မြန်မာနိုင်ငံ တိုးတက်ပြောင်းလဲဖို့အတွက် လမ်းစဆိုရေ စကားလုံးကို သုံးဖို့အတွက် တိုင်းရင်းသားဒေသတိ အတွက် မဟုတ်သိမ့်ဆိုစော်ကို တိုင်းရင်းသားခေါင်းဆောင်တိက တွိ့ဆုံပနာ အမေရိကန်နိုင်ငံခြားရေး ၀န်ကြီးပါးကို အိပ်ဖွင့်ပီးစာတစောင့် ပီးပို့လားဖို့အတွက် စီစိုင်ထားရေလို့ သိရပါရေ။ UNA အဖွဲ့ခေါ် ညီညွတ်သော တိုင်းရင်းသားများ မဟာမိတ်အဖွဲ့တိ စုပေါင်းထားရေ ရှမ်းတိုင်းသားများ ဒီမိုကရေစီအဖွဲ့ချုပ်( SNLD)၊ ရခိုင်ဒီမိုကရေစီအဖွဲ့ချုပ် (ALD) အပြင် ကရင်၊ ဇိုမီး၊ ချင်းနန့် မွန်နိုင်ငံရေးပါတီတိ စုဖွဲ့ထားရေ တာဝန်ဟိရေ လူတိက တွေ့ဆုံဆွေးနွေးပနာ မစ္စ်ကလင်တန်ပါးကို မြန်မာနိုင်ငံ တိုင်းရင်းသားဒေသတိမှာ ဖြိုက်ပျက်နီစော်ကို အိတ်ဖွင့်ပီးစာ တစောင့်အနီနန့် အခြေအနေတိကို တင်ပြလားဖို့လို့ သိရပါရေ။
ရှမ်းတိုင်းရင်သားခေါင်းဆောင် ဦးစိုင်းလ်ိတ်က “ ကဘာက ပြောကတ်တေ မြန်မာနိုင်ငံမှာ စတင်ပြောင်းလဲနီဗျာလ်ဆိုစော်ရေ အမှန်တကယ် လက်တွီ့နန့် ဆန့်ကျင်ဖက်ဖြိုက်နီပါရေ။ ပြည်သူလူထု ခံစားရစော်နန့် တထပ်တည်းမကျပါ။ ကျနော်ရို့ တိုင်းရင်းသားဒေသတိမှာ ဗုံးကွဲနီပါရေ၊ သေနပ်သံတိ ကြားနီရပါရေ။ လူ့အခွင့်အရေး ချိုးဖောက်ခံနီရပါရေ။ ကျနော်တို့ ခေါင်းဆောင်တိ ထောင်ထဲကို ရောက်နီပါရေ။ အဂုအခြေအနေရေ လုံလောက်တေ ပြောင်းလဲ မှု အခြေအနေတရပ်မဟုတ်ပါ။ စီးပွါးရေး တိုက်တက်နီရေလို့ ပြောရေ တကယ်လက်တွိ့မှာ ပြည့်သူလူထု ယင်းအကျိုးကို မခံစားရပါ သိမ့်လို့” ပြောကြားလားပါရေ။ ယင်းပိုင်ဖြိုက်လို့လည်း အခြေအနေကို အမေရိကန် လွတ်တော်နန့် ပြည်သူတိသိအောင် တင်ပြလားဖို့ ဖြိုက်တေလို့ သိရပါရေ။ UNA လို့ ခေါ်ရေ ညီညွတ်သော တိုင်းရင်းသားများ မဟာမိတ်အဖွဲ့တိက နိုင်ငံရေး အကျဉ်းသားတိအားလုံး မလွတ်မချင်း သူရို့တိရေ နိုင်ငံရေး ပါတီအဖြိုက် မှတ်ပုံတင်ဖို့ မဟုတ်ကြောင်း ရခိုင်ဒီမိုကရေစီ(ALD)က ခေါင်းဆောင်တယောက်ဖြိုက်တေ ဦးသာဘန်ကလည်း ပြောကြားလားပါရေ။ လက်ဟိ တိုင်းရင်းသားအရေးကို တိုင်းရင်းသားလွတ်တော်မှာ ကိုယ်စားလှယ်တိက ဆွေးနွေးနီကတ်စော်က အားရစကာ ဖြိုက်ကေလည်းသို့ အစိုးရအဖွဲ့က လက်တွိ့လုပ်ဆောင် အကောင်အထည်ဖော်စော်မှာ နှောင့်နှေးကြံကြာနီစော်ကို မြင်ရပါရေလို့လည်း ဆက်လက်ပြောကြားလားပါရေ။ မစ္စစ်ကလင်တန်ရေ မြန်မာနိုင်ငံကို ဒီဇင်ဘာ တရက်နိကနီ နှစ်ရက်ထိလည်ပတ်လားလို့ ဖြိုက်ပါရေ လို့ သတင်းရဟိပါရေ၊