သူ့ ကျွန်မခံဇာတိမာန်ဖြင့်

သူ့ ကျွန်မခံဇာတိမာန်ဖြင့်Thu Kyan Ma Khan

အနာဂတ်ရခိုင့် အလင်းရောင်ချေတိ

ပြည်ပရောက် ရခိုင့်မျိုးဆက်တိကဗျာ .

.

အာရကန်နိုင်ဇေးချန်း (ARAKANIZATION)

YOU DREAM A DREAM You dream a dream That is so beautiful Every single night You dream a dream That comes true Every single night for you Aldo Kraas
   (တစ်)

    သမီးချေ... အယင်တစ်ရက်နိက အဘာအိပ်မက်တစ်ခုမက်တေ။ အိပ်မက်က ကကောင်းအံ့ဩဖို့ကောင်းရေကာသမီး။ ယပြီးကေ စိတ်ဝင်စားဖို့လေ့သော့ ကောင်းယင့်ထော။ အိပ်မက်က နိုးရေဆိုစွာနာင့် တချိန်းတည်း အဘာရေ.. သမီးကိုလားလို့ အတွက်ပေါ်ခီရေ။ ယင်းအိပ်မက်အကြောင်း သမီးကို ပြောပြချင်လို့လေ..။ ဟုတ်တေသမီး ဒေယှင့်ကို သမီးအနီနာင့် သိသင့်ရေလို့ထင်ရေ။ အိပ်မက်ကို အစအဆုံး နားထောင်ပြီးရေခါ သမီး.. အပေါ်မှာထားဟိန့်ရေ အဘာဧ့ စေတနာ၊ မျှော်လင့်ထားရေ ဆန္ဒအတိုင်းအတာနာင့် သမီးရို့ဘဝမှာ လုပ်ဆောင်လားရဖို့ တာဝန်တိကို ကွဲပြားယှင်းလင်းစွာ နားလည်သဘောပေါက်လာလိမ့်မေရာ။

         (နှစ်) 

        သမီးချေ... အိပ်မက်ထဲမှာ အဘာစွာ ရက္ခိုင့်တပ်မတော်က တပ်ဖွဲ့ဝင်ရက္ခိုင်စစ်သားတစ်ဦးဖြစ်နီရေ။ ယူနီဖောင်းကို အပြည့်အစုံဝတ်ဆင်လို့။ တိုက်ပွဲဝင်ဖို့အတွက် အသင့်အနီအထား။ တိုက်ရဲ ခိုက်ရဲ၊ သတ်ရဲ ဖြတ်ရဲ သီရဲရေ တော်လှန်ရီး ရဲဘော်တစ်ဦး၏ ထန်အပြည့်မာန်အပြည့်နာင့်ပျာယ်..။ ကာဘိုင်သနတ်တစ်လက်ကိုကိုင်လို့ ရှိတန်းနီမြီက စခန်းအပြင်ဖက်တစ်နီရာမှာ ကင်းလှည့်နီရေ။ အချိန်က သိုင်ခေါင်ကျော်ပျာယ်..။ လကွယ် ညည့်မှာတစ်ခါ မိုးမှောင်ကျနီလို့ တစ်ခုချေကိုလေ့သော့ အလှပလှမမြင်ရ။ တတီတတာ မိုက်နီရေ။ မိုးကလည်း တကြိမ်းကြိမ်းရွာလို့။ ချမ်းစိမ့်ရေ အအီးဒဏ်က အရိုးကိုထိ ဖောက်ပျာယ် သောင်းကျန်းရေ။ ငိုက်ပလိုက်ချင်ကေလေ့ မငိုက်အားနိုင်။ စခန်းလုံခြုံရီးနာင့် ရဲဘော် ရဲဘက်တိဧ့ အသက်အန္တရာယ်စွာ အဘာပါးမှာ မူတည်နီရေလေသမီး။ ယင်းအတွက်နာင့် ကင်းတာဝန်ကို သတိကြီးကြီးထားလို့ ထမ်းဆောင်နီရစွာ။ တစ်ရက်နိခါ အဘာရို့စစ်ကြောင်း စစ်ဆင်ရီးထွက်ကတ်တေ။ မြစ်ကိုဖြတ်လို့ တောင်ကိုကျော်။ တပြင်သန်းလို့ တစ်တောလှမ်းပျာယ် ခက်ခဲကြမ်းတမ်းရေ လမ်းခရီးကို ချီတက်ကတ်ရရေသမီး။ ရန်သူတပ်တိနာင့်တွိလို့ ရင်ဆိုင်တိုက်ပွဲပေါင်း မရီမတွက်နိုင်ယောင် ဖြစ်ကတ်တေ။ ကျည်ဆန်တိက ခေါင်းနားတစ်ဝိုက်မှာ ချွန်ပျာယ်လားနီရေ။ အဘာရို့နာင့်အပါးချေမှာ မိုင်းကွဲသံတိက ဆူညံလို့။ ထမင်းက ဇာနှထပ်ငတ်ပျာယ်.. ဇာနှညည့်က အိပ်ရီးပျက်ခလေဆိုစွာ မပြောတတ်ပျာယ်သမီး။ ယေကေလေ့ အဘာရို့စိတ်မပျက်။ အားမလျော့။ ကျဆုံးလားကတ်တေ ရန်သူအလောင်းတိက တောင်ပိုင်ပုံနီရေ။ ပြောမယုံ ကြုံဖူးမှ သိစွာရာမနား သမီးလေ။ ရန်သူနယ်မြီတိ ရန်သူစခန်းတိကို တစ်ခုပြီးကေတစ်ခု သိမ်းပိုက်နိုင်လိုက်ကတ်တေ။ ရန်သူ့လက်နက်တိ သိမ်းလို့ရစွာကလေ့ အများကြီး။ နောက်ဆုံးမှာတော့ကေ အဘာရို့မျှော်မှန်းရေအတိုင်း ရန်သူတိကို မောင်းထုတ်လိုက်နိုင်ပြီးကေ ရက္ခိုင်ပြည် အတွင်းပိုင်းကို အဘာရို့ စိုးမိုးထားလိုက်တေမနားယေ။ ပင်လယ်ပြင်ရီတပ်ကလေ့သော့ ယင်းနိမှာပင် မော်တင်စွန်းတစ်ဝိုက်ကို သိမ်းပိုက်ထားပျာယ်လတ်ထော။ 

      ယင်းပိုင်နာင့်ပင် အဘာရို့တော်လှန်ရီး အောင်မြင်မှုအဟုန်က တဆတ်ဆတ်မြင့်တက်ပါလတ်တေ။ ရန်သူဗမာနယ်ချဲ့ရို့ဧ့ ကိုလိုနီအုပ်ချုပ်ရီး ကျွန်ပြုစနစ်အောက်မှာ မနီနိုင်လို့ ရပ်ဝီးမြီခြားကို ထွက်ခွာလားခကတ်တေရက္ခိုင်သားတိ ရက္ခိုင်သမတိစွာ ကမ္ဘာ့နီရာ အနံ့အပြားက စုရူံးရောက်ဟိန့်လာစွာကလေ့ အားတက်စရာကောင်းယင့်။ တော်လှန်ရီး မျိုးချစ် ရဲဘော်၊ ရဲမေဘဝကို ခံယူပနာ တပ်မတော်ထဲကို နိစိုဉ်ဝင်လာကတ်တေ။ အကြောင်းအမျိုးမျိုးကြောင့် ရန်သူစစ်တပ်ထဲကို သိန်းချီလို့ရောက်ဟိန့်လားရေ ရက္ခိုင်စစ်သားတိစွာ ရဲဘော်၊ အရာယှိကအစ တစ်ယောက်မကျန် အားလုံးသူ ရက္ခိုင့်တပ်မတော်ထဲကို ဝင်ရောက်လို့ အမျိုးသားရီးတာဝန်ကို သစ္စာဟိန့်ဟိန့် ထမ်းရွက်လာရေခါ ရန်သူရေ မျက်ဖြူဆိုက်ကိန်းကျရေကာသမီး။ ပြည်သူလူထုတိ အမျိုးသားတော်လှန်ရီးစိတ်ဓါတ် ထက်သန်မြင့်မားလာစွာကလေ့ ကြောက်ကောင်းထမန်း။ ပေတံကိုင်ခရေလက်က သနတ်ကို ပြောင်းကိုင်ရေ။ မြေဖြူကိုင်ရေလက်တိက လက်ပစ်ဗုံးကို ကိုင်လာရေ။ သပိတ်ကိုင်ခရေလက်တိက လက်နက်ကြီးကို ကိုင်လို့။ တရားဟော ပလ္လင်ထက်မှာ ဒါနကထာမကြားရပျာယ်။ ဇာဆရာတော်က ဇာတရားကိုပင်ဟောဟော။ ရက္ခိုင်ပြည် တနံတလျားမှာ တော်လှန်ရီးတရားတိဂျီးယာယ် ဖုံးလွှမ်းနီလီယင့်။ 

         လက်နက်နာင့် ကျွန်ပြုအုပ်ချုပ်တေ ရန်သူကို ပစပ်နာင့် မောင်းထုတ်လို့မရ။ လက်နက်နာင့် တန်ပြန်တိုက်ခိုက်ရဖို့။ ကိုယ်ရို့လွတ်လပ်ရီးစွာ လူများပါးက တောင်းလို့မရ။ ကိုယ်ရို့တိကိုယ်တိုင် တည်ဆောက်ယူရဖို့ဆိုစွာကို ရခိုင်တစ်မျိုးသားလုံး နားလည်လက်ခံ သဘောပေါက်လတ်တေခါ ပုံစံအမျိုးမျိုးနာင့် ရပ်တည်နီခကတ်တေ အမျိုးသားရီး အင်အားစုတိလေ့သော့ တပ်မတော်ဧ့ အောင်လံတော်တစ်ခုတည်းအောက်မှာ အမြင်မှန်နာင့် စုစည်းပေါင်းစပ်လာကတ်လို့ ချီတက်တေလမ်းခရီးမှာ ညီညီညာညာ အဆင်ပြေ အောင်မြင်ခရရေ။ မျိုးချစ်စိတ်မာန်ြံကီးရေ ရက္ခိုင်သားရို့ဧ့ သွီးစည်းညီညွတ်မှုကို ရန်သူဗမာနယ်ချဲ့တိ ကောင်းကောင်းကြီးကြောက်လားပုံရရေ ထင်ယင့်သမီး..။ ရက္ခိုင်ပြည်မှာ ရက္ခိုင်စကားမပြောတတ်တေလူ အကောင်ပျောက်လားရစွာပျာယ်။ ရက္ခိုင်ပြည်သူပြည်သားအားလုံးသူလက်ထဲမှာ ဗုံးတစ်လုံးမဟုတ်ကေ လက်နက်တစ်ခုတော့ခါ အဆင်သင့်ဟိန့်နီကတ်တေ။ သက်၊ ခမီး၊ ဒိုင်းနက်၊ မြို၊ ကမန်၊ မရာမာကြီး စရေ့  ရက္ခိုင်မျိုးနွယ်တိုင်းရင်းသားတိဧ့ လွတ်လပ်ရီးသွီးဆာလာစွာကလေ့သော့ ရန်သူဗမာရို့ကို ကြောက်ဒူးတုန်စီရေ၊ တိုက်ပွဲတိက ဟြှိတန်းမှာဂျေးဖြစ်နီစော်မျိုးမဟုတ်။မြို့တွင်းမှာ၊ရွာတွင်းမှာ၊ဈီးထဲမှာ၊သင်္ဘောဆိပ်မှာ၊ဘုတ်ဆိပ်၊ပုဇွန်တာမှာ၊ဇင်းခါမှာ၊နီရာတကာမှာ နိန့်စိုင်နာင့်အမျှပျာယ်။ နောက်ဆုံးမှာတော့ကေ ရန်သူဗမာနေချဲ့တိဆားမရ ရီမရဘဲ ခွီးပြီးဝက်ပြီး ယှောင်တုတ်လခကတ်လီယင့်။ ရက္ခိုင်ပြည်ကိုနောက်ထပ်ကျူးကျော်ရန်စလာဖို့ရာဆိုကေ ဇာသူပင်ဖြစ်နီပတ်စီ သူရိုိ့လက်ချောင်းတိကို စစ်သွီးဆာနီရေရက္ခိုင်စစ်သားတိက ဖြတ်တောက်ပစ်ဖို့စော်ပျာယ်။ တော်လှန်ရီးကြီး ကျီလားခကေလေ့ အဘာရို့တာဝန်တိက မပြီးသိသမီး။

      (သုံး) 

     သမီးချေ

     ယင်းနိက ဇန်န၀ါရီလ တစ်ရက်။လပြည့်နိန့်။သန်းနာင့်ချီလို့ ရောက်ဟိန့်နီရေ ရက္ခိုင်ပြည်သူရို့ဟြိမှာလွတ်လပ်တေ ရက္ခိုင့်အမျိုးသားသမ္မတနိုင်ငံတော်သစ်ဧ့ လွတ်လပ်ရီးကြေငြာစာတမ်းကို ဖတ်ကြားရေ။ ပထမဦးဆုံးသော လွတ်လပ်ရီးနိ အခမ်းအနားက စည်လိုက်တေပင်ဝေ..။ အခမ်းအနားတက်လာကတ်တေ ပြည်သူတိခမာ ဗဟိုရ်စည်တီးသံကြားရေဆိုစွာနာင့် မျက်ဝန်းထဲမှာ မျက်ရည်တိ သီဥလာကတ်တေ။ ”လွတ်လပ်ရွှီပြည်” ရတုကို စလို့ဆိုလိုက်တေခါ မျက်ရည်တိ စီးဆင်းလားလီကတ်ယင့်။ အားလုံးသူက ငြိမ်သက်ပနာ။ နိုင်ငံတော် သီခြင်းကိုလေ့ ပြိုင်တူဆိုလို့အပြီး အခမ်းအနားတစ်ခုလုံးစွာ ပြည်သူရို့ဧ့ အားရပါးရ ငိုကြွီးသံတိနာင့် ဖုံးလားလီရေ။ ယပြီးကေ တစ်ယောက်ကိုတစ်ယောက် လက်ချင်းယှက်ပနာ တင်းပါချိယောင် ဖက်ထားလိုက်ကတ်စွာပျာယ်။ ဒေမြင်ကွင်းကို အဘာရေ ပီတိအဟိန်ကြောင့် ရွာသွန်းနီရေ မျက်ရည်မိုးစက်တိကြားကနီလို့ အကြာကြီးမြင်လိုက်ရရေသမီး။ နိုင်ငံတကာ သမ္မတကြီးတိပါးက အသိအမှတ်ပြုကြောင်း စာချွန်လွှာတိနာင့် ဝန်ကြီးချုပ်တိပါးက ဝမ်းမြောက်ကြောင်းသဝဏ်လွှာတိလေ့ မကန့်မကန် ပီးပို့ရောက်ဟိန့်လာရေ။ စာနာထောက်ထားရီး အကူအညီတိကိုလေ့သော့ အများကြီးပံ့ပို့ပီးကတ်တေ။ ကုလသမဂ္ဂ အတွင်းရေးမှူးချုပ်ကိုယ်တိုင် လွတ်လပ်ရီးအခမ်းအနားကို တက်ရောက်အားပီးရေသမီး။ ကမ္ဘာမီဒီယာတိထက်မှာ အာရကန်ဆိုစွာ တစ်ကန်တည်းဖြစ်နီရေပိုင် ရက္ခိုင်ဆိုစွာလေ့သော့ တစ်ခိုင်တည်းရာဟိန့်နီရေ။ ခေါင်းကြီးပိုင်းသတင်းဟူသရွိ ရက္ခိုင်ပြည်နာင့် လွတ်လပ်ရီးဂျီးပျာယ်။ ယင်းနိမှာပျာယ်သမီး ။ အဘာရိုရက္ခိုင့်အမျိုးသား သမ္မတနိုင်တော်စွာရေ ကမ္ဘာ့ကုလသမဂ္ဂအဖွဲ့ကြီးဧ့ အဖွဲ့ဝင်နိုင်ငံဖြစ်လတ်တေ။ အာဆီယံအသင်းကလေ့သော့ ဝမ်းပမ်းတသာနာင့် ဆီးကြိုနူတ်ဆက်အားပီးယင့်ထော။ အဘာရို့နိုင်ငံတော်ဧ့ လွတ်လပ်ရီးခေါင်းဆောင်ကြီးကိုလေ့သော့ ကမ္ဘာငြိမ်းချမ်းရီး နိုဘယ်ဆုကြီးကို ထိုက်ထိုက်တန်တန်ချီးမြှင့်လိုက်ကတ်တေ။

         နှစ်ပေါင်း (၂၀၀)ကျော် ကျွန်ပြုအုပ်ချုပ် ဂုတ်သွီးစုတ်လားခရေ ရန်သူဗမာတိုင်းပြည်ပါးက စစ်လျော်ကြေးအဖြစ် အမေရိကန်ဒေါ်လာ (၁၁၇)ဘီလီယံကို အဘာရို့နိုင်ငံပါးသို့ ပီးဆောင်ရရေ။ ကမ္ဘာကုလသမဂ္ဂနာင့် အာဆီယံရို့ဧ့ ကြားဝင်စိစပ်ပီးမှုကြောင့် မဟာမြတ်မုနိဘုရားကြီး၊ ဇလွန်ပြည်တော်ပြန်ဘုရားကြီး၊ ရွှေဘုံသာမုနိဘုရားကြီးရို့ကို ပြန်လည်ပင့်ဆောင်ခွင့်ရရေပိုင် မင်းကွန်းခေါင်းလောင်းကြီးကိုလေ့သော့ ပြန်လို့ ပို့ပီးစီခရေ.။ (၁၁၄၆)ခုနှစ်က ယူလားခကတ်တေ အမျိုးသားပိုင်ပစ္စည်းတိ၊ ရက္ခဝဏ္ဏအက္ခရာနာင့် ရီးသားထားရေ ရက္ခိုင်ပီစောင်တိအားလုံးကို စာရင်းနာင့်တကွ ပြန်ရစွာယေ... ဝမ်းသာလို့မဆုံး။ ယင်းပိုင်ပျာယ်။ အင်္ဂလန်၊ ပြင်သစ်၊ အမေရိကန်၊ အိန္ဒိယ၊ ဘင်္ဂလားဒေခ်ျ၊ ပေါ်တူဂီ၊ ထိုင်း၊ သီရိလင်္ကာ၊ စပိန် စရေ နိုင်ငံအသီးသီးရို့က ပြတိုက်အမျိုးမျိုးမှာ ပြန့်ကြင်းနီရေ ရက္ခိုင်ရို့ဧ့ ကျောက်စာ၊ ပီစာ၊ ကြီးပြားစာ၊ ဒင်္ဂါး၊ ခေါင်းလောင်း၊ နာင့် ဟြှိဟောင်းအမွီအနှစ်ပစ္စည်းတိကိုလေ့သော့ ယူနပ်စ်ကိုဧ့ အကူအညီနာင့် မူရင်းဒေသအဖရက္ခိုင်နိုင်ငံတော်သို့ ပြန်လို့ ပို့ပီးလိုက်ကတ်တေ။ ကကောင်းကြီး ဝမ်းမြောက်ဝမ်းသာ မုဒိတာပွားစရာ ကိစ္စတစ်ခုလေ့ ဟိန့်သိရေသမီး။ နယ်ချဲ့ရို့ဧ့ ကျွန်ပြုအုပ်ချုပ်ရီးစနစ်မှာ ပုံစံအမျိုးမျိုးကို အသုံးပြုခကတ်တေမနား။ အဘာရို့ နိုင်ငံတော်ကို ကျွန်သက်ဟြှည်ကြာလီယောင် နည်းလမ်းပေါင်းစုံနာင့် ပြုလုပ်တေနီရာမှာ နိုင်ငံရီးအရ လူတစ်စုကို အသုံးချခစွာ သမီးလေ့သိဖို့ရာ။ ယင်းလူတိကို အဘာရို့နိုင်ငံတွင်းမှာ မတရားသဖြင့် နီထိုင်ခွင့်ပြုပျာယ် ပြဿနာမီးစတိကို ဖန်တီးဖြစ်ပေါ်စီခရေ။ တန်ပြန်တော်လှန်ဖို့ အချိန်မရယောာင် အဘာရို့ကို သူရို့တိနာင့် ရန်တိုက်ပီးရေ။ လွတ်လပ်ရီးရပြီးရေခါ ယင်းလူတစ်စုစွာ ကိုလိုနီဝါဒဧ့ ဆိုးမွီတစ်ခုအဖြစ် အဘာရို့နိုင်ငံတော်မှာ ဖောင်တင်ကျန်လိုက်တေ။ ပဲလှော်ကြားမှာ ဆားညှပ်တေပိုင် ဗမာနယ်ချဲ့ဧ့ ကျွန်ပြုစနစ်အောက်မှာ အသုံးချဓါးစားခံဖြစ်ခရရေ သူရို့ဘဝတိက သနားကောင်းထမန်း ဒုက္ခသည်တိဖြစ်နီစွာတော့ခါ အမှန်ပျာယ်သမီး..။ယေလေ့သော့ရေ သမိုင်းကိုလိမ်လို့ကမရ။ နှစ်ပေါင်းနှစ်ရာကျော် သက်တမ်းကာလတစ်လျှောက် ဖြစ်ပျက်နီခရေကိစ္စအရပ်ရပ်မှာ အဘာရို့ဧ့ ပယောဂတစ်ခုချေလေ့သော့မပါခ။ အဲ....လွတ်လပ်ရီးရပြီး နောက်ပိုင်း နိုင်ငံ့အရီးတိရာ အဘာရို့ဧ့ တရားဝင်ဖြေယှင်းစရာ ကိစ္စတိဖြစ်တေ။ ဒေဖြစ်ရပ်ကို ကိုင်တွယ်ရေနီရာမှာ ကမ္ဘာကြီးဧ့ သမာသမတ်ဟိန့်စွာ ရပ်တည်ပီးမှုက အဓိကကျခရေသမီး။ အဘာရို့နိုင်ငံနာင့် လူမျိုးဧ့ အမျိုးသားဂုဏ်သိက္ခာကို လေးစားမှု၊ ဖြတ်သန်းလျှောက်လှမ်းခရရေ သမိုင်းခရီးကို စာနာနားလည်တန်ဖိုးထားမှု။ တိုင်းရင်းသားပြည်သူလူထု တစ်ရပ်လုံးဧ့ ပြတ်သားစွာ့ရပ်တည်မှု၊ ဒုက္ခသည်တိကိုယ်တိုင်ကလေ့ သူရို့ဘဝကို သူရို့ကိုယ်တိုင် သိမြင်နားလည်လက်ခံလာမှုရို့ကြောင့် မူရင်းနီထိုင်ခရာ ဒေသကို သူရို့ ပြန်လားလီကတ်တေ။ သူရို့ဒေသက ဆွေမျိုးတိလေ့ ဝမ်းမြောက်ဝမ်းသာ လက်ကမ်းကြိုဆိုခလီယင့်။

      ကမ္ဘာတစ်ဝှမ်းမှာ လူသာားချင်းစာနာထောက်ထားရီး လက်ခုပ်သံတိက တဖြောင်းဖြေင်း မြည်နီလီရေ။ လွတ်လပ်ပြီးစ ရက္ခိုင်နိုင်ငံတော်ဧ့ မိုးကောင်းကင်မှာ တိမ်မည်းတိမ်ပုတ် တိမ်းဆိုးတိမ်ယုတ်တိ ကင်းယှင်းလားပျာယ်ပသမီး။  

         (လေး) 

    သမီးချေ.... 

                 ကျွန်ဘဝက လွတ်မြောက်ခြင်းဧ့ အရသာစွာ ဇာနာင့်လေ့ နှိုင်းဆလို့ရနို    မ်းသာယာပြီးကေ ခေတ်မီဖွံ့ဖြိုးတိုးတက်တေ ရက္ခိုင့်အမျိုးသား သမ္မတနိုင်ငံတော်ကြီးကို တည်ဆောက်နိုင်ဖို့ရာအတွက် ရက္ခိုင်အစိုးရသစ်စွာရေ အာရက္ခပူရမြို့တော်မှာ ရုံးစိုက်တေ။ ဒေမြို့တော်ရေ ရက္ခိုင့်လွတ်လပ်ရီးနာင့်တတူ ပေါက်ဖွားလတ်စွာ။ နိုင်ငံတော်ဧ့ အရှိ၊အနောက်၊ တောင်၊မြောက်ဆုံရာ အလယ်တည့်တည့်အရပ်မှာ အာရက္ခပူရမြို့တော်တည်ဟိန့်ရေ။ ကမ္ဘာမှာဟိန့်သရွီ တခြားသော မြို့တော်ကြီးတိနာင့်မတူဘဲ ရက္ခိုင့်အနံ့အသက် ထုံမွှမ်းပနာ ခေတ်အမီဆုံး ဗိသုကာဒီဇိုင်းတိနာင့် ထူးခြားလှပစည်ကားရေ မြို့တော်ကြီးပ။

                           အမျိုးမျိုးသော သဘာဝဘီးဒဏ်ရို့က လွတ်ကင်းယောင်မြို့တော်ကို တည်ဆောက်

ထားပုံက  ခေတ်ဟြှိကိုပြီးလို့နီရေ။ ပတ်ဝန်းကျင်ထိန်းသိမ်းရေးသမားတိစွာ ဒေမြို့တော်ဧ့ ဂေဟဗေဒစနစ်ကို အထူးပြုလေ့လာကတ်ရရေ။ တောင်ဖက်အကျဆုံး မော်တင်စွန်းကနီပနာ မြောက်ဖက်အကျဆုံး စစ်တကောင်းတောင်တန်းအထိ နိုင်ငံတော်အတွင်း မှီတင်းနီထိုင်ကတ်တေ အစိုးရဝန်ထမ်း၊ ကုမ္မဏီဝန်ထမ်း၊ တက္ကသိုလ်ကျောင်းသားတိနာင့် ပြည်သူလူထုရို့စွာ ဒေမြို့တော်ကို နာရီပိုင်းအတွင်းလာရောက်ပြီးကေ ရက်ချင်းပြန် လားနီကတ်လီယင့်။ မြို့တော်ကြီးဧ့ အလယ်တည့်တည့်အရပ်က ကမ္ဘာ့အကြီးကျယ်ဆုံး “ဆယ်သန်း”ပုထိုးတော်ကြီးမှာ ထေရဝါဒဗုဒ္ဓကမ္ဘာဧ့ အခမ်းနားဆုံး သဂ်ါယနာတင်ပွဲကြီး ကျင်းပပြုလုပ်ပျာယ် ကြိုးတန်းပိဋကတ်တော်ကို သန့်စင်ခရေသမီး။ အဂုအခါမှာတော့ ဒေပိဋကတ်တော်ရေ ကမ္ဘာမှာ လူကြိုက်အများဆုံးနာင့် ပုံအနှိပ်ရဆုံးဖြစ်နီပျာယ်။ အာရက္ခပူရ အပြည်ပြည်ဆိုင်ရာ တက္ကသိုလ်ကြီးက မြို့တော်အရှိဖက်မှာ ထည်ဝါခမ်းညားစွာနာင့်။ နိုင်ငံတကာပါမောက္ခကြီးတိ၊ တက္ကသိုလ်ကျောင်းသားကျောင်းသူတိ စိတ်အဝင်စားဆုံး ပညာဗိမာန်တစ်ခုအဖြစ် ကမ္ဘာမှာနာမေကြီးရေ။ ဒေတက္ကသိုလ်ကြီးမှာ ပညာရပ်နယ်ပယ်အစုံကို အဆုံးစွန်ထိ သင်ယူနိုင်ပြီးကေ စကြာဝဠာအလွန်နာင့် နာမ်ဝိညဉ်လောကကိုပါ အတွင်းကျကျ သုတေသနလုပ်နိုင်ရေလတ် သမီး။ 

        ကမ္ဘာမှာ အသန့်ယှင်းဆုံးပန်းခြံက မြို့တော်မြောက်ဖက်မှာဟိန့်ရေ။ ရက္ခိုင်နိုင်ငံသူ နိုင်ငံသားတိစွာ အပူသောကတိ ကင်းဝီးပနာ ကြည်လင်ရွှင်ပြစွာနာင့် ဒေပန်းခြံကြီးမှာ အညောင်းဖြေကတ်တေ။ အဘာအမင်ရို့နာင့် သားချေသမီးချေတိ။ အဖိုးသျှင်အဘောင်သျှင်ရို့်နာင့် မြီးချေမြစ်ချေတိ။ သူငယ်ချင်းအပေါင်းအသင်းရို့နာင့် ချစ်သူစုံတွဲတိ လွတ်လပ်ရီးဧ့ အရသာကို ခံစားနီရေ မြင်ကွင်းတိက ကကောင်းကြီး ပီတိဖြစ်စရာ။ ကမ္ဘာ့အကြီးဆုံး ဝါးတောကြီးဖြစ်တေ ရက္ခိုင်ရိုးမဧ့ တောင်ခြီအောက်မှာ လေးမြို့ချောင်းစက္ကူစက့်ရုံတည်ဟိန့်ရေသမီး။ ဒေစက်ရုံစွာ ကမ္ဘာ့အကြီးဆုံးစက်ရုံးကြီးဖြစ်ပြီးကေ နောက်ဆုံးပေါ် အကောင်းစားစက္ကူတိကို ထုတ်လုပ်ပီးရာနီရာဆိုကေလေ့ မမှားပျာယ်။ ကမ္ဘာကြီးဧ့ စက္ကူဈီးကွက်တစ်ခုလုံးကို ဒေစက်ရုံကြီးက ထိန်းချုပ်ထားစွာယှင့်။ ဟိုတယ်နာင့် ခရီးလားလုပ်ငန်းကလေ့သော့ အဘာရို့နိုင်ငံတော် ဖွံဖြိုးရီးကို တစ်ဖက်တစ်လမ်းက ထောက်ကူပြုပီးပြန်ရေ။ ဓညဝတီ၊ ဝေသာလီ၊ လေးမြို့၊ မြောက်ဦး မြို့တော်ဟောင်းတိနာင့် သမိုင်းဝင်အမွီအနှစ်တိ၊ သဘာဝရင်းမြစ်တိပွားကြွယ်ရေ အဘာရို့နိုင်ငံတော်ကို ကမ္ဘာ့လှည့်ခရီးသည်တိ ဝင်ထွက်နီကတ်စွာ သျှစ်သောင်းက နတ်ရုပ်လောက်များယင့်။ ရက္ခိုင်ရိုးမက ဆင်ထိန်းသိမ်းရေးစခန်း၊ ကျားထိန်းသိမ်းရေးစခန်းရို့မှာ၊ မြို့တော်ဟောင်းတိမှာ ချောင်းသာ၊ ငပလီ၊ ပွိုင့် ပင်လယ်ကမ်းစပ်ရို့မှာ၊ ကမ္ဘာ့အကြီးဆုံး သဘာဝဖြားရီရောက် သစ်တောကြိုးဝိုင်ဝမ်ဖိုက်မှာ ဘုတ်ချေတိစီးယင်း ငါးနီတူကျော်ကိုစားပျာယ် အပျော်လားနီကတ်စွာတိကိုရာ သမီးမြင်ရလီဖို့ဆိုကေ ရင်ထဲမှာ ဇာပိုင်ခံစားရဖို့လဲယေ...။ 

          ရီနံနာင့် သဘာဝဓါတ်ငွိတူဖော်ထုတ်လုပ် တင်ပို့ရောင်းချမှုက တစ်နှစ်မှာ အမေရိကန်ဒေါ်လာ ဘီလီယံနာင့်ချီလို့ဝင်ရေပိုင် နီပူတောင်ကျောက်ထုတ်လုပ်ရေးစက်ရုံက ကျောက်ပြားတိလေ့သော့ ကမ္ဘာ့အကောင်းဆုံးဈီးကွက်ဝင်ဖြစ်လတ်တေ။ စိုင်းဒင်ရီးအားလျှပ်စစ်စက်ရုံက ဓါတ်အားတိကို ပြည်တွင်းမှာ သုံးမကုန်လို့ ပြည်ပကိုပါရောင်းရသိမ့်ရေ။ အမြင့်မားဆုံးသော ကျန်းမာရေးဝန်ဆောင်မှုပီးနိုင်ရေအတွက် စင်္ကာပူရို့ပိုင် နိုင်ငံတိက သည်းခြီအစားထိုးကုသမှုနာင့် စိတ်ကင်ဆာရောဂါတိကို ကုသမှုခံယူဖို့ တကူးတကလာကတ်တေသမီး။ တစ်နိတစ်ခြား ကမ္ဘာရီးရာအခြီအနီတိပြောင်းလဲလာရေ။ ကမ္ဘာကြီးဧ့ ဖွံ့ဖြိုးတိုးတက်မှုက အနောက်ကနီ အရှိကိုရောက်လတ်တေခါ အာရှပြန်လည်ထွန်းသစ်ကိန်းပြန်လည်ဆိုက်ရောက်လာပျာယ်မနားယေ။ တရုတ်နာင့် အိန္ဒိယရို့အားပြိုင်မှုနောက်ကို အေ    နာက်ကမ္ဘာက အမီလိုက်ယင်းနာင့် အိန္ဒိယသမုဒ္ဓရာကို ပစ်မှတ်ထားလာကတ်တေ။ ယင်းပိုင်နာင့် ရခိုင်ကမ်းရိုးတန်းစွာရေ နှစ်ဆယ့်တစ်ရာစုကမ္ဘာကြီးဧ့ မဟာဗျူဟာမြောက် ဒေသတစ်ခုအဖြစ်ကိုရောက်လာလီရေသမီး။ ဒေယှင့်ရေ အဘာရို့အတွက် အခွင့်ကောင်းတစ်ခုဖြစ်တေပိုင် စိန်ခေါ်မှုတစ်ခုလေ့ ဖြစ်တေမဟုတ်လား။ သမိုင်းတစ်ပတ်လည်ပတ်မှုအရ ကိုယ့်လက်တွင်းကို ရောက်ဟိန့်လာရေ အခွင့်အရီးကို အဘာရို့နိုင်ငံတော်က ကောင်းကောင်းအသုံးချနိုင်ခယင့်။ အကျိုးဆက်အဖြစ် ကမ္ဘာ့အကြီးဆုံးသင်္ဘောကျင်းကြီးနာင့် ကမ္ဘာ့အကောင်းဆုံး လီယိုဉ်ကွင်းသစ်တိ အဘာရို့နိုင်ငံမှာ ပေါ်ထွန်းလတ်တေ။ ကမ္ဘာမှာ အယင်ဆုံး ဒုံးကျည်ရထားကို ရက္ခိ်ုင်နိုင်ငံတော်မှာ ပထမဆုံး စတင်အသုံးပြုရေနိခါ လူတိပစပ်ဟောင်းလောင်းနာင့်ကြည့်နီလီယင့်။ ဆီလီကွန်တောင်ကြားက နည်းပညာတော်လှန်ရီးငေါင်းလားပြီးကေ လခြမ်းမြီမှာ ဇီဝဈီးပွါးထွန်းကားလာလီရေ။ ကမ္ဘာတစ်ဝန်းက ဘိဇနပ်သမားတိ၊ နိုင်ငံစုံကော်ပိုရီးချန်းကြီးတိ ကုမ္ပဏီကြီးတိ အာရက္ခပူရမှာ အခြီစိုက်လာကတ်ရရေ။ ကမ္ဘာ့အကြီးဆုံး ကုမ္ပဏီကြီးနာင့် ကမ္ဘာ့အကြီးဆုံး ဟိုတယ်ပိုင်သျှင်စွာ အာရက္ခပူရမြို့်တော်သားဖြစ်လာပြီးကေ ကမ္ဘာ့အချမ်းသာဆုံး လူသားဘွဲ့ကို ပိုင်ဆိုင်နိုင်ခပျာယ်သမီး။ ရက္ခိုင်နိုင်ငံတော်ဧ့ သမ္မတနန်းတော်ကို ရွှီကွပ်ထားရေ။ ရက္ခိုင်ဘာသာစကားစွာရေ `ရုံးသုံးဘာသာစကားဖြစ်ပြီးကေ နိုင်ငံတော်ဧ့ဥပဒေအရ အသုံးပြုခွင့်ဟိန့်ရေ တစ်ခုတည်းသောဘာသာစကားဖြစ်တေ။ နိုင်ငံတကာ သံတမန်ရီးရာမှာလေ့ ရက္ခိုင်စကားနာင့် ရက္ခိုင်စာကိုရာ အသုံးပြုခွင့်ဟိန့်ရေသမီး။ မသင်မနီရ အခမဲ့ပညာရီးစနစ်ကို နိုင်ငံတော်မှာ တရားဝင်ပြဋ္ဌာန်းထားရေ။ ကျန်းမာရီးစောင့်ရှောင်မှုမှာလေ့သော့ အိုးပန်းဖွင့်ထားစွာပျာယ်။ အလကားဆီးကုသမှုအပြည့်အဝကို ပြည်သူတိရဟိန့်ကတ်တေ။ လမ်းဘေးမှာ ဗျက်ကိုင်ပနာ မိတ္တာရပ်တေလူ တစ်ယောက်လေ့မဟိန့်။ အသက် ဆယ့်ရှစ်နှစ်ပြည့်လို့ အရွယ်ရောက်ပြီးရေ နိုင်ငံသားတိုင်း နိုင်ငံတော်ကာကွယ်ရီးမှာ စစ်မှုထမ်းဆောင်ကတ်ရရေ။ ခေတ်သစ်လှိုင်းစရာ စစ်တက္ကသိုလ်မှာ ရက္ခိုင်စစ်ကျမ်း ”ကာမန္တကီ” ကိုကြီညက်ယောင် သင်ယူစီရေသမီး။

           ဗြိတိန်ဘုရင်မ စစ်တက္ကသိုလ်နာင့် ဂျပန်၊ ကိုးရီးယား၊ တရုတ်၊ အိန္ဒိယ၊ အမေရိကန်၊ ပြင်သစ်၊ ရုရှားစရေ နိုင်ငံတိမှာလေ့ ယင်းကျမ်းကို သင်ယူကတ်တေဆိုယင့်။ အဘာရို့နိုင်ငံတော်အတွက် ကမ္ဘာ့အလယ်မှာ မျက်နှာပန်းလှ ဂုဏ်တက်စီရေ အချက်တစ်ခုလေ့ဟိန့်ပြန်သီးရေသမီး။ ယင်းယှင့်က ARC လို့ခေါ်ရေ ”အာရကန်နိုင်ဇေးချန်း” သုတေသန ကွင်ပေါင်းကို နိုင်ငံသားအသိပညာသျှင်၊ အတတ်ပညာသျှင်တိနာင့် စုပါင်းကျစ်လစ်စွာဖွဲ့စည်းထားရေ။ ဒေတိုင်သားတိက အမျိုးသားနိုင်ငံတော်အကျိုးပြု သုတေသနလုပ်ငန်းနာင့် စကြဝဠာနာင့် ကမ္ဘာငြိမ်းချမ်းရီးသုတေသနလုပ်ငန်းဆိုပနာ အပိုင်းကြီးနှစ်ခုခွဲပျာယ် လုပ်ဆောင်ရေလတ်။ အမျိုးသားနိုင်ငံတော်အကျိုးပြု သုတေသနလုပ်ငန်းမှာဆိုကေ နျူကလီယားစွမ်းအင်ဆိုင်ရာ ပရောဂျတ်တစ်ခုဖွင့်ထားသိရေ။ အဓိကတော့ခါ တိုင်ပြည်နာင့်လူမျိုးဖွံဖြိုးတိုးတက်ရီးနာင့် ကြာဟြှည်တည်တံ့ခိုင်မြဲရီးအတွက် ဦးတည်ပနာ ဘာသာရပ်နယ်ပယ်အသီးသီးမှာ ပညာသျှင်တိဦးစီးလို့ ကျယ်ပြန့်ရေသုတေသနလုပ်ငန်းတိကို ဆောင်ရွက်ကတ်တေ။ ယင်းအတွက်နာင့် အာရကန်နိုင်ဇေးချန်းစွာရေ နိုင်ငံတော်က ဦးထိပ်ထားရရေ၊ အားကိုးရရေ သုတေသနကွင်ပေါင်းကြီးဖြစ်လာလီရေ။ စကြာဝဠာနာင့် ကမ္ဘာငြိမ်းချမ်းရေး သုတေသနလုပ်ငန်းမှာကျခါ နိုင်ငံတကာပညာသျှင်တိနာင့် ပူးပေါင်းလုပ်ဆောင်ရေသမီး။ ကမ္ဘာမှာ အနက်ရှိုင်းအကျယ်ပြန့်ဆုံး အလုပ်လုပ်နိုင်ရေ သုတေသနကွင်ပေါင်းကြီးအဖြစ် အာရကန်နိုင်ဇေးချန်းနာမည်ကြီးရေ။ ပညာရီး၊ သိပ္ပံနာင့်ဇီဝနည်းပညာ၊ ဆီးပညာ၊ ဗုဒ္ဓဒဿန၊ လူမှုဗေဒ၊ နာမ်ဝိညာဉ်စရေ ပညာရပ်နယ်ပယ်အသီးသီးမှာ ကမ္ဘာကိုတုန်လှုပ်နိုင်လောက်အောင် အမှန်တရားတိကို ဖော်ထုတ်တင်ပြနိုင်ရေ ပညာသျှင်တိ အများကြီးပေါ်ထွန်းလတ်လီယင့်။ ယင်းပိုင်နာင့် အာရကန်နိုင်ဇေးချန်းဧ့သြဇာစွာ တစ်နိတစ်ခြားမြင့်တက်ပါလတ်တေ။

       နိုင်ငံတကာပညာရီးစနစ်မှာ စကြဝဠာနာင့် ကမ္ဘာ့ငြိမ်းချမ်းရေးကို ဦးတည်လို့ ”အာရကန်နိုင်ဇေးချန်း” ဆိုရေ ဘာသာရပ်အသစ်တစ်ခုကို လိုလိုလားလားသင်ယူလာကတ်စွာတွိရရေ။ အောက်စဖိုဒ့်၊ ဟားဘတ်၊ ချန်ဟိုင်းနာင့် စင်္ကာပူအမျိုးသားတက္ကသိုလ်ရို့မှာ အထူးပြုလေ့လာမှုတိလုပ်လာရေ။ ကမ္ဘာ့ကုလသမဂ္ဂဧ့ အမြဲတမ်းလုံခြုံရေးကောင်စီမှာ ရက္ခိုင်သမ္မတနိုင်င်ံတော် အဖွဲဝင်ဖြစ်လတ်တေခါ ရက္ခိုင်ဘာသာစကားလေ့သော့ ကုလသမဂ္ဂဧ့ ရုံးသုံးဘာသာစကားအဖြစ် ပြဋ္ဌာန်းခြင်းခံရရေသမီး။ ကမ္ဘာတစ်ဝန်းမှာ ရက္ခိုင်ဘာသာစကာားသင်တန်းကျောင်းတိ မှိုပိုင်ပေါက်လာကတ်တေ။ ဥရောပက ပြဇာတ်ရုံတိမှာ ဆယ့်နှစ်သံဂီတနာင့် ဘဲလေးကနီရာက စည်ကြီးဗြိန်စောင်နာင့် သျှိန်ဒိုင်ရာကနီလီပျာယ်။ ဟောလီဝုဒ်က ရုပ်ရှင်ရုံတိမှာဝါ။ ရာမောင်သျှင်မနတ်သာခြင်းနာင့် ပန်းတျားစည်ရာတီးနီကတ်ပျာယ်လတ်။ ကိုးရီးယားမင်းသား၊ မင်းသမီးတိခမာ “ချတုံးကိုးလံ” ဝတ္ထုရုပ်ရှင်ကို ကြည့်မဝဆိုယင့်ထော။ ကမ္ဘာတစ်ဝန်းက ဟိုတယ်နာင့် စားသောက်ဆိုင်တိမှာ ရောင်းအစွံဆုံးက ရက္ခိုင်မုန့်တီ၊ အာပူလျှာပူဆိုယင့် သမီး။ 

        အဂုခါ အဘာရို့နိုင်ငံတော် ကောင်းကြီးဂဟဇာထက်တေဆိုရဖို့ထော။ အဘာရို့နာင့် တော်လှန်ရီးတတူလုပ်ခကတ်တေ ရက္ခိုင်အစိုးရ နိုင်ငံခြားရေးဝန်ကြီးကို နိုင်ငံပေါင်းစုံက တစ်ခဲနက်ထောက်ခံပနာ ကမ္ဘာ့ကုလသမဂ္ဂအတွင်းရီးမှူးချုပ်အဖြစ် ခန့်အပ်လိုက်ကတ်တေ။ နောက်မကြာခင်မှာပင် အာရကန်နိုင်ဇေးချန်းသုတေသနကွင်ပေါင်းဧ့ အဓိပတိပုဂ္ဂိုလ်ကိုလေ့သော့ နှစ်ဆယ့်တစ်ရာစုဧ့ အကြီးကျယ်ဆုံးလူသားအဖြစ် ကြေငြာလိုက်တေသမီး။ ဒေသတင်းတိကို ကြားရမြင်ရရေခါ အဘာစွာ လက်ခုပ်သြဘာတစ်ဖြောင်းဖြောင်းတီးယင်း မျက်ရည်တိစီးကျလာပိုင်တွိလို့ လက်နာင့်တို့ကြည့်လိုက်တေ။ အဘာလေ့သော့ အိပ်မက်က နိုးကျလားရေ။

                                 (ငါး) 

                 သမီးချေ..

           ဂုပိုင်အိပ်မက်မျိုး သမီးကိုလေ့သော့ မက်စီချင်ရေ။ ပြောရဖို့ဆိုကေ ရက္ခိုင်သူရက္ခိုင်သားအားလုံး မက်သင့်မက်ထိုက်တေအိပ်မက်ရာ။ အဲ.....တစ်ခုတော့ခါဟိန့်ရေသမီး။ မက်ပြီးရုံနာင့် မကျီသိမ့်နန်း။ ဟိုချီမင်းမက်ခရေ အိပ်မက်အကြီးသန်စွာ ဂနိခါ ဗီယမ်နမ်နိုင်ငံတော်ဖြစ်လာရေ။ အိပ်မက်ကို အကြီးသန်မက်တတ်တေ ဂျူးလူမျိုးတိက ဂုချိန်မှာ အစ္စရေးနိုင်ငံတော်ကို တည်ထောင်ထားကတ်ပျာယ်။ အရှိဖျားက ခြသေ့င်္လို့ခေါ်ရေ စင်္ကာပူနိုင်ငံစွာ တချိန်က လီကွမ်ယုဧ့ နှလုံးသားထဲက အိပ်မက်ဖြစ်ခရေမနား။ ကိုင်...........ယင်းပိုင်ဆိုကေ အဘာရို့ သမီးရို့ ရက္ခိုင်လူမျိုးတိ ဇာပိုင်အိပ်မက်ကို မက်လို့ ဇာပိုင်ခရီးဆက်ကတ်ဖို့လဲယေ....။ ။

အဆိုးသျှေ 

အထက်က ဆောင်းပါးရေစာရွီးသူအာဘောရာဖြစ်ပါရေ လေးဝတီအာဘော်မဟုတ်ပါ.

နိုင်ငံခြားထွက်သူများစာရင်းတတိတ်ချေကောက်ယူနိန်

         ရခိုင်နိုင်ဂံတော်မှ အကြောင်းအမျိုးမျိုးနန် ပြည်ပထွက်ဗျာလ် အလုပ်လုပ်နိန်ကတ်တေ ရခိုင်ပြည်သား တိကိုကျေးရွာအုပ်ချုပ်ရေးမှူးစာရေတိက တတိတ်ချေစာရင်းကောက်ယူနိန် ရေစွာဖြစ်တေလို့ သိရပါရေ၊ စာရင်းကောက်ယူရေစွာက ရိုးသားမှူမရှိ ဆိုစွာလည်းထင်ရှားနိန်ဗြီးကေ နောင်တချိန် နိုင်ဂံခြားကို ထွက်ဗျာလ်လားရေ လူတိ မိသားစုဝင်တိကို ခြိမ်းခြောက်အကျပ်ကိုင်လာနိုင်ရေလို စာရင်းကောက်ခံ လားရေရွာသားတစ်ချို့  စိုးရိမ်နိန်ကတ်တေလို သိဟိန့် ပါရေ။. 

    ရခိုင်နိုင်ဂံဟိန့် မြို့ နယ်တစ်ချို မှာ ပြီးခရေ လကစလို့  ပြည်ပထွက်တေ လူဦးရေစာရင်းကို တတိတ်ချေကောက်ယူ နိန်ရေလို့  သိဟိန့် ရပါရေ ။ ကျေးရွာအုပ်ချုပ်ရေးမှူးစာရေး က ရွာက ဇာနှစ်ယောက် နိုင်ဂံခြားမှာ ဟိန့် လေ ။ ဇာနိုင်ဂံမှာ အလုပ်လုပ်နိန်လေ ဆိုစွာကအစ အစိအစုံ မိန်းလားဗြီးကေ ရွာက ကျေးရွာအုပ်ချုပ်ရေးမှူးကိုတောင်အသိ မပီး ခဘဲ ရွာထဲက အမြဲတမ်း နိန်ထိုင်ရေ လူတစ်ယောက်ကို ခေါ်ယူမိန်းမြန်းလားရေလို သိရပါရေ။ စာရင်းကောက်ယူလားရေ ကျေးရွာ တစ်ရွာ မှ ရွာသားတစ်ယောက်ပြောလာ စွာက အရင်(ရယက)စာရေး အခု ကျေးရွာအုပ်ချုပ်ရေးမှူ စာရေး စွာရွာမှာ ဥက္ကဋ္ဌ မသိဘဲ မိန်းမြန်းလားခပါရေ ဖြေရေလူလည်း ကြောက်ဗျာလ် ဖြေပခရေလိုသိရပါရေ ။ သူရိုမိန်းစွာက အကိုရို့ ရွာမှာ ကလေချေတိ ကောင်းနည်းရေ ဇာလားခလေမသိ ဆိုဗျာလ် အစချီ ဗျာလ် မိန်းပါရေ ယဗြီးကေ အိပ်ကစာရွက်ထုတ်ဗျာလ် ၊ အကိုမလိမ်ကေ့ အမှန်ပြော ဆိုဗျာလ်၊ နိုင်ဂံခြားမာ ဟိန်သမျှလူတိကို မှတ်ယူလားပါရေ ။ ယင်းစာရေးက ပြောခပါသိရေ လတ် ။ မလေးရှားမှာ နိန်ထိုင်ခွင့်(ID) ပီးဖို့ သူရိုတိကို ယင်းတွက်နန် ကောက်စွာရာ လို့  ရွာသားတစ်ယောက် ကိုပြောလခပါသိရေ ။ 

   ရခိုင်ပြည်က အခုပြည်ပထွက်တေလူတိကိုစာရင်းကောက် နိန်ရေ မြိုနယ်တိက ကျောက်တော် ၊ပုဏ္ဏားကျွန်း၊ပေါက်တော၊ဖြစ်ဗြီးကေ အခြားမြိုနယ်တိ မှာလည်း စာရင်းကောက်လားဖို့ စီစိုင်နိန်ရေလို့  ပေါက်တောမြို့ မှ စာရေးတစ်ယောက်က ပြောပြပါရေ ။ ဒေချင့်စွာ မြိုနယ်အုပ်ချုပ်ရေးမှူး လျှိုဝှက်လုပ်ဆောင်ဖို့  မှာထားစာဖြစ်တေအတွက် ခန်းမှန်ဖို့ ခက်တေလို့  သူကပြောပါရေ။ အခုပိုင် နိုင်ဂံခြားတိုင်ပြည်တိမှာ အကြောင်းအမျိုးမျိုးနန် နိန်ထိုင်ရေ ရခိုင်ပြည်သားတိကို စာရင်းကောက်ယူနိန်စွာ ဒုတိယအကြိမ်မြောက် ဖြစ်ပါရေ လို့ လည်းပြောခပါရေ၊

     ရခိုင်ပြည် စွာ ဗမာနယ်ချဲဖိနိတ်အုပ်ချုပ်တေ လက်အောက်မှာ ကျရောက်နိန်ရေ အတွက် အခွန်အတုတ်ကြီးစာကတစ်ကြောင်း၊အလုပ်အကိုင်ရှားပါး ခြင်းကတစ်ကြောင်း၊ သဘာဝသယံဇာတ တိကို နိုင်ဂံခြားသားတိပါး ရောင်းစားကာ ရခိုင်ပြည်ထဲ မှာ ကုန်းကောက်စရာ မဟိန့်  အောင် ဆင်းရဲ ဒဏ်ခံ နိန် ရဗြီး ကေ အနာဂတ်ပျောက်နိန်ရေ ရခိုင်ပြည်သားတိ မိမိရပ်ရွာတိကို စွန့် ခွါဗျာလ် ရီကြိုင်ရာမြက်နုရာကို စွန့် ခွါလာနိန် ကတ်ပါရေ ၊ ရခိုင်ပြည်ကို စွန့် ခွါ ဟိန့် နိန်ရေ ရခိုင်သားတိ စာရင်းဇယား အတိအကျမဟိန့် ကေလေ့ ခန်းမှန့် ခြီအရ ၄သိန်း နီပါး ဟိန့် ဖို့ ထင်မိပါယင့်ဒေ။

ခိုင်မင်းထွန်း(လေးဝတီ) .

ရခိုင်ပြည် လယ်ယာမြီပြသနာနာင့် ဆန်ထွက်နုံးကျဆင်းရေပိုင် ရွှီကျောင်းပြောင်ပြောင် ၀မ်းခေါင်ခေါင်

          ပထမမှာ သိရစွာကိုပင် ပေါ့ပေါ့ဆဆ သဘောထားမိခစွာပါရာ ။ ယေကေလဲ သီသီချာချာ စိုင်းစားကြည့်လိုက်တေအခါ ဒေကိစ္စက တဖေ့ချေ ကြီးစွာကား မဟုတ်ပါမနား။ စိုင်းစားဗြီးစွာာနင့် လန့် လားပါရေထော။ ယေကေ ရခိုင်ပြည် လယ်ယာမြီပြသနာကို စိုင်းစားတွက်ချက်ကြည့်မိပါရေ ။ လယ်ယာမြီဧက ဇါလောက်ဟိန့် လေ ဆိုစွာကို ကျွန်တော့်အနားမှာ စာအုပ်စာတမ်းတိ မဟိန့် ရေအခါ ပြောဖို့  စွာ ခက်ပါရေ ။

                  ယေကေလဲ ဒေနိန်ရာမှာ ရခိုင်ပြည်က လူဦးရေတိနာင့် တွက်ချက်ကြည့်ဖြစ်ပါယင့်။ တလောက ကျွန်းသားငမန်း ရီးရေ ဆောင်းပါးတပုဒ်ကို ဖတ်လိုက်ရပါရေ ။ သူရီးရေဆောင်းပါးက စစ်တွေမြို့ ကို အခြီခံပနာ ရီးထားစွာပါရာ ။ ဖတ်လိုက်စွာနာင့် မကောင်းစွာ တကွက်လဲ မပါရေ စစ်တွေမြို့  လုပ်ငန်းရှင်ကြီးတိ ၊စီးပွါးရီး ကုမဏီ လုပ်ငန်းရှင်ကြီးတိ အကြောင်းနာင့် သူရို့ တိက စီးပွါးရီးနယ်ချဲ့  လုပ်ငန်းအကြောင်းတိကို ပြောထားရေအခါ မစားရ၀ခမန်း ဖြစ်နိန်စွာ မဟုတ်ပါမနားယေ။ အောက်ခြီ လက်လုပ်လက်စားအကြောင်းတိ သာမန်လူတိ အကြောင်း တစိချေလဲ မပါဘဲ ရီးထားရေအခါ ကောင်းကောင်းပင် နိန်ချင်စရာ မြို့  စစ်တွေ မဟုတ်ပါကားယေ။ ကျွန်တော်ပင် ချက်ချင်း ရခိုင်ပြည်ကို လားချင်စိတ်ပေါက်လားခပါရေထော။ ခက်နိန်စွာက ကျွန်တော်က စစ်တွေက ဆိုရေအခါ လူတိ ဇါလောက် အခက်အခဲတိနာင့် နိန်ရထိုင်ရစွာကို နိန့် တိုင်းပင် သိပါရေနားရာယေ။

                      

                       ယင်းချင့်တောင်မက ရခိုင်ပြည်က လူတိ ဇါပိုင်ရုန်းကန်ကတ်ရစွာကိုလဲ သိစွာရာ မနားပါကားယေ။ ယေကေ ယင်းသူ့ ကျွန်းသားငမန်းဆောင်းပါးကို ဖတ်ပနာ စိတ်ကူးထဲမှာ ပြောချင်စွာ ဟိန့် ခစွာပါဒေ။ ယေကေလဲ ယင်းအကြောင်းနာင့် ပါတ်သက်လို့  အခု ပြောနိန်စွာကား မဟုတ်ပါဒေ။ အခုပြောနိန်စွာက ရခိုင်ပြည်က လယ်ယာမြီပြသနာန်င့် မျိုးစပါး အရည်အသွီးညံ့ဖျင်းမူတိ ဖြစ်လာလို့  ဆန်စပါး အထွက်နုံးတိ ကျဆင်းလားစွာကို သုတေသန လုပ်န်ိန်ကတ်ပါဗျန်လို့  ပြောကတ်တေအတွက် ပြောချင်စွာပါရာ ။. ရခိုင်ပြည်က လူဦးရေတိကို ကြည့်လိုက်တေအခါ -၃-သန်းလောက်လောက်ရာ ဟိန့် ဖို့  ထင်ပါရေ ။ ယေကေ ယင်းလူဦးရေ -၃-သန်းကျော်လောက် စားသုံးနိုင်ဖို့ အတွက် နိန်စိုင်စားသုံးရေ ဆန်စပါးက ဇါလောက်လိုအပ်န်ိန်လေ ဆိုစွာကို တွက်ချက်ကြည့်ဖို့  လိုလာပါရေ ။ လူတယောက်က တရက်မှာ ဆန်နှစ်ဘူးရာ စားခကေ -၃-သန်းကျော်အတွက် ဘူး-၆-သန်းရာကုန်ပါဖို့ ဒေ။ ဆန်တတောင်းမှာ - ၄၈-ဘူးရှိရေ အတွက် လူတယောက်အတွက် တလကို ဘူး-၆၀- ရာကို ကြည့်လိုက်ကေ -၃-သန်းကျော်လောက်ကို တွက်လိုက်ကေ ရပါဗျန်ကားယေ။ ယင်းပိုင်ဆိုကေ ယင်းလောက် လူဦးရေ စားသုံးဖို့  အတွက် လစိုင်ဆန်သိုလှောင်ထားရဖို့  အလားအလာက မိသားစုအတွင်း ပြသနာနာင့် ပတ်သက်လားပါရေ ။ ယင်းပိုင်ပါဗျန်ကာ။ မိသားစုတိမှာ ၀မ်းစာပြည့်အောင် လုံလောက်အောင် စုဆောင်းထားရဖို့  စွာနာင့် ဆန်စပါးတိကို ကြိတ်ခွဲဖို့ အတွက် ဆန်ဂိုဒေါင်တိန့် မှာ သိုလှောင်ထားရဖို့  စွာက အုပ်ချုပ်သူ အစိုးရဘားမှာ တာဝန်ဟိန့် လာပါရေကာ ။ ဒေပိုင်ဆန်ဂိုဒေါင်တိမှာ ဆန်စပါးတိကို သိုလှောင်နိုင်ဖို့  အတွက် ဆန်စပါးစိုက်ပျိုးရေ တောင်သူလယ်သမားတိ အခြီအနိန်နာင့် သက်ဆိုင်နိန်ပါရေ ဒေ။ လယ်လုပ်သူ လယ်မပိုင်ရဘဲ သီးခ အလုပ်သမားတိနာင့် ရပ်တည်နိန်ရရေ ရခိုင်ပြည်က လယ်သမားတိမှာ အခုဆိုကေ လယ်ယာအလုပ်ကို လုပ်ရဖို့  နိန်နိန်သာသာ လယ်လဲမဟိန့် ၊ မျိုးစပါးလဲ မဟိန့် ၊ မြီသြဇါလဲ မဟိန့် ၊ ယင်းပိုင် ဖြစ်လားခရေပိုင် လယ်ယာလုပ်ငန်းခွင်ကို ၀င်လားပနာ လုပ်ဖို့  လယ်ယာအလုပ်သမားတိ ဆုံးရှုံးလားစွာကလဲ ပြသနာပါကားဒေ။ ယင်းပိုင်ဆိုကေ ပထမအချက်အနိန်နာင့် လယ်ယာမဟိန့်  ဆိုစွာကို စိုင်းစားကြည့်ကတ်ဖို့ လိုလာပါရေ ။ နွားစားကျက်တိကို ဖယ်ထားပနာ အမှန်စိုက်ပျိုးနိုင်ရေ လယ်ယာမြီဆိုစွာ လယ်အလုပ်သမားတိဘားမှာ လက်ထဲမှာ ဟိန့့် နိန်စွာက အခုဆိုကေ အသိမ်းခံလိုက်ရပါဗျန်၊ စစ်တပ်ပိုင်သိမ်းပလိုက်တေအတွက် လယ်ယာမြီတိမှာ လယ်သမားတိဘားမှာ မဟိန့် စွာဖြစ်ပါရေ ။ ယင်းလယ်ယာမြီတိကို သ်ိမ်းပလိုက်ကေလဲ လယ်ယာမြီအဖြစ် အသုံးပြုနိန်ရေဆိုကေ ယင်းလယ်ယာမြီက ဆန်စပါးအထွက်နုံးကို တွက်ချက်လို့  ရပါသိရေ ။ ယေဇူးနာင့် စစ်တပ်လယ်ယာမြီ သိမ်းလိုက်စွာနာင့် ယင်းလယ်ယာမြီတိမှာ အဆောက်အဦးတိ ဆောက်လုပ်လိုက်စွာနာင့် လယ်ယာမြီပြသနာက ယင်းချင့်မှာ ဆန်စပါးအထွက်နုံ့း ကို ကျဆင်းလားစွာလဲ တခုအပါအ၀င် ဖြစ်လားစီပါရေ ။ လယ်ယာမြီ နည်းပါးလားစွာနာင့် တဆက်တည်းမှာ မျိုးစပါးကလဲ ပြသနာကို ဒွန်တွဲပနာ ဖြစ်စီလာစွာပါကာ။ ဇါဖြစ်လို့ ဆိုကေ ရခိုင်ပြည်မှာ အခုအချိန်ထိ မျိုးစပါးတိဆိုစွာ ရှေးနှစ်ပေါင်း အတီအတာ ကာလကပင် ထွန်ယက်စိုက်ပျိုးနိန်ရေ မျိုးစပါးတိရာ ဖြစ်ပါရေ ။ ယင်းမျိုးစပါးတိမှာ အခုအချိန်မှာ မျိုးသန့်  မျိုးကောင်းမဟုတ်ဘဲ မျိုးညံ့ မျိုးဖျင်း ဖြစ်လာနိန်ပါဗျန်ဒေ။ သိပ္ပံနည်းကျ စုဆောင်းသိုမှီး ထားစွာမဟုတ်ဘဲ မိရိုးဖလာ ထားကတ်တေအတွက် နှစ်ပေါင်းများစွာ ဟိန့် နိန်ရေ ယင်းစပါးတိမှာ အထွက်နုံးက ညံ့လို့  လာစွာပါကားယေ။ ကမ္ဘာမှာ မျိုးစပါးတိကို သိပ္ပံနည်းကျ ထားကတ်တေပိုင် သုတေသန လုပ်ပနာ အထွက်နုံ့းကောင်းအောင် လုပ်နိန်ကတ်တေအတွက် စီးပွါးဖြစ်ထွန်း တိုးတက်နိန်ကတ်စွာတိကို တွိမြင်နိန်ရပါရေ ။ တရက်နိန့် က စိုက်ပျိုးဖို့  နည်းလမ်းတခုကို ဆန်းသစ်တီထွင်စွာနာင့် ပါတ်သက်ပနာ မြင်လိုက်ရစွာမှာ ပလက်စတိတ်နာင့် ဖုံးပနာ စိုက်ပျိုးရေအခါ ဂျုံထွက်နုံ့းက ခါတိုင်းနုံးထက် ပိုလို့  ထွက်တေ ဆိုပနာ ဂျုံစိုက်ပျိုးခင်းကို စမ်းသပ် တီထွင်နိန်ကတ်တေ လူတိကို မြင်လိုက်ရပါရေ ။ မိရိုးဖလာစိုက်ပျိုးနည်းအတိုင်း လယ်ကွင်းတခုလုံးကို ဝေးသတ်ပနာ စိုက်ပျိုးလိုက်စွာထက် မြောင်းတူးပနာ တန်းစီဗြီးကေ ပလက်စတိတ် ဖုံးလို့  စိုက်လိုက်တေအခါ အထွက်နုံ့းပိုလာစွာကို လက်တွိ စမ်းသတ်ပြလိုက်စွာဖြစ်ပါရေ ။ ယင်းပိုင်ဆိုကေ မျိုးစပါးး အထွက်နုံ့းကောင်းဖို့  အတွက် မြီသြဇါ မဟိန့်  စွာကလဲပြသနာတခုဖြစ်လာစွာပါဒေ။ ဘိုးဘီးဘီဘင် လက်ထက်ကပင် စိုက်ပျိုးထွန်ယက် နိန်ခကတ်တေ လယ်ယာမြီမှာ မြီသြဇာခမ်းလားစွာနာင့် မြီဆီ မြီသဘာဝ ပျက်ပြုံးလားစွာတိ က သဘာဝအတိုင်းပါရာမနား။ ယေကေ ခမ်းခြောက်လားခရေ မြီဆီတိ မြီသြဇါတိကို ဇါပိုင် အစားထိုးရနိုင်ပါဖို့ လဲ ယေ။ မြီဆီတိ မြီသြဇါတိမှာ နုံးတင်မြီဆိုကေ တနှစ်တခါ မြီသြဇါတိက ပြန်လို့  အစားထိုးရနိုင်ကေလဲ နုံးမတင်မြီကွက်မှာဆိုကေ ဓါတုဗေဒနာင့် ပြုလုပ်ထားရေ မြီသြဇါကို အသုံးပြုရစွာက ဒေခေတ်မှာ အများကြီးပါရာ။ေ ယကေ မြီသြဇါသုံးဖို့  လိုအပ်ကေ မြီသြဇါကို ပီးနိုင်ကတ်ပါယင့်လား။ လူတိမှတောင်မှ အစာရီစာ အဟာရ ပြတ်လပ်ကေ အားအင်ချိနဲ့ ပနာ အသက်သီဆုံးတတ်ရစွာပါကာ ။ ကမ္ဘာမြီကြီးမှာလဲ မြီဆီခမ်းဗျန်ဆိုကေ သစ်ပင်စိုက်ပျိုးလို့  အရိပ်ကောင်းဖို့ ထက် တပင်လဲ မပေါက်လို့  သဲကန္တရာတိ ဖြစ်လားစွာတိ ဟိန့် ကတ်တေ မဟုတ်ပါလားယေ။ ယင်းပိုင်သဲကန္တရာဖြစ်နိန်ရေ နိန်ရာတိမှာတေင်မှ အခုဆိုကေ မြီသြဇါတိကျွေးလို့  စိုက်ပျိုးစားသောက်နိန်ရေ နိုင်ငံတနိုင်ငံကို ပြပါလို့ ဆိုကေ အစ္စရေးနိုင်ငံကို လက်ညိုးထိုးလို့  ပြရပါဖို့ ကာ။

          ယေကေ မြီခမ်းနိန်ရေ  ရခိုင်ပြည်က မြီကြီးကို မြီသြဇါကောင်းကောင်း ကျွေးရဖို့  လိုစွာပါကားယေ။ ယင်းချင့်က အဖြီပါရာချင့်။ မြီသြဇါကျွေးဖို့ ဆိုကေ ၀၀လင်လင် ကျွေးမှ အဟာရဖြစ်လားခါမှ ယင်းလယ်ယာမြီက အလှပလှ သီးနှံတိ ဖြစ်ထွန်းတိုးတက်ဖို့မဟုတ်ပါလားချင့်။ အခုကလယ်သမားတိမှာ မြီကြဇါကို လယ်ယာမြီမှာ ကျွေးနိုင်ဖို့  အစား ကိုယ့်ဝမ်းကိုတောင် ၀အောင် မကျွေးနိုင်စွာဘ၀ရောက်နိန်ကတ်စွာ မဟုတ်ပါလားယေ။ လယ်သမားတိက ဆန်ကို ၀အောင် မစားနိုင်ကေလဲ စီးပွါးရီးသမားတိက ဆန်ကို ၀ယ်ပနာ နယ်စပ်ကို ကျော်လို့ မှောင်ခို ရောင်းလိုက်ကတ်တေအခါ ပိုလို့  ကြီးပါးချမ်းသာ လားကတ်ပါသိရေ ။ အခုဆိုကေ တရားမ၀င်လားစွာ ဆန်မှောင်ခို နာင့် တရားဝင်လားစွာ ဆန်စီးပွါးရီးသမားတိက ကြီးပွါးလီလီ ဆန်စပ်းစိုက်ပျိုးနိန်ရေ လယ်သမားကရာ ထမင်းငတ်လို့  ပြာကျန်ိန်စွာပါရာယေ ။ ယေဇူးနင့်လဲ ယင်းပိုင်လယ်လုပ်ယင်း ထမင်းငတ်နိန်ရရေ လယ်သမားတိမှာ လယ်ကိုဝေးသတ်ပနာ တခြားနိုင်ငံတိကို ထွက်လို့  အလုပ်လားလုပ်ကတ်ရစွာပါကာ။ အလုပ်လုပ်ဖို့  လယ်ယာထဲမှာ အလုပ်သမားမဟိန့် ကေ ဇါက ဆန်စပါးအထွက်နုံး ကောင်းပါဖို့ လဲ ယေ။ ဒေချင့်က အလုပ်သမားရှားပါးမှုဘားမှာ ပတ်သက်လားရေအခါ လုပ်ငန်းတိုးတက်မှုတိ နာင့် စီးပွါးဖြစ်ထွန်းမူတိကို အကြီးအကျယ် ပြသနာလုပ်စွာတိပါယေ။ ယင်းပိုင်ဆိုကေ လယ်ဟိန့် ယင့်သားနာင့် အထွက်နုံးမကောင်းစွာကြားမှာ စားသုံးသူလူတန်းစားက တမှောင့်ဖြစ်လာနိန်စွာ ဟိန့် ပါသိရေ ။ လယ်ယာမြီက အထွက်နုံးရာ နည်းချင် နည်းလားဖို့ ဖြစ်ကေ လဲ စားသုံးသူ လူဦးရေက များနိန်လာစွာမှာ ရခိုင်ပြည်ကို ခိုးဝင်လာရေ ဘင်္ဂလီမူဆလင်လူမျိုးတိက ကမ္ဘာလောက်ကြီးမားရေ ပြသနာ တခုဖြစ်စွာပါကားဒေ။ 

                

               ရခိုင်ဘုရင် လက်ထက်ကတည်းကပင် ဟိန့့််နိန်ခရေ ကမန်လူမျိုးဆိုစွာ အခုအချိ်န်မှာ ရခိုင်လူမျိုးနွယ်စု ဖြစ်ပါရေ ယေ။ ယင်းလူမျိုးစုမှာ အခုအချိန်ထိ သန်းနာင့် ချီလို့  ရခိုင်ပြည်မှာ လူဦးရေ မွီးဖွါးမူနုံး မဟိန့့် ပါကားဒေ။ မ်ြန်မာနိုင်ငံလွပ်လွပ်ရီး ရလားရေအခါ ရခိုင်နိုင်ငံက ရောပါလားခလို့  ရခိုင်ပြည်က ကိုလိုနီဘ၀နာင့် ဆက်လို့  ပါလားခရပါသိရေ ။ ယင်းချင့်မှာ ရခိုင်ပြည်နယ်ချေတောင် မဖြစ်ခကေလဲ ရခိုင်လူမျိုးးတိက ၀န်ကြီးရာထူး ရလားကတ်ပါရေ၀ါ။ ယင်းပိုင် ရခိုင်ဝန်ကြီးတိ ဖြစ်လားခဗြီးနောက် နယ်စပ်ဒေသတိမှာ လူဝင်မူကြီးကြပ်ရီးဌါနနာင့် မှတ်ပုံတင်ဌါနတိကို ထားလိုက်စွာမှာ ယင်းဌါနတိကြောင့် ပြသနာဖြစ်လားခစွာပါယေ။ ဇါဖြစ်လို့ ဆိုကေ လူဝင်မူကြီးကြပ်ရီးဌါနနာင့် မှတ်ပုံတင်ဌါနတိက ကိုယ့်မိသားစု စားဝတ်နိန်ရီးအတွက် တဖက်နိုင်ငံက ဘင်္ဂလီမူဆလင်လူမျိုးတိကို ခိုးဝင်ဖို့  လွှတ်ပီးလိုက်စွာမှာ ဖေ့သာတိ ကောင်းကောင်း ရကတ်ပါရေ ဒေ။ သာမန်လူဝင်မူကြီးကြီးကြပ်ရီးဌါနနာင့် မှတ်ပူံတင်ဌါနက ပျာတာလောက်ကပင် ကမ္ဘာလောက်ချမ်းသာ ကြီးပွါးလားကတ်စွာ မြင်ဖူးပါရေ ။ တွိဖူးပါရေ ဒေ။

                

           ယင်းအချိန်ကပင် အခုအချိန်ထဲလဲ ယင်းဌါနက ပျာတာကအစ အရာရှိတိ ။ အခုဆိုကေ နစက ဌါနရို့ က ဖေ့သာကို ရရေပိုင် ယူနိန်ကတ်တေအတွက် ၀င်လာကတ်တေ ဘင်္ဂလီမူဆလင်လူမျိုးတိမှာ အခုဆိုကေ ရခိုင်ပြည်ကိုတ၀က်လောက်တောင်ကျော်နိန်ပါဗျန်ကာ။ ကမန်လူမျိုးထက် ရခိုင်ပြည်မှာ အရောက်နောက်ကျကေလဲ လူဦးရေ မွီးဖွါးနုံးနာင့် နယ်စပ်က ခိုးဝင်လာနုံးတိက ကမန်လူမျိုးထက် များနိန်ရေအခါ ရခိုင်ပြည်ကိုတောင် သူရို့  ပိုင်ချင်နိန်ကတ်ပါဗျန်ဒေ။ သမိုင်းလ်ိမ်ရေနာမည်မျိုးနာင့် ရီးနိန်ကတ်စွာတိကို မြင်ဖူးကတ်ပါဖို့ ရာ။ ယင်းပိုင်ခိုးဝင်လာရေ ဘင်္ဂလီမူဆလင်လူမျိုးတိက ရခိုင်ပြည်မှာ ဟိန့် လာရေအခါ ဆန်စားသုံးမူကို တွက်ချက်ကြည့်လိုက်ကေ ရပါရေ ယေ။ သမိုင်းလိမ်မူဆလင် လူမျိုးတိ တသန်းလောက်က စားသုံးနိန်ရေ ဆန်ဆိုစွာ ရခိုင်လူမျိုးတိက အလှပလှ စားသုံရဖို့  ဆန် မဟုတ်ပါလားယေ ။ ယင်းသူရို့ နိန်ကတ်တေ အဆောက်အဦးဆိုစွာ ရခိုင်လူမျိုးတိ နိန်ထိုင်ဖို့  အဆောက်အဦး မဟုတ်ပါလားယေ။ ယင်းသူရို့  လုပ်နိန်ကတ်တေ လယ်ယာမြီ ဆိုစွာ ရခိုင်လူမျိုးပိုင် လယ်ယာမြီ မဟုတ်ပါလားယေ။ ဒေပိုင် ရခိုင်လူမျိုးတိမှာ လယ်ယာမြီဆုံးရှုံးရစွာနာင့် ကိုယ်ရို့  စားသုံးရဖို့  ဆန်စပါးကိုတောင် မစားသုံးရရေပိုင် ကိုယ်ရို့ ပြည်ကိုတောင် အရှင်ခံနိန်စွာကိုလဲ သတိထားဖို့  လိုရေလို့  ပြောချင်ပါရေ ကာ။ သတိထားရဖို့ ဆိုကေ ဇါပိုင်တားဆီးကာကွယ် ရဖို့ လဲ ဆိုစွာကိုပါ တွက်ထားဖို့  လိုပါရေ ယေ။

                 အခုအချိန်မှာ လယ်ယာမြီပြသနာတိကို အဖက်ဖက်က တွက်ချက်ကတ်တေအခါ စားသုံးရေလူတိကို သီသီချာချာ တွက်ချက်ဖို့ လိုအပ်စွာကို ပြောပြစွာဖြစ်ပါရေ။ ဆန်ထွက်လာရေ နုံးထားကိုမသိဘဲနာင့် ရရေပိုင် စားသုံးပလိုက်ကေ မျိုးစပါးလဲ မချန်ထားနိုင်ခကေ အားလုံးငတ်လို့  သီပေါက်တိုးလားဖို့  စွာမျိုးစွာပါဒေ။ ယေဇူးနာင့် ဆန်စပါး အထွက်နုံ့းတိုးဖို့ အတွက် မိုးရီချိန် လက်မ -၂၀၀- ကျော်ရွာသွန်းရေ ရခိုင်ပြည်မှာ လယ်ယာမြီတိဆိုစွာ အလှပလှ အထွက်နုံးကောင်းရပါဖို့ ကာ ။ သီးစားခချီးငွေ တိကို ရဖို့ လိုလို့  စာရင်းလိမ်တင်ထားရေ လယ်ယာမြီတိ ။ အမတော်ချီးငွေ ရဖို့ လိုလို့  နွားစားကျက်တိကို လယ်ယာမြီ ဖြစ်အောင် စာရင်းလိမ်ပြစွာက မောင်တောနယ်စပ်ဒေသမှာ ကုန်သွယ်ရီးဒိုင်မှူးတိက လုပ်စားပနာ လုပ်နိန်ကတ်စွာတိ အများကြီးတွိဖူးခပါရေ၀ါ။ 

             ယင်းပိုင်စာရင်းလိမ်စွာနာင့် မတင်ပြကတ်ဘဲ ရခိုင်ပြည်အတွင်းမှာ လယ်ယာမြီ ဧကတိ ဇါလောက် ဟိန့် လေ ၊ လူဦးရေ ဇါလောက် ဟ်ိန့် လေ၊ မျိုးစပါး ဇါလောက် ဟိန့် နိန်ကတ်လေ၊ အလှပလှ လုပ်နိုင်ရေ လယ်ယာမြီ ဇါလောက် ဟိန့် နိန်လေ ၊ လုပ်နိုင်ရေ လယ်ယာမြီ တိမှာ မြီသြဇါကို ဇါလောက်အထိ ကျွေးနိုင်လေ ၊ အလုပ်သမားတိနာင့် လယ်ထွန်းစက်တိဇါလောက် အတိုင်းအတာနာင့် အသုံးပြုနိုင်လေ ၊ လယ်ထွန်ဖို့  ခိုင်းနွား ဇါလောက် အသုံးပြုနိုင်လေ ၊ လယ်ယာမြီထဲ ရီးသွင်းစနစ်ကို ဇါလောက် အတိုင်းအတာနာင့် လုပ်ပီးနိုင်လေ ၊ စုပေါင်းလယ်ယာ ထွန်ယက် အသုံးပြုနည်းကို ဇါပိုင် အသုံးပြုနိုင်လေ၊ မိုးရီချိန်လက်မ -၂၀၀- ကျော်ရွာသွန်းရေ နိန်ရာမှာ ရီကို ထမ်းသိမ်းထားဖို့  ရီတွင်းရီကန် တူးဖေါ်ဖို့ စွာ ဇါလောက်ထားနိုင်လေ၊ ပုဇွန်မွီးမြူရီးအတွက် လယ်ယာမြီတိကို ရီခန်းအောင် ချောင်းမြစ်တိကို မပ်ိတ်ဆို့ ရအောင် ထိမ်းသိမ်းကာကွယ်ဖို့  စွာနှင့် နိုင်ငံခြားက မျိုးကောင်းမျိုးသန့် စပါးတိကို စိုက်ပျိုးချိန်အတွင်း ရောက်ရှိနိုင်စီဖို့  နို်င်ငံတကာနာင့် ပူးပေါင်းဆောင်ရွက်ဖို့  စွာတိ ၊ နိုင်ငံခြားတိကို သုတေသန လိလာဖို့  လားစွာတိ လုပ်ကတ်ရဖို့  လိုအပ်ပါရေ ဒေ။

      

ယေမှရာ ရခိုင်ပြည်မှာ မြီဆီခန်းနိန်ရေ လယ်ယာမြီက ရခိုင်လူမျိုးတိကို ခြိမ်းခြောက်နိန်စွာပြသနာတိကို အံတုလို့ ရပါဖို့ စွာပါရာ။ မဟုတ်ကေ ရွှီကျောင်းပြောင်ပြောင် ၀မ်းခေါင်ခေါင် ဖြစ်နိန်ရေ ရခိုင်လူမျိုးတိမှာ လယ်ဟိန့် ယင့်သားနာင့် မြီဟိန့် ယင့်သားနာင့် ထမင်းငတ်တေ ဘ၀မျိုးကို ရောက်နိန်ရစွာမျိုး ဖြစ်နိန်ရပါဖို့ ကားချင့်။

.ခိုင်အောင်ကျော်(နယူးယောက်)

လေးဝတီကို လာပါလတ်

လေးဝတီကို လာပါလတ်

အို အသျှင်....

ဟိုအယင်က စိန်စီရစ်လွှမ်း သျှင့်ထီးနန်းစွာ

ကြီးကျယ်ခမ်းနား ဟိကေလည်း ဆန်ရီစပါး သစ်သီးငါးနာန့် 

ရွှီမြသန္တာ ပေါကေလည်း ရက်ကန်းဗိုင်းငင် လှေလောင်းဆင်

ပန်ဂျီပန်းပု ကျောက်ဆစ်ထု အလှူဒါန ဟိကေလည်း

မျိုးစောင့်တရား လက်ကိုင်ထားလျှက် စာပီပိဋကတ် ပရိယတ်နာန့် 

ရတုရကန် သာခြင်းသံ အဲအိုင်လင်္ကာ ထင်ရှားပါလည်း 

ကိုယ့်မင်းကိုယ့်ချင်း ပြိုင်စံကင်းလျှက် ရက္ခိုင်နာမ တွင်ကေလည်း

မသမာညစ် ဗမာမိုက်ရို့  စရိုက်လက္ခဏာ ဖေါက်ပြန်ဗျာလ် 

ထီးကျိုးစည်ပေါက် နန်းဘာပျောက်အောင်

နိုင်ထက်စီးနင်း ပြုလုပ်ခြင်းကြောင့်

တိုင်းပျောက်ပြည်ပျောက် လူမျိုးပျောက်လို့  

ကျန်လိုက်အမွီ ရှိဟောင်းပစ္စည်း ဌါပနာထဲက

ပေါ်ထွန်းထွက်လာ ရွှီရုပ်လွှာကို

ခိုးယူတစ်မျိုး ဗြောင်လည်းတစ်ဖုံ ယူနိန်ကတ်ပါဗျာလ် 

အို အသျှင် နပျိုးသီး ကျာကျာ မှည့်ပါဗျာလ် အသျှင်လာလတ် 

အဖရိပ်အို လေးဝတီကို လာပါလတ် ။

စိုးလင်းထွန်း (ရခိုင်အောင်မြီ) .

ဦးခိုင်အောင်ကျော် မှ လောကမဉ္ဇူဘုရား နန်ပတ်သတ်ဗျာလ် ပြောဗျာလ်

..

Malaysia to offer illegals amnesty to work(မလေးရှား မှာ တရားမ၀င် နိန်ထိုင်သူတိ တရားဝင်အလုပ်လုပ်ခွင့်ရဖို့  အလားအလာဟိန်)

KUALA LUMPUR - MALAYSIA is to offer amnesty to some of its two million illegal immigrants in a plan to ease labour shortages in the plantation and service industries, a senior minister said on Monday.. '(It's) not legalising them to be citizens but legalising them to stay (and work in Malaysia) legally,' Hishammuddin Hussein, who is responsible for internal security, told reporters. With one of Asia's largest populations of foreign labourers, Malaysia relies heavily on immigrants, especially from neighbouring Southeast Asian countries, to clean homes, care for children and work in construction, plantations and factories. Many of the illegals are poorly paid Indonesians who work long hours in menial jobs shunned by locals. Mr Hishammuddin said the scheme to legalise the workers would allow them to gain employment and not be exploited by human traffickers. The minister did not specify who among Malaysia's illegal immigrant population would be offered the chance to stay, nor were the terms under which they would be granted asylum immediately clear. -- AFP Email This မလေးရှားနိုင်ငံမှာ တရားမ၀င်မလုပ်သမားတိကို အလုပ်ခွင့်ပါမစ် ထုတ်ပီးဖို့  ဗျန်ဖြစ်လို့  အဖမ်းအဆီး မလုပ်ဗျန် ဆိုရေ သတင်း တနင်းလာနိန့် က မလေးရှားနိုင်ငံ အဆင်မြင့်ဝန်ကြီးက -AFP- သတင်းဌါနကို ထုတ်ဖေါ်ပြောလိုက်စွာမှာ မလေးရှားနိုင်ငံမှာ တရားမ၀င်အလုပ်သမားတိ -၂-သန်းကျော် ဟိန့် နိန်ပါရေ ။ ယင်းအလုပ်သမားတိကို အလုပ်ရုံ စက်ရုံတိမှာ တရားဝင်အလုပ်ခွင့် ပီးဖို့ ဗျန်ဖြစ်တေလို့  ပြောလိုက်စွာဖြစ်ပါရေ ။ ယေကေလဲ ယင်းလူတိမှာ မလေးရှားနိုင်ငံသားအဖြစ် အသိအမှတ် စွာမျိုး မဟုတ် ဆိုကေလဲ မလေးရှားနိုင်ငံမှာ အလုပ်လုပ်ခွင့်ကတော့ တရားဝင်အလုပ်သမားအဖြစ်ပိုင် နိန်ထိုင်ခွင့်တိ ရလားစွာဖြစ်ပါဖို့ ရာလို့ ပြည်တွင်းဝန်ကြီး -မစ္စတာ ဟီစိန်ချန်မူဒင် ဟူစိန်- က သတင်းထောက်တိကို ထုတ်ဖေါ်ပြောလားစွာဖြစ်ပါရေ ဒေ။ မလေးရှားနိုင်ငံဆိုစွာ နိုင်ငံခြားသားအလုပ်သမားတိ အများကြီး လုပ်နိန်ကတ်စွာထဲမှာ အာရှနိုင်ငံသားတိကရာ အများကြီး ဖြစ်ဗြီးကေ ယင်းအလုပ်သမားတိမှာ တောင်အာရှနိုင်ငံက အထူးသဖြင့် ဖြစ်ကတ်ပါရေ ။ ယင်းသူရို့ က သန့် ရှင်းရီးးလုပ်ငန်းတိ၊ အချေထိန်းအလုပ်တိနာင့် ဆောက်လုပ်ရီးလုပ်ငန်းတိ ။ ယေဗြီးကေ စိုက်ခင်းတိ၊ စက်ရုံတိမှာ အလုပ်လုပ်ကတ်စွာ ဟိန့် ပါရေ ။ တရားမ၀င်အလုပ်သမားထဲမှာ အနိမ့်ဆုံးလစာတိနာင့် အင်ဒိုးနီးရှား အလုပ်သမားတိက လုပ်နိန်ကတ်ဗြီးကေ ဒေသတိအထဲ အမိန့် ပီးလို့  လုပ်နိန်ရရေ အစေခံအလုပ်တိကလဲ အချိန်အများကြီး လုပ်နိန်ရစွာတိ ဟိန့် ပါရေ ။ အတွိအကြုံ ဟိန့့် ဗြီးသားအလုပ်ရှင်တိက သူရို့ တိကို တရားဝင်လုပ်သမားအဖြစ် ခွင်ပြုလိုက်စွာပိုင် အစီအစဉ်တကျ နာင့် လုပ်လားကေ လူပွဲစားတိကလဲ သွီးစုပ်ချယ်လှယ်လို့ မ ရပါဗျန်ကားယေ။ ယေကေလဲ မလေးရှားနိုင်ငံအတွင်း နိန်ထိုင်န်ိန်ကတ်တေ အလုပ်သမားထဲက တရားမ၀င် အလုပ်သမားတိကို ဇါလောက်အထိ လုပ်ပီးဖို့  အလားအလာ ဆိုစွာကို အတိအကျ မသိရရေပိုင် ဇါအခ်ျိန်ခါ ခွင့်ပြုချက်တိနာင့် လုပ်ဖို့ စွာကိုလဲ မသိရသိလို့  ပြောခပါရေလို့  AFP - သတင်းဌါနက ထုတ်ပြန်ပီးလိုက်စွာဖြစ်ပါရေ ။ - Show quoted text -

မြောက်ဥူးမြို့မှ တူးဖေါ်ရဟိန်ရေ လောကမဉ္ဇူဘုရားပုံတော်

.Type the rest of your post here.