Sunday, July 31, 2011

မဟာပညာကျော် ဖေါင်အတွက် ဒေါက်တာအေးကျော်မှ အကြံပြုချက်တိတောင်းခံလွှာ

Dear All,

The attached Arakanese alphabets are carefully sletate from the four periods of Arakanese leture- Danyawaddy,Vesali, Laymro, Mrauk-U,and from the bell inscriptions and copperplates as well for the creation of Mahapinnyakyaw Font periods the figures are taken from Arakanese coils and astrological books periods. You are comments are warmly welcome.

Thank you
Dr. Aye Kyaw
NYC

သို့ 


ပြည်တွင်း၊ပြည်ပဟိ ရဟန်းပညာဟိ၊ လူပညာဟိအပေါင်းရို့ အောက်ပါရခိုင်အက္ခရာတိဟာ မဟာပညာကျော် ဖေါင်လုပ်ဖို့ အတွက် ဓည၀တီခေတ်၊ဝေသာလီခေတ်၊လေးမြို့ ခေတ်၊မြောက်ဦးခေတ်၊ နန့် ခေါင်းလောင်းစာ ပီးပရပိုက်စာတိ ကိုအခြေခံထားပါရေ။ ရခိုင်ကိန်ဂဏန်းတိကာ ရခိုင်ငွေဒင်္ဂါး နန် ရခိုင်ဗေဒင်ကျမ်း၊အင်းကျမ်းရို့ကိုအခြေခံပါရေ။ ယင်ဟာကြောင်း သြော်ဂုတ်လ (၇)ရက်နိန့် ကိုနောက်ဆုံးထားပြီးကေ အကြံပီးကတ်ဖို့ လေးစားစွာပြန်ကြားအပ်ပါရေ။။

လေးစားစွာဖြင့်
ဒေါက်တာအေးကျော်
နယူးယောက်
ဖုန်း။။။၀၀၁၇၁-၈၃၃၃-၀၈၀၁။ ။ အီးမေး။ sukhavati@verizon.net


ပြုံတော်မှူပါဖိ(ရီစရာ)

တန်ရာ တန်ရာ


သိကြားမင်း ။ ။ ငါပြောရေ စကားကို မင်းနားလည်လား မာတလိ၊
မာတလိ ။ ။ နားလည်ပါရေ သိကြားမင်း ။ အခုပြောနီရေ စကားက ရခိုင်စကားရာ ပါ မနား။
မာတလိ ။ ။ ဟုတ်တယ် - ဒေစကားတိကို ပြောတတ်အောင် ဇါပိုင် လုပ်ရဖို့ လဲ ဆိုစွာကို သင်တန်းတက်ဖို့  အတွက် ငါလူ့ ပြည်ကို တနားချေ လားလိုက်ရဖို့ ဗျယ်ဒေ။
မာတလိ ။ ။ သိကြားမင်းက ရခိုင်လူမျိုး ဖြစ်ယင့်သားနင့် ရခိုင်ပြည်မှာ ရခိုင်စကားပြော သင်တန်းတက်ဖို့  လားပါဖို့ လား ။ လူတိ ရယ်နီကတ်ပါမေယေ ။
သိကြားမင်း။ ။ မင်းနားမလည် ပါသိဝေ ၊ ငါ့စကားကို ငါ့သားသမီး နားမလည်လို့  ပြသနာယေဝေ ။ သူရို့ က ရခိုင်စကား မပြောလေဝေ ။။။။။

×××××× ××××××× ××××××××× ×××××××× ×××××× ++++++++++

ရခိုင် ညီလာခံ
ဥက္ကဌ ။ ။ ဒေနိ ညီလာခံ ဗြီးလို့  ဟိကေ အစီးအ၀ီး တက်ရောက်သူ ကိုယ်စားလှယ်တော်ကြီးရို့  မိတ်ဆုံတွိဆုံ ညဇါစားပွဲ တက်ကတ်ရပါဖို့ ယေ ။
အခန်းအနားမှူး ။ ။ ယေကေ ဒေချင့်ကို ညီလာခံမှာ ကြော်ငြာပီးလိုက်ရပါဖို့ လား ။
ဥက္ကဌ ။ ။ ဟုတ်ပါရေ - ကြော်ငြာပီးလိုက်ပါ - ယေမှရာ အသင်းသူ အသင်းသားရို့  ဥက္ကဌ တိ အတွင်းရီးမှူးတိနင့် ရင်းနှီးမှူ ရလားကေ လုပ်ငန်းတိ အောင်မြင်လားဖို့  အခြီအနီ ဟိပါရေ လေ ။
အခန်းအနားမှူး ။ ။ ဥက္ကဌ ရို့  မယားတိနင့် အသင်းသူ အသင်းသား မယားတိနင့် မိတ်ဆုံတွိဆုံ ညဇါစားပွဲမှာ တခါတည်း ဖိတ်လိုက်ရပါဖို့ လား ။
ညီလာခံခမ်းမအတွင်းမှာ -၁၅-မိနစ် ခန့်  အသံမကြားရပါ ။ တ်ိတ်လားခပါရေ ။
ဥက္ကဌ ။ ။ အခုသက ညီလာခံ တနားချေ ရပ်လားစွာကို တောင်းပန်ပါရေ ၊ အခန်းနားမှူး ပြောရေအတိုင်း မိတ်ဆုံတွိဆုံ ညဇါ စားပွဲမှာ မယားတိက မတက်ရောက်နိုင်ပါယေ- ဇါဖြစ်လို့ ဆိုကေ
ဥက္ကဌ မယားရို့  အတွင်းရီးမှူး မယားရို့  က အောက်သားလူမျိုးတိ တခြားလူမျိုးတိ ဖြစ်နီရေအခါ အသင်းသူ အသင်းသားရို့  မယား စကားတိကို နားလည်ဖို့  မထင်လို့  မဖိတ်ကြောင်း ကြော်ငြာပီးလိုက်ပါ လေ ။။။

+++++++++ ++++++++++ +++++++++ ++++++++++ ++++++++++ +++++++++ ++++++++ ++++++++++

ဘောလုံးပွဲ

မောင်ဖြူချေ ။ ။ အမှန်ရာ ဆိုကေ ယင်းသူရို့  နိုင်ဗြီးသား ပါရာ ယေ ။ ကျွန်တော်ကတော့ခါ ယင်းသူရို့  ဖက်ကို အားပီးစွာပါဒေ ။ ဒိုင်လူကြီး မကောင်းလို့ ပါရာ ။
မောင်နီချေ ။ ။ ထားလိုက်ပါ အကို - ယင်းသူရို့  အကြောင်း ၊ အကို က ဇါလောက် သိလို့ လဲ - ဒေကောင်တိက ညစ်ပတ်တေ- ယေဇူးနင့် ရှုံးလိုက်ရစွာ ယေ ။
မောင်ဖြူချေ ။ ။ နှစ်ဖက်စလုံး ညစ်ပတ်ကတ်စွာရာ ဝေ- တဖက်လဲ ကောင်းစွာကား မဟုတ်ကာ ၊
မောင်နီချေ ။ ။ ယေချင့်ဗျယ် - ဒိုင်လူကြီးလဲ ညစ်ပတ်စွာ ကမ်းကုန်ရေ ။ ရခိုင်သားပွဲပါရာ အကို ။ နှစ်ဖက်စလုံး ညစ်ပတ်ရေပိုင် ဒိုင်လူကြီးတိကပါ ညစ်ပတ်တေဆိုစွာကို သိထားကေ သူရို့ ဘောလုံးပွဲကို ကြည့်ရစွာ
ကောင်းစွာဗျယ်ကား ယေ ။


------------------------------- ------------------------- ===================== ------------------------

ကန်တော့ပွဲ

ကျောင်းဆရာ ။ ။။။ ဒေနိခါ တပည့်ရို့  ဆရာကန်တော့ပွဲ လုပ်ဖို့  ဆိုကေ ဆရာက တခုအကြံပီးချင်ရေ ။
ကျောင်းသား ။ ။။။ ဟုတ်ပါယင့် - ဆရာကန်တော့ပွဲ အစီအစဉ်မှာ ဖျော်ဖြေပွဲရို့  လုပ်ဖို့  စီစဉ်ထားပါရေ ။
ကျောင်းဆရာ ။ ။။။ ဖျော်ဖြေပွဲ လုပ်ဖို့  စွာထက် မင်းရို့  ဆရာကတော်ကိုပါ ကန်တော့ပွဲ လုပ်ဖို့  ပြောချင်ရေ ဝေ ။


--------------- ====================

ဇိုင်းပြတ်နီခကေ ရိုင်းလားလီဖို့  ရာဇ၀င်

ဂါကရာ ဘင်းဂျီကျလို့  စိုက်ပီးခရဖို့ ဆိုကေ တခုချေလဲ မလုပ်စွာက အကောင်း ဆုံးရာလို့  ပြောကတ် စွာပါဗျန်ကာ ။ ပုဒ်နင့်ရိုင်နင့် ဟိခရေ စပါးတိကို ကြည့်ပနာ ခြီကန်လို့  စားနီခရေ ဘ၀တိကို တခါတခါ   ပြောကတ်    စွာပါဗျန်။ ယေအခါ သောက်လျှာပိုင်းကို ခေါင်းအုံးလို့  လီသသွပ်နင့် ဇရပ်ထက်မှာ   ပြောခကတ်စွာ နီခစွာတိကို မမိနိုင်စွာက အစိုင်အလာပါကားယေ ။ ပဇေါင်ပင်ဖြစ်ဖြစ်   မြီကိုချစ်လို့    မြီကိုဖက်ပနာ နီခကတ်တေ လူတိဘ၀မှာ အခုဆိုကေ မြီလဲပျောက် နီစရာလဲ ပျောက်နီရကတ်ပါဗျန်ဝါ ။ တလိုင်းက လယ်တိကို သိမ်းပလိုက်စွာ တတက်ပြောင်ဖို့ ဗျန် ဆိုပနာ ပြောသံတိ ကြားလိုက်ရပါယင့်။ စစ်တပ်က သိမ်းပလိုက်စွာ ရခိုင်ပြည်မှာ တ၀က်ကျော် မဟိလိုက်ပါဗျန်လို့  ပြောသံတိကို ကြားရစွာပါဒေ။ လယ်ကိုသိမ်းစွာပိုင် လယ်လုပ်ဖို့  ကလေချေတိကလဲ ကိုယ့်မြီကိုယ်ဒေသမှာ မနီဘဲနင့် နိုင်ငံခြားကို ထွက်လားရေလူ တခြားပြည်နယ်တိကို ထွက်လားခရေ လူတိကား မကန်ပါကားယေ။ ရွှီကျောင်းပြောင်ပြောင် ၀မ်းခေါင်ခေါင် ဖြစ်နီရစွာ ဘ၀မှာ ဇါသူက ပျော်ကတ်ပါဖို့ လဲ ချင့်- ယေကေ စားရဖို့  သောက်ရဖို့  တနီတရပ်မှာ လုပ်လို့ ကိုင်လို့  ရကေ လားကတ်စွာရာ ပါမနား။
   

   အခုတလိုင်း ရခိုင်မြီမှာ ရခိုင်သားတိကို ကြံ့ဖွံ့က မောင်ဦးက ခြိမ်းခြောက်လာရေအခါ ရန်သူက ဇါနှစ်မျိုးလဲလို့      စိုင်းစားလာကတ်ရပါရေ ။ ကိုယ့်မင်းကိုယ့်ချင်းနင့် နီခကတ်တေ ရခိုင်လူမျိုးတိက တခြားလူမျိုးပါးမှာ အဆဲခံ အနှိမ်ခံ အပြောခံရစွာ ဒေခုအချိန်မှာ တဖေ့ချေလောက် နာရမှန်း   ကောင်းကောင်း သိလာကတ်ပါဗျန်ထော။ အများကြီး မနာတတ်တေအတွက် အများကြီးပင် ဆဲစွာ ခံရမှ ကောင်းဖို့ ယေလို့  ပြောကတ်သံလဲ ကြားလှာရပါသိရေ ယေ။ ဇါဖြစ်လို့ ဆိုကေ အသိနာမှ ဘ၀ကို စိုင်းစားကြည့်ဖို့  တတ်ကတ်ဖို့  ဖြစ်နီလို့ ပါဒေ။ ရခိုင်လူမျိုးဆိုစွာ ကိုယ့်မင်းကိုယ့်ချင်း ကိုယ့်နိုင်ငံနင့် နီခ ကတ်စွာ ပါရာ ။ ယင်းပိုင် နီခရေအခါ မြောက်ဦးထီးနန်းကို ဆက်ခံရေ မင်းခရီက ရခိုင်ရိုးမတောင် - တောင်ပိုင်းမှာ ဟိရေ ဖိုးခေါင်တောင်ထက်မှာ သက္ကရာဇ် -၈၁၆-ခုနှစ် တန်ခူးလဆန်း-၆-ရက်နိမှာ   ဒေနိုင်ငံတော်ကား ရခိုင်နိုင်ငံတော်လို့  ရင်ကော့ပနာ ကြိမ်းဝါးခရေ ရခိုင်နိုင်ငံတော်ဖြစ်ပါရေ။ ယင်းရခိုင် နိုင်ငံတော်ကို ရခိုင်လူမျိုးတိက သုံးကြိမ်တိုင်တိုင် နှစ်ပေါင်းနှစ်ရာကျော်အတွင်း ပျောက်ဆုံးခလားရပါဗျန်ကာ ၊ ပထမတကြိမ် ရခိုင်သားအချင်းချင်း မစီးရုံးနိုင် မညီညွတ်ခနိုင်ကတ်လို့  ရန်သူလူမျိုးခြားကို ယုံကြည့်လို့  ဖြစ်ခရပါရေ။ ယင်းချင့်ပထမအကြိမ်က အေဒီ- သက္ကရဇ် - ၁ရ၈၄-ခုနှစ် ဒီဇင်ဘာလ- ၃၁- ရက်နိဖြစ်ပါရေ ။ ဒုတိယအကြိ်မ်ကား အေဒီ-သက္ကရဇ် -၁၉၄၈-ခု ဇန္န၀ါရီလ-၄-ရက်နိဖြစ်ပါရေ ။ တတိယအကြိမ်ကား ၂၀၁၁-ခုနှစ် ပါကားယေ။

ယေကေ ဇါဖြစ်လို့  ဒေပိုင် ရခိုင်လူမျိုးတိအတွက် ရခိုင်နိုင်ငံတော်ပျောက်လားခရေနိတိလို့ အတိအကျ ပြောကတ်ရစွာ ပါလဲလို့  မီးစရာ ဟိပါရေ ။ အမှန်က ရခိုင်လူမျိုးဆိုစွာ သက္ကရဇ်-၁၇၈၄-ခုနှစ်မှာ အောက်သားဘုရင်က သိမ်းပိုက် ခခြီကေလဲ ဖြစ်လိုက်ရရေ စစ်ပွဲကား နည်းစွာကား မဟုတ်ပါဒေ ။ သီလားခရစွာက ရွီတွက်လို့  မရလိုက်ပါဗျန်ကာ ။ နှစ်ပေါင်း-၄၀- စစ်ပွဲ ဖြစ်ပြီးနောက် - ၁၈၂၄-ခုနှစ်လောက်မှာ ရခိုင်နိုင်ငံတော်ကို ဗြိတိသျှ အင်္ဂလိပ် တိက သိမ်းပိုက် လားခစွာနင့် အင်္ဂလိပ်ပါးမှာ ကျွန်ဘ၀ကို ရောက်လားခရစွာပါရာ ၊ ဒေပိုင် အင်္ဂလိပ်ပါးမှာ ကျွှန်ဘ၀ကို ရောက် လားခစွာက အောက်သားလက်အောက်မှာ မနီချင်လို့  အင်္ဂလိပ်တိနင့် ပေါင်းပနာ တိုက်ခကတ်လို့  အင်္ဂလိပ်ပါးမှာ ကိုလိုနီဖြစ်လားရစွာပါချင့်။ အင်္ဂလိပ်တိကို တော်လှန် ရေးလုပ်လို့  ဂျပန်နိုင်ငံက ရခိုင်ပြည်ကို သိမ်းပိုက်ခရေခါမှာလဲ ရခိုင်နိုင်ငံတော်က ဂျပန်ပါးမှာ ကိုလိုနီဖြစ်နီခစွာပါရာယေ ။ ယေကေ ဂျပန်ကိုတော်လှန်ဖို့  အင်္ဂလိပ်တိပါးမှာရခိုင်တော်လှန်ရီးသမားတိက ချဉ်းကပ်တေအခါမှာရခိုင်နိုင်ငံတော် ပြန်လည်ရရှိရီဆိုစွာ ပျောက်လားခပါဗျန်။ ရခိုင်နိုင်ငံရီးသမားတိက နိုင်ငံရီး တွက်ချက်စွာ မှားလားခလို့  အင်္ဂလိပ်တိက မြန်မာနိုင်ငံကို လွပ်လွပ်ရီး ပီးလိုက်တေအခါ ရခိုင်နိုင်ငံတော် လုံးဝ ပျောက်လားခရပါရေ ။

ယေဇူးနင့်လဲ အခုတခါ ၂၀၁၁- ရွီးကောက်ပွဲ လုပ်တေအခါမှာလဲ ရခိုင်နိုင်ငံတော်ပျောက်လားခစွာ သမိုင်းမှာ သုံးကြိမ်တိုင်တိုင် ဖြစ်လားခရပါဗျန်လို့  ပြောရစွာဖြစ်ပါယင့် ။ ကောင်းပါဗျန်ဒေ ။ ဒေပိုင်ဖြစ်နီရစွာမျိုးကို   ပြန်လို့  ရခိုင်နိုင် ငံတော်အတွက် ဖြီရှင်းရဖို့  နည်းလမ်းတိကို စိုင်းစား နီကတ်ရပါရေ။ ပထမအဆင့်အနီနင့် ကုလသမဂ္ဂမှာ ရခိုင်နိုင်ငံတော်ကို ကိုလိုနီဖြစ်နီစွာက ဖျက်သိ်ိမ်းရီးကို လုပ်ဖို့  လိုနီပါရေ ။ ဒေပိုင်လုပ်ဖို့  လိုနီစွာမှာ ရခိုင်လူမျိုး တစုချေ တဖေ့ချေ လုပ်နီလို့  မရပါဒေ။ တကမ္ဘာလုံး ရခိုင်လူမျိုးတိက ၀ိုင်းဝမ်းပနာ လုပ်ကတ်ရဖို့  စွာ ဖြစ်ပါရေ ။ ရခိုင်လူမျိုးတိ ရင်ထဲက မကြီနပ်နိုင် ဖြစ်နီရေ ပြသနာတိကို ကုလသမဂ္ဂက သိဖို့ လိုရေအချိန်ဖြစ်နီပါရေ ။ ဒေပိုင်သိမှ လုပ်ရဖို့  ကိုင်ရဖို့  စွာ လွယ်လားပါဖို့ ဒေ။ ဒေပိုင် ကိုလိုနီဖျက် သိမ်းရီးးအတွက် ရခိုင်လူမျိုး ပညာတတ်ကလေချေတိ ကောင်းကောင်း လိုနီပါဗျန်ဒေ ။ နိုင်ငံတကာ သမတတိနင့် အစိုးရတိနင့် လွှတ်တော်ကိုယ်စားလှယ်တိနင့် စကားပြောဖို့  အင်္ဂလိပ်စကားတတ်တိ မျိုးချစ် ရခိုင်လူငယ်ချေတိ ကောင်းကောင်းကြီး လိုနီလာပါရေ ဒေ။

ဒေပိုင်လိုအပ်တေလို့  ပြောရစွာကလဲ အခုအချိန်မှာ အဂင့်ဂင့်လိုနီလို့ ရာ ပြောဖြစ်စွာပါရာ ။ ညဇက ရခိုင်သမိုင်းတိကို အင်္ဂလိပ်ဘာသာနင့် ရီးနီရေ ရခိုင်သမိုင်း စာရီးဆရာကြီး ဦးအောင်လှသိန်း သွီးတိုးရောဂါနင့် ဆီးရုံးကို အသည်းတပြင်း တက်လားခရရေလို့  သတင်းကြားရပါရေထော ။ ယေကေ မျက်စိပြူးလားရစွာ ပါကားယေ ။ ဆရာဦးအောင်လှသိန်းက တခြားသုတေသီတိပိုင် ရခိုင်သမိုင်းကို ရခိုင်စာနင့် မရီးဘဲ အင်္ဂလိပ်စာနင့် ရီးနီရေ စာရီးဆရာကြီးဖြစ်လို့  ကောင်းကောင်းပင် လေးစားချစ်ခင် အားကိုးအားထား ပြုရရေ ရခိုင်သမိုင်း ဆရာကြီး တယောက်ပါဒေ ။ ဒေပိုင်ဆရာကြီး တယောက်က မကျမ်းမာ နီမကောင်း ဖြစ်လို့  သတင်းကြားရစွာထက် ဆီးရုံမှာ ခေါင်းမူးလို့  လဲကျလို့  လားပနာ သတိတောင် မရဆိုရေကာ ကောင်းကောင်းပင် စိုးရိမ်စိတ်တိ ၀င်လားခရပါရေ ။ ယေဇူးနင့် အဆက်အသွယ်တိကို မီးရပါရေ ။ စုံစမ်းရပါရေ ။ နောက်တရက်နိ အိပ်ရာက ထရေအခါ ချက်ချင်း သတင်းကို မီးကြည့်ရပါရေ ။ ယေခါ သက်သာလားဗျန် ဆေိုရ သတင်းကို ကြားရလို့  စိတ်အီးလားရပါရေ ။ ယင်းအတွက်တာနင့်လဲ ဒေဆောင်ပါးကို ရီးဖြစ်စွာလို့  ဆိုကေ မှားဖို့  မထင်ပါကားဒေ ။ ရီးရေလူကတော့ ခေါင်းမူးပနာ ရီးနီစွာပါချင့် ။ ဒေအေကြောင်းကို နောက်မှာ ပြောပြပါမေ ။

ရခိုင်သမိုင်းဆရာကြီးက မျိုးဆက်သစ်တိကို သိအောင် နားလည်ကတ်အောင် ရီးပြ ပြောပြနီရေခါမှာ တန်ဖိုးဖြတ်မရနိုင်လောက်အောင် ကျေးဇူးတရား ကြီးမားလွန်းပါရေ၀ါ ။ ယင်းပိုင်ကျေးဇူးကြီးမားရေအတွက် ရခိုင်ဆိုစွာ ဇါလေဆိုပနာ လက်မချေတိ ထောင်ဗြီးကေ ရင်ကော့ နိုင်ကတ်စွာ မဟုတ်ပါလားယေ။   ယေကေတောင်မှ ဆရာကြီးတိက အသက်အရွယ်တိကြီးလို့  ဇရာပိုင်းကို ရောက်လာရေအခါ မျိုးဆက်သစ် ရခိုင်သမိုင်းဆရာတိက လက်ဆင့်ကမ်း ယူနိုင်ကတ်ဖို့ လား ဆိုစွာကို စိုင်းစားကြည့်ဗျန် ရင်မအီးပါဒေ ။ 

 ဇါပင်ဖြစ်ဖြစ်သမိုင်းဆရာကြီး ဦးအောင်လှသိန်းက      ရခိုင်နိုင်ငံတာဝန်ကို ထမ်းဆောင်ဖို့  မျိုးချစ်သူရဲကောင်းအဖြစ် ကျမ်းမာနီလားခပါဗျန် ။ ဆရာကျမ်းမာလားစွာနင့် ပါတ်သက်လို့  ဇါဖြစ်လို့  ခေတ် ပညာတတ် မျိုးဆက်သစ် ပညာတတ်ကလေချေတိ ဇါအတွက် အများကြီး ပေါ်ပေါက်ဖို့  လိုအပ်နီပါလေလို့  မီးချင်ပါကတ်လိမ့်မေ။ အဖြီက ရှင်းနီပါရေ ယေ ။ ယင်းပိုင် မျိုးဆက်သစ် ပညာတတ် ရခိုင်သမိုင်းဆရာတိ မဟိကေ ဇါပိုင်ပင် ရခိုင်နိုင်ငံတော်အကြောင်းကို ပြောနိုင်ကတ်ပါဖို့ လဲ ။ ဇါပိုင်ပင် ရီးနိုင်ကတ်ပါဖို့ လဲ ။ ဇါပိုင်ပင် အရှင်နာဂိန္တမော်ကွန်းပိုင် အမျိုးသီလ-နှစ်ဌါနကို - ပြည့်ဝမဏ္ဍိုင်-စောင့်စွမ်း နိုင်သည်လို့ ရီးလူဟိ ကတ်   ပါဖို့ လဲ ယေ ။

ဆရာဦးအောင်လှသိန်းရို့့ပိုင် အင်္ဂလိပ်ဘာသာနင့် ရီးလူဟိမှ အင်္ဂလိပ်ပိုင်နားလည်ရေ လူမျိုးတိက သိကတ်ပါဖို့ ဒေ။ ယေကေ ရခိုင်နိုင်ငံတော်အကြောင်းကို အလှပလှ သိလီကတ်ဖို့  စွာပါမနား ။ ယင်းချင့်ပါ ဗျန်ယေ အဖြီက ။ ရခိုင်လူမျိုးချေတိက ရခိုင်နိုင်ငံတော်ကို ကိုလိုနီဖျက်သိမ်းပီးရီးအတွက် လစိုင်လတိုင်း ကုလသမဂ္ဂရုံးရှေ့မှာ တောင်ဆိုလာကတ်ဗျန်ဆိုကေ တနိမှာ နိုင်ငံတကာခေါင်းဆောင်တိနင့် လုံးဝစကား   ပြောလာရဖို့ ဗျန်ဒေ။ ယင်းချင့်ကရာ နိုင်ငံရီးအရ ရခိုင်လူမျိုးတိအတွက် အမြတ်အစွန်း ရလာဖို့  စွာပါရာ ။ အခုဆိုကေ သမိုင်းလိမ်မူဆလင် ကုလားလူမျိုးတိက ရခိုင်လူမျိုးအဖြစ် အိမ်ရှင်လုပ် လာနီကတ်ပါရေဒေ။ တရက်နိကလဲ အင်္ဂလိပ်အမျိုးသမီးတယောက်က မြန်မာပြည်မြီပုံမှာ ရခိုင်လူမျိုးတိ နီရေ ဒေသဖြစ်တေ ရခိုင်ပြည်မှာ ယင်းသူရို့  မူဆလင်ကုလားလူမျိုးတိရာ နီထိုင်ရေ ဆိုပနာ ဓါတ်ပုံတိထည့်လို့  လုပ်ဗြီးကေ အသံလွှင့်ပါသိရေ ။ အခုလဲ ကာဇစ်စတန်နိုင်ငံမှာ သမိုင်းလိမ်မူဆလင်ကုလား လူမျိုးတိက ညီလာခံ လုပ်ပနာ ကြီးကြီးကျယ်ကျယ် လုပ်စွာ မြင်နီရပါရေ ။ ယင်းညီလာခံမှာ ဥရောပရီးရာအဖွဲ့ က ဦးဟန်ညောင်     ဝေ က  ဒါရိုက်တာအဖြစ် လားလို့  တက်နီစွာ မြင်ရပါရေ ။ ဦးဟန်ညောင်ဝေ-က ရှမ်းလူမျိုး ဖြစ်ဗြီးကေ   မြန်မာနိုင်ငံ လွပ်လွပ်ရေး - ရရေအခါ သမတဖြစ်လာရေ ရှမ်းလူမျိုး စပ်ရွှေသိုက် သား ဖြစ်ပါရေ ။

