ရခိုင်ပြည်လွတ်မြောက်ရေး လှုပ်ရှားမှု ကော်မီတီ ဥက္ကဌ ဦးဖိုးလှနန့် အင်တာဗျူး

ဒီဇင်ဘာ ၂၈။ ။လွန်ခရေ ဒီဇင်ဘာ ၂၆ ရက်နိန့်က ဘဂ်လာဒေခ်ျ့ နိုင်ငံ
ကောဆ်ဘာဇာ ခေါ် ဖလောင်းချိတ် မြို့ မှာ ရခိုင်တိုင်းချစ်ပြည်ချစ်
မျိုးချစ်များ စုပေါင်းဗြီးကေ ” Arakan Freedom Movement
Committee – AFMC ''ရခိုင်ပြည်လွတ်မြောက်ရေး လှုပ်ရှားမှု
ကော်မီတီ”တရပ်ကို အောက်ဖေါ်ပြဘာ လူတိနန်
့ဖွဲ့စည်းထားကတ်ကြောင်းသတင်းရရှိဘာရေ။
ရခိုင်ပြည်ကိုလိုနီစနစ်ဖျက်သိမ်းရေး
အလုပ်အမှုဆောင်တာဝန်ရွီးချယ်ရန်တက်ရောက်လာသူများအထဲမှ ၉၅ ရာခိုင်နှုန်းသောအများဆန္ဒမဲဖြင့်အောက်ပါပုဂ္ဂိုလ်များကိုအောက်ပါအတိုင်းရွီးချယ်ခဂတ်ပါသည်။
၁။ သဘာပတိအဖွဲ့ 
(၁) ဦး စန္ဒာဝရ
(၂) ဦး ခိုင်အာဏာနီ

၂။ ဥက္ကဌ
ဦး ဖိုးလှ
၃။ အတွင်းရေးမှူးအဖွဲ့ 
(၁) ဦးထွန်းလှိုင် - အတွင်းရေးမှူး ---------- ၁
(၂) ဦး ရက္ခ၀ံသ - အတွင်းရေးမှူး ----------- ၂
၎။ ဘဏ္ဍာရေးမှုး
ဦး စန္ဒာဝရ
၅။ စည်းရုံးရေးနှင့်ပြန်ကြားရေး
(၁) ဦးရက္ခ၀ံသ
(၂) မစောမြတ်မွန်
၆။ EC အဖွဲ့ ဝင်များ
(၁) မသန္ဒာ
(၂) ဒေါ်စိန်ယိုင်ဖြူ
(၃) ဦး စိုးသိုက်
(၄) ဦး သာသာမောင်
(၅) ဦး ကျော်ခိုင်
(၆) ဦး မောင်အေးချမ်း
(၇) ဦး ခိုင်ပန်းအောင်
(၈) ဦး ခိုင်ကျော်ခိုင် ရို့ ဖြစ်ကတ်ဘာရေ။
ဒေပိုင် ဖွဲ့ စီးထားရေ ကော်မီတီက ထိပ်တန်းတာဝန်ခံ ဥက္ကဌ ဦးဖိုးလှ ကို
လေးဝတီသတင်းဌါန ဘဂ်လာေးခ်ျ့ တာဝန်ခံ ခိုင်ဥက္ကာပျံ(ရခိုင်ရိုးမ) က
ဆက်သွယ်မီးမြန်းထားစွာမှာ
ခိုင်ဥက္ကာပျံ။ ။ မဂ်လာဘာ ရှိခိုးဘာယင့် ဆရာ
ဥက္ကဌ ဦးဖိုးလှ။ ။ မဂ်လာဘာ
မိန်း။ ။လူကြီးမင်းရို့ အနိန်နန့် ဇာကြောင့်  ဒေပိုင် ကိုလိုနီစနစ်ဖျက်သိမ်းရေးအတွက် ဆန္ဒထုတ်ဖေါ်ရစော်ဘာလေး။
ဖြေ။ ။ရခိုင်လူမျိုးဆိုစွာ နှစ်ပေါင်း ၅ ထောင်ကျော် မာရယု မင်းမှသည် မဟာသမတရာဇာ မင်းအထိ ဘုရင်မင်းမြတ်ပေါင်း ၂၅၀ ကျော်ဖြင့် ဓည၀တီ၊ ဝေသာလီ၊ လေးမြို့  ၊ မြောက်ဦး ခေတ်ကြီး ၄ ခေတ်နန့်ကမ္ဘာ့ အလယ်မှာ ထယ်ဝါကြီးကျယ်ခရေ တိုင်းပြည်တစ်ပြည် လူမျိုးတစ်မျိုးဖြစ်ပါရေ။ ဒေကြီးကျယ်ခရေ ရခိုင့် ဘုရင့် နိုင်ငံတော်ရေ မကြေငြါသောနယ်ချဲ့ ဗမာ ဘုရင်မောင်ဝိုင်း၏ ကျူးကျော် စစ်ကြောင့် ၁၇၈၄ ခု ဒီဇင်ဘာလ ၃၁ ရက်နိန့်မာ ထီးကျိုးစည်ပေါက် ဖြစ်ပြီးကေ ဗမာ ကျူးကျော်သူ နယ်ချဲ့ လက်အောက်ကို ကျရောက်ခရပါရေ။
ရခိုင့် ကိုလိုနီ ကျွန်ဘ၀ကို အကျဉ်းရုံး ဖော်ပြရပါကေ-
(၁) ပထမ ဗမာနယ်ချဲ့ပါးမာ ၁၇၈၄ က ၁၈၂၆ ထိ -----------၄၂နှစ်
(၂) ဒုတိယ အင်္ဂလိပ် နယ်ချဲ့ ပါးမာ ၁၈၂၆ က ၁၉၄၂ ထိ ………-၁၁၆ နှစ်
(၃) တတိယ ဖက်ဆစ် ဂျပန်ပါးမာ ၁၉၄၂ က ၁၉၄၅ ထိ …-------….၃ နှစ်
(၄) စတုတ္ထ အင်္ဂလိပ် ဘားမာ တဖန် ၁၉၄၅ က ၁၉၄၈ ထိ ……----.၃ နှစ်
(၅) ပဉ္စမ ဗမာ နယ်ချဲ့ဘားမာ တဖန် ၁၉၄၈ က ၂၀၁၁ ဒေနိန့်ထိ ၆၃ နှစ်
အားလုံး စုစုပေါင်း
-----------------၂၂၇ နှစ်ကြာပါဗျာ။
ဗမာ နယ်ချဲ့ဘားမာ အယင်က .။------------၄၂နှစ်
နှောက် ဒေနိန့်ထိ---------------------------- ၆၃ နှစ် အားလုံးပေါင်း
၁၀၅ နှစ်ရှိပါလီဗျာလ်။
နယ်ချဲ့ဟူသမျသည် သူရို့၏ အကျင့်စရိုက်နှင့် အညီ -
(က) နိုင်ငံရေးအရ ----------------------------------နယ်ချဲ့ခြင်း (ခ) စီးပွာရေး အရ ---------------------------------လက်ဝါးကြီးအုတ် ဂုတ်သွီးစုတ်ခြင်း
(ဂ) ယိုင်ကျေးမှုအရ --------------------------------မြီလှန်ဖျက်ဆီးခြင်း
( ဃ) လူမျိုးရေးအရ
-------------------------------သွီးနှောဝါးမျိုခြင်းနှင့် ရခိုင်ပြည်၏ မြီတွင်းမြီပေါ်၊ရီအောက်၊ တန်ဖိုးမဖြတ်နှိုင်ရေ သဘ၀ ဓာတ်ငွေ့  အပါအ၀င် နှောက်ဆုံး လူခွန်ကိုပါ ကောက်ယူဂုတ်သွီးစုတ်နိန်ကတ်ခြင်းကြောင့်  ရခိုင်ပြည်သူရို့၏ ဘ၀ကား ဆင်းရေးတွင်းနက်သထက်နက်ပြီးကေ ကိုလိုနီ နယ်ချဲရို့ ၏ ဆိုကျိုးဟူသမျှကို ခါးစည်းခံနိန်ကတ်ရစွာပါ ။ ယင်းကြောင့် ကိုလိုနီကျွန်ဘ၀က လွတ်မြောက်ဖို့ အကြမ်းမဖက်တေ တိုက်ပွဲသဏ္ဍာန်ကို ဖော်ထုပ်ရစွာ ဖြစ်ပါရေ။
မိန်း။ ။ ဒေပိုင်ဆန္ဒ ထုတ်ဖေါ်စော်ကို ပြည်တွင်းပြည်ပ-ရခိုင်လူမျိုးတိက လက်ခံကတ်ဖို့  ထင်ဘာယင့်လား
ဖြေ။ ကျူးကျော်သူနယ်ချဲ့ရို့အဓမ္မသိမ်းပိုက်ထားရေမိမိရို့အဖိုးအဖီးပိုင်ရေ မြီကို ပြန်လည်ရယူဖို့။ဆုံးရှုံးနိန်ရေ အချပ်အချာအာဏာ ၃ ရပ် (ဥပဒေ ပြုစုခွင့်၊ တရားစီရင်ခွင့်၊ အုပ်ချုပ်ခွင့်)ကိုပြန်လည်ရယူဖို့ ကြိုးစားရေ ရုန်းကန်မှုကို ရခိုင်သားအများစုက ခိုင်မာစွာ ထောက်ခံရေလို့ ယုံကြည်ပါရေ။ အကြောင်းက ၁၉၉၀ ကမ္ဘာသိ ရွီးကောက်ပွဲမာ ရခိုင် ဒီမိုကရေစီ အဖွဲ့  Arakan League For Democracy –ALD ရခိုင်ပြည်မာ အနိုင်ရစွာ၊ ၂၀၁၀ ရွီးကောက်ပွဲမာ ရခိုင့်တိုင်းရင်းသားများ တိုးတက်ရေး ပါတီ Rakhine Nationalities Development Party- RNDP အနိုင်ရစွာရေ ရခိုင်သားတိ သူရို့ဖော်ပြနိုင်ရေ ဘောင်အထဲက ရခိုင်ပြည် လွတ်လတ်ရေး တောင်းစွာလို့ ကျနော်ရို့ ခိုင်ခိုင်မာမာ နားလည်ထားပါရေ။
မိန်း။ ။ဒုတိယပင်လုံညီလာခံ လုပ်ဖို့  စော်ကို ဇါပိုင်မြင်ဘာရေလေး-
အဖြေ၊။ ။အတိုချုပ်ပြောရကေ ပင်လုံညီလာခံဆိုစွာ ဗမာတိက ဗမာပြည်ဆိုရေ တိုင်းပြည်လွတ်လတ်ရေး ရဖို့အတွက် ဗမာမဟုတ်တေ အခြားလူမျိုး( ရှမ်း၊ ချင်း၊ ကချင်၊ကရင်၊ ကယား၊ မွန်၊ ရခိုင်) တိကိုလှဲ့ စားစည်းရုံးခရေ၊အသုံးချခရေ နည်းဗျူဟာ တရပ်ရာ ဖြစ်တေ၊ လက်တွိ အကောင်အထည်ဖော်ဖို့မဟုတ်ပါ မည်သည့်အချိန်အခါကလဲ အကောင်အထည်မဖော်ခ နောင်ကိုလဲ ဖော်လီဖို့မဟုတ်ပါ။ ယင်းကြောင့်  ဒုတိယ ပင်လုံညီလာခံဆိုစွာလည်း ဒေပုတ်ထဲက ဒေပဲလို့ရာ မြင်ပါရေ။
မိန်း။ ။ရခိုင်လက်နက်ကိုင်အဖွဲ့ တိက လွတ်လွပ်ရီးအတွက် အမှန်လုပ်ဖို့  လိုကတ်ပါယင့်လား
ဖြေ။ ။၁၇၈၄ ဗမာနယ်ချဲ့ဘားမာ ကျရောက်တေလောက်ကပင် ဒေနိန့်ထိ တဗိုလ်ကျတဗိုလ်တက်စနစ်နန့် ရခိုင်ပြည်ကို ပြန်လည်ထူထောင်နှိုင်ဖို့ကြိုးစားကတ်တေရခိုင့်သူရဲကောင်းတိ၏ဘ၀အသက်တိကားမရွီမ တွက် နှိုင်အောင်ပီးဆပ်လီကတ်ပါဗျာလ်၊ သို့သော် ဒေနိန့်ထိ မြင့်တခါနိမ့်တလှည့်နန့် ရခိုင့်သူရဲကောင်းရို့၏ ဓါးကို ဓါးချင်း လှံကို လှံချင်းတော်လှန်လာရေ တိုက်ပွဲရေ ၂၂၇ နှစ်ကြာလာသည့်တိုင်အောင် လုံးဝအဆက်မပြတ် သိမ့်ပါ၊ မလွတ်လပ်မချင်းလည်း တိုက်ပွဲကားအဆက်ပြတ်လီဖို့မဟုတ်ပါ။ ဒေအချက်ရေ လက်နက်ကိုင်မပါဘဲ ရခိုင်ပြည်လွတ်လပ်ရေး မရနှိုင်ဆိုစွာကို ရခိုင်သားတိသက်သီပြနိန်ကတ်ခြင်းဖြစ်ပါရေ။ “အသက်ကိုလှီးသွီးချောင်းစီးမှ အပြီးကြံ့ ခိုင်၊ နိုင်ငံတိုင်းမြို့ ၊အစုို့ စို့ ကို၊ ရလီဖူးခ၊ ဤလောကသည်၊ အောက်ကျမခံချင်သောကြောင့်” လို့ ဂေါင်းဆောင်ကြီးရို့ အခိုင်အမာ မိန့်ဆိုထားခရေမဟုတ်ပါလား။
မိန်း။ ။ အခုအချိန်မှာ တိုင်းရင်းသား လက်နက်ကိုင် အဖွဲ့တိက ဗမာ(စစ်)အစိုးရနန့် ငြိမ်းချမ်းရီးဆွီးနွီးနီကေ ရခိုင်လက်နက်ကိုင်(ပါတီ) အဖွဲ့ တိက ဆွီးနွီးဖို့  လိုအပ်တေလို့ ယူဆဘာယင့်လား
ဖြေ။ ။တိုင်ရင်းသားလက်နက်ကိုင်အဖွဲ့ တိ ဗမာစစ်အစိုးရဆိုစွာနန့်ငြီးချမ်းရေးဆွေးနွေးနိန်ကတ်တေ ဆိုစွာရေနည်းဗျူဟာအရအင်အားအနည်းအများပေါ်မူတည်လို့ နိုင်ငံရေးကဇတ်ဝိုင်းတ်ိရာဖြစ်ပါရေ ရခိုင့်လက်နက်ကိုင်အင်အားစုတိ ငြီးချမ်းရေးဆွေးနွေးပွဲလုပ်ဖို့မလုပ်ဖို့ ကားသူရို့အလုပ်ပါ။ ကျနော်ရို့အလုပ်မဟုတ်ပါ။ သို့သော် ကျနော်ရို့အမြင်ကိုပြောရဖို့ဆိုကေ ရခိုင့်လက်နက်ကိုင်အင်အားတိ ယင်းပိုင်လုပ်လီဖို့မဟုတ် လို့မြင်ပါရေ။ မိန်း။ ။နာက်ဆုံး ရခိုင်ပြည်သူတိကို ဇာပြောရှင်ဘာရေလည်း
ဖြေ။ ။ဒေအခွင့်အရေးကိုပီးရေအတွက်ကောင်းကောင်းကျေးဇူးတင်ပါရေ နှောက်ဆုံးအနိန်နန့် ရခိုင်ပြည်သူတိကို ပြောချင်စွာက ရခုိုင်သားကျွန်ဖြစ်စွာ (၂၂၇) နှစ်ဖြစ်ပါဗျာလ် ကျွန်ဆိုစွာ ကိုယ့်ကြမ္မာကိုကိုယ်မဖန်တီးနှိုင်ရေလူကိုပြောစွာပါ၊ ကျနော်ရို့ရခိုင်သားတိ ကိုယ့်ကြမ္မာကိုကိုယ်ဖန်တီးပိုင်ခွင့်အားလုံးကို နယ်ချဲ့ဗမာတိအဓမ္မသိမ်းယူထားစွာ (၁၀၅) နှစ်ဖြစ်လီပါ ဗျာလ် ဒေကျွန်ဘ၀ကလွတ်မြောက်ပြီးကေ ဖေါ်ပြခရေ အချုပ်အချာအာဏာ (၃) ရပ်ကို ပြန်လည်ရ ယူလို့ ကိုရို့ရခိုင်သားကံကြမ္မာကို ကိုယ်ရို့ကိုယ်တိုင်ဖန်တီးဖို့လက်နက်မကိုင်ရေဒေလှုပ်ရှားမှု...............
“ရခိုင်ပြည်လွတ်လပ်ရေး ငရို့အရေး---- ငရို့အရေး ”
“ရခိုင်ပြည်လွတ်လပ်ရေး ငရို့အရေး ---- ငရို့အရေး”
ဆိုရေ ကြွီးကြော်သံနန့် နိုင်ငံတကာအလိုက် တိုက်ပွဲဝင်လားကတ်ဖို့ကျနော်ရို့ “ရခိုင်ပြည်လွတ်မြောက်ရေး လှုပ်ရှားမှု ကော်မတီ” Arakan Freedom Movement Committee – AFMC တိက စိုင်းပြင်းနိန်ကတ်ပါရေ၊ ဒေတိုက်ပွဲမာအထူးသဖြင့်နိုင်ငံတကာရောက် ရခိုင်သားတိအနိန်နန့် ရောက်တေနိန်ရာက ကျရေတာဝန်ကို တပိုင်တနိုင်ပါဝင်ကတ်ပါလို့ အထူးလည်း စားစွာနန့်တိုက်တွန်းလိုက်ပါရေ။ ကျနော်ရို့၏ဥပဒေဘောင်အတွင်းက လက်နက်မကိုင်ရေ ရခိုင်ပြည်လွတ်မြောက်ရေးတိုက်ပွဲရေ လက်နက်ကိုင်တော်လှန်ရေးနန့်ဖွေးသာတခတ်မာ ဂေါင်းနန့် ပန်းပိုင် ခွဲခြားလို့မရပါ တသားတည်းရာ ဖြစ်ပါရေ။ ယင်းကြောင့် ကမ္ဘာ့လူသားတိအလည်မာ ရခိုင်လူမျိုးရေလွတ်လပ်တေလူမျိုးတမျိုးအဖြစ်ဂုဏ် သရေရှိရှိပြန်လည်ရပ်တည်နိုင်ဖို့အားလုံးပူးပေါင်းပါဝင်ကတ်ပါလို့လေးစားစွာတိုက်တွန်းလိုက်ပါရေ။ ။ ခိုင်ဥက္ကာပျံ။ ။ဒေပိုင်မအားလပ်တေကြားထဲက ဖြေကြားပီးရေအတွက် ဆရာနန့်အတူ အားလုံးကို လေးဝတီဝိုင်းတော်သားတိကိုယ်စား အထူးကျေးဇူးတင်ရှိပါရေ။ ယင်းကော်မီတီအဖွဲ့ ကို အမြဲတမ်းဘဂ်လားဒေခ်ျနိုင်ငံမှာ ဆက်လို့ တာဝန်တိထမ်းဆောင်လားကတ်ဖို့  ဖြစ်ဗြီးကေ လာဖို့ ဒီဇင်ဘာ (၃၁)ရက်နိန်မှာ ဆန္ဒပြချီတက်ဖို့ လို့ လည်း သတင်းရရှိဘာရေ။
ခိုင်ဥက္ကာပျံ (ဘဂ်လာဒေခ်ျ့ )
အေပို့စ်ရေ လေးဝတီ က မီးမြန်အင်တာဗျူခြင်းသာဖြိုက်ပါရေ။ လေးဝတီ အာပေါ်လုံးဝမဟုတ်ပါ။

ကိုလိုနီ(ကျွန်)အဖြိုက်ကရုန်းထွက်ကြည့်ခြင်း

ဟေမာန်ဆောင်းသရုပ်
ဝိုးဝါးမှောင်မိတ်………..
အတိတ်ပဂျီ…………….
ငါငိုရေည……………….
သွီးပျက်ည …………….
ဖက်ဆစ်ည…………….
ရာဇဝင်တွင်ရေည…….
ဖပြီရက္ခပျက်တေည….
သောက်ရှူးကြယ်ပြောင်
သက်သီဆောင်ထား…..
မမိငါမှိုင်………………….
ငိုင်နိန်ရေမထင်ဂေ့……..
၃၁ ဒီဇင်ဘာ…………….
ကျွန်ဖြစ်သမိုင်းရုပ်ကြွင်း.
သွီးကြွီးဆပ်ဖို့ …………..
နှောင်းလူရခိုင်ရို့ ………..
မိပင်အောက်က……….ရို့ 
ဗမာလောင်းရိပ်မိနီရေ..ရို့ 
လာလက်ချင်းဆက်……..
သက်ပီးရင်းဗျာယ်……….
ရခိုင်မှန်ကေ အယာမခံ…
ထတော်လှန်မေ…………
နောက်ကျခြီထောက်……
သစ္စာဖေါက်……………….
စောလင်းထွန်း(လေးဝတီ)

ကျောက်ဖြူမြို့ အစိုးရစီမံကိန်း အလုပ်သမားများ မကျေနပ်ကေလည်း ဂိတ်ပေါက်စောင့် ရဲတိ အလုပ်ဖြစ်နိန်

24 ဒီဇင်ဘာ 2011 ကျောက်ဖြူမြို့ အစိုးရစီမံကိန်း အလုပ်သမားများ မကျေနပ်ကေလည်း ဂိတ်ပေါက်စောင့် ရဲတိ အလုပ်ဖြစ်နီ ကျောက်ဖြူမြို့ နယ်များမှာ စစ်အစိုးရ က စီမံကိန်းများတည်ဆောက်ပြုလုပ်နိန်ရာ ဂိတ်ပေါက်စောင့်အဖြစ် တာဝန်ထမ်းဆောင်မှု လုပ်နိန်ရေ မြန်မာနိုင်ငံ ရဲတပ်ဖွဲဝင်များလစာမှာ မြန်မာငွေ တစ်သိန်းကျပ်စီ ရရှိနိန်ကြောင်း သတင်းရရှိဘာရေ။ အယင်က စစ်တပ်မှ ဂိတ်ပေါက်စောင့်တာဝန်းများ လုပ်ခကေလည်း စစ်တပ်က ရဲဖေါ်တိမှာ ရှိတန်းထွက်ချိန် ယင်းတာဝန်များကို ရဲလက်သို့လွဲအပ်ပီးခရေအတွက် ရဲတပ်ဖွဲဝင်များ ငွေရပေါက်တိုးနိန်ကြောင်း တခြားရဲတပ်ဖွဲ့ ဝင်များလည်း ဂိတ်ပေါက်စောင့်  နိန်ရာကိုရဖို့ အတွက် ဆိုင်ရာ ရဲအရာရှိကြီးတိဘားမှာ လာဒ်ထိုးနိန်ကြောင်း မျက်နှာကြီးရာဟင်းဖတ်ပါဆိုရေပိုင် ဂိတ်ပေါက်မစောင့် ရဖြစ်နိန်ရေ ရဲအသိုင်းအဝန်းက တဆင့် သိရဘာရေ။
ဒေဖက်က ရဲအမှုထမ်းတိ အဆင်ပြေနိန်ရေပိုင် အလုပ်သမားတိမှာ စီမံကိန်းအတွင်း ၀င်ရန် စစ်ဆေးမှုများ ထူထပ်လာကြောင်း အမည်မဖေါ်လိုရေ ဝန်ထမ်းတဦးက''အဝင်ဘာ အထွက်ဘာ တခုမကျံ စစ်ဆီး မိန်းမြန်း တခုမကျံ ဟိုလှန်ဒေရှာ လုပ်ပါရေ''လို့ လေးဝတီကိုပြောဘာရေ။ပိုဆိုးစွာက စီမံကိန်း ၀န်ထမ်းအသစ်တိမှာ ရက်ပြတ် စစ်ဆီးမှုခံနိန်ရကြောင်း လုပ်ကိုင်သူ တချို့  စိတ်ထိခိုက်မှုတိ ဖြစ်နိန်ကြောင်း သူက ဆက်လို့ ပြောဘာရေ။ လုပ်ငန်းခွင်ထဲမှာ လက်နက်ကိုင် မည်သည့် အဖွဲ့အစည်း မဆို မသင့်တော်လို့  လုပ်ငန်းခွင်က အလုပ်သမားတိ တိုးတိုးပြောဆိုနိန်ကတ်ပါရေ။ နိုင်ငံတော် အစိုးရအနိန်နန့် လုပ်ငန်းခွင် ဖွံ့ ဖြိုးတိုးတက်မှု အတွက် ဦးစားပီး ဆောင်ရွက်မှုတိပြုလုပ်ဖို့ ထက် အရာရာမှာ ကိုယ်ရို့ အာဏာ တည်တန့် ခိုင်မြဲရေး နန့် ငွေရဖို့ အရီးလောက်ရာ ပြုလုပ်နိန်ကြောင်း အပင်ပန်းခံ လုပ်ငန်းခွင် အလုပ်သမားတိ အတွက် အကျိုးခံစားမှု သက်သာချောင်ချိရီး နန့် စိတ်ချမ်းသာမှု မရှိကြောင်း ယင်းအလုပ်သမားတိက မကျေမနပ်ဖြစ်နိန်ကတ်တေလို့  ပြောနိန်ကြောင်း သတင်းရရှိဘာရေ။ ခိုင်ဥက္ကာပျံ (ရခိုင်ရိုးမ)လေးဝတီဝိုင်းတော်သား

ရခိုင်နိုင်ငံတော်ကျဆုံးရေနိ ကုလသမဂ္ဂရုံးရှေ့မှာ ဆန္ဒပြပါဖို့

၂၂၇ နှစ်မြောက် ရခိုင်နိုင်ငံတော်ကျဆုံးခြင်းအထိမ်းအမှတ်နိကို အမေရိကန်နိုင်ငံ၊ နယူးယောက်မြို့ရှိ ကမ္ဘာ့ကုလသမဂရုံးရှေ့မှာ ငြိမ်းချမ်းစွာ ဆန္ဒပြတောင်းဆိုမှုတရပ်ကို ဒီဇာဘာလ ၃၁ ရက်နေ့တွင်ပြုလုပ် လားဖို့ ဖြိုက်ပါရေလို့ သိဟိရပါရေ။ ယင်းဆန္ဒပြပွဲကို အမေရိကန်ရောက် ရခိုင်လူမျိုးတိကပြုလုပ်ဖြိုက်ပြီးကေ၊ ဒီဇင်ဘာ ၃၁ ရက်နိ မိုးသောက်ဖက် ၁၀း ၀၀ ချက်တီက စတင်ပနာ ပြုလုပ်လားဖို့ ဖြိုက်ပါရေ။ ယင်းဆန္ဒပြပွဲကို စီစိုင်ရေထဲက တာဝန်ခံ တယောက်ဖြိုက်တေ ကိုကျော်ဝင်းက“၁၇၈၄-ခုနှစ် ဒီဇင်္ဘာ ၃၁-ရက်နိ ကျနော်ရို့ ရခိုင်နိုင်ငံတော် ကျဆုံးပြီးရေ လောက်ပင် ကိုယ့်သမိုင်း၊ ကိုယ့်စာပေ၊ ကိုယ့်ယဉ်ကျေးမှုတိကို လေ့လာ သင်ယူ ထိန်းသိမ်းပိုင်ခွင့်လည်း မဟိယာ၊ ရခိုင်လူမျိုးတိ မွေးရာပါ လူ့အခွင့်အရေးတိပါ ဆုံးရှုံးနီခရပါရေ။ အဆက်ဆက်အုပ်ချုပ်ခရေ
ဗမာအစိုးရတိကလည်း အင်္ဂလိပ်ကိုလိုနီစနစ်ထက် ဆိုးရွားပြီးကေ ရခိုင်ပြည်သူတိအပေါ် လူ့အခွင့်အရေး အမျိုးမျိုးကို ကျူးလွန်နီပါရေ။ ရခိုင်သမိုင်းအမွေအနှစ်တိကို ဖျက်ဆီးရေ။ ရခိုင်လူမျိုးတိအပေါ် နိုင်ထက်စီးနင်းမှုတိကို ပြောင်ပြောင်တင်းတင်း ကျူးလွန်ရေ။ ယင်းပိုင်အပြုအမှုတိက ရခိုင်တမျိုးသားလုံး ပျောက်ကွယ်လားအောင် ပြုမှု ဆက်ဆံနီစော်ဖြိုက်ပါရေ။ ယင်းပိုင်ဖြိုက်လို့ ကျနော်ရို့ ရခိုင်လူမျိုးတိ ဆုံးရှုံးနီရေ ရပိုင်ခွင့်တိကို ကုလသမဂ္ဂရုံးရှေ့မှာ ဆန္ဒထုတ်ဖေါ် တောင်းဆိုလားကတ်ဖို့ ဖြိုက်ပါရေ။” လို့ပြောပါရေ။ “တိုင်းရင်းသားပေါင်းစုံ စုပေါင်းနီထိုင်ကတ်တေ နိုင်ငံတခုမှာ လူမျိုးကြီးဝါဒကို ကျင့်သုံးရေ လူမျိုးတမျိုးဟိနီကေ ယင်းပိုင်မဟုတ် ယင်းဝါဒကို အားပေးနီရေ နိုင်ငံအုပ်ချုပ်ရေးစနစ်တရပ် ဟိနီကေ ယင်းနိုင်ငံရေ ဇာခါမှ စစ်မှန်ရေ ငြိမ်းချမ်းတရပ်ရေးကို ဖော်ဆောင်နိုင်ဖို့မဟုတ်” လို့ စီစဉ်သူများထဲမှ တာဝန်ခံတဦးဖြိုက်တေ ကိုဘခင်က ပြောပြလားပါရေ။ ၁၉၆၀ ဒီဇင်ဘာ ၁၄ ရက်နိမှာ ကမ္ဘာ့ကုလသမဂ္ဂအဖွဲ့ကြီးက ကိုလိုနီစနစ်ကို ဖျက်သိမ်းလိုက်ယာဖြိုက်ကြောင်းကို ထုတ်ပြန်ခပါရေ။ ယေကေလည်းသို့ တစ်ချို့သော နိုင်ငံတိမှာ အဂုထက်တိုင် ဖုန်းကွယ်ခံ ကိုလိုနီကျွန် စနစ်အောက်မှာ ကျန်ရှိနီကြောင့် ကိုခိုင်ဘခင်က ဆက်လို့ပြောပြပါရေ။

ဦးနုနီရာကို လက်ဟိရုပ်ရှင်သရုပ်ဆောင် ရခိုင်သားတယောက်ဖြိုက်တေ ကိုနေတိုးက သရုပ်ဆောင်ဖို့လတ်

ဗိုလ်ချုပ်အောင်ဆန်အကြောင်းကို ရိုက်ကူးဖို့ ရုပ်ရှင်ကားမှာ ဦးနုအခန်းကဏ္ဍမှာ နေတိုးကို သရုပ်ဆောင်ခိုင်းဖို့လို့ သိရပါရေ။ ဦးနုရေ သူသမ္မတလက်ထက်က ရခိုင်ပြည်နယ်တိကို စည်းရုံးရေးဆင်းလာခပြီးကေ ရခိုင်ပြည်မှာ သောင်းကျန်နီခရေ မူဂျာဟစ်ကုလားတိကို မြန်မာပြည်သားအဖြိုက်သတ်မှတ်ပီးခရေ ပထမဦးဆုံး သမိုင်းတရားခံဖြိုက်ပါရေ။ အေဇာတ်ကားမှာ ယင်းအခန်းကဏ္ဍတိမှာ ရခိုင်သားတယောက်ဖြိုက်တေ ကိုနေတိုးက ဇာပုံစံသရုပ်ဆောင်လားဖို့လည်း ဆိုစော်ကို နေတိုးကို ချိုက်ကတ်တေ ရခိုင် ရုပ်ရှင်ချစ် ပရိတ်သတ်တိ သောလော သောလောဖြိုက်နီကတ်ပါရေလို့ သတင်းရဟိပါရေ။

၂၂၇ နှစ်မြောက် ရခိုင်နိုင်ငံ ကျဆုံးရေနိန့် အတွက် ကြိုတင်

ကမ္ဘာ့အလယ်မှာ နာမည်ကြီးခရေ ကျွှန်တော်ရို့ရခိုင်လူမျိုးတိရေ ကိုယ်ရို့ ယဉ်ကျေးမှု စာပီ အနုပညာ ဗိသုကာတိနန့် သီးခြားလွတ်လပ်တေ တိုင်းပြည်နိုင်ငံထူထောင်လို့ ကိုယ့်တိုင်းပြည် ကိုယ့်လူမျိုးတိနန့် ရခိုင်မင်းအဆက်ဆက် ဘီစီ (၆၀၀၀) လောက်ကပင်စလို့ နှစ်ပေါင်းအများကြီး အုပ်ချုပ်လာခဂတ်တေ သမိုင်းအစိုင်အလာကြီးရေ လူမျိုး ၁ ခု ဖြစ်ပါရေ။ စစ်မှန်ရေ ဗုဒ္ဓဘာသာကိုလေ့ အယင် အထက်ထက်ကပင် ယုံကြည်ကိုးကွယ်လာဂတ်ပြီးကေ ၀ံသာနုရက္ခိတ တရားတိနန့် တိုင်းပြည်မှာ သာယာစည်ပင်ခရေအကြောင်းစော် သမိုင်းမှတ်တမ်းတိ ကျောက်စာတိ ရွှီဒင်္ဂါး ငွေဒင်္ဂါးတိ သမိုင်းရုပ်ကြွင်းတိရေ ထထင်သျှသျှား ဟိ့နိန်ပါရေ။ ယင်းချင့်မှာ ကျွှန်တော်ရို့လွတ်လပ်တေ ရခိုင်နိုင်ငံတော်ရေ သက္ကရာဇ် (၁၇၈၄) ခု ရခိုင်ဘုရင် မဟာသမ္မတရာဇာမင်းလက်ထက်မှာ ဗမာဘုရင် ဘိုးတော်မောင်ဝိုင်းက စစ်မကြေငြာပဲ မတရားသိမ်းပိုက်လိုက်လို့ ရခိုင်နိုင်ငံရေ ဆုံးရှုံးခရပြီးကေ ရခိုင် တမျိုးသားလုံး ကျွှန်ပြုအုပ်ချုပ်ခံခရပါရေ။
သိန်းပေါင်းအများကြီးဟိ့ရေ ရခိုင်ပြည်သူတိသတ်ဖြတ်ခံခရပါရေ။ အရှေ့နေ၀န်းသခင် ဗမာဘုရင်အား သစွာခံပါ၏ လို့ ပီရွက်ကို လိုင်ဖင်းမှာဆွဲထားရေလူတိမှရာ အသက်ဘေးကလွတ်ခဂတ်ပါရေ။ သူ့ကျွှန်မခံချင်ရေ ရခိုင်သားတိကတော့ ရရေလက်နက်တိကို ကိုင်ပြီးကေ တော်လှန်ခဂတ်ပါရေ။ သိန်ပေါင်းအများကြီးဟိ့ရေ ရခိုင်သူ ရခိုင်သားတိ ကိုယ့်နိုင်ငံကို စွန့်ခွါပြီးကေ ရှောင်နိန်ခဂတ်ရပါရေ။ ရခိုင်သူ ရခိုင်သားတိအတွက် အထွတ်တမြတ်ဖြစ်တေ မဟာမုနိဘုရားနန့် မဟာကျန်ဘုရား၊ သမိုင်းအမွီအနှစ် ရတနာပစ္စည်းတိ ရခိုင်ဘုရင်နန့် မိဖုရားအခြွေအရံတိကို ဗမာပြည်တို့ ယူလားခဂတ်ပါရေ။ ရခိုင်ထီးနန်းကို မီးတိုက်ပြီးကေ မြီဖို့ထားခဂတ်ပါရေ။ ဘုန်းကြီးကျောင်းတိကိုလေ့ ရာနန့်ချီလို့ ဖျက်ဆီးခဂတ်ပြီးကေ သိက္ခာသမတာဓိဟိ့ရေ ဘုန်းကြီးတိကို အဓမ္မလူဝတ်လဲခိုင်း အကျင့်ပျက်တေ ဗမာ ရဟန်းတိကို ကျောင်းထိုင်ခိုင်ပြီးကေ သာသနာညိုးနွမ်းအောင် လုပ်ခဂတ်ပါရေ။ ဗမာလက်အောက်ကျရောက်ခရရေ ရခိုင်နိုင်ငံတော်ရေ ကိုယ်ရို့ ရိုးရာဘာသာ သာသနာ စာပီ ယဉ်ကျေးမှုတိအားလုံး ဗမာမှုပြုခံရတောင်မကသိ ရခိုင်သမ အပျိုတိကို မုဒိန်းကျင့် အတင်းအဓမ္မသိမ်ပြီးကေ လူမျိုးရေးသွီးနှောဗျာလ် ရခိုင်လူမျိုးပျောက်ကွယ်အောင် ဗမာနယ်ချဲ့တိလုပ်သမျှကို ခံခရဂတ်ပါရေ။ ရခိုင်ပြည်ရေ ဗမာလက်အောက်မှာ (၄၂) နှစ် ကျခရပြီးကေ ခရစ်နှစ် (၁၈၂၆ က ၁၉၄၂) အထိ အင်္ဂလိပ်လက်အောက်တို့ ၁ ကြိမ်၊ (၁၉၄၂ က ၁၉၄၅) အထိ ဂျပန်လက်အောက်တို့ ၁ ကြိမ်၊ (၁၉၄၅ က ၁၉၄၈) အထိ အင်္ဂလိပ်လက်အောက်ကိုနောက်ထပ် ၁ ကြိမ် ကျရောက်ခပါရေ။ မြန်မာ ၁ နိုင်ငံလုံးကို အင်္ဂလိပ်နယ်ချဲ့နန့် ဖက်ဆစ်ဂျပန်တိ သိမ်းထားရေအချိန်မှာ ရခိုင်သူ ရခိုင်သားတိရေ အတိတ်က လူမျိုးရေးပဋိပက္ခတိကို မိဖျောက်ဗျာလ် ဗမာတိအပါအ၀င် အခြား တိုင်းရင်းသားတိနန့် လက်တွဲပနာ အတူတူ သူ့ကျွှန်ဘ၀က လွတ်မြောက်ဖို့အတွက် တော်လှန်တိုက်ပွဲဝင်ခဂတ်ပါရေ။ ရခိုင်ပြည်မှာ မြန်မာတနိုင်ငံလုံးထက် သုံးလစောလို့ ဖက်ဆစ်ဂျပန်တိကို တော်လှန်ခပါရေ။ ယေကေခါ (၁၉၄၈) အင်္ဂလိပ်တိဘာ့က တနိုင်ငံလုံးလွတ်လပ်ရေး ရယူပြီးရေနောက်ပိုင်းမှာ ရခိုင်ပြည်ရေ ကိုယ့်လူမျိုးကို ကိုယ့်လူမျိုး အုပ်ချုပ်ခွင့် ကိုယ်ပိုင်ပြဋ္ဌာန်းခွင့် တန်းတူအခွင့်အရေးတိမရတောင်မကသိ ဗမာလူမျိုးကြီးဝါဒီတိက ဗိုလ်ကျစိုးမိုးအုပ်ချုပ်စော်တိကို ခံခရဂတ်ပါရေ။ ကိုယ့်ထီးကိုယ့်နန်း နိန်ပါလတ်ကတ်တေ ရခိုင်ပြည်ရေ (၁၉၄၈ က ၁၉၆၂ ) အထိ ဦးနုလက်မှာ ပြည်နယ်တခုရဖို့အရေးကိုတောင် လက်ဝါးဖြန့် တောင်ခရရေအခြေအနေကိုတောင် ရောက်ခရပါသိရေ။ ဖွဲ့စည်းအုပ်ချုပ်ပုံ အခြေခံဥပဒေပဋ္ဌာန်းရေး တန်းတူအခွင့်အရေးရဟိ့ရေအတွက် တိုင်းရင်းသားတိက တောင်းဆိုလာဂတ်တေအခါမှာ ဗမာဗိုလ်ချုပ်နေ၀င်းက စစ်တေပ်အားကိုးနန့် အာဏာသိမ်းလို့ တိုင်းပြည်ကို သနတ်ကျီဆံတိနန့် အနိုင်ကျင့် အုပ်ချုပ်ခပါရေ။ မြန်မာနိုင်ငံကို ဒေနိန့်ထိ ဗိုလ်ကျအုပ်ချုပ်နိန်ဂတ်တေ ဗမာအစိုးရအဆက်ဆက်ရေ ဗမာလူမျိုးကြီးဝါဒကို အသက်သွင်းပြီးကေ ရခိုင်လူမျိုးတိ မျိုးနွယ်စုတိကို ညီညွတ်မှုမရအောင် နည်းမျိုးစုံနန့် သွီးခွဲ၊ ဘာသာရေး၊ လူမျိုးရေ ပြဿနာတိဖြစ်အောင် ဖန်တီး၊ စစ်တပ် တပ်ရင်းတိ အများကြီးချပြီကေ လယ်မြီတိ မတရားသိမ်း၊ ရွာတိကိုမတရား ပြောင်းခိုင်း၊ လုပ်အားပီးတိ မတရားခေါ်၊ ပိုတာခေါ်၊ အကောက်အခွန်တိ မတရားကောက်၊ လူငယ်ချေတိကို စစ်တပ်တို့ အတင်းဝင်ခိုင်း၊ ရခိုင်လူမျိုးပျောက်ကွယ်အောင် ရည်ရွယ်ချက်နန့် ရခိုင်သမတိကို မုဒိန်းကျင့်၊ ရခိုင်သမတိကို အတင်းအဓမ္မယူ၊ ကိုယ်ဝန်တိနန့် ထားပစ်ခ၊ ဗမာမိသားစုတိကို ရခိုင်ပြည်မှာ ပြောင်းပြီးကေ နိန်ရာချပီးဗျာလ် ရွာတည်လို့နိန်ခိုင်စီစော်တိကို လုပ်ခဂတ်ပါရေ။ ယင်းချင့်တောင် မကသိ ရခိုင်ပြည်က ထွက်တေ သယံဇာတတိ စီးပွါးရေး ကူးသန်းရောင်းဝယ်ရေးတိကို လက်ဝါးကြီးအုပ်ဗျာလ် သွီးစုပ်အမြတ်ထုတ်ကတ်ပါသိရေ။ ဒေါ်လာဘီလီယံပေါင်းအများကြီး တန်ဖိုးဟိ့ရေ ရခိုင်သဘာဝဓါတ်ငွေ့ကိုလေ့ တရုတ်ပြည်တို့ရောင်းစားဗျာလ် စီးပွါးရှာလို့ ဟိ့ဂတ်ပါရေ။ ရခိုင်ပြည်သူပြည်သားတိမှာ ဆင်းရဲနိန်ဂတ်ရပါရေ။ ပညာရေးမှာလေ့ စာသင်ကျောင်း အလုံအလောက်မဟိ့စော်ရို့၊ တက္ကသိုလ်နန့် အဆင့်မြင့်ပညာသင်ကြားရေးမှာ ရခိုင်တပြည်လုံးမှာမှ တက္ကသိုလ် ၁ ခု ရာ ထားဟိ့စော်၊ သင်ရိုးစာအုပ်တိကို ဗမာစကားနန့် သင်ကြားစီစော်တိ တက္ကသိုလ်နန့် အဆင့်မြင့်ပညာသင်ကြားစော်မှာ ဗမာလူမျိုးတိထက် ရခိုင်တိအတွက် အခွင့်အလမ်းနည်းပါးစော်တိ ဆီးရုံ ဆီးပီးခန်းတိအလုံအလောက်မဟိ့စော်တိ လမ်းပမ်းဆက်သွယ်ရေးနန့် အဖက်ဖက်က ခိုက်နောက်ကျကျန်ခစော်တိ ရခိုင်မိ ရခိုင်ဖတိက မွီးရေ ရခိုင်လူငယ်တိကို မှတ်ပုံတင်မှာ ဗမာလူမျိုးအဖြစ်ထည့်လာစော်တိ ရခိုင်အနုပညာ စာပီတိကိုလွတ်လွတ်လပ်လပ် ဖေါ်ထုတ်ခွင့်မရစော်တိ ရခိုင်လူငယ်တိ အများကြီး ပညာရေးပြီးဆုံးအောင် သင်ဖို့မရစော်တိ မမာ့တိနိန့် အချေတိပါမကျန် ကိုယ့်မွီးရပ်မြီကနိန်လို့ နိုင်ငံခြားကို ထွက်လာနိန်ရစော်တိကို ကြည့်ပြီးကေ ရခိုင်အနာဂတ်အတွက် ရင်လီးစရာဖြစ်နိန်ပါရေ။ ယင်းအတွက်တာနန့် ၂၀၁၁ ခုနှစ် ဒီဇင်ဘာလ ၃၁ ရက်နိန့်မှာ ကျရောက်ဖို့ (၂၂၇) နှစ်မြောက် ရခိုင်နိုင်ငံ ကျဆုံးရေနိန့်မှာ ကျွှန်တော်ရို့ ရခိုင်သူ ရခိုင်းသားတိအနိန်နန့် ရခိုင်ပြည်ကို ရခိုင်သား အုပ်ချုပ်ရေး ကိုယ့်ကြမ္မာ ကိုယ်ဖန်တီးခွင့်ရဟိ့ရေး ဒီမိုကရေစီနန့် လူ့အခွင့်အရေးအပြည့်အ၀ရဟိ့ရေးအတွက် သမိုင်းပီးအမျိုးသားရေးတာဝန်ကို အတူတူ ထမ်းဆောင်လားဂတ်ဖို့အတွက် ရခိုင်သူရခိုင်သားတိကို Love Arakan အဖွဲ့ဝင်တိကိုယ်စား ကျွှန်တော်က တိုက်တွန်းလိုက်ရပါရေ။
Love Arakan ခိုင်ကျော်ထူး

ရခိုင်တေးရီးဆရာ ဦးထွန်းအောင်သာ သီဆုံး

ရခိုင်လူမျိုးနန့် ရခိုင်ဂုဏ်ကို ဖော်ဆောင်ရေ တေးရီးဆရာ ဦးထွန်းအောင်သာ ရေ အေနိ ၂၃.၁၂.၂၀၁၁ ရက် သောက်ကြာနိမှာ စစ်တွေမြို့ရှိ စစ်တွေဆီးရုံကြီးမှာ လူကြီးရောဂါနန့် ကွယ်လွန်လားပါရေလို့ သတင်းရဟိပါရေ။ သူရေ ရခိုင်ရိုးရာ၊ ရခိုင်ယိုင်ကျေးမှု၊ ရခိုင်နန့် ပတ်သတ်တေ ရိုးရာချေတိကို အဓိက ဖော်ထုတ်တေတေးခြင်းတိကို အဓိက ရီးစပ်ပီခရေ တေးရီဆရာလည်း ဖြိုက်ပါရေ။ သူမွီးဖွားပီးခရေထဲသာ ရခိုင်အဆိုတော် မောင်ကိုကို၊ ထွန်းထွန်းရို့၏ ဖခင်လည်း ဖြိုက်ပါရေ။ အေပိုင် ရခိုင်တေးရီးဆရာ တယောက် ဆုံးပါလားရေအတွက် ရခိုင်ဂီတလောကအတွက် လက်မောင်တဖက်ပြုတ်လားရေပိုင်ခံစားရပါရေလို့ ရခိုင်ဂီတ အသိုင်းအ၀ိုင်းထဲက တယောက်က ပြောပြပါရေ။ အသုဘကိစ္စကိုတော့ သူနန့် မိသားစုအသိုင်းအ၀ိုင်းက တိုင်ပင်နီကတ်တေလို့ သိရပါရေ။

ငါသီခကေယင်

မိုးခါးရီခွက် ၊ သောက်ဖို့  လက်ရုပ်
လှံချက်စူးနစ် ၊ ရင်ဖွင့်လှစ်ဝံ့
သစ္စာတရား ၊ ဆုပ်ကိုင်ထားခ
မန်အားလေးဟိ ၊ ရင်းစွဲတော်လှန်
သံန္ဒိဋ္ဌန်ကြောင်း ၊ ဧကန်မုချ
လွပ်မြောက်ရဖို့  ထင်ခသည် ။

ယှည်တိုက်ရဲ၍ ၊ အောင်ပွဲရသော်
ငါကပျော်၏ ၊ သီသော်မှလည်း
ကောင်းချီးထောပနာ ၊ ပြုခါကြိမ်ဖန်
တမလွန်ထိ ၊ ဆုပန်မိခ
တုံဏိဘာဝီ ၊ ငြိမ်မနီဖူး
ပြည်သူမြူးချိန် မြူးချင်သည် ။
ငါ့ကိုတွိလျင် ၊ ဦးတွင်ညွတ်၍
လေးမြတ်ရိုသီ ၊ မပြုလီနှင့်
ညီစီရဲဘော် ၊ တွဲလက်ပျော်ရို့ 
မှန်းမျှော်ခရီး ၊ ရှေ့ဆက်ဗြီးလား
မနီးသည့်တိုင် ၊ ပြိုပျက်ယိုင်ဗျန်
ဒေနိုင်ငံမှာ ၊ မဖြိုက်သာတောင်း
သူရဲကောင်းများ ၊ စိတ်အားမှန်သည်
တရားစစ်မှာ ။ တရာအောင်ပွဲ ဟိဖို့ ဒေ ။

ယင်းပိုင်ဆိုလီ ၊ ငါသီကေယင်
အုဋ္ဌ်ဂူပြင်ထက် ၊ လူမြင်ဖက်နား
ထုပါတ်ကျောက်စာ ၊ ထုဆစ်ကာဖြင့်
ကမ္ဘာမကြီ ၊ ဥဒန်းချွှီဗြီး ၊ ဇါနည်ဖွါးရို့ 
မှတ်သားရစ်အောင် ၊ နိမိန်ဆောင်ရန်
တဘာင်ကဗ္မည်း ထိုးပီးခပါလီကတ်ဖိ ။

ခိုင်အောင်ကျော် ( နယူးယောက် )

ရခိုင်ပြည်လွပ်မြောက်ရီးပါတီမှ ဂုဏ်ထူးဆောင် တော်လှန်ရီး ပုဂ္ဂိုလ်ကြီး ခိုင်နီလင်း ၏ဆန္ဒအတိုင်း ခံစားပနာ ဂုဏ်ပြုမော်ကွန်းကဗျာ ပီးပို့  လိုက်ပါယင့် ။ ခိုင်နီလင်း ကောင်းရာ သုဂတိ လားပါစီ ၊

ရခိုင်ပြည်လွတ်မြောက်ရေးပါတီမှ ရခိုင့်အောင်စည် FM Radio အသံလွင့်အစီအစိုင်များကို စတင်အသံလွင့်နီဗျာလ်

ရခိုင်ပြည်လွတ်မြောက်ရေးပါတီ(ALP)က ရခိုင့်အောင်စည်အမည်ရှိ FM Radio အသံလွင့် အစီအစဉ်တိကို ၂၀၁၁ ခုနှစ် ဒီဇင်္ဘာလ (၁၉) ရက်နိက စတင်အသံလွင့်နီယာဖြစ်ကြောင်း သတင်းရဟိပါရေ။ ယင်း ရခိုင့်အောင်စည် FM Radio အစီအစိုင်တိကို တနင်္လာ၊ ဗုဒ္ဓဟူး၊ သောကြာ နိတိမှာ မြန်မာစံတော်ချိန် ၅ ချက်တီကနီ ၅ ချက်တီ ၄၅ မိနစ်အထိ တပတ်ကို (၃) ရက် ပုံမှန် အသံလွင့်ပြီးကေ ယင်းအစီအစိုင်တိကို FM 93 မီဂါဟတ်စ်က ဖမ်းယူနားဆင်နိုင်ရေလို့ သိရပါရေ။ ယင်း ရခိုင့်အောင်စည် FM Radio အစီအစိုင်တိနန့်ပတ်သတ်ပြီး တာဝန် ခံ ခိုင်ထွန်းအောင်က ရည်ရွယ်ချက်တိနန့် ပတ်သတ်ပြီး အဂုပိုင်ရှင်းပြပါရေ။ "ကျနော်ရို့ ရခိုင့်အောင်စည် FM Radio အစီအစိုင်တိလွင့်ရရေ ရည်ရွယ်ချက်က နံပါတ်(၁)က ရခိုင်ပြည်လွတ်မြောက်ရေးပါတီနန့် ရခိုင်ပြည်လွတ်မြောက်ရေးတပ်မတော် အဓိက မဟာဗျူဟာ ရည်ရွယ်ချက်နန့် ဇာတိလုပ်နီရေဆိုရေအကြောင်းကို ပြည်သူတိ သိစီလိုပါေ၇။
နံပါတ် (၂) က ရခိုင်ပြည်သူတိ အောက်သားကျွန်ဘ၀ ကျရောက်နီရေဆိုရေအတွက် ဒုက္ခဆင်းရဲတွင်းမှာနစ်နီရရေဆိုရေအကြောင်းကို ရခိုင်ပြည်သူတိ ကွက်ကွက် ကင်းကင်း မြင်စီလိုပါေ၇။
နံပါတ် (၃) က ရခိုင်ပြည်လွတ်လပ်ရေးအတွက် လက်နက်ကိုင်တိုက်ပွဲဝင်လိုသည့် မျိုးချစ် လူငယ်များကို ရခိုင်ပြည်လွတ်မြောက်ရေးပါတီနှင့်တပ်မတော်က အမြဲတမ်းကြိုဆိုနီရေ ဆိုရေ အကြောင်းကို သိစီလိုပါေ၇။
နောက်ဆုံး နံပါတ် (၄) အချက်ကတော့ ရခိုင်ပြည်သူများကို နိုင်ငံရေး၊စီးပွါးရေး၊လူမှုရေး၊ ကျန်းမာရေး၊ ပညာရေး စရေ အထွေထွေဗဟုသုတတိ တိုးပွါးစီချင်စွာတိက အဓိကဖြစ်ပါ ရေ ‘ လို့  တာဝန်ခံခိုင်ထွန်းအောင်က ပြောပါရေ။
“ FM Radio အသံလိုင်းစွာ SW လိုင်းနန့် မတူပါ။ အသံလိုင်းစွာ ကီလိုမီတာအလိုက် လားရေအတွက် ကျနော်ရို့  လွင့်နီရေ ရခိုင့်အောင်စည် အသံလွင့်အစီအစိုင်တိကို ရခိုင်ပြည်ဇာမြို့ နယ်တိက နားထောင်လို့ ရရေဆိုစွာကိုတော့ ကျနော်ရို့ စုံစမ်းတုန်းပါ” လို့့ တာဝန်ခံက ဆက်ပြောလားပါရေ။ အဂုလက်ဟိ ရခိုင့်အောင်စည်အသံလွင့်ဌာနက လွင့်နီရေ အစီအစိုင်တိမှာ ရခိုင်သခြင်း များ၊ ဆောင်းပါး၊ ကြော်ငြာ၊ ကဗျာ များဖြစ်ပြီးကေ နောက်ထပ် အစီအစိုင်တိ အများကြီးတိုး လားမည်လို့ လည်း သိဟိရပါရေ။
သတင်းနှင့်ပြန်ကြားရေးဌာန
ရခိုင်ပြည်လွတ်မြောက်ရေးပါတီ
ရခိုင်ပြည်

အမျိုးနန့် သီလကို စောင့်ထိန်းပါ

ရခိုင်ဆိုရေ နာမကိုယ်တိုင်ကပင် အမျိုးအနွယ်ကို စောင့်ရှောက်ရေဆိုရေ အဓိပ္ပါယ်ပါ။"အမျိုးသီလ နှစ်ဌာနကို ပြည့်ဝမဏ္ဏိုင် စောင့်စွမ်းနိုင်သည့် ရက္ခိုင်နာမ ဘွဲ.မည်လှဖြင့် အနန္တာသညှာ ခေါ်အပ်ရာတည်း"ဆိုပနာလည်း သျှင်နဂိန္ဒမော်ကွန်း အင်္လာကာလည်း ရှိပြီးသားပါ။ အမျိုးနန့်သီလကို စောင့်ရှောက်တေလူမျိုးဆိုပနာလည်း ကမ္ဘာအလယ်မှာ ထည်ထည်ဝါ၀ါ ရပ်တည်ခရေ လူမျိုးဆိုပနာ ဂုဏ်ယူဝင့်ကြွားနိန်စွာ အခုချိန်ထိပင် ဖြစ်ပါရေ။ ၂၀၀၄ လောက်က ဖြစ်ပါရေ။ကျွန်တော်မလေးရှားကို ထွက်လာရေ ကုမ္ပဏီတစ်ခုပါ။ကုမ္ပဏီနာမေက အာဘာဖီးကုမ္ပဏီလီမီတက်(လမ်း၃၀) အထက်လမ်းပါလား မသိ။ကောင်းလည်း မမှတ်လိုက်ပါဗျာယ်။ယင်းကုမ္ပဏီပိုင်ရှင်က အငြိမ်းစား ဗိုလ်မှုးကြီးစိန်ဖေ ရခိုင်သားပါ။မြောက်ဦးဇာတိပါ။သူမယားကတော့ ရှမ်းမပါ။ကျွန်တော်မလေးရှားကို မထွက်လာခင် တစ်ပတ်အလိုလောက်မှာ မလေးရှားကို အလုပ်လားလုပ်ဖို့အတွက် ဖေ့သာ ပီးရပါရေ။ယင်းအချိန်က ဒေါ်လာဈီးက ၉၀၀ ပေါက်ဈီးရှိပါရေ။အစခါ ကုမ္ပဏီနန့် ပြောထားရေ အခါ ပေါက်ဈီးအတိုင်းပီးရဖို့လို့ ပြောထားကတ်ပါရေ။ယင်းနိန့် ကုမ္ပဏီကို ဖေသာ ရှင်းဖို့လာရေခါ ယင်းကုမ္ပဏီက တာဝန်ခံမန်နေဂျာဗမာက ဖေ့သာ ၈သိန်း တောင်းပါရေ။ကျွန်တော်က ဒေါ်လာ၈၀၀ ဆိုကေ အခု ဒေါ်လာဈီးနန့် ဆိုကေ ၇သိန်း၂သောင်းရာ ပီးရပါဖို့။ယင်းလောက်ရာ ကျဖို့လို့ ပြန်ပြောလိုက်တေ။ယင်းသူက မရလို့ ပြန်ပြော၊ကျွန်တော်က ရရေလို့ ပြန်ပြောနတ်၊နောက်ဆုးံမှာ ကျွန်တော်က ဗိုလ်မှူးကြီးစိန်ဖေနန့် တွိ.ဖို့တောင်းပါရေ။ယင်းလူက အတွိ.မပီးပါ။
ကျွန်တော်မရရအောင် တွိ.ဖို့တောင်းမှ တွိ.ခွင့်ပီးပါရေ။ကျွန်တော်လည်း ယင်းအခင်ကို တွိ.တွိ.ချင်း အခင် ကျွန်တော်က ရခိုင်ကပါ။အခင်လည်း မြောက်ဦးသားလို့ သိရပါရေ။ယင်းအတွက်နန့် အခင်က ရခိုင်သားဖြစ်လို့ ဒေကုမ္ပဏီနန့် လာအပ်လာစွာပါ။အခု ဒေါ်လာဈီးက ကာလပေါက်ဈီး ၉၀၀ ရာ ရှိပါရေ။မြန်မာငွေနန့်ဆိုကေ ၇၂၀၀၀၀ သောင်းရာ ပီးရပါဖို့ပါဒေ အခင်။တစ်ခေါက်ချေလောက် ကူညီပါ လို့ ပြောလိုက်ပါရေ။အေအခါ ယင်းအခင်က ရရေ ယင်းလောက်ရာ ပီးခလို့ ဗမာစကားနန့် ပြန်ပြောပါရေ။ကျွန်တော်လည်း ကျေးဇူးတင်ပါရေ အခင်။နောက်လူတိမလေးရှားကို လားဖို့လူတိရှိခကေ ကျွန်တော် အခင်ရို့ကုမ္ပဏီကိုရာ လွှတ်လိုက်ပါရေလို့ ပြောပနာ ကျသင့်ရေဖေ့သာကို တစ်ပါတည်းပီးပခပါရေ။ ယင်းအခင်က ရခိုင်သားဖြစ်လို့ စာနာမှုချေရှိလို့ လျှော့ပီးလိုက်ရေ သဘောပါ။ ယေကေလေ့ ပြောချင်စွာက သားသမီးတိပါ။သားသမီးတိအားလုးံ ဗမာစကားပြောကတ်ပါရေ။ယင်းအခင်ကိုယ်တိုင်ကလည်း ရခိုင်အချင်းချင်းဖြစ်လို့တောင် စစ်တပ်မှာ အနိန်ကြာလို့လားမပြောတတ်ပါ။ရခိုင်စကားနန့် မပြောပါဗျာယ်။ ရခိုင်ပြည်မှာနိန်ကတ်တေလူတိုင်းနီးပါး သိကတ်တေ အတိုင်း မြောက်ဦးသားရို့မည်သည် ရခိုင်စကားကကောင်းပြောတတ်ကတ်ပါရေ။ယင်းပိုင်နန့် ပင် မလေးရှားကို ထွက်ဖို့နိန့် ရောက်လာပါရေ။ ယင်းနိန့်မှာ ယင်းအခင်သားသမီးတိထဲက သားကြီးတစ်ယောက် ဖြစ်သူ က လေဆိပ်ကို လိုက်ပို့ပါရေ။အသက်က ၃၅နှစ်လောက် ရှိပါဖို့ ထင်ပါရေ။သူနန့်ဟိုအကြောင်း ဒေအကြောင်းချေတိကို စကားပြောဖြစ်ကတ်ပါရေ။ယင်းအကိုပုံစံက အဖရခိုင်မျိုးရိုးဘက်ကို ရခိုင်လူမျိုးကို ချစ်တတ်တေပုံမပေါက်ပါ။ဇာလူမျိုးရေလို့ ခံစားချက်မရှိ။အမိဖြစ်သူ ရှမ်းမကိုတော့ ခင်တွယ်ပုံပါ။ရှမ်းစော်ဘွားအမျိုးအနွယ်လို့ ကြားသိရပါရေ။ အခုကြားရရေသတင်းအရ ဦးစိန်ဖေအနားယူပြီး သားဖြစ်သူက ယင်းကုမ္ပဏီကို ဆက်လက်လုပ်ကိုင်နိန်ရေလို့ သိရပါရေ။ ကျွန်တော်ပိုင်ပုဂ္ဂိုလ်မျိုးတစ်ယောက်လောက်က လားပနာကျွန်တော်ရခိုင်သားပါ။ကျွန်တော်ကို ကူညီပါအုးံ ဆိုပနာ လားပြောခီလို့ကတော့ ထူးဖို့မထင်ပါ။ ရှမ်းစော်ဘွားမကလို့ ဇာပင်ဖြစ်လီဗျာယ်စီ မပြောလိုပါ။ပြောချင်စွာက ရခိုင်သားတစ်ယောက်က လူမျိုးခြားတစ်ယောက်ကို ယူလိုက်ခြင်းကြောင့် ရလာရေ ရလဒ်ပါ။သားသမီးတိလည်းရခိုင်စကားမပြောတတ်။ရခိုင်မကျ၊ရှမ်းမကျ၊ ရခိုင်ရှမ်းလို့ခေါ်ပါဖို့လား။ရှမ်းရခိုင်လို့ခေါ်ပါဖို့လား။ဟိုမရောက်ဒေမရောက် ရရိုင်းချေပြောရဖို့ဆိုကေ ဖားတစ်ပိုင်း၊ငါးတစ်ပိုင်းပါ။ယင်းသားသမီးတိကလည်း ရှမ်းမကို မယူကတ်ကေတောင်မှ ဗမာမကို ယူဖို့ကတော့ ကျိန်းသီပါရေ။ယေကေ ရခိုင်မျိုးဆက် ပြတ်ပါဗျာယ်။ယင်းအခင်ပိုင် လူမျိုး ရခိုင့်အသိုင်းအ၀ိုင်းထဲမှာ ဇာလောက်ထိ ရှိနိန်ကတ်မေ မသိပါ။ဒေပိုင်ရာ အမျိုးနန့်သီလကို မစောင့်ထိန်းပဲ နီးစပ်ရာကိုယူ၊ဗမာပြည်မှာနိန်လို့ ဗမာမနန့်ယူ၊ရှမ်းပြည်နယ်မှာ တာဝန်ကျလို့ ရှမ်းမနန့်ယူကတ်လီကတ်ဖို့ဆိုကေ ရခိုင်ဆိုရေ လူမျိုး ပျောက်လားဖို့က အသေအချာပါ။တံငါနားနီး တံငါ မုဆိုးနားနီး မုဆိုးဆိုရေ အယူဝါဒတိကို ဒေအမျိုးနန့်သီလ မျိုးစောင့်ခြင်းတရားနန့် ပတ်သတ်လာပါကေ တံငါနားနီး တံငါ မုဆိုးနားနီးဆိုရေ အယူဝါဒတိကို ဘေးမှာ ချပလိုက်သင့်ပါရေ။ "ကျွန်းတွင်ဇမ္ဗူ လူတွင်ရခိုင်၊ ကြိုင်ဘိသတင်း၊ ကင်းဘိအပြစ်၊ ချစ်သည့်အမျိုး၊ ကြိုးသည့်လုံ့လ၊ မြတ်စာဂနန့်၊ နှစ်ဝနတ်လူ၊ ချစ်ကြည်ဖြူသည်၊ နိဗ္ဗူ ဆုတောင်း ပြည့်အံ့တည်း။“ဆိုပနာလည်း ဗုဒ္ဓဝင်အလင်္ကာ မှာ ဖော်ပြထားပါရေ။ အမျိုးကိုချစ်ခြင်းသည် မင်္ဂလာတစ်ပါးပါ။လူမျိုးတိုင်း လူမျိုးတိုင်းသည် သူရို့လူမျိုးကို ချစ်ကတ်ပါသည်။ယင်းလူမျိုးတိထဲမှ ရခိုင်လူမျိုးရို့သည်လည်း မျိုးကို ကကောင်းချစ်ကတ်ပါသည်။ဒေပိုင် ရခိုင်လူမျိုးတိ မျိုးချစ်ခကတ်လို့လည်း ရခိုင်လူမျိုးဆိုပနာ ကမ္ဘာမြေကြီးပေါ်မှာ ရပ်တည်နိန်နိုင်ခြင်း ကျန်ရှိနိန်ခြင်း ဖြစ်ပါရေ။ ၁၇၈၄ ဒီဇင်ဘာလ ၃၁ရက်နိန့် ပြာသိုလပြည့်ကျော်(၇)ရက် စနိန်နိန့်မှာ ဗမာဘုရင် မောင်ဝိုင်း ကျူးကျော်သိမ်းပိုက်ခလို့ ရခိုင်လူမျိုးတိ ဗမာကျူးကျော်သူရို့၏ လူမျိုးပြုန်းသတ်ဖြတ်မှုကို ခံခရလို့တောင်မှ သက်ရှင်ပနာ ကျန်ဟိလိုက်ရေ ရခိုင်လူမျိုးတိက အမျိုးဂုဏ်ကို မဖောက်ဖျက်ပဲ အမျိုးနန့်သီလကို စောင့်ထိန်းခကတ်လို့ ကိုယ်လူမျိုးကိုရာ ကိုယ်အထင်ကြီးလေးစားတန်ဖိုးထားပနာ ကိုယ်လူမျိုးတစ်မျိုးတည်းကိုရာ လက်ဆက် ပေါင်းဖက်ခကတ်လို့ ရခိုင်လူမျိုးဆိုပနာ ကျန်ရှိနိန်ခြင်းဖြစ်ပါရေ။ရခိုင်လူမျိုးတိ၏ မျိုးစောင့်ခြင်းတရားသည် အံ့မခန်းပင်တကား။မျိုးကိုချစ်လျှင် မျိုးစောင့်တရားကို လက်ကိုင်ထားပြီး မျိုးကို မဖျက်သင့်ပါ။ ရခိုင်လူမျိုးတစ်ယောက် ဖြစ်နိန်ယင်းသားနန့် သူချပီးခရေ သူ့ခန္ဓာကိုယ်က သွီးစက်တိက ရခိုင်ဆိုရေမျိုးဆက်တိအတွက် မဟုတ်စီပဲ အခြားလူမျိုးတစ်မျိုးအပေါ် ဖြစ်ခပါက ၄င်းသွီးစက်သည် ရခိုင်ဆိုရေ မျိုးရိုးကို ဖျက်စီးပလိုက်ခြင်းပင် ဖြစ်သည်။ရခိုင်လူမျိုးအတွက် ပီးဆပ်နိန်ပါရေဆိုပါကေ ရခိုင်ဆိုရေ အမျိုးနန့်သီလကိုတော့ အနည်းဆုးံ စောင့်ထိန်းသင့်ပါရေ။ကျွန်တော်ကို နရီဥွရာ အယ်ဒီတာ ဦးခိုင်မြတ်ကျော် မိန်းဖူးရေ စကားတစ်ခွန်း အခုထက်ထိ အတော့ပေါ်နိန်ဆဲပါ။သူမိန်းရေမိန်းခွန်းက ရခိုင်လူမျိုးကို ချစ်ပါလားလတ်။ကျွန်တော်က အခင် ကျွန်တော်က ရခိုင်သားပါ။ရခိုင်ကို ချစ်ပါရေနန်းရာ ပြန်ဖြေလိုက်ပါရေ။ အေအခါ ယင်းအခင်က ရခိုင်လူမျိုးကို ချစ်ကေ..အောက်သမ(ဗမာမ)ဖြစ်စီ၊လူမျိုးခြားဖြစ်စီ ဇာအတွက်မယူပါလေလတ်။ဇာဖြစ်လို့လဲ ဆိုကေ မျိုးကိုချစ်တေလို့ ပြောနိန်ကတ်တေ ရခိုင်အတတ်ပညာရှင်တိက အများအားဖြင့် ဗမာမမဟုတ်ကေ လူမျိုးခြားတိနန့်ဂျေး ယူထားကတ်စွာဖြစ်လို့လို့ ပြောပါရေ။ကျွန်တော်က ပြန်လို့စောဒက တက်မိပါရေ။ယင်းချင့်က မျိုးကို ချစ်တေလို့မခေါ်ပါ။ မျိုးကိုချစ်တေဆိုပါကေ ကိုယ့်လူမျိုးကိုရာ ယူသင့်ပါရေ။အမျိုးနန့်သီလကိုတော့ စောင့်ထိန်းသင့်ပါရေ။ကျွန်တော်ကလည်း ရခိုင်အမိ။ရခိုင်အဖဘက်က ပေါက်ဖွားလာပါရေ။ကျွန်တော်မျိုးဆက်တိလည်း ယင်းပိုင်ရာ ဖြစ်သင့်ပါရေ။ ဖြစ်ရပါဖို့။မဟုတ်ကေ ရခိုင်ဆိုရေလူမျိုး အမျိုးမျိုး ဟိုသွီးနန့်ရော ဒေသွီးနန့်ရောနန့်ပင် ပျောက်လားလီပါဖို့ကာလို့ ပြန်ပြောလိုက်ပါရေ။ အေအခါ ယင်းအခင်က ဟုတ်ပါရေ။ခိုင်ကျော်ဆန်းပြောစွာ မှန်ပါရေ။ယင်းပိုင်စိတ်ဓာတ်တိ ထားရပါဖို့လတ်။နောက် ရခိုင်နန့်ဆိုင်ရေ သမိုင်းကြောင်းချေတိ၊ယင်းအခင် ဖြတ်သန်းလာရေ ဘ၀တိကိုလည်း ကျွန်တော်ကို ပြောပြပါရေ။ယင်းအခင်ပို့လိုက်တေ နရီဂျာရာရခိုင်ပြက္ခဒိန် ကျွန်တော်အလုပ်လုပ်နိန်ရေ ရုးံခန်းထဲမှာ အခုထက်ထိ ရှိနိန်တုန်းပါ။ယင်းကြောင့်လည်း ယင်းအခင်ကို ကျေးဇူးတင်နိန်မိပါရေ။ယင်းအခင်ရေ ရခိုင်နန့်ဆိုင်ရာ သတင်းတိကို ရခိုင်အပေါင်းရို့ ဖတ်ရှူနိုင်အောင် သိကတ်အောင်ဆိုပနာ သတင်းဌါနတစ်ခုကို စိတ်စေတနာ မှန်ကန်စွာဖြင့် လုပ်ပီးနိန်ရေ မျိုးချစ်ပုဂ္ဂိုလ်တစ်ယောက်ပါ။ယင်းပိုင်အတွက်နန့် ယင်းအခင်ကို ကျွန်တော်လေးစားစိတ် ဖြစ်ပေါ်မိစွာကတော့ အဆန်းမဟုတ်ပါ။ လူတိုင်းလူတိုင်းမှာတော့ အားနည်းချက်ဆိုစွာတော့ ရှိစမြဲပါ။ယေကေလေ့ အတတ်နိုင်ဆုးံ အမျိုးနန့်သီလကို စောင့်ထိန်းပနာ ကိုယ်အမျိုး/ဘာသာသာသနာအတွက် လုပ်ပီးစွာက ပိုလို့ကျက်သရေ ရှိပါရေ။ပိုလို့လည်း ပီပြင်ပါရေ။ရခိုင်လူမျိုးတိုင်း အမျိုးနန့် သီလကို တတ်နိုင်သလောက်စောင့်ထိန်းပနာ ရခိုင်လူမျိုးတိုးတက်ရေးကို လုပ်ဆောင်နိုင်ကတ်ပါစီလို့ ဆုမွန်ကောင်းတောင်းလိုက်ပါရေ။
(ရွီမြောက်ဦး-ခိုင်ကျော်ဆန်း)

ရခိုင်ပြည်လွတ်မြောက်ရေးပါတီ (ALP) ဗဟိုကောင်မတီဝင်ဟောင်း ခိုင်နီလင်း သီဆုံး

အေနိ ၂၁၊ ၁၂၊ ၂၀၁၁ (ဗုဒ္ဓဟူးနိ) မှာ တိုင်းပြည်နန့် လူမျိုးအပေါ်တာဝန်ထမ်းဆောင်ယင်း သီဆုံးလားပါရေ။ ဆရာကြီးရေ ဥက္ကဌကြီး ခိုင်မိုးလင်း လက်ထက်ကပင် အကြံပီး အဖြိုက်သော်လည်းကောင်း၊ ကိုယ်တိုင်းလည်း စစ်သားကောင်းတယောက်အဖြိုက် အဖပြည်အတွက် အသက်ကို ပီးဆပ်ပနာ တာဝန်ကျီးပွန်စွာ ထမ်းဆောင်ခရေ မျိုးချစ် ပြည်ချစ် လူမျိုးချစ် ပုဂ္ဂိုလ်တယောက်တစ်ဦးလည်း ဖြိုက်ပါရေ။ ဆရာကြီးရေ ရခိုင်လူမျိုးရို့၏ သမိုင်းဆိုင်ရာကိုလည်း နှံစပ်ပြီးကေ ရခိုင်လူငယ်တိကို နိုင်ငံချစ်စိတ် အချုပ်အချာအာဏာအရေးကြီးရေပုံတိကို တတ်နိုင်သလောက် အသီခင်ကာလတလျှောက်လုံးမှာ စည်းရုံးဟောပြောပီးခပါရေ။

တိုင်းပြည်နန့် လူမျိုးအပေါ်ကို အသက်ဟိသလောက် အသက်နန့် ရင်းပြီးကေ ပီးဆပ်ခရေ ပုဂ္ဂိုလ်လည်းဖြိုက်ပါရေ။ ဥက္ကဌကြီး ခိုင်မိုးလင်းလက်ထက်က မိုးလင်းရာဇာစစ်ကြောင်း ကရင်ပြည်ကနီပနာ ရခိုင်ပြည်ထိ မိုင်ပေါင်း ၂၀၀၀ ကျော် ရှည်ရေ ခရီးလမ်းမှာလည်း ပါဝင်ထမ်းဆောင်ခပါရေ။ ယင်းချင့်မှာ ရန်သူတိနန့် တိုက်ပွဲဖြိုက်ယင့် စစ်ပွဲရှုံးကာ ရန်သူအဖမ်းအဆီကို ခံခရပြီးကေ အမျိုးမျိုးနှိပ်စက်ခံခရပါရေ။ ရန်သူ ထောင်ကလွတ်လာပြီးနောက်ပိုင်လည်း မိခင် ရခိုင်ပြည်လွတ်မြောက်ရေးပါတီ(ALP)နန့် ပူးပေါင်းပြီးကေ တိုင်းပြည်အပေါ်မှာ သစ္စာဟိဟိနန့် ဘ၀တခုလုံးကို မြုပ်နှံပနာ အသက်ကိုပီးဆပ်လုပ်ဆောင်ခပါရေ။ ဆရာကြီး ၂၀/ ၁၂ / ၂၀၁၁ နိ မိုးထဖက်ကက လီတခြမ်းဖြတ်ဝေဒနာကို ခံစားခရပြီးကေ ထိုင်း-မြန်မာနယ်စပ်မှာဟိရေ မယ်တော်ဆီခန်းကိုအရေးပေါ်တင်ခရပါရေ။ ဆေးရုံးကိုရောက်လားကေလည်း သွီးတိုးက လုံးဝမကျဘဲ နောက်ဆုံး အသက်ကိုပင် ပီးဆပ်လိုက်ရပါရေ။ အဂုဆိုကေ ကျန်ဟိခရေ ရုပ်ကလပ်ကို မြေမြုပ်သင်္ဂြုလ်ဖို့အတွက် ALP တာဝန်ဟိလူတိနန့် အခြားသော ရခိုင်အဖွဲ့အစည်းတိ ကူးညီရေး လူငယ်တိက တိုင်းပင်ညှိနှိုင်းနီကတ်ပါရေ။ တိုင်းပြည်နန့် လူမျိုးအပေါ်တာဝန်ကျီးပွန်ခရေ ဆရာကြီး ကောင်းရာ သုဂတိကိုလားပါစီလို့ လေးဝတီ မိသားစုတိက ဆုတောင်းပီးပါရေ-

ပျားရည်နန့် ၀မ်းလျှော့ခြင်းလော့

အေနိထုတ်မြန်မာအလင်းသတင်းစာမှာ မြန်မာ-တရုတ် ရေနံနှင့် သဘာဝဓာတ်ငွေ့ ပိုက်လိုင်းတလျှောက်မှာ ဆီးရုံ၊ ဆီခန်းတိကို တည်ဆောက်ပီးဖို့ဆိုပနာ လက်မှတ်ထိုးပွဲတခု လုပ်လာရေဆိုရေ သတင်းတပုဒ်ကို ဖတ်လိုက်ရပါရေ။ စွမ်းအင်ဝန်ကြီးဌာန မြန်မာ့ရေနံနန့် တရုတ် သဘာဝဓာတ်ငွေ့ လုပ်ငန်း အမျိုးသားကော်ပိုရေးရှင် (China National Petroleum Corporation) ရို့လက်မှတ်ထိုးကကတ်ပါရေလို့ ဖော်ပြထားပါရေ။
ယင်းပိုင်ဆိုကေ ရခိုင်ပြည်နယ်ကနီ တရုတ်ကို တရောက်ထိ ပိုက်လိုင်းတလျှောက်မှာ ဆီခန်းတိ ဆောက်ပီးလားဖို့ဖြိုက်ပါရေ။ အမှန်တကယ် ရခိုင်ပြည်သူလူထုတိ လိုအပ်နီစော်က ဆီးရုံး ဆီးပီးခန်းထက် ရခိုင်ပြည်နယ် တလျှောက်မှာ မီး (၂၄) နာရီ ရအောင် လုပ်ပီးဖို့စော်က ပိုအရေးကြီးရေလို့ထင်ပါရေ။ ပုံမှန်အတိုင်းဆိုကေ ရခိုင်ပြည်နယ်က ထွက်တေ ရီနံနန့် သဘာဝဓာတ်ငွေကို ရခိုင်ပြည်သူ့လူထု အကျိုးပြု လုပ်ငန်းလုပ်တိမှာ တတ်နိုင်သလောက်လုပ်ပီးဖို့နန့် ရခိုင်ပြည်နယ် မှာ မီး (၂၄) နာရီရေး ရဟိရေးတိကို အဂုနောက်ပိုင်မှာ တောက်လျှောက် လုပ်လာကတ်တေအတွက် ရခိုင်ပြည်သူ လူထုနန့် မြန်မာ ပြည်သူလူထုကို မီး (၂၄) နာရီ မပီးဘဲ ဆီးရုံးဆီခန်းနန့်ပဲ အာရုံပြောင်းအောင်လုပ်စော်လားလို့ သုံးသပ်နီကတ်ပါရေ။

ALP ဂုဏ်ထူးဆောင်ဗဟို ကော်မတီဝင် ခိုင်နေလင်း လီဖြတ်လားပါရေ

ရခိုင်ပြည်လွတ်မြောက်ရေးတပ်မတော် (ALP)မှ ဂုဏ်ထူးဆောင်ဗဟို ကော်မတိဝင် တယောက်ဖြိုက်တေ ဆရာကြီး ခိုင်နေလင်းရေ အေနိ ၂၀-၁၂-၂၀၁၁ ရက်နိ မိုးသောက်ဖက်က လီတခြမ်းဖြတ်လားပါရေ။ အဂုဆိုကေ ဆရာကြီးကို မဲဆောက်မှာဟိရေ မယ်တော်ဆေးရုံကို တင်ထားရပါရေ။ သူရေ ရခိုင်ပြည်လွတ်မြောက်ဖို့အတွက် သူ့၏ ဘ၀တလျှောက်လုံးမှာ အသက်ကို ပဒါနမထားဘဲ လုပ်ခရေလူလည်း ဖြိုက်ပါရေ။ ALP ဥက္ကဌကြီး ခိုင်မိုးလင်း လက်ထက်ကပင် ALP မှာ တာဝန်ထမ်းဆောင်လာပြီးကေ မိုးလင်းရာဇာ စစ်ကြောင်း( ကရင်ပြည်နယ်ကနီ ရခိုင်ပြည်နယ်ထိ ခရီးလမ်း) မှာ ပါဝင်ခပြီးကေ မြန်မာအစိုးရက ဖမ်းဆီခြင်းကို ခံခရပနာ အမျိုးမျိုးနှိပ်စက်ခြင်းကိုလည်း ခံခရပါရေ။ ထောင်က လွတ်လာပြီးကေ ပြန်လို့ တိုင်းပြည်အတွက် ကျရာတာဝန်ကို  ထမ်းဆောင်ယင်းနန့် အဂုပိုင် လီဖြတ်လားစော်ဖြိုက်ပါရေ။ ဆရာကြီး၏ ကျန်မာရေး အခြေအနေမှာ စိုးရိမ်းရရေ အခြီအနီကို ရောက်နီပါရေ။ ယင်းပိုင်ဖြိုက်လို့ တိုင်းပြည်ကို သိတတ်ခရေ အေပုဂ္ဂိုလ် အတွက် တတ်နိုင်သလောက် လှူဒါန်နိုင်ပါရေ။
ဆက်သွယ်ရန် - (+66) 0856040663
Emaill - khaingminn@gmail.com

ရခိုင်သမချေတစ်ယောက်၏ ဖေ့ဘုတ်မှ ရလဒ်

ကျနော့်ညီမချေတစ်ယောက်က သူသုံးရေဖေ့ဘုတ်မှာ ပုံတိအမျိုးမျိုးလာတင်ထား ကတ်လို့  နောက်တင်လို့မရအောင်လုပ်ပီးပါလို့ ပြောလို့ အကူအညီတောင်းလို့ ယင်းသူ.ဖေ့ဘုတ်ကို ဖွင့်ပနာ လုပ်နိန်ရေအခိုက်အတန့်မှာ စကားလာပြောကတ်တေလူတိက ကန်ကမကန်ပါ။ ရခိုင်လည်း ပါရေပိုင် ဗမာတိလည်း ပါကတ်တေ။ အများအားဖြင့်တော့ ရခိုင်အများစုဖြစ်ပါရေ။ ကျနော်လည်း စကားလာပြောလာကတ်တေ လူတိကို ဟန်မပျက်စကားပြန်ပြောလိုက်တေ။ သူရို့စပနာ ပြောကတ်တေစကားတိကတော့ hello,How are you?What are you doing? ပင် အများအားဖြင့်ဖြစ်ကတ်ပါရေ။တစ်ချို.ကလည်း ဗမာစကားနန့်လည်းပါယင့်။ကျနော်ကတော့ အထူးသဖြင့် တစ်ခွန်းတည်း ပြန်မိန်းဖြစ်တေ။ Are you Burma or Arakan? လားလို့လေ။ Arakan လို့ပြောကေ ကျနော်က It Is Great ဆိုပနာ The Union of Arakan/Rakhaing(Collection) မှာ အဖွဲ.၀င်အဖြစ် တစ်ခါတည်း တန်းပနာ သွင်းပလိုက်စွာပါဗျာယ်။ Burma ပြောလို့ကတော့ တစ်ခါတည်း ယင်းနိန်ရာမှာ စကားဆက်မပြောပဲ block လုပ်ပလိုက်တေ။ ဇာဖြစ်လို. Block လုပ်ရလေ့ ဆိုပါကေ  အရည်မရ အဖတ်မရ စကားတိ လာပြောကတ်ပနာ ရည်းစားစကားတိလည်း တစ်ဆင့်တက်လို့လာပြောကတ်ပါဖို.။ ယင်းအတွက်နန့် တစ်ခါတည်း ရှင်းထားလိုက်တေ။ ယေကေ အချိန်လည်းကုန်ဖို့မဟုတ်ရေပိုင် ကျွန်တော့်ညီမချေလည်း စိတ်ညစ်ရပါဖို့မဟုတ်။နောက် ယင်းသူဖေ့ဘုတ်မှာ အမျိုးနန့်သီလကို စောင့်ထိန်းသောကြောင့် ရခိုင်ဟု ခေါ်သည်။ဆိုရေ စာတန်းတစ်တန်းကိုပါ ရွီးပလိုက်ပါရေ။ယင်းအခါ like ပီးကတ်တေ ရခိုင်သားတိက  ကန်ပါ။အားလုးံရခိုင်သား တိဂျေးများပါရေ။ရခိုင်သမ မပါစလောက်ပါ။ရခိုင်သမတစ်ယောက်၏ဖေ့ဘုတ် freinds list ထဲမှာ ရခိုင်သားဇာလောက်များပါမေ မသိ။ရခိုင်သမဖေ့ဘုတ်ထဲမှာ ရခိုင်သားသူငယ်ချင်းတိ အများသားရှိစွာ ကောင်းပါရေ။ဒေနိန်ရာမှာတစ်ခုတော့ ပြောချင်ပါရေ။ရခိုင်သမချေတိကို နှမချင်းမစာနာ ပြောကတ်စွာတိ၊မဖွယ်မရာ ဓာတ်ပုံတိ လာတင်ထားစွာတိ၊ရိသဲ့သဲ့စကားပြောစွာတိ အရည်မရအဖတ်မရ ပြောပနာ အချိန်ဖြုန်းကတ်စွာတိကို ရှောင်ရှားစီချင်ပါရေ။တတ်နိုင်ကေ ဗဟုသုတရစရာ စကားသျှေတိကို ပြောပြစီချင်ပါရေ။ ကျနော်ပြောရေ ကျနော့်ညီမချေဆိုသည်မှာ..ရခိုင်ပြည်နယ် ဂွဘက်က ဖြစ်ပါရေ။အစခါ ရခိုင်စကားမပြောတတ်ပါ။ကျနော်က ရခိုင်ပိုင် ရွီးပုံရွီးနည်းတိကို သင်ပြပီးခြင်းအတွက် စကေသျှေလောက် နားလည်ပနာ ရွီးတတ်လားပါရေ။ယင်းသူကလည်း နားမလည်ရေ စာလုးံတိကို မိန်းပါရေ။လေ့လာအားထုတ်မှုက အဓိကပါ။ရခိုင်အပေါင်းရို့လည်း ယင်းပိုင်လမ်းမှန်သို့ရောက်အောင် လမ်းပြခေါ်ပနာ သင်ပြပီးကတ်ပါ။ နင်က ရခိုင်သမဖြစ်လို့ပင် ရခိုင်စကားမပြောတတ်လား ဆိုပနာ အပြစ်တင်ကတ်ဖို့အစား တတ်နိုင်သလောက် သင်ပြပီးကတ်ပါ။ရခိုင်နန့်ဆိုင်ရေ သမိုင်းကြောင်း ရာဇ၀င်တိကိုလည်း မျိုးချစ်စိတ်ဓာတ်ထက်သန်အောင် ကိုယ်လူမျိုးကို တန်ဖိုးထားလေးစားလားအောင် မိသားစုစိတ်ဓာတ်ဖြင့် သင်ပြပီးကတ်ပါ။အားလုးံကို တိုက်တွန်းပါရေ။ရခိုင်လူမျိုးတိ တိုးတက်မှုကို ရှေးရှုလျှက်...
(ရွီမြောက်ဦး-ခိုင်ကျော်ဆန်း)

ကွာခြားမှုကြားက မီးတာခ

ရန်ကုန်၊ မန္တလေး၊ နေပြည်တော်ရို့မှာ ကောက်ခံရေမီတာခနန့် ရခိုင်ပြည်နယ် စစ်တွေမြို့အပါအ၀င် တခြားမြို့နယ်တိမှာ ကောက်ခံရေ မီတာခမှာ မတရားကွာခြားနီပါရေ။ ရခိုင်ပြည်နယ် စစ်တွေမြို့မှာဆိုကေ မီးတာခ ကောက်ခံနှုန်းမှာ တယူနစ်ကို ၄၅၀ ကျပ်ဟိပါရေ။ တခြား ရခိုင်ပြည်နယ်က မြို့နယ်တိမှာ မီး ည ၆ ချက်တီကနီ ညဇာဖက် ၁၀ ချက်တီလောက်ရာ ရကေလည်း မီးတာခမှာ မတရားဈီးကြီးနီပါရေ။ စစ်တွေမြို့ခံ တယောက်က “မီတာခက ၁၀ ယူနစ်သုံးကေ ဈီးက တမျိုးပါ၊ ၁၀ ယူနစ်အထက်သုံးကေ ဈီက တမျိုးပါ။
ဈီးက မီးရစော်နန့် သုံးရစော်နန့် မကာမီရေပိုင် ခံစားနီကတ်ရပါရေ။ ယေပြီးကေ မီးက ရလိုက် မရလိုက်ပါ။ လာစော်က တရက်၊ တရက်မှာတောင်မှာ မီးအားမပြည့်စော်နန့်၊ ပျက်တေအချိန်နန့်ဆိုကေ ကောင်းကောင်းကို သုံးဖို့ မရပါ” လို့ လေးဝတီကို ပြောပြပါရေ။ ရန်ကုန်မြို့နန့် တခြားမြို့နယ်တိမှာ တစ်မိတာကို ၂၅ ကျပ်လောက်ရာဟိပါရေ။ ယင်ပိုင်ဆိုကေ ရခိုင်ပြည်သူလူထိတိ ပီးနီရရေ မီတာခမှာ လက်ဟိ ဒီမိုကရေစီ ကျင့်သုံးဖို့ ပြောနီရေ အစိုးရစကားနန့် လုံးဝ မညီညွတ်ပါ။ တမီတာကို ၄၅၀ ကျပ်နန့် ၂၅ ကျပ်မှာ လုံးဝ ညီမျှခြင်း မဟိရေ တန်ဖို့ တခု ဖြိုက်ပါရေ။ ရခိုင်ပြည်သူလူထုတိမှာ ရခိုင်ပြည်က ထွက်တေ သဘာဝဓာတ်ငွေ့ ၊ ရီနံတိကို ပြည်သူလူထုက မခံစားရဘဲ၊ အားလုံးကို ပြည်ပကို ရောင်းလားရေ အစိုးရ လုပ်ဆောင်ချက်တိကို မကျေမနပ်ချက်တိ ဆက်တိုက် ထွက်ပေါ်နီရပါရေလို့ သိဟိရပါရေ။

ရက္ခိတမျိုးစောင့်ဆု ချီးမြှင့်ဖို့

အေနှစ် ကျရောက်တေ ရခိုင်အချုပ်အချာ အာဏာကျဆုံးရေ နိ မှာ ဂျပန် အခြီစိုက် ရခိုင်မျိုးစောင့်အုပ်စုက “ရက္ခိတမျိုးစောင့်ဆု”ကို အမျိုးဘာသာ၊ သာနာအကျိုးကို ဆောင်ရွက်တေ လူတဦးကို ရွေးချယ် ချီးမြှင့်လားဖို့ ဖြိုက်ကြောင်း သတင်းရဟိရပါရေ။ “ဟုတ်ပါရေ၊ အေဆုကို လာဖို့ ဒီဇင်ဘာ ၃၁ ရက်နိကျရောက်တေ (၂၂၇)ကြိမ်မြောက် ရခိုင်ပြည်အချုပ်အချာ အာဏာကျဆုံးရေနိမှာ ချီးမြှင့်လားဖို့ ဖြိုက်ပါရေ၊ ဇာသူ့ကို ချီးမြှင့်ဖို့စော်ကိုတော့ အကြာခင် ထုတ်ပြန်ကျေငြာလားဖို့ ဖြိုက်ပါရေ”လို့ အဖွဲ့တာဝန်ဟိရေ လူတယောက်ကဖြိုက်တေ ဒုတိယတာဝန်ခံ ကိုအေးသိန်းထွန်းကေ ပြာပါရေ။ ဆုချီးမြင့်ခံရဖို့ ပုဂ္ဂိုလ်ကို နိုင်ငံတကာဟိ ရခိုင်မျိုးစောင့် အုပ်စုဝင်တိက ဒီဇင်ဘာလ ၁၄ ရက်နိက သဘောတူ ရွေးချယ်ထားပြီးဖြိုက်ကေလည်းသို့ အခြီအနီ အရပ်ရပ်ကြောင့် မထုတ်ပြန်နိုင်သိကြောင်းနန့် အေရက်ပိုင်းအတွင်းမှာ ထုတ်ပြန်လားဖို့ ဖြိုက်တေလို့လည်း ဆိုပါရေ။

ဆုငွေတန်ဖိုးမှာ အမေရိကန်ဒေါ်လာ (၁၀၀၀) ဖြိုက်ပြီးကေ ဂုဏ်ပြုလက်မှတ်နန့် အတူ ချီးမြှင့်လားဖို့ ဖြိုက်ပါရေ။ ရခိုင်မျိုးစောင့်အုပ်စု (ARG)က အဂုနှစ်မှာ “ရက္ခတမျိုးစောင့်ဆု” ကို ပထမဆုံး အကြိမ်အဖြိုက်ချီးမြှင့်ခြင်းဖြိုက်ပါရေ။ နောက်နှစ်တိမှာလည်း “ရက္ခိတ-စာပီဆု” “ရက္ခတ-ဂီတဆု“ ရို့ကို ချီးမြှင့်လားဖို့ ဖြိုက်ပါရေ။ “ရက္ခိတ မျိုးစောင့်ဆုကို ရခိုင်လူမျိုးတိ အတွက် ကြိုးစားဆောင်ရွက်နီရေလူ၊ အမျိုးဘာသာ သာသနာရှင်သန် ကြီးပွါးရေးအတွက် ကိုယ်ကျိုးစွန့် အနစ်နာခံပြီးကေ စွမ်းစွမ်းတမံ ဆောင်ရွက်တေ လူကို ပီးအပ်လားဖို့ဖြိုက်ပါရေ” လို့ ဆက်ပြောပါရေ။ ရခိုင်မျိုးစောင့်အုပ်စုမှာ ဂျပန်နိုင်ငံ တိုကျိုမြို့မှာ ဌာနချုပ်ထားပြီးကေ နိုင်ငံတကာမှာ ရောက်ဟိနီကတ်တေ ရခိုင်သားတိနန့် ရခိုင်လူမျိုးနွယ်စုတိ ပါဝင်ပြီးကေ ရခိုင်လူမျိုး ဘက်ပေါင်းစုံတိုးတက်ဖို့အတွက် တက်စွမ်းသလောက် ဆောင်ရွက်နီရေ အမျိုးသားရေး အကျိုးပြု အဖွဲ့အစည်း တခု ဖြိုက်ပါရေ။ ရခိုင်အချုပ်အချာအာဏာကျဆုံးစော်မှာ အဂုနှစ်နန့် ဆိုကေ (၂၂၇) ခုနှစ် ပြည့်မြောက်ပြီးကေ ဗမာဘုရင်ဘိုးတော် မောင်ဝိုင်းက ရခိုင်ပိုင်ထီးနန်းကို ၁၇၈၄ ခုနှစ် ဒီဇင်ဘာလ ၃၁ ရက်နိ စစ်မကြေငြာဘဲ ကျူကျော်သိမ်းပိုက်တေနိကို သတ်မှတ်ထားစော် ဖြိုက်ပါရေ။ 

ရခိုင်ပြည်တပ်မတော် (AA) ဒု-စစ်ဦးစီးချုပ်ဟောင်း တိုင်းပြည်နန့် လူမျိုးအပေါ်တာဝန် ထမ်းဆောင်ယင်း သီဆုံး

ရခိုင်ပြည် - ဘင်္ဂလားဒေ့ရှ်- အန္ဒိယ သုံးနိုင်ငံနယ်စပ်ဒေသတိမှာ အခြီစိုက်ပြီးကေ ရခိုင်ပြည်တပ်မတော်(AA-Arakan Army) က ဒု-စစ်ဦးစီးချုပ်ဟောင်း ဗိုလ်ချုပ် မောင်သိန်းဟန်(ခ) မောင်သိန်းရွှေရေ အသက်(၆၁)နှစ် ဟိပြီးကေ အေနိ နိခင်းဖက် ရခိုင်ပြည်နန့် ကပ်ပြီးကေ တည်ဟိရေ ဘင်္ဂလာ နယ်စပ် တနီရာမှာ တိုင်းပြည်နန့် လူမျိုးတာဝန်ကို ထမ်းဆောင်ယင့် လူကြီးရောဂါနန့် ကွယ်လွန်လားရေလို့ သိဟိရပါရေ။ ဗိုလ်ချုပ် မောင်သန်းတန်(၆၁)နှစ်ရေ မသီခင်အထိ ရခိုင်ပြည်လွတ်မြောက်ရေးအတွက် ကိုယ်ပိုင်ဆုံးဖြတ်ပြဌာန်းခွင့် အပြည့်အ၀ရဟိရေး၊ ဒီမိုကရေစီရေးနန့် အခြေခံလူအခွင့်အရေးတိ ရဟိရေးအတွက် ရခိုင်ပြည်အမျိုးသားညီညွတ်ရေးပါတီ (NUPA) နန့် ရခိုင်ပြည်တပ်တော် (AA)ရို့မှာ အမျိုးသားဖက်က မားမားမတ်မတ်ရပ်တည်ခပြီးကေ ရန်သူစစ်အုပ်စုတိကို တိုက်ပွဲဝင်နီယင် ကွယ်လွန်လားခရေ ရခိုင်မျိုးချစ် သူရဲကောင်း တယောက်ပါ။
ဗိုလ်ချုပ်ရေ မိသားစုဝင်တိနန့် အတူ တော်လှန်ရေး ရဲဘော်ရဲဘက်တိက ဗိုလ်ချုပ် မောင်သိန်းတန်အား တော်လှန်ရေးလုပ်ထုံးလုပ်နည်းတိနန့် အညီ ဒီဇင်ဘာလ (၁၇) ရက်နိမှာ မြေမြုတ်သင်္ဂြုလ်လားဖို့ ဖြိုက်ပါရေ လို့လည်း သိဟိရပါရေ။ ဗိုလ်ချုပ် မယားနန့် အတူ သမီးနှစ်ယောက်၊ သားတယောက် ကျန်ခပြီးကေ မသီခင်က နိုင်ငံရေး၊ တော်လှန်ရေးဒဏ်တိကို ကြံ့ကြံ့ခံမနာ ကိုယ်ကျိုးမဖက် အမျိုးသားရေးဖက်က ရည်တည်ပီးခရေ ပုဂ္ဂိုလ်လည်း ဖြိုက်ပါရေ။ ဗိုလ်ချုပ် မောင်သိန်းတန်မှာ ပါတီနန့် တပ်မတော်မှာ တာဝန်ထမ်းဆောင်နီခါရေလည်း ကျရာတာဝန်က မငြိုငြင်ပဲ တာဝန်ကျီပွန်စွာ ထမ်းဆောင်ခပါရေ။ ဗိုလ်ချုပ်ရေ ၁၉၇၁ ခုနှစ်လောက်ကပင် KIO(ကချင်တပ်မတော်)နယ်မြေတိမှာ ရခိုင်ပြည် လွတ်လပ်ရေးအတွက်အဖွဲ့ချုပ်(AIO)တပ်နန့် ကုန်လမ်းခရီးရှည်တိ ပထမဆုံး ဖြတ်ကျော်ခပြီးကေ ရခိုင်ပြည်သို့ အရောက်လားခရေ သူရဲကောင်းတဦးလည်း ဖြိုက်ပါရေ။
Source: ဂစ္ဆပသတင်းဋ္ဌာန

ရခိုင်လူမျိုးနန့် ရခိုင်အမျိုးသားနိ

နိုင်ငံတိုင်း၊ နိုင်ငံတိုင်းနန့် လူမျိုးတိုင်း လူမျိုးတိုင်းမှာ သူ့ရို့တိအတွက် မမိန့်နိုင်ရေနိ ဆိုစော်ဟိပါရေ။ ဥပမာ - လွှတ်လပ်ရေးနိအရေးကြီးရေပိုင် အမျိုးသားနိဆိုစော်လည်း အရေးကြီးပါရေ။ အမျိုးသားနိကို သတ်မှတ်တေအခါ ယင်းလူမျိုး၊ ယင်းနိုင်ငံမှာ အအောင်မြင်ဆုံး၊ အစည်းရုံးဆုံးနန့် အတောက်ပဆုံးနိကို သတ်မှတ်ရပါရေ။ ယင်းပိုင်ဆိုက ကျနော်ရို့ရခိုင်မှာလည်း အမျိုးသားနိ အေနိထိ သတ်မှတ်လို့ မရနိုင်စော်၊ ဇာဖြိုက်လို့လည်း။ အေကိစ္စကို ပြောလိုက်တိုင်းမှာ ရခိုင်ပညာဟိတိ၊ ပညာတတ်တိ၊ ရခိုင်မျိုးချစ်တိ၊ ခေါင်းစားရရေ အရာတခုပါ။ ဇာဖြိုက်လို့ဆိုကေ ရခိုင်သမိုင်းတလျှောက်မှာ အောင်မြင်စည်ပင်ခရေ နိတိနန့် လှပရေ သမိုင်းတလျှောက်ကို ပိုင်ဆိုင်ထားခရေအခါ အအောင်မြင်ဆုံးနိကို ရွေးထုတ်ရခက်ပါရေ။

ရခိုင်ဘုရင် စန္ဒသူရိမင်းလက်ထက်က ဗုဒ္ဓဘုရားရခိုင်ပြည်ကို ကြွရောက်လာပြီးကေ မဟာမြတ်မုနိဘုရားကို တည်ထောင်ခရေနိကလည်း ရခိုင်သမိုင်းတခုမှာ လှပခရေဆိုကေ၊ မာရယုမင်း ဓည၀တီခေတ်ကို စတင်ခရေဆိုကေ၀ါ ဆိုကေ အမြင်နှစ်မျိုးလောက်စီထွက်လာပါရေ။ ယင်းပိုင်ဖြိုက်လို့ RNDP စတင်လာရေ လောက်ကပင် အေကိစ္စကို ကြောငြာချက် တစောင်ထုတ်ပြီးကေ ပြည်သူ့လူထုတိပါးက အမြင်နန့် ပီးစာတိကိုဖွင့်ပြီးကေလုပ်ခရေပါရေ။ RNDP ကလည်း ပီးစာတိကို အခုထိအောင် ဖွင့်ထား လက်ခံနီရေလို့လည်း RNDP ပြောရေးဆိုခွင့်ဟိရေလူတယောက်က လေးဝတီကို ပြောပြပါရေ။ ကြေငြာချက်ထဲမှာလည်း “ရခိုင်အမျိုးသးနိ” သတ်မှတ်ဖို့အတွက် ပြည်တွင်းပြည်ပ ရခိုင်ပညာရှင်တိ၊ ရခိုင်နိုငံရေးသမားတိ၊ သမိုင်းပညာရှင်တိ ၀ိုင်းဝန်ပါဝင်ကတ်ဖို့အတွက် ကြေငြာချက်ထုတ်လို့ဟိပါရေ။ ALP က ဒုဥက္ကဌလည်ဟောင်းလည်း ဖြိုက်တေ ဗိုလ်မှူးခိုင်မျိုးမင်းကလည်း “အေကိစ္စရေ ရခိုင်တမျိုးသားလုံးနန့် သတ်ဆိုင်ရေ ကိစ္စတခုပါ။ အေချင့်ရေ အမျိုးသားရေ အင်္ဂါရပ်တခုအနီနန့် လိုအပ်ချက်တခုလည်း ဖြိုက်ပါရေ။ လူမျိုးတိုင်း၊ လူမျိုးတိုင်းမှာ အမျိုးသားနိ ဆိုစော်ဟိပါရေ။ ဗမာမာလည်း ဟိရေ။ ကရင်မှာလည်းဟိပါရေ။ ယေကေလည်းသို့ ရခိုင်မှာ အမျိုးသားနိဆိုစော် အဂုထိအောင် မဟိသိမ့်ပါ။ Identity မဟိရေ သဘောပါ။ ယင်းချင့်ကို ပါတီတခုလည်း အနီနန့်လည်း လုပ်လို့မရပါ။ အဖွဲ့အစည်းတခုတည်းနန့်လည်း မလုံးလောက်ပါ” လို့ ပြောခဖူးပါရေ။ ၁၉၇၅ ခုနှစ်လောက်က မဆလအစိုးရ သတ်မှတ်ပီခရေ ဒီဇင်ဘာ ၁၅ ရက်နိကို ရခိုင်ပြည်နယ်နိပိုင် ကျောက်ဖြူမြို့အပါအ၀င် ရခိုင်နယ်မြို့ နယ် အချို့မှာ ကျင်းပနီစော်ကိုလည်း တွိ့ရပါရေ။ ယေကေလည်းသို့ ယင်း ဒီဇင်ဘာ ၁၅ ရက်နိကို ရခိုင်ပြည်နယ်နိ အဖြိုက်လက်ခံမှုတိ ကောင်းကောင်းမဟိစော်ကို တွိ့နီရပါရေ။ ယင်းပိုင်ဖြိုက်လို့ အေအမျိုးသားနိကို ရခိုင်အမျိုးသားတိ အားလုံး ကိုယ်အမြင် သူ့အမြင်တိကိုလည်း စာရီးပြီးကေ RNDP ကို Email က ဖြိုက်စီ၊ စာတိုက်က ဖြိုက်စီ၊ လူကိုယ်တိုင်း ဖြိုက်စီ လားရောက်ပို့ပီးကတ်ဖို့ လေးဝတီက တိုက်တွန်းလိုက်ပါရေ။

တိုင်းရင်းသားရေးရာ ၀န်ကြီးတိ လုပ်ပိုင်ခွင့်ခုံရုံးလျှောက်ထားချက် အနိုင်ရ

တိုင်းရင်းသားရေးရာဝန်ကြီး တိလုပ်ပိုင်ခွင်နန့် အဆောင်အယေက်တိရေ တိုင်းဒေသန့် ပြည်နယ်ဝန်ကြီးတိကြားမှာ တတန်းတန်းဖြိုက်ဖို့ အကျိုးခံစားခွင့်တူဖို့အတွက် လျှောက်ထားချက်ကို ခြေခံဥပဒေခုံရုံးကနီ အနိုင်ပီးလိုက်ပါရေ။ ယင်းချင့်ကို အမျိုးသားလွှတ်တော်အမတ် ရခိုင်တိုးတက်ရေးပါတီ ဥက္ကဌ ဒေါက်တာအေးမောင်က ပြောပြလားပါရေ။ ပြီးခရေ နိုဝင်ဘာလ လကုန်ပိုင်းလောက်က တိုင်းရင်းသားရေးရာ ၀န်ကြီးတိ လုပ်ပိုင်ခွင့်ကို အခြေခံဥပဒေပြဌာန်းချက်တိနန့် ကွဲလွဲနီရေအတွက် ပြင်ဆင် ပြဌာန်းပီးဖို့ အမျိုးသားလွှတ်တော် ကိုယ်စားလှယ် ၂၃ ယောက်က နီပြည်တော်အခြေခံဥပဒေခုံရုံးမှာ တင်ပြလျှောက်ထားခပါရေ။
ယင်းကိုယ်စလှယ်တိက ဒီမိုကရေစီနန့် တိုင်းရင်းသားပါတီဝင်အမတ်တိ ပါဝင်ပါရေလိုလည်းသိရပါရေ။ တိုင်းရင်းသားရေးရာဝန်ကြီးတိရေ တိုင်းဒေသကြီးအစိုးရ အစည်းအဝေးမှာ ပါဝင်ခွင့်မရရေ အပြင် တာဝန်နန့် လားလာရေအခါမှာလည်း ကိုယ်စရိတ်နန့် ကိုယ်လားရပါရေ။ ယင်းပိုင်ခွဲခြားဆက်ဆံခံရတေအတွက် ဖွဲ့စည်းပုံ အခြေခံဥပဒေနန့် မညီညွှတ်ကြောင့် ပြည်ထောင်စုတရားရုံးချုပ်အနီနန့် တိတိကျကျပြင်ဆင်သတ်မှတ်ပီးဖို့ အမျိုးသားလွှတ်တော်အမတ်တိက အခြေခံဥပဒေခုံရုံးကို လျှောက်ထားခပြီးကေ အမှုကို နိုင်ဝင်ဘာ ၂၈ ရက်နိက ကြားနားစစ်ဆေးခရေလို့လည်း သိရပါရေ။ ယင်းအပြင် ဖွဲ့စည်းပုံအခြေခံဥပဒေနန့် ပတ်သတ်လို့ ပထမဆုံးအကြိမ် ပြည်သူအများသိအောင် ကြားနားစစ်ဆေးခမှုလည်း ဖြိုက်ပါရေလို့ သိရပါရေ။

မြင်တတ်ကတ်ပါစီ

ရခိုင်လူမျိုးတိကို သိကတ်ပတ်စီ မြင်ကတ်ပတ်စီ ဖတ်ကတ်ပတ်စီ ဆိုပနာ စေတနာရှီထားပနာ ရွီးသား ပီးနိန်ကတ်တေ ရခိုင်စာရွီးဆရာတိကို လေးစားပါရေ။ ကျေးဇူးလည်း အထူးတင်ပါရေ။ ကိုယ်လည်း စာတစ်ကြောင်း ပီတစ်ကြောင်းမရွီးတတ်၊အပြုသဘောမဆောင် လိုက်ပနာ ပုတ်ခတ်နိန်ရေ လူတိကိုလည်း ကျေးဇူးတင်ပါရေ။ စည်းရုးံ့မှုဆိုစွာ သီနတ်တစ်လက် ကိုင်ပနာ မင်း ရခိုင်သားလား၊ မျိုးကို ချစ်လား ယာ..ချစ်ကေ သီနတ်ကိုင် တောထဲကို လားကတ်မေဆိုပနာ စည်းရုံးလို့မရပါ။ စည်းရုံးရေးဆိုစွာ ဇာလောက်ထိ အရေးပါလဲဆိုစွာကို အမျိုးသားရေး တော်လှန်ရေးလုပ်နိန်ရေ လုပ်နိန် ကတ်ပါရေလို့ ပြောနိန်ကတ်တေလူတိ ပိုလို့သိကတ်ပါလိမ့်မေ။ တေးရွီးသူ၊ တေးဆိုသူ၊ ကဗျာ ရွီးသူ၊ ဆောင်းပါးရွီးသူတိုင်းကို အာမနိန်ကေ့ ရခိုင်လူမျိုးကို ချစ်ကေယာ..သီနတ် ကိုင် တိုက်ပွဲဝင်ကတ်မေဆိုပနာ ခေါ်ကေတော့ စားလီဖိ သကာ ဖြစ်လိမ့်မေ။ ဆရာတော်ဦးဥတ္တမ သီနတ် ကိုင်ပနာ တိုက်ပွဲဝင်ခစော်မဟုတ်။ မျိုးချစ်ခြင်းမှာ အမျိုးမျိုးရှိရေ။ ပြည်သူ့အသံဆိုစွာရှိရေ။ ပြည်သူ့အသံကို အလေးထားရရေ။ ပြည်သူ့မပါပဲ လွတ်မြောက်ရေးမရနိုင်။ အခုခေတ်အရ တစ်အိမ်တက်ဆင်း လုပ်ပနာ စည်းရုံးလို့မရနိုင်။ ခေတ်ပေါ်လစီဆိုစွာ ရှိရေ။နည်းပိရိယာယ်ကို နားမလည်ပဲ မစားရမသောက်ရ ငါ့အတွက်ဆိုရေ အတ္တစွဲကို ကိုင်စွဲပနာ အမျိုးသားရေးကို လုပ်လို့မရ။ အူမတောင့်မှ သီလမြဲရေ ဆိုစကားပိုင် အမျိုးသားတော်လှန်ရေးအတွက် ပြည်သူအသံ၊ ပြည်သူ့အကူအညီ ဆိုစွာကကောင်း အရေး ပါရေ။ ပြည်သူတိနန့် တစ်သားတည်းဖြစ်ဖို့အတွက် အဖွဲ.အစည်း အသင်းတစ်ခုမှာ တာဝန် ထမ်းဆောင်နိန်ကတ်တေ လူတိက ပိုလို့တာဝန်ရှိရေ။ စကားကို ပြီးစလွယ်ပြောလို့မရ။ ရှီနောက် အကျိုး အကြောင်းသင့် ညီဖို့လိုရေပိုင် အနစ်နာခံရေစိတ် စိတ်သဘော ထားမြင်မြတ်ဖို့လည်းလိုရေ။ ပြည်သူကိုကိုယ်စားပြုရေ အဖွဲ.အစည်းတစ်ခုမှာ လုပ်ရေ ဆိုလောက်ကပင် ပြည်သူ၏ ကိုယ်စားပြု ဖြစ်လားဗျာယ်။ အမျိုးသားရေးဆောင်းပါးတိကို ရွီးသား နိန်ရေလူတိ၊ အမျိုးသားရေးတေးခြင်းတိကို သီဆိုနိန်ရေလူတိက ဇာအဖွဲ.အစည်းတစ်ခုမှာလည်း မပါဝင်။ လမ်းပြပီးရုံသာ။ သူရို့စိတ်မှာ ခံစားနိန်ရရေ ခံစားမှု ဆန္ဒတိကို ယင်းသူရို့လုပ်ပီးနိုင်ရေ တက်ကျွမ်းရေနိန်ရေက တာဝန်ကျေအောင်လုပ်ပီးနိန်ခြင်းပင်ဖြစ်တေ။ အဆိုတော် ၀င်းကိုခိုင်ကို လားပနာ မိန်းကြည့်လိုက် အမျိုးသားရေးတေးခြင်းတိကို မဆိုနိန်ကေ့ဖိ။ အမျိုးကို ဒေလောက်ပင် ချစ်ကေ လာတိုက်ပွဲဝင်ခလိုက်။ သီနတ်ကိုင်ခလိုက်လို့ ခေါ်ခီကတ်။ သူနည်းသူဟန်နန့် တိုက်ပွဲဝင် လမ်းပြနိန်ခြင်းဗျာယ်။ သီနတ်ကိုင်မှ အဖွဲ.အစည်းတစ်ခုမှာ ၀င်ရောက်လုပ်ကိုင်မှ မျိုးချစ်တေလို့အရာရောက်ကေ ဆရာတော်ဦးဥတ္တမရို့ပိုင် ပုဂ္ဂိုလ်မျိုးတိ၊ ဆရာကြီးဦးဦးသာထွန်းရို့ပိုင် ပုဂ္ဂိုလ်တိ ပေါ်ထွက် ပေါ်ပေါက်လာစရာ အကြောင်းမရှိ။ လက်နက်ကိုင် တိုက်ပွဲဝင်ရေလူကလည်း သူနိန်ရာနန့်သူ လုပ်ဆောင်နိန်ကတ်စွာပါဗျာယ်။အိမ်တစ်ဆောင်ဆောက်ဖို့အတွက် တိုင်တစ်တိုင်က အစပြုရရေပိုင် ယင်းအစပြုရေတိုင်ကလည်း အခြီခိုင်ခံ့ဖို့ နှောင်းဖို့လိုအပ်ပါရေ။ မဟုတ်ကေတော့ခါ အားလုံး ပြိုပျက်လားလီပါဖို့။ သီနတ်ကိုင်ဖို့အတွက် စိတ်ဓာတ်ခိုင်မာမှု ရင့်ကျက်မှု ပြတ်သားမှု လိုအပ်ပါရေ။ မဟုတ်ကေတော့ ကိုယ့်လက်နက် ရန်သူလက်နက် ဖြစ်လားပါလိမ့်မေ။ ယင်းပိုင် စိတ်ဓာတ်ခွန်အား ခိုင်မာမှုကို ပီးစွမ်းနိုင်စွာကလည်း စာပီပါ။ စာဖတ်မှ အသိဥာဏ် ပညာဆိုစွာ ရလာရေ။ အသိဥာဏ်ပညာ တွေးခေါ်မှု ကောင်းမှ စီမံခန့်ခွဲမှု၊ စည်းရုးံမှုတိ ကောင်းလာပါဖို့။ စာကြောင်းတစ်ကြောင်းကြောင့် လူတစ်ယောက်ဘ၀ ပျက်လားရေပိုင် လူအယောက်စီတိုင်း၏ စိတ်ဓာတ်တိလည်း တက်ကြွလားစီပါရေ။ ရခိုင်အများစု ဗိုလ်ချုပ်အောင်ဆန်းကို ဇာအတွက်မုန်းကတ်ပါရေလဲ။ ကျွန်တော်သိရသလောက် စကားတစ်ခွန်းကြောင့်ပါ။ရ ခိုင်နန့်မြီပွီးမာ ရခိုင်ကို အရင်သတ်လို့ ရခိုင်တစ်မျိးသားလုံးကို စော်ကားပနာ ပြောခရေ စကားတစ်ခွန်းကြောင့်ပင် ဖြစ်ပါရေ။ ရခိုင်လူမျိုးတိ အသိနန့်မျိုးချစ်စိတ်ကို ဆင်ခြင်နိုင်ကတ်ပါစီ။
(ရွီမြောက်ဥူး)

ရခိုင်ပြည်မှာ လျှပ်စစ်မီးရဟိရေ လှုပ်ရှားမှုတိကို စစ်ဆေးချက်တိ စောင့်ကြည့်မှုတိ ခံနီရပါရေ

ရခိုင်ပြည်နယ်အထဲမှာ ၂၄ နာရီ မီးရဟိရေ လှုပ်ရှားမှုတိ ဆက်တိုက် လှုပ်ရှားလျှက်ဟိပြီးကေ လှုပ်ရှားမှုထဲမှာပါရေလို့ မသင်္ကာ ခံနီရရေလူတိကို ခေါ်ယူစစ်ဆေးစော်တိ၊ စောင့်ကြည့်စော်တိကို အဂုနောက်ပိုင်မှာ အစိုးရဖက်က ဆက်တိုက် လုပ်လာပါရေလို့ သိဟိရပါရေ။ ရခိုင်ပြည်နယ် ရွှေသဘာဝဓာတ်ငွေ့ ထွက်ဟိကေလည်း ရခိုင်ပြည်သူလူထဲတိမှာ အကျိုးခံစားခွင့် တခုလည်း မရဟိပါ။ ရခိုင်ပြည်က ထွက်တေ သဘာဝဓာတ်ငွေကို တရုတ်ကိုရောင်းချလားပြီးကေ ရခိုင်ပြည်နယ်က ထွက်ကေလည်း ရခိုင်ပြည်သူလူထုတိမှာ ဆီမီးခွပ်ကိုတောင် မထွန်းနိုင်ရေ ဆင်းရဲသားဘ၀နန့် ရုန်းကနီရစော်ကို မကြည့်နိုင်လို့ ရခိုင်လူငယ်ထုက ၂၄ နာရီ မီးရဟိရေးကို လှုပ်ရှားနီရစော် ဖြိုက်တေလို့လည်း သိရပါရေ။
ဒုတိယအကြိမ် လွှတ်တော် အစည်းအဝေးထဲက ပထမဆုံးအကြိမ် ပြည်သူ့လွှတ်တော် အစည်းအဝေးမှာ ကျောက်ဖြူမဲဆန္ဒနယ်က ပြည်သူလွှတော်ကိုယ်စလှယ်က ရွှေသဘာဝဓာတ်ငွေသိုက်က ထွက်တေ သဘာဝဓာတ်ငွေ့ကို ရခိုင်ပြည်နယ်မှာ သုံးစွဲဖို့လား လို့ အဆိုတင်သွင်းမီးကြည့်ခပါရေ။ ယင်းချင့်ကို စွမ်းအင်ဝန်ကြီးက ရခိုင်ပြည်နယ်မှာ တခုချေလည်းသို့ မသုံးစွဲပါ၊ အားလုံးကို တရုတ်ကို ရောင်းချလားဖို့ ဖြိုက်ပါရေလို့ ပြောခရေအတွက် ရခိုင်ပြည်သူလူထဲမှာ ရင်ထုမနာ ဖြိုက်ရပြီးကေ ယင်းလောက်ကပင် တောက်လျှောက် လှုပ်ရှားမှုတိ စတင်လာပါရေ။ လှုပ်ရှားမှုထဲမှာ ပါဝင်ရေ လူငယ်တယောက်က “ကျနော်ရို့ ၂၄ နာရီ မီးမရမချင် လှုပ်ရှားမှုတိကို ရခိုင်ပြည်နယ် အနှံမှာ တောက်လျှောက်လုပ်လားပါဖို့၊ ကျနော်ရို့ ပြည်သူ့တိ ဆင်းရဲ မွဲတည်နီစော်ကို ကျနော်ရို့ လက်ပိုက်ကြည့်မနီနိုင်ပါ” လို့ ပြောလားပါရေ။ နှစ်ပေါင်း ၃၀ ကျော် အတွင်းမှာ ရွှေဂစ်(စ်)စီမံကိန်ကနီ ထုတ်လုပ်ရောင်းချပြီးကေ အမေရိကန်ဒေါ်လာ ၉ ကုဋေခန့်လောက်ကို မြန်မာ အစိုးရက ရဟိဖို့လည်း ရွှေဂစ်(စ်) စီမံကန်း ဆန့်ကျင်လှုပ်ရှားရေးအတွက် အစီရင်ခံစာမှာတွိ့ရပါရေ။ a

ကျောက်ဖြူမြို့မှာ ရခိုင်ပြည်နယ်နိကျင်းပ

ဒီဇင်ဘာလ ၁၅ ရက်နိကို ရခိုင်ပြည်နယ်နိ အဖြစ် ၁၉၇၄ ဖွဲ့စည်းပုံအရ ဦးနေ၀င်းဦးဆောင်ရေ မဆလ အစိုးရက အသိအမှတ်ပြုခပါရေ။ ယင်းပိုင်ဖြိုက်လို့ ၃၇ နှစ်ပြည့်မြောက်တေ ရခိုင်ပြည်နယ်နိ အထိမ်းအမှတ်ပွဲကို ရခိုင်ပြည်နယ် ကျောက်ဖြူမြို့နယ်မှာ ဒီဇင်ဘာလ ၁၃ ရက်နီ ဒီဇင်ဘာလ ၁၅ ရက်နိထိ ပြုလုပ်ကျင်းပနီပါရေလို့ သတင်းရဟိပါရေ။ ရခိုင်ပြည်နယ်နိကျင်းပရခြင်း အကြောင်းအရင်းကို “ကျနော်ရို့ ရည်ရွယ်ချက်တော့ခါ အမျိုးဘာသာ၊ သာနာကို ထိမ်းသိမ်းစောင့်ရှောက်ဖို့နန့် ဇာတိဂုဏ် လူကြီး လူငယ်ချေတိအားလုံး သိရှိလာစီဖို့၊ နောက်တခုက အမျိုးသားရေ စိတ်ဓာတ် ရှင်သန်စီဖို့ ချစ်ခင်ရင်းနှီးစွာ စည်းစည်းလုံးလုံးဟိဖို့၊ ယင်းပိုင် ရည်ရွယ်ပါရေ။” လို့ ဦးဆောင်ပါဝင်ရေ လူတယောက်က ပြောပါရေ။ ရခိုင်ပြည်နယ်နိ ပွဲအစီအစိုင်နန့် ပတ်သတ်ပြီးကေ အေပိုင် ဆက်ပြောပါသိမ့်ရေ။ “ကျနော်ရို့ ညဇာက စပြိးကေ ဖြေဖျော်ရေး အစီအစိုင်နန့် စတင်ပါရေ။ နောက်ပြီးကေ ရထားဆွဲလည်းပါပါရေ။ အေနိဆိုကေ ရခိုင်ရိုးရာ ကျင်ပွဲကို စဖို့ ဖြိုက်ပါရေ။
အသျှေတိအတွက်လည်း ပြေးခုန်ပစ်အားကစားတိနန့် ပျော်ပွဲ ရွှင်ပွဲတိ လုပ်လားဖို့ ဖြိုက်ပါရေ။ ဒီဇင်ဘာ ၁၅ ရက်နိမှာ မာရသွန်ပြိုင်တိလည်း ဟိပါရေ၊ လူငယ် လူကြီး စုစုပေါင်း ၁၀၀ ခန့်လာက် ပါဘာဖို့”လို့ ဆက်ပြောလားပါရေ။ ဂီတ ပဒေသာ ဖျော်ဖြေပွဲမှာလည်း ရခိုင်နာမည်ကြီး အဆိုတော်တိဖြိုက်တေ ဦးမောင်သိန်း၊ စိမ်းလဲ့လဲ့၊ ထက်အောင်ကျော် ရို့ အပါအ၀င် တက်သစ်စ အဆိုတော်တိ အများကြီးပါပါရေ လို့လည်း သိရပါရေ။ အေတကြိမ်နန့် ဆိုကေ ကျောက်ဖြူမြို့မှာ ကျင်းပလာစော် ၆ ကြိမ်မြောက်ဟိပါဗျာလ်။
Souce : နိရဉ္စရာ

လက်ရှိမြန်မာ့ နိုင်ငံရေးကို ကျွန်နော့်အမြင်သဘောထား

ဒေဂု နိုင်ငံရေးလောကမှာ ဒေါ်အောင်ဆန်းစုကြည်ဆိုကေ တချို့နိုင်ငံရေးသမားတိက ကန့်ကွက်လူလည်း ဟိရေပိုင် ထောက်ခံလူလည်းဟိပါရေ။ ဗမာ့နိုင့်ငံရေးအသိုင်းအဝိုင်းကလည်း ထောက်ခံရေလူဟိရေပိုင် ကန့်ကွက်တေလူတိလည်း တွိရပါယင့်။ ဝေဖန်သံတိလည်း ဆူညံနီကတ်ပါရေ။ ဒေနေရာမှ ကျွန်နော့် အမြင်ကို စိချေ တင်ပြပါမယ်။ ပြောရဖို့ဆိုကေ ဒေါ်အောင်ဆန်းစုကြည် နိန်အိမ်အကျယ်ချုပ် ကမထွက်ခင် ပြောခပါ ရေ။ ၂၀၀၈ ဖွဲ့စည်းပုံအခြေခံဥပဒေစော် လုံးဝစက္ကူစုတ်ပါရာလို့ဒေါ်အောင်ဆန်းစုကြည်က ပြောဖူးခပါရေ။ စစ်အာဏာရှင်စနစ်ကြီးစိုးရေးကို မဏ္ဍိုင်ပြုထားရေ ဖွဲ့စည်းပုံရာဖြစ်တေ။ အမေရိကန်ပါဝင် ကမ္ဘာ့နိုင်ငံအသီးသီးကလည်း ယင်းဖွဲ့စည်းပုံကို စက္ကူစုတ်တစ်ခုပိုင် ပြောကတ်ပြီးကေ မထောက်ခံ ခကတ်ပါ။ ယေကေလည်း နအဖ လမ်းပြမြေပုံ (၇) ချက်အတိုင်း စစ်အာဏာရှင်စနစ်ကြီးစိုးရေး၊ မဟာဗမာ လူမျိုးကြီးဝါဒကြီးစိုးရေး၊ စရေအချက်တိကို အခြေခံထားရေ ယင်းသူရို့၏ စတုတ္ထ မဟာဗမာ နိုင်ငံတော်ကို ဖန်တီးဖို့ အကောင်အထည်ဖေါ်ဖို့ အထောက် အကူပြုရေ ဖွဲ့စည်းပုံအခြေခံဥပဒေပါ။
ယင်းဖွဲ့စည်းပုံကို မကြိုက်တေ ဒေါ်အောင်ဆန်းစုကြည်ရေ အဂု ယင်းဖွဲ့စည်းပုံအောက်ကို လားဖို့ ပျင်နီပါရေ။ ဇာဖြစ်လို့ပါလေ။ အကြောင်းတိ အချက်တိ အတွေးအခေါ်တိ အမြင်တိ ဝေဖန်ချက်တိ ဆွေးနွေးချက်တိ အများကြီးဟိလီပါဖို့။ ယင်းဖွဲ့စည်းပုံအောက်ကိုလားကေ ၁၉၉၀ ရွေးကောက်ပွဲစော် သူ့အလိုလို ပျက်ပျယ်လားခပါဗျယ်။ ရွှေဂုံတိုင်ကြေငြာချက်စော်လည်း သူ့အလိုလို စက္ကူဘဝကို ရောက်လားလီပါဖို့။ ဒေရှင့်စော် ဇာဖြစ်လို့ ဒေါ်အောင်ဆန်းစုကြည် ဒေပိုင်လုပ်ရစော်လဲ။ ကျွန်နော့်လေ့လာ ဆန်းစစ်လိုက်တေအခါ။ သူ့ကိုနီအိမ် အကျယ်ချုပ်ကနိန်လွှတ်ပီးစော်က ၂၀၀၉ နိုဝင်ဘာလ ၁၃ ရက်၊ ရွေးကောက်ပွဲပြီးရေနောက်ပိုင်းပါ။ (နအဖလည်း ဒေနေရာမှာ ကကောင်း နိုင်ငံရေးပရိယာယ် ဝပါရေ။ ယင်းပိုင်ဝ လို့လည်း တိုင်းပြည်ကို ဒေပိုင်လုပ်လို့ရနိန်စော်ပါကို။) သူ့အနေနှင့် ဥပဒေဘောင် (နအဖ ချမှတ်ထားရေ ဥပဒေဘောင်) အတွင်းကလှုပ်ရှားဖို့ဆိုကေ၊ အခြေအနေ ကောင်းနိုင်ပါရေ။ နောက်တစ်ခုက သူ့အနေနန့် နောက်တခါထောင်ကျခံလို့ လုံးဝမဖြစ်နိုင်ပါဗျယ်။ နအဖကလည်း သူ့ကို ပါလီမန်ထဲကို အားနန့် ဆွဲခေါ်ရေ ပုံရိပ်ချေတိတွိရပါရေ။ ဒေါ်အောင်ဆန်းစုကြည် ဒေပိုင်လုပ်စော်ရေ တဖက်ကကြည့်ကေ ပြည်သူလုထု ထောက်ခံထားရေ ၁၉၉၀ ရွေးကောက်ပွဲကို လုံးဝမျက်ကွယ်ပြုလားရေပိုင်ကျပါရေ။ ပြည်သူလုထုကို မလေးစားရလည်းရောက်ပါရေ။ ကမ္ဘာမှာ မရှိလောက်တေ ၈၂ % (ရာခိုင်နှုန်း)နန့် ရွေးကောက်ပွဲနိုင်စော်ပါ။ အပြတ်အသတ်နိုင်စော်ပါ။ Landslide ဖြစ်ပါရေ။ ယေကေလည်း သူ့နောက်မှာ ပြည်သူဟိပါရေ။ ဆိုးဆိုးကောင်းကောင်း ပြည်သူလူထု ထောက်ခံမှုကို အပြည်အဝရထားရေ နိုင်ငံရေးခေါင်းဆောင်တစ်ယောက်ပါ။ ကျွန်နော် ဒေပိုင်သူ့ဖက်က ပြောနိန်စော်စော် သူ့ကိုထောက်ခံလို့ လေးစားလို့လို့ မထင်လိုက်ကတ်ပါကေ့။ ideology analysis လုပ်ပြီးကေ ပြောနိန်ခြင်းရာဖြစ်ပါရေ။ ဒေဂုမြန်မာနိုင်ငံပြုပြင်ပြောင်းလဲရေး၊ (Transformation) (Transition to Democracy) ဒီမိုကရေစီ အသွင် ကူးပြောင်းရေးလုပ်စော်မှာ ပြည်ပနိုင်ငံတိက မြန်မာနိုင်ငံကို ချဉ်းကပ်မှုတိ အများကြီး ဟိလာစော်တိ လက်ရှိအချိန်မှာ တွိမြင်လာကတ် ပါရေ။ ဒေရက်ပိုင်း အတွင်းမှာ အမေရိကန် နိုင်ငံခြားရေဝန်ကြီး ဟယ်လာရီကလင်တန် (Hillary Clinton) တောင်မှ မြန်မာနိုင်ငံကို လာပြီးကေ လက်ရှိ ဦးသိန်း အစိုးရဖက်က လူတိနန့်လည်းတွိပြီးကေ NLD ဖက်က ဒေါ်အောင်ဆန်းရို့နန့်လည်း တွိဖြစ်ကတ်ပါရေ။ နောက်တိုင်းရင်းသားခေါင်းဆောင်တွိကတ်ပါရေ။ ဟယ်လာရီကလင်တန်က ပွင့်လင်းမြင်သာရေ ပြုပြင်ပြောင်းလဲရေးကို မြင်ချင်ရေလို့ပြောပါရေ။ အဓိက အမေရိကန်က မြန်မာနိုင်ငံမှာ ထားရေ ဝှက်ဖဲလက်နက်တစ်ခုဖြစ်တေ ပိတ်ဆို့မှုတိကို (Sanction) လက်ကိုင်ထားပနာလာခြင်းဖြစ်ပါရေ။ ယင်းစော်ကိုလည်း စိုင်းဇားပီးမေလို့လည်းပြောလားခပါယင့်။ ကျွန်နော်ရို့ ရခိုင်အမျိုးသား တိုးတက်ရေးပါတီက (RNDP- Rakhine National Development Party) ဒေါက်တာအေးမောင်ရို့နန့် လည်း တွိဆုံခကတ်ပါရေလို့ကြားသိရပါရေ။ ကျွန်နော့်အမြင်က မြန်မာနိုင်ငံရေ ဒီမိုကရေစီဖက်ကို ၅၀%ရာခိုင်နှုန်းလောက် ပြောင်းလဲလားနိုင်ပါရေ။ ယေကေလည်း တိုင်းရင်းသား အခွင့်အရေးအတွက် လမ်းစမမြင်ပါသိမ့်။ ဟယ်လာရီကလင်တန် နန့် ဒေါ်အောင်ဆန်းစုကြည်ကြားမှာ တစ်ခုခုတော့ဟိလီပါဖို့။ ယင်းစော်ကို ကျွန်နော်ရို့လည်း မသိနိုင်ပါ။ ယေပြီးကေ အမေရိကန်သမ္မတ ဘရက် အိုဘားမား (Barack Obama) နန့် ဒေါ်အောင်ဆန်းစုကြည်နန့်လည်း ဖုန်းပြောဖြစ်ကတ်ပါရေ။ အမေရိကန်က မြန်မာနိုင်ငံအပေါ်မှာ သူ့မူဝါဒကတော့ ထိုင်းနိုင်ငံပိုင် သူ့လက်အောက်ခံနိုင်ငံအဖြစ် သွတ်သွင်းဖို့ပိုင် ဖြစ်နီပါရေ။ နိုင်ငံရေးပထဝီ (Geopolitics) အနေအထားရ မြန်မာနိုင်ငံစော်လည် အမေရိကန်အတွက် အရေးပါရေ နေရာတစ်ခုမှာ ပါရေ။ ဒေနိန်ရာမှာ တိုင်းရင်းသားအခွင့်အရေးဆိုလို ယင်းအခွင့်အရေးကို စိချေပြောချင်ပါရေ။ ဒေတိုင်းရင်းသား အခွင့်အရေးယေ အဂုကပင်ဆုံးရှုံးနိန်စော်မဟုတ်ပါ။ လွန်ခရေ ၁၉၄၈ လွတ်လပ်ရေးရစခါကပင် ဆုံးရှုံးနိန်စော်ဖြစ်ပါရေ။ ဗိုလ်ချုပ်အောင်ဆန်းရေ တောင်ထက်မှာနိန်ရေလူတိနန့် မြေပြန့်လွင်ပြင်မှာနိန်ရေ လူတိကို ပေါင်းပြီးကေ လွတ်လပ်ရေးယူဖို့လို့ပြောခပါရေ။ “မင်းရို့တိ ငါရို့နန့် ဆယ်နှစ်အတူတူ လက်တွဲပနာနိန်ကြည့် ဆယ်နှစ်အတူတူ နိန်လို့မှ မင်းရို့မကြိုက်ဆိုကေ ယင်းခါ မင်းရို့သဘော မင်းရို့ ဆန္ဒအလျောက်ခွဲထွက် ချင်ကေ ခွဲထွက်လို့ရရေ ဆိုရေသဘော” ကို ဗိုလ်ချုပ်အောင်ဆန်းပြောဖူးခစော်ကို အားလုံးသူရို့ သိကတ်ဖို့ထင်ပါရေ။ ပင်လုံညီလာခံတစ်ခုပြုလုပ်ပြီးကေ အားလုံးသူပေါင်းလို့ လွတ်လပ်ရေးယူခစော် အားလုံးအသိဖြစ်ပါရေ။ ဒေစော် ဗိုလ်ချုပ်အောင်ဆန်း နိုင်ငံရေးကွက်ကျော်စားလား စော်လို့မြင်ပါရေ။ ဇာဖြစ်လို့လဲဆိုကေ ဗမာလူမျိုးဖက်က အောင်ဆန်းတယောက်တည်း အာမခံပနာ လုပ်လားခရေ ကိစ္စဖြစ်နိန်ရေအတွက်ဖြစ်ပါရေ။ တကယ်လို့ ပင်လုံညီလာခံ အရဆိုကေ ကျွန်နော် ရို့ ရခိုင်လူမျိုး အနေနန့် ခွဲထွက်ပိုင်ခွင့်ဟိဖို့ထင်ပါရေ။ ယင်းပင်လုံညီလာခံမှာ ပါခရေအဓိက လူမျိုးတိက တော့ခါ ကချင်၊ချင်းနှင့် ရှမ်းရို့ဖြိုက်ပါရေ။ ရခိုင်ဖက်တော့ခါ ဦးအောင်ဇံဝေရို့က လေ့လာသူအဖြစ် ယင်းညီလာခံကို တက်ရောက်ခကတ်ပါရေ။ ပင်လုံညီလာခံ၏ အဓိက အနှစ်သာရတော့ခါ ဆန္ဒအလျောက် ခွဲထွက်ပိုင်ခွင့်၊ ပူးပေါင်းပိုင်ခွင့်ရို့ဖြစ်ပါရေ။ ခွဲထွက်ခွင့်နန့် ပူးပေါင်းခွင့်ကိစ္စနန့်ပတ်သက်လို့ပြောချင်စော်က ၁၉၇၄ ဖွဲ့စည်းပုံဥပဒေကို အသေအချာလေ့လာကေ လုံးဝ ခွဲထွက်လို့မရအောင်လုပ်ထားပါရေ။ ၁၉၄၇ ဖွဲ့စည်းပုံအခြေခံဥပဒေမှာ ခွဲထွက်ပိုင်ခွင့်နန့်ပတ်သက်လို့ အခန်း ၁၀ မှာ အကျယ်တဝင့်ရှင်းပြထားပါရေ။ ဗိုလ်ချုပ်အောင်ဆန်းရေ ယင်းခါကပင် လွတ်လပ်ရေးယူခလို့ရပါယာ။ ယေကေလည်း သူရေ နောက်တခြားတိုင်းရင်းသားတိကို စည်းရုံးဖို့.. တောင်မှာနိန်ရေလူတိနန့် မြေပြန့်ဒေသမှာ နိန်ရေလူတိနန့် တပေါင်းတစည်းတည်းယူဖို့ ဆိုရေအကြောင်းပြချက်နန့် မြန်မာနိုင်ငံ၏ လွတ်လပ်ရေးရှေ့ပြီး အောင်ဆန်း-အက်တလီစာချုပ်ကိုချုပ်ဆိုပြီးနာမြန်မာနိုင်ငံကိုပြန်လာခပါရေ။ မြန်မာနိုင်ငံကိုပြန်လာရေနောက်ပိုင်း ၁၉၄၇ ဇူလိုင်လ ၁၉ ရက်နိန်မှာ လုပ်ကြံခံလိုက်ရပါရေ။ ဒေနိန်ရာမှာ ကျွန်နော်တစ်ခုပြောချင်ပါရေ။ အင်္ဂလိပ်တိက ရခိုင်ရို့ လွတ်လပ်ရေးပီးရေအခါ ပါကိစ္စတန်နန့် ပေါင်းပီးဖို့လား၊ အိန္ဒိယ နန့်ပေါင်းပီးဖို့လား၊ ဗမာနန့်ပေါင်းပီးဖို့လားဆိုစော်ကို ထည့်စိုင်းစားလီခဖို့ ထင်ပါရေ။ မဟုတ်ကေ အင်္ဂလိပ်လက်အောက်မှာ ဒေနိန့်ထက်ထိ ရှိနိန်ဖို့လားဆိုစော်ကိုလည်း စိုင်းဇားစရာပါ။ ဗိုလ်ချုပ်အောင်ဆန်းရေ နိုင်ငံရေး အမြတ်ထုတ်လားခစော်ပါ။ သူသီကေ ပြီးယာဆိုရေ ပုံစံမျိုးနန့် လုပ်လားခစော်လည်း ဖြစ်ကောင်းဖြစ်နိုင်ပါရေ။ ပြီးကေ သူက ပြောကေ ပြောရေ အတိုင်းလုပ်ပါရေ။ ယင်းစော်က သူ့အားနည်းချက်ဆိုရေပိုင် အားသာချက်တစ်ခုပါ။ သူဟိခကေလည်း တိုင်းပြည်တမျိုးတဖုံဟိပါဖို့။ ရခိုင်ပြည်လည်း အိန္ဒိယ နန့်ပေါင်းပြီးလွတ်လပ်ရေးယူခဖို့ဆိုကေလည်း ဒေနိန့်အချိန်မှာ အိန္ဒိယထဲက ပြည်နယ်ချေတစ်ခုအဆင့်လောက်ရှိပါဖို့။ ပါကိစ္စတန်နန့်ရာ ပေါင်းဖို့ဆိုကေလည်း အားလုံးရခိုင်သားတိ အလ္လာကို ရှိခိုးလို့ဟိပါဖို့။ ဗမာနန့်ပေါင်းပြီးကေ လွတ်လပ်ရေး ယူခစော် ကောင်းစော်တိဟိပိုင် ဆိုးစော်တိလည်းဟိပါရေ။ ဗိုလ်ချုပ်အောင်ဆန်းကို ကျေးဇူးတင်ရဖို့လိုလို ဖြိုက်နိန်ပါကာ။ ဒေဂုလက်ရှိဖြစ်ပေါ်နိန်ရေ နိုင်ငံရေးဖြစ်စဉ်တိမှာ ဒေါ်အောင်ဆန်းစုကြည်ကို အားလုံးဗမာတိက ကြိုက်ကြိုက် မကြိုက်ကြိုက် အားလုံး ဝိုင်းရံပီးကတ်ပါရေ။ ယင်းစော် မဟာဗမာလူမျိုးကြီးရို့၏ ကောင်းရေ အချက်ချေတိပါ။ ကိုယ့်လူကြီးကို ကိုယ်ရို့အားလုံးက ဝိုင်းရံပီးကတ်ပါရေ။ ဒေါ်အောင်ဆန်းစုကြည်ရေ သူအမှားတိလုပ်ခပါဖို့။ ယေကေလည်း အားလုံးက သူ့ကိုထောