မလေးသျှားနိုင်ဂံဟိန်. ရခိုင်ဒုက္ခသည်ရုံး(၃)ရုံးက ပေါင်းစည်းရေးအတွက်
(၂၄၊၀၄၊၂၀၁၁)နိန့်မှာ ပူချောင်းအသောကရာမကျောင်း၌
ရခိုင်ဆရာတော်ဘုန်းကြီးနှစ်ပါးနန့် သက်ဆိုင်ရာရခိုင်ဒုက္ခသည် ရုံး
(၃)ရုံးက ကိုယ်စားလှယ်တိအပါအ၀င် အမျိုးသားသွီး စည်း ညီညွတ်မှုကိုလိုလားရေ
နိန်ရာအသီးသီးမှ ရခိုင်ပြည်သူ/သား လူပေါင်း (၂၀၀) ရာကျော်
တက်ရောက်ခဂတ်ပါရေ ။. ထိုအစည်းအဝေးကို မွန်းလွဲ ၃ နာရီက နမောတသ(၃)ကြိမ် ဆိုပနာ
အစည်းအ၀ီးကို စတင် ဖွင့်လှစ်ခဂတ်ပါရေ။ လွန်ခရေ ၂၀၀၄ လောက်က
မလေးနိုင်ငံတွင် ARRC(ANCS) ရခိုင်ဒုက္ခသည်အရေးကိစ္စတိကို
ဖြီရှင်းပီးနိန်ရေ ရုးံတစ်ခုအဖြစ်အနိန်န်. ရပ်တည်ခပါရေ။ယင်းနောက်ပိုင်း
၂၀၀၇ ခုနှိုက်လောက် ရောက်တေအခါတွင်မှ ရခိုင်ဒုက္ခသည်အရေးကိစ္စတိကို
ပိုပြီးကေ ထိထိရောက်ရောက် လုပ်ပီးနိုင်ဖို.လားဆိုရေ
စိတ်ကူးစိတ်သန်းတိနာင်.အကြောင်းအမျိုးမျိုးကြောင်း ARRC(ပူချုန်း)၊ARR(ပူဒူး)ဆိုပနာ ရုးံတိ
ပေါ်ပေါက်လာခြင်းဖြစ်ပါရေ။အကျိုးရလဒ်က ရခိုင်ဒုက္ခသည်တိကို
ဆိုင်ရာဆိုင်ရာ ရုးံတိက ကူညီပီးနိုင်ခကတ်ပါယင်..။ယေကေလေ. ဒေပိုင် ရုးံတိ
ပေါ်ပေါက်များပြားလာခြင်းကြောင်. ရခိုင်လူမျိုးအချင်း စိတ်ဝမ်းကွဲမှု
ဖြစ်ပေါ်လာစီပြီး တစ်ရုးံနန်.တစ်ရုးံ ၊ဒေသျှင်.က ငါရို.ရုးံ၊ဟိုသျှင်.က
မင်းရို.ရုးံ ဆိုရေ အသံတိ ထွက်လာပနာ စည်းလုးံမှုကို မရှီးရှုပဲ ဖြစ်လာရရေ
အဆင်.ထိ ဖြစ်လာရပါရေ။အေတွက်တာကြောင်. ရခိုင်ရုးံတိ ပေါင်းစည်းမှ
ဖြစ်ဖို.ဆိုရေ အသိစိတ်ဓာတ်တိကြောင်. ပေါင်းစည်းမှု လုပ်ဆောင်ခြင်း
ဖြစ်တေလို. သိရပါရေ။ဒေပိုင် ရုးံတိ ပေါင်းစည်းဖို.အတွက်
ရခိုင်ဆရာတော်တိဖြစ်တေ အသောကာရာမ ကျောင်းက ဆရာတော် နှစ်ပါးက ဥူးဆောင်
ဥူးစီးလုပ်ပနာ ရုးံပေါင်းစည်းရေးကို ကမကထ လုပ်ပီးနိုင်ရေ
အသက်အရွယ်အားဖြင်. ကြီးရင်.ပနာ လူရိုသေ သျှင်ရိုသေဖြစ်တေ လူကြီးတိနန်.
မျိုးချစ်စိတ်ဓာတ် ပြင်းထန်ရေ ခေတ်ပိုင်ညာတတ် လူငေရို.ကလည်း
ပါဝင်ခကတ်တေလို. သိဟန်.ပါရေ။ဒေပိုင်ရုးံပေါင်းစည်းကော်မတီမှာ ပါဝင်ရေ
လူတိစော် မလေးရှား ရခိုင်ဒုက္ခသည်ရေးရာ ရုးံတိမှာ တာဝန်မထမ်းဖူးရေ
ဆက်စပ်မှု မဟိန်.ရေ လူရာ ဖြစ်ကတ်ပါရေလို.လည်း သိဟိန်.ရပါရေ။ဒေပိုင်
ရုးံတိ ပေါင်းစည်းဖို.အတွက် ရုးံပေါင်းစည်းရေးကော်မတီမှာ ပါဝင်ကတ်တေ
လူတိက ဥူးသာထွန်းအောင်၊ဥူးသန်းဖေ၊ကိုဖိုးထောင်၊ကိုခိုင်ကျော်ဆန်း၊ကိုစိုးထွန်း၊ကိုမောင်သိန်းလှိုင်
ရို. အစဟိန်.ရေ လူတိလည်း ပါဝင်ကတ်တေလို. သိရပါရေ။ဒေရုးံပေါင်းစည်းရေးမှာ
ပါဝင်ကတ်တေ လူတိစော် ရခိုင်အချင်းချင်း ဘက်လိုက်မှုမဟိန်.ပဲ တရားမျှတစွာ
လုပ်ဆောင်လားကတ်ဖို.လို.လည်း သိဟိန်.ရပါရေ။နောက် ရုးံပေါင်းစည်းမှာ ကမကထ
လုပ်ဖို.လူတိ ယင်းနိန်.အချိန် အကြောင်းအမျိုးမျိုးကြောင်. မတက်ရောက်
နိုင်ခကေလေ. နောက်ပိုင်းတွင် ဖိတ်ခေါ်လားဖို.လိုလည်း
သတင်းရဟိန်.ပါရေ။တက်ရောက်လာကတ်တေ ရခိုင်လူထုတိကလည်း ရုးံပေါင်းစည်းရေးကို
တခဲနက် ထောက်ခံကတ်ပနာ မလေးရှားမှာ ရခိုင်ကဒ်တိ အများကြီး
မဖြစ်ပေါ်စီရ။တစ်ခုတည်းသော ရခိုင်ကဒ်ကို ကိုင်ပနာ ရခိုင်အချင်းချင်း
စည်းလုးံမှုကို ဖော်ဆောင်လားကတ်မေလို.လည်း
တင်ပြလားခကတ်ပါရေ။ဒေပိုင်ရုးံတိပေါင်းစည်းရေးကို များမကြာရေ အချိန်မှာ
ကြီးကြပ်သူ ဆရာတော်ကြီး နှစ်ပါးနန်. ရုးံပေါင်းစည်းဖို.အတွက်
ဖွဲ.စည်းထားရေ အဖွဲ.က ရုးံက ကိုယ်စားလှယ်တိနန်. ညှိနှိုင်းပနာ
လုပ်ဆောင်လားဖို.လို.လည်း သိဟိန်.ရပါရေ။ဒေပိုင်ပေါင်းစည်းလားခဖို.ဆိုပါကေ
မလေးသျှားက ရခိုင်ပြည်သူလူထုအနိန်ဖြင်. အတိုင်းမသိ ၀မ်းသာကြောင်းနန်.
ဘုန်းကြီးကျောင်းဆောင်တစ်ခုလုးံ လူတောင် မကန်(ဆံ.)လောက်အောင် များပြားပနာ
လက်ခုပ်သံတိလည်း ညံနိန်ပါရေလို. ပြောပြပါရေ။ ရခိုင်ရို.ဧး
မျိုးချစ်စိတ်ဓာတ်တိ အသက်ဝင်လာဗျာယ် ရခိုင်အကျိုးအတွက်ဆိုကေ ပေါင်းစည်းမှ
ဖြစ်ဖို. သင်.တော်ဖို.လို. အသိတိ ၀င်လာကတ်စော်ကို ၀မ်းသာဖွယ်ရာ
တွိ.ဟိန်.ရပါရေလို. အခမ်းအနားသို. တက်ရောက်လာသူထေ.မှ ကိုညီဇိုင်းက
အဂုပိုင် ပြောပြပါရေ။အစည်းအ၀ီးကိုလည်း ညဇာသား ၆နာရီလောက်မှာ
ပြီးဆုးံလားရေလို.လည်း သိဟိန်.ရပါရေ။
သတင်းပီးပို.သူ
ရွီံမြောက်ဥူး-ခိုင်ကျော်ဆန်း
မလေးသျား"
အထက်ပါသတင်း သည် စာရွီးသူ၏ အာဘော်သာဖြစ်သည်