သမ္မတစပ်ရွှေသိုက်က ရှမ်းနိုင်ငံရီးသမားဖြစ်ကေလဲ ဦးဟန်ညောင်ဝေက နိုင်ငံရီးသမားတယောက် မဟုတ်ပါယေ။ ဇါဖြစ်လို့ ဆိုကေ ရှမ်းလူမျိုးအရီးကို နိုင်ငံရီးလုပ်နီစွာမဟုတ်ဘဲ အကြံအဖန် နိုင်ငံရီးလုပ်နီရေ လူရာဖြစ်ပါရေ ။ ဥရောပရီးရာအဖွဲ့ ကို ဖွဲ့ ထားရေဆိုရေအခါ ဒေါ်လာတိက ရလာဗြီးကေ တိုင်းရင်းသား လူမျိုးစုတိကို ပူးပေါင်းဖွဲ့ စည်းထားစွာဖြစ်ပါရေ ။ ယင်းပိုင်တိုင်းရင်းသားအဖွဲ့ ထဲမှာ သမိုင်းလိမ် မူဆလင် ကုလားလူမျိုးတိက တိုင်းရင်းသားလူမျိုးစုအဖြစ် အသိအမှတ်ပြုခံဖို့  လုပ်နီကတ်စွာဖြစ်ပါရေ ။ ယေကေလဲ ရခိုင်လူမျိုးတိက လက်မခံရေအခါ သမိုင်းလိမ်မူဆလင်ကုလားတိက ဒေါ်လာကုန်ဗြီးကေ အလုပ်မဖြစ်စွာရာ ဟိရပါဖို့ ကာ ။ ရခိုင်လူမျိုးတိက ဒေအချက်ကို မမိဘဲ သိထားရဖို့  လိုပါရေိ ။ ဇါဖြစ်လို့ ဆိုကေ အာဆီယံ ညီလာခံမှာ မူဆလင်နိုင်ငံတိက စစ်အစိုးရကို ဖိအားပီးနီစွာမှာ လွပ်လွပ်စွာ ဘာသာရီးကို ကိုးကွယ်ခွင့်နင့် ကိုင်ဗျန် မူဆလင်လူမျိုးတိကို အသိအမှတ် ပြုပီးဖို့ တောင်းဆိုနီကတ်ပါရေ ။ ယင်းပိုင်စွာနင့် ပါတ်သက်လို့  အပီးအယူ လုပ်နီကတ်စွာမှာ အာဆီယံဥက္ကဌ ဖြစ်ချင်ကေ မူဆလင်ကုလားတိ တောင်းဆိုစွာကို လိုက်လျှော    ကေ ဥက္ကဌ ရာထူး နီရာရအောင် လုပ်ပီးနိုင်ရေလို့  အာဆီယ့အဖွဲ့ ဝင်နိုင်ငံတိက ပြောဆိုနီကတ်ပါရေ ။

အာဆီယံနိုင်ငံမှာ မူဆလင်ဘာသာဝင်နိုင်ငံတိက အများကြီး ပါရေပိုင် အာဏာရှိနိုင်ငံတိကလဲ ပါနီပါရေ ။ ယင်းပိုင်စွာ အခွင့်အရီးကို ယူဖို့ အခါမှာ ဦးဟန်ညောင်ဝေရို့ ပိုင် လူတိကို ဒေါ်လာနင့် ပေါင်းပနာ ရခိုင် ပြည်ကို  ရောင်းစားလီအောင် ကြံနီကတ်စွာဖြစ်ပါရေ ။ ယေဇူးနင့် ဒေပိုင်စွာမျိုးကို အင်္ဂလိပ်ဘာသာနင့် ရီးပြတတ်တေ ဆရာကြီး ဦးအောင်လှသိန်း ရို့  ဦးအလုံးမောင်ရို့  ပိုင် စာရီးဆရာကြီးတိ ဟိနီဖို့ မလိုပါ လားယေ ။    ရခိုင်နိုင်ငံရီးသမိုင်းနင့် ရခိုင်ရာဇ၀င်တိကို အင်္ဂလိပ်ဘာသာနင့် ရီးရေ သမိုင်းဆရာကြီး တိက ကောင်းကောင်း အရေးကြီးနီပါရေ ။ အသက်အရွယ်ကြီးမြင့် ရေ သမိုင်းဆရာကြီးတိကို ကျမ်းမာ ကတ်စီဖို့  ဆုတောင်းပီးပါရေ ။ ယေမှရာ ဇိုင်းပြတ်လီဖို့ စွာကို မပြတ်ရအောင် လုပ်နိုင်ကတ်ဖို့  မဟုတ် ပါလားယေ-။ မျိုးဆက်သစ်ရခိုင်သမိုင်း ဆရာချေတိ သုတေသီတိ မပေါ်ပေါက်ခင် ပေါ်ပေါက်လာအောင် လက်ဆင့်ကမ်းပီးဖို့  ဆရာကြီးရို့ က အသက်ရှည် ပီးခဇီချင်ပါရေ ။ ဇါဖြစ်လို့့ ဆိုကေ ရခိုင်နိုင်ငံတော်   ပျောက်လားခစွာကို မပျောက်ရအောင် ဆရာကြီးတိ ထိမ်းသိမ်းထားကတ်စွာကို ရခိုင်လူမျိုးတိုင်း သိရှိနားလည် ခံစားကတ်ပါဗျန် ။ ပဇေါင်ပင်ဖြစ်ဖြစ် ရခိုင်နိုင်ငံအတွက် အခုအချိန်က စခါစရာ ဟိပါသိရေ ။ ဒေပိုင်အချိန်မှာ ဆရာကြီးရို့  လမ်းညွှန် ပီးဖို့ လိုပါရေဒေ။ ဇိုင်းပြတ်လားကေ ရိုင်းလားလီဖို့  ရာဇ၀င်ကို မျက်စိထဲမှာ မြင်နီလို့ ပါဒေ။ ဒေဆောင်းပါးကို ရီးနီချိန်မှာ ခေါင်းတခုလုံးမူးလို့  ဥဏှောက်ထဲမှာ စိုင်းစားလို့  မရပါဒေ ။ ယေကေလဲ သံဖုရာရည် တခွက်ကို အနားမှာထားဗျန် စာရီးယင်း သောက်ယင်း ရီးနီရစွာပါ ဒေ။ ကျွန်တော်မသီချင်ပါသိ ။ စာတိကို ဆက်လို့  ရီးချင်ပါသိရေ ။ ယေကေလဲ ရခိုင်သမိုင်းဆရာကြီး ဦးအောင်လှသိန်း သိဖို့  အစား ကျွန်တော်ရာ သီလီဖို့  ဆိုကေ သီပီးလိုက်ချင်ပါရေ ။ ဇါဖြစ်လို့ ဆိုကေ ဇိုင်းပြတ်လားကေ ရိုင်းလားလီဖို့  ရာဇ၀င်တိကို ကျွန်တော် မစိုင်းစားဝံ့လို့  ပါရာ ။

ခိုင်အောင်ကျော် ( နယူးယောက် )

မလေးသျှားရခိုင်ဒုက္ခသည်ရုံးတိ ညီညွတ်စွာပေါင်းလိုက်ဗျာလ်

၃၁။ ၇။ ၂၀၁၁။လေးဝတီ။ ။ကွာလာလမ်းပူ
   မလေးသျှားဟိရခိုင်ဒုက္ခသည်ရုံးသုံးခုဖြစ်တေ(AAR.ARRC.KL.ARRCပူချောင်း)ရုံးတိအပြီးသတ်
ပေါင်းစည်းဖို့ သဘောတူလိုက်တေလို သတင်းရဟိန့့် ပါရေ။ မလေးသျှားမာရောက်ရှိနိန်ကတ်တေ ရခိုင်သားတိ က ရခိုင်ဒုက္ခသည်ရုံးပေါင်းစည်းရေးကို  အသောကရာမကျောင်းမှာ နိန့်ခင်းပိုင်း၂နာရီမှာ အစည်းအ၀ီး ကျင်းပ ဗျာလ် ၄း၄၅ နာရီအချိန်မာ အပြီးသတ် လက်မှတ်ရွီး ထိုး ကာ ရုံးပေါင်းစည်းရီးအတွက် အတည် ပြုခရေလို့ သိဟိန့် ရပါရေ ယင်းအစည်းအ၀ီး ကို ရခိုင်သူ၊ရခိုင်သား အများအပြားတက်  ရောက်  ခကတ်တေ လို အစည်းအ၀ီးတက်ရောက်တေ လူတယောက်က ပြောပြခပါရေ။

ယင်းရုံးပေါင်းစည်းရီးကို မလေးသျှားရောက် မျိုးချစ်ရခိုင်လူငယ်တိ နင့် ဆရာတော်အရှင်သူမြတ်ရို့  တိုက်တွန်းချက် နင့် လုပ်လာရစွာလို ပူချောင်း နိန် ရခိုင်လူငယ်တစ်ယောက် က ပြောပါရေ။ မလေးသျှား   ရောက် ရခိုင်လူမျိုး တိ အတွက် အကွဲအပြဲကို အဆုံးသတ်တေ နိန့် လို ပြောလိုရဘာယာ ၊အယင်ခေါက် မလေးသျှား မှာ ရခိုင်ရုံးတိ က မကန်ဘာ အခု တစ်ရုံးတည်း ဖြစ်လားစွာ ကောင်းရေလက္ခဏာ တစ်ခုဘာ၊ မလေးသျှား နိုင်ငံ မှာ ဒုက္ခသည်အဖြစ် နိန်ထိုင် ကတ်တေ ရခိုင်လူမျိုး အများစု က ရုံးပေါင်းစီး လားရေ သတင်း ကို ကြားလိုက် ရစွာ နင့် ကကောင်းပျော်ရွင်နိန် ကတ်တေလို့ သတင်ရဟိန့် ဘာရေ။

ရုံးပေါင်းစည်းရီး အောင်မြင် စွာနန်ပြီးစီးလားရေ အကြောင်းကို ကိုယ်တိုင်အစည်းအ၀ီး တက်ရောက်သူ မြေပုံ(ဖိုးတုတ်) ကို ဆက်သွယ် မီ်းစွာမှာ ဟုတ်ပါယင့်အိုက်ကို၊ ဒေနိန်အစည်းအ၀ီး ကို မလေးသျှားမှာဟိန်ရေ ရခိုင်အဖွဲ့ အားလုံးတက်ရောက်ကတ်တေ ။ ပူချောင်းဘုန်းကြီးကျောင်းမှာ မကန်ဘာ ထော ။ အခုပြုလုပ်တေ အစည်းအ၀ီး စွာ နောက်ဆုံ အစည်းအ၀ီး လို့ ပြောလိုရဘာရေ။ အားလုံးလက်မှတ်ထိုးပြီးကတ်ပါဗျာလ် ။ ပေါင်းစည်းရီးအတွက် ပါလေ ။ နောက်ဆက်ပြောခစွာက arrc တစ်ရုံးတည်း အကောင်အထည်ဖေါ်ဖို့  ရှိလုပ်ငန်းစိုင်နင့် ပတ်သတ် လို့ အစည်းအ၀ီးကို ၁၄၊၈၊၂၀၁၁ နိန့် လုပ်လားဖို့ ဟိန့် ဘာသိရေလို့ လည်း ပြောခပါရေ ၊ ဒေနိန့် အစည်းအ၀ီး မှာ ALD မှ ဒုအတွင်းရေးမှူး ခိုင်မြတ်မင်း(ခေါ်)အာရီလင်း ကိစ္စ စကေပြောခပါမေ ။ အခုသူ တက်ရောက်စာက ပြည်သူတစ်ယောက်အနေနင့် တက်ရောက် စာဘာ ၊ အကျွန့် အနားမှာ သူဟိန်ဘာရေ လွန်လွန်ကျူးကျူး တစ်ခုလေ့ မလုပ်ခဘာ ကာ ။ပြည်သူတိ စကားပြောခွင့် ပြုရေအခါ တော ပြောခွင့်ရလို ပြောခစွာဘာရာ ။ အကောင်းဖက် က ကြည်ပီးစီချင်ဘာရေ။ ဒေပိုင်ပေါင်းစီးလား စွာကို ရင်ထဲမှာ ခံစားနိန်ရေ ခံစားချက် ကိုလည် ပြောပြဘာသိရေ၊ အတိုင်း မဟိန့်  နိုင်အောင် ဝမ်းသာပီတိ ဖြစ်ရရေ ဆိုကေ ပိုလားဖို့ လို့  မထင်နိုင် ဘာ    အိုက်ကို ။ ဒေဟင့် က အကျွန်ရင်ထဲကလာရေ မှန်သော သစ္စာစကါးဘာ လို့  ကိုဖိုးတုတ် (မြေပုံ) ကအားပတရ ပြောပြလားပါရေ။

မလေးသျှားရောက် ရခိုင်ဒုက္ခသည်ရုံးတိ ပေါင်စည်းလားရေသတင်းကို အမေရိကန် နိုင်ငံ နယူးယောက်မြို့ မှာ နီထိုင်ရေ ဦခိုင်အောင်ကျော် က ကြိုဆိုလိုက်ပါရေ။ တခြားနိုင်ငံတကာ   ရောက်ရခိုင်သားတိ ကလည်း ၀မ်းမြောက်ဝမ်းသာ ဟိန့် ရေအကြောင်း သတင်ရဟိန့်  ဘာရေ၊ နိုင်ငံရီးကိစ္စတိနင့် လုံးဝပတ်သက်စွာ မဟုတ်ဘဲ ဒုက္ခသည်ရုံးဆိုစွာ ဒုက္ခသည်ကိစ္စနင့်ရာ ပတ်သက် စွာရာ ဖြစ်တေလို့ လဲ ပြောကတ်ရေပိုင် ရခိုင်ဒုက္ခသည်ရီးရာ ကိစ္စကို စုပေါင်းလုပ်နိုင်ကတ်ဖို့ လို့ လဲ   မျှော်လင့်ကတ်စွာ   ဖြစ်တေလို့  သိရပါရေ ။ မလေးသျှားနိုင်ငံမှာ ရခိုင်အပါအ၀င်    မြန်မာဒုက္ခသည် ကိုးသောင်းကျော် ဟိန်ရေ လိုUNHCR ၀တ်စာမျက်နှာမှာ ဖေါ်ပြထားဘာရေ။

Saturday, July 30, 2011

လူမဆန်ရေ ကုလားစုတ် မုဒိမ်းမှုကျင့်ရန်ကြံစီရာက အနောက်ဘင်္ဂလာ တောင်ထက်နိန် ရခိုင်လူမျိုးမိသားတစု၏ သုံးလောင်းပြိုင် လူသတ်မှူ

july,30 ရခိုင်ရိုးမ။ ။။ဘင်္ဂလားဒေခ်ျ့ နိုင်ငံ စစ်တကောင်း တောင်တန်းနယ် ရွာတော်ခရိုင် လမားမြို့ နယ် သိုဒလီမူဇာ ရွှေအောင်မာဇောင်းရွာက  တောင်ယာလုပ်ကိုင်စားနိန်ရေ(ယာတဲ)တောင်ထက်နိန်ရခိုင်လူမျိုးနွယ်စု
မိသားစု တစုကို ဂနိန့် မွန်းဇောင်း ဘင်္ဂလာနာရီသုံးနာရီခွဲ အချိန်က လူမဆန်ရေ ကုလားစုတ်တကောင်ဖြစ်သူအဖ ချာဇာဟန်းကာရ်ဘာရီ၏ သား အာက်ဘာမူဆတ်(၁၉)နှစ်ကခါမ(ယာတဲ)   ဆောက်လုပ်ထားရေနိန်ရာသို့လာရောက် ဗြီးဦးအောင်သာဦး(၆၀)နန့်သမီးလှမိုးသူ(၃၃)မြီးချေ   မောင်နုစိန် (၅)နှစ်ရို့ အား လူမဆန်စွာ ဓါးနန့် လိုင်ကိုအသီခွတ်သတ်လိုက်ကြောင်းသတင်းရဟိဘာသည်။

အခင်းဖြစ်လားပုံကို လူ့အခွင့်အရေးနန့်သဘာဝပတ်ဝန်းကျင်ထိမ်းသိမ်းရီး အဖွဲ့ က စည်းရုံးရေး တာဝန်ခံ ကိုအေးထွန်း က ရခိုင်ရိုးမကို ဒေပိုင်ပြောပြဘာသည်။ “တောင်ထက်နိန်ရခိုင်တိရေ ရွာကထွက်လို့ဒေအချိန်မှာ လူတိုင်းလိုလို ယာလုပ် ကတ်ပါရေ ယေခါ ခါမ(ယာတဲ)မှာ ဒေမိသားစုရို့ နိန်ကတ်စွာမှာ ဦးအောင်သာဦး သမက် မောင်စောသာ (၃၆)ဈီးကို လားခရေ သမီးချေဦးမြသိန်း(၁၃)တယောက်ထိုင်လို့ အမိအဖိုး မောင်ချေရို့  ထမင်း စားဗြီးလို့ အိပ်နိန်ကတ်ခါ အာဘူမူဆတ်(၁၉) ကုလား ခါမ(ယာတဲ)ကိုဝင်လို့ ရီတောင်းသောက်တေ ယေခါ မမချေတယောက်တည်း မြင်လို့အား တင်ဖို့လုပ်ခါ အော်လို့အဖိုးကိုခေါ်ရေ အဖိုးဗြီးလို့ လာရေခါ ဆီးပနာခွတ်တေ အဖိုးလဲကျ လားလို့ အော်သံကြားကေ အမိနိုးလို့ထွက်လာရေခါ အမိကိုလည်း ခွတ်တေခါ ဦးမြသိန်း ကျွီးဗြီးကေ တောစပ်မှာပုန်းလို့ကြည့်နိန်ရေ ယေခါ ကုလားစွာ အရာလူဟိဖို့လို့ရှာရေခါ မောင်ချေနိုးဆိုက်ကျလို့ လိုင်ကို အိပ်ရာထဲမှာလှီးလိုက်တေ အော်သံကျွီးသံတိကို ကြားလို့ အနားက ခါမ(ယာတဲ)မှာဟိရေလူတိ ဆင်ရောက်တေထင်လို့ အော်ဗြီးကေ ဝိုင်းလာကတ်တေခါ ကုလားထွက်ဗြီးလားရေသွီး ရဲရဲ ဂေါင်းတခြား ခန္ဒာတခြား အလောင်းတိနန့် သီကံမရောက်တေ ဦးမြသိန်းစွာ သွီးပျက်လို့ ကြောင်နိန်ရေ မိုဘိုင်းဖုန်းက တနိုင်ငံလုံးမှာNetworkရရေ အတွက်ချက်ချင်း ဌါနာဂတ်ကို အကြောင်းကြားခါ နာရီဝက်အတွင်း ရဲကရောက်လို့ ဝိုင်းကတ်တေခါ လူမဆန်ရေ လူသတ်ကောင်ကို ဖမ်းမိရေ ပါးနီးဝန်းကျင်က လူတိနန့် အတွိမပီးဘဲ အပြင်းလူသတ်ကောင်နန့် သီဆုံးလားသူရို့ အလောင်းကို လမားမြို့ သို့ယူဆောင်လားကြောင်းကိုပြောပြဘာသည်။

လမားမြို့ ဌါနာဂတ်ကို ရခိုင်ရိုးမက ဖုန်းဆက်မိန်းမြန်း ရေခါ တာဝန်ကျ ရဲအရာဟိက “ အခင်းဖြစ်တေ နိန်ရာနန့် တအုပ်စုတည်းကျရေ မူဆလိမ်းရွာက မသင်္ခါရေ အာက်ဘာမူဆတ်ကို လောလောဆယ် ဖမ်းဆီးလို့ စစ်ဆီးနိန်ရေ သူက ဒေကိစ္စကို တခုလည်းမသိ ဝန်မခံလို့ပြောနိန်ဘာရေအလောင်းတိကိုရွာတော်မြို့ရင်ခွဲရုံကိုပို့လိုက်ပါသည်ဟု ပြောဘာသည်။

စာရွီးဆရာ ရခိုင်ဆန်းကျမ်းဗေဒ သုတေသီ ကျားကြီး ဦးကျော်ခိုင်က “သတင်းကြားစွာနန့် ကုလားရခိုင် လူမျိုးရေး အဓိကရုဏ်း မဖြစ်အောင် ချက်ချင်းစစ်တပ်က လိုက်လာဗြီးကေ ယင်းအနားကိုမလားရမထွက်ရ လုပ်နိန်ရေ ယေကေလည်း လူမဆန်ရေ ကုလားစုတ် လူသတ်ကောင်ကို ကြိုးစင်တက်အောင် ဒေတရက်နှစ်ရက်အတွင်း ကျွန်တော်ရို့ ဆန္ဒပြဖို့ စစ်မှန်ရေ တရားစီရင်ချက် ချနိုင်အောင် စာရွက်စာတန်းဖြန့်ဝီလို့မီဒီယာကတဆင့် စနစ်တကျ လုပ်ဆောင်လားဖို့လို့ လည်းရခိုင်ရိုးမ ကိုပြောပြဘာရေ”ယင်းနောက်“ဘင်္ဂလာအစိုးရစွာအဂု အချိန်မှာတနိုင်ငံလုံး ဘင်္ဂလီလူမျိုးရာဟိရေ ဟိုးရှိကျရေ လူမျိုးတိ
ဒေနိုင်ငံမှာမဟိလို့ ကမ္ဘာကို ပြောကြားထားရေ လွှတ်တော်မှာ ၇ ရက်အတွင်း အတည်ပြုပိုက်လို့ ရှိလ ၉ ရက်နိန့် တောင်ထက်နိန် ရခိုင် သက် ဒိုင်းနက် လင်းဂေ့ မြို ချင်း မြုံ အစဟိရေလူမျိုးတိ ဆန္ဒပြဖို့ လုပ်နိန်ကတ်လို့ လုံခြုံရီးတင်းကျပ်ထားရေ ကြားက ဒေပိုင် ကိစ္စတိ ပေါ်ပေါက်နိန်ရေအတွက် လူမျိုးရေး အဓိကရုဏ်းတိ ဖြစ်ပွါးဖို့ စိုးရိမ်နိန်ကြောင်း အစိုးရနန့်ငြိမ်းချမ်းရေးယူထားရေအဖွဲ့(JSS)ကပြောရီးဆိုခွင့်ဟိသူကိုညိုလှမောင်ကရခိုင်ရိုးမကိုပြောပြခပါရေ။


ခိုင်ဥက္ကာပျံ(လေးဝတီဝိုင်းတော်သား)

အကျွန်နားလည်ရေ အမျိုးသားနိုင်ငံရေး

အကျွန်နားလည်ရေ အမျိုးသားနိုင်ငံရေး
National Politics Myo Khaing

Friday, July 29, 2011

ခေတ်မှီရခိုင်စာနင့် ပါတ်သက်၍ စံတခုအဖြစ် မဟာပညာကျော်မူ လုပ်ဖို့  စွာကို သဘောထားတောင်းယူခြင်း

လေးစားစွာဖြင့်ရခိုင်လူမျိုးများအားတင်ပြပါသည်

၁။။ အမေရိကန်နိုင်ငံနယူးယောက်မြို့မှာနီထိုင်သောရခိုင်မျိုးသျိုက်တချို့ကရခိုင်စာနင့် ပါတ်သက်၍ စံတခုအဖြစ် မဟာပညာကျော်မူလုပ်ဖို့ စွာကို အစီးအ၀ီးတခုပြုလုပ်ခပါသည်။ ယင်းအစီးအ၀ီး မှတ်တမ်းဗွီဒီိယိုကိုလည်း
ဒီဗွီဘီလိုက်(စလောင်း)တီဗွီမှထုတ်လွှင့်လားခရေပိုင်လေးဝတီအာရကန်ဝပ်ဆိုက်(http://www.laywaddyarakan.com/)မှာပါတင်ပြထားပါသည်။

၂ ။အမေရိကန်နိုင်ငံနယူးယောက်မြို့မှာနီထိုင်သောသမိုင်းပညာရှင် ဆရာကြီးဒေါက်တာ ဦးအေးကျော် နီအိမ်မှာ ယင်းအစီးအ၀ီးကိုပြုလုပ်ခြင်းဖြစ်ပါသည်။ ဆရာကြီးမှာ အသက်အရွယ်အရ ကြီးမြင့်လာရေအတွက်
အခုပိုင်ရခိုင်စာကိုစံတခု အဖြစ်ပြုလုပ်ချင်ရေစိတိဆန္ဒဟိ ကြောင်းတင်ပြပနာဒေဂုပိုင် ပြုလုပ်ရခြင်းဖြစ်ပါသည်။ ယေကေလဲ ရခိုင်စာကိုစံထားပနာ အသုံးပြုဖို့  ဆောင်ရွက်စွာမှာ ပြည်တွင်းပြည်ပမှာ သမိုင်းဆရာကြီးတိ၊
စာရီးဆရာကြီးတိ၊အနုပညာရှင်တိအပါအ၀င်ရခိုင်လူမျိုးတရပ်လုံးနင့် ပါတ်သက်နီရေ ကိစ္စဖြစ်နီပါသည်။
၃။ ။မဟာပညာကျော်မူမှာ ရှေးရခိုင် ရှင်ဘုရင်ရို့ဘုန်းမီးနီလ တောက်ပခရေ အချိန်ဖြစ်တေ ဝေသာလီခေတ်၊ လေးမြို့ခေတ်၊ဓည၀တီခေတ်၊မြောက်ဦးခေတ်က ရီးသားခကတ်တေ ကျောက်စာပီစာတိထဲက ကောင်းနိုးရာရာ
လှပရေစာလုံးချေတိကိုရွီးချယ်ပနာလုပ်ထားစွာဖြစ်ပါရေ။
ယေဇူနင့်ဒေခေတ်မှီရခိုင်စာကိုစံထားပနာမဟာပညာကျော်မူအဖြစ်လက်ခံသင့်ယင့်လားဆိုစွာပြဿနာဖြစ်လာ ပါသည်။ ဆရာကြီးဦးဗသိန်းကမှတ်ချက် သဘောထားပီးထားစွာမှာ ရှေးခေတ်က ရီးခကတ်တေ
ရခိုင်စာပီတိမှာ သက္ကတစာပီနင့် ပါဠိစာပီကို အခြီခံပနာ ရီးထားစွာဖြစ်လို့
ယင်းစာတိကိုမြောက်ဦးခေတ်သုံးစာပီတိထဲမှာရောနှောသုံးလို့ရလို့မှတ်ချက်ပီးထားပါရေ။
ယေပြီးကေ အခုသုံးနီရေစာမှာ မြောက်ဦးခေတ်သုံး ရခိုင်စာ
ဥက္ကာပျံမူဖြစ်တေလို့လဲပြောရေပိုင်ဒေနိသုံးစွဲနီရေမြောက်ဦးခေတ်သုံးစာကို စံတခုအဖြစ် သုံးရဖို့ လို့  တိုက်တွန်းထားပါသည်။
၎။ ။အခုမျက်မှောက်ကာလမှာသုံးနီကတ်တေ ကကြီးခခွေးဗျည်းမှာမြောက်ဦး ခေတ်သုံး ရခိုင်စာဖြစ်တေ အတွက်ခေတ်နင့်အညီ အခုလက်ရှိသုံးနီရေ ကကြီးခခွေးဗျည်း ၃၃လုံးပါရေရခိုင် သင်ပုန်းကြီးကိုရာ သုံး သင့်ကြောင်းအကြံပြုပီးထားပါသည်။ မဟာပညာကျော်မူမှာဗျည်း-၃၆-လုံးထိသတ်မှတ်ထားစွာ ဟိပါသည်။
၅ ။ယေဇူးနင့်ဆရာတော်အရှင်သူမြတ်တိ။ရခိုင်သမိုင်းဆရာကြီးတိ ၊ စာရီးဆရာကြီးတိ၊ ရခိုင်အနုပညာရှင်တိ ၊
မျိုးဆက်သစ်ရခိုင်သမိုင်းစိတ်ဝင်စားသူတိနင့်ရခိုင်လူမျိုးတိကဒေကိစ္စကိုအခုအချိန်မှာ အဖြီပီးသင့်ကတ်ပါဗျန်လို့  ထင်မြင်ယူဆပါသည်။ရခိုင်လူငယ်ရို့မှာရခိုင်မူတခုစံတခုကိုမရသိရေအခါရခိုင်စာစံတခုကိုလိုချင်နီကတ်တေအတွက်အခုအချိ်န်မှာ ဒေချင့်ကိုလည်း စဉ်းစားစရာ ဖြစ်လာပါသည်။ ဇါပင်ဖြစ်ဖြစ်
ရခိုင်လူမျိုးတရပ်လုံးကဒေပိုင် ရခိုင်စာကိုသတ်မှတ်ဖို့စွာမှာအမေရိကန်နိုင်ငံနယူးယောက်မြို့ က ပြုလုပ်နီသော မဟာပညာကျော်မူကိုလက်ခံပါယင့်လားဆိုရေမီးခွန်းကိုဖြီဆိုပီးကတ်စီချင်ပါသည်။

၆။အောက်ပါအဖြီတခုခုကိုပီးကတ်စီချင်ပါသည်။
(က)အခုလက်ရှိသုံးနီသောမြောက်ဦးခေတ်မူကိုရခိုင်မူအဖြစ်သုံးခြင်းကို လက်ခံပါသည်။
သို့မဟုတ် လက်မခံပါ ။
။(အသိအမှတ်ပြုခြင်းကို မှင်ဖြင့်
အမှတ်အသားပြုလုပ်ပီးစီချင်ပါသည်)
(ခ)ခေတ်ပေါင်းစုံကစာလုံးအလှပချေနင့်ရီးသားပြုစုထားသည့်
မဟာပညာကျော်မူကို လက်ခံပါသည်။ သို့မဟုတ်လက်မခံပါ ။။
(အသိအမှတ်ပြုခြင်းကိုမှင်ဖြင့်အမှတ်အသားပြုလုပ်ပီးစီချင်ပါသည်)

နာမေ -နိစွဲ။ လက်မှတ်


ခိုင်ဥက္ကာပျံ (လေးဝတီဝိုင်းတော်သား.....0088 01819895026)
အီးမေး(khaingautgapyan@gmail.com)
ကိုသဘောထားပီးပို့ နိုင်ပါရေ။

ရန်ကုန် မြို့တက္ကသိုလ်ရိပ်သာ လမ်းရှိ အမေရိကန်သံရုံးရှေ့မှာ ရခိုင်လူငယ်တိ ဆန္ဒပြကတ်ဖို့ လား

အမေရိကန် နိုင်ငံ ၀ါရှင်တန် အခြီစိုက် မြန်မာ့အရေး ဆောင်ရွက်တေ အဖွဲ့  ( US campaign for Burma ) က သမိုင်းလိမ် မူဆလင်လူမျိုးတိကို ရခိုင်ပြည်မှာ တိုင်းရင်းသား လူမျိုးစုအဖြစ် အသိအမှတ်ပြုဖို့  အရီးကို ကြားနာပွဲမှာ တင်ပြလိုက်ကတ်ပါရေ။
ယင်းကြားနာပွဲမှာ အမေရိကန် အစိုးရ၏ ဆီးန်ိတ်လွှတ်တော်အမတ်တိက တက်ရောက်ကြားနာခကတ်ပါရေ။ ယေကေလဲ အမေရိကန်အစိုးရက ယင်းမူဆလင်လူမျိုးတိကို လေ့လာရီးလုပ်ဗျန် ဆိုကေ ယင်းလူမျိုးတိမှာ မူဆလင်လူမျိုးတိရာ ဖြစ်ကြောင်း လက်ခံသဘောပေါက်ကတ်စွာဖြစ်ပါရေ။ မြန်မာအစိုးရကလည်း ယင်းမူဆလင်လူမျိုးတိကို တိုင်းရင်းသားလူမျိုးစု ( ၁၃၅ ) မျိုးထဲမှာ မထည့်ထားဘဲ ဧည့်နိုင်ငံခြားသားအဖြစ်ရာ အသိအမှတ် ပြုထားပါရေ ။ ( US campaign for Burma ) ဆိုစွာ ၀ါရှင်တန်အခြီစိုက် အဝေးရောက် ညွန့် ပေါင်းအစိုးရ ( NCGUB ) နင့်ပါ အခြား အမေရိကန်နိုင်ငံ တ၀ှမ်းလုံးရှိ ဇါဗမာအသိုင်းအ၀န်း တိနင့်လည်း ပူးပေါင်းဆောင်ရွက်တေ အဖွဲ့ မဟုတ်ကြောင်း သိရပါရေ ။

အခုပိုင် လွှတ်တော်မှာ ကြားနာပွဲလုပ်စွာကလဲ သမိုင်းလိမ် မူဆလင် ကုလားလူမျိုးတိက ဒေါ်လာစားနီရလို့  လုပ်ကတ်စွာ ဖြစ်ကြောင်းသိသာနိုင်ပါရေ။ ပြည်တွင်းမှာကျရေအခါ ဒေလူမျိုးကမူဆလင်လူမျိုးလို့ ဆိုပြီးကေ ပြည်ပမှာ ရောက်တအခါသမိုင်းလိမ်နာမည်နင့်ရခိုင်တိုင်းရင်းသားလူမျိုးအဖြစ်အသိအမှတ်ပြုဖို့  တောင်းဆိုနီကတ်စွာဖြစ်ပါရေ။ ဒေသူရို့ တောင်းဆိုစွာမှာ တိုင်းရင်းသားလူမျိုးဖြစ်ရီး၊ လက်ထပ်ခွင့်ကို ရရှိရီး ၊ ခရီးလားလာခွင့်ပြုရီး ၊ မောင်တောနင့် ဘူးသီးတောင် ရသေ့တောင်ကို သမိုင်းလိမ် ကုလားပိုင် မြို့ နယ်အဖြစ် အသိအမှတ် ပြုရီးရို့  ပါဝင်နီပါရေ။

ပြည်ပမှာဟိရေ ဗမာမီဒီယာတိ နင့် အသံလွှင့်ဌါနတိက သမိုင်းလ်ိမ်မူဆလင်လူမျိုးတိကို လူ့ အခွင့်အရီး ချိုးဖေါက်ခံရရေအတွက်ဒီမိုကရေစီနည်းလမ်းအရကာကွယ်ခုခံပီးရဖို့ ဆိုပနာလုပ်နီကတ်ကေလဲ ဒေသမိုင်းလိမ်မူဆလင်လူမျိုးတိက ဇါပိုင် အကွက်ကိုကြည့်ပနာ လုပ်နီရေဆိုစွာကို အခုအချိန်ထိသဘောမပေါက်တေပိုင် တချို့ က ဒေါ်လာစားနီရလို့  လုပ်ကိုင် ပီးနီကတ်စွာဖြစ်ပါရေ ။ ယေကေလဲ ဒေသူရို့ မှာ အာဖဂန်နစ္စတန်အခြီစိုက် တာလီဘန် အကြမ်းဖက်သားတိပါးမှာ လက်နက်ကိုင် သင်တန်းတိကိုတက်ရောက်နီစွာသတင်းအချက်အလက်ကိုထုတ်ဖေါ်ရရှိထားရေအတွက် ပြည်ပမှာလဲ ဒေသူရို့ ကို ထိထိရောက်ရောက် ထောက်ခံမူ မပီးစွာတိ ဟိနီပါရေ ။ သမိုင်းလိမ်မူဆလင်လူမျိုးတိက ဒေပိုင်လူ့ အခွင့်အရီးကို အကြောင်းပြပနာ အမေရိကန်အစိုးရ ဆီးနိတ်လွှတ်တော်မှာ ကြားနာပွဲလုပ်ကေလဲ ရန်ကန်ုမှာဟိရေ အမေရိကန် သံရုံးမှာ ရခိုင်လူမျိုးတိက ဆန္ဒပြပွဲ လုပ်လိုက်စွာထက် မထိရောက်လို့  ပြောဆိုနီကတ်ပါရေ ။ ဇါဖြစ်လို့ ဆိုကေ အနောက်နိုင်ငံတိက ၀င်ရောက်စွက်ဖက်လို့  ဒေပိုင် အကြမ်းဖက်သမားတိနင့် အဆက်အသွယ် ဟိရေ သမိုင်းလိမ်လူမျိုးတိက ကြားနာပွဲ လုပ်လာစွာကို လက်မခံကြောင်း ဆန္ဒပြဖို့  လိုအပ်စွာရာဖြစ်ပါရေ ။

ယင်းပိုင် ဆန္ဒပြလိုက်ကတ်လို့ လဲ အခုလက်ဟိ မြန်မာအစိုးရကလည်း ဇါပိုင်နည်းနင့်မှ အရေးယူဖမ်းဆီးခြင်း ပြုလုပ်ဖို့  မဟုတ်ကြောင်း သိနီရပါရေ ။ ၂၀၀၈- ခုနှစ် နိုင်ငံတော် ဖွဲ့ စည်းအုပ်ချုပ်ပုံ အခြီခံ ဥပဒေမှာ တိုင်းရင်းသား လူမျိုး ( ၁၃၅ ) မျိုးရာ ပါဟိရေအတွက် ယင်းလူမျိုးစု၏ အခွင့်အရီးကို ကာကွယ်ရန်အတွက် နိုင်ငံတော်ဥပဒေက ခွင့်ပြုပြီးသား ဖြစ်ပါရေ ။ ယေဇူးနင့် ရခိုင်လူမျိုးတိက ကိုယ့်အဖမြီကာကွယ်ရီးအတွက် အနောက်နိုင်ငံတိက ၀င်ရောက်စွက်ဖက်နီကတ်စွာကို လက်မခံဖို့  လိုနီပါရေ။ ယင်းအတွက်တာနင့် အမေရိကန် ဆီးနိတ်လွှတ်တော်မှာ ကြားနာပွဲလုပ်ခစွာကို လုံးဝလက်မခံကြောင်း ရန်ကုန် တက္ကသိုလ်လမ်းရှိ အမေရိကန်သံရုံးရှေ့ ကို လားပနာ ဆန္ဒ လားပြကတ်ဖို့  လိုပါရေ ။ ဒေပိုင်လားကတ်တေအခါ ရခိုင်တိုင်းရင်းသားတိုးတက်ရီးပါတီက ဦးဆောင်ပနာ ပြုလုပ်လားကေ ဆန္ဒပြသူ လူငယ်တိကို ကာကွယ်ပီးစွာတိလဲ ဖြစ်လားနိုင်ပါရေ ။

မြန်မာနိုင်ငံ တိုင်းရင်းသား လူမျိုးစု ( ၁၃ ၅ ) မျိုးအုပ်စုမှာ သမိုင်းလ်ိမ် မူဆလင် လူမျိုး မပါရေပိုင် ရခိုင်လူမျိုးစု ထဲမှာလဲ ဒေလူမျိုးစုတိက မပါဝင်ကြောင်း သိရပါရေ ။ ရခိုင်ပြည်က ရခိုင်လူမျိုးစုတိမှာ ရခိုင်၊ သက်၊ ချင်း၊ ကမန်၊ ဒိုင်းနက်၊ မြို ခေါ် ခမီး၊ မရမာလူမျိုးစုတိရာ ဟိပါရေ ။ အခုဆိုကေ အာဆီယံနိုင်ငံအုပ်စုမှာ မြန်မာနိုင်ငံက ဥက္ကဌရာထူးကိုရဖို့  အတွက် မူဆလင်လူမျိုးတိကို နီရာချထားပီးနီရေ သဘောမျိုးနင့် လုပ်လိုက်ကေမူဆလင်ဘာသာဝင်နိုင်ငံတိက မြန်မာအစိုးရကို ဥက္ကဌနီရာမှာ သဘောတူကြောင်း လက်ခံနီကတ်ဖို့ လို့  ပြင်ဆင်နီကတ်စွာ ကြားနီရပါရေ။

လောလောဆယ်မှာ မူဆလင်လူမျိုးတိကို ခရီးလားလာခွင့်ကို စစ်တွေက နီပနာ သံတွဲကနီပနာ လားခွင့်တိ ရန်ကုန်ကို ပီးလိုက်ပါဗျန်။ နောက်ဆိုကေ သမိုင်းလ်ိမ်မူဆလင် လူမျိုးတိကို ရခိုင်တိုင်းရင်း အဖြစ် အာဆီယံနိုင်ငံတိက ဖိအားပီးလို့  အနောက်နိုင်ငံတိက လိုက်လုပ်ပီးလိုက်ရရေ ဆိုကေ မောင်တော ။ ဘူးသီးတောင် ၊ ရသေ့တောင် မြို့ နယ်တိက သမိုင်းလ်ိမ်လူမျိုးပိုင် နာမည်နင့် မြို့ နယ်ဖြစ်လားလီကတ်ဖို့ လို့  ၀ီဖန်သံတိ ထွက်လာနီပါရေ ။ ယေဇူးနင့် အယင်ဆုံး ရခိုင်မျိုးချစ် လူငယ်တိက အမေရိကန် သံရုံးရှေ့မှာ ရခိုင်လူမျိုးထဲမှာ ( ၇ ) မျိုး ရာ ဟိကြောင်း ။ သမိုင်းလိမ်လူမျိုးတိမှာ မူဆလင်လူမျိုးတိ ဖြစ်ကြောင်း ။ ဒေလူမျိုးတိက ရခိုင်ပြည်မှာ မဟိကြောင်း ။ အနောက်နိုင်ငံက ၀င်ရောက်စွက်ဖက်စွာကို လက်မခံကြောင်း ဆန္ဒလားပြကတ်ဖို့  လိုရေလို့ ပြောဆိုနီကတ်ကြောင်း သတင်းကြားသိရပါရေ ။

Thursday, July 28, 2011

မြောက်ဦးခေတ်လယ် ရခိုင်စာရီးဟန် သုံးမျိုး

မြောက်ဦးခေတ်ကို သုံးပိုင်းခွဲကြည့်ကေ ခေတ်လယ်ဆိုစွာ မင်းဘာဘုရင် သီရိသုဓမ္မရာဇါ စိုးစံခုနှစ်ထိကို သတ်မှတ်နိုင်ပါရေ။ ခရစ်နှစ်-၁၅၃၁-က-ေ၆၃၈- ထိဖြစ်တေ။ အေ ခေတ်မာ ရခိုင်ဘုရင်ရို့  ၏ တန်ခိုးသြဇါရေ အထွဋ်အထိပ်သို့  ရောက်ခရေ ။ နိုင်ငံရီး၊ စီးပွါးရီး စာပီ အပါအ၀င် ယိုင်ကျေးမူ စရေ အရာခပ်သိမ်းမာ ရခိုင်သားရို့  အပါအ၀င် ယိုင်ကျေးမူ စရေ အရာခပ်သိမ်းမာ ရခိုင်သားရို့  ရွှေထီးဆောင်း ဂုဏ်ယူနိုင်ရေ ခေတ်ဖြစ်ပါရေ။

အေ ရွှေထီးဆောင်းနိုင်ခရေခေတ်မာ စာပီရီးဟန်က ဇါပိုင်ဟိပါလေး။ ကျောက်စာပီစာ ၊ကျွန်းရွာ၊ တော၇ွာရို့ မာ လူမျိုးဓလေ့ ဘာသာဘာဝ သီဆိုကတ်တေ အရွေ့ ကဗျာတိက ကောက်နုတ်တင်ပြလားပါမေ။ ရီးဟန်ဆိုလို့  စကားပြင် ကဗျာလင်္ကကာ ရီးဟန်ရို့ ကို ခွဲခြမ်းစိတ်ဖြာတင်ပြစွာ မဟုတ်ပါ။ သဒ္ဒါဖွဲ့့ စည်းပုံ သဘောကို အခြီခံဗျာ ၊ နာမ်၊ကြိယာ ၊ ၀ိဘတ်သုံးစွဲပုံလောက်ကိုရာ ချုံဗျာပြောလားပါမေ။ ယင်းပိုင်ပြောယက်ပင်း ရီးဟန်သုံးမျိုး ပုံသဏ္ဍန်ပေါ်လှာပါလိမ့်မေ။ ပထမရီးဟန်ကို ကျောက်စာနှစ်ခုက ၀ါကျအချို့ ကို ကောက်နုတ်တင်ပြဗျာ ယှင်းလင်းလားပါမေ။
(၁) ၁။ သက္ကရာဇ် -၉၁၅-တော်သလင်းလဆန်း
(၂) ငါးရက်-၅-တက်နိတပိုင် ငါးနာရီတွင် သီရိ
(၃) သူရိယဓမ္မရာဇါ အမည်တော်ဟိသော မင်းစောတည်တော်
(၄ ) ပြုခယ်သောဒုကံကျောင်းတွင် လယ်နင့်မြီ အရှေ့သျှစ်
(၅) သောင်း တောင်ခြီနင့် ( ရုပ်ရှင်တေးကဗျာ -၂၀၀၁-ခု-ဇူလိုင်-စာ-၅၃ )
၂---- သက္ကရာဇ်-၉၅၅-ခု တပိုပ်တွဲလဆန်း ငါးရက် -၄-နိ န၇ာဓိပတိရွှေနန်းသျင် မိန့် တော်မူသော ၀ါဆိုလတွင် အလိုတော်ပြည့်မည်ဟူ၍ ဆိုဝ်သည်မှန်သောကြောင့် ----လယ်ကိုသာစိုင်မြီဆက် စာစီ၍ ကံပဲထားသည်။ ရှေ့တော်ခံ ငရှူအ၊ ငရဲက္က နှစ်ယောက် အသံချချသှ် သံကျကသံပေါက်ထက်ပြင် အတောင်အမှတ်မယူပီ၏ ( ရခိုင်ညွန့် ဖူး ၊ ပညာဂုဏ်ရည် ပုံနှိပ်တိုက် ၊ရန်ကုန်၊ ၁၉၆၈-ခု-စာ-၉-)
အထက်ပါ သာဓကနှစ်ခုမာ အမှတ်((၁ ) သာဓကရေ အမေ မင်းဘာဘုရင် ( ၁၅၃၂-၁၅၅၄) လက်ထက် ရီးထိုးခစွာပါ။ အမှတ်(၂) သာဓကကို မင်းဘာမြီတော် မင်းရာဇါကြီး ( ၁၅၉၃-၁၆၁၂) က ရီးထိုးထခစွာပါ။
ကျောက်စာအရီးအသားနှစ်ခုမာ ယင်းခေတ် ရခိုင်သားတိ သုံေးရစကားလုံးတိကို သဒ္ဒါအမြင်နင့် အမျိုးအစားခွဲ ကြည့်ကေ နာမ်၊ ကြိယာ၊ ၀ိဘတ်လို့  သုံးမျိုး ထွင်လှာပါရေ။ သာဓက(၁) မာ ပါရေ နာမည် မပါဘဲ နာမ် ( ၁၆ ) လုံးပါရေ ။( သက္ကရာဇစ်၊ တော်သလင်း၊ လဆန်း၊ ရက်၊ တက်နိ၊ တပိုင်၊ နာရီ ။အမည်။ မင်းစော၊ ဒုတ်ကံ၊ ကျောင်း၊ လယ်။ မြီ။ အအခြာ၊ အရှေ့၊ သျစ်သောင်း ။ တောင်ခြီ ) ။
ကြိယာနှစ်လုံးပါရေ ။ ( ဟိ-စိ-တည်၊ ) ။ ၀ိဘတ် ( ၅ ) လုံးပါရေ ။ ( တော် - တော်၊ ခယ်၊ သော။ နှင် )
သာဓက( ၂) မာ နာမ် ( ၁၆ ) လုံ့းပါရေ ။ ( သကြစ်၊ တပို ၀်တွဲ လဆန်။ ရက်၊ နိ။ ရွှေနမ်ရှင်။ လယ်။ သာစိုင်မြီဆက် ။ ကံပဲ( ကမ`ညေ်း) ။ ရှေတော်ခံ။ ငရှအ၊ ငရဲက္က။ နှစ်။သံ။ သံကျသံပေါက်။ အတောင်အမှတ်။ ကြိယာ (၆ ) လုံးပါရေ ။ ( မိန့်။မူ။ စား။ချ။ယူ။ပီ ) ။ ၀ိဘတ် ( ၈ ) လုံးပါရေ ။ ( တော်။ကို။စီ။ဟူ၍၊ သည်။ထက်။အပြင်။ ၏ )
ကျောက်စာ ကောက်နုတ်ချက်နှစ်ခုက ထွက်လှာရေ နာမ်၊ကြိယ.ာ။ ၀ိဘတ်ရို့ နင့် နိုင်းယှဉ်ကြည့်ကေ တူစွာတိကိုလေး တွိရရေ ။ ကွဲစွာတိကိုလေး တွိရပါရေ။ တူစွာတိက နာမ်။ ကြိယာ။ စကားလုံးရို့  ဖြစ်တေ။ တစ်လုံးစီ စိစိနှံ့နှံ့ စစ်ကြည့်ကေ နာမ်စကားလုံး " အရှေ့၊ ရှေ့တော်ခံ ။ နှစ်လုံးရာ စိကေသျေ ပြောဖို့  ဟိပါရေ။ ယင်းယှင့်က ရှေ့ ဆိုရေ သရ ဖြစ်တေ။

အေနိ ရခိုင်အပြောမာ ရှိလို့ ရာ အိသရသံနင့် သုံးနီကတ်တေ။ ယင်းသရသံတခုက လွဲကေ ကျန်ရေ နာမည်စကား လုံးတိ အားလုံးမာ မြောက်ဦးခေတ်လယ်က စကားနင့် အေနိ ခေတ်စကားတူပါရေ ။ ကြိယာစကားလုံးတိကို နိုင်းယှဉ်ကြည့်ကေ လေ့သော့  ထပ်တူလို့  ပြောနိုင်ပါရေ ။ ဟိ တစ်လုံးရာ အသံစကေ တရွိရွိလျောလှာပါရေ ။ မြောက်ဦးခေတ်လယ်က ဟိ ကြိယာကို အထူးသဖြင့် စစ်တွေ တိကတော့ မသုံးကတ်ပါယာ။ သူရို့ က စံကျ မြန်မာစကားသံ ရှိ ( အသံထွက်ယှိ) လွှမ်းမိုးခံရပနာ ယှိလို့  ပြောနီကတ်ပါရေ ။ လယ်သမား ။ယာသမား ။ကျွန်းရွာလူထု အများစုကတောါ့ခါ ဟိ-ဟိန့် - လို့  သုံးနီကတ်စွာတိကို တွိရပါရေ ။ ။ ( မင်းဘာဘုရင် ကျောက်စာမာ အရှေ့သုံးစွာကို တစ်နီရာတည်းရာ တွိရပါရေ ။ ကျန်ရေ ၀ါကျတိမာ တော့ခါ အရှိ လို့ ချည်း ခုနှစ် နိရာ တောင် သုံးထားစွာ ကို တွိရပါရေ။ ယင်းခေတ်မာ အေ၇ှ့၊ အရှိ လို့  နှစ်မျိုး သုံးရေလို့  ဆိုရပါဖို့ ။ စကားချပ်။ ) နာမ်နင့် ကြိယာကို နိုင်းယှဉ်ကြည့်ပြီးကေ သဒ္ဒါကိုကိစ္စမာ ကောင်းကောင်း အရီးပါ အရာရောက်တေ ၀ိဘတ်( Particle ) စကားလုံ့း တိကို စစ်ကြည့်ကတ်ပါမေ။ ၀ိဘတ်စကားလုံး သျှေတိရေ သီးခြားအဓိပ္ပါယ် မဟိကေလဲ သော့ ၊ ၀ါကျဖွဲ့ စွာမာ တော့ ဗျာလ်။ သူမပါကေ နာမ်နင့် ကြိယာစကားလုံးတိ အသက်ဝင်လှာပါရေ ။ ၀ိဘတ်စကားလုံးသျေတိ အရီးပါပုံကို ဆရာကြီးဦးဝန် ( မင်းသုဝဏ်) ကမစ္စာတာ စတီးဝပ် ကျမ်းကိုးကားဗျာ အေပိုင် တင်ပြဖူးပါရေ ။

မြန်မာဘာသာတွင် နာမ် ၊ ကြိယာနင့် ပစ္စည်းများဟူ၍ အစိတ်အပိုင်း ( ( ၀ါစင်္ဂ) သုံးပိုင်းသာ ရှိသည်။ ပစ္စည်းများကို ( ၀ိဘတ်) များကို မှန်မှန်ကန်ကန် သုံးတတ်လျင် မြန်မာသဒ္ဒါကိစ္စ ပြီးတော့သည်။ ။( မြန်မာမူ ပထမတွဲ ။ တက္ကသိုလ်များ ပုံနှိပ်တိုက် ။ ၁၉၇၅ ။ စာ-၂၄-၂၅ )
အေအဆိုကို မှတ်ကျောက်သဘော သုံးပနာမြောက်ဦးခေတ်လယ်ကျောက်စာတိမာပါရေ ၀ိဘတ်တိကို အေခေတ်သုံး ရခိုင်စကားတိထဲက ၀ိဘတ်တိနင့် နိုင်းယှဉ်ကြည့်ကတ်ပ်ါမေ။ မှတ်ကျောက် သဘောသုံးရစွာ အကြောင်းရင်းက ရခိုင်စကားရေ ထားဝယ် ၊ အင်သား၊ ယော၊ ဓနု ၊ တောင်ရိုး၊ မွန် ရို့ ကပပိုင် မျိုးတူသံကွဲ မြန်မာဘာသာဖြစ်လို့  ၀ါစင်္ဂ သတ်မှတ်စွာမာ မြန်မာဗမာနင့် ယေဘူယျသဘောတူ နီကတ်တေလို့  ဖစ်ြပါရေ။ ကျောက်စာကောက်နုတ်ချက် တိက ၀ါကျတိမာ ( တွင် ။ တော်၊ ခယ်၊ ကို၊ စီ၊ဟူ၍ ၊ သည်။ ထက်။ အပြင်။၏) ဆိုရေ ၀ိဘတ်။ ( ၁၀ ) လုံ့းပါပါရေ ။ ယင်း(၁၀ ) လုံ့းမာ ၀ိဘတ်ကို မြောက်ဦးခေတ်မာ သုံးရေပိုင် အေနိအပြောမာလေးသော့ သုံးပါသီးရေ။ ( တွင်။ ဟူ၍ ၊ သည်။ နှင့် ။ ၏ ) ၀ိဘတ်ကိုတော့ခါ အေနိအပြောမာ မသုံးပါယာ။ ယေဇူးနင့် မြောက်ဦးခေတ်လယ်သုံးကျကေ ၀ိဘတ်သုံးနုံးးပုံရေ အေနိအပြောဝါကျက ၀ိဘတ်သုံးနုံးပုံနင့် ကွဲပြားနီခြားနားရေလို့  ဆိုနိုင်ပါရေ။ ကျောက်စာရီးဟန်နင့် အေနိအပြောဟန် ကွဲလွဲနီရေလို့  ကောက်ချက်ချနိုင်ပါရေ။ ယင်းပိုင် ၀ိဘတ်သုံးပုံ ညီစွာကို ကြည့်လို့  ယင်း ဟန်ကို အမျိုးအစားတစ်ခုလို့  သတ်မှတ်နိုင်ပါရေ ။
ပဇေါင်ဆိုကေ ယင်းကျောက်စာတိကိုက ၀ိဘတ်အသုံးဟန်နင့် ယင်းခေတ် အပြောအသုံးဟန်ရို့ က တူကတ်လား ကွဲကတ်လား ။ ရီးဟန် ကတမျိုး ပြောဟန်က တစ်မျိုးလား။
အေကိစ္စကို သိနိုင်အောင် ယင်းခေတ်က အပြောနင့် နီးစပ်တေ တေးကဗျာတိကို စိစစ်ကြည့်ကတ်ပါမေဖို့  လိုပါမေ။
မင်းရာဇါကြီးနင့် သားတော် အိမ်ရှိ မင်းခမောင်း ရို့  လက်ထက် မာ စာဆိုအမတ်ပညာဟိ အဖြစ် မင်းခမောင်းရေ စာဆိုတော်ကြီး ဥက္ကာပျံရေ မြောက်ဦးခေတ်လယ် မာ ထွန်းတောက်ခရေ ဧရာမ စာပီတန်ဆောင်ပင် ဖြစ်ပါရေ ။ ဥက္ကာပျံ၏ -၁၂- ရာသီ ရတု တေးဖက်သို့ နွယ်ရေ ကဗျာ မျိုး ဖြစ်တေအတွက် အပြောနင့် နီးစပ်ပါရေ။ ၀ိဘတ်တိသုံးရေအခါ ကျောက်စာမာပါရေ တွင် ၊ သည်။ ၏ ရို့ ကို အေနိ အပြောမာ သုံးရေ ၀ိဘတ်တိ လေးသုံးပါရေ ။ အောက်မာကြည့်ပါ။
( ၁ ) ဟေမန်ကုန်ပြောင်း ။ လတပေါင်းသည်။ ချမ်းဆောင်းနွီ ကာလ၊ တပါင်းမင်းလွင်၊ ရွက်ကျင်တောင်လီထက။ ကြွီကျပင်တကာ။ ပုရစ်နုဆောင်၊ သီကုံူးယောင်သို့ ၊ ခြောက်ရောင်စိမ်းခြည်ဖြာလျှက်၊ ရှူချေသော် လွမ်းဘွယ်ပင်တိ၊ ပွင့်သီးတကာပင်၊ ပင်တိုင်းမှာလည်းသည်၊ ချိန်ခါညီညှိသို့ ၊ ကြည့်သရွိလွမ်းယောင်ဖွီ။ တပေါင်းမင်း လွင်။ ရွက်ကျန်ရတုက။ ကုံးသီဟန်နှယ်မပြား၊ ဆယ်ချောင်း ထိပ်မိုး၊ ဖုန်းလျှံမျိုးကို ။ ရှိခိုးတောင်းပန်၏လေ ။ ( တပေါင်းလ )
( ၂) တန်ခူးကုန်ပြန်၊ တာသင်္ကြန်သည်၊ လွန်လတ်သည်။ ခုဆန်းမည်ကဆုန်လ၊ မောင့်ကြောင့်စိတ်ပူ၊ မွှေးသူ တတနှင့် -- ( ကဆုန်လ)
( ၃ ) --- ငှက်ဝါမူ တဌါန ။ ကြွင်းဆော်သည် လျှင်စွာ ရောက်ပျာလားဟု ---( တော်သလင်း )
( ၄ ) ရိုးခြင်းထဲတွင်း၊ အလွန်ပြင်း၍ ချမ်းခြင်းဇေါင်ဆိုးသည်တည်း -- ( နတ်တော်လ )
( ၅ ) --တမျက်တောင် မရှက်ချင်၊ ဆုမ်းရေ ဆုမ်းရေ - လမည်သည့်ကို -- ( တပိုးတွဲ )
( ဥက္ကာပျံ - ၁၂- ရာသီ ရတု- JBRS,Vol -13 part 11,1923 )

အထက်ပါကောက်နုတ်ချက်ကို လေ့လာကြည့်ကေ နာမ်၊ ကြိယာစကားလုံ့း သုံးစွဲစွာမာ အေနိအပြောနင့် မခြားနားကြောင်း တွိကတ်ပါဖို့ ။ ၀ိဘတ်သုံးစွဲပုံမာရာ ကွဲစွာကွဲ ၊ တူစွာတူ၊ ရောဗျာ သုံးစွာကို တွိရပါရေ။ နမူနာ ကောက်နုတ်ပြရကေ တွင် ။ သည်၊ သော်၊ စွာ၏ ၀ိဘတ်တိစွာ အေနိအပြောနင့် ကွဲလွဲရေစကားလုံးတိဖြစ်ပါရေ။ ယင်းစကားလုံးတိကို အထက်မာတင်ပြခရေ ကျောက်စာအရီးအသားမာလေး တွိရပါရေ။ ယင်းဝိဘတ်ကို သက်သီပြဗျာ ကျောက်စာဝိဘတ်သုံးပုံနင့် ကဗျာဝိဘတ်သုံးရေလို့  ဆိုနိုင်ပါရေ ။ ယေဒါလေးသော့ ဥက္ကာပျံရတုမာ သုံးထားရေ ဗျာ၊ ဇေါင်၊ ရေ ။ ၀ိဘတ်တိကိုတော့ခါ ကျောက်စာအရီးအသားမာ မတွိရပါ။ ယင်းဝိဘတ်ကို အေနိအပြောမာ တွိရပါရေ ။ အဖြေဇါထွက်လှာလေးဆိုပါကေ ဥက္ကာပျံ ရတုရေ ယင်းခေတ် စကားပြင်သုံး ၀ိဘတ်တိနင့် ယင်းခေတ် အပြောသုံးဝိဘတ်အပြောသုံး ၀ိဘတ်တိကို ရောနှောဗျာ သုံးစွဲခရေရေ စာမျိုးဖြစ်တေလို့  ထွက်လှပါရေ။ ယင်းပိုင်ရောနှော ရီးသားရေ စာမျိုးကို မြောက်ဦးခေတ်လယ်၏ ရီးဟန်ဒုတိယအမျိုးအစား တစ်ခုလို့  ဆိုနိုင်ပါရေ ။

ဥက္ကာပျံရတုပိုင် အ၇ီးအသားမျိုးကို ပိုးဝါဖွဲ့  ရခိုင်ကဗျာရှည်ကြီးနင့် သုတေသီအသျှင်စကိန္ဒ ဖေါ်ထုတ်တင်ပြရေ ပန်းတံမောင်နင့် သံတွဲသူဖွဲ့  ၊ သုတေသီ အသျှင် ဥာဏုတ္တရ စုဆောင်းရေ ကျီးတက်ဖွဲ့  ရို့ မာ တွိနိုင်ပါရေ ။ အောက်မာ စိသျေ ကောက်နုတ်ပြလိုက်ပါယင့်.။
( ၁ ) အရုပ်ဆင်းဝါ။ လှပိုးဝါ။ ၀တ်လတ်ပါရေ ။ ဘောင်းနက်ကေ ထမိန် ။ သုံးနှစ်သုံးလုံးပင် ၀တ်မကြီကေ ။ လက်မာ မာရေ လက်မာကြည့်လည်း ။ န၀ရတ်မျက်ရံ ။ အဘာပီး ကေ သိန်းသောင်းတန်ကို ။ နှစ်ချောင်းကိုရွှတ်၊ သျှစ်ချောင်းလက်မာ အပြည့်စွပ်လို့  ၀တ်လတ်တေလေ။
( ရိုးမခေါ်သံ ။ မောင်စံဖေါ် ။ ရခိုင်သားကြီးစာပေ ) ၁၉၈၈။ စာ-၁၆၇-၁၆၈ )
( ၂ ) --- မင်းသားရွှီရောင်၊ ပန်းတံမောင်ကကား။ ဘုန်းကြီးသခင်၊ ရွှီကျောင်းသျှင် ၊ ဓည၀တီ ၊ ရခိုင်မြို့ ကို ၊ ပြန်ရို့  လားခါ ၊ မြို့ မင်းးသမီး ၊ အထွီးလှစွာ၊ နာမေထားကေ ၊ ပန်းနီလာက ၊ တန်းကိုလက်ကိုင် တနားးမှိုင် ၊ တိုင်ကိုလက်ဆွဲ ၊ တနားနွှဲရို့  ။ နွှဲရို့  ရော်ခေါက်တက် ၊ ပန်းနီလာကား ။ မောင်လားရာကို ၊ မျော်ရို့ အပင်လေး၊
( ( ပန်းတံမောင်နင့် သံတွဲသူဖွဲ့  ) လက်ရီးမူ ။ ဦးစက္ကိန္ဒ -မြို့  သစ်ကျောင်း - ၁၉၇၇ )
( ၃ ) -- မြင့်မိုတောင်ရေ ။ လွန်ယောင်ကြီးခြင်း၊ သက်ကိုကြင်ကေ ၊ မွီးဘရင်းလေ၊ ဘရင်းတက်လည်း၊ မရချီသာ၊ ရွှီကျီးဝါနင့် ၊ မွီးကျီးဝါရေ ။ ခေါင်းခဲမှာလေ၊ ယဇေါင် ဇေါင်ရေ ယဇေါင်စကား၊ ညိုနှမမှာ ၊ ကြားလတ်ငြားလျင်၊ နှမသူငယ်၊ လှဝေသာခြေ၊ ညိုမောင်ထွီးကို ၊ ဆိုလတ်တေကား။ ငယ်ကချစ်သူ၊ ကြင်သူတက်ကေ ၊ ရွှီကျီးဝါနင့်၊ မွီကျီးဝါကို ၊ မြင်ရမေလေ။
( ဦးဥာဏုတ္တရ - လက်ရီးမူ- ဟုန်းနေဖျားကျောင်း - ဖလန်တောင် ။၁၉၇၄ )
အထက်ပါ ကောက်နုတ်ချက်တိရေ တေးခင်းဖက်သို့  နွယ်ရေစာမျိုးဖြစ်တေအတွက် အပြောညမာ သုံးရေ ၀ိဘတ် တေ။ ရေ။ လေ။ ဇေါင်၊ ရို့ ကို အားပြုဗျာ သီကုံးစထားစွာ တွိရပေါရ။ ယေဒါလေးသော့ အထက်ကျောက်စာ စကားပြင် အရီးအသားမာ တွိရရေ စွာ၊ လျင်၊ နင့် ရို့ ကိုလေး လက်မရွှတ်ဘဲ လိုကေလိုရေပိုင် အပြောသုံးဝိဘတ်နင့်ရောဗျာ သုံးလားစွာကို တွိရပါရေ။ ပိုးဝါဖွဲ့  ၊ ပန်းတံမောင်နင့် သံတွဲသူ ဖွဲ့ ရို့ ပိုင် အရွေ့ ကဗျာ ( တေးကဗျာ) ရို့ ရေ အများအားဖြင့် အပြောနင့် နီးစပ်ပါရေ ။ အပြောနင့် ထပ်တူလို့  ဆိုလောက်တေ အရွေ့့့ကဗျာကတော့ခါ ကျွန်းရွာက အသျှေမိတိ သီဆိုရေ သားချော့အရွေ့ ကဗျာတိုထွာ ရို့ ပင်ဖြစ်ပါရေ ။ နမူနာ စိသျှေတင်ပြပါမေ။
( ၁) ၀ရစ်တောင်စာတီ ။ လုံးပတ်ညီ၊ လုံးညီပွတ်တိုက်၊ အဖျားသျှေမှာ ရွှီခြည်ရစ်လို့ ၊ သျင်ချစ်ကေဘုရား၊ ဆယ့်ငါးပါး၊ ဖူးဇေါင်လားခါ---( စာ-၃၂-)
( ၂ ) ဒါးမကို ယူလီ ၊ ဒါးရှည်ကိုပစ်ခ၊ အဘာလာကေ၊ ပျားခွပ်ခ၊ အဘာဝါ အဘာ ဆုံခွပ် လားခယင့် ၊ ( စာ-၈၆ )
( ၃ ) -- ရိုးတောင်ကျော်လမ်း ၊ ကြက်ရိုးပင်မှာ၊ သဇင်ပန်းလေ၊ မောင်နမ်းလတ်ကေ ၊ လူမြင်ရေ ရှက်တေမချိ၊ ဗူးပွင့်ရံ ကြာတံဖဘက်ကို ရွှတ်ခဖိလေး --( စာ စာ -၈၆ )
( ၄ ) အမျေလေ ၊ ရောက်မလေ၊ မှိုဟင်းခူးဇေါင် လားကတ်မေ၊ ( စာ-၉၂ ) ( ရခိုင်သဘာဝတေးကဗျာ - အသျှင်စက္ကိန္ဒ - ရခိုင်သားကြီး စာပေ -၁၉၉၉ )
( ၅) ဇူးဝေေ၀ -- ဇူး - ဇူး
မိရင်ခွင်မာ တင်ကာယေကျူး ၊ ဖရင်ခွင်မာ တင်ကာယေကျူးကေ၊ သားဦးယေ ရတနာ ( စာ-၁၈-)
( ၆ ) အိပ်ချင်ယေကေ ။နီယေ၀င်ဖိ။ လွမ်းထိပ်တင်၊ ဖခင်သိကေ၊ ဆဲလိမေနှောင်း၊ နင်မကောင်းကေ၊ အကြောင်းတခါ ၊ ကျလီမေနှောင်း ( စာ-၂၇ )
( ၇ ) ကျောက်ရိုးစစ်ကေ တန်းတင်၊ ခယင်ကေရွတ်ရွတ်၊ ညိုမေနီ ခြင်စိုင်ယေဖြတ်၊ ရီခတ်လားခါ။ ၊ ဆွီလို့ ပါကေ။ စွာလေမောင်ယေ၊ လူလာရေကေ၊ ရှက်တေမချိ --( စာ-၆၇)

အထက်ပါအရွေ့ ကဗျာ ကောက်နုတ်ချက်တိကိုကျွန်း၇ွာအသျေမိတိပါးကစုဆောင်းသူသုတေသီရို့  ကောက်သင်းကောက် ယူစုဆောင်းပနာထားစွာဖြစ်ပါရေ။ဇါခေတ်ကပင်သီဆိူုလာကတ်စွာလို့ တိတိကျကျကျမပြောနိုင်ကေ လေးသော့ ခေတ်အဆက်အဆက်လက်ဆင့်ကမ်းသီဆိုလှာကတ်စွာ အေနိဖြစ်ထိတိုင်ဖြစ်ပါရေ။ အေကဗျာသျှေတိမာ သုံးထားရေ၀ိဘတ်တိ ( ကေ ။ဇောင်၊ ခ။ယင့်လေ၊ ရေ ။ ယေစွာလေ၊ ) ကို အေနိအပြောမာ ရာ တွိရပါရေ ။ ကျောက်စာစကားပြင် တိပိုင် စကားပြင်အရီးအသားးရို့ မာ မတွိရပါ။ အထက်နမူနာ ကျော်ကစာ နှစ်ချပ်နင့် ဥက္ကာပျံ-၁၂- ရာသီ ရတုရို့ ရေ တခေတ်တည်းမှာ ရီးသားသီကုံးကတ်တေ စာတိဖြစ်ပါရေ ။ ယေဒါလေးသော့ ၀ိဘတ်သုံးပုံ ကွဲလွဲကတ်ပါရေ။ အရွေ့့ ကဗျာမာသုံးရေ ၀ိဘတ်အချို့ ကို ဥက္ကာပျံကဗျာမာ တွိရေကေလေး ကျေက်စာမာ မတွိရပါ။ ယင်းခေတ် ရာဇ၀င် လျှောက်ထုံး အစဟိရေ စကားပြင်ကျမ်းတိမာ မတွိရပါ။ အေနိအပြောမာရာ တွိရပါရေ။ ယေဇူးနင့် အရွေ့ ကဗျာက ၀ိဘတ်သုံးဟန်ရေ မြောက်ဦးခေတ်လယ်မာသုံးရေ တတိယအမျိုးအစား ရီးဟန်တစ်ခု ဖြစ်တေလို့  ဆိုနိုင်ပါရေ။ ဥက္ကာပျံရတုက ကြွီက ၊ လီထ၊ လွမ်းဖွယ်တိ၊ အညီညှိ၊ ကြည့်သရွိ ၊ ရတုလီ၊ ကုံးသီ၊ စရေ အိ ။ အီး ။ သရသံ ကာရန်စပ်ဟန် ဆုမ်းရေ ဆုမ်းရေ ၊ လျှင်စွာ၊ ရောက်ပျာလား စရေ အပြောသုံးဝိဘတ် ဟန်ရို့ ရေ အရွေ့ ကဗျာတိမာ တွိရရေ သုံးဟန်နင့်တိနင့် စွပ်ပစ်တူနီပါရေ ။ အေနိပြောစကားမာလေးသော့ အိ။ အီး၊ အီး။ သရသံကရာ လွှန်းမိုးနီစွာကို တွိရပါရေ ။ ၀ိဘတ်သုံးစွာတိလေး အရွေ့ ကဗျာသုံး ၀ိဘတ်နင့် ထပ်တူပါဗျာလ်။

ယေဇူးနင့် အေနိပြောဟန်ရေ အရွေ့ ကဗျာသုံး တိနင့် တူနီညီရေလို့  ကောက်ချက်ချနိုင်ပါရေ။
မြောက်ဦးခေတ်လယ်က ပြောဟန်လေးသော့ အေနိပြောဟန်နင့် ကောင်းကောင်းမကွဲလွှဲနိုင်လို့  ဆိုသင့်ပါရေ ။ အထက်တင်ပြချက်တိကို အချုပ်သဘောပြောရကေ မြောက်ဦးခေတ်လယ်က စာရီးဟန်တိမာ ၀ိဘတ်သုံးဟန်သုံးမျိုး တွိရပါရေ ။ တမျိုးက ၏ ၊ သည်၊ ကို ၊ လည်း။ တွင်။ ဟူ၍။ ချေ။ နှယ်။ သော်။ စရေ ၀ိဘတ်သုံးဟန်မျိုး ဖြစ်တေ။ အေ၀ိဘတ်သုံးရီးဟန်ကို စကားပြင်သုံးဟန်မျိုးဖြစ်တေတေ။ ဒုတိယအမျိုးအစားက စကားပြင် သုံးဝိဘတ်နင့် အေနိဝိဘတ် အပြောသုံးဝိဘတ် က ကို လေး ( လည်း) ရေ -တေ၊ ပျာ။ယာ။ ယေ။ စွာ။ ယေ။ ဇေါင်၊ ရို့ ကို တေးဖက် သို့ နွယ်ရေ ရီး ဟန်တိမှာ အသုံးမာများပါရေ။

တတိယရီးဟန်က စကားပြင်သုံးဝိဘတ်၏ သည်။တွင်။ ဟူ၍၊ ချေ။နှယ်။ သော်၊ ရို့ ကို မသုံးဘဲ အေနိအပြောသုံးဝိဘတ်ကိုရာ အားပြုဗျာ သုံေးရ ရီးဟန်မျိုးဖြစ်ပါရေ။ အများအားဖြင့် အသျှေတိသီဆိုရေ အရွေ့ ကဗျာတိမာ တွိရပါရေ ။ အေပိုင်ရီးဟန်သုံးမျိုးမာ တတိယရီးဟန်ရေ အေနိအပြောနင့် ထပ်တူပင်ဖြစ်တေလို့  ဆိုနိုင်ပါရေ။ေ စကားနင့် စာမာ စကား ဦးဆောင်ပါရေ။ စာဆိုစွာက အက္ခရာသင်္ကေတနင့် မှတ်သားထားစွာဖြစ်တေ။ မြောက်ဦးခေတ်လယ်က စကားပြင် ရီးဟန်သုံး ၀ိဘတ်တိရေ ယင်းခေတ်က အပြောသုံးဝိဘတ်ဟန်နင့် အင်တန်များများ ခြားနားနီဗျာလို့  အထက်ကတင်ပြချက်ပါ အထောက်အထားတိက သက်သီပြနီပါရေ ။ စကားဆိုစွာ အမြဲပြောင်းရွိ နီရေအတွက် စာပီရီးဖွဲ့ ရေ ပုဂ္ဂိုလ်ရို့ က သူ့ ခေတ်အလိုက်စကားနင့် ကောင်းကောင်း အလှမ်းမကွာရအောင် ပြောင်းသင့်ယူရပါရေ။ ယင်းပိုင်မရာ ယင်းစာက ခေတ်မီနီပါဖို့  ။ သုံးရလွယ်ကူ အဆင်ပြီပါဖို့ ။

အေနိခေတ် ကိုယ့်ရခိုင်ဒေသထုတ် မဂ္ဂဇိန်းတိ မာ တွိရရေ ရခိုင်အရီးအသားတိရေ မြောက်ဦးခေတ်လယ်က တတိယအရီးအသားမျိုး ဖြစ်ပါရေ ။ မျက်မှောက်ကာလ အပြောကို အခြီခံဗျာ ရီးကတ်တေအတွက် ကိုယ့်ဘာသာစကား မကွယ်ပျောက်ရအောင် အလိုအလျှောက် ထိမ်းသိမ်းစောင့်ရှေက်ထားရေပိုင် အကျိုးသက်ရောက်စီပါရေ။ အေအရီးအသားကို ကလောင်သျင် တိုင်းက အမျိုးသားတာဝန်တရပ်နင့်  ၀ိုင်းဗျာရီးဖွဲ့ ကတ်ဖို့  ဆိုကေ ရခိုင်ကမ်းမြောင်မာ ရခိုင်စကားမအဓွန့် တည်မြဲပြီးကေ ရခိုင်စာပီလေးသော့ တရွိရွိ တိုးတက်ထွန်းပြောင်လာလိမ့်မေလို့  ယုံကြည့်ပါရေ ။။။။။။။။။။။။။


မောင်ဗသိန်း

ရခိုင်စာပီအတွက်နယူးယောက်ဆွေးနွေးပွဲ

ရခိုင်စာပီအတွက်နယူးယောက်ဆွေးနွေးပွဲ(၁)

                                                    ရခိုင်စာပီ(၂)

.

မြောက်ဦးခေတ် သုံး ရခိုင်မူကိုရာ သုံးရဖို့ လတ် သမိုင်းဆရာကြီး မောင်ဗသိန်းက ထုတ်ဖေါ်လိုက်ဗျန်


ရခိုင်စာတခုကို စံအဖြစ် သုံးဖို့  စွာနင့် ပါတ်သက်ပနာ အခုအချိန်မှာ အသံတိ ထွက်လာစွာဖြစ်ပါရေ ။ ယင်းချင့်မှာ အမေရိကန် နိုင်ငံ နယူးယောက်မြို့ က ရခိုင်စာမူ တခုပေါ်ပေါက်ရီးအတွက် အစီးအ၀ီးတခုကို ပြုလုပ်ကတ်စွာကိုလဲ ဒီဘီဗွီ လိုက် မှာ တနီကုန် ထုတ်လွှင့်လာပါဗျန်။

ယေဗြီးကေ ကွန်ပြူတာသုံးနိုင်ရေ လူတိအတွက်လဲ ယူတူးမှာ တင်ထားစွာတိကို တွိလာနီကတ်ပါဗျန် ။ ဒေပိုင် ရခိုင်စာတခုကို စံတခုအဖြစ် သုံးဖို့  စွာကို ရခိုင်သမိုင်းဆရာကြီး မောင်ဗသ်ိန်းနင့် မျိုးဆက်သစ် ရခိုင်သမိုင်း စာရီးဆရာ မင်းသိမ်းသြင်( ဉ္ဖန) တိက ဆွေးနွေးခကတ်ပါရေ ။ ယေအခါ ဆရာမောင်ဗသိန်းက ဝေသာလီခေတ်က ရီးခရေ သက္ကတစာပီနင့် ပါဋိစာပီ ရို့ ကို ဆွဲယူပနာ မြောက်ဦးခေတ်က စာပီထဲမှာ လုပ်လို့  မရကြောင်းကို ပြောပြပါရေ ။ သမိုင်းတခု၏ အထွဋ်အမြတ် ဟိနီရေအချိန်က စာပီယိုင်ကျေးမူ ဂုဏ်ဒြပ်တခုကို တည်တန့် ခိုင်မြဲအောင်ရာ လုပ်ရဖို့  ဟိရေဆိုပနာ သမိုင်းသုတေသီတိက ခံယူထားစွာ ဟိရေလို့  ပြောပြပါရေ။

အခုခေတ်မှာ သုံးနီရေ စာက မြောက်ဦးခေတ်သုံး စာပီ တခုဖြစ်ပါရေ။ ဒေမြောက်ဦးခေတ်သုံး ဗျည်းတိကို ရခိုင်စာအဖြစ်သုံးနီစွာကို ရခိုင်စာ မဟုတ်ရေဟန် လုပ်ဖို့  ဆိုစွာ သမိုင်းယိုင်ကျေးမူတခုကို ဖျက်လိုဖျက်ဆီး လုပ်တေပိုင်နင့် တူနီရေလို့  ပြောကတ်ပါရေ။ နောက်ဗြီးကေ ဒေလက်ဟိ သုံးနီရေ မြောက်ဦးခေတ်ဗျည်းကို ကိုယ့်စာလို့  မဟုတ်ဆိုကေ အောက်သားတိက သူရို့  စာလို့  ပြောခကေ ငါးပါးကြီး မှောက်လားလီဖို့ ဗျန်ကာလို့  သုံးသပ်ပြကတ်ပါရေ။

ဒေခုပိုင် ရခိုင်စာကို စံတခုအဖြစ် သုံးဖို့  ဆိုစွာကို ဆရာမောင်ဗသိန်းရို့ က လွန်ခရေ ဆယ်စုနှစ်တိထဲက ကြိုးစားလာကတ်စွာ ဖြစ်ပါရေ ။ ယင်းပိုင်ကြိုးစားလာစွာမှာ ဒေသိယစကားလုံးတိကို အခြီခံပနာ ပဇေါင်ပိုင် ရီးဖို့ လဲ ဆိုစွာကို ညှိနိုင်းနီစွာရာ ဖြစ်တေလို့  သိရပါရေ။

ရခိုင်စာ စံသတ်မှတ်ဖို့  အတွက်ပြည်တွင်းမှာ ရခိုင်ပြအည်သူတိ စိတ်ဝင်စားနိန် ကတ်တေလိုသိဟိန်ရပါရေ။

Wednesday, July 27, 2011

ရခိုင်စာကို စံတခုအဖြစ် ထားပနာ ပြုလုပ်လားဖို့ စာကို ပြည်တွင်းဖွဲ့ တိက ၀ီဖန်


အမေရိကန်နိုင်ငံ နယူးယောက်မြို့ မှာ အစီးအ၀ီးတခု လုပ်လားစွာကို ပြည်တွင်းက ရခိုင်သမိုင်းဆရာကြီးတိ နင့် ရခိုင်ယိုင်ကျေးမူနင့် စာပီယိုင်ကျေးမူ အဖွဲ့ ရို့ က လက်မခံကြောင်း သတင်းကြားသိရပါရေ ။


အမေရိကန်နိုင်ငံ နယူးယောက်မြို့ မှာ အစီးအ၀ီးတခု လုပ်လားစွာကို ပြည်တွင်းက ရခိုင်သမိုင်းဆရာကြီးတိ နင့် ရခိုင်ယိုင်ကျေးမူနင့် စာပီယိုင်ကျေးမူ အဖွဲ့ ရို့ က လက်မခံကြောင်း သတင်းကြားသိရပါရေ ။

ရခိုင်သမိုင်းဆရာကြီး ဦးဦးသာထွန်း၏ သားကြီးဖြစ်သူ ဦးကျော်ထွန်းအောင် ( အငြိမ်းစား ရှေးဟောင်းသုတေသန ယိုင်ကျေးမူ ဦးစီးဌါန- ညွှန်ကြားရီးမှူး) အပါအ၀င် ရန်ကုန် - လေးဝတီတီးဝိုင်း အဖွဲ့ နင့် ရခိုင်စာပီယိုင်ကျေးမူ အဖွဲ့ ရို့ ကလည်း ကောင်းကောင်းစိတ်ထိခိုက်ကတ်ကြောင်း ပြောကတ်ပါရေ။

သမိုင်းဆရာကြီးရို့ မှာ ရခိုင်စာပီနင့် ပါတ်သက်၍ နှစ်ပေါင်များစွာ ရခိုင်လီသံ အက္ခရာတိနင့် ရခိုင်မဂ္ဂဇိန်း ရို့ ကို ထုတ်ဝီရီးသားနီကတ်တေ ဆရာ့ဆရာကြီးတိ ဖြစ် နီသူတိပါရာ။ အခုပိုင် သမိုင်းခေတ်နင့် ချီပနာ ဟိခရေ ရခိုင်စာပီရို့ ကို ထိမ်းသိမ်းနီရေအချိန်မှာ သူ့့ ခေတ် သူ့ အက္ခရာ လက်ရာတိကို ထိမ်းသိမ်းဖို့  အစား မဆလာရောရေပိုင် ခေတ်ကိုဖျက်ဆီးပနာ ရခိုင်အက္ခရာပိုင် လုပ်ဖို့ ဆိုစွာကို ပြည်တွင်းက သမိုင်းဆရာကြီးတိက စိုင်းစားမရကတ်လို့  ပြောသံကြားရပါရေ။

ရခိုင်စံတခုကို လုပ်ဖို့  စွာမှာ သမိုင်းဆရာကြီးတိက ဒေကိစ္စကို အချိန် ယူပနာ စိုင်းစာဗြီးကေ ညှိနိုင်းလုပ်ယူရဖို့  ဟိရေလို့  တချို့  ရခိုင်စာရီးဆရာကြီးက မှတ်ချက်ပီးကတ်ပါရေ။ ယေကေလဲ သမိုင်းခေတ် တခေတ်ပျောက်လားအောင် ရခိုင်အက္ခရာကို ဖျက်တေပိုင် စာပီမျိုးကို မလုပ်သင့်လို့  ပြောဆိုကတ်ဗြီးကေ တိတိကျကျ ဝေသာလီခေတ်က စာပီကို မူ ဆိုကေ မူ- လေးမြို့ ခေတ်က မူ ဆိုကေ မူ- မြောက်ဦးခေတ်က မူဆိုကေ မူ ဆိုပနာ ရှေးစောင်းထုံးစံကို မပါယ်သင့်ပါလို့ လဲ ပြောနီကတ်တေလို့  သတင်းကြားရပါရေ။

ရခိုင်သူရခိုင်သား တိအနေ နန် ရခိုင်စာဖေါ်ထုပ်ရေး အတွက်အထူးစိတ်ပါ ၀င်စားနိန်ကတ်ပါရေ။ ရခိုင်စာပီးနန်ဘာသာဗေဒ ပညာရှင်ရို့ ပူးပေါင်းကာ စံတစ်ခု ဖြစ်အောင် လုပ်ဆောင်လားခပါက မကြာခင် ရခိုင်သူ၊ရခိုင်သားတိ ရခိုင်စာစံအတိုင်း ရွီး
လာဖို့ ဟိန်ပါရေအကြောင်းသိဟိန်ရပါရေ။

ဂေါက်ရ( ရန်ကုန်)

အမေရိကန်အခြီစိုက် US Campaign For Burma ညွန်ကြားရေးမှူး ဦးအောင်ဒင် နန် Jennifer Quigleyရို့ က ဘင်္ဂလီကုလား အခွင့်အရေးအတွက် သမိုင်းလိမ် ကို အမေရိကန် ကွန်ကရက်မှာတင်ပြ


အမေရိကန် အခြီစိုက် US Campaign For Burma က ညွှန်ကြားရီးမှူးတ ဦးဖြစ်သူ Jennifer Quigley ဆိုသူက တင်သွင်းစွာဖြစ်ပါရေ။ ဒေအဖွဲ့  က ၀ါရှင်တန်မြို့ မှာ အခြီစိုက်ဗြီးကေ ဦးအောင်ဒင်က ဦးဆောင် နီစွာဖြစ်ပါရေ ။ အောင်ဒင်ဆိုစွာက အမေရိကန်မှာ အဖွဲ့ ကို ဖွဲ့ ထားဗြီးကေ အကြံအဖန် လုပ်နီရေ လူတယောက်ရာ ဖြစ်ပါရေ ။ ကြားရစွာသတင်းတိက သမိုင်းလိမ်ကုလားတိက ဖေ့သာစားနီရေ၇လို့  သိရပါရေ။

အခြားဗမာအဖွဲ့ အစည်းတိနင့် ရောနှာနီသူမဟုတ်ဘဲ သီးခြား အကြံအဖန်လုပ်နီသူဖြစ်ပါရေ ။ ဒေပိုင် ကွန်ဂရက်စ်အဖွဲ့ မှာ တင်ပြနီစွာကို ရခိုင်တိုင်းရင်းတိုးတက်ရီးပါတီက သတင်းစာရှင်လးင်းပွဲ လုပ်ပနာ လုပ်လိုက်ကေ ဗြီးလားဖို့  စွာပါရာ။

ယင်းပိုင်နည်းတူ အခြားရခိုင်စာပီနင့် ယိုင်ကျေးမူကော်မီတီ အဖွဲ့ တိကလည်း ဒေပိုင်သမိုင်းလိမ်လူမျိုးက ရခိုင်ပြည်မှာ မဟိဆိုစွာကို အခုလက်ဟိ ဦးသိန်းစိန် အစိုးရနင့် လက်တွဲပနာ လုပ်ခကေ ဒေကုလားကိစ္စ ရှင်းလားဖို့  စွာပါရာ- ကုန်ခရေလက အမေရိကန်နိုင်ငံ ဒုလက်ထောက်နိုင်ငံခြားရီးဝန်ကြီး-အဲရစ်ပီချာလက်ဇ်က ဘင်္ဂလားဒေ့ရ်ှနိုင်ငံမှာ ဇွန်လ-၆-ရက်နိက-၉- ရက်နိထိ ကူတူပလောင် ဒုက္ခသည်စခန်းကို လားရေအခါ မြန်မာမူဆလင် ဒုက္ခသည်စခန်းကို လေ့လာခရေလို့  အမေရိကန်နိုင်ငံခြားရီးဌါန သတင်းထုတ်ပြန်ချက်မှာ ဟိပါရေ။

ဒေခုပိုင် ကွန်ဂရက်စ်မှာ ကြားနာပွဲလုပ်ကေလဲ နိုင်ငံခြားရီးဝန်ကြီးဌါနက ထုတ်ပြန်ချက်အရ ယင်းသူရို့ မှာ မူဆလင်လူမျိုးလို့  ဆိုထားစွာလဲ ဟိပါရေ။ ယေဇူးနင့် ဒေကိစ္စကို ရခိုင်တိုင်းရင်းသား တိုးတက်ရီးပါတီနင့် အခြားရခိုင်လူမူအဖွဲ့ အစည်းတိက ချက်ချင်း လုပ်ဆောင်သင့်ရေလို့  ထင်မြင်ယူဆနီကတ်ပါရေ ။ မဟုတ်ကေတော့ ရခိုင်မြီပျောက်ပနာ ကုလားမြီ ဖြစ်လားပါဖို့ ဗျန်ဒေလို့  ပြောသံထွက်နီလာကတ်ပါဗျန် ။။။

Monday, July 25, 2011

ရီကြီးမှုကြောင်း ဒေသခံတိ စီးပွားပျက်

ရခိုင်ရိုးမ။ ။July25,2011


မင်းပြားမြို့နယ်တွင်း ဖြစ်ပျက်မှု

ဒေလ ၁၇-ရက်နိက စလို့ ရခိုင်ပြည်ရှိ မြို့နယ် အချို့မှာ ရီကြီးခရေအတွက်
အိမ်တိ နစ်မြုပ်လားခစွာတိထဲက မင်းပြားမြို့နယ်၊ တောင်ကုတ်မြို့နယ်၊
မြောက်ဦး၊ ပေါက်တောမြို့နယ်ရို့မှာ ဆိုးဆိုးရွားရွား ခံခရကြောင်း သိရသည်။


“ရီမြုပ်စွာကတော သုံးရပ်ကွက်ပါ၊ ဈီးဟောင်းပိုင်း အလယ်ပိုင်းနိန့် အောက်ရွာပိုင်းရပ်ကွက်ရို့မြုတ်ခပါရေ။ ဒေဂုတော့ ရီတော့ခါ မရှိပါဗျာယ်၊ အိမ်တိမှာကျန်လိုက်တေ အမှိုက်တိနန့် ကျုပ်တိကို ဆီးပနာ နိန်ကတ်ရပါရေ။

ကမ်းနားလမ်းက အိမ်တိဆိုကေ အများဆိုးဆိုးဝါးဝါး ခံရပါရေ၊ ဆန်အိတ်တိ၊ စားစရာတိ အားလုံး ရီဲမြုပ်လားပါရေ၊ တိုက်အိမ်တိထက် ဒေပိုင်သစ်ဝါးအိမ်တိဆိုကေ ပိုဆိုးပါရေ။ ရီမြုပ်လားလို့ပါလေ”လို့ မင်းပြား အလယ်ပိုင်းရပ်ကွက် ဒေါ်ခင်သာမြက ရခိုင်ရိုးမကိုပြောသည်။

ယင်းအပြင် မြို့မဈိးလဲ ရီးကြီးခရေ အတွက်ကုန်ပစ္စည်းတိ ဆုံးရှုံးမှုတိ ရှိလားကြောင်း အ၀တ်အထည်ဆိုင်သည်တဦးက ဒေဂုပိုင် ရှင်းပြခသည်။

“အေးဝေး တဈီးလုံးရီမြုပ်ခရေ အတွက်၊ ကုန်တိလဲ ပျက်စီးလားရေ၊ ငါ့ရို့မှာက အခန်းနီဆိုခါ အ၀တ်အထည်တိလဲ အားလုံးစွတ်လားဗျယ်၊ ရောင်းလို့ကား ရဖို့မဟုတ်ဗျယ်”။

မင်းပြား နယ်ဘက်တိမှာလဲ ရီကြီးရေအတွက် လယ်ကွင်းတိ ပျက်စီလားကြောင်း၊ မျိုးစပါးတိလဲ ပျက်စီးလားကြောင်း သိန်တောင်၊ ဆင်ကြီးပြင်၊ ကုတိုးဆိပ်၊ ပန်ဇင်းမော်၊ ကင်းဆိပ် ၊ပြားချောင်းစရေ ကျေးရွာတိက လယ်သမားတိက ပြောပြသည်။

ယင်းအပြင် ပန်းမြောင်း မြောင်းဘွေ ဖက်တိမာလဲ အိမ်(၁၀)ကျော် ရီထဲမျောပါလားကြောင်းလဲ သိစုံစမ်းသိရှိရသည်။

ပေါက်တောမြို့နယ်တွင်းဖြစ်ပျက်မှု

ပေါက်တောမြို့နယ် မီးကျောင်းတက်ကျေးရွာက လယ်သမားတဦးဖြစ်တေ ဦးသာအောင်က ပြောပြစွာကတော့
“စပါးတိက ကြဲထားစွာတိ အားလုံးရီနန့်ပါလားဗျာယ်၊ မျိုးစပါးကွင်းတိလဲ ပျက်စီးလားဗျာယ်ဒေ၊ ပြန်စရဖို့က
ဝါဆိုလတောင်ရောက်နီဗျာယ်”လို့ ပြောပြသည်။
လယ်ကွယ်တိမှာ ရီမြုပ်စွာက မပြောကေ့ လူတောင်ငုတ်လို့ရရေ၊ ငါ့ရို့ကောင်းကံဆိုးစွာမနားဝေ”လို့ နတ်မော် ကျေးရွာက လယ်သမားတဦးက ပြောပြသည်။

တောင်ကုတ် မြို့နယ်တွင်းဖြစ်ပျက်မှု

တောင်ကုတ်မြို့နယ်မှာ နတ်မော်၊ သလိန်ပြင်၊ တောင်ရွာ၊ မှိုဟင်းတော ကျေးရွာတိအတွင်း လယ်ကွင်းတိရေ ရီမြုပ်လားရေအတွက် ဒေသခံ လယ်သမားတိ ဒုက္ခရောက်နီရကြောင်း သိရသည်။
ရီကြီးမှုကြောင်း မျိုးစပါး ပျက်စီးမှု၊ စိ်ုက်ပျုိုးထားရေ မျိုးစပါးတိ ရီနန့် မျှောပါလားခလို့ လယ်သမားတိ ဒုက္ခ ရောက်နိန်ကြရေပိုင် ရီမြုပ်ရာမှာ ပါခရေ အိမ်သားတိ တချို့စော် နီထိုင်စရာ အခက်ခဲတိနိန့် ရင်ဆိုင်နီကြရကြောင်း စုံစမ်းသိရှိရသည်။

မိုးလီဝါသကို သတင်းမီးခြင်း(ဖြစ်ရပ်မှန်)



ဂုရက်ပိုင်းအတွင်း ရခိုင်ပြည်အတွင်း မာမိုးကကောင်းကြီးနီရေ
။”တနင်္ဂနွီမိုးကြီးစီ ရွာလီခုနှစ်ရက်” စကားအတိုင်း မိုးက
တပါတ်လုံးလုံးဆက်တိုက်ရွာနိန်ရေ၊
ဟိုတရက်နိက ရွာရေမိုးစွာ တောင်ကုတ်မာ ၂၉. လက်မ၊ ကျောက်တော်မာ ၁၀
လက်မကျော်၊ မြောက် ဦးမှာ ၁၀လက်မ လတ်၊ ရခိုင်ပြည်နီရာ အနှံ့
အိမ်တိရီမြုပ်၊လမ်းတိပိုင်း၊ တံတားတိကျိုး အစဟိရေ သတင်းတိကိုဖတ်နီရရေ။
ကြားနီရရေ၊ဟိုတရက်နိက စစ်တွေမှာ ရွာခရေ မိုးကလေ့
ကြောက်ကောင်းထမန်း၊တစ်ခါလေ့မကြုံဖူးအောင်ရွာခရေ။ မိုးရီချိန် လက်မ
၃၀လောက်ဟိဖို့ထင်မိရေ၊
သို့သော် အတိအကျကိုသိရအောင်လို့ မိုးလီဝါသဌာန ကို ဖုန်းဆက်ပြီးကေ မီးကြည့်ရေ။
“ဟယ်လို ၊စစ်တွေမိုးလီဝါသ ဌာန ကပါလား၊”
“ ဟုတ်ပါရေအကို၊ ဇာကိစ္စပါလဲ”
“ သြော် ၊ညကရွာခရေ မိုးရီချိန်လက်မသိချင်လို့ပါ”
“အင်း ၊ဟုတ်ပါရေ၊ ညကမိုးရီချိန်လက်မက ၇ လက်မတည်းရလိုက်ပါရေ”
“အောင်ဟုတ်ပါလား အကျွန်က လက်မ၃၀လောက်တောင်ရွာခဖို့ထင်နီစွာ”
“ အင်း ၊ဟုတ်လီဖို့ကို၊ ညကမိုးကထွက်ပေါက်မရအောင်ရွာနီရေခါမနား၊
မိုးရွာနီတုန်းထီးဆောင်းလို့ တိုင်းခီကေတော့ အများကြီးရလီဖို့ကို ၊
ဂုကတော့ မိုးရွာနီတုန်းပျင်းလို့လေ၊ မိုးသာမှ တိုင်းခီရေခါ ကား ၇ လက်မ ရာ
ရလိုက်တေကို။“

မြ၀ါ

ပြည်တွင်းက ရခိုင်သမိုင်းဆရာကြီးတိကို ညှိနိုင်းဖို့  လိုနီရေ ရခိုင်စာ ကိစ္စ အမေရိကန် အစီးအ၀ီးမှာ မဟာပညာကျော်မူကို ရခိုင်လူမျိုးတိ သုံးဖို့  မသုံးဖို့  ဆွေးနွေးကတ်


ရခိုင်သမိုင်းဆရာကြီးတိ စာရီးနီကတ်စွာထဲမှာ ကွယ်လွန်လားခရေ ဆရာကြီးမောင်စံဖေါ်က ဥက္ကာပျံမူကိုရာ သုံးစွာဖြစ်တေလို့  ထုတ်ဖေါ်ပြောခပါရေ။ ယင်းပိုင်ဆရာကြီးမောင်စံဖေါ် သုံးခစွာကိုလဲ ဆရာမောင်ဗသိန်းက မောင်စံဖေါ်မူ ဆိုပနာ ရခိုင်စာ မူ အဖြစ် လုပ်ခွင့် တောင်းရေအခါ ဆရာကြီးမောင်စံဖေါ်က လက်မခံဘဲ ပါယ်ချခပါရေ ။ ဆရာကြီးမောင်စံဖေါ်မှာ ကွယ်လွန်လားခကေလဲ ရခိုင်စာ-မူကို မမြင်တွိခရပါဒေ။

အခုအချိန်မှာ အမေရိကန်နိုင်ငံ နယူးယောက်မြို့ မှာ သမိုင်းပညာရှင် ဆရာကြီး ဒေါက်တာအေးကျော်အိမ်မှာ ရခိုင်စာကို ခေတ်မှီစာပီ တခုအဖြစ် အသိအမှတ်ပြုပနာ လုပ်ကတ်ဖို့  လို့  ဆွေးနွေးပွဲ တခုကို ဒေနိ ( ၂၄-၇-၂၀၁၁ ) -တနင်းဂနွီနိ - နိခင်း-၁-ချက်တီးမှာ ပြုလုပ်ခပါရေ ။ ယင်းအစီးအ၀ီးကို စာရီးဆရာ ခိုင်အောင်ကျော် ( နယူးယောက်) က တက်ရောက်ပနာ အမှာစကား ပြောခပါရေလို့  သိရပါရေ ။
ဆရာကြီးဒေါက်တာအေးကျော်မှာ ပြည်တွင်းက သမိုင်းဆရာကြီးတိက ရခိုင်စာ စံတခုအဖြစ် မလုပ်နိုင်ကတ်တေအတွက်နင့် အခုပိုင် ရခိုင်စာကို မူတခုအဖြစ် လုပ်ဖို့  ကြိုးစားစွာလို့  သိရပါရေ ။ ယင်းအစီးအ၀ီးမှာ စိတ်ပါဝင်စားရေ ရခိုင်လူငယ်ချေတိလဲ တက်ရောက်ကတ်စွာကို သိရပါရေ ။ ဆရာကြီး ဒေါက်တာအေးကျော်က အဖွင့်အမှာစကား ပြောစွာမှာ အခုပိုင် ရခိုင်စာကို မူတခုအဖြစ် လုပ်လိုက်ကေ ကျောက်တော်က လူလဲ ဖတ်နိုင်ရေပိုင် ဂွမြို့  လူတိလဲ ဖတ်နိုင်ရေ မူဖြစ်လားဖို့  လို့  ပြောခပါရေ ။

ဒေချင့်ကို ပုံစံရီးပနာ ယင်းမူကို မဟာပညာကျော်မူလို့  ခေါ်တွင်ဗြီးကေ အသုံးပြုဖို့  အတွက်အင်တာနတ် မှာ ကြေညာပီးလားဖို့ လို့  ပြောလားပါရေ။ အစီးအ၀ီး တက်ရောက်သူ ခိုင်အောင်ကျော်( နယူးယောက်)က အခုပိုင် အသက်အရွယ်ကြီးမြင့်ပနာ ရခိုင်စာမူ တခုကို ကြိုးပမ်းစွာကို အထူး ကျေးဇူးတင်ကြောင်း ပြောကြားခရေလို့  သိရပါရေ ။ နောက်ဗြီးကေ အခုပိုင် ဆရာကြီး တင်ပြရေ မဟာပညာကျော်မူမှာ ပြည်တွင်းမှာ ရီးသားနီကတ်တေ ဥက္ကာပျံမူနင့်လဲ ကွဲပြားနီရေအတွက် ဒေပိုင် မူကွဲနီကတ်စွာတိကို သတိထားဖို့ လိုကြောင်း။ အထူးသဖြင့် ပြည်တွင်းမှာ ရခိုင်သမိုင်း ဆရာ ကြီးတိ ဖြစ်တေ အရှင်စက္ကိန္ဒ၊ အရှင် ဇေယျန္တဗောဓိ ၊ ဆရာမောင်ဗသိန်း။ ဆရာအောင်ဇံ။ ဆရာ ဦးအောင်လှသိန်း။ ငပြူး-သံတွဲ အစဟိရေ သမိုင်းစာရီးဆရာကြီးရို့  နင့် ညှိနိုင်းရဖို့  လိုကြောင်း။ ယေမှရာ ပြည်တွင်းက သမိုင်းဆရာကြီးရို့  နင့်ပါ မျိုးဆက်သစ် ရခိုင်သမိုင်းသုတေသီ စာရီးဆရာချေတိနင့်ပါ တိုင်ပင် ညှိနိုင်းဗြီးမှ ရခိုင်လူမျိုးတိအတွက် ရခိုင်စာ -မူတခုအဖြစ် လုပ်နိုင်ဖို့  ဖြစ်ကြောင်း ပြောကြားလားရေလို့  သိရပါရေ။

မဟာပညာကျော်မူမှာ ဝေသာလီခေတ်က ရီးခရေ ဗျည်းတိ ၊ လေးမြို့  ခေတ်သုံး ဗျည်း တိနင့် မြောက်ဦးခေတ်သုံး ဗျည်းတိကို ကောင်းနိုးရာရာ ရွီးပနာ ပေါင်းစပ် လုပ်ထားရေ ရခိုင်သင်ပုန်းကြီး ဖြစ်တေလို့  သိရပါရေ ။ အရှင်စက္ကိန္ဒ သုတေသန ပြုလုပ်ထားရေ ရခိုင်သင်ပုန်းကြီးမှာ ဗျည်း-၃၃- လုံးရာ ဟိကေလဲ အခု လုပ်ထားရေ နယူးယောက် မဟာပညာကျော် မူမှာ ဗျည်း -၃၆- လုံး တောင် ဟိနီရေလို့  သိရပါရေ ။ ပြည်တွင်းက သမိုင်းစာရီးဆရာကြီးတိ ရခိုင်စာပီကို မူတခုအဖြစ် မလုပ်နိုင်ကတ်စွာမှာ အခုပိုင် ရခိုင်ရှေးဟောင်းစာပီတိထဲက ကောင်းနိုးရာရာ အလှပချေ စာလုံးတိကို -၂၁-ရာစု ရခိုင်စာလို့  သတ်မှတ်ချင်နီကတ်စွာလဲ ဖြစ်ပါရေ ။

နောက်ဆုံးမှာ ခိုင်အောင်ကျော် ( နယူးယောက် ) က ရခိုင်စာ မူ တခု ပေါ်ထွက်လာဖို့  စွာကို လက်ခံ ကြိုဆိုကေလဲ သမိုင်းဆရာကြီးတိနင့်မှ ညှိနိုင်းပနာ လုပ်ရဖို့  စွာကို ပြောခရေလို့  သိရပါရေ။ ယေဗြီးကေ ဒေပိုင်မူ လုပ်ထားစွာကို သမိုင်းဆရာကြီးတိ ၊ မျိုးဆက်သစ် သမိုင်းသုတေသီချေတိ နင့် ရခိုင်လူမျိုးတိ သိအောင် အင်တာနတ်က တင်ပီးပနာ ဆွေးနွေး လက်ခံမှရာ မူကို စာလုံးဖေါ်ဆောင် လုပ်ဖို့  လိုစွာကို ပြောခရေလို့  သိရပါရေ။ အတည်မပြုရခင်မှာ စာလုံးကို ဖေါ်နီခကေ ဖေ့သာလဲ ကုန်ပနာ အသိအမှတ် မပြုခကေ အဓိပ္ပါယ် မဟိဖြစ်နီဖို့  အတွက် အယင်ဆုံး ရခိုင်လူမျိုးတိက ဒေပိုင် မဟာပညာကျော် မူ ကို လက်ခံကတ်ယင့်လား ဆိုစွာကို အချိန်ယူ စောင့်ကြည့်ဖို့  လိုရေလို့  ပြောခကြောင်း သိရပါရေ။ ပြသနာတခုမှာ ဒေပိုင်ရာ မဟာပညာကျော်မူ ဆိုပနာ လုပ်ခကေ ပြည်တွင်းက သမိုင်းဆရာကြီးတိက ရီးသားနီရေ မူတိနင့် လုံးဝကွဲပြားလားဖို့  ပိုင် ဇါသူတယောက်လဲ လက်တွိမှာ ဖတ်တတ်ဖို့  မဟုတ်စွာကတော့ သီချာနီပါရေ ။ ဇါဖြစ်လို့ ဆိုကေ ဗျည်း-၃၆-လုံးကို ရခိုင်သင်ပုန်းကြီးပါလို့  ပြောနိုင်ကေလဲ ယင်းဗျည်း -၃၆-လုံးပါဝင်ရေ စာပီမျိုးကို ဇါသူက ဦးဆောင်ပနာ ပြုစုရီးသားကတ်ဖို့ လဲ ဆိုစွာကလဲ ပြသနာဖြစ်နီပါရေ ။

မူလတန်းကျောင်းသားချေတိ ဖတ်နိုင်ဖို့  အတွက် သင်ရိုးးညွှန်းတန်းမှာ ထည့်ဖို့  အတွက် ဇါသူက ဦးဆောင် ရီးဆွဲဖို့ လဲ ဆိုစွာက ပြသနာ ဟိလာနိုင်ရေပိုင် ယင်းဗျည်း-၃၆- လုံးပါရေ စာပီမျိုးကို ဇါသမိုင်းဆရာကြီးတိ၊ ဇါမျိုးဆက်သစ် သမိုင်းသုတေသီတိက ရီးသားလက်ခံဖို့  ဆိုစွာကလဲ ကောင်းကောင်းကြီး ပြသနာတခုဖြစ်နီပါရေလို့  ပြောသံတိကြားနီ ရပါရေ။ ဇါဖြစ်လို့ ဆိုကေ မြောက်ဦးခေတ် သုံး ရခိုင်စာကို မူတခုအဖြစ် သုံးနီကတ်တေ ရခိုင်သမိုင်းရာကြီးတိမှာ အခုပိုင် -၂၁- ရာစု မဟာပညာကျော်မူကို ဇါပိုင်လက်ခံနိုင်ဖို့ လဲလို့  တချို့ က ၀ီဖန်နီသံတိလဲ ကြားနီရလာပါဗျယ်။ ယင်းနိက အစီးအ၀ီးမှာ ဘင်္ဂလားဒေ့ရ်ှမှ လေးဝတီအာရကန် အကြီးတန်း သတင်းထောက် ခိုင်ဥက္ကာပျံက သမိုင်းဆရာကြီးတိနင့် ညှိနိုင်းဖို့  လိုစွာကိုပါ အွန်လိုင်းက နီပနာ ၀င်ဗြီးကေ အကြံပီး ဆွေးနွေးခရေလို့ သိရပါရေ။ သမိုင်းဆရာကြီးတိနင့် ညှိနိုင်းဖို့  လိုရေလို့  ပြောစွာမှာ ဒေပိုင် နယူးယောက်က ရခိုင်မူကို အတည်ပြုရေ ပုံစံမျိုးကို မသက်ရောက် စီချင်ရေအတွက် စာရီးဆရာကြီးတိနင့် ညှိနိုင်းဖို့  လိုစွာကို ပြောခစွာဖြစ်ကြောင်း သိရပါရေဒေ။။။။


စောပြည့်ညို(စစ်တွေ)

Sunday, July 24, 2011

ရခိုင်စာရွီးဆရာတဦး စာနယ်ဇင်း ကျင့်ဝတ် ချိုးဖောက်ခံရ

ရခိုင်ရိုးမ။ July 24, 2011


စစ်တွေ။ ။ ပြန်ကြားရေးဌာန၏ ဖိအားကြောင်း ရခိုင်စာရွီးဆရာတဦးအား ရန်ကုန်မီဒီယာဂရု(ပ်)က စာနယ်ဇင်းဆိုင်ရာ ကျင့်ဝတ်ချိုးဖောက်မှုကို ပြုလုပ်လိုက်ကြောင်း သိရသည်။


ရန်ကုန်မီဒီယာဂရု(ပ်) က ထုတ်ဝီလျှက်ရှိရေ ဖလားဝါးနယူးဂျာနယ် အတွဲ ၆/ အမှတ်(၄၉) မှာ အခန်းဆက်ပါရှိရေ ရခိုင်စာရွီးဆရာ ထွန်းကျော်ရီ(စစ်တွေ)၏ ကုလားတန်မြစ်အနောက်ဖက်ကမ်းမှ သမိုင်းဝင် ဘဲငါးရာတောင်နှင့် ထူးခြားသော ဖြစ်ရပ်များ ဆောင်းပါးရေ လူသိရှင်ကြားဖြစ်လားရေခါ သန်းဆွေသစ် အနိန်နန့် သူ၏ရီးသား ချက်ဖြစ်တေ ဘဲငါးရာတောင်ပေါ်က ရတာနာသိုက် လုံးချင်းစာအုပ်ကို ကျမ်းကိုး စာအုပ်ကို ကျမ်းကိုးစာရင်းမှာ မဖော်ပြခရလို့ ပြန်ကြားရီး အရာရှိနန့် စာပီနန့် စာနယ်ဇင်းဗဟို ဥက္ကဋ္ဌကို တိုင်းကြားခကြောင်း သိရသည်။

ယင်းသို့ သန်းဆွေသစ်တိုင်းကြားမှုအပေါ် ဖလားဝါး နယူးစ်ဂျာနယ် ထုတ်ဝီခွင့်မှု အခက်အခဲဖြိုက်လာဖို့စော် စိုးရိမ်ရေအတွက် သန်းဆွေသစ်၏ စွပ်စွဲချက်ကို ဆောင်းပါးအား အသိမပီး၊ ဖြေရှင်းချက်ကို မစောင့်ဘဲ ထွန်းကျော်ရီ (စစ်တွေ) အနိန်နန့် သန်းဆွေသစ် စာအုပ်ကို ကိုးကားခယယောင် အယ်ဒီတာအဖွဲ့က ကျမ်းကိုးစာရင်းမှာ မဖော်ပြခရေ အတွက် သန်းဆွေသစ်ကိုတောင်းပန်ခကြေင်း ဖလားဝါးနယူးစ်ဂျာနယ် အတွဲ ၇/ အမှတ် (၂၇) မှာ ဖော်ပြထားသည်။

ယကေလေ့ ထွန်းကျော်ရီကမူ သန်းဆွေသစ်၏ စာအုပ်ကို မကိုးခကြောင်း ရခိုင်ရိုးမက တယ်လီဖုန်းနန့် ဆက်သွယ်မီးမြန်းချက်ကို အဂုပိုင် ဖြေကြားခပါရေ။

“အကျွန်က ဆောင်းပါးရွီးရေခါမှာ ရခိုင်ရာဇဝင်သိုက်ကျမ်းအပြင် တခြားခိုင်မာရေ သမိုင်းအချက်အလက်တိနန့် ကိုယ်တိုင် ကွင်းဆင်းမိန်းမြန်းပြီးကေ ရွီးထားစော်ဖြိုက်တေ၊ သူ့စာအုပ်ကို အကျွန်က ဟိုတရက်ညကမှ ဖတ်ရသိမ့် သူ့စာအုပ်ကို မကိုးကားခပါ” လို့ ရခိုင်ရိုးမ ကိုပြောပါရေ။

သန်းဆွေသစ်၏ စွပ်စွဲချက်မူအပေါ် ဖလားဝါးနယူးဂျာနယ်က တဖက်သတ် ဆုံးဖြတ်လိုက်စော်ရေ စာနယ်ဇင်းကျင့်ဝတ်နန့် ဆန့်ကျင်ကြောင်း ထွန်းကျော်ရီ(စစ်တွေ)က ပြောပြသည်။

ရခိုင်ပြည်က စာပီသမား အများစုရေ ပြည်မဖက်က ထုတ်တေဂျာနယ်၊ သတင်းစာနိန့် မဂ္ဂဇိန်းတိမှာ ဝင်ရောက်ပနာ စာပီရွီးသားမှုတိပိုများလာကြောင်း သိရသည်။

ယကေလေ့ နယ်ဖက်က စာရွီးဆရာတိကို ရန်ကုန် အသိုင်းအဝိုင်းတိက စနစ်တကျ ဆောင်ရွက်ပီးမှု မရှိကြောင်း နယ်ဖက် စာရွီးဆရာ အသိုင်းဝိုင်းက ပြောပြသည်။

ဝါရင့်စာရွီးဆရာတဦးက သန်းဆွေသစ်၏ ဘဲငါးရာတောင်ပေါ်က ရတနာသစ်စာအုပ်ရေ စိတ်ကူးယိုင်ဂမ္ဘီရ လုံးချင်းစာအုပ်ဖြိုက်ပြီးကေ တိကျခိုင်မာရေ သမိုင်းအချက်အလက်တိကို ဖော်ပြထားခြင်း မရှိရေပိုင် လုံးဝကိုးကားလို့မရရေ အပျော်တမ်းဖတ်စာပီ အမျိုးအစားထဲမှာရာ ပါရေလို့ သုံးသပ်ပြသည်။

သန်းဆွေသစ်ရေ မြန်မာနိုင်ငံမှာ စစ်အစိုးရကပီးအပ်တေ စာပီဗိမာန်စာမူဆုတိကို ပိုင်ဆိုင်ထားရေ စာရွီးဆရာတဦးဖြစ်ဖြိုက်ကေလဲ မိမိရို့ရခိုင်စာပီတိုးတက်ရေး အတွက်လုပ်ဆောင်ခြင်းမရှိဘဲ ဗမာစာပီ တိုးတက်ရေးကိုရာ ကြိုးစားလုပ်ဆောင်နိန်သူ တဦးဖြိုက်ကြောင်းလဲ စုံစမ်းသိရှိရသည်။



စစ်တွေမြို့မှာ မီး ၂၄- နာရီရကေလေ့ မီးပြတ်တောက်မှုတိမကြာမကြာဖြိုက်နိန်

ရခိုင်ရိုးမ။ July 24, 2011


စစ်တွေ။ ။ ရခိုင်ပြည်၏ မြို့စစ်တွေမှာ လျှပ်စစ်မီး ၂၄ နာရီရကေလဲ မီးမကြာခဏ ပြတ်တောက်မှု ပိုများလာကြောင်း သတင်းရရှိသည်။

စစ်တွေမြို့ရှိ လျှပ်စစ်မီးကို ပုဂ္ဂလိက ဖိုးသီးချိုကုမ္ပဏီက တာဝန်ယူထားပြီးကေ ဒေလ ၁၀ ရက်နိကစလို့ ၂၄ နာရီ လုံးလုံး လျှပ်စစ်မီး ပီးနိန်ခြင်းဖြိုက်ကြောင်း သိရသည်။

“မီးက ယပိုင်ပါ၊ ပြတ်တောက်စော်တိ ပိုများလာရေ၊ သုံးရေလူတိလည်း စိတ်ဒုက္ခဖြစ်ရရေ ပုံမှန်လည်းမရပါ။ မီးကပြတ်လိုက် ရလိုက်ပါယေ” လို့ စစ်တွေမြို့ခံတဦးက ရခိုင်ရိုးမကို ပြောပြသည်။

ယကေလေ့ စစ်တွေမြို့မှာ လျှပ်စစ်မီး ၂၄ နာရီရသည့်တိုင်အောင် မီတာခက အရင်ထက် ဈီးပိုများလာရေအတွက် ဒေသခံတိ ၂၄ နာရီ မီး မသုံးနိုင်ကြောင်းကို အဆိုပါမြို့ခံက ဆက်ပြောစွာက-

“မီတာခက အရင်ထက် များပါရေ၊ မီတာအများ သုံးစွဲကတ်တေအိမ်တိမှာဆိုကေ ပိုများပါရေ၊ ၁၅ မီတာအောက် သုံးရေဆိုကေ မီတာလျော့ပါရေ၊ မီတာ အများသုံးကေ မီတာခ ဈီးအများ ပီးရပါရေ။ အားလုံးသူတိက ၂၄ နာရီဇာသုံးနိုင်ဖို့လဲ” လို့ ပြောသည်။

ပြည်သူတိရေ မီး ၂၄ နာရီထက် မီတာခနှုန်းထားကို လျော့ချပီးဖို့အတွက် လိုလားနိန်ကတ်ပြီးကေ ပြည်မဘက်မှာ တမီတာကို ၂၅/ ကျပ်နှုန်းရှိကေလဲ ရခိုင်ပြည်မှာ တမီတာကို ကျပ်ငွေ ရာဂဏန်းအထိ ရှိနိန်သည်။

လျှပ်စစ်မီတာခနှုန်းထားမှာ ၁၅ မီတာအောက် သုံးစွဲသူတိကို တမီတာ ကျပ်ငွေ (၄၀၀)လို့ သတ်မှတ်ထားပြီးကေ ၁၅ မီတာအထက် သုံးစွဲသူတိကိုဆိုကေ ကျပ်ငွေ ၄၆၀ နှုန်းနန့်သတ်မှတ်ထားသည်။

လျှပ်စစ်မီးကို ပုဂ္ဂလိက လက်ထဲမလွဲအပ်ခင်က တမီတာကို ၂၅ ကျပ်နှုန်းနန့်ပီးဖို့ သဘောတူညီမှုရှိခကေလေ့ နောက်ပိုင်းမှာ အစိုးရ သတ်မှတ်ထားရေ ဈီးနှုန်းထက်ပိုများလာခြင်းဖြိုက်ကြောင်းနန့် ရခိုင်ပြည်အစိုးရကလဲ ဖြေရှင်းမပီးသိကြောင်း သိရသည်။

ဒေအဂုပိုင် စစ်တွေမြို့မှာ လျှပ်စစ်မီး ၂၄ နာရီ ရရှိနိန်မှုရေ နှစ်ပေါင်း ၃၅ နှစ်အတွင်း ပထမဆုံး အကြိမ်ဖြိုက်ကြောင်း၊ ၁၉၇၅ ခုနှစ်ကလဲ ၂၄ နာရီမီးပီးခကြောင်း လေ့လာတွိ့ဟိရသည်။

လျှပ်စစ်မီးကို ဒီဇယ်သုံးအစိုးရ မီးစက်ကြီးကို အသုံးပြုလို့ရှိပြီးကေ တခါတလီ ဒီဇယ်ဆီးရှားပါးမှုတိနန့်လဲ ကြုံနိန်ရကြောင်း လျှပ်စစ်မီး ဖြန်ဝီရေး ကုမ္ပဏီ ၀န်ထမ်းများက ပြောသည်။

အခုအခါ စစ်တွေမြို့မှာ လျှပ်စစ်မီး ၂၄ နာရီရကေလဲ မီတာခဈီးကြီးရေအတွက် သုံးစွဲသူတိအနိန်နန့် အခက်ခဲ တရပ်နိန့် ရင်ဆိုင်နီရကြောင်း စစ်တွေ မြို့ခံတယောက်က ပြောသည်။

ရခိုင်ပြည်နယ်အတွင်း လျှပ်စစ်မီး မီတာခလျော့ချမှုကို ရခိုင်ပြည်နယ်အစိုးရဇာပိုင်လုပ်လားဖို့ဆိုစွာကို ဒေသခံတိ သိချင်နိန်ကြောင်း ရခိုင်ပြည်နယ်မြို့နယ်တိုင်းမာရေ လျှပ်စစ်မီးမီတာ ခနှုန်းတိအဆမတန် ကောက်ခံမှုတိ ရှိနိန်မှုတိကို ခံစားနိန်ကတ်ရသည်။

ယင်းအပြင် စစ်တွေလျှပ်စစ်မီးဖြန့်ဖြူးရေးလုပ်ငန်းကို ပုဂ္ဂလိက ကိုင်တွယ်ထားရေအတွက် မီတာခဈီးနှုန်းတိလဲ တစတစ မြင့်တက်လာဖို့ အနီအထားရှိကြောင်းသိရပါရေ။
“အခုက မီးပီးစော် မကြာသိဆိုရေခါ တမီတာကို ၄၀၀/ ၄၆၀ နှုန်းလုပ်ထားရေ၊ နောက်ကြာလာရေခါ ယင်းထက်လဲ ဈီးနှုန်းမြင့်လာနိုင်ရေ၊ ဇာအတွက်ဆိုကေ ပုဂ္ဂလိက ကိုင်တွယ်ရေဆိုကေ ယပိုင်ဖြိုက်ဖို့ဆိုစော် သိပြီးသားပါရာ” ဆိုပနာ စစ်တွေမြို့ခံတဦးက သူ့အမြင်ကို ပြောပြသည်။



မြောက်ဦးဘုရား မြောက်ဦးမှာ ထားဖို့ (ရတပ) ပါတီထုတ်စာစောင်မှာပါဟိန်

မြောက်ဦးဘုရားကို ရတနာ့မာရ်အောင် မှာရာဟိန်စီရဖို့ လို ရခိုင်တိုးတက်ရေးပါတီထုတ် စာစောင်မှာ ပါဟိန့် ပါရေ။ မြောက်ဦးမြိုခံ လူထုကလည်း ဘုရားကိုဗမာပြည် ကိုယူလားဖို့ ဆိုကေ အသက်ချင်းလှည့်ဗျာလ် ကာကွယ်ဖို့ အထိ ပြောနိန်ကတ်ပါရေ အုပ်ချုပ်သူ ဗမာအာဏာပိုင်အဆက်ဆက် ရှီးဟောင် ရခိုင့်အမွီအနစ်တိကို ဗြောင်ကျကျတစ်မျိုး ခိုးဗျာလ်တစ်ဖုံ ယူဆောင်လား စာ မရွီတွက်နိုင်အောင်များပြားလား ပါဗျာလ်
အခုဒုတိယ အကြိမ်မြောက် လောကမဉ္ဇူဘုရား ဆင်းထုတော် နန်ဓာတ်တော်မွေတော်တိကို နေပြည်တော် က အမိန့် နန့် တိတ်တဆိတ် ယူဖို့ လာစွာ မှာ ရခိုင်ပြည်သူတစ်ရပ်လုံး ဆန့် ကျင်နိန်ကတ်စွာ ကိုတွိ့ ရပါရေ ရခိုင်တိုးတက်ရေးပါတီ ကလည်း မြောက်ဦး ဘုရား ရတနာ့မာရ်အောင်မှာ ဟိန်စီရဖို့ လို ပြောလာ ရေအတွက် ပြည်သူတိ ၀မ်းမြောက်ဝမ်းသာ ဟိန်နိန်ကတ်တေ။နောက်ပိုင်မှာ ဗမာတိ နောက်ထပ် ဇာဗျူဟာတိသုံးဗျာလ် ယူလာဖို့ လေးဆိုစာ ကိုလည်း စိုးရိမ်နိန်ကတ်ပါရေ။ ရခိုင်လူထု တိက ဗမာအစိုးရ တိ ကိုလုံးဝအယုံအကြည်မဟိန်ဆိုစာကို လည်း အံသွားကြိတ်ဗျာလ်မခံမ ရပ်နိုင် ဖြစ်နိန် ကတ်တေလိုကြားသိရပါရေ




ရခိုင်သက္ကရာဇ် ၁၃၇၃ ခု ရခိုင်ရိုးရာ သင်္ကြန်ပွဲကို ရခိုင်အမျိုးသားရိုင်းပင့်ကူညီမှူးအသင်း(ASWADK) ကဦးဆောင်လို့ ဒိန်းမတ်နိုင်ငံ၌ စီကားစွာကျင်းပ

ရခိုင်ရိုးမ(၂၄။၇။၂၀၁၁)

                                                         ကမ္ဘာနိုင်ငံအများကြီးမှာနိန်ထိုင်ကတ်တေရခိုင်လူမျိုးတိရေ ဇာနိန်ရာ ဇာအနိန်အထားမှာ ရောက်ရောက် ကိုယ်ရို့ ရိုးရာကို အသက်မက ချစ်ခင်ကတ်တေအတွက် ရိုးရာမပျက်ဘုရား ရီချိုး ပူဇော်ဗြီး ရီလောင်းပျော်ရွှင် ပွဲကိုဒေလ၂၃။၇။၂၀၁၁နိန့်ကဒိန်းမတ်နိုင်ငံ   ချေလန် ကျွန်း(Sjælland) ဗိမြို့(vig) ရခိုင် အမျိုးသား ရိုင်းပင့် ကူညီ မှုးအသင်း (ASWADK)ကဦးဆောင်လို့စီကား စွာ ကျင်းပ ခရေလို့ သတင်းရဟိဘါရေ။ အခမ်းအနား ကိုမိုးထဖက်(၁၀)နာရီကစဗြီးကေ ညဇာဖက် (၅)နာရီမှာအောင်မြင်စွာဗြီးဆုံးခဘာရေ။

အခမ်းအနားမှာ ပထမဆုံး ဘုရားရီချိုးပူဇော်ဘာရေ။ အဗြီးမှာ ရခိုင်ရိုးရာဆီမီးခွက် အက ရိုးမရံစီယိမ်း အယင်ကသင်္ကြန်ယိမ်း နာန့်နောက်ဆုံးရိုးရာကမမတေးခင်းကိုရောက်ဟိလာသူ တိအားလုံးပြိုင် တူသီဆိုလို့ငွေဖလားတိနာန့်ရီလောင်းဗျာလ်ရခိုင်သင်္ကြန်ကျင်းပကတ်စွာဖြစ်ပါရေ။ သင်္ကြန်ပွဲကျင်းပရေ နိန်ရာသို့ ရခိုင်လူမျိုး တရာကျော်နာန့် ဒိန်းမတ်နိုင်ငံ မီဒီယာများမြို့နယ်အုပ်ချုပ်ရေးမှူးရုံးမှကိုယ် စားလှယ်တိဖိတ်ကြားထားရေ အာဂန္တုတိကို ရခိုင်လူမျိုးသမိုင်းကြောင်း သက်ြန်ကျင်းပရခြင်း ရည်ရွယ်ချက် စာရွက်များဝီငှဗျာလ် အင်္ဂလိပ်ဘာသာစကားနာန့် တာဝန်ခံတိက အကျယ်တဝင့် ရှင်းလင်းပြောကြား လားရေလို့သိရဘာရေ။ အနိုင်နိုင်ငံမှာ ရောက်နိန်ကတ်တေ ရခိုင်လူမျိုးရို့ ရေ သင်္ကြန်ပွဲကို ရခိုင်ပြည်နာန့် အတူနှစ်စိုင် ဧပြီလမှာ ကျင်းပကတ်ကေလည်း ဒိန်းမတ်နိုင်ငံမှာ ယင်းအချိန် ရာသီဦးတု အလွန်ဆိုးရွားနိန်ရေ အတွက် ယေဗြီးကေ ရာသီဥတုသာယာရေ ဒေအချိန် ရခိုင်အမျိုးသားရိုင်းပင့်ကူညီမှူး အဖွဲ့ တနှစ်မြောက် နာန့်လေးတိုက်ဆိုင်နိန်ဘာရေ ယင်းကြောင်း ဒေပိုင်ကျင်းပ ပြုလုပ်ပါရေလို့ အဖွဲ့ တာဝန်ခံ ကိုတင်ညွန့်က ရခိုင်ရိုးမ ကို ဒေပိုင်ပြောဘာရေ။

(တစ်)” မိမိရို့ ရခိုင်လူမျိုးရို့ ၏ မိဖဖိုးဖီးစိုင်လာ ပြုလုပ်ကျင်းပ ပျော်ရွှင်ခကတ်တေ ရိုးရာအတာရီ သဘင်ပွဲမှာ အခက်အခဲအမျိုးမျိုးကြောင်း မိမိရို့ ကိုယ်တိုင်ကိုယ်ကျ မပါဝင်မဆင်နွဲဖြစ်ဘဲ နှစ်ပေါင်းမြောက်များစွာ လည်းကြာလားဗျာလ်ဖြစ်တေ ရခိုင်ရိုးရာ သင်္ကြန်ပွဲကို ပြုလုပ်ခွင့်ရရေ အချိန်မှာ ပြုလုပ်ရစွာ ဖြစ်ပါရေ။

(နှစ်)” ဒိန်းမတ်နိုင်ငံမှာ နိန်ထိုင်ကတ်တေ လူတိရေ ယိုင်ကျေးမှုမတူ အယူဝါဒတိကွဲပြားကေလည်း ခင်မင်ရင်းနှီးစွာ ပြောဆိုဆက်ဆံတတ်ကတ်တေ လူတိဖြစ်ကတ်တေအတွက် ရင်းနှီးကျွမ်းဝင်သူနာန့် သိသင့်သိထိုက်တေ လူတိကို ကျွန်တော်ရို့ ၏ ရှည်လျှားရေ သမိုင်းနောက်ခံတိနာန့် ဆက်စပ်ဖွဲ့နှောင် ထားရေ  ရခိုင်ယိုင်ကျေးမှု ရိုးရာဓလေ့ထုံးစံတိကို မိတ်ဆက်ချင်စွာ တချက်။

(သုံး)ကျွန်တော်ရို့ ရခိုင်လူမျိုးရို့ ၏ သမိုင်းနာန့် ဒေနိန့်ပိတ်စက္ခတ် အတိန်အနက်ကို မသိဘဲ ထင်ရာရွီးဗြီး မှန်းဗြီးကေ မှတ်တမ်းတင်နီကတ်တေ ကမ္ဘာကျော် သတင်းဌါနက အရည်အသွေးမမီရေ သတင်းသမားတိ ပိုဗြီးလေ့လာခွင့် ရလာရန် ဖြည့်စွက်ပီးစွာလည်းတချက်။

(လေး)ဇာနိန်ရာရောက်ရောက်မိမိရို့၏ရိုးရာယိုင်ကျေးမှုကြောင့်ထုံးဓလေ့ဟောင်းတိကိုအမြတ်တနိုးနာန့် တတ်နိုင်ရေဖက်ကထိမ်းသိမ်းထားချင်စွာလေးတချက်လို့ပြောဘာရေနောက်ဗြီးကေအခက်အခဲမျိုးစုံဟိ လို့တခါလည်းဒိန်းမတ်နိုင်ငံမှာသင်္ကြန်ချရေလို့မဟိဖူးခယေခါရာသီဥတုအီးလွန်းလို့ရီလောင်းလို့ရဖို့အချိန် ကိုရွီးချယ်ရစွာနာန့်ရိုးရာအဝတ်အစားတိကိုမှာယူရေခါလူတိုင်းမခြုပ်တတ်နောက်ပွဲကိုကျင်းပရေခါပွဲကြည့် ပရိတ်သတ်အားဖို့အချိန်ကိုညှိရစွာတဖုံအဆိုအကတိုက်ယူရရေအခက်အခဲဒေလောက်အခက်အခဲတိမြောက် များစွာကြားနာန့်နှစ်ပေါင်းမြောက်များစွာတမ်းတအားခဲထားရရေမိမိရို့သင်္ကြန်ပွဲဖြစ်တေအတွက်အားကြိုးမန် တက်ပါဝင်လုပ်ကိုင်ကတ်ဗြီးကေ အတာသင်္ကြန်ရီသဘင်ပွဲကို ပျော်ပျော်ရွှင်ရွှင် သိုက်သိုက်ဝန်းဝန်း ဆင်နွဲဖြစ်ခကတ်စွာနာန့်နိန်ရာတကာမှာ ရခိုင်ရိုးရာမပျောက်ပျက်ရအောင်ညီညီညွတ်ညွတ်ထိမ်းသိမ်းလား ဂတ်ယင်းမျိုးဆက်သစ်လူငယ်ချေတိကိုလမ်းပြခေါ်
ဆောင်လားဖို့အဓိကရည်ရွယ်ကြောင်းပြောကြားလီဘာရေ။

ခိုင်ဥက္ကာပျံ(လေးဝတီ)

တောင်ကုတ်မြို့ မှရီကြီးနိန်ရေဓာတ်ပုံ

တောင်ကုတ်မြို့ မှရီကြီးနိန်ရေဓာတ်ပုံ

Saturday, July 23, 2011

ရခိုင်ပြည်နယ် သတင်းဂျာနယ် ရှိလမှာ ထုတ်ဝီဖို့လို့သိရ

ရခိုင်ရိုးမ။ ။22,July,2011
ရခိုင်ပြည်နယ်အစိုးရ ကိုယ်စားပြု ရခိုင်ပြည်နယ် သတင်းဂျာနယ်ကို ရှိလမှာ ထုတ်ဝီလားဖို့ဖြိုက်တေလို့ သိရပါရေ။
အဆိုပါဂျာနယ်မှာ ရခိုင်ပြည်နယ် အစိုးရ၏ လုပ်ဆောင်မှုတိကို ကိုယ်းစားပြုဖို့ ဂျာနယ်ဖြိုက်ပြီး အဓိက ကြံ့ခိုင်ရေး ပါတီဝင်တိက တာဝန်ယူ ဆောင်ရွက်ဖို့စွာ ဖြိုက်တေလို့ သိရပါရေ။


“ရခိုင်ပြည်နယ် ၁၈ မြို့နယ်က သတင်းတိကို ထုတ်ဝီဖို့စွာပါ၊ အဓိကရခိုင်ပြည် နယ် အစိုးရ၏ လုပ်ဆောင်ချက်တိကို အသာပီး ဖော်ပြဖို့စွာပါ “လို့ အဆိုပါ ဂျာနယ်က တာဝန်ရှိသူ တဦးက ဆိုပါရေ။

ကနဦး ကရခိုင်ပြည်နယ် သတင်းဂျာနယ်ကို ရခိုင်မြင်ကွင်းဂျာနယ်အဖြိုက် သတ်မှတ်ခကေလဲ နောက်ပိုင်း ရခိုင်ပြည်နယ် သတင်းဂျာနယ် နာမည်ပြောင်းလိုက်ပြီး တလ တကြိမ်ထုတ်ဝီဖို့လို့ သိရပါရေ။

အဆိုပါ ဂျာနယ် အတွက် ရုံးခန်းကို ရခိုင်ပြည်နယ် အထွေထွေ အုပ်ချုပ်ရေးရုံးမှာ အခန်းထားပြီးကေ ယင်း ရခိုင်ပြည်နယ် သတင်းဂျာနယ်မှာ ပါဝင်ရေ ၀န်ထမ်းတိကို လစာအဖြိုက်နန့် ပီးလားဖို့ ဖြိုက်တေလို့ သိရပါရေ။

ရခိုင်ပြည်နယ် သတင်းဂျာနယ် အတွက် အယ်ဒီတာကို ကြံ့ခိုင်ရေးပါတီင်္ဝင် ဥိးကောင်းစံရွှိက တာဝန်ယူခကေလဲ ဒေသခံတိက ကြံ့ခိုင်ရေးပါတီ ကိုယ်စားပြူဂျာနယ် ဖြိုက်တေလို့ သတင်းထွက်ပေါ်လာရေ အတွက် စာရေးဆရာ ဗဂျီးကျော်ကို အယ်ဒီတာအဖြိုက် ထားကြောင်း သိရပါရေ။

ထို့အပြင် ရခိုင်ပြည်နယ် သတင်းဂျာနယ်မှာ ပါဝင်ရေလူတိရေ ကြံ့ခိုင်ရေးပါတီကို ၀င်ရဖို့လို့ အယ်ဒီတာ ဖြိုက်တေ ဦးကောင်းစံရွီ ဖိအားကြောင်း အယ်ဒီတာတဦး နှတ်ထွက်လားကြောင်းလည်း သိရပါရေ။

ရခိုင်ပြည်သူတိက အဆိုပါ ဂျာနယ်ရေ ကြံခိုင်ရေးပါတီ၏ လုပ်ဆောင်ချက် ဖြိုက်တေလို့ ဆိုပါရေ။ သတင်းတိကို ဗမာဘာသာနန့် ဖော်ပြဖို့ ဖြိုက်ပြီးကေ ရခိုင်လူထု သတင်းအစား ရခိုင်ပြည်နယ် အစိုးရ၏ သတင်းတိကိုရာ ဦးစားပီး ဖော်ပြလားဖိုလို့ သိရပါရေ။

အဂုအခါ ဂျာနယ်ကို စစ်တွေမြို့မှာ ရိုက်နှိပ်န်ီပြီင်္းကေ ရှိလမှာ ထုတ်ဝီဖို့လို့ သိရပါရေ။ ရခိုင်ပြည်နယ်မှာ သတင်းဂျာနယ် ဖြိုက်လာဖို့ (၂၀၁၀)ခုနှစ်က ရခိုင်တိုင်းရင်းသားများတိုးတက်ရေးပါတီက ကြိုးစားခကေလဲ သက်ဆိုင်ရာက ခွင်ပြုချက် မရခကြောင်း သိရပါရေ။

ရခိုင်ပြည်နယ် သတင်းဂျာနယ်နန့် ပတ်သက်လို့ ရခိုင်ပြည်နယ် ၀န်ကြီးချုပ်က သတင်းဂျာနယ်အတိုင်း ထုတ်ဝီရန် တိုက်တွန်းခကေလဲ အယ်ဒီတာအဖွဲ့က အမှန်တကယ် ဖြိုက်ပေါ်နိန်ရေ သတင်းထက် အစိုးရ သတင်းတိကိုရာ တင်ပြဖို့ အလားအလာရှိကြောင်း သိရပါရေ။ အဆိုပါ ဂျာနယ်နန့် ပတ်သက်လို့ ပြည်သူတိက စိတ်ဝင်စားမှု မရှိကြောင်းလည်း သိရပါရေ။

ရခိုင်ပြည် မြို့နယ် တချို့မှာ ရီကြီးမှုတိ ဖြစ်ပေါ်နီ ဒေသခံတိ ဘေးလွတ်ရာသို့ ရွှိပြောင်းနီရ

ရခိုင်ရိုးမ။။22,July,2011

ရခိုင်ပြည်နယ်မြို့နယ်အချို့မှာမိုးကြီးရေအတွက်ရီကြီးမှုတိဖြိုက်ပေါ်နိန်ရာ ဒေသခံတိ ဘေးလွတ်ရာသို့
ပြောင်းရွိနိန်ရကြောင်း သတင်းရရှိပါရေ။ဒေလ ၁၉ ရက်နိကစလို့ မိုးဆက်တိုက် ရွာလာရေ အတွက်
တောင်ကုတ် ၊ မြောက်ဦး၊ မင်းပြားမြို့နယ်ရို့မှာ လူနေအိမ်တိ နစ်မြုပ်နိန်ရေ အတွက် ပြည်သူတိ
ဘေးလွတ်ရာကို ရွှိနိရကြောင်း သိရပါရေ။


ရီကြီးမှုကို ရင်ဆိုင်နိန်ရရေ မင်းပြားမြို့ကို ဒေနိန်မြန်မာစံတော်ချိန် နခင်းဖက် ၂း၀၀ နာရီ မှာ ဆက်သွယ်ခရာ ဒေသခံ တဦးက အခုပိုင်ပြောပြပါရေ။

“ မြို့တွင်းမာရီကြီးနီစွာ နှစ်ရက်ရှိပါဗျာယ်။ ဈီးလဲ ပိတ်ထားရပါရေ ကမ်းနားလမ်းရှိ အိမ်တိ မြုပ်နိန်ပါရေ။ အိမ်သားတိ
ကျိန်းတောင် ခြီရင်းကို ရွှိပြောင်းနိန်ရပါရေ။ ရီက လုံးဝ မကျပါသိမ့်” လို့ မင်းပြားမြို့ အလယ်ပိုင်း ရပ်ကွက်က ဦးသာမောင်က ပြောပါရေ။
အဆိုပါဒေသခံ၏ အဆိုအရ မင်းပြားမြို့ ကမ်းနားလမ်း ဈီး၊ ကျိန်းဒုံးညို၊ အလယ်ပိုင်း ၊ ပြည်တော်သာ ၊ ပြည်တော်အေး စရေ ရပ်ကွက်တိမှာ ရီ ရှိနိန်ဆဲ ဖြိုက်ကြောင်း။ အခုအခါ ဒေသခံတိရေ ကျိန်းတောင်ခြီရင်းရှိ ဘုန်ကြီးကျောင်းတိမာ ခိုလုံ နိန်ရကြောင်း သိရပါရေ။

တောင်ကုတ်မြို့မာလဲ တောင်ကျရီကြောင်း အိမ် အများအပြား ရီကြီးမှုတိကို ကြုံနိန်ရကြောင်း ပြီးခရေ နှစ်ရက် အတွင်း မိုးရေချိန်လက်မ ၂၉.၄ ခန့်ရှိခကြောင်း တောင်ကုတ်က လာရေ ညဇာဖက် သတင်း အရ သိရပါရေ။

စစ်တွေမြို့မှာလည်း ကမ်းနားလမ်းနန့် ဆင်ကူးလမ်းရပ်ကွက်ရို့မှာ ရီး ကြီးခကြောင်းသိရပါရေ။


ဒေဂု လတ်တလောမှာ မြောက်ဦင်္း၊ မင်းပြားမြိူ့နယ်ရို့မှာ ရီကြီးမှုကို အကြီးအကျယ် ရင်ဆိုင်နိန်ရကြောင်း ဒေသခံ အများစုရေ ဘေးလွတ်ရာကို ထွက်ပြီးနိန်ရကြောင်း သိရပါရေ။ လားတူ ရီကြီးရေ အတွက်ကားလမ်းတချို့်လဲ ပိတ်ထားရကြောင်း သိရပါရေ။

Friday, July 22, 2011

ရခိုင်စကား ရခိုင်စာ ( ဥက္ကာပျံမူကို ယူပနာ ရီးခရေ ရခိုင်သမိုင်းဆရာ -စာရီးဆရာကြီး မောင်စံဖေါ် ၏ မကွယ်လွန်မှီ ရီးခရေ ဆောင်းပါး)

ရခိုင်ရို့  ကိုယ့်အချင်းချင်း ဆက်သွယ်ပြောဆိုကတ္တေခါ ရခိုင်စကားကို အသုံးပြုကတ်ပါရေ။ ဒေအဆိုစွာ ယှင်းလင်းချက်ထုတ်နီစရာလို ဖို့  အဆိုမဟုတ်လို့  ထင်ပါရေ။ ယေကေလေး " ရခိုင်စကား " ဆိုရေအချက်တော့ နည်းနည်းပါးပါး ပြောစရာ ဆိုစရာ ဟိလိမေဖြစ်ပါရေ။ ရခိုင်ပြည်နယ် မြောက်ဖက်ဖျားက တောင်ဖက်ထိ တရွိရွိစုန်ဗျာ ဆင်းလတ်ပါကေ ဒေသအသီးသီးမာ ပြောဆိုနိကတ္တေ " ရခိုင်စကားသံ " ရို့ ရေ မြစ်ကြောင်းကြီးတိအလိုက်၊ ကျွန်းကြီးတိအလိုက် တရွိရွိကွဲပြားခြားနားလားလိုက်စွာကို တွိရပါဖို့ ။ တနိရာနာင့် တနီရာ တဆိသျှေ တဆိသျှေစီ ကွဲပြားခြားနားလာလိုက်စွာ ထိုးမြောက်ဖက်ဖျား မယူမြစ်ညာ၊ ကုလားတန်မြစ်ညာရို့ တိရာ အရပ်ကစကားသံနင့် တောင်ဖက်ဖျားသံတွဲမြို့ ၊ ဂွမြို့  ဟိရာ အရပ်က စကားသံရို့ ကို နားထောင်ကြည့်လိုက်ပါကေ ဒေလူတိရေ " ရခိုင်စကား " တခုတည်းကို ပြောနီကတ်စွာပါရာလို့  အတည်ပြုပြောဖို့ တောင် ခက်ခက်ဖြစ်နီစွာကို တွိရပါရေ။
စင်စစ်ယင်းပိုင် ဖြစ်နီစွာက အထူးအဆန်းမဟုတ်ပါ။ ဘာသာစကားရို့ ၏ သဘာဝ ၊ ဘာသာစကားရို့  ၏ လက္ခဏာတရပ်ရာဖြစ်ပါရေ။ ဘာသာစကားဆိုစွာ အသုံးပြုနီရေ လူစုအသိုင်းအ၀ိုင်း ၊နီရာဒေသကို လိုက်ဗြီးကေ ကွဲပြားရေ သဘောဟိပါရေ။ ယေတင်မက အသုံးပြုပြောဆိုရေ လူတယောက်တည်းက အကြောင်းအရာတခုတည်းကို ပြောခစွာပင် ဖြစ်ကေလေး တခါနင့် တခါမတူဘဲ ကွဲပြားစွာကို တွိရပါရေလတ်။
ကွဲပြားနီရေ " ရခိုင်စကားသံ" ကို သီသီချာချာ နားထောင်ကြည့်ကေတာ့ခါ ယင်းစကားသံတိရေ ဘာသာစကား တခုတည်း၏ ဒေသအလိုက် ကွဲပြားနီကတ္တေ အသံထွက်တိရာဖြစ်တေလို့  သိနိုင်ပါရေ။ ဘာသာစကားနှစ်ခု၊ သုံးခမဟုတ်လို့ ဆိုရပါဖို့ ။ ဇါဖြစ်လို့ လဲ ဆိုကေ စကားလုံးဖွဲ့ ပုံရို့ ၊၀ါကျဖွဲ့ ပုံရို့ မာ အတူတူပင်ဖြစ်လို့  ဖြစ်ပါရေ။ အဂုအကျွန်ရို့ ရေ စကားအသံထွက်တိ ပဇေါင်ကွဲပြားနီကတ္တေလေ ဆိုစွာကို နမူနာသျှေတခုလောက် ကြည့်ကတ်ပါမေ။ " ကြင်နာ " ဆိုရေ စကားလုံးကို ဒေသအသီးသီးက အသံထွက်ပနာ ဆိုကတ်ပုံတိကို သဒ္ဒဗေဒအက္ခရာအပြင် ယင်းနင့် ညီမျှရေ မြန်မာအက္ခရာရို့ နင့် ယှဉ်ကြည့်ခါ အောက်ပါအတိုင်း တွိရပါရေ။
1----Kron na-------------ကြောန်နာ
2----Kran na-----------ကြာင်နာ
( ရခိုင်စာလုံးပေါင်း--ကြင်နာ )
3-----krEn na --------ကြဲင်နာ
4-----krin na ----------ကြိင်နာ
5-----k6i na(=Kjin ) --- ကျိင်နာ
( ဗမာစာလုံးပေါင်း---ကြင်နာ )
စသည်ဖြင့်  တွိရပါရေ။ ကြာင်နာဆိုရေ စကားလုံးမာ ဒုတိယ၀ဏ္ဍ " နာ " ရေ အပြောင်းအလဲ မဟိဘဲ ပထမ " ကြင် " ကို ကျခါ နံပါတ် ( 1 ) က ( 5 ) ထိ အသံထွက်ထိ ကွဲပြားနီစွာကို တွိရပါဖို့  ။ ယင်းပိုင်ပွဲပြားနီစွာမာလေး " ၀ဏ္ဍ " ၏ ပထမပိုင်း အလွှတ်ဗျည်း နီရာမာ နံပါတ် ( 1 ) က ( 4 ) ထိ /kr/ ကြ ဆိုစွာကို မကွဲမပြား တွိရပါရေ။ ၀ဏ္ဍ၏ အလယ် နီရာဖြစ်တေ ( သရ ) နီရာမာတော့ခါ /၁/ သြ သရအစ / i /က္က သရအဆုံး သရသံ အမျိုးမျိုး ကွဲပြားနီဗြီးကေ နှာသံဗျည်းကို တွိရပါရေ ။ ဒေနီရာမာ ပုံနှိပ်ရစွာ လွယ်အောင်လို့  နှာသံဗျည်းသင်္ကေတကို မြန်မာ -အင်္ဂလိပ်စစ်စစ်နင့် ဆိုကေ တမျိုးပြရပါဖို့ ။ အဂု ယှင်းလင်း ရီးသားခစွာတိကို သတ္တုချကြည့်ပါကေ
1----kr+ ၁+ n
2 ---kr + an
3----kr + i + n
4--kjr+ i + n
5--kj + i + n
စသည်ဖြင့်ဖြစ်ပါရေ ။ ယင်းချင့်တိကို စိစစ်ကြည့်ပါကေ-
(၁ ) လျာလိပ်သံ /r/ ရ သံရေ ရခိုင်စကားမာ ထင်ရှား ရေ သံရင်း တခုဖြစ်ကြောင်းကို နံပါတ်( 1 ) က ( 4 ) ထိ ကြာင်ဝဏ္ဍ ပထမပိုင်းရို့ က ဖေါ်ပြပါရေ ။
အေစကားသံရေ ရိုးမတောင်အရှိ ( =ရှေ့ ) ဖက်က ဗမာစကားသံနင့် ကွဲပြားချက် တခုဖြစ်ပါရေ ။ ယေကေလေး ရခိုင်-ဗမာ ကူးသန်းဆက်သွယ်မူများပြားရေ အရပ်ဒေသ၊ မြို့ တိမာတော့ခါ /r? သံရင်း ပျောက်ပနာ / kr/ ကြ နီရာကို ဗျည်းအသစ်/ t6 / =kj ကျ က နီရာ ယူလာစွာကို တွိရပါရေ ။ နံပါတ်( 5 ) ကို ကြည့်ပါ။
( 1 ) နံပါတ် ( 3 ) အသံထွက် /krEn /ကြဲင်နာ ဆိုစွာကို ရမ်းပြည့်မြို့ နယ်နင့် တောင်ကုတ်မြို့ နယ် တချို့ ကျေးလက်ပိုင်းရို့ မာ ကြားရပါရေ ။ ယင်းအသံထွက်မာပါရေ /E / အဲ သရကို ရခိုင်စကားသံ စစ်စစ် အပွင့်ဝဏ္ဍရို့ မာ မတွိရပါ။ အပ်ိတ် ၀ဏ္ဍရို့ မာရာ တွိရပါရေ ။ အဂု " ကြင်နာ " ဆိုရေ စကားလုံးထဲက ၀ဏ္ဍ " ကြင် " ရေ အပိတ်ဝဏ္ဍတခုဖြစ်ပါရေ ။ အပိတ်ဝဏ္ဍ တခုဖြစ်တေအတွက်နင့် ၀ဏ္ဍနောက်ဆုံးနီရာမာ အဖမ်းဗျည်း /n/နှာသံဗျည်း ) ဟိနီပါရေ ။ အပွင့်ဝဏ္ဍဆိုစွာကတော့ ၀ဏ္ဍတခု၏ နောက်ဆုံး နီရာမာ အဖမ်းဗျည်း မဟိရေ ၀ဏ္ဍရို့ ကို ဆိုပါရေ။ " ကြင်နာ " က " နာ " ရေ အပွင့်ဝဏ္ဍတခု ဖြစ်ပါရေ။
အေနီရာမာ စကားချပ်လို့  ပြောချင်စွာက ဘာသာစကား ဆိုစွာလေး လူပိုင်ဗျာ။ အမြဲရွိလျှား ပြောင်းလဲနီပါရေ။ အဲ သရကို ရခိုင်စကားသံ အပွင့်ဝဏ္ဍရို့ မာ မတွိရလို့  အကျွန်အထက်က ဆိုခပါရေ။ ရခိုင်စကားမာ အရီးအသား အဲ ရေ အေ သရ ကိုယ်ခွဲ တခုရာ ဖြစ်ပါရေ ။ ပုံစံအဖြစ် တန်ခိုးဆရာထွန်း ၏ " မဟာမျိုးနွယ် ( =နွေ ) ၊ သတိုးဆွေမှာ " မဟေညာတောင် " - ဆိုရေ အစပ်အဟပ် ကိုကြည့်ပါ။ ဒေနိစစ်တွေ စကားမာ
" လားဗျယ်--ဟုတ်ဗျယ်- " စရေ အဲ သရ၏ တက်ကျသံ တခုကို ကြားနီရပါရေ ။ ဘာသာစကား ပြောင်းလဲလာမူ တခုပါချင့်။
( 3 ) နံပါတ် ( 1 ) အသံထွက် / kr၁n/ မာ သြ သရ / ၁ / သံ ထင်ထင်ရှားရှား ပါဝင် ဖွဲ့ စည်းနီစွာက
နံပါတ် ( 5 ) က / t6i / ပိုင် ကူးလူးဆက်သွယ်မူ နီးစပ်များပြားရေ ဗဂါလီစကားသံက ၀င်ရောက်ရောနှော လာစွာ ဖြစ်လီဖို့ လို့  ယူဆစရာတိ ဟိပါရေ။
ရခိုင်ဒေသအသီးသီးမာ ပြောဆိုနီကတ္တေ " ရခိုင်စကားသံ " ရို့ ရေ လူအစုအဖွဲ့ အလိုက် နီရာဒေသအလိုက် ပြောဆိုရေ သရသံအရ အမျိုးမျိုး ကွဲပြားနီကတ္တေလို့  ထင်စရာဟိကေလေး အကြမ်းဖျင်း ပြောရပါကေ ' စစ်တွေ စကား" နင့် " ရမ်းပြည့်စကား" လို့  နှစ်မျိုးရာ ရနိုင်ဖို့  ထင်ပါရေ ။ ယင်းနှစ်မျိုးစွာကလေး အထက်မာ ပြောခရေပိုင်ရာ ခြားနားချက်တိ ဟိတန်သလောက် ဟိကေလေးမများပါ။ အနည်းအကျဉ်းရာ ဖြစ်တေလို့  ဆိုရပါဖို့ ။ စကားသံ စကားလုံး ပုဒ် ၀ါကျ အများစုရေ အတူတူဗျာ လို့  ဆိုနိုင်ါဖို့ ထင်ပါရေ။
အဂုအကျွန်ရို့ ရေ ကိုယ့်စကား ကိုယ့်စာ စနစ်တကျဖြစ်ဖို့  ၊ နောင်းနောင်းနင်းနင်း ဖြစ်ဖို့ ဆိုဗျာ ကြိုးစားနီကတ်ပါရေ ။ ဒေချင့်ကိုပြော၊ ထိုပိုင်မရီး( မရီး ) ကေ့။ ဒေပိုင်ရာရီး( ရွီး) ။့ လို့  တော့ခါ အာဏာမထားနိုင်၊ မတားမြစ်နိုင်ပါ။ လုပ်လေးမလုပ်အပ်ပါ။ ဇါဘာသာစကားမာမဆို ဒေသအလိုက် အပြောအဆို ဟန်ပန်လီသံ ခြားနားကွဲပြားချက်တိ ဟိကတ်စွာချည်းပါဗျယ်။ ဥပမာ အင်္ဂလိပ်ဘာသာစကားမာဆိုကေ - လန်ဒန်စကား- ဝေလစကား- ဘာမင်ဂမ်စကား- စကော့စကား စသည်ဖြင့် ကွဲပြားရေလို့  ဆိုပါရေ ။ ယပိုင်ဖြစ်ကေလဲ အများနင့်ဆိုင်ရေ အသံလွှင့်စကား ၊ စာသင်ရာမာ သုံးရေ စကားရို့ က့ အတွက်တော့ ဒေသတခုတည်း၊ လူ့ တစုတဖွဲ့ တည်းကရာ အသုံးပြုရေ စကားမျိုး မဟုတ်တေ အများဆိုင်ရေ စကားမျိုးကိုရာ သုံးရေလို့  ဆိုပါရေ ။ အကျွန်ရို့ မာလေး ကိုယ့်ရခိုင်စကား ၊ ရခိုင်စာ၊ စနစ်တကျဖြစ်ဖို့  အတွက် ( ၁) ရခိုင်စကားလက္ခဏာ ပေါ်လွင်ထင်ရှားခြင်း၊ ( ၂ ) ဒေသတခုတခု လူတစုအဖွဲ့ တခုတည်း သုံးစွာမဟုတ်ဘဲ တပြည်လုံးက သုံးရေ အများသုံး စကားဖြစ်ခြင်း ၊ (၃ ) စကားရင်းမြစ် ခိုင်မာခြင်း -- ဆိုရေ အချက်တိနင့် ကိုက်ညီအောင် ကြိုးစားသင့်ရေလို့  ထင်မြင်မိပါကြောင်း ။
နောက်ဆက်တွဲအဖြစ် ပြောချင်စွာ တခုက အဂုအခါ လူတော်များများက "သူနှင့်ငါ " ကို ရီးရေအခါ " သူနန့် ငါ ' လို့  ရီးနီကတ်ပါရေ ။ ဤချင့်ရေ ရခိုင်မကျ ဗမာမကျ အရီးအသား တခုဖြစ်ပါရေ ။ " ခန့် ညား " ဆိုရေစကားက " ခန့်  " ဆိုရေ စကားကို ရခိုင်သံနင့် ဖတ္တေခါ ဇါပိုင်ဖတ်ပါလေး။ " နန့်  " ကို ဖတ်ကေလေး ယင်းကာရန်အတိုင်းပါဗျယ်။ ယကေ ကိုယ်လိုချင်ရေ အသံရပါရေလား။ သီသီချာချာ စိုင်းစားပါ။ ရခိုင်နင့် ဗမာရို့ ရေ အပိတ်ဝဏ္ဍရို့ ကို ပြောရေအခါ အပြောကွဲပြားကေလေး အရီးအသား သင်္ကေတကျခါ တခုတည်းကို အသုံးပြုကတ်ပါရေ ။
တနည်းပြောရေကေ အပိတ်ဝဏ္ဍအရီးအသား ကို ဖတ်တေ့ခါ ရခိုင်နာင့် ဗမာရို့ ရေ အရီးအသား တမျိုးတည်းပင်ဖြစ်ကေလေး ကိုယ့်အသံနင့် ကိုယ်တမျိုးစီ ဖတ်ပါရေ။ ဒေအချက်ကိုလေး သတိပြုဖို့  လိုပါရေ ။ စကားသံဆိုစွာ စကားပြောကတ္တေခါ ထွက်လာရေ ပြောစကားအသံထွက်ကို ဆိုလိုပါရေ ။ စာလုံးပေါင်း ဆိုစွာကတော့ခါ စကားသံကို အက္ခရာတင်မှတ်ထားဖို့  ပေါင်းစပ်ရီးသားရေ စာလုံး သင်္ကေတေရို့ ကို ပေါင်းစပ်ပုံဖြစ်ပါရေ ။ စကားနင့် စာမှာ အပြောစကားဦးဆောင်ဖြစ်ဗြီးကေ စာအရီးအသားက နောက်လိုက်ဖြစ်ပါရေ။
အပြောစကားအရ ပြောနီတုံး မတ္တတ်လောက်ရာ တည်တန့် နိုင်ဗြီး ပြောဗြီးစွာနင့် ပျောက်ပျက်လားရပါရေ ။ ယင်းစကားကို နောက်တကြိမ် ထပ်ပြောခကေလေး ပထမပြောစွာနင့် ထပ်တူထပ်မျှ ဖြစ်နိုင်ဖို့  ခဲယဉ်းပါရေ။ ယေဗြီးကေ အပြောစကားကို မျက်ကွယ်မှာဟိရေ လူ၊ အ၀ီးမှာဟိရေ လူကိုလေး မပြောနိုင်ပါ။ ယေဇူးနင့် ယင်းအားနည်းချက်တိကို ဖြည့်စွမ်းနိုင်အောင် " စာ" ကို တီထွင် ရီးသားရပါရေ ။ ယင်းပိုင်နင့် ဘာသာစကားတခုမှာ အပြောစကား ( အပြောဘာသာစကား ) နင့် အရီးအသား ( အရီးဘာသာစကား ) လို့  နှစ်ခုဖြစ်လာပါရေ ။ အပြောစကားနင့် အရီးအသားဆိုရေ နှစ်မျိုးမှာ အပြောစကာရေ မူလဖြစ်ပါရေ။ အရီးအသားက တဆင့်ခံဖြစ်ပါရေ ။ ဘာသာစကားရို့ ရေြောပင်းလဲတတ်တေ ဆိုရေ သဘောတရားနင့် ကြည့်ပါကေ အပြောစကားက အပြောင်းအလဲမြန်ဆန်ပနာ အရီးအသားက နှေးကွေးပါရေ။ နောက်မာကျန်ခပါရေ။
ပုဂံကျောက်စာရို့ ကို ကြည့်ကေ ရခိုင်စကားသံ ၊ ထားဝယ် စကားသံရို့ နင့် နီးနီစပ်စပ် အသံထွက်စွာမျိုးကို ရနိုင်ပါရေ။ ယေဇူးနင့် ယင်းကျောက်စာ စာလုံပေါင်းတချို့ ရေ လွန်ခရေ နှစ်ပေါင်း တထောင်လောက်က ရခိုင်စကားအသံထွက် ၊ထားဝယ်စကားအသံထွက် ရို့ ကို ကိုယ်စားပြုထားစွာ လို့ ဆိုကေ မမှားနိုင်လို့  ဆိုချင်ပါရေ။ အရီးအသားကို ရှိမှာရောက်နီရေ အပြောစကားနင့် လိုက်လျှောညီထွေဖြစ်အောင် ဘာသားစကား အသုံးပြုသူရို့  မကြာမကြာ ပြုပြင် ပီးကတ်ရစွာကို ဘာသာစကားတိုင်းမာ တွိရပါရေ။ ဘာသာစကားဆိုင်ရာ အချက်အလက်တချို့ ကို အဓိက စောင့်ကြည့်ဗြီးနောက် ကိုယ့်ဘာသာစကားအကြောင်းကို တချက်ပြန်ကြည့်ကတ်ပါမေ။ အကျွန်ရို့  ရခိုင်ဘာသာကို မြန်မာဘာသာ၏ ဒေသိယစကားတခုအဖြစ် ပိုင်ညာသျှင်သုတေသီရို့  သုံးသပ်လေ့လာဟိကတ်ပါရေ။ ယင်းအထဲမှာ မစ္စတာတေလာ ( L.F Taylor ) ဆိုရေ ပိုင်ညာသျှင်တယောက်လည်း ပါပါရေ။ သူက ဒေပိုင်ဆိုပါရေ။ ရခိုင်ဘာသာရေ မြန်မာဘာသာနင့် အများကြီး ကွာခြားမူဟိတ်ိကြောင်း ၊ ရခိုင်စကားက ပိုမိုရှိကျဗြီးကေ စကားသံနင့် စာလုံးပေါင်းရို့  ပိုမိုဆီလျော်မူဟိကြောင်း ၊ လွန်ခရေ နှစ်ပေါင်းတထောင်ခန့် က ဘာသာစကားကို အက္ခရာ တင်ရီးသားခြင်းမပြခင်က ရခိုင်စကားသံရေ မြန်မာ( ဗမာ) စကားသံနင့် ဆင်တူလိမ့်မေလို့  ထင်မြင်ရကြောင်း။ ရခိုင်နင့် မြန်မာရို့ ရေ လွန်ခရေ နှစ်ပေါင်းတထောင်နင့် နှစ်ထောင်ကြားမှာ တတိုင်နင့် တတိုင် ခွဲခွါခကတ်လိမ့်မေ ဖြစ်ကြောင်းးဆိုထားပါရေ ။
မစ္စတာတေလာ၏ အဆိုမှာ အမှန်တရား အင်တန်များများပါရေလို့  ဆိုနိုင်ဖို့  ထင်ပေါရ။ သူ့ အဆိုကို အကျွန်ရို့  လေးမြို့ ခေတ် ကျောက်စာရို့ နင့် ပုဂံကျောက်စာရို့ က ထောက်ခံချက်ပီးနီရေလို့  ဆိုနိုင်ပါဖို့ ။ ပုဂံကျောက်စာရို့ ကို ဖတ်ကြည့်ကေ ရခိုင်စကားသံ၊ ထားဝယ်စကားသံရို့ နင့် နီးနီးစပ်စပ် အသံထွက်မျိုးကို ရနိုင်ပါရေ။ ယေဇူးနင့် ယင်းကျောက်စာစာလုံးပေါင်းတချို့ ရို့ ရေ လွန်ခရေ နှစ်ပေါင်းတထောင်လောက်က ရခိုင်စကားအသံထွက်၊ ထားဝယ်စကားအသံထွက်ရို့ ကို ကိုယ်စားပြုထားစွာလို့ ဆိုကေ မမှားနိုင်လို့  ဆိုချင်ပါရေ။ အသံထွက်မတူဆိုစွာက ဗျည်းစကားသံနင့် သရစကားသံရို့ ကို ထုတ်လုပ်ပုံမတူလို့  ဖြစ်ပါရေ။ အကြမ်းဖျင်းအားဖြင့် ရခိုင်နင့် ဗမာရို့  မှာ ဗျည်းစကားသံ သုံးဆယ်လောက်နင့် သရစကားသံ ငါးဆယ်လောက် ဟိပါရေလတ်။
အကျွှန်ရို့ ပါးမာ မြောက်ဦးခေတ်ရို့ နင့် ရိုးမအရှိဖက်က အင်းဝခေတ် တောင်ငူခေတ်၇ို ရေ့ ခေတ်ပြိုင်တိဖြစ်ကတ်ပါရေ။ ယင်းအချိန်အတွင်းမှာ ပေါ်ပေါက်ခရေ ရခိုင်စာဆို ၊ ဗမာစာဆိုတိနင့် ရှင်ဘုရင်ချင်းချင်း ပါးကတ္တေတ-သဏ်လွှာရို့ ကိုကြည့်ကေ ဂန္တ၀င်မြန်မာစာရေ ရခိုင် ဗမာနှစ်တိုင်စလုံးမှာ အသုံပြုရေ စာဖြစ်ကြောင်း တွိရပါရေ။ စာလုံးပေါင်းကျခါ အဓိပ္ပါယ်တူ စကားလုံးရို့ ကို အသံထွက်မတူဒါလေ့ အတူတူ စာလုံးပေါင်းကတ်ပါရေ။ ယေဘူယျပြောရကေ ရခိုင်နင့်ဗမာရို့ မာဟိရေ " ရကောက်သံ" နင့် " ရကောက်ဟ,ထိုးသံ" ( ရှ_တရ-တြ) ရို့  ဗမာစကားသံမာ မဟိပါ။ ယင်းချင့်ကြောင့် " ရန်ကုန် " လို့  ရီးသားစွာကို သူရို့ က " ယန်ကုန် " လို့ အသံထွက်ဖတ်ပါရေ။ ယင်း " ရကောက်သံ" နင့် " ရကောက်ဟ_ထိုးဝံ ( ရှ) " ရို့ ရေ ဘင်္ဂလီစကား ၊ ဟိန္ဒီစကားရို့  ပြောရေနယ်နင့် နီးစပ်တေနီရာက ရခိုင်စကား အသံထွက်မာ ပိုများလာပါရေ။ စစ်တွေနင့် ရန်းဗြဲဒေသ စကားအသံထွက်တိမှာတော့ ခါ ပုံမှန်လောက်ရာ ဟိပါရေ။ ရခိုင် ဗမာနှစ်တိုင် စလုံးနင့် ဆိုင်ရေ မြနမာဘာသာမာ သရသံငါးဆယ်ဟိရေလို့  ဆိုပါရေ။ ယင်းချင့်ကို တူရာတူရာစုဗျယ် အောက်မှာ ဖေါ်ပြထားပါရေ ။
၁။ ရိုးရိုးသရ
၁----အိ။ အီ ။ အီး ၊ (၂ ) အေ့ ။ အေ ။ အေး။ (၃) အဲ့  ၊ အယ် ၊ အဲ ။ (၄ ) အ ၊ အာ ၊ အား ။ ( ၅ ) အော့ ။ အော် ။ အော။ ( ၆ ) အို့  ၊ အို ၊ အိုး၊ ( ၇ ) အု ၊ အူ ၊ အူး ။
ရိုးရိုးသရ ( သရသန့်  Pure Vowel လို့ ခေါ်ပါရေ ) က ( အိ-အေ-အဲ-အာ-အော ) ခုနှစ်လုံးဖြစ်ပါရေ ။ ရခိုင်နင့် ဗမာရို့ ၏ မြန်မာဘာသာစကားအရ တက်ကျသံ ဘာသာစကားဖြစ်တေ အတွက်နင့် အထက်မာဖေါ်ပြထားရေပိုင် တလုံးတလုံးမှာ သုံးမျိုးစီဖြစ်လားခပါရေ။
၂။ ရပ်သံပါ သရ
(၁ ) အက်။ (၂) အောက် ။ (၃ ) အိုက် ။( ၄) အစ် ။ (၅ ) အတ်(ပ်) ။(၆) အိတ်( ပိတ်) ။(၇) အုတ်(အုပ်) ။ (၈) အွတ်( အွပ်)
၃ ။ နှာသံပါသရ
(၁) အင် ။ အင့်၊ အင်း။ (၂) အောင်၊ အောင့် ။ အောင်း။ ( ၃ ) အိုင်။ အိုင့် ၊ အိုင်း။ (၄ ) အန်၊ အန့် ၊ အန်း။ ( မ်း )
(၅) အိမ်။ အိန့်  ။ အိန်း (အိမ်း) ၊ ( ၆) အုန်၊ အုန့်  ။ အုန်း။ ( အုမ်း) ။ (၇) အွန်၊ အွန့်  ။ အွံန်း ၊
ရပ်သံပါသရ ( ၅၊၆၊၇၊၈၊ ) နင့် နှာသံပါသရ ( ၄၊၅။။၆။၇။ ) ရို့  နောက်မှာ ပိုက်ကွင်းနင့် ပြထားစွာတိက စကားသံကို အက္ခရာတင်ရီးသားရာမာ အသုံးပြုကတ်တေအသံထွက်တူ အသံကွဲပြားစွာကို ပြထားစွာဖြစ်ပါရေ ။
ရိုးရိုးသရတိကို အသံထုတ်ပုံမှာ ရခိုင်နင့်ဗမာ အတူတူပင်ဖြစ်တေလို့  ဆိုနိုင်ပါယင့်။ ယေဒါလေး သုံးပုံမှာ ကွဲပြားကတ်ပါရေ။ ယေဇူးနင့် အသံထွက်ကွဲပြားလားစွာဖြစ်ပါရေ။ ဗမာ(အိ) သရအားလုံးနင့် (အေ) သရ အင်တန်များများကို ရခိုင်က ( အိ) သရ တလုံးတည်းကို သုံးပနာ ပြောကတ်ပါရေ။ ယင်းအချက်နင့် ပါတ်သက်လို့  ဥက္ကာပျံစာကို နမူနာကြည့်နိုင်ပါရေ ။ ဥက္ကပျံက " မိုးဖွဲ့ ရတု" မှာ အောက်အာကာဗွီ ၊ ၀ါယောထွီ၍၊ လီထက်ကားရီ၊ ရီထက်မြီနင့် ၊ ပထ၀ီဟု၊ ထုထူနှစ်သိန်း၊ လေးသောင်းကိန်းထက် " စသဖြင့် စပ်ဆိုထားပါရေ။ " ဗွီ၊ ထွီ၊ လီ၊ ရီ၊မြီ " ရို့ ရေ ဗမာနင့် အသံထွက် ကွဲပါရေ။ ဗမာက " အေ " သရနင့် အသံထွက်ပါရေ။ ယေဒါလေ့ " လေးသောင်းကိန်း" က " လေး" ကို ကျခါ ဗမာနင့် အတူတူ အသံထွက်ပါရေ။
" ရီ ၊ မြီ " ရို့ ပိုင် ရိုးရိုးသရနင့် အဆုံးသတ်ပနာ ဖွဲ့ စည်းထားရေ ၀ဏ္ဍစကားသံကို အပွင့်ဝဏ္ဍလို့ ခေါ်ပါရေ။ ရပ်သံပါသရ ၊ နှာသံပါသရရို့  နင့် အဆုံးသတ်ဖွဲ့ စည်းထားရေ ၀ဏ္ဍရို့ ကိုတော့ခါ အပိတ်ဝဏ္ဍလို့  ခေါ်ပါရေ။ အပွင့်ဝဏ္ဍ၇ို့ မာ " အယ်" ဆိုရေ သရကို ရခိုင်ရို့ က " အေ " သရနင့် တူတူအသံထွက်ပြောဆိုကတ်ပါရေ။ အဂုတော့ခါ စစ်တွေစကားသံတိမှာ " ဗျယ်၊ လယ် " ဆိုရေ " အယ် " သရတလုံးစ နှစ်လုံးစကို တွိရပါယင့်။ စာအရီးအသားမှာ " စည်" ရို့ ပိုင် ညသတ်နင့် ရီးထားစွာကိုလည်း ရခိုင်ရို့ က "အေ" သရသံနင့် အသံထွက်ပါရေ။ တခါတလီတော့ခါ " ညသျှေသတ် ( ဉ်) " သတ်နင့် အတူထားဗျယ် ပြောကတ်ပါရေ။
ရပ်သံပါသရတချို့ နင့် နှာသံပါသရတချို့ ကို အသံထုတ်ခါမှာတော့ ရခိုင်နင့် ဗမာ လုံးလုံး ကွဲပြား ပါရေ။ ယင်းချင့်ကြောင့် ယင်းအသံထုတ်ပုံကွဲပြားရေ ရပ်သံပါသရ ၊ နှာသံပါသရ ရို့ နင့် ဖွဲ့ စည်းထားရေ အပိတ်ဝဏ္ဍစကားလုံးရို့ ကို အသံထွက်တေခါ ရခိုင်နင့် ဗမာ အများကြီး ကွဲပြားလားခပါရေ။ ဒေနီရာမှာ ယင်းအကြောင်းကို ကျယ်ကျယ်ပြန့် ပြန့်  ဆွေးနွေးနိုင်ဖို့  မဟုတ်ပါယာ။ ယင်းအသံထုတ် ကွဲပြားရေ သရတိနင့် ဇပိုင်အသံထွက်မှာ ကွဲပြားရေ ဆိုစွာလောက်ကိုရာ အချုပ်လောက်ရီးလိုက်ပါဖို့ ဗျယ်။
ဝဏ္ဍ ( စာလုံးပေါင်း ရခိုင်အသံထွက် ဗမာအသံထွက်
အက် အာ့က် အဲ့က်
အစ် အိုက် အိစ်
အတ် အဲ့ တ် အာ့တ်
အွတ် အွဲ့ တ် အွတ်
အင် အာင် အိင်
အွန် အွယ်န် အွန်
အထက်ပါ အသံထွက် စာလုံးပေါင်းရို့ မှာ " အစ် " ၀ဏ္ဍ၏ ရခိုင်အသံထွက် " အိုက်" ကလွဲလို့  ကျန်စွာတိမှာ ( က်.စ်။တ်။ငင်။န်၊ ) ဆိုစွာတိကို စာအရီးအသားကို ထည့်လိုက်စွာပါ။ အမှန်က ( က်။စ်။ တ်၊ ) ရို့ ရေ ရပ်သံသင်္ကေတဖြစ်ပနာ ( င်၊ န် ၊ ) ရို့ ရေ ရပ်သံနင့် နှာသံမှာဟိရေ သရသံကို ပင်တိုင်ထားဗျယ် ထွက်ရပါဖို့ ။ ဒေနီရာမာ ဆက်ပြောချင်စွာတခုက " အဉ် " လို့  စာလုံးပေါင်းထားရေ သရကို ဗမာက အင်နင့် အတူတူ အသံထွက်ဗျာ ရခိုင်က " အိုင် " လို့  အသံထွက်တေ ဆိုစွာပါ။
နောက်ဆုံးစကားချပ်ပနာ ပြောချင်စွာ တခုက အကျွန်ရီးစာရို့ မှာပါရေ စာလုံးပေါင်းတိက စာဆိုဥက္ကာပျံနမူနာကို ယူဗျာ အကျွန်ရို့  အစိုင်အလာ ရိုးရာ ဂန္တ၀င်မူနင့် လည်း များများစားစား မကွဲမပြားစီဘဲ အကျွန်ရို့  စကားအသွံထွက်နင့်လည်း ကိုက်ညီအောင် ပေါင်းစပ်ထားစွာဖြစ်ပါကြောင်း



မောင်စံဖေါ်

ရခိုင်စကား- ရခိုင်သံ-ခေတ်သစ်ရခိုင်စာ

ဆရာကြီး( မောင်စံဖေါ်) ၏ " ရခိုင်စကား၊ ရခိုင်သံ၊ ခေတ်သစ်ရခိုင်စာ " စာစောင်ကို ထုတ်ဝီရစွာမှာ ရည်ရွယ်ချက်( ၂ ) ခု ဟိပါရေ ။ တခုက ရခိုင်စကား ၊ ရခိုင်အရီးအသားသစ် အယူအဆနန့်  ပတ်သက်လို့  လေ့လာချင်သူအတွက် နမူနာ လမ်းညွှန် ရနိုင်အောင် ဖြစ်ပါရေ။ နောက်တခုက ရခိုင်စာအရီးအသားသပ်သပ်နန့်  ' ရခိုင်ရိုးမ-မဂ္ဂဇိန်း " ကို ထုတ်ဝီကတ်တေအခါ တာဝန်ခံစာတည်းချုပ်အဖြစ် ရှိဆုံးက မားမားမတ်မတ် ဦးဆောင်ပီးခသူ ဆရာကြီးမောင်စံဖေါ်ကို ဂုဏ်ပြုချင် လို့  ဖြစ်ပါရေ။

အမှန်က ဆရာကြီးကို ရခိုင်အရီးအသား ကိစ္စ ဦးဆောင်ဦးရွက်ပြုခလို့ ထိုက်ထိုက်တန်တန် ဂုဏ်ပြုဖို့  အတွက် ဆရာကြီး၏ အပေါင်းအသင်း၊ စာပီမိတ်ဆွေ၊ တပည့်သားမြီး၊ ကလောင်သျှင်တိပါးက စာမူတိတောင်းယူဗျာ စာအုပ်ထုတ်ကတ်ပါဖို့  ၊ ယင်းပိုင်ရည်ရွယ်ချက်မျိုး အကျွန်ရို့ မှာ ဟိဗြီးသားပါ၊ ယင်းလုပ်သင့်ရေ အလုပ်ကြီးကို မလုပ်ခင် လုပ်နိုင်စွာသျှေနန့်  စထားလိုက်စွာဖြစ်ပါရေ။ ဆရာကြီးကို ထိုက်ထိုက်တန်တန် ဂုဏ်ပြုသင့်ရေလို့  အထက်မာ ပြောခပါရေ ၊ ဇါကြောင့်လေ။ ဗြိတိသျှကိုလိုနီခေတ်မာ ခေတ်ပိုင်ညာတတ် ရခိုင်သားတိ အများကြီး ဟိခပါရေ ။ ယင်းပုဂ္ဂိုလ်ထဲက မပြောစလောက် ( ဦးမေအောင်၊ ဦးစံရွှေပု ။ ဦးအောင်သာဦး ) ရာ ရခိုင်စာပီကိစ္စကို စိတ်ဝင်စားခကတ်တေ။ အများစုက ကိုယ့်ယဉ်ကျေးမူ၊ကိုယ့်စကား၊ ကိုယ့်စာပီရို့ ကို လေ့လာဖေါ်ထုတ်၊ပြုစု၊ မြှင့်တင်ရဖို့  ကိစ္စကို အမျိုးသားရီးတာဝန်တခုအဖြစ် သဘောထားပုံမရပါ။ယေဇူးနန့်  လွပ်လွပ်ရီးရလှာရေအခါ ရခိုင်လူမျိုး၏ အမျိုးသားရီး လက္ခဏာထဲက တခုဖြစ်တေ " ရခိုင်စာ " စာကို ပုံပန်းသဏ္ဍန် ထင်းလို့  ပေါ်လှာအောင် မလုပ်နိုင်ခကတ်ပါ။

ယင်းပိုင် " ရခိုင်မာ စာဟိလား၊ မဟိလား " လို့  ပြတ်ပြတ်သားသား မဟိဘဲ ဖြစ်နီချိန်ခါ " ရခိုင်တန်ဆောင် ( ၁၉၅၅-၅၆) မဂ္ဂဇိန်းမှာ " ရခိုင်သံ" ခေါင်းဉ်နန့်  ဆောင်းပါးတခုပါလှာပါရေ ။ ရီးသူက ဘာသာဗေဒ ပိုင်ညာသျှင် ဆရာဦးတင်လှပါ။ ဆရာက ဆောင်းပါးအစမာ " ရခိုင်လူမျိုးတို့ ၌ မွန်လူမျိုး၊ ရှမ်းလူမျိုးကဲ့ သို့  စာပေအရေးသား သီးခြားမရှိတော့ပေ။ မြန်မာအက္ခရာများကို အသုံးပြု၍ မြန်မာစာရေးနည်းအတိုင်းပင် ရေးသားနေကြသည်။ ဖတ်သောအခါ ပြောဆိုသောအခါများတွင် သာ ရခိုင်သံဖြင့်ဖတ်ကြခြင်း၊ ပြောဆိုခြင်းဖြစ်သည်လို့  " အမှန်အတိုင်း ဖေါ်ထုတ်ထောက်ပြလိုက်ပါရေ။ ဒေဆောင်းပါးကြောင့် တက္ကသိုလ်ရောက် ရခိုင်ကျောင်းသားအသိုင်းအ၀ိုင်းမာ " ရရောင်းသတ်" လားပါရေ ။ " ကောင်းကောင်း နောက်ကျနီယေကား ဒေ ' လို့ သဘောပေါက်လှာကတ်တေ။ အချိန်မဆွဲဘဲ ကော်မီတီဖွဲ့ ဗျာ ရခိုင်ဆရာ ။ ရခိုင်ဆရာမတိပါးက အကြံဥာဏ်တောင်းကတ်တေ။ ရခိုင်ဆရာတော်ကြီးအချို့ နန့်  နောက်(၂ ) နှစ် အကြာ ရခိုင့်တန်ဆောင် ရခိုင်စာပီ ကဏ္ဍသစ်မှာ ' ရခိုင်အက္ခရာ၊ ရခိုင်သင်ပုန်းကြီး " ကို ဖေါ်ထုတ်တင်ပြလိုက်ကတ်ပါရေ။ ဒေကိစ္စအတွက် လှုပ်ယှားဆောင်ရွက်ကတ်တေအခါ အတိုင်ပင် ဆရာအဖြစ် ဆရာကြီးဦးကျော်ရင် ။ ဆရာမကြီး ဒေါ်မြစိန်၊ နန့် အတူ ဆရာကြီးမောင်စံဖေါ်လေး ပါဝင်ခပါရေ။ ရှိတန်းက မားမားမတ်မတ်ရပ်ဗျာာ ရခိုင်အက္ခရာ ဖေါ်ထုတ်ရဖြင်းအကြောင်းကို အမှာစာရီးပီးပါရေ ။ ( နောက်ဆက်တွဲ ရှူ )

ယေဇူးနန့်  " ရခိုင်အက္ခရာ၊ ရခိုင်စာ၊ " ဖေါ်ထုတ်ရီးကိစ္စမာ ဆရာကြီးမောင်စံဖေါ်ကို မှတ်တမ်းတင် ဂုဏ်ပြုသင့်ရေလို့  အကျွန်ရို့  သဘောထားရစွာဖြစ်ပါရေ ။
စာပီဆိုစွာ ခေတ်၏ကြီးမုံဆိုရေ စကားအတိုင်း -၁၉၅၇-၅၈-ခုနှစ်က ရခိုင်တန်ဆောင် မဂ္ဂဇိန်းပါ " ရခိုင်စာပီကဏ္ဍ" ယင်းကာလ ရန်ကုန်တက္ကသိုလ်ရောက် ရခိုင်ပိုင်ညာတတ် အသိုင်းအ၀ိုင်း၏ အမျိုးသားရီး ခံစားချက်ကို ရောင်ပြန်ဟပ်စွာဖြစ်ပါရေ။ ပြည်ထောင်စုမြန်မာနိုင်ငံမှာ " ရခိုင်ရေ လူမျိုးတမျိုးဖြစ်လို့ ပင် ကိုယ်ပိုင်အက္ခရာ ၊ ကိုယ်ပိုင်စာမဟိ" ဆိုစွာမျိုး အဖြစ်မခံချင်ကတ်ပါ။ ယင်းခံစားချက်ကြောင့် ရခိုင်အရီးသားသစ်တခုကို ကြိုးစားရီးကတ်စွာဖြစ်ပါရေ။ ရီးရေ ကလောင်သျင် အသီးသီးရို့ မာ ရည်မှန်းချက်ကတော့ခါ တူကတ်ပါယင့်။ ယေဒါလေးသော့ ရီးနည်းရီးဟန် ပုံသဏ္ဍန်မှာတော့ခါ ကွာဟမူ တဆတ်ဆတ် ကျဉ်းလှာရေလားလို့  သုံးသပ်မ်ိပါရေ ။ စာလုံးပေါင်းစွာက ကွဲမြဲတုံး ကွဲတုံးသီး။
အေကိစ္စ" ရခိုင်ရိုးမ "မဂ္ဂဇိန်း ထုတ်ဖို့ ခါ ဆရာကြီးကို အကျွန်က " မောင်စံဖေါ် စာလုံးပေါင်မူလို့  လုပ်လိုက်ပါမေ။ ကျွန်တော်ရို့ က နောက်ကလိုက်ဗျာ ယင်းမူအတိုင်းရီးပါမေ။ မကောင်းပါလား ဆရာကြီးလို့  တင်ပြဖူးပါရေ ။ ဆရာကြီးက ချက်ချင်း ပယ်ချပါရေ ။

ဆရာကြီး၏၀ါဒက " သည်းညည်းခံဗျာ စိတ်ရှည်ရှည်ထားဖို့ ။ အချင်းချင်း မေတ္တာစိတ်နန့်  အပြေအလည် တိုင်ပင် စီစစ် ညှိနိုင်း သတ်မှတ်ဖို့  လိုလိမ့်မေ" ဆိုရေ ၀ါဒဖြစ်ပါရေ ။
ဒေစာစောင်သျှေမှာ ရခိုင်ရိုးမ မဂ္ဂဇိန်းအမှတ်( ၁) (၂) (၃ ) ရို့ က ဆရာကြီး၏အာဘော် ( စာတည်းချုပ်အာဘော် ) သုံးခုကို ဖေါ်ပြထားပါရေ။ ယင်းအာဘော်တိမှာ ရခိုင်စကား၊ ရခိုင်သံ၊ ရခိုင်အရီးအသားသစ်ကိစ္စတိကို ယေဘူယျငုံမိအောင် ယှင်းလင်းထားရေအတွက် လေ့လာချင်သူအဖို့  အထောက်အကူ ဖြစ်နိုင်လိမ့်မေလို့  အကျွန်ရို့  သဘောထားကတ်ပါရေ။ ယေဇူးနန့်  တနှစ်ကျော်ခန့် ကပင် နှလုံးအားလျော့ဝီဒနာကြောင့် အ်ိပ်ရာထဲမှာ ပျော့ခွေနီရေ ဆရာကြီးထံ ( ၂၀၀၀-ပြည့် ၊ ဒီဇင်ဘာလအတွင်းမာ ) အားနာနာနန့်  ချဉ်းကပ်ပနာ ဆန္ဒယူခပါရေ ။

" စာတည်းချုပ် အာဘော်သုံးခကိုစုဗျာ စာစောင်သျေ ထုတ်ချင်ပါရေ ဆရာကြီး၊ စာစောင်နာမည်ကို ရခိုင်စကား ၊ ရခိုင်သံ၊ ခေတ်သစ်ရခိုင်စာ လို့  ပီးပါဖို့  ။ ကောင်းပါဖို့ လား။"
အကျွန်က ယင်းပိုင်တင်ပြရေအခါ ဆရာကြီးက တအောင့်သျေဆေလာက် အတွက်ခံပါရေ ။ ဖြည်းဖြည်းချင်း ခေါင်းညိတ်ပနာ " ကောင်းယင့် " လို့  သဘောတူပါရေ ။
ယေဇူးနန့်  အေစာစောင်သျှေရေ ( ၇-၃-၂၀၀၁) နိန့် က ကွယ်လွန်သူ ဆရာကြီးမောင်စံဖေါ်၏ ဆန္ဒနန့် အညီ အများးပရိတ်သတ်လေ့လာနိုင်အောင် ထုတ်ဝီလိုက်ရစွာဖြစ်ပါကြောင်း ။။။။။။။။။။။။။။။။။။

မောင်ဗသိန်း
၂၀၀၁-ခု-စက်တင်ဘာလ( ၇ ) ရက်
ရခိုင်ရိုးမ -မဂ္ဂဇိန်း အမှတ်( ၄ )