောင်း နယ်စပ်သတင်းတပုဒ်အရသိရပါရေ။
      မိုးရာသီ အတွင်း လမ်းပန်းဆက်သွယ်ရေးလမ်း မကောင်းလို့ စရိတ်ကြီးမှုနန့်ကုန်သည်တိ ရင်ဆိုင်နိန်ရရေပိုင် တဖက်ဘင်္ဂလားဒေ့ရှ် နိုင်ငံ အလီးချိန်ခိုးမှုတိ ရှိလို့ ကုန်သည် အရှုံးနန့်ရင်ဆိုင်နီရစွာဖြစ်ပါရေ။
    ရခိုင်ကကုန်သည်တိရေ တဖက်ဘင်္ဂလားဒေရ်ှနိုင်ငံ ဖလောင်းချိတ်ခေါ်cox'bazer သို့ ရီထွက်ကုန်တိ တင်ပို့ခါ အ၀ယ်ဒိုင်တိကြား အလီးချိန်ခိုးမှုတိရှိရေလို့စစ်တွေက ကုန်သည်တယောက်က အခုပိုင်ပြောပါရေ။ “တဖက်နိုင်ငံက အ၀ယ်ဒိုင်တိက အလီးချိန်ခိုးရေ၊ ဒေ က အလီချိန်မှန်ကေလဲယင်းတို့ရောက်တေခါ မမှန်လို့ပြောရေ ဈီးလဲ ထင်သလောက်မရဆိုခါ၊ တင်ပို့ရစွာက အရှုံးဘဲပေါ်လာရေ”လို့ သူက ရခိုင်ရိုးမကိုပြောပါရေ။
     အလားတူတင်ပို့မှုပိုင်းမာလဲ လမ်းပန်းဆက်သွယ်ရေးခက်ခဲမှုတိရှိကြောင်းသူက ဆက်ပြောပါရေ။ “ပုစွန်ရဖို့အတွက် ရခိုင်တပြည်လုံးက ကိုယ်စားလှယ်တိက အဆင့်ဆင့် လူလွှတ်ပြီးကေ ၀ယ်ရပါရေ။ လမ်းဗန်းဆက်သွယ်းရေးမကောင်းကြားက သင်္ဘောနန့် တတန် ဘူးသီးတောင် ကမောင်တောကို ကားတတန် လမ်းမကောင်းလို့စရိတ်နှစ်ဆပီးရရေ ”လို့ သူကပြောပါရေ။ 
      ရခိုင်ရီလုပ်ငန်းကုန်သည်တိရေ ရီငန်ပုစွန်တိကို တဖက်ဘင်္ဂလားဒေ့ရ်ှနိုင်ငံသို့ အဓိကထား တင်သွင်းနိန် စာဖြစ်ပြီးကေ တဖက်မာလဲ ဘာသာစကားခက်ခဲမှု ရှိရေ အတွက်ကုန်သွယ်မှုပိုင်းမာ ခက်ခဲကြောင်း ကုန်သည်အသိုင်းဝိုင်းတိ က ဆိုပါရေ။ 
    လွန်ခရေ နှစ်တိက ရီထွက်ကုန်တိကို မူဆယ်ကတဆင့် တင်ပို့မှုတိရှိကေလဲ အခုအခါ ရေအဆိုပါ ကုန်သွယ်မှုဈီးကွက်ကျဆင်းလားလို့ရခိုင်ကုန်သည်တိဘင်္ဂလာဘက်ကိုဦးတည်လာကတ်စာဖြစ်တေလို့သိရပါရေ။ ပုဇွန် ဈီးကွက် အတွင်း ခေါင်းချွတ် တကီလိုကို တာကာငွေ ၁၁၄၀ ရှိပြီးကေ ခေါင်းပါ တကီလိုကို ၇၆၀ တာကာနှုန်းထားရှိကြောင်းသိရပါရေ။   
     ရခိုင်၏အဓိကရီထွက်ကုန်ပုစွန်တင်ပို့မှုပိုင်းမာရေကုန်ကြမ်းထွက်ကုန်တိ ရှားပါးမှုတိနန့်ရင်ဆိုင်နိန်ရရေ အတွက် အအီးခန်းစက်ရုံတိလဲ လည်ပတ်မှုမရှိကြောင်းသိရပါရေ။ အလားတူရီခဲအရောင်းဆိုင်တိလဲထင်သလောက် ရီခဲတုန်းတိ ရောင်းအားမကောင်းကြောင်းသိရပါရေ။ ဇွန် လ ဒုတိက အပတ်လောက်က မိုးကြီးရေ အတွက် မောင်တော၊ဘူးသီးတောင်ရို့မှာ ပုစွန်ကန် တိ ပျက်စီးလားပြီးကေ တဖက်နိုင်ငံသို့တင်ပို့မှုလဲကျဆင်းလားကြောင်းသိရပါရေ။ 

       အစိုးရထုတ်ပြန်ထားရေစာရင်းအရ ၂၀၁၀-၂၀၁၁- ဘဏ္ဍာရေးနှစ်မာ ဧပြီလနန့် မေလ အတွင်း မောင်တောနယ်စပ်ကနိန်ဘင်္ဂလားဒေ့ရ်ှနိုင်ငံသို့ရီငန်ပုစွန်ကီလို၁၉၀၀၀ကျော်ရာတင်ပို့နိုင်သိမ့်ကြောင်းသိရပါရေ။။

Wednesday, June 29, 2011

ဘင်္ဂလားဒေရှ့်နိုင်ငံ တလတိတိ ရွေးကောက်ပွဲသတင်း

      ခရစ်သက္ကရာစ် ၂၀၁၁ ခု ဇွန်လ တစ်လလုံးတိတိ ဘင်္ဂလာဒေခ်ျ့ တနိုင်ငံလုံး မြို့ နယ်ပေါင်းစုံတိမှာ ကျေးရွာအုပ်စုလိုက် အုပ်ချုပ်ရေးမှူး ဥက္ကဌ အမျိုးသားတိနာန့် အတွင်းရေးမှူး အမျိုးသမီး အဖွဲဝင် အမျိုးသားများ လွတ်လပ်စွာ ဒီမိုကရေစီကျ ကျင်းသုံးရေ ရွေးကောက်ဆန္ဒခံယူပွဲကို   အောင်မြင်စွာကျင်းပ ကတ်ပါရေ။ 
   မဲဆွယ်စီးရုံးရေး ရပ်ရွာတိမှာ လက်ဟိအစိုးရက သတ်မှတ်ထားရေ စံနမူနာ ဥပဒေအတိုင်း တဝေမသိမ်း လိုက်နာ ကတ်ဗြီးကေ ရွေးကောက်ပွဲ ယှဉ်ပြိုင်သူ နာန့်  နောက်ပါ လူ၂၀ ထက်မပိုစီရပါ မိုးထ ၉ နာရီမှ ည ၉ နာရီထိ လက်ကိုင်မိုက်ချေတိနာန့် ရာ ဟောပြောခွင့် ပြုဗြီးကေ စီးကမ်းတကျ ကြိုးတမ်းများ ဈီးလမ်းမတိကို ကျော်လို့  ရိုးရိုးစက္ကူ (ကာလာမသုံးရ)ဓါတ်ပုံများဖြင့် ကျော်ညာရဘာရေ တအိမ်ဝင် တအိမ်ထွက်မဲဆွယ်စီးရုံး ရဘာရေ သတ်မှတ်ထားရေ။
    ရက်ထက်ကျော်လွန်ဘာကေ ချက်ချင်း ရွေးကောက်ပွဲကော်မရှင်က အရေးယူဘာရေ ခိုက်ရန်ဖြစ်ပွါး ကတ်ပါကေ ယင်းနိန်ရာတဝိုက်ကို ဖျက်သိမ်းဗြီး မဲရပ်ခွင့် တိကို ရပ်တန့် စီဘာရေ ဘင်္ဂလာဒေခ်ျနိုင်ငံမှာ သက်ထောင်(ရင်္ဂါမတီ) ဖလံထောင်(ခါခရာဆိုရီ) ဗိုလ်မင်းထောင်(ဘန်ဒရိုဘောင်)ရို့ မှာ ရခိုင်(မာရမာ) သက် ဒိုင်းနက် မြို လင်းဂေ့ ချင်း လူမျိုးပေါင်းစုံတိ မူဆလင် ကုလားလူမျိုးများနာန် အပြိုင် ဝင်ရောက်ယှဉ်ပြိုင်ကတ်စွာမှာ မဆိုစလောက် ကုလား တယောက်စ နှစ်ယောက်စ ရာ ရဟိဗြီးကေ ဒေသခံတိက နိုင်လီကတ်ပါရေ။
      တောတောင်ထူုထပ်ဗြီးကေ အလှမ်းဝီးနိန်ရေ တန်းဆိပ် ဗိုလီရွာ ရုံမော်မြို့ နယ်ရီု့ မှာ တစ်ရက်တည်း ရွေးကောက်ပွဲအဗြီးသတ်မှတ်ထားရေအတွက် အစိုးရက လီတပ်အဖွဲဝင်တိကို အသုံးပြုဗျာလ် ဟေလီကော့ ပတာ(ရဟတ်ယာဉ်) ၁၉ စီးစီလွှတ်ဗျာလ် ကျင်းပကတ်ပါရေ ဇာကြောင့် ဆိုကေ မြန်မာနိုင်ငံနယ်စပ်ဒေသ တိဖြစ်နိန်ရေအတွက် လက်ဖတင်နင်ကော်နင် နော်ရောင်ဘိုနိုနီ သော်ဒလီက လေးဝတီဝိုင်းတော်သား ခိုင်ဥက္ကပျံကိုဒေပိုင်ပြောဘာရေ '' ဒေနိန်ရာဒေသမှာ လူမျိုးပေါင်းစုတိနိန်ထိုင်ကတ်ဗြီးကေ မြန်မာနိုင်ငံနယ်စပ်ဖြစ်တေအတွက် ကုလားလူမျိုးတိ အားမတင်ရအောင် မလိုလားအပ်တေ အရှုပ်အထွီးတိမဖြစ်အောင် ကျွန်တော်ရို့ အထူးလျှို့ ဝှက်စောင့် နိန်ဘာရေ ။
   
ယင်းကြားက ကုလားလူမျိုးမသကာင်္ရေ ၂၈ ယောက်ကိုဖမ်းဆီးထိမ်းသိမ်းလီဘာရေလို့ ပြောဘာရေ'' ပြသနာဖြစ်တေနိန်ရကလွဲဗြီးကေ အားလုံးရွေးကောက်ပွဲ အောင်မြင်စွာကျင်းပကတ်လီဘာရေဆိုစွာ သတင်းရဟိဘာရေ။


ခိုင်ဥက္ကာပျံ(ဘင်္ဂလားဒေခ့်ျ)

ARRC မလေးရှားမှ ရခိုင်ပြည်သူများသိဟိန်စီရန်ထုတ်ပြန်ချက်

ARRC မလေးရှားမှ ရခိုင်ပြည်သူများသိဟိန်စီရန်ထုတ်ပြန်ချက် Statement on Refugees

ရခိုင်ပြည်သူထံ မှ ပီးစာ

သို့ 
   
   ရခိုင်ရိုးမက တာဝန်ရှိရို့ စစ်တွေမှာ EPC မြို့မီးလင်းရေးမှလူကြီးများနန့် ၀န်ထမ်းတိယမ်းကားနိန်ခြင်းအား အထက်လူကြီးမင်းရို့သိရှိအောင်တင်ပြပီးစီလိုပါရေ။စစ်တွေမီးလင်းရေးမှလက်အောက်ငယ်သားတိရေ မီတာခသွင်းရေ အခါနောက်ကျသူတိကိုမီးဖြတ်ခနန့် မီးပြန်ဆက်ခဆိုပြီးတောင်းခံနိန်ပါရေ။
   မီးကိုမဖြတ်ပါကေ့လို့ပြောတာလည်းမရပါ၊နောက်နိန့်သွင်းပီးပါမယ်ဆိုတာလည်းမရဘူးဖြစ်နိန်ပါရေ။သူတို့ဘက်ကမှားကေတော့တခုလဲမဖြစ်ပိုင်နိန်ကတ်ပြီးပြည်သူဘက်က တစ်ချက်ချေ မှားလိုက်စွာနန့် ဖြစ်သလိုလုပ်ပါရေ။  
      
   ယင်းစွာရေတစ်မင်သက်သက်လုပ်နိန်စာပါ။ပြည်သူတိကိုစော်ကားနိန်စာပါ။ယင်းပိုင်လုပ်လိုက်ရေအတွက် အထက်အရာရှိတိကကလုပ်ခိုင်းလို့လုပ်စွာ ပါလို့လည်းပြော ပါရေ။ပြီးကေ မီးခသွင်းပြီးသားအိမ်တိကိုလည်း မပီးသွင်းသိမ့်ဆိုပနာ လာဖြတ်ကတ်ပါရေ။ ယင်းစာရေသူရို့ဘက်က မှားမှန်းသိကေလံ ၀န်ထမ်းတိကိုကျတော့ အရေးမယူပါ၊ ယင်းကြောင့် ဖြစ်နိုင်ကေ အထက်လူကြီးတိသိအောင် ဆောင်ရွက်ပီးဖို့အကူအညီ ပီးစီချင်ပါရေ။ယင်းပိုင် မဟုတ်ကေ ကျနော်ရို့ ပြည်သူတိကို မီးလင်းရေးစွာ အလွန်ကိုဆိုးရွား စွာအသုံးချ အနိုင်ကျင့်နိန်စာကု မခံမရပ်နိုင်လွန်းလို့ပါ၊ 
    အမှန်ဆိုကေ မီးခပီးသွင်းနောက်ကျကေ ဖိုင်တပ်ပါလား ၊လက်ခံပါရေ။ အခုက သက်သက် ဖြတ်ခ၊ ဆက်ခ ဆိုပြီး တောင်းလို့ရအောင်အကွက်ဆင်စွာပါ၊ ယင်းဟင့်ရေ အထက် အရာရှိတိ ကသတ်မှတ်ထားရေ ဆိုကေ မီးလင်းရေးစွာ ပြည်သူတိကို အနိုင်ကျင့်နိန်ရေ အဖွဲ့အစည်းတခုသာဖြစ်ပါရေ။ ဒီမိုကရေစီဆိုစာ ဇာလဲ ၊ သူရို့မသိကတ်ထင်ရေ၊ ယင်းပိုင်တစ်သွီးတသံတစ်မိနစ်နန့် လုပ်ကိုင်နိန်ကတ်စာရေ ပြည်သူကိုစော်ကားစာတခုပါ၊
    အစိုးရက ဒီမိုကရေစီ ဆိုရေလမ်းစိုင်ကိုကျင့်သုံးနိန်ရေ အချိန်မှာစစ်တွေက မီးလင်းရေးက အစိုးရအဖွဲ့ကိုခုတုန်းလုပ်ပြီးကေ            ပြည် သူတိကို အနိုင်ကျင့်နိန် စွာ ဖြစ်ပါရေ။ မီးပီးထားပြီးတိုင်းသာတိ ကိုမီးလာဖြတ်တေဆိုစာလုံးဝမဟုတ်တေကိစ္စတခုပါ၊ပြည်သူတိအပေါ် ယင်းပိုင်တောင်းခံ ရဖို့လို့ အစိုးရက အခွင့်အရေးတိ ပီးထားရေလားဆိုစာသိချင်ပါရေ။ ဖြစ်နိုင်ခြေရှိစွာနန့်ဖြစ်နိုင်ခြေမရှိတာကိုလဲထည့်တွက်စိုင်းစားဖို့လိုပါရေမဟုတ်လား၊မီးလင်းရေးရေလောဘကြီးပြီးယင်းပိုင်မဟုတ်ကဟုတ်ကတိလျှောက်လုပ်နိန်စွာကိုနိုင်ငံတော်ကလုပ်ပီးစီချင်လို့ အခုပိုင်ရီးလိုက်စာ       ဖြစ်ပါရေ။ 
     မီးလင်းရေးဆိုပနာ လုပ်ချင်စာလုပ်နိန်ကေ ပြည်သူတိတနိနိမှာ ပေါက်ကွဲလာနိုင်ရေဆိုစွာကိုလဲ မီးလင်းရေးက အနိန်နန့် သိထားဖို့လိုပါရေ။ မီးတစ်မီတာကိုလေးရာကျပ်နှုန်းနန့်ကော်ခံနိန်ရေအပြင်ယင်းပိုင်မီးတိဖြတ်လိုက်၊ပြန်တပ်ကေဖေ့သာတောင်းလိုက်လုပ်နိန်စွာရေ အစိုးရက လုပ်ခိုင်းစာ မဟုတ်လို့လဲထင်ပါရေ။ အဓိကတော့ ငွေတောင်းဖို့အတွက် ဆင်စွာဖြစ်ပါရေ။ ယင်းကြောင်း အဖြစ်နိုင်ဆုံးဒေသတင်းကိုအများပြည်သူသိအောင်အစိုးရကသိအောင်တင်ပြပီးဖို့မေတ္တာရပ်ခံအပ်ပါရေ။ စစ်တွေမြို့မှ ပြည်သူတစ်ဦး .

ဘင်္ဂလားပင်လယ်ပြင်မှာ မျောနီရေ ဆင်တကောင်ကို (တန့်ကဲ) ငါးဖမ်းဘုတ်က ကယ်ဆယ်ယူခရ

ရခိုင်ရိုးမ June 29, 2011
စစ်တွေ။ ။ ဘင်္ဂလားပင်လယ်ပြင်မှာ မျောပါနီရေ ဆင်တစ်ကောင်ကို ဒေလ ၂၈-ရက်နိမာ ဘင်္ဂလာက ငါးရောင်းအပြန် တန့်ကဲ ငါးဖမ်းဘုတ်တစ်စီးက ကယ်ဆယ်ယူလာရကြောင်းသိရပါရေ။ . 
   အဆိုပါဆင်ရေ စစ်တွေနန့် ရီမိုင် ၂၂-မိုင် အကွာရှိ ရီချမ်းပြင်နားမှာ မျောနိန်ရေအတွက် APELကုမ္ပဏီပိုင် ဖြိုးရတနာကျော်ဘုတ်က ကယ်ဆယ်ပနာ စစ်တွေကို ယူလာစွာဖြစ်တေလို့ သိရပါရေ။ “ကျနော်ရို့က ယင်းဆင်ကို အစခါ သစ်တုံးထင်ပါရေ။ အနားကိုရောက်မှ ဆင်မှန်းသိရခါ ကျနော်ရို့ဘုတ်နန့် ဆယ်ယူခစွာပါ၊” လို့ ယင်းကယ်ဆယ်ရေးမှာ ပါဝင်ခသူတစ်ယောက်က ရခိုင်ရိုးမကို ပြောပါရေ။ 
    အဆိုပါဆင်ရေ တောရိုင်းဆင်တစ်ကောင် ဖြစ်နိုင်ခြေရှိပြီးကေ အသက်ခုနှစ်အရွယ် ဆင်ထီးဖြစ်တေလို့ သိရပါရေ။ ပင်လယ်ပြင်ထဲမှာ မျောပါလာရေ ယင်းဆင်ကို ဒေဂုလ ၂၈-ရက်နိ နိခင်းဖက် ၂-နာရီကျော်လောက်မှာ ဘင်္ဂလားကငါးရောင်းလို့ပြန်လာရေ ဖြိုးရတနာကျော်ဘုတ်က တွိရှိရေအတွက် ခက်ခက်ခဲခဲ သယ်ယူလာရကြောင်း သိရပါရေ။ 
     “ဆင်ကိုသယ်ယူရခါ ကောင်းကောင်းခက်ခဲပါရေ။ ယေကေလည်း အံ့သြဖို့ကောင်းစွာက ဆင်ကိုကျနော်ရို့ ကြိုးကမ်းလိုက်တေခါ သူ့စွာသူ ချိုင်လိုက်ပါရေ၊ ကျနော်ရို့ချိုင်စရာတောင်မလိုလိုက်၊ လူသင်ထားရေပိုင်ပါဗျယ်၊ ယင်းပိုင်နန့်ကျနော်ရို့ ဆင်ကို ကယ်ဆယ်နိုင်ခစွာပါ” လို့ ဆင်ကယ်ဆယ်ခသူတစ်ယောက်က ဆိုပါရေ။ ယေဒါလည်း ဒေဂုဆင်ရေ ဇာနိန်ရာကဖြစ်တေဆိုစွာကို အတိအကျ မသိရသိမ့်ကြောင်း ဆင်၏ အနီအထားကို သိရှိဖို့အတွက် ဆင်အကြောင်းကို နားလည်ရေပညာရှင်တိ မရှိသိမ့်ရေအတွက် စစ်တွေမြို့မှာထားရှိကြောင်း သိရပါရေ။ 

    အတည်မပြူနိုင်သိမ့်ရေ သတင်းတစ်ခုအရ ဒေသခံအာဏာပိုင်တိက ဆင်ကိုနေပြည်တော်သို့ပို့ဖို့အတွက် စီစိုင်မှုတိရှိရေလို့ သတင်းတိ ထွက်ပေါ်နိန်ပါရေ။

အလုပ်သမားတိကြား စိတ်ပိုင်းဆိုင်ရာ ပညာပီးဟောပြောပွဲ မလေးရှားမှာ ပြုလုပ်

ရခိုင်ရိုးမ ( မလေးရှား) – June 29, 2011
       မလးရှားနိုင်ငံရှိ မြန်မာ       အလုပ်သမားတိအတွက်စိတ်ကျန်းမာရေးနန့်ပတ်သက်လို့     ဟောပြောပွဲတရပ်ကို မလေးရှားနိုင်ငံ                ဆလမ်းဂေါပြည်နယ်၊ ဆုဘန်းမြို့နယ် SS 15မှာ ညကပြုလုပ်ခကြောင်းသိရပါရေ။
     လုပ်ငန်းခွင်အတွင်း စိတ်ပိုင်းဆိုင်ရာ ကျန်းမာရေး အခက်အခဲတိကို ကူညီအထောက်အကူပြုရေအနီဖြင့် ARRC နန့် NGOတိက ကမကထပြုလုပ်ပနာ ကျင်းပခစွာဖြစ်ကြောင်း သိရပါရေ။
   
    “မလေးရှားရောက် ရခိုင်ပြည်သူတိစွာ စိတ်ဖိစိးမှုတိ ရှိနီပြီးကေ အလုပ်ခွင်မှာ ရသင့်ရထိုက်တေ အခွင့်အရေးတိ၊ အလုပ်သမားနန့် အလုပ်ရှင် ပြဿနာ၊ လူကုန်ကူးမှုစရေ အဖြစ်ဆိုးတိ ကို  ရှောင်ရှားနိုင်အောင် ရည်ရွယ်ချက်နန့် ဂုပိုင်လုပ်ရစွာ ဖြစ်ပါရေ”လို့ တာဝန်ရှိသူတစ်ေ ယာက်က ရခိုင်ရိုးမကို               ပြောပါရေ။ 
         အဆိုပါ ဟောပြောပွဲသို့ ရခိုင်အပါအ၀င်   မြန်မာလူငယ်နှစ်ဆယ်ကျော်တက်ရောက်ခပြီးကေ လူတစ်ယောက်ချင်းအလိုက် စိတ်နန့်ပတ်သက်တေ အမိန်းအဖြေတိကို စစ်ဆေးမှုတိ        ပြု လုပ်ခကြောင်းသိရပါရေ။ “ကျနော်ရို့ကို လာရောက်ပနာ NGOက ကျန်းမာရေး အသိပီးစွာကို ကျေးဇူးတင်ပါရေ၊ စိတ်ဓာတ်နန့် ကျန်းမာရေးက လူ့ဘ၀မှာ ကောင်းအရေးကြီးရေအတွက် ဒေဂုပိုင်တက်ရောက်ရလို့ ကောင်းကျေးဇူးတင်ပါရေ”လို့ ဟောပြောပွဲသို့ တက်ရောက်လာရေ ရခိုင်လူငယ်တစ်ယောက်က ပြောပါရေ။ 
      တက်ရောက်လာရေ အလုပ်သမားတိအတွက် ကျန်းမာရေးဆိုင်ရာ လက်ကမ်းစာစောင်၊ ဆက်သွယ်ဖို့ဖုန်းအပါအ၀င် ပို့စကတ်တိကိုလည်း ပီးခကြောင်း၊ မလေးရှားနိုင်ငံမှာ လက်ရှိ ခိုလှုံနိန်ထိုင်နိန်ရေ ဒုက္ခသည်တိကြားထဲမှာ စိတ်ပိုင်းဆိုင်ရာ၊ ရုပ်ပိုင်းဆိုင်ရာ ဆုတ်ယုတ်မှုတိ တိုးလာကြောင်း သိရပါရေ။
      ဟောပြောပွဲမှာ ARRC(ပူချောင်း) ကျန်းမာရေးဆိုင်ရာ NGO ပါဝင်ပြီးကေ တက်ရောက်လာသူတိ၏ လက်ရှိကြုံတွိနိန်ရရေ ကျန်းမာရေ အခက်အခဲတိကို တင်ပြဆွေးနွေးပနာ လုပ်ထုံးလုပ်နည်းတိကိုလည်း စနစ်တကျ ရှင်းပြခကြောင်း သိရပါရေ။ 
       လက်ရှိ အနီအထားအရ မလေးရှားနိုင်ငံအတွင်း မလေးရှားရဲက အလုပ်သမားတိနန့် ဒုက္ခသည်တိဘားက ဖေ့သာတိ ခြိမ်းခြောက်တောင်းယူမှုတိ ရှိနိန်ရေအတွက် စိတ်ပိုင်းဆိုင်ရာစိုးရိမ်မှုတိ လွမ်းမိုးမှုတိရှိလာကြောင်း သိရပါရေ။ 

လေးဝတီ

Tuesday, June 28, 2011

ရတပ ပါတီ လိလာရီးကိုယ်စားလှယ်တိ ဂျပန်နိုင်ငံလားဖို့  ကြိုတင်ပြင်နိန်ကတ်ဗျန်

  ၂၀၁၀- ရွီးကောက်ပွဲမှာ စစ်အစိုးရ  ကြောထောက်နောက်ခံ ထားရေ ကြံ့ဖွံ့ပါတီကို မဲအပြတ်အသတ်အနိုင်ရခရ ရခိုင်တိုင်းရင်းသားပါတီက ဂျပန်နိုင်ငံကို လိလာရီးလားဖို့  ကိုယ်စားလှယ် ရွီးချယ်ပါဗျန်လို့  သိရပါရေ ။ ယင်းရွီးကောက်ပွဲမှာ ရတပပါတီက လွှတ်တော်ကိုယ်စားလှယ်-၃၅-ယောက်အနိုင်ရခရေအတွက် ရခိုင်နိုင်ငံရီးသမိုင်းမှာ မဲအများဆုံးနာင့် လွှတ်တော်ကိုယ်စားလှယ်တိ ရွီးချယ်ခံခရစွာပါတီ ကြီးဖြစ်ပါရေ ။. 

       ဂျပန်နိုင်ငံက ကိုယ်စားလှယ် ( ၁၀ ) ယောက်ထက်မနည်း နိုင်ရေ ပါတီကိုမှ လိလာရီး ခေါ်ယူဖို့  ဆိုရေအခါ ရတပ ပါတီက အခု ပိုင် စည်းကမ်းတိနာင့် ကိုက်ညီလို့ိစီလွှတ်နိုင်စွာဖြစ်ပါရေ ။ အသက်(၃၅ ) နှစ်အောက် လူငယ်ကိုယ်စားလှယ်တိကို ခေါ်ယူစွာမှာ လွှတ်တော်ကိုယ်စားလှယ်သက်သက်ကို ရာခေါ်စွာမဟုတ်တေအတွက် အင်တာဗျူးခေါ်ယူပနာ စစ်ဆီးဗြီးကေ အရည်အချင်းပြည့်ရေ လူငယ်ကလေချေတိကို ရွီးချယ်စွာလို့  သိရပါရေ ။ ယင်းအထဲမှာ ကျောက်တော်မြို့ နယ် ရတပ ပါတီအတွင်းရေးမှူး ကိုမောင်ကျော်ထွန်း နာင့် စစ်တွေမြို့ နယ်- ရတပ ပါတီိရုံးက ကိုအောင်သိုက်စိုးရို့ ကို ရွီးချယ်ဗြီးဖြစ်ကြောင်း သိရပါရေ ။ အင်္ဂလိပ်စာနင့် အပြောအဆို အရီးအသားတိကို သံတွဲမြို့  နယ် လွှတ်တော်ကိုယ်စားလှယ်လောင်းအဖြစ် ၀င်ရောက်ယှဉ်ပြိုင်ခရေ ဦးတင်ဝင်းက အင်တာဗျူးစစ်ဆီးစွာလို့  သိရပါရေ ။ အခုဆိုကေ လူငယ်လွှတ်တော်ကိုယ်စားလှယ်နှစ်ဦးစလုံးမှာ ရန်ကုန်မြို့ ကို ရောက်နိန်ဗြီးကေ လားဖို့ လာဖို့  အတွက် နိုင်ငံကူးလက်မှတ်ရုံးကို လားနိန်ကတ်ရရေလို့  သိရပါယင့် ။ 
       ယင်းပိုင်လားရေအခါ လူငယ်ကိုယ်စားလှယ်တိက ဂျပန်နိုင်ငံရောက် ရခိုင်လူမျိုးတိနာင့် တွိချင်ရေ ဆန္ဒတိ ကောင်းကောင်း ဟိန့် ရေလို့  ပြောသံကြားရပါရေ ကိုမောင်ကျော်ထွန်းမှာ  ကျောက်တော်မြို့ နယ်က (၁၀ ) တန်းကျောင်းသားတိကို အင်္ဂလိပ်စာ ပြန်ိန်ရေ ဆရာတယောက်ဖြစ်ဗြီးကေ က်ိုအောင်သိုက်စိုးမှာ လွှတ်တော်ကိုယ်စားလှယ် ဆရာဦးမောင်ညို သားတယောက်လို့  သိရပါရေ ။ 

   လေးဝတီ

Monday, June 27, 2011

အမေရိက ဌာနက ALD ဥက္ကဋ္ဌ သံရုံးခံဝန်ချက် နန်ဗမာပြည်ကိုလားရောက်နိန်

  အမေရိကန် အခြီစိုက် ရခိုင်ဒီမိုကရေစီအဖွဲ့ ချုပ် ( ALD )ဥက္ကဋ္ဌ ဦးမြင့်မောင်ဌေးမှာ လွန်ခရေ -၂၀၁၀--ခုနှစ် မကုန်ုခင်ကပင် မြန်မာနိုင်ငံကို NGOs တခုနှင့် ဆက်စပ်ပနာ     မြန်မာသံရုံးကတဆင့် ဗီဇါယူပနာ လားခဗြီးပါဗျန်။ ယင်းကိစ္စနာင့်  ပတ်သက်လို့  မြန်မာသံရုံးမှာ ဦးမြင့်မောင်ဌေးက နိုင်ငံရီးကို မလုပ်ပါဗျန် ဆိုပနာ လက်မှတ်ထိုးခရေအကြောင်း ပြောပြရေလို့ လဲ သိရပါရေ ။
      အခုဆိုကေ -၂-ခေါက်တောင် ရန်ကုန်ကို လားခြီဗျှန်လို့  ပြောသံတိလဲ ကြားနိန်ရပါရေ ။ ဦးမြင့်မောင်ဌေးမှာ နိုင်ငံရီးကို မလုပ်ဗျန်လို့  လက်မှတ်ထိုးပနာ လားနိန်ကေလဲ အမေရိကန်အခြီစိုက် ရခိုင်ဒီမိုကရေစီအဖွဲ့ ချုပ်-ALD ဥက္ကဋ္ဌရာထူးက - နုတ်ထွက်လိုက်ဗျန်ဆိုစွာ သတင်းကို မကြားရပါသိ ။ လွန်ခရေအပါတ်က နယူးယောက်မှာ ရခိုင်ဒီမိုကရေစီအဖွဲ့ ဝင် တိနာင့် မင်းပြားလွှတ်တော်ကိုယ်စားလှယ် ဦးထွန်းဝင်းက ပြန်လို့  ရခိုင်ဒီမိုကရေစီအဖွဲ့ ချုပ်ကို ဖွဲ့ စည်းစွာမှာ ဦးမြင့်မောင်ဌေးကို နုတ်ထွက်ခိုင်းစွာလဲ ကြေညာချက်တိမှာ မတွိရပါသိဒေ။ နိုင်ငံတကာမှာ ရခိုင်ဒီမိုကရေစီ အဖွဲ့  ချုပ်ဌါနခွဲတိ ဟိန့် ကေလဲ ခိုင်မာကျစ်လစ်မူ မဟိန့် ဘဲ ဖြစ်ချင်တိုင်း ဖြစ်နိန်ကတ်စွာမျိုးပိုင် တွိရပါရေ ။   
        ရခိုင်ဒီမိုကရေစီအဖွဲ့ ချုပ်က ပုဏ္ဍားကျွန်း လွှတ်တော်ကိုယ်စားလှယ် ဦးအောင်ထွန်းစိန်မှာ မလေးရှားနိုင်ငံမှာ လုပ်ခရေ ရခိုင်အမျိုးသားကောင်စီညီလာခံကို မဲဆောက်မှာနိန်ယင်းပင်း နောက်ဆုံးတက်ရောက်ခပနာ ခွီးတိုးပေါက်က ၀င်လားးခပါဗျန်- မဲဆောက်မှာ နိန်ကေလဲ မဲဆောက်မှာ လုပ်တေ ရခိုင်အမျိုးသားကောင်စီ ညီလာခံကို မတက်ရောက်ခသူ ဦးအောင်ထွန်းစိန်မှာ မဲဆောက်မှာ နိန်ရေ မင်းပြားလွှတ်တော်ကိုယ်စားလှယ် ဦးထွန်းဝင်းနာင့် သဟဇါ့တ မကျဘဲ သီးခြား စီ ရခိုင်ဒီမိုကရေစီအဖွဲ့ံချုပ် ဥက္ကဌ လုပ်န်ိ်န်ကတ်စွာဖြစ်ပါရေ - ဦးထွန်းဝင်းမှာ မဲဆာက်မှာ နိန်ခရေအခါ မဲဆောက်မှာလုပ်ခရေ ရချိုင်အမျိုးသားညီလာခံကို မတက်ရောက်ခရေပိုင် မလေးရှားနိုင်ငံမှာ လုပ်ခရေ ရခိုင်အမျိုးသားကောင်စီ ညီလာခံကိုလဲံ မတက်ရောက်ခသူ ဖြစ်ပါရေ ။  
    လန်ဒန်မှာ နိန်ထိုင်ရေ အ၀ီးရောက်သံတမန် လို့  နာမည်ကြီးရေ စာရီးဆရာ ဦးခင်မောင်ကြည်မှာ -၁၉၈၈-ခုနှစ် ဒီမိုကရေစီအရေးအခင်းမှာ မဆလသံတမန်ဘ၀နာင့် နိန်ခစိုင် ဒီမိုကရေစီဖက်တော်သားအဖြစ် ကူးပြောင်းလာဗြီးကေ ရခိုင်ဒီမိုကရေစီအဖွဲ့ ချုပ် - သဘာပတိ အဖွဲ့ ဝင်အဖြစ် ဆောင်၇ွက်န်ိန်စွာဖြစ်ပါရေ ။ အမေရိကန်နိုင်ငံဆိုင်ရာ မြန်မာသံရုံးကို ၀င်လားခသူ ဦးမြင့်မောင်ဌေးနာင့် အင်္ဂလန်နိုငံဆိုင်ရာ မြန်မာသံရုံးက နုတ်ထွက်လာသူ ဦးခင်မောင်ကြည်ရို့့ နှစ်ယောက်မှာ ALD ရုံးတာဝန်ခံ ကိစ္စတိနာင့် အပြန်အလှန်စာတိ ရီးပနာ စကားများနိန်ကတ်တေလို့  သိရပါရေ ဒေ။  


လေးဝတီ

Friday, June 24, 2011

ကျွှန်တော့််မှာ အိပ်မက်တခုရှိပါရေ

   ကျွှန်တော်ရို့  နိုင်ငံ၏ ရာဇ၀င်သမိုင်းမှာ လွပ်လွပ်မူအတွက် အကြီးအကျယ်ဆုံးသော တိုက်ပွဲဝင် ဆန္ဒပြမူတိ ဖြစ်ခပါရေ ဒေ။ ဒေချင့်က သမိုင်းမှာ အဂင့်ဂင့် ဖြစ်ပေါ်လာစွာပါရာ။ာ။ ဒေပိုင်ဖြစ်လာလို့ မိတ်ဆွေရို့  နာင့်အတူ ပူးပေါင်းတိုက်ပွဲဝင်ရဖို့  စွာ ဖြစ်တေအတွက် ကျွှန်တော် ပျော်ရွှင်ဝမ်းမြောက်ရပါရေလို့ ပြောချင်ပါရစီ ။ လွန်ခရေ ငါးနှစ်ကျော်ကာလအချိန်က ကြီးကျယ်ခရေ အမေရိကန်နိုင်ငံသားလူဖြူတဦးက လွပ်မြောက်ရေးကို ထုတ်ပြန်ကြေညာရေ သင်္ကေတတခုအနိန်နာင့် ဒေနိန့်  ရပ်တည်လှုပ်ရှားနိန်ရေ ကျွှန်တော်ရို့ နာင့် အတူ အရိပ်ပမာ အထိမ်းအဖြစ် တခုအဖြစ် မြင်တွေ့လာရပါဗျန် ။ ဒေပိုင် အင်မတန်အရေးကြီးရေ ဆုံးဖြတ်ချက်တခုကို သန်းပေါင်းများစွာသော နီဂရိုးလူမဲများအဖို့ မျှော်လင့်ချက်အလင်းရောင်တိ အဖြစ် အကြီးကျယ်ဆုံးသော သင်္ကေတ-တခုဖြစ်ပါရေ ယေ ။ ဒေချင့်တိက ဥပဒေမဲ့ တရားမျှတမူ မရှိဘဲ လိမ်ညာမူများစွာနှင့် ရင်ဆိုင်နိန်ရရေ လူမဲလူမျိုးများအဖို့ ကောင်းကောင်းကြီ စိတ်ဓါတ်တိကို မာကြောခက်ထန်စီနိုင်စွာ ဖြစ်ပါရေ ။ 
      ယေကေတောင်မှ လွန်ခရေ နှစ်ပေါင်းတရာကျော်၏ ကာလ အခုပိုင် နောက်ပိုင်းမှာ နီဂရိုးလူမဲများ၏ ဘ၀ဆိုစွာ လွပ်မြောက်ရေးမရသိန့် ဆဲ ဖြစ်နိန်ပါရေ ။ နှစ်ပေါင်းတရာကျော်၏ ဒေပိုင်ကာလမှာ လူမဲလူမျိုးဆိုစွာ ၀မ်းနည်းကြီကွဲစွာနာင့် စိတ်အားငယ်နိန်ရစွာပါကား ။ ဒေချင့်က လူဖြူလူမဲ အသားအရောင် ခွဲခြားခြင်း အတားအဆီးဖြစ်နိန်လို့ ဒေချင့်ကို ခွဲခြားသိနိုင်ဖို့ အနှောင်အဖွဲ့ တခုလို့လဲ မြင်ရစွာဖြစ်နိန်ပါယင့် ။ နှစ်ပေါင်းတရာကျော်၏ ဒေပိုင်ကာလမှာ နီဂရိုးလူမဲတိ၏ ဘ၀ဆိုစွာ ကြီးမားကျယ်ပြောလှရေ သမုဒ္ဒရာ၏ အလယ်မှာ ဟိန့် နိန်ပနာ ဆင်းရဲချို့ တဲ့ လူသူအရောက်ပေါက် နဲလှရေ ကျွန်းတိမှာ နိန်ထိုင်ကတ်ရစွာပါ ။ ပဓါနကျလှရေ ကြီးပွါးချမ်းသာစီဖို့အတွက် အသက်ရှင်ရပ်တည်ဖို့ မနိန်ထိုင်ရဘဲ ဖြစ်နိန်စွာ ပါမနား ။ 
      နှစ်ပေါင်းတရာကျော်၏ အခုပိုင် နောက်ပိုင်းကာလမျိုးမှာ သူရို့  ပိုင်ဆိုင်နိန်ရေ ကုန်းမြီတခုအဖြစ် ပြည်ပမှာ သူရို့ ကိုယ်တိုင် ရှာဖွီတွိလို့ ဟိန့် ရေပိုင် နိန်ထိုင်နိန်ကတ်ရပါရေ ဒေ ။ လူမဲလူမျိုးဆိုစွာ အမေရိကန်လူဖြူ လူ့အဖွဲ့အစည်း အသိုင်းအ၀န်း၏ ထောင့်စွန်းတနိန်ရာရာမှာ အထီးကျန်စွာ ပင်ပမ်းနွမ်းရိပနာ ဟိန့် နိန်ကတ်ပါယင့် ။ ယေဇူးနာင့်လဲ ဒေပိုင် ရှက်ဖို့ ကောင်းရေ အခြီအနိန်တိကို ခံးစားရင်းနာင့် ဂိုးချေရို့  မိတ်ဆွေရို့ ကို ပြောပြဖို့ သိစီဖို့ ဒေနိန်ရာကို ကျွှန်တော် ရောက်လာစွာဖြစ်ပါရေ ။ 
      ဒေနိန့် ခါ မိတ်ဆွေရို့ ကို ကျွှန်တော် ပြောပြပါမေ ။ ဇါပိုင်ပင်ဖြစ်န်ိန် ဖြစ်နိန် နက်ဖန်ခါနာင့် ဒေနိန့် မှာ အကြပ်အတည်း တခုဖြစ်စီရေ ကျွှန်တော်ရို့  မျက်နှာပုံပန်းတိကြောင့် ဆိုကေတောင်မှ ကျွှန်တော့်မှာ အိပ်မက်တခု ဟိန့် ပါရေ ။ ယင်းချင့်က အမေရိကန်နိုင်ငံသားတဦး၏ အိပ်မက်တခုအဖြစ် နက်နက်ရှိုင်းရှိုင်း ခံစားဗြီးကေ မက်နိန်ရေ အိပ်မက်တခုဖြစ်ပါရေ ဒေ။ ။ ဒေစွာရေ ကျွှန်တော်မက်နိန်ရေ အိပ်မက်မက်တခုအကြောင်းဖြစ်ပါရေ ယေ ။ ကျွှန်တော်တို့  ရို့ ဒေနိုင်ငံတော်မှာ အယူဝါဒတခုကို မှန်ကန်ရေ အဓိပ္ပါယ် ဖွင့်ဆိုမူတိနာင့် အသက်ရှင်ရပ်တည်နိန်ရေ ဘ၀ကို အရင်းခံရဖို့  စွာ ဖြစ်ပါရေ ။ ယင်းချင့်က ကျွှန်တော့် အိပ်မက်ဖြစ်ပါရေ ။ ကျွှန်တော်ရို့  စွာ မိမိရို့  ဘာသာ မိမိရို့  အလျှောက် သိသာထင်ရှားရေ ဒေအမှန်တရား ယုံကြည်ချက်တိကို ဆုပ်ကိုင်ထိမ်းသိမ်း ထားရဖို့  စွာဖြစ်ပါရေ ။ ။ လူသားတိုင်း လူသားတိုင်းဆိုစွာ တန်းတူညီမျှ အခွင့်အရေးတခုကို ရရှိခံစားထားရေ ဘုရားသခင်၏ ဖန်ဆင်းခံထားသူများရာ ဖြစ်ပါရေမနား ။
       ကျွှန်တော်မှာ အိပ်မက်တခု မက်ခပါရေ ။ တန်ိန့်  မှာ ဂျော်ဂျီယာပြည်နယ်၏ တောင်ကုန်းထက်မှာ အယင်က ကျွန်ဖြစ်ခဲ့ဖူးတဲ့ လူမဲလူမျိုးတွေ၏ သားသမီးတိနာင့် အယင်က ကျွန်ပိုင်ရှင် ဖြစ်ခဲ့ဖူးရေ လူဖြူတိ၏ သားသမီးတိက ဇါပိုင်ကိစ္စရပ်တိကိုမဆို ပူးပေါင်းဆောင်ရွက်ကတ်ဖို့ စားပွဲခုံမှာ အတူတကွ ထိုင်န်ိန်ကတ်တေလို့  မက်နိန်ပါရေ ဒေ။
     ကျွှန်တော့််မှာ အိပ်မက်တခုဟိန့် ပါရေ ။ တနိန့် မှာ မစ္စစပ္ပီပြည်နယ်မှာ မနိန်နိုင် မထိုင်နိုင်လောက်အောင် ပူစပ်စပ်ရှိနေဗြီးး ပူအိုက်လှရေ ဒေနိုင်ငံမှာ လွပ်လွပ်မူနာင့် တရားမျှတမူဆိုရေ အခြီအနိန်က သဘာဝကို ပြောင်းလားစီပါရေ ။ ယင်းအတွက်တာနာင့်လဲ ယင်းပြည်နယ်စွာ အီးမြလားခရေ အိုအေစစ်ပိုင် အနိန်အထားမျိုး ရောက်လားပါရေ ။ ကျွှန်တော့်အိပ်မက်ထဲမှာ ကျွှန်တော့်၏ သားသမီးလေးယောက်ဆိုစွာ ဒေနိုင်ငံမှာ အသက်ရှင် ရပ်တည်နေထိုင်နိန်ထိုင်ရေအခါ သူရို့  အကျင့်စာရိတ္တအပါအ၀င် သူတို့ ၏ အရီပြားထက်က အရောင်အဆင်းတိကြောင့် ဇါနိန်ရာကဘဲဖြစ်ဖြစ် လူကဲခတ်ခြင်းမခံရဘဲ ဟိန့် နိန်ရပါဖို့ ဒေ။ ။ ဒေချင့်က ကျွှန်တော့်အိပ်မက်ဖြစ်ပါရေ ယေ။ ကျွှန်တော့်မှာ မှာ အိပ်မက်တခု ဟိန့် ပါရေ ။ အယ်လ်ဘားနီပြည်နယ်မှာ ဟိန့် ရေ အသားမဲယောက်ျားချေတိနာင့် လူဖြူကလေ့မေချေတိက လက်ချင်းဆက်ပြီး လားနိန်ကတ်တေပိုင် လူဖြူယောက်ျားချေတိနာင့် လူမဲကလေမေချေတိကလဲ ညီအစ်ကိုမောင်နှမတိပိုင် လားနိန်ကတ်ပါရေ လို့  ကျွှန်တော်ယင်းပိုင် အိပ်မက် မက်နိန်ပါရေ ဒေ။ တနိန့် မှာ တောင်ကြားတိက တောင်ကုန်းတိပိုင် မြင့်တက်လာဗြီးကေ တောင်ကုန်းတိကလဲ မြေနိမ့်လွင်ပြင်ပိုင် နိမ့်ဆင်းလာပါရေ ။ မညီညာမချောမွေ့ရေ နေရာဒေသတိကလဲ လွယ်ကူချောမောလှရေ နိန်ရာဖြစ်သလို ကွိကောက်လှရေ နိန်ရာတိကလဲ လဲ ဖြောင့်တန်းရေ နိန်ရာတိ ဖြစ်လာပါရေ ။ ဘုရားသခင်၏ ဂုဏ်သိက္ခာကြီးမား ထွန်းပြောင်မူကလဲ လူသားတိကို ဆုံးမသွန်သင် ဟောကြေားတော်မူရေ ဆိုစွာကို တရားတော်မြတ် ဟောကြားမူများနာင့်အတူ ထုတ်ဖေါ်ပြသကတ်ရဖို့  ဖြစ်တေပိုင် လူသားတိုင်းလူသားတိုင်းက အတူတရာ ဖြစ်တယ်ဆိုစွာကို မြင်တွိနိန်ကတ် ပြောနိန်ကတ်ပါရေ ကါ ။ ဒေချင့်ကား ကျွှန်တော်ရို့  မျှော်လင့်ချက်များဖြစ်ပါရေ ။ 
     ယင်းချင့်ကို ပြင်းပြင်းပြပြနာင့် ခံယူရင်း အမေရိကန် တောင်ဖက်ပိုင်း ကို ကျွှန်တော်ပြန်လို့  လားဖို့  စွာဖြစ်ပါရေ ။ ဒေယုံကြည်ချက်နာင့် ပါတ်သက်လို့ ကျွှန်တော်ရို့  ၏ စိတ်ဝမ်းကွဲပြားမူ အသံဗလံတိကို အတူတကွ ပူးပေါင်းဆောင်ရွက်ခြင်းဆိုရေ မင်္ဂလာလုပ်ငန်းတိနာင့် လှပရေ အသံတိအဖြစ် ပြောင်းလဲ နိုင်ရပါ လိမ့်မယ်။ ဘုရားသခင်၏ အားလုံးသော သားတော်တိမှာ အဓိပ္ပါယ်ဖွင့်ဆိုချက် အသစ်တိနာင့် တေးသီချင်းတွေ ဆိုလာရေအခါ ဒေချင့်တိကို လူသားတိုင်းကြားကတ်လာရစွာပါဒေ။ ကျွှန်တော်ရို့  နိုင်ငံက သင်ရို့ အတွက် တေးခင်းဆိုနိန်ပါရေ ဒေ။ တေးခင်းဆိုနိန်ရေ ယင်းကုန်းမြီမှာ ကျွှန်တော့် အဖ သီဆုံးခရပါရေ ။ ဘုရားဖူးခရီးသည်တိ၏ စိတ်ထဲကမာနတွေနာင့် ယင်းပိုင်ကုန်းမြီကို ရောက်တေအခါ တောင်ကုန်းတဖက်တချက်၏ နိန်ရာတိုင်း နိန်ရာတိုင်းက တေးခင်းသံတိ မြည်ဟီးထွက်လာစွာကို ကြားခွင့် ရှိလာပါဖို့ ယေ ။ နောက်ဗြီးကေ အမေရိကန်နိုင်ငံဆိုစွာ ကြီးကျယ်ရေ နိုင်ငံဖြစ်တေပိုင် အမှန်တရားတိကလဲ မလွှဲမသွေ ဖြစ်လာပါဖို့  ရာ ။ နယူးယောက်၏ မြင့်မားရေ တာင်တန်းတိဖက်က လွပ်လွပ်ရီးတေးခင်းသံတိ မြည်ဟီးလာကတ်ပါလိမ့်မေ။ ပင်နီဆီဗီးနီးယားပြည်နယ်၏ အထွဋ်အထိပ်ဖြစ်နိန်ရေ အယ်လ်လီဂျီနစ်ကလဲ လွပ်လွပ်ရီးတေးသံတိ ကြားလာပါဖို့  ။
        ကော်လာရာဒိုပြည်နယ်၏ ဆီးနှင်းတိ ဖုံးနိန်ရေ ကျောက်ဆောင်တိ တောင်ထိပ်တိထက်မှာ လွပ်လွပ်ရီးတေးခင်းသံတိကို ကြားလာကတ်ပါလိမ့်မေ ။ ကာလီဖိုးနီးယားပြည်နယ်က စွဲမက်စရာကောင်းရေ တောင့်တင်းလှပရေ ကလေမေတိက ဆင်ခြီလျှောထိုင်နိန်ရင်း လွပ်လွပ်ရီးတေးခြင်းသံတိ ကြားလာကတ်ပါလိမ့်မေ ။ ဒေချင့်ကား တနိန်ရာတည်း တခုတည်းမှာ ထွက်ပေါ်န်ိန်စွာကား မဟုတ်ပါကား ။ ဂျော်ဂျီယာပြည်နယ်၏ ကျောက်တောင်တန်းတိ ၊ တင်နက်ဆီပြည်နယ်က သတိဝိရိယနာင့် ကြည့်ရှူနိန်ရရေ တောင်တန်းတိ ၊ မစ္စစပီပြည်နယ်၏ တောင်ပို့တိနာင့် တောတိုင်းတောင်တိုင်းတိ၏ ယင်းနိန်ရာတိ လွပ်လွပ်ခြင်းဆိုရေ တေးခြင်းသံတိ တုန်ဟီးလာကတ်ပါလိမ့်မေ ။ 
    ယင်းချင့်မှာ လွပ်လွပ်ခြင်းဆိုရေ တေးခြင်းသံတိ တုန်ဟီးထွက်ပေါ်လာရေအခါ ကျေးရွာတိုင်း၊ဇနပုဒ်တိုင်း၊ ရွာသိမ်တိုင်း၊ ရွာငယ်တိုင်း၊ ပြည်နယ်တိုင်း၊ မြို့ နယ်တိုင်းမှာ ဒေအသံတိ ကြားလာကတ်ပါလိမ့်မေ ။ ယင်းနိန့် ကို ကျွှန်တော်ရို့  အမြန်ဆုံးရောက်အောင် လားကတ်ပါဖို့  ။ ဘုရားသခင်၏ သားသမီးများ ဖြစ်တေအတိုင်း လူမဲနာင့် လူဖြူ၊ ဂျူးလူမျိုးနာင့် ဂျူးလူမျိုးမဟုတ်သူတိ ၊ ရိုတက်စတင့်နာင့် ကတ်သလစ်ဘာသာဝင်တိ အတူတူ လက်ချင်းဆက်ဗြီး လွပ်လွပ်ရေးတေးခင်းတိ ဆိုကတ်ပါမေ။ နောက်ဆုံးမှာ ငါရို့  လွပ်မြောက်ရပါဖို့ ။ နောက်ဆုံးမှာ ငါရို့  လွပ်မြောက်ပါဖို့ ။ ဘုန်းခိုးတော်အနန္တနာင့် ပြည့်စုံသော ဘုရားသခင်ကို ကျေးဇူးတော် တင်ပါရစီ ။ ကျွှန်တော်ရို့ စွာ နောက်ဆုံးမှာ လွပ်မြောက်ရပါလိမ့် မေ ။ ယေဇူးနာင့်လဲ မိတ်ဆွေရို့ ကို ကျွှန်တော် ပြောလိုက်ပါယင့် ။ ကျွှန်တော့်မှာ အိပ်မက် တခုဟိန့်  ပါရေ ။


ခိုင်အောင်ကျော်( နယူးယောက် )

ငါရို့  ၏ တိုက်ပွဲ နက်ဖန်ခါ

မုန်တိုင်း၏ သင်င်္ချိုင်းပေါင်းများစွာမှာ
ကဗ္မည်းမဟိန့် အုတ်ဂူတိထက်
ရင်ခုန်သံကျိန်စာ မငြိမ်းလီသမျှ
မှတ်တိုင်ပျောက် အမာရွတ်ပုံရိပ်တိပိုင်
ဇွတ်တရွတ် လှလှပပ နိုင်းပြခစွာမနား
သွီးမုန်တိုင်း လှိုင်းတံပိုးနာင့်
ငါရို့  ၏ တိုက်ပွဲ နက်ဖန်ခါ ။။။။။။။။။။။။။။။
  အတ္တမဟိန့် လောကမှ မဟုတ်စွာ 
 တောင်ပံခတ် ကန္တာရ၀ီဟင်ထဲ
ဆန္ဒ ခြီလှမ်းပေါင်းများစွာနာင့်
 ဦးတည်ချက် ပြတင်းပေါက်ကို 
 ဖွင့်ကြည့်မိဗျန်မနား အာရုဏ်ဦး
 ပြပြမြင်ဆဲယေ ရင်ဘတ်အတွီး
 လက်သီးဆုပ်တိထဲက ရုပ်သီးးပြတိုက်ထဲမှာ
 သွီးကြောတိ တင်းနိန်ဆဲနာင့် 
 ငါရို့  ၏ တိုက်ပွဲ နက်ဖန်ခါ ။။။။။။။။။။။။။။။။။ 
 အရိုးတိ တောင်ပိုင် ပုံမိဗျန်ချင့်
 အောက်ဆုံးအရိုး ဖြစ်ရစိမေ 
 တရွိရွိ စိတ်ခြီလှမ်းတိနာင့်ဲ့ 
 အလံမလှဲ တိုက်ရဲသူတိအတွက်
 နာကျဉ်းခြင်း လောကတဖက်မှာ
 ရဲရင့်ခြင်း မုဒ်ဦးဘားသို့  ရင်တွင်းထဲ
 သွီးသံရဲရဲနာင့် ငါရို့  ၏ တိုက်ပွဲ နက်ဖန်ခါ ။။။။။။။။။။။။။။။။။။။။။။။။။။။။။။။။။ 
ဝိဥာဉ်တိက ငိုကြွီးသံ မကြားပါမနား
 ရှုံးနိမ့်ခြင်း သင်္ကေတက မဟိန့် စွာ 
အိမ်မက်ဆိုးည အကြိမ်ပေါင်းများစွာနာင့်ရာ
 ယင်းပိုင်ကမ္ဘာမှာ ပုံရိပ်မဟိန့် 
ရွှီနန်းတော်ဘား ပျော်တော်ဆက်
သာခြင်း ဆိုယင်းပင်း 
ကဗျာလွတ် အကချေကလို့ ရာ 
 သောကက ရက်ပြတ်ရက်ပြတ်
ဝင်ဆဲ သော်ကပန်းက လှလှပပပွင့်လို့ 
 နမ်းမိတိုင်း သွီးရနံ့တိ ပါနိန်မနားယေ 
လက်တိကို ဆန့် ထား ရဲရဲနာင့်
ငါရို့  ၏ တိုက်ပွဲ နက်ဖန်ခါ ။။။။။။။။။။။။။။။။။။။။။။။။။။။။။။။။။
အကြိမ်တရာ မက အံကြိတ်ဗျန်
ပြထားလိုက်ကတ်ယေ 
ဘ၀၏ သရဖူတိကို ဆောင်းပီးဖို့  
ပြတိုက်ထဲမှာ မီးထွန်းကာ ပူဇေါ်လို့  
လက်တိကို ဆက်ထားလိုက်ကတ်
အတွီးတိကို ကို ပီးဆပ်လိုက်ကတ် 
အနာဂါတ်က လက်ယပ်ပြရေ အခါ
ငါရို့  ၏ တိုက်ပွဲ နက်ဖန်ခါ
သွီးတစက်လောက် ဖေါက်ကြည့်ကတ်ဖို့  ရာ ။။။။။။။။။။။။။။။။။။။။။။။။။။။။။။။။။။။ 

ခိုင်အောင်ကျော်(နယူယောက်)

အမေရိကန်ရောက် ရခိုင်လူမျိုးတိ ညီလာခံ ကျင်းပရန်စီစိုင်

   ဒေ အခု လာဖို့ -၂၀၁၁-ခုနှစ် ဇူလိုင်လ-၁၆-ရက်-စနိန်နိန့် မှာ အမေရိကန်ရောက် ရခိုင်လူမျိုးတိက ရခိုင်ငံတော်နာင့် ပါတ်သက်လို့  ဇါပိုင်လုပ်ကတ်ဖို့ လဲ ဆိုပနာ နယူးယောက်မြို့ မှာ ညီလာခံကျင်းပဖို့  စီစိုင်နိန်ကြောင်း သတင်းကြားရပါရေ ။
        ယင်းပိုင်ညီလာခံကို ကျင်းပရေအခါ နိုင်ငံတကာမှ စိတ်ပါဝင်စားရေ ရခိုင်လူမျိုးတိကိုလဲ ( Skype ) ဖွင့်ပီးပနာ တိုင်ပင်အကြံပီး တင်ပြနိုင်ကြောင်းလဲ သိရပါရေ ။ အမေရိကန်နိုင်ငံ နယူးယောက်မြို့  စံတော်ချိန် မိုးထဖက်-၉-ချက်တီးမှာ ညီလာခံကျင်းပဖို့ လို့ လဲ သိန်ိန်ရပါရေ ။ ယင်းအတွက်နာင့် နိုင်ငံတကာမှ ပုဂ္ဂိုလ်တိက ကိုယ်ရို့  ဟိန့် နိန်ရေ နိုင်ငံ၏ အချိန်နာင့် ကိုက်ဗြီးကေ ၀င်ရောက်အကြံပီး နိုင်ကြောင်း သိရပါယင့် ။
          ယင်းပိုင်ညီလာခံကျင်းပရေအခါ ရခိုင်နိုင်ငံတော် ကိုလိုနီဖျက်သိမ်းရီးကိစ္စ ၊ လက်နက်ကိုင်တော်လှန်ရီးအဖွဲ့ ကို ထောက်ပံ့ကူညီရီးကိစ္စ ၊ ရခိုင်ပြည်အစိုးရဖွဲ့ စည်းရီးကို သဘောတူဆုံးဖြတ်ရီးကိစ္စတိ ပါဝင်ပနာ အခြားနိုင်ငံတကာမှာ ဖြစ်ပျက်နိန်ကတ်တေ အဖွဲ့ အစည်းတိနာင့် လူမူရီး ပြသနာတိကို ညှိနိုင်းတိုင်ပင် လားကတ်ဖို့ လို့ လဲ သတင်းကြားရပါရေ ။ နယူးယောက်မြို့  ညီလာခံကို တက်ရောက်နိုင်သူတိမှာ ဇါအဖွဲ့ အစည်းကမဆို တက်ရောက်နိုင်ဗြီးကေ ရခိုင်နိုင်ငံတော်နာင့် ရခိုင်လူမျိုးအတွက် အကျိုးဟိန့် ရေ အကြံပီးချက်တိကို မှတ်တမ်းတင်ဆောင်၇ွက်လားဖို့  ဖြစ်တေလို့ လဲ သတင်းကြားသိရပါရေ ။


လေးဝတီ

Thursday, June 23, 2011

ပြည်မဘက်သို့ ယူဆောင်လားရေ အချေ ခုနှစ်ဆယ်ကျော် သတင်းအမှောင်ချထားဟုသိရ

စစ်တွေ။ရခိုင်ရိုးမ။ ။ မဟာမုနိဗုဒ္ဓ၀ိဟာရကျောင်း(အချေကျောင်း) ဆရာတော်ဦးပညာစာရကို ဖမ်းယူလားပြီးနောက် ကျောင်းမှာရှိရေ မိဖမဲ့အချေ ကိုးဆယ်ကျော်ကို       ပြည်မဘက်သို့ ယူဆောင်လားပြီးနောက် အချေတိနန့် ပတ်သက်တေသတင်းတိကို အာဏာပိုင်တိက သတင်းအမှောင်ချထားကြောင်း သိရပါရေ။ 
        “ပြောဖို့ဆိုကေ ဒေအချေတိကို ဇာမှာထားလဲဆိုစာ အတိအကျပြောဖို့ ခက်နီရေ၊ တချို့ကလည်း စစ်တပ်ထဲသွင်းလိုက်စာတိရှိရေလို့   ပြောသံကြားရေ၊ အမ်းမြို့နယ်မှာ ၈-ယောက်ကျန်ခရေလို့တော့ သတင်းရရေ၊ ဂုစစ်တပ်ထဲမှာလတ်၊ နောက်အချေတိတော့ခါ မန္တလေးမှာလိုလို ရန်ကုန်မှာလိုလို ကြားရရေ”လို့ ဆရာတော်၏ ဆွေမျိူးတဦးက ရခိုင်ရိုးမကို ပြောပြပါရေ။ အချေတိကို ဇာနိန်ရာမှာထားရေဆိုစွာကို ပြည်မသို့ပါလားရေ အချေတိ၏ဆွေမျိုးတိက သိချင်နိန်ကတ်တေပိုင် တွိလိုရေဆန္ဒရှိကြောင်း ဆွေမျိုးတိက      ပြောပြပါရေ။
             ပြည်မသို့ယူဆောင်လားရေ အချေတိစွာ ၃နှစ်လောက်သားအချေတိဖြစ်ပြီးကေ သက်၊ ဒိုင်းနက် အချေတိလဲပါရေလို့ သိရပါရေ။ ဆရာတော်ကိုဖမ်းဆီးလို့ ၃ရက်အကြာ အချေတိကို စစ်တွေလူမှုဝန်ထမ်းနန့် စစ်တပ်က ယူဆောင်လားခြင်းဖြစ်ပြီးကေ တချို့အရွယ်ရောက်ရေ အချေတိကိုလည်း စစ်တွေအရံရဲတပ်ဖွဲ့မှာ ထားရေလို့သိရပါရေ။ အချေကျောင်းက ရထားရေစာရင်းတခုအရ ကျောင်းတွင်း မိဘမဲ့အချေတိ အရေအတွက်မှာ သုံးနှစ်အရွယ် အထက်ရှိ ကလေး ၅၇-ယောက်ရှိပြီးကေ ၃-နှစ်အောက်အချေ ၃၈-ယောက်ရှိခကြောင်း သိရပါရေ။ 
       ယင်းအထဲမှာ ၃-နှစ်က ရ-နှစ်အရွယ်အချေ(၇၀)ကို ပြည်မဘက်သို့ ယူလားခြင်းဖြစ်ပြီးကေ နောက်ပိုင်းထားရေနီရာကို အာဏာပိုင်တိက သတင်းအမှောင်ချထားခြင်းဖြစ်ကြောင်း သိရပါရေ။ အဂုခါရေ အဆိုပါ မဟာမုနိဗုဒ္ဓ၀ိဟာရကျောင်း(အချေကျောင်း)ကို ပုသိမ်ကျောင်းက ထိမ်းသိန်းထားပြီးကေ လူအ၀င် အထွက်မရှိရန်အတွက် အာဏာပိုင်တိက မှာကြားထားကြောင်းသိရပါရေ။ 
        ဆရာတော်ဦးပညာစာရကို ၂၀၁၀ခုနှစ် ဇူလိုင်လ ၂၇-ရက်နိက စစ်တွေ အာဏာပိုင်တိက မာတုကာမနန့်ဖောက်ပြားရေလို့ စွဲချက်နန့် ဖမ်းဆီလားပြီးကေ ၂လ အကြာ စက်တင်ဘာ၃၀-ရက်နိက စစ်တွေခရိုင်တရားရုံးကနီ       သာသနာတော်ညိုးနွမ်းစီမှု၊         ယုံကြည်အပ်နှံမှုကို        ဖောက်ဖျက်မှု၊
နိုင်ငံခြားငွေလဲလှယ်မှု စည်ပင်အက်ဥပဒေမှု စရေ စွဲချက်တိနန့် ထောင်ဒဏ် ၈-နှစ် ၃-လချ မှတ်လိုက်ခြင်းဖြစ်ပါရေ။ သရက်ထောင်မှာ အကျဉ်းကျခံနီရရေ ဆရာတော်၏အမှုကို ပြည်နယ် ဗဟိုအဆင့်ဆင့် အယူခံတင်နီကေလည်း ပလပ်မှုတိနန့် ကြုံနီရကြောင်း သိရပါရေ။

ကျောက်ဖြူမြို့နယ်မှာ မြီယာကွက်တိကို တရုတ်က ၀ယ်ယူလာ၊ တာတမံတိကို အိမ်ရာခြံမြီအဖြစ် အသုံးပြုလာရ

ကျောက်ဖြူ။ ။ ဒုတိယ စင်ကာပူဟု ဒေသခံအများစု တင်စားနီရေ ကျောက်ဖြူမြို့နယ်မှာ အိမ်ရာခြံမြီတိကို ပြည် တွင်းပြည်ပ စီးပွားရေးလုပ်ငန်းရှင်တိက ၀ယ်ယူလာရေအတွက် ပြည်သူတိအနီနန့် တာတမံတိကိုဆည်ဖို့ပနာ အိမ်ရာခြံမြီ အဖြစ် အသုံးပြူလာရကြောင်း သိရပါရေ။ “နယ်တိမှာလဲ မြီကွက်တိကို လုပ်ငန်းရှင်တိဝယ်လာခါ ဒေသခံတိအတွက် မြီကွက်ရှားပါးလာရေ၊ မြီကွက်တိလဲ ဈီးကြီးလာခါ၊ မ၀ယ်နိုင်ကတ်ဗျာယ်၊ တာတမံတိကိုဆယ်ပနာ အိမ်ခြံလုပ်နီရရေ”လို့ ကျောက်ဖြူမြို့ ရခိုင်ပိုက်ဆိပ်ရပ်ကွက်က ဒေသခံတယောက်က ရခိုင်ရိုးမကိုပြောပါရေ။ အိမ်ခြံမြီတိအတွက် ကျောက်ဖြူမြို့ ကုလားပိုက်ဆိပ်ရပ်ကွက်ရှိ တာတမံတိကို ဒေ၀ူးကုမ္ပဏီက တာဝန်ယူဆည်ဖို့လားဖို့ဖြစ်ပြီးကေ အဆိုပါမြီကွက်မှာ ရခိုင်အတွက် အိမ်ခြံငါးရာနန့် မူဆလင်ဘာသာဝင်တိအတွက် အိမ်ခြံလေးရာကို အစိုးရကချဖို့ဖြစ်တေလို့ သိရပါရေ။ “အစခါတော့ မူဆလင်ဘာသာဝင်တိအတွက် မပါပါ။ ယေလဲနောက်ပိုင်းမှာ မူဆလင်ဘာသာဝင်တိအတွက် အိမ်ခြံမြီလေးရာဆိုပနာ မြို့နယ်အာဏာပိုင်တိက သတ်မှတ်လိုက်တေ”လို့ အမည်မဖော်လိုရေ ၀န်ထမ်းတဦးက ဆိုပါရေ။ အဆိုပါတာတမံကို ဒေနှစ်မိုးအကုန်မှာ အပြီးဆည်ဖို့လားဖိုရှိကြောင်း စုစုပေါင်း အိမ်ခြံမြီကိုးရာအထိ နိန်နိုင်ဖို့အတွက် စီစဉ်ထားကြောင်း သိရပါရေ။ “ယင်းတာတမံရေ အရင်က ငါးလုပ်ငန်းဦးစီးဌာနက မွေးမြူရေးလုပ်ခစွာပါ၊ ယင်းချင့်ကို ဒေ၀ူးကုမ္ပဏီ မြီဆည်ဖို့လုပ်နီပါရေ။ အိမ်ခြံမြီတိအတွက်၊ ပြည်သူတိနီဖို့အတွက်ကို အစိုးရကချပီးပါဖို့၊ ဖေ့သာနန့်လား၊ အလကားလားဆိုစာ ခုထိမပြောသိမ့်”လို့ အဆိုပါ ဒေသခံကပြောပါရေ။ ကျောက်ဖြူမြို့နယ်မှာ ပတ်လည်ပေတရာကျော်ရှိရေ အိမ်ခြံမြီတကွက်ကို ရှစ်သိန်းကနိန် သိန်းသုံးရာအထိ ဈီးပေါက်နီကြောင်း ဂုံးချိန်၊ အုန်းတောကျေးရွာနန့် မလကျွန်းကျေးရွာရို့မှာရှိရေ မြီကွက်တိကို ပြည်တွင်းပြည်ပ စီးပွားရေးလုပ်ငန်းရှင်တိ ၀ယ်ယူနီကတ်ကြောင်းသိရပါရေ။ “ဒေမြီတိက နောင်တချိန်မှာ တန်ဖိုးရှိလာဖို့လေ၊ ယင်းအတွက် ပြည်တွင်းပြည်ပ စီးပွားရေးသမားတိက အများဝယ်ယူနီကတ်တေ၊ ဈီးနှုန်းကတော့ခါ အိမ်ခြံမြေပိုင်ရှင် တောင်းရေအတိုင်းဖြစ်နီရေ၊ ယင်းအတွက် ဒေသခံတိက အိမ်ယာခြံမြီတိ မ၀ယ်နိုင်ကတ်ဗျာ၊”လို့ ကျောက်ြဖူက ခြံမြီပွဲစားတဦးက ရခိုင်ရိုးမကိုပြောပါရေ။ ပြည်သူ့လွှတ်တော်ဥပဒေမူကြမ်းကော်မတီဝင်ဖြစ်တေ ရခိုင်တိုင်းရင်းသားများတိုးတက်ရေးပါတီမှ လွတ်တော်အမတ် ဦးဘရှိန်က နောက်ပိုင်းကာလ ကျောက်ဖြူမြို့ရှိ မြီယာကွက်တိကို ပြည်သူတိ ဆုံးရှုံးလားဖို့ အနီအထားရှိကြောင်း ရခိုင်ရိုးမနန့် မီးမြန်းချက်တခုမှာ ပြောဆိုခဖူးပါရေ၊ ကျောက်ဖြူမြို့နယ်မှာ နီရာအနှံ့အပြား စီမံကိန်းအဆောက်အဦးတိ တိုးချဲ့လာရေအတွက် တာတမံတိကို အိမ်ခြံမြီအဖြစ် အသုံးပြုရန် ဦးတည်လာကတ်ခြင်း ဖြစ်ပါရေ။ မြို့နယ်မြီစာရင်းရုံးက အမည်မဖော်လိုရေ ၀န်ထမ်းတဦးကမူ ကျောက်ဖြူမြို့မှာ လူနိန်ထူထပ်လာရေတွက် ကွက်လပ်တာတမံတိကို အိမ်ခြံမြီအဖြစ် အသုံးပြုစွာဖြစ်တေလို့ ဆိုပါရေ။ ကျောက်ဖြုဒေသံတိအပြောအရ ကျောက်ဖြူမြို့နယ်တိ မြီကွက်တိကို တရုတ်တိက ထိန်းချုပ်လာနိုင်ကြောင်း သုံးသပ်ကတ်ပါရေ။

Wednesday, June 22, 2011

ရခိုင်သားရို့  လက်ညီတက်ညီ လုပ်ဖို့ဆိုကေ

           ရခိုင်နိုင်ငံတော်ကို ပြန်လို့ ရဖို့အတွက် ကိုလိုနီဖျက်သိမ်းရီး ကော်မီတီရုံးမှာ အစီရင်ခံစာတမ်းတင်ပြီးကေ ရခိုင်သမိုင်းမှန်ရေအတွက် လွပ်လွပ်ရေး ရလားဖို့စွာနန့် ပါတ်သက်လို့ လေ့လာထားစွာတိကို စာရွီးလိုက်ပါရေဒေ၊ ယင်းချင့်ကတော့ခါ ယင်းကိုလိုနီဖျက်သိမ်းရီးးရုံးမှာ ယင်းပိုင်တင်ပြတောင်းဆိုခလို့ လွပ်လွပ်ရီးး ရလားခရေ နိုင်ငံတိ စာရင်းကို ကမ္ဘာ့ကုလသမဂ္ဂမှတ်တမ်းမှာ ဖေါ်ပြထားစွာ ဟိပါယင့်ယေ ၊ ယင်းရုံးနန့် ပါတ်သက်လို့ ထုတ်ပြန်ထားစွာတိမှာ အတိအကျ ဖေါ်ပြထားစွာ ဟိပါရေကာ ၊ ဒေပိုင်နိုင်ငံတိ လွပ်လွပ်ရီး ရလားစွာကို တွိရရေ အခါ ကျွန်တော်ရို့  ရခိုင်နိုင်ငံတော် အတွက် ကောင်းကောင်းပင် ကြက်သီးထခမန်း စိတ်ထဲမှာ ခံစားရမိကတ်ပါရေယေ၊ 
           ဇါဖြစ်လို့လဲ ဆိုကေ ယုံကြည်စိတ်ချရမှူတိရေ မှေးမှိန်နီရေ အချိန်တိကို ဖြတ်ကျော်လို့ လားခပါဗျန်မဟုတ်ပါလားချင့် ၊ ကျွန်တော်ရို့ က ကြိုးစားလို့ ဒေအချိန်မှာ ကိုလိုနီဖျက်သိမ်းရီး ကော်မီတီက လွပ်လွပ်ရေး မပီးနီသိတိုင်အောင် ရခိုင်တော်လှန်ရေး လက်နက်ကိုင်တိ ဟိနီသမျှ ၊ ရခိုင်နိုင်ငံရေးသမားတိ ဟိနီသမျ ၊ ရခိုင်သမိုင်းသုတေသီတိ ဟိလီသမျ ၊ ရခိုင်နိုင်ငံတော် ဟိနီသမျှ တနိန့် မှာ မုချလွပ်မြောက်ရဖို့ ဆိုစွာကတော့ ကျိန်းသီပါရာယေ၊ မျက်မှောက်ကာလမှာ ရခိုင်နိုင်ငံတော်၏ ကံကြမ္မာရေ ကျွန်တော်ရို့တိ လက်ထဲမှာ ဟိပါရေ ၊ ဒေနိုင်ငံတော်ကို ကိုလိုနီကျွန်ဘ၀က လွပ်မြောက်အောင် ကျွန်တော်ရို့  ရခိုင်လူမျိုးတိုင်းမှာ တာဝန်ကိုယ်စီ ဟိကတ်ပါရေ၀ါ ၊
        ယေဇူးနန့် ဒေသမိုင်းပီး တာဝန်ကို လူတိုင်းကျရာနီရာက ယူပြီးကေ လုပ်ကိုင် ဆောင်ရွက်ဖို့ လိုပါရေမနားယေ ၊ ယင်းပိုင်သမိုင်းပီးတာဝန်ကို လုက်ခကေ ရခိုင်နိုင်ငံတော် လွပ်မြောက်လားပါဖို့လားလို့ စိတ်ထဲမှာ တစိချေလောက် မတင်မကျ ဟိနီချင်ကေလဲ ဟိနီကတ်ဖို့လို့ ထင်မိပါရေဒေ၊ နားမလည်လို့ ၊ မရှင်းလင်းလို့ ၊ နိုင်ငံရေး အခြီအနီတိကို မသိကတ်လို့ ၊ ဟိချင်ကေ ဟိပါဖို့လို့လဲ ထင်ပါရေ ၊ ယင်းချင့်ကို သိစီချင်ရေ အတွက် ဒေပိုင် ရီးပြီးကေ တင်ြ့ပရီးလိုက်စွာ ဖြစ်ပါရေဒေ၊ ပထမဆုံး အနိန်နန့် ကိုလိုနီကျွန်ဘ၀ကို ရောက်ခရေ နိုင်ငံတိ လွပ်လွပ်ရီး ရလားခစွာကို ကုလသမဂ္ဂက မှတ်တမ်းထုတ်ပြန်ထားစွာကို တင်ပြလိုက်ပါရေ ၊ ယင်းချင့်ရေ ယင်းရုံးကနီပြီးကေ ကြီးကြပ်ပီးရေအတွက် လွပ်လွပ်ရေး ရစွာနိုင်ငံပါလို့ အတိအကျ ဖေါ်ပြထားစွာပါရာယေ၊ အောက်မှာ ယင်းရုံးက ရီးထားရေ အတိုင်းဖေါ်ပြလိုက်ပါယင့်၊၊ The following Trust Territories are or were supervised by the Council ( 1 ) Western Samoa ( Newzealand ) Independence - 1962- Samoa ( 2 ) Tanganyika - ( Great Britain ) Independence - 1962 ( 3 ) Ruwando- Burundi - ( Belgium ) Independence - 1962-Burundi Independence - 1962- Ruwando ( 4) Cameroons ( Great Britain ) Independence - 1960- Republic of Cameroons ( 5 ) Cameroons ( France ) Independence- 1960- Republic of Cameroons ( 6 ) Togo land ( Great Britain ) Independence United with Ghana - 1957 ( 7 ) Togo land ( France ) Independence- 1975- Togo ( 8 ) New Guinea -( Australia ) Independence -1975, Papua- New Guinea ( 9 ) Nauru ( Australia, New Zealand, Great Britain Independence- 1975- Nauru ( 10 ) Somali land ( Italy ) Independence - 1960- Republic of Somalia ( 11 ) Pacific Island- ( USA ) 1990, security Council
        ဒေပိုင် နိုင်ငံတိက လွပ်လွပ်ရေးကို ရလားခကတ်တေလို့ ဆိုကေ ရခိုင်နိုင်ငံတော်ကိုလဲ လွပ်လွပ်ရေး ရလားအောင် အသူ့မှာ တာဝန်ဟိကတ်ပါဖို့လဲယေ ၊ ရခိုင်နိုင်ငံတော်၏ ကံကြမ္မာကို ရခိုင်လူမျိုးတိုင်းက ဖန်တီးယူရဖို့ လိုရေ မဟုတ်ပါလားယေ ၊ ယေကေ ဒေကိစ္စကို ကိုလိုနီရုံးမှာ အစီရင်ခံစာ တင်သွင်းရေ အခါ ရခိုင်လူမျိုးတိမှာ ဒေအကြောင်းအရာတိကို ၊ ရခိုင်သမိုင်းတိကို ရှင်းလင်းပြဖို့ သမိုင်းပိုင်ညာရှင်တိ လိုလာပါရေကာ ၊ ရခိုသားသမိုင်းဆရာတိက ရခိုငသမိုင်းတိကို တင်ြ့ပရေပိုင် နိုင်ငံခြားသား သမိုင်းသုတေသီတိလဲ လိုအပ်လာပါရေ ၊ ဇါဖြစ်လို့လဲ ဆိုကေ ကိုလိုနီဖျက်သိမ်းရီးရုံးက ကြားနာပွဲလုပ်ပနာ အစီရင်ခံစာကို လုပ်ကိုင်ဆောင်ရွက်လာဗျန်ဆိုကေ ရခိုင်သမိုင်းကို ရခိုင်လူမျိုးတိက အချက်အလက်တိနန့် တင်ပြရပါဖို့ယေ ၊ ယင်းတင်ပြချက်တိကို မှန်ကန်ကြောင်းပြောရေအတွက် ယင်းအဆိုကို ချေပဖို့ ဗမာစစ်အစိုးရက ဗမာသမိုင်းပညာရှင်တိနန့် ကာကွယ်ပြောဆိုလာဖို့စွာတိ ဖြစ်လာနိုင်ပါရေယေ၊ ယင်းချင့်ကို ပိုင်ပိုင်နိုင်နိုင် ရခိုင်သမိုင်းနန့် ပါတ်သက်လို့ စာတမ်းပေါင်းများတိကို အကိုးအကားလုပ်ပြီးကေ တင်ပြနိုင်ခကေ ကိုလိုနီဖြစ်နီရရေ ဆိုစွာကို ကမ္ဘာမှာ အသိအမှတ်ပြုရလာပါဖို့ယေ ၊ ယေကေလဲ စိုင်းစားစရာ တခုက ကိုလိုနီဖျက်သိမ်းရေးကော်မီတီမှာ တရုပ်နိုင်ငံက ပါနီပါရေ ၊ အခုလက်ဟိ ပြင်သစ်နိုင်ငံက ဥက္ကဌ ဖြစ်ပြီးကေ ဒုတိယ ဥက္ကဌက ဗြိတိန်နိုင်ငံက ဖြစ်နီပါရေ ၊ တရုပ်နိုင်ငံက ယင်းပိုင်လွပ်လွပ်ရေးပီးရဖို့စွာကို မပီးရအောင် ဗမာစစ်အစိုးရဖက်က ဗီတိုအာဏာကို သုံးလို့ လုပ်ချင်ကေ လုပ်လားနိုင်ပါရေယေ ။
           ဇါပင်ဖြစ်ဖြစ် ကိုလိုနီဖျက်သိမ်းရီး ကော်မီတီ ရုံးမှာ ရခိုင်နိုင်ငံတော် အကြောင်းကို လွပ်လွပ်ရေးပီးဖို့အတွက် တောင်းဆိုခနိုင်ကေ ရခိုင်လူမျိုးတိအတွက် ကျွန်ဘ၀က ကျိန်းသီလွပ်မြောက်ဖို့စွာကတော့ တနိန့် မဟုတ်ကေ တနိန့်  မုချ ဖြစ်လာပါဖို့ရာ ၊ ယေဇူးနန့် ရခိုင်သားတိရေ မြန်မာနိုင်ငံက တိုင်းရင်းသား လူမျိုးမဟုတ်ဘဲ ကျွန်ပြုခံနီရရေ လူမျိုး ဆိုစွာကို အခုလက်ဟိ တိုင်းရင်းသားလို့ပြောနီကတ်တေ ရှမ်း ၊ ချင်း ၊ ကရင်၊ ကချင် ၊ ကယား ၊ မွန် ၊ ဗမာတိ ကြားမှာ ကြေညာချက်ထုတ်လို့ တမျိုး ၊ စာနန့် တမျိုး အသိပီး ပြောထားရဖို့လိုပါရေဒေ၊ သမိုင်းအမှန်ကို သိမှ ၊ ပစ္စုပန်မှာ ဖြစ်နီရေ ဘ၀ကိုသိမှရာ ၊ အနာဂါတ်မှာ ရခိုင်နိုင်ငံတော် ကံကြမ္မာကို ဖန်တီးနိုင်ဖို့ ရခိုင်သားတိ တက်ညီလက်ညီ လုပ်ခကတ်ဖို့ ဆိုကေ ကျွန်တော်ရို့မျှော်မှန်းနီရေ ရခိုင်နိုင်ငံတော်မှာ ဗဟိုရ်စည် သောသောညံလို့ ဟိလာပါဖို့ဗျန် ၊
    

ခိုင်အောင်ကျော် ( နယူးယောက် )

သီရီသုဓမ္မသိဂီ င်္ခြင်္သေ့သုံးကောင်ဆီလိပ်ခုံ ပိုင်ရှင် ဒေါ်မညွန့် စိန်ကွယ်လွန်

      ရခိုင်ပြည်မှာ အချမ်းသာဆုံး စာရင်းဝင် စစ်တွမြို့ က ဘုရားအလှူ ကျောင်းအလှူ ဇရပ်အလှူ ရဟန်းဒါယာကာမ သိရိသုဓမ္မသိဂီင်္ဘွဲ့  ရ -ခြင်္သေ့ သုံးကောင် ဆီးလိပ်ခုံ ပိုင်ရှင် -ဒေါ်မညွန့် စိန် - ( ဦးမောင်ရှီ ကွယ်လွန်သူမယား ) လူကြီးရေဂါနာင့် အသက်-(၉၀) မှာ ဒေနိန်မိုးထက ( ရ - ချက်တီးလို့  -၄ရ မိနစ် မှာ ကွယ်လွန် အနိစ္စရောက်လားခရေလို့  သိရပါရေ ။ စနိန်နိန့် ခါ သဂြိုလ်ဖို့ လို့  မိသားစုပြောရီးဆိုခွင့် ရှိသူက ကြေငြာထားပါရေ ။
      သားကြီး ဦးမောင်ဘညွန့်  နာင့် သမီး ဒေါ်မသန်းမြင့် ၊ သမီးငယ် ဒေါ်မအေးစိုး ကျန်ခဗြီးကေ မြီးမြစ်တိနာင့် စစ်တွေမြို့့  ကောလိပ်လမ်းမှာ နောက်ဆုံးနိန်ထိုင်ခရေလို့  ကြားရပါရေ ။ အခုပိုင် ခြင်င်္သေ့သုံးကောင် ပိုင် ရှင် ဒေါ်မညွန့် စိန် ကွယ်လွန်လားခရစွာကို လေးဝတီဝပ်ဆိုက် အဖွဲ့ က မိသားစုနာင့်အတူတူ ၀မ်းနည်းကြောင်း မှတ်တမ်းတင် အပ်ပါရေ ။ 


လေးဝတီ

ကိုလိုနီဖျက်သိမ်းရီး ကော်မီတီက လုပ်ပီးလို့ လွပ်လွပ်ရီးရလားသော နိုင်ငံ

  
အမှန်က ဒေနိုင်ငံကို စိတ်ဝင်စားဖို့      ဖြစ်ရစွာက လူဦးရေအနည်းချေနာင့် လွပ်လွပ်ရီး ရလားလို့ ၊ နောက်တခါ ယင်းပိုင်လွပ်လွပ်ရီးရစွာမှာ လက်နက်ကိုင်တော်လှန်ရီးတိုက်ပွဲကြောင့် သီကတ်ကြီကတ်စွာ မဟိန့် ။ ယင်းချင့်က အဓိက ၊ ယေဇူးနာင့် ယင်းနိုင်ငံကို စိုင်းစားကြည့်မိပါရေ ။နာမည်က ( Palau ) လို့ ခေါ်ပါရေ ။
          ပစိဖိတ်သမုဒ္ဒရာထဲက ကျွန်းစု၊ ဖိလစ်ပိုင်နိုင်ငံက ဆိုကေ မိုင်( ၅၀၀) ကီလိုမီတာက ( ၈၀၀) လောက်ရာ ၀ီးပါရေ ။ ဂျပန်နိုင်ငံ တိုကျို တောင်ဖက်က ဆိုကေ မိုင်-(၂၀၀၀) ကီလိုမီတာဆိုကေ ( ၃၂၀၀) ၀ီးပါရေ ။ ကမ္ဘာမှာ အငယ်ဆုံးနိုင်ငံဖြစ်ဗြီးကေ လူဦးအနည်းဆုံးနာင့် နိုင်ငံချေတနိုငငံလဲ ဖြစ်နိန်ပါရေ ဒေ။ အင်္ဂလိပ်စကားနာင့် လီသံထွက်ကေ ( Belau) လို့  ထွက်ပနာ ပုံမှန်ရာ စကားပြောကေ ( Pelaw ) လို့ ရာ ထွက်ပါရေလတ်။
         လွန်ခရေ နှစ်ပေါင်း(၃၀၀၀ ) လောက်က ဖြစ်နိန်ရေကျွန်းလို့  ဆိုကေလဲ ဖြစ်နိုင်စွာက လွန်ခရေ နှစ်ပေါင်း( ၄၅၀၀) လောက်ကပင် လူတိ နိန်ခကတ်ဗျန်ဆိုပနာ ပြောဆိုနိန်ကတ်ပါရေ ။ Pygmy လူမျိုးတိက နှစ်ပေါင်း(၉၀၀ ) လောက်ကပင် ရောက်နိန်ကတ်ဗျန်လို့  မှတ်တမ်းမှာ ဟိန့် ပါရေ ။ ၁၈-ရာစုမှာ ယင်းကျွန်းကို ဗြိတိန်သျကုန်သွယ်ရီးသမားတိက ရောက်လာပနာ ၁၉-ရာစုမှာတော့ စပန်နစ်လို့ ခေါ်ရေ စပိန်လူမျိုးတိက ကုန်စည်ဖလှယ်ဖို့  ရောက်လာကတ်တေလို့  သိရပါရေ။ ယင်းပိုင်ရောက်လာလို့ လဲ စပိန်နာင့် အမေရိကန် စစ်ပွဲတိဖြစ်ခကတ်ပါရေ ။ ကိုလိနီလုပ်ဖို့  အတွက် နယ်ချဲ့ ပွဲနာင့် စစ်ပွဲတိက ယင်းအချိန်မှာ ကောင်းကောင်းဖြစ်ခကတ်ပါရေ ။ ၁၉၁၄-ခုနှစ်မှာ တခါ ဂျပန်နိုင်ငံလက်အောက်မှာ ဟိန့့် နိန်ခပါသိရေ ။ ယေဇူးနာင့် ဂျပန်နာင့် အမေရိကန် နှစ်နိုင်ငံ ၁၉၄၄-ခုနှစ် ဒုတိယကမ္ဘာစစ်ပွဲကာလအတွင်း စစ်ပွဲကြီးဖြစ်ကတ်ရပါရေ ။
          ယင်းပိုင် ( Battle of Pelaliu) စစ်ပွဲမှာ စက်တင်ဘာလ-၁၅-ရက်နိန့် က နိုဝင်ဘာလ-၂၅- ရက်နိန့် အထိ စစ်ပွဲအတွင်းမှာ အမေရိန်ကစစ်သားတိက (၂၀၀၀ ) လောက် ကျဆုံးဗြီးကေ ဂျပန်စစ်သားတိက ( ၁၀၀၀၀၀ ) ကျဆံးရေလို့  စစ်မှတ်တမ်းမှာ ဟိန့် ပါရေ ဒေ။ ဒုတိယကမ္ဘာစစ်ဗြီးလို့  ကုလသမဂ္ဂလက်အောက်ခံ ကိုလိုနီဖျက်သိမ်း၇ီး လက်အောက်ရောက်လာပါရေ ။ ၁၉၈၁-ခုနှစ်မှာ ( Palau ) နိုင်ငံတော် ဖွဲ့ စည်းအုပ်ချုပ်ပုံအခြီခံဥပဒေကို ရီးဆွဲကတ်ပါရေ ။
             ၁၉၉၁-ခုနှစ်မှာ ထပ်မံပြင်ဆင် ရီးဆွဲကတ်ဗြီးကေ ၁၉၉၄-ခုနှစ်မှာ နိုင်ငံတော်ဖွဲ့ စည်းအုပ်ချုပ်ပုံ အခြီခံဥပဒေကို အတည်ပြုကတ်ပါရေ ။ ဒေနိုင်ငံက ကီလိုမီတာ- ၄၅၉-ကီလိုမီတာ- Km( 196 th )177-Sq-mi ရာ ဟိန့် ပါေ၇ ။ လူဦးရေက ၂၀၁၀ သန်ကောင်စာရင်းကောက်ယူချက်အရ ( ၂၀၈၇၉ ) ဦးရေရာ ဟိန့် ပါရေ ကာ။ ၁၉၉၄-ခုနှစ်မှာ ကိုလိုနီဖျက်သိန်းရီး ကော်မီတီက လွပ်လွပ်ရီးပီးလိုက်လို့  ကမ္ဘာမှာ လူဦးအနည်းဆုံး နိုင်ငံ နာင့် လွပ်လွပ်ရီးရလားစွာမှာ သွီးမြီ တပေါက်မကျခဘဲ လွပ်လွပ်ရီး ရလားစွာ ဆန်းနိန်ရေ မဟုတ်ပါမနား။ ဒေချင့်ကို မျိုးဆက်သစ်ရခိုင်လူမျိုးတိက သတိထားပနာ လုပ်စရာတိကို လုပ်နိုင်ကတ်အောင် တင်ပြလိုက်ရပါရေ ။

လေးဝတီ

Tuesday, June 21, 2011

ဂျပန်နိုင်ငံ လိလာဖို့  ရတပ ပါတီက လူငယ်လွှတ်တော်ကိုယ်စားလှယ်မဟုတ်ဘဲ ဖါးတတ်သူ ပါစတမ်းဖြစ်နိန်ခြင်း

        လာဖို့  ဇူလိုင်လမှာ ဂျပန်နိုင်ငံကို လိလာဖို့  ရွီးကောက်ပွဲအနိုင်ရပါတီထဲက အသက်အငယ်ချေတိကို စာရင်းကောက်ခစွာတိကို ကြားသိရခပါရေ ။ ယင်းပိုင် လားကတ်ဖို့  စွာမှာ ( Japan East Asia Network of Exchange for Students and Youths Programme ) အဖွဲ့ အစည်းက ဖိတ်ကြားစွာ ဖြစ်ပါရေ ။ 
      ဂျပန်အရှေ့အာရှ ကျောင်းသားလူငယ်ကွန်ယက်အဖွဲ့ က နိန်ပနာ ဖိတ်ကြားစွာ ဖြစ်တေအတွက် ရခိုင်ပြည်အစိုးရထဲမှာ ပါဝင်နိန်ရေ ရခိုင်တိုင်းရင်းသားပါတီက လွှတ်တော်ကိုယ်စားလှယ်တိ ဒေပိုင်ခေါ်ယူစွာနာင့်  ပါတ်သက်ပနာ စည်းမျှဉ်းစည်းကမ်းနာင့် ကိုက်ညီကေ လားကတ်ရဖို့  စွာပင် ဖြစ်ပါရေလတ်။ ဂျပန်နိုင်ငံခြားရီးဝန်ကြီးဌါနက အခုပိုင် လားကတ်ဖို့  စွာကို အစီအစိုင်တိ လုပ်နိန်ကေလဲ ဇါနိန့့့် ဇါရက် လားကတ်ရဖို့  စွာကို မသိကတ်ရသိလို့  ရန်ကုန်မှာ ဟိန့် ရေ ဂျပန်သံရုံးက ထုတ်ဖေါ်ပြောပါရေ ဒေ ။
       ၂၀၁၀- ရွီးကောက်ပွဲမှာ နိုင်ငံရီးပါတီထဲက အနည်းဆုံး ( ၁၀ ) ယောက်လောက် အနိုင်ရခကေ ယင်းပါတီက ကိုယ်စားလှယ် လူငယ်တိကို ဂျပန်နိုင်ငံကို လိလာရီးခရီး ထွက်ဖို့  အတွက် အစီအစိုင်လုပ်ကတ်စွာလို့  စပင်စာခေါ်စွာမှာ ရှင်းရှင်းလင်းလင်း ဖေါ်ပြထားစွာပါရာ ။ နိုင်ငံတကာမှာ အခုပိုင် နိုင်ငံခြားတိကို လိလာရီးထွက်ကတ်ပြီးကေ စီးပွါးရီးလုပ်ငန်းဆိုင်ရာကို လိလာကတ်စွာတိ ၊ ပြည်သူ့ လွှတ်တော်ကို လေ့လာကတ်စွာတိ၊ တက္ကသိုလ်ကျောင်းတိကို လေ့လာကတ်စွာတိ ကောင်းကောင်းကြီး လုပ်နိန်ကတ်ပါယင့်။ အခုလဲ ဂျပန်နိုင်ငံဒိုင်ယက်လွှတ်တော်ကို လေ့လာကတ်ဖို့  စွာနာင့် အခြားနိုင်ငံအတွင်း လေ့လာဖို့ စွာတိကို ဂျပန်ကျောင်းသားလူငယ်တိက လေ့လာရီးခေါ်ရေအခါ လူငယ်ချင်း အတွေးအခေါ် ဖလှယ်ကတ်ဖို့  စွာတိမှာ လားကတ်ရဖို့ ပိုင် စာရင်းကောက်ယူနိန်စွာတိကို သိရစွာပါချင့် ။
        ယေကေလဲ ရခိုင်တိုင်းရင်းသားတိုးတက်ရီးပါတီမှာ အသက်ကြီးရေ လွှတ်တော်ကိုယ်စားလှယ်တိက မလိုက်နိုင်ကေ အသက်ငယ်ရေ လွှတ်တော်ကိုယ်စားလှယ်တိကို မစိုင်းစားဘဲ ကိုယ်နာင့် ဆွီမျိုးတော်စပ်သူ ပါတီဝင်တိကို ထည့်လားချင်ကတ်တေလို့  လဲ သိနိန်ရပါရေ ။ ယင်းပိုင်ရာ လုပ်ပိုင်ခွင့်အာဏာ တခုချေလဲ မဟိန့် ဘနာ ပါတီဝင်လူငယ်တိကို ခေါ်လီဖို့  ဆိုစွာ တခုချေလဲ မဖြစ်နိုင်လို့  ပြောနိန်ကတ်စွာတိ ကြားနိန်ရပါရေ ဒေ။ ရတပါတီမှာ ပါတီဝင် ကလေချေတိက အများကြီးဟိန့်  ကေလဲ ယင်းပိုင်လူငယ်ကျောင်းသားချေတိကို ခေါ်လားဖို့ အစား လူငယ်လွှ့တ်တော်ကိုယ်စားလှယ်တိကို လွှတ်ဖို့ သင့်ရေလို့  ပြောသံတိကြားနိန်ရပါရေယင့် ။ ယေဇူးနာင့်လဲ ဒေပိုင်လားကတ်ရဖို့ အတွက် ပါတီတွင်း ဖေါ်လံဖါးနိန်ကတ်စွာနာင့် အသက်ကြီးကေလဲ လိမ်လို့ ရကေ လိမ်လို့  ရအောင် ပြင်ဆင်နိန်ကတ်စွာတိကိုလဲ သတင်းတိကြားနိန်ရပါရေကာ ။
     ရတပါတီမှာ ဥက္ကဌ ဆွီမျိုးလို့ တမျိုး ၊ အတွင်းရီးမှူး ဆွီမျို့း ဆိုပနာ တဖုံနာင့် ၀န်ကြီး ယောက်ဖလို့ တခါ ဂျပန်နိုင်ငံကို လွှတ်ဖို့  လုပ်နိန်ကတ်လို့  ရရောင်းသတ်ပနာ ပြသနာဖြစ်ဗြီးကေ ပါတီတွင်းစည်းရုံးညီညွတ်မူ ပျက်ပြားလားနိန်ကတ်ဗျန်လို့  ၀ီဖန်သံထွက်လာနိန်ပါရေ လို့  သတင်းရဟိန့် ပါရေ ။ ဂျပန်နိုင်ငံလေ့လာရီးခရီးမှာ ကြံ့ဖွံ့ ပါတီ ၊ အမျိုးသားဒီမိုကရေစီအင်အားစု ပါတီ ၊ တစညပါတီ ။ မွန်ဒေလုံးဆိုင်ရာ ဒီမိုကရေစီပါတီ။ ရှမ်းတိုင်းရင်းသားများ ဒီမိုကရေစီတစ်ပါတီ နာင့် ရခိုင်တိုင်းရင်းသားတိုးတက်ရီးပါတီ ရို့ က ဂျပန်နိုင်ငံကို လားကတ်ရဖို့  စွာ ပါရာ ။
   
      လေးဝတီ

Monday, June 20, 2011

စစ်တွေ တည်ဆောက်ဆဲ ရီနက်ဆိပ်ကမ်း ဖို့မြီ မိုးကြီးလို့ ပျက်စီးလားဟုသိရ

စစ်တွေ ရခိုင်ရိုးမ June 20, 2011
  စစ်တွေဆိပ်ကမ်းကို အထက်စီးက မြင်ရပုံ စစ်တွေမြို့မှာ ရီနက်ဆိပ်ကမ်းအတွက် တည်ဆောက်ဆဲကာလဖြစ်တေ ရီနက်ဆိပ်ကမ်းဖို့မြီတိရေ ဒေလ ၁၇-ရက်နိက မိုးကြီးခရေအတွက် ဖို့မြီတိပျက်စီးလားကြောင်း စစ်တွေကလာရေ သတင်းတရပ်အရ သိရပါရေ။ . ၂၀၁၁ ခုနှစ်ကစပြီးကေ စစ်တွေဆိပ်ကမ်းအတွက်  မြန်မာဆိပ်ကမ်းအာဏာပိုင်ရုံး အနီးတ၀ိုက်မှာရှိရေ သောင်ပြင်တိကို သဲ တိနန့် ဖို့ထားခြင်းဖြစ်ပြီးကေ မိုးများရေအတွက် ဖို့ထားရေ သဲသောင်တိ ပျက်စီးလားစွာဖြစ်တေလို့ သိရပါရေ။ “မိုးကြီးလို့ ဆိပ်ကမ်းအတွက် ဖို့ထားရေသဲမြီတိ ပျက်စီးလားစွာပါ၊ လုပ်ငန်းကတော့ခါ မိုးတွင်းဆိုခါ ရပ်နားထားပါရေ၊ မိုးကုန်မှ လုပ်ဖို့ထင်ရေ၊ ပျက်စီးလားရေ ဆိပ်ကမ်း၏ ဖို့မြီတိကိုလည်း ပြန်ပနာလုပ်ရဖို့ အနီအထားရှိရေ၊ ခုကတခုလဲမကျန်လိုက်ဗျာ၊ ရီတိုက်စားလို့ “ ဟု စစ်တွေမြို့ခံတစ်ယောက်က ပြောပါရေ။ 
      လုပ်ငန်းအစဦးကာလဖြစ်တေ သောင်ပြင်ကမ်းခြီကို အမာခဲအဖြစ် သဲတိနန့်ဆယ်ဖို့နီစွာဖြစ်ပြီးကေ ခိုင်ခန့်မှု မရှိသိမ့်ရေ အတွက် အခုပိုင်ပျက်စီးလားခြင်းဖြစ်ကြောင်း သူကပြောပါရေ။ အဂုခါရေ မိုးတွင်းကာလ ရောက်လာရေအတွက် လုပ်ငန်းတိကို ရပ်ဆိုင်းထားကြောင်း သိရပါရေ။ ဆိပ်ကမ်းအတွက် ဆည်ဖို့ရန်သဲတိကို ပွိုင့်ကမ်းခြီက တူးဖော်မှု တိရှိရေခါ ပြည်သူတိကကန့်ကွက်ခလို့ ပွိုင့်နန့် အနောက်ဘက်၂မိုင်ကျော်ရှိရေ ရီချိုးဆိပ်ကနီ သဲတိတူးဖော်ပနာ ဆိပ်ကမ်းအတွက် အသုံးပြုနိန်ရကြောင်းသိရပါရေ။ စစ်တွေဆိပ်ကမ်းကို လွန်ခရေ နှစ်အနည်းငယ်ကစပြီးကေ အိန္ဒိယနိုင်ငံ ESSAR ကုမ္ပဏီက ဆောက်လုပ်ရေး လုပ်ငန်းကို တာဝန်ယူထားစွာဖြစ်ပြီးကေ အဆိုပါဆိပ်ကမ်းရေ ရခိုင်ပြည်နယ်မှာ နိုင်ငံတကားရင်းနှီးမြုပ်မှု ဒုတိယ စီမံကိန်းဖြစ်ပြီး အိန္ဒိယ အရှေ့တောင်အာရှဆိုင်ရာ ကုန်သွယ်မှုအတွက် အိန္ဒိယနိုင်ငံ၏ ခြီလှမ်းသစ်တရပ် ဖြစ်ပါရေ။ 
          ၂၀၀၉ခုနှစ် ဧပြီလက အိန္ဒိယနိုင်ငံ နယူးဒေလီမြို့မှာ မြန်မာနိုင်ငံက တာဝန်ရှိသူရို့ သဘောတူလက်မှတ်ရွီးထိုးခရေ ရင်းနှီးမြုပ်နှံမှု ကန်ဒေါ်လာသန်း၁၂၀ဖို့ရှိပြီးကေ အဆိုပါဆိပ်ကမ်းရေ အိန္ဒိယနိုင်ငံအရှေ့မြောက်ပြည်နယ်တိကနိန် ကုလားတန်မြစ်ကြောင်း ကုန်သွယ်ရေးတိကို ဆောင်ရွက်လားဖို့ဖြစ်ကြောင်း သိရပါရေ။ သို့သော် စီမံကိန်းအတွက် ကုလားတန်မြစ်ကြောင်းတလျှောက်ရှိ ကျေးရွာတချိူ့ပြောင်းရွိ့ရဖို့ အနီအထားမှာ ရှိရေအတွက် စိုးရိမ်မှုတိရှိနိန်ကတ်ကြောင်း သိရပါရေ။.

မိုးကြီးလို့ ရခိုင်ပြည်နယ် မြို့နယ် တချို့ မှာရီလွှမ်းမို့တိ့ ဖြစ်ပေါ်၊ အဆောက်အဦးတိလဲပျက်စီးလားဟုသိရ

ရခိုင်ပြည်နယ်အတွင်းမိုးဆက်တိုက်ရွာသွန်းခရေအတွက်မြို့နယ်တချို့မှာရီကြီးလို့လူနီအဆောက်အဦးတိနစ်မြုပ်ခစွာတိရှိကြောင်းသိရပါရေ။ ဒေလ၁၈ရက်နိကသံတွဲမြို့မှာမိုးရေချိန်၇ဒသမ၃လက်မရှိခပြီးကေမြိုးလုံးနီပါးရီးမြုပ်လားပြီးစာသင်ကျောင်းအဆောက်အဦးတိလဲ မြုပ်လားကြောင်း သံတွဲမြိုခံတိကိုဆက်သွယ်မီးမြန်းချက် အရသိရပါရေ။ “သံတွဲမြို့လယ်ချောင်းကရီမြင်တက်လာလို့ပါ၊မြီနိပိုင်းအိမ်တိမြုပ်လားပါရေ၊စာသင်ကျောင်းတိလဲပိတ်ထားရပါရေ။အသီအပျောက်တောမပြောတတ်ပါ၊အကျွန်ရို့ဘက်မှာတောမရှိပါ၊တခြားနီရာတိမှာရှိရေလို့တောကြားပါရေ၊ယေလဲ အတိအကျကားဟုတ်ဖို့မထင်ပါ၊”လို့ မြို့ခံတဦးကပြောပါရေ။ ယင်းအပြင် အရေးပေါ်ကယ်ဆယ်ရေးစခန်းများလဲ ထားရှိလိုက်ရကြောင်းသိရပါရေ။ ဒေလ ၁၇ရက်နိ က တောင်ကုတ်မြို့မှာ မိုးကြီးရေအတွက် မြို့မဈီး အပါအ၀င် အဆောက်အဦး တချို့လဲ နစ်မြုပ်ခကြောင်းတောင်ကုတ်မြို့ခံတဦးကပြောပါရေ။ “ ချောင်းကရီ ပြည်တတ်လာလို့ပါ၊ ဈိးနစ်မြုပ်လားပါရေ၊ အဆောက်အဦးတိလဲနစ်ရီကြီးလို့နစ်မြူပ်လားစာတိ ရှိပါရေ”လို့ သူကဆိုပါရေ။ တောင်ကုတ်မြို့မှာရေ တောင်ကျရီကြောင်း မကြာခဏဆိုရေပိုင်ရီးကြီးလေ့ရှိရေလို့သိရပါရေ။ စစ်တွေမြို့နယ်ချီလိုင်ဖင်း ကျေးရွာမာလဲ လီဆင်နှမောင်းတိုက်ခတ်ခရေ အတွက် အိမ်ကိုးလုံးပြိုလဲလားကြောင်း သိရပါရေ။ “ဟုတ်ပါရေ ၁၆ ရက်နိကပါ။ ချီလိုင်ဖင်းရွာမှာပါ လီဆင်နှမောင်းတိုက်ခလို့ အိမ်ကိုးဆောင်ပါလားပါရေ၊ အသီအပျောက်တော့ မရှိပါ” လို အမြင့်ကျွန်းကျေးရွာက ဒေသခံတဦးက ပြောပါရေ။ ရခိုင်ပြည်နယ်မှာမိုးဦးကျကာလရေုမိုးကြီးရေ အတွက် မိုးသက်လီပြင်းတိုက်ခတ်မှုတိမကြာခဏဖြစ်ပေါ်ကြောင်းသိရပါရေ။

Sunday, June 19, 2011

ရခိုင်မျိုးဆက်သစ်လူငယ်မှ ပီးစာ

အာရက္ခ ကို ကုလားရက္ခမဖြစ်စီချင်TO People

ရခိုင်ပြည်ကို ၀င်လာရေဘင်္ဂလီမှူဆလင်တိနန်ပတ်သတ်ဗျန်လေ့လာချက်

ရခိုင်ပြည် ကိုဝင်လာရေ ဘင်္ဂလီမှူဆလင်တိကိုလေ့လာချက်InfluxVirus[1]

မလေးရှားနိုင်ငံမှာ ကမ္ဘာဒုက္ခသည်များနိန့်  ရခိုင်ရိုးရာအကနန့် ဖျော်ဖြေတင်ဆက်

UNHCR Malaysia ၏ ကမ္ဘာဒုက္ခသည်များနိန့် ကို ကွာလာလမ်ပူမြို့မှာရှိရေ Brickfeild ရှိ KL Central ဘူတာမှာ အေနိစတင်ကျင်းပခပါရေ။ အယင်ကဆိုကေ အေပိုင်နိကို UNCHR ရုံးထဲမှာရာ ဒုက္ခသည်ရုံးတိကို ဖိတ်ကြားဗျာလ် ကျင်းပခကေလည်း အခုပိုင်လူစည်ကားရာ Public နေရာတွင်ကျင်းပစွာရေ ဒုတိယအကြိမ်မြောက်ပင်ဖြစ်ပါရေ။ ဒေဒုက္ခသည်နိအခမ်းအနားသို့ ရခိုင်ကိုယ်စားပြုအနိန်နန့် ရခိုင်ဒုက္ခသည်ကယ်ဆယ်ရေးကော်မတီ (ARRC)၊ တိုင်းရင်းသားအဖွဲ့ဒုက္ခသည်အဖွဲ့အစည်းတိ၊ တခြားနိုင်ငံက ဒုက္ခသည်အဖွဲ့အစည်းတိနှင့် မလေးရှားက စေတနာ့ဝန်ထမ်းတိလည်း တက်ရောက်ကတ်ပြီးကေ မိမိရို့၏ရိုးရာအကတိနန့် ကပြတင်ဆက်ခကတ်ပါရေ။ မလေးရှားနိုင်ငံရှိ ရခိုင်ဒုက္ခသည်တိကို ဦးဆောင်ကူညီပီးနိန်ရေ ရခိုင်ဒုက္ခသည် ကယ်ဆယ်ရေးကော်မတီ ( ARRC) ၏ တာဝန်ရှိသူကို ဆက်သွယ်မီးမြန်းရာ “ကျွန်တော်ရို့ ARRC က ကုန်ခရေနှစ်ကပိုင် အဆိုအကနန့် ဇွန်လ 18 ၊ 19 နှစ်ရက်ဆက်တိုက် ပါဝင်ဖို့ ရှိပါရေ။ အေနိခါ တေးခြင်းက ၀င်းကိုခိုင်၏ ရခိုင်သဘာဝတေးသံကို ကိုလင်းလင်း က သီဆိုပြီးကေ ARRC School မှ ကျောင်းသူချေတိက ရခိုင်ရိုးရာ အကနန့် တင်ဆက်ကပြကတ်ပါရေ။ အခမ်းအနားမှာ ဒုက္ခသည်ရို့၏ဘဝကို ဓာတ်ပုံတိနန့် ခင်းကျင်းပြသထားပြီးကေ ဒုက္ခသည်အဖွဲ့အစည်းတိကလည်း လက်မှုပစ္စည်းတိကို ခင်းကျင်းရောင်းချထားပါရေ။ UNHCR ကလည်း ဒုက္ခသည်တိ ရံပုံငွေအတွက် တီရှပ်အင်္ကျီတိကို ရောင်းချထားပြီးကေ ရောက်လာရေ မလေးရှားနိုင်ငံသားတိကို မလေးရှားရှိ ဒုက္ခသည်တိနန့် သက်ဆိုင်ရေမိန်းခွန်းတိကို မိန်းမြန်းဗနာ အဖြေမှန်ရေလူတိကို အမှတ်တရလက်ဆောင်တိ ပီးအပ်ခပါရေ။ အဂုပိုင်လူစည်ကားနိန်ရာမှာ ကျင်းပခြင်းရေ မလေးရှားရှိ ဒုက္ခသည်အခြေအနေကို ပိုမိုနားလည်စီဖို့နန့် ထိုသူရို့၏ အခက်အခဲတိကို မလေးရှားလူမျိုးတိနန့် အာဏာပိုင်တိ ရင်းနှီးသိရှိလာစီဖို့ရန် ဖြစ်ပါရေ။ ဇာကြောင့်ဆိုပါကေ မလေးရှားနိုင်ငံရေ ၁၉၅၇ ခုနှစ် ဒုက္ခသည်တိဆိုင်ရာ ပဋိညာဉ်စာချုပ်မှာ လက်မှတ်ရီးထိုးထားခြင်း မရှိရေအတွက်နန့် မလေးရှားရှိ ဒုက္ခသည်တိရေ မလေးအစိုးရ၏ ဖမ်းဆီးထိန်းသိမ်းခြင်းကို ခံနိန်ကတ်ရပြီးကေ အခက်အခဲမျိုးစုံနန့် ရင်ဆိုင်နိန်ကတ်ရရေအတွက် ဖြစ်ပါရေ။ အဂုအခါ UNHCR-Malaysia မှ ထုတ်ပြန်ထားသော အချက်အလက်တိအရ မလေးရှားနိုင်ငံမှာ ဒုက္ခသည်ပေါင်း ၉၀၀၀၀ ကျော် နိန်ထိုင်လျှက်ရှိရေလို့ သိရပါရေ။

Friday, June 17, 2011

ရခိုင်ဘုရင်တိ အုပ်ချုပ်ကာလ အ၀ီးရောက် ရခိုင်လူမျိူးတိ ဖြစ်စိုင်များ

   
     အဆိုအရ အ၀ီးရောက် ရခိုင်လူမျိုးတိဖြစ်စိုင်ရေ ဝေသာလီခေတ်ကပင် စတင်ခကြောင်း လေ့လာ သိရှိရပါရေ။ စူလစန္ဒြားမင်းလက်ထက် (ခရာဇ် ၇၃၃-၆၉)ရေ ပင်လယ်ခရီးအတွင်း နဂါးနစ်လို့ လွန်ပြီး ပြီးနောက် အသက်ရှင် ကျန်ရစ်တေ ဓမ္မဇေယ အမတ်ကြီးကို စန္ဒာဒေ၀ီ မိဖုရား အထင်လွဲလို့ တိုင်းပြည်သို့ အ၀င်မခံဘဲနန့် နှင်ထုတ်ရေခါ ဂစ္ဆပနဒီ မြစ်ရို့တလျှောက် ဆန်တက်လားပြီးကေ မြစ်ဖျားဒေသမာ မြို့ရွာတည် ဆောက်ခပါရေ။ ဟစ်ရုံပြည်ဟု ခေါ်ကြ၏။
              လမ်းခုလပ်မှာ မြို့ရွာတည်လို့ ကျန်လိုက်ခသူတိကို မြုံလို့ ခေါ်ကတ် တေ။ချောင်းသုံးခွမှာ မြို့တည်ပနာနိန်ရေအတွက် တြိပူရ (သုံးပြည်) လို့ခေါ်ကတ်တေ။ ယင်းနီရာရေ ဒေဂု အိန္ဒိယ နိုင်ငံ အရှိမြောက် တြိပူရ ပြည်နယ်လို့ယူဆကတ် တေ။ 
         ယင်းမာရှိရေ ရခိုင်တိရေ မိခင်ဘာသာ ရခိုင်စကားကို သုံးကတ်တေ။ ယင်းအကြောင်းကို “ဓမ္မရစ် အမတ် ကိုယ်လွတ်ရှောင်ခွာ လာလတ်ရာတွင် မာန်ပါမျက်သွား မိဖုရားကြောင်း ဗြိးလားခတုံ မြဲုဟဲရုံပြည် တည်သည်ယခု” လို့ ရခိုင်မင်းသမီးဧချင်းမာ ရွီးဖွဲ့ထားပါရေ။ ခေတ် သစ်ရခိုင်သုသေသီတိကလဲ အ၀ီးရောက် ရခိုင်လူမျိုးတိ ပထမအုပ်စုရေ ခရာဇ် ၁၀-ရာစုခန့်က အခြီချ နီထိုင်ခကတ်တေ။ အများစုမာ တြိပူရာမှာဖြစ်လို့ မာရမာလို့ခေါ်ကတ်တေ။ အချို့မာရေ တြိပူရသို့ မလားဘဲ အရှေ့ဘင်္ဂလားနယ်ထဲမာကျန်ရစ်ကြလို့ မြုံဟု ခေါ်ကြ၏။  
          ယင်းနောက်ပိုင်းကာလတွင် ပဲဖြူမင်း(ခရာဇ် ၈၇၇၆-၉၃) မလွန်မီမှာ ကိုးသိန်းသော သျှမ်းတိရေ လေးမြို့ဖျား ကဆက်လက်၍ အဉ္စနနဒီ မြစ်တလျှောက် စုံဆင်းပြီးကေ ရမ်းပြည့်ကျွန်းကိုလဲ ဖျက်ဆီးကာ လူသူများစွာ စုပြီး လျှင် အရှေ့ပြည်စကိုင်းအရပ်၌ ရွာတည်ထားလီ၏” ဟုရခိုင်ရာဇင်ဝင်၌ တွိ့ရသည်။ နန်းစော (Nanchao) အင်ပါယာ ချဲ့ထွင်မှုကြောင်း အနောက်ဖက်သို့ ဆင်းသက်လာကြရေ မွန်ဂိုလှိုက် နွယ်ဝင်ရို့၏ ထိုးဖောက်ဝင်ရောက်မှုကို ရည်ညွန်းထားပုံရသည်။ 
       ယင်းအကြောင်းကို သားပဲဖြူနှင့်၊ ရိပ်ဖြု ဆောင်းချုပ်၊ တုန်လှုပ်မစွမ်း၊ ခဲယိုယွင်းတွင်၊ ရှမ်းကိုးသိန်းရှင်၊ သိုခင်ဘွားကြီး တောင်ရိုးစီး၍ဖျက်ဆီးလေခါ…..။ဟုရခိုင်မင်းသမီးဧချင်း ရေးဖွဲ့ထားပါရေ။                          အနီး  အနားများသိုရောက်ရှိလားကတ်တေ အ၀ီးရောက် ရခိုင်လူမျုိးတိ၏ ဖြစ်စိုင်များကိုလေ့လာတွေ့ရှိရပါရေ။ခရာဇ် ၁၂-ရာစုကစလို့ ရခိုင်တိရေ ရခိုင်မြောက်ပိုင်းရှိ တောင်တန်းတိနန့် မြစ်ဝှမ်းလွင်ပြင်တိကနီလို့ စစ်တကောင်း တောင်တန်းဒေသသို့ တစတစ၀င်ရောက်ခရေ နောက်ဆုံးမှာ ဘင်္ဂလားပင်လယ်အော်နန့် ထိတွိ့ရာ စစ်တကောင်း လွှင်ပြင်သို့ထိ ဆင်းသက် ပျံနှံခကတ်ပါသည်။  
        ရခိုင်ဘုရင်မင်းထီး(ခရာဇ် ၁၂၈၃-၁၃၈၄) လက်ထက်တွင် တိမ်းရှောင်သူ ရခိုင်ဘုရင်၏ အုပ်စုတစုရေ သံလွင်မြစ်ကိုရှောင်တိန်း၍ နောက်တခုမှာ ဘင်္ဂလာ နယ်ထဲသို့ ရွိ့ပြောင်းဝင်ရောက်ခကြသည်။ ခရာဇ် ၆၈၉ (ခရာဇ် ၁၃၂၇) တွင် ပုဂံ ဘုရင်ရေ ရမ်းဗြဲကျွန်းကိုတိုက်ခိုက်၍ လူသူ အများကိုယူဆောင်ကာ မဏီပူရနယ်စပ်တွင် အခြီ ချထားသည်။
           နရမိတ်လှ ခရာဇ်(၁၄၀၄- ၃၃)၏ သားသည် မွန်တလိုင်းပြည်သို့ ထွက်ပြီးခပါရေ။ မင်းစောမွန် (ခရာဇ် ၁၄၀၄-၃၃) သည် ခရာဇ် ၁၄၀၇ ခုနှစ်တွင် လောင်းကြက် ထီးနန်းမှ ဂါဝါ (Gaur)သို့ ထွက်ပြေးတိမ်းရှောင်ခရာတွင် မူးမတ် အသင့်အတင့်လောက် ပါရေလို့ သိရသည်။ အင်းဝမင်းခေါင်လက်ထက် ခရာဇ် ၁၄၁၈ တွင် ရမ်းဗြဲကျွန်းကို လာရောက်တိုက်ခိုက်ပြန်ပါသည်။ ဖမ်းဆီးရမိသော ရမ်းဗြဲကျွန်းသားတိအား လမူးချောင်ဖျားမှ ကျောက်တံခါး၊ ကျောက်တံခါးမှ နဂါးရစ်ကုန်း၊ ယင်းမှ မင်းတုံကာမအတိုင်း ယူလားပနာ အင်းဝမင်းခေါင်အား ဆက်သရာ စစ်ကိုင်းမြို့တွင် အခြီချ ထူထောင်ခကြသည်။ နရပတိကြီး (ခရာဇ် ၁၆၃၈-၄၅) လက်ထက် မင်းဆွေမင်းမျိုးတိကို ဖမ်းဆီးကွက်မျက်ရေခါ ကံသာစားငတုံးခင်ထံသို့ ထွက်ပြေးခိုလှုံခကြသည်။ အရေအတွက်မာ ၅၀.၀၀၀ လောက်ရှိသည်။ ယင်းလူတိကိုမာရမာများဟု ခေါ်ကြသည်။ ကံသာမြို့ဆိုစော် စစ်တကောင်းနယ်မှာတည်ရှိဗြိး ယင်းအမည်နန့်ပင် ရွာတရွာကို (Kachaui Unino)တွင် တွိ့ရှိနိုင်သည်။ အထက်ဖော်ပြချက်ဖြစ်စိုင်များမာ ဗမာပြည်မသို့ ဖမ်းယူခေါ်ဆောင်လားမှုတိ ရှိသကဲ့သို့ အဂုအိန္ဒိယနန့် ဘင်္ဂလားဒေရ်ှနိုင်ငံထဲသို့ ၀င်ရောက်မှုတိလည်းရှိခကြောင်း သိသာထင်ရှားသည်။သမိုင်းကြောင်းအရ အိန္ဒိယနိုင်ငံ တချို့နေရာဒေသများ၊ဘင်္ဂလားဒေရှ် နိုင်ငံတခုလုံးနီးပါးနန့် ဗမာပြည် တောင်ပိုင်းအချို့ဒေသများရေ ရခိုင်ဘုရင်ပိုင်နက် အဖြစ်တည်ရှိခဲ့ကြောင်း လေ့လာသိရှိရသည်။ ထိုအကြောင်းကိုရခိုင်ရာဇ၀င်များ၌ ဤသို့တွိ ရပါရေ။ 
              ”မြောက်မာအာသံ တောင်ရံသီဟိုဠ်၊နောက်ကိုလှည့်လည်. မရွံပြည်နန့်၊ ဦးတည်ပိုင်ခြား၊ ပင်လယ်ဆင်းအောင်” အနောက်ဘက်မှာ မဇ္ဈိမာနန့်.၊ ဒါဂါ မြစ်လျှောက် မြောက်ကိုတောင်ညို၊ ကုန်းကိုထိခံ၊ အာသံချင်းတွင်း၊ ချောင်းဆင်းရေတွက်၊ရှေဖက်ဒိသာ၊ ဧရာဝတီ၊ မြစ်ဆီခြားကန်၊ မနံထိပ်မျှောင်၊ရှေ့တောင်အဂ္ဂိ၊ ဒက္ခိဏခွင်၊ မော်တင်ရေလှုပ်၊ သမုဒ်ဝင်လေ ရခိုင်နယ်လျှင် ၀န်းကျယ်ခရီး” ဟုဆိုထားသည်။ ကုန်းဘောင်ခေတ်မှ မှတ်တမ်းတခုဖြစ်သော ဇမ္ဗူဒီပဦးဆောင်ကျမ်းတွင် …“ ဓည၀တီနယ်ကား ၊ အရှေ့ဘက် သို့ လားသော ရိုးမ၊ တောင်သို့လားသော်ပင်လယ်၊ အနောက်သို့လားသော် မာန်အောင်ကျွှန်းပါ ပင်လယ်၊ မြောက်ကိုလားသော် ကုလား၊ အတ္တပတ်မြေနန့် ကြောခိုင်း” ဟုတွိ ရသည်။ နိုင်ငံခြားသား ခရီးသည်များ၊ပညာရှင်များကလဲ ရခိုင်ရာဇ၀င်တွင် နောက်ဆုံးဖြစ်သော မြောက်ဦးခေတ် (ခရာဇ် ၁၄၃၃-၁၇၈၄) က ရခိုင်တိုးထိန်းချုပ်ထားသော နယ်မြေရေ မဂိုတို့လက်တွင်းသို့ ခရာဇ်၁၆၆၆ တွင် စစ်တကောင်းဒေသတခုံးလုံးမှသည် နတ်မြစ်အထိ ကျရောက်ခဲ့သည့်တိုင် မြောက်ဖက် တွင် စစ်တကောင်းမှသည် တောင်ဖက် ၌ သံလျှင် အထိကျယ်ပြန့်ခပါရေ။ ခရာဇ် ၁၄၃၀-မှ ၁၆၃၈ အထိ နှစ်ပေါင်း ၂၀၈ နှစ်ကာလအတွင်း မြောက်ဦးခေတ်ရခိုင်ဘုရင့်နိုင်ငံတော် သည်ဂင်္ဂါမြစ်အေ၇ှ့ဖက် ကမ်းမှ ဧရာဝတီ မြစ်ဝကျွန်းပေါ်ဒေသအထိ ကျယ်ဝန်းခကြောင်း လက်ခံခကတ်ပါရေ။ ရခိုင်ဘု၇င်၏ ပိုင်နက်ရေ တောင်ဖက်တွင်ပဲခူးအစပ်ဖြစ်၍ ပြည်တောင်တန်းအား ဖြင့်ပိုင်းခြားထား၏။ အခြားတဖက်တွင် ဘင်္ဂလားနှင့် နယ်နမိတ်ချင်း ထိစပ်လျှက် စစ်တကောင်းမှသည် နာဂရေ အငူအထိ မာန် အောင်ကျွန်းအပါ အ၀င် ဒေသအားလုံးဖြစ်တေ။ ရခိုင်ဘုရင်ရို့ရေ ဘင်္ဂလားနယ် ဘဂါင်္ ၁၂ မြိုအဖြစ် ဖွဲ့စည်းအုပ်ချုပ်ခဲ့ကြသည်။ ယင်းဖွဲ့စည်းပုံအရ ၁။ မောက်သူ ဇာ(Mushidabad)၂။ ရောင်ဖြူ(Rang pur)၃။ဒါကာ ၊(Dhaka) ၄။ ဂုမ္ဘီလာ(Comilla) ၅။ သီလက် (Sylhet)၆။ ပဋိက္ကရား၊ (Pataikara) ၇။ ဂဂါင်္သာရ( Gangasara) ဂ။ စစ်တကောင်း( Chittagong) ၊ ၉။ဘောရိသတ် (Barisal)၊၁၀။ တိလင်္ကာ( Tilinga-Sundwip) ၊၁၁။ ကံသာ( Karnafuli)နန့် ၁၂။ ဂေါတော်ပါလောင် ( Kutupalong)ရို့ဖြစ်ကြသည်။ ရခိုင်ဘုရင်များသည် မိမိရို့ပိုင်နက် အတွင်း၌ အထူးသဖြင့် နယ်စပ်ဒေသများတွင် ကာကွယ်ရေးအမြင်နန့် အစုအဖွဲ့တည်ထောင်ဗနာ လူဦးရေ နီရာချထားမှုများရှိခကြောင်းကိုလေ့လာ တွိ့ရှိရသည်။ လူဦးရေ ပျံ့နှံမှု ညီမျှစီဖို့အတွက် ရည်ရွယ်ကြောင်းကိုလဲသိရသည်။
        သို့သော် လက်ရှိ ရခိုင်ပြည်နယ် နယ်နမိတ် မှအပ ဖြစ်သော ရခိုင်ဘုရင်းနယ်မြေများရေ အစိုင်သဖြင့် တည်တန့်ခိုင်မြဲမှုမရှိခပြီးကေ အကြောင်းအမျိုးမျုိးကြောင်း ဇာတိရပ်မြီရခိုင်ပြည်သို့ ပြန်လာကြသော အ၀ီးရောက် ရခိုင်လူမျိုးများရှိခကတ်ပါရေ ။ အချို့မာလည်း အခက်အခဲများကြားမှ ဆက်လက်ရပ်တည်ကာ နိန် ထိုင်ကျန်ရစ်ခ ကြောင်းသိရ၏။ ခရာဇ်၁၆၆၆)မာ စစ်တကောင်းကျဆုံးပြီးနောက် အခြီချ နိန်ထိုင်ကြသူ ရခိုင်အချို့၊ ရခိုင်ပြည်ကို ထွက်ဗြီးလား ကတ်တေ။ အကြောင်းရင်းမာ မဂို အာဏာပိုင်များက ရခိုင်ခွန် (Magh Joma) ဟုခေါ်ရေ အထူး အခွန်အကောက်တစ်မျိုးကို ရခိုင်တို့အပေါ်စည်းကြပ်ကောက်ခံခခြင်းကြောင့် ဖြစ်ရေ။ သို့သော် ၁၇၆၃ မာ ဗြိတိသျှ အရှေ့အိန္ဒိယာ ကုမ္ပဏီမှ ဘင်္ဂလားနယ်ကို သိမ်းပိုက်ခဲ့ပြီးနောက် ယင်းအခွန်ကိုကင်းလွတ်ခွင့်ပြူခဲ့၍ အခြေချနိန်ထိုင်မှုမာ ဆက်လက်တည်မြဲခဲ့ပြန်သည်။ စစ်တကောင်း နယ်ကို ခရာဇ် ၁၆၆၆ အကုန်မာ မဂိုရို့သိမ်းပိုက်ခကြရေအတွက် ရခိုင်ရို့ရေ ပင်းဝါနန့် အနီး အနားမာဟိရေ စစ်တကောင်းတောင်တန်းဒေသသို့ထွက်ဗြီးလားကတ်တေ။မဂိုတို့စစ်တကောင်းကိုသိမ်းပိုက်ပြီး နောက် စစ်တကောင်းမှ ဗြီးလာကြသူရခိုင်ရို့ရေ စစ်တကောင်းဒေသတောင်ဖက်ပိုင်း ပင်းဝါအထိ ရောက်လာ ကြပြီးနောက် ဆက်လက်မပြီးဘဲ လုပ်ကိုင်စားသောက်နိန်ထိုင်ခကတ်တေ။ မဂိုရို့ တိုက်ခိုက်ပြီးနောက် ဗိုလ်မင်းကောင်းလှဖြူရေ ရခိုင်ပြည်သို့ ၁၇၅၆ ခုနှစ်မာ ထွက်ဗြီး လားဗြီးကေ ၁၇၇၄ မာ ပြန်လာပြီးနောက် Ramu, Idgorနန့် Matamuri မြစ်ဝှမ်းဒေသများတွင် အခြီချ နိန်ထိုင်ခကတ်တေ။ ထိုမှ တဆင့် Maiskal တွင် ၁၈၀၄ ၌ ပြောင်းရွှေ့ နေထိုင်ခဲ့ကြပြီး ၁၈၂၂ တွင် လက်ရှိနီထိုင်ကြသသော Bandarban၌ အခြီချခကတ်တေ။ ဒေဂု အခါ ပြည်ထောင်စုမြန်မာနိုင်ငံအတွင်း ၌ မှီတင်းနိန်ထိုင်လျှက်ရှိကြသော ထားဝယ် တိုင်းရင်းသားများ လည်း အ၀ီးရောက် ရခိုင်လူမျုိုးများ၏ ပြောင်းရွိနိန်ထိုင်မှုဖြစ်စိုင်ရေ ဆက်စပ်နိန်ကြောင်း လေ့လာတွိရှိရပါရေ။ မဟာပညာကျော်လျှောက်ထုံးတွင်“ မရိပ်မချောင်း ၊ နေမြုံကိုးခေါင်းသား အမျိုးရို့ကို ဘီးတော် ဒဿရာဇာမင်း က မာန်အောင်ကျွန်းတွင် ချထားတော်မူရာ တနှစ်ရှိသောအခါ ထွက်သွားလေ၍ ယိုးဒယားနန့် ပဲခူး နှစ်ပြည်ထောင် အကြားတွင် နေလေရာ မြို့ကိုထားဝယ်ဟု တွင်လေသည်ဟု လေ့လာတွိ့ရှိရ၏။ ထားဝယ်လူမျိုးများ၏ ဇာတ်မြစ်ရေ မြန်မာနွယ်ဝင် ရခိုင်လူမျိုးရို့ပင် ဖြစ်တေ။ ရခိုင်ကမ်း ခြီ ဒေသမှ ၇ခိုင်များ ရေ တနင်္သာရီ ကမ်းခြီဒေသသို့ လားရောက်နိန်ထိုင်ကြရာမှ ပေါက်ဖွားလာသော သူရို့ကို ထားဝယ်သားများ ဟုခေါ်ဟန်ရှိသည်။ ထားဝယ်စကားရေ ရခိုင်စကားပြော ဆိုနည်းနန့်ယိုးဒယား လီသံတုို့ပေါင်းစပ်ထားရေပိုင်   ဖြစ်နိန်ခြင်းကိုထောက်၍သိသာနိုင်ရေလို့မြန်မာစွယ်စုံကျမ်းတွင် ဖော်ပြထား၏။ 
                      ရခိုင်ဘုရင်များအုပ်ချုပ်မှုကာလအတွင်း၌ အ၀ီးရောက်ရခိုင်လူမျိုးများရေ ရခိုင်ပြည်တွင်းပြဿနာကြောင့်လည်းကောင်း၊ ပြည်ပ ကျူးကျော်မှုများကြောင့်လည်းကောင်း၊ လက်ရှိ ရခိုင်နယ်နမိတ်အပြင်ဖက်ရှိ ရခိုင်ဘုရင် ပိုင်နက် များတွင် သွားရောက်နေထိုင်ကြခြင်း ကြောင့်လည်းကောင်း ၊ ဘင်္ဂလားနယ်နန့် မြန်မာပြည်အခြားဒေသများသို့ ရောက်ရှိနိန်ထိုင် ခဲ့ကြကြောင်း လေ့လာတွိ့ရှိရသည်။ (မှတ်ချက် ၂၀၁၀ခုနှစ် ထုတ် မြောက်ဦးမဂ္ဂဇင်းပါ ရခိုင်ဘုရင်တိ အုပ်ချုပ်ကာလ အ၀ီးရောက် ရခိုင်လူမျိူးတိ ဖြစ်စိုင်များ ဆောင်းပါးကို လိုတိုရှင်းဖြစ်အောင် တည်းဖြတ်ပနာ တင်ပြလိုက်ခြင်းဖြစ်ပါရေ)

Wednesday, June 15, 2011

ရခိုင်ဆောင်းပါးရှင်တယောက်က ရီးလိုက်လို့  ဘဲငါးရာတောင်က ရတနာသိုက် ပဗြုံးစင်လီပါဖို့ မနား

ရခိုင်ရာဇ၀င်တိနာင့် သမိုင်းတိကို ရီးနိန်ကတ်တေ သမိုင်းဆရာကြီးတိ စာရီးဆရာကြီးတိ အများကြီးဟိန့် ပါသည်။ သီသူသီ ပျောက်သူပျောက်နာင့် အခုထက်ထိ ရီးသားနိန်ကတ် ပြုစုနိန်ကတ်တေ မျိုးချစ် သမိုင်းသုတေသီတိလဲ နည်းစွာ မဟုတ်ပါကားယေ။ ယင်းချင့်မှာ ကိုယ်ရီးလိုက်ကေ ကိုယ့်အတွက် ဇါဖြစ်လားဖို့ လဲဆိုစွာကို အယင်စိုင်းစားဖို့ ထက် ကိုယ့်လူမျိုး ကိုယ့်နိုင်ငံမှာ ဇါလောက်အတိုင်းအတာအထိ အကျိုးကျေးဇူး ဟိန့် လေဆိုစွာကို သမိုင်းသုတေသီတိ စာရီးဆရာကြီးတိက စိုင်းစားဝီဖန် ကြည့်ပနာ ရီးသားကတ်ပါသည် ။  ပြုစုကတ်ပါသည် ။ ယင်းပိုင်ရီးစွာတိထဲမှာ ရခို်င်လူမျိုးတိ အခြီအနိန်နာင့်ဆိုကေ ပိုလို့ တောင် သတိထားရကတ်ပါသည် ။ 
          ဇါဖြစ်လို့ ဆိုကေ ကိုလိုနီဖြစ်နိန်လို့  ကိုယ့်မြီကိုယ်ယာကို တစိချေလဲ မပိုင်ရစွာမှာ အားလုံးကဆုံးရှုံးန်ိန်ရရေ အခွင့်အရီးတိပါမနား။ ယင်းချင့်ကို မျိုးချစ်ရခိုင်သမိုင်းသုတေသီ စာရီးဆရာကြီးတိက ပိုလို့  သိကတ်ပါသည်။ ယေဇူးနာင့် သတိနာင့် ထိမ်းပနာ ရီးသင့်စွာကို ရီးပနာ သိသင့်စွာကို သိအောင် မျိုးဆက်သစ်ကလေချေ ကလေမေ့ချေတိကို လမ်းညွှန်ပြနိန် ပြောပြနိန်စွာလို့  နည်းလည်ကတ်ရပါသည်။ ဓည၀တီရခိုင်နိုင်ငံတော်ကို လက်ညိုးထိုးလို့  ဒေနိန်ရာကား နန်းရာကုန်းလို့  ပြောလိုက်စွာနာင့် အခုခေတ် ကလေချေတိ ကလေ့မေချေတိက ကောင်းကောင်းသိကတ်ပါသည်။
        နန်းရာကုန်းဆိုကေ အယင်ရခိုင်ရှင်ဘုရင်လက်ထက်က နန်းတော်ကြီးနာင့် ဟိန့် လီနိန်ဖို့  ဆိုစွာကို လူတိုင်းသိပါသည်။ ရခိုင်သားတိ ဆိုနိန်ကတ်တေ-သခြင်းတိထဲမှာလဲ ရခိုင်ရှင်ဘုရင်ရို့  ဘုန်းမီးနီလ တောက်ပခစွာတိကို ဆိုနိန်ကတ်စွာ ကြားရနိန်ပါသည်။ ယင်းပိုင်သတိထားနိန်ကတ်တေ သမိုင်းဆရာကြီးတိ စာရီးဆရာကြီးတိကြားမှာ ကိုယ့်နာမည်ထင်ပေါ်လီဖို့ အတွက် ရီးလာရေ လူတိကြောင့် ရခိုင်နိုင်ငံက ရခိုင်လူမျိုးရို့ မှာ ကုန်းကောက်စရာ မဟ်ိန့် အောင် ဖြစ်လားဖို့  အန်ိန်အထား ဖြစ်လာရပါသည်။ ရခိုင်လူမျိုးဖြစ်လို့  ရီးဖို့  စွာက ရခိုင်ပါတ်ဝန်းကျင်ကြားမှာ အများကြီး ဟိန့် ပါသည်။ ဘင်္ဂလားပင်လယ်အော်ကို ကြည့်ပနာ ရခိုင်လူမျိုးတိ ငါးမစားရဘဲ ထမင်းငတ်လို့  သီနိန်ကတ်တေအကြောင်းကို ရီးကေ ဇါလောက်အထိ ၀မ်းးနည်း ကြီကွဲဖို့  ကောင်းဖို့ လဲလို့  စိုင်းစားကြည့်ချင်ပါသည်။ လူမူပတ်ဝန်းကျင်အကြားမှာ ရခိုင်လူမျိုးတိက အနိန်ဆင်းရဲ အစားဆင်းရဲနာင့် နိန်ရထိုင်ရစွာကို ရီးဖို့ ဆိုကေ ကောင်းကောင်းအများကြီး ဟိန့် ရေလို့  ထင်ပါသည်။ အခုက ရခိုင်နိုင်ငံတော်က ရတနာသိုက်ကို ဒေနိန်ရာမှာ ဟိန့် နိန်ပါရေ ဆိုပနာ ရီးပြလိုက်စွာသည် ရခိုင်လူမျိုးတိ အဖို့  ကောင်းကောင်းဆုံးရှုံး နစ်နာလားစွာရာဖြစ်ပါသည်။
         ဆောင်းပါးရှင် စာရီးဆရာမှာ မိမိနာမည်တလုံးကရာ အဖတ်တင်ဖို့  ဖြစ်ကေလဲ ကိုယ့်လူမျိုးနာင့် ကိုယ့်နိုင်ငံတော်မှာ အလှပလှဆုံးရှုံးလားခစွာကို ချက်ချင်းသိလားခရေခါကား ကောင်းကောင်းနောက်ကျလားခရေ နောင်တ-တခုကို ခံစားရဖို့  ထင်ပါသည်။ နောင်တဆိုစွာက အရင်းအနှီး အများကြီး ပီးဆပ်ရစွာဖြစ်ပါသည်။ လွန်ခရေ ငါးလက ဖလားဝါးနယူးစ်ဂျာနယ်မှာ ဦးထွန်းရီ( စစ်တွေ ) ဆိုသူက ကုလားတန်မြစ်ကမ်းမှ သမိုင်းဝင်ဘဲငါးရာတောင်နာင့် ထူးခြားသောဖြစ်ရပ်များ ဆိုရေ ဆောင်းပါးကို အခန်းဆက် နှစ်ပတ်တိတိ ရီးခပါသည်။ ယင်းပုဂ္ဂိုလ်ရီးခရေ ဆောင်းပါးမှာ အတိုချုံး ပြောရဖို့ ဆိုပါကေ ဘဲငါးရာတောင်မှာ ရခိုရှင်ဘုရင်ရို့ ၏ ရတာနာသိုက် ဟိန့် သည်လို့  ဆိုစွာအကြောင်း ဖြစ်ပါသည်။     
         ယင်းဆောင်းပါးကို ဖေါ်ပြအဗြီးမှာ နှစ်ပါတ်အကြာ စစ်အစိုးရက ရတနာသိုက်ရှာဖွီရီးကို ဘဲငါးရာတောင်မှာ ထူးဖေါ်ကတ်ပါသည်။ အခုတွိနိန်ဗျန်ဖြစ်ကြောင်း ကြေညာလိုက်ပါသည်။ ယေဖူးနာင့် ရခိုင်လူမျိုးတယောက်ဖြစ်တေ ရခိုင်သားဆောင်းပါးရှင် တယောက်က ရီးလိုက်တေအတွက်နာင့် ပဗြုံးစင်လားဖို့  ဖြစ်နိန်ရေ ရခိုင်ရှင်ဘုရင် ရတနာသိုက်အကြောင်နာင့် ပတ်သက်လို့  တုန့်  ပြန် ရီးလိုက်ရစွာဖြစ်ပါသည်။ ယေကေ ယင်း ဦးထွန်းရီ ( စစ်တွေ ) ဆိုရေ ဆောင်းပါးရှင်းက ဇါအမြတ် ရခပါလဲချင့် ။ ဒေချင့်က အဖြီဖြစ်နိန်ပါသည်။ သူ့ အနိန်နာင့် တခုချေလဲ ရခဖို့  မဟုတ်ပါကားယေ။ စစ်အစိုးရဆိုစွာ ယင်းပိုင်ရတနာသိုက်ကို တွိအောင် ရီးပီးခရေအတွက် သူကောင်းပြုဖို့ လဲ ဇါနည်းနာင့်မဆို လုပ်ဖို့ လဲ မထင်။ ဘဲငါးရာတေင်ဆိုစွာက ရခိုင်နိုင်ငံ ပုဏ္ဍားကျွန်းမြို့ ၏ မြောက်ဖက် (၁၆) မိုင်အကွာ ကုလားတန်မြစ် အနောက်ဖက်ကမ်း ယိုးတရုပ်စံပြကျေးရွာ-စစ်တွေ-ရန်ကုန်ကားလမ်းမကြီး၏ အနောက်ဖက် တမိုင်ခန့် အကွာမှာရှိဗြီး ဘဲငါးရာတောင်ထိပ်အမြင့်မှာ ပေ-၁၃၆၀ -ခန့် မြင့်ဗျန် အရှည်-၅၆၃-ပေနာင့် အကျယ်-၄၆-ပေရှိပါသည် ။ ဘဲငါးရာတောင်မှာ ရခိုင်နိုင်ငံ မြောက်ဖက်ပိုင်းဒေသ ဗဟိုချက်မမှာ ဟိန့် နိန်ပါသည်။ ယင်းအချိန် ဝေသာလီ စန္ဒရားမင်းဆက် ( ၉) ဆက်မြောက် စူဋ္ဌစန္ဒရားမင်း ၏ သားဖြစ်သူ ငတုံမင်းက (၁၅၆ ) ခုနှစ်မှာ စမ္ပ၀က်မြို့့ ကိုတည်ဗျန် ထီးနန်းအုပ်ချုပ်ခပါသည်။ မိဖုရား သီရိဒေ၀ီနာင့် နန်းသက်ကာလမှာ-( ၁၅၆-ခုနှစ်မှ ၁၈၀-ခုနှစ်အထိ ) (၂၄) နှစ်ကြာညောင်းခပါသည်။ သက်တော်(၄၇) ခုနှစ်မှာ ငတုံမင်းနတ်ရွာစံခရပါသည်။ နတ်ရွာမစံခင် ( ၁၈၀ ) ခုနှစ် ပုဂံပြည်မှ စောခင်နှစ်အမည်ရှိ မင်းကလာရောက်တိုက်ခိုက်ခရေအတွက် ရွှေငွေ ကျောက်သံ ပတမြားတိကို ဘဲငါးရာတောင်မှာယန္တရား အစီအမံတိနာင့် မြုပ်နှံထားခသည်လို့  ရခိုင်သမိုင်းတိမှာ ဟိန့် ပါသည်။ ဟိန့် စွာကိုလဲ ရခိုင်သမိုင်းဆရာတိုင်း နိုင်ငံရီးသမားတိုင်း သိထားကတ်ပါသည်။ ဒေပိုင်သမိုင်းဆိုင်ရာအချက်အလက်ကို ဦးထွန်းရီ ( စစ်တွေ ) က ရီးလိုက်ကေလဲ ငတုံမင်းနာမည်နာင့် သက္ကရစ်တိကို လွှဲမှားပနာ ဖေါ်ပြထားစွာ တွိရပါသည်။ ယေကေလဲ ဝေသာလီခေတ် စန္ဒရားမင်းဆက်လက်ထက်မှာ ဖေ့သာဒင်္ဂါးတိကို ရခိုင်နိုင်ငံမှာ သုံးနိန်ဗျန်ဖြစ်လို့  ရခိုင်ရှင်ဘုရင် ငတုံမင်းက ဒေပိုင် အန္တရယ်ကင်းရာ ဘဲငါးရာ တောင်ထက်မှာ ၀ှက်ထားခစွာတိ ဖြစ်နိုင်ဖို့့လို့  သုံးသပ်နိုင်ပါသည်။ ဒေပိုင် ဖေ့သာဒင်္ဂါးတိ - ရွှေငွေကျောက်သံ ပတ္တမြားတိ -စိန်ရတနာတိကို လုံခြုံရေ ဘဲငါးရာတောင်မှာ ၀ှက်ထားခစွာက ရန်သူအောက်သားလူမျိုးတိကို မပီးချင်လို့  လက်ထဲကို မပါစီချင်လို့  ထားခစွာပါရာ၊ ယင်းပိုင်ဝှက်ထားးခစွာကို ဖေါ်ကောင် ဦးထွန်းရီ ( စစ်တွေ ) လုပ်လိုက်ကေ သစ္စာဖေါက်လို့  ခေါ်ရဖို့့  စွာရာ ဖြစ်နိန်ပါသည်။ ယင်းပိုင် ဦးထွန်းရီ ( စစ်တွေ ) က ရီးသားလိုက်တေ ဆောင်းပါးကို အခြီအခံပနာ စစ်အစိုးရကို လိုချင်မက်မောလားအောင် လုပ်ပလိုက်စွာမှာ နှစ်ပတ်ရာ ကြာပါသည်။ ချက်ချင်း ဘဲငါးရာတောင်ကို လားကတ်ပနာ စမ်းသတ်ထူးဖေါ်ဖို့  ကြိုးစား ကတ်ပါသည်။ ယေခါ ရခိုင်ရှင်ဘုရင်ရို့  မြုပ်ထားခရေ ရတနာသိုက်ကို ခေတ်မှီသိပ္ပံနည်းပိုင်ညာတိနာင့် ရှာဖွီဖို့  ဖြစ်လာပါသည်။ ယင်းပိုင်ရှာဖွီဖို့  စွာကို ကမ္ဘာ့လေကြောင်း ( NASA ) ဂြိုလ်တု စမ်းသပ်ရီးအဖွဲ့ က နည်းပိုင်ညာတိနာင့် ရှာဖွီလိုက်စွာဖြစ်ပါသည်။ ရတနာတိကို မြုပ်နှံထားရေနိန်ရာတိကို High Tech Geology ( NASA) က လွှင့်တင်ထားရေ ဂြိုလ်ထု Lam-dsal -7 EIM+ (200) Digital Image Data ) မှာရှိရေ Speterum လိုင်းတိနာင့် ရတနာသိုက်နိန်ရာ ( ၈ ) နိန်ရာကို တွိရှိစွာဖြစ်ပါသည်။ ယင်းပိုင်တွိလိုက်စွာနာင့် ဒေရတနာသိုက်ကို မတော်လောဘသမားတိနာင့် မသမာလူတိက သိလားကေ ပြသနာတက်လားဖို့  ဖြစ်လို့  ဒေပိုင် သတင်းတိထုတ်ပြန်လားဖို့  စွာကို စိုင်းစားနိန်ခရရေလို့  ပြောပြပါသိသည်။ သူရို့ ပြောစွာက မတော် လောဘသမားနာင့် မသာမာ လူတိ ဆိုစွာက ရခိုင်လူမျိုးတိကို ပြောစွာဖြစ်ပါသည်။ သူခိုးက လာခိုးပနာ အိမ်ရှင်ကို သူခိုးတိ မသမာလူတိလို့ ပြောလာန်ိန်ပါဗျန်ဒေ။ ဒေပိုင်အပြောခံရစွာမှာ ဦးထွန်းရီ ( စစ်တွေ ) ဆိုသူကြောင့် ပါရာ။ ဒေရတနာသိုက်ကို ရှာဖွီဖို့ အတွက် အခုတွိထားရေ နိန်ရာ ( ၈ ) နိန်ရာကို စစ်အစိုးရ၏ ရုပ်သီးအစိုးရဖြစ်တေ သမတဦးသိန်းစိန်အစိုးရက ခွင့်ပြုချက် တောင်းခံရဖို့  ဟိန့် ရေလို့  ပြောပါသည်။ ယင်းပိုင်ဆိုကေ ရခိုင်နိုင်ငံတော်က ရခိုင်ရှင်ဘုရင်ပိုင်ခရေ ရတနာသိုက်ကို ဇါသူက ပိုင်ဆိုင်စွာပါလဲလို့  မီးစရာ ဟိန့် လာပါသည်။ အဖြီက ရခိုင်လူမျိုးနာင့်ရာ သက်ဆိုင်သည်လို့  ပြောရပါဖို့ ကား။ အခုဆိုကေ ရုပ်သီးအစိုးရက ဒေရတနာသိုက်ကို တူးဖေါ်ဖို့  စတင်လှူပ်ရှားလားနိန်ဗျန်ဖြစ်ပါသည်။ ဆောင်းပါးရှင် ဦးထွန်းရီ( စစ်တွေ ) က ဇါလုပ်နိုင်ပါဖို့ လဲ ၊ ဇါပိုင်အကျိုးခံစားနိုင်ပါဖို့ လဲချင့် ။ 
             လွန်ခရေ ဝေသာလီခေတ်က စန္ဒြရားမင်းဆက် တိထဲက ရန်သူ အောက်သားလက်ထဲမပါလီရအောင် မြုပ်နှံထားခရေ ရတနာသိုက်ဆိုစွာ ရခိုင်နိုင်ငံတော်ကို ပြန်လို့  ရခကေ ရခိုင်လူမျိုးတိအတွက် အလှပလှ ရတာနသ်ိုက် တခုဖြစ်တေဆိုစွာကို ဇါဖြစ်လို့  နားမလည်ဘဲ ဟိန့် နိန်ခပါလေချင့်။ စန္ဒြားမင်းမျက်ရည်ကို ဇါဖြစ်လို့  ဆက်လို့  ကျနိန်စီချင်ပါလေချင့် ။ ဝေသာလီဘုရင်ရို့  အသိပိုင်ညာနာင့် ထားခရေ ရတနာတိကို အမျိုးသားသစ္စာဖေါက်ဦးထွန်းရီ ( စစ်တွေ ) ကြောင့် ရခိုင်လူမျိုးရို့ မှာ အခုဆိုကေ ကောင်းကောင်းကြီး ဆုံးရှုံးလားခရပါဗျန်ဒေ။ စာတလုံးနှစ်လုံးရီးပနာ ဆောင်းပါးရှင် အဖြစ် နာမည် ခံလိုက်စွာက အကြောင်းမဟုတ်ကေလဲ ရခိုင်နိုင်ငံတော်နာင့် ရခိုင်လူမျိုးတိအတွက် နစ်နာလားအောင် လုပ်ပနာ ဖြစ်လားရေအခါမှာ အမျိုးသားသစ္စာဖေါက်လို့  သတ်မှတ်ဖို့ ကလွှဲလို့  အရာတခုလဲ မဟိန့် ပါဗျန်ကာ။ ယေဇူးနာင့် ရခိုင်ဆောင်းပါးရှင်တယောက်ကြောင့် ဘဲငါးရာတောင်က ရခိုင်လူမျိုး ရတနာသိုက်က ပဗြုံးစင်လို့  ကုန်လားပါဖို့ ဗျန်လို့ ရာ ရခိုင်လူမျိုးတိကို ၀မ်းနည်းစွာနာင့် မှာလိုက်ရပါသည်လို့ ရာ ပြောလိုက်ချင်ပါသည်။ 


ခိုင်အောင်ကျော်( နယူးယောက် ) .

Monday, June 13, 2011

မလေးရှား နိုင်ငံမှ တောက်တဲ့ ရောင်းဝယ်ရေး အခွင်းအလမ်း

တောက်တဲ့ မလေးရှားမှာ ရွေထက်တန်ဖိုးကြီးနိန်
 တောက်တဲ့ ကို ဗြီးခရေ ၂၀၁၀ နှစ်ကုန်ပိုင်းကပင် မှောင်ခိုဈီးကွက် မှာ အရောင်းအ၀ယ် လိုက်နိန်ပါရေ လူသိရှင်ကြားရောင်ဝယ်လို မရပါ ။တောက်တဲ့ရောင်း ၀ယ်ရေးကို မာဖီယားဂိုဏ်းပုံစံ နန်လုပ်ကိုင် နိန်ကတ်ပါရေ လက်ဟိန့်  ရောင်းဝယ်နိန်ရေ ဈီနုန်းနန် ဆက်သွယ် ရောင်းဝယ် ဖို့ အတွက် မလေးဘာသာနန် ဖေါ်ပြပီးလိုက်ပါရေ ။ရခိုင်သားတိ အရောင်အ၀ယ်ကို ဂျေးမကြည်ဘဲ အန္တရယ်ကိုလည်းကြည်ရှောင်ဗျန် ချမ်းသာနိုင်ဂတ်ပါစီ။
 harga tokek & jual beli tokek di malaysia/indonesia June 4th, 2011 Donnyien Share YMads.com CPM Advertising Apa itu tokek? Tokek adalah nama umum untuk menyebut cecak besar. Ada beberapa jenis tokek, namun istilah tokek biasanya merujuk kepada jenis tokek rumah berikut. Tokek rumah adalah sejenis reptil yang masuk ke dalam golongan cecak besar, suku Gekkonidae. Tokek rumah memiliki nama ilmiah Gekko gecko (Linnaeus, 1758). Dalam bahasa lain hewan ini disebut sebagai téko atau tekék (bahasa Jawa), tokék (bahasa Sunda), dan tokay gecko atau tucktoo (bahasa Inggris). – Wikipedia Berikut adalah harga sekilo tokek dalam ringgit malaysia RM (anggaran sahaja).Harga dibawah saya perolehi daripada beberapa laman web di internet yang saya kaji. Pantang larang bela tokek: 1. Jangan gunakan sangkar yang diperbuat dari besi atau kaca (aquarium). Tokek lebih suka hidup didalam sangkar kayu atau buluh, sebab paling dekat dengan alam semulajadinya. Tokek akan lebih cepat sesuaikan dirinya, dan tidak stress. 2. Jangan gunakan sangkar yang terlalu besar, tokek akan cepat stress. Cukuplah hanya sekadar sedikit ruang untuk tokek bermain, masukkan buluh kedalam sangkarnya untuk tempat dia bersembunyi apabila rasa terancam oleh bunyi bising atau orang ramai. 3. Tokek adalah binatang yang sangat bersih dan tidak suka sangkarnya kotor. Ia akan membuang najis di tempat yang sama setiap hari. 4. Jauhkan sangkarnya dari tempat yang terlalu terang, sebaiknya tutup sangkarnya dengan jarring hitam seperti yang selalu digunakan di nursery (kedai pokok bunga). 5. Jauhkan dari tempat yang selalu berasap   .

  တောက်တဲ့ ၀ယ်ရေလူကိုဆက်သွယ်ဖို့ အတွက် ဖုန်းနံပါတ်ထည်ပီးလိုက်တေ ကိုတောက်တဲ ကို mms နန်ဓာတ်ပုံတစ်ပုံအရင်ပို့ ပီးရဖို့ လိုပြောရေ ဓာတ်ပုံကို +၆၀၁၇-၃၆၀၃၄၂၇ ကိုပို့ ပီးဗျာလ်
သူရိုဝယ်ဖို့ တောက်တဲက ၄၀၀ ဂရမ်အထက်ကိုမှ ရဖို့ လိုသူရိုဝတ်ဆိုဒ်မှာကြော်ငြော်ထားပါယင့် ဟိန်ရေလူတိ အလုပ်ဖြစ်အောင် ဆက်သွယ်လိုက်ကတ်ပါ။ 

.ဒေမှာဝင်ကြည်လိုက်ပါ  http://donnyien.com/personal/harga-tokek-jual-beli-tokek-di-malaysiaindonesia/ 

ပွဲစားကြီး
မောင်ညှောက်

အထက်ပါသတင်းရေလေးဝတီ ကိုအီးမေးကပီးပိုလာစာဖြစ်တေအတွက် တင်ပြပီးရစွာဖြစ်ပါရေ။

၁၁/…… ကိုင်ဆောင်သူတိကို မလွဲကောင်ဂိတ်က ပြန်လွှတ်ဟု သိရ

လေးဝတီ ခိုင်မင်းထွန်း June 13, 2011
ရခိုင်ပြည်ကနီ ပြည်ပနိုင်ငံတိသို့ ပုံစံ အမျိုးမျိုးနန့် ထွက်ခွာနီကတ်ရာ ရေးနန့် ထားဝယ်ကြားရှိ မလွဲကောင် ဂိတ်ကနိန် ၁၁/ …ကို ကိုင်ဆောင်သူတိကို တခြားနီရာသို့ လားခွင့်မပြုဘဲ ပြန်လွှတ်လိုက်ကြောင်း မကြာမီက ထားဝယ်သို့လားခီရေ ရခိုင်အမျိုးသားတဦးက ပြောပါရေ။ “ရန်ကုန်ကနိန် ထားဝယ် ကော့သောင် အလား ပါ၊ ယင်းမာ ရေးနန့် ထားဝယ်ကြားမှာရှိရေ မလွဲတောင်ဂိတ် ရောက်တေခါ၊ စစ်ဆေးရေးကလူတိ ကျနော့်ကို မိန်းပါရေ ဇာကိုလားဖို့လဲဆိုစွာကို၊ ကျနော်ကလဲသူရို့ မိန်းစွာကို ကောင်းကောင်းမဖြေနိုင်ခါ။ ပြန်လွှတ်လိုက်ပါရေ။ ကော့သောင်သို့လားခွင့်မပြုပါ” လို့သူက ဆိုပါရေ။ ရခိုင်ပြည်တွင်း အလုပ်အကိုင်စီးပွားရေးရေ တနိထက်တနိ ရှားပါလားရေအတွက် ပြည်ပနိုင်ငံသို့ အများအပြား ထွက်ခွာ နိန်ကတ်ရာ လမ်းခုလပ်တိဖြစ်တေ ဂိတ်တိမှာစစ်ဆေးခံရဗျာယ် ခိုင်လုံမှုမရှိကေ ပြန်လွှတ်တေ အနီအထားတရပ် ဖြစ်နီကြောင်း သိရပါရေ။ တခြားလူတိလဲကျနော်ပိုင် ပြန်လာရရေလူတိလဲ ရှိရေ”လို့ သူကဆက်ပြောခပါရေ။ ရန်ကုန် -ထားဝယ် ကော့သောင်းသို့ လားရာမှာ လမ်းခုလပ် ဂိတ်တခုဖြိုက်တေ မလွဲကောင်ရှိ အထူးစစ်ဆေးရေး အဖွဲ့ ၁၁/ မှတ်ပုံတင်ကိုကိုင်ဆောင်ရေ ရခိုင်အမျိုးသားတိကို ပိုမိုတင်းကျပ် စစ်ဆေးရေလို့ သိရပါရေ။ ထားဝယ်လိုင်း ဂိတ်မှူးတဦးက “ဖေ့သာပီးပြီးကေ တဖက်နိုင်ငံတိသို့ လူကုန်ပို့ရေ စနစ်ကပိုတွင်ကျယ်လာလို့ ဂိတ်တိမာအစစ်ဆေးများလာစွာ”လို့ ရခိုင်ရိုးမကဖုန်းနန့် ဆက်သွယ်မီးမြန်းချက်ကို ပြောကြားခပါရေ။ ပြည်မသို့ ခရီးလားနီရေ ရခိုင်အမျိုးသားတဦးကလဲ “၁၁/ မှတ်ပုံတင်ကိုကိုင်ဆောင်ရေလူတိဆိုကေ စစ်ဆေးစွာဗျာယ် ဟိုမိန်းဒေမိန်းနန့်၊ ကိုယ်ကခိုင်ခိုင်လုံလုံ ဖြေရရေ အေး မခိုင်လုံကေတို့ ဆက်မတိုးရဗျာယ်”လို့ သူကဆိုပါရေ။ အဖမ်းဆီးနန့် ပတ်သက်လို့ သူက“ဒေဘက်တိမာတို့ မရှိသလောက်ပါ။ နယ်စပ်ဂိတ်တိမာရာ မပြောတတ်”လို့ ပြောဆိုခပါရေ။ အလားတူ မှတ်ပုံတင် ( ၁၄/ ……)ဧရာဝတီ၊ (၈/….) မကွေး၊(၄/….) ချင်းပြည်နယ်နန့် မှတ်ပုံတင် အမှတ်ကိုင်ဆောင်သူတိကိုလဲ အဆိုပါ ဂိတ်က စစ်ဆေးမှုတိရှိကြောင်း သိရပါရေ။ ရန်ကုန်-ဧရာဝတီ၊ မကွေး-ရခိုင် စရေ ဒေသတိကရေ ရနောင်းသို့ အောက်လမ်းကလားရေလူတိအတွက် ကျပ်ငွေ ၅သိန်း ၇သိန်းဆိုကေ မလေးရှားစင်ကာပူသို့ ပို့ဆောင်ပီးကြောင်း။ အများစုရေ မလေးရှားနိုင်ငံသို့လားကတ်ကြောင်း ပွဲစားနန့် နီးစပ်တေအသိုင်းဝိုင်းဘားက သိရပါရေ။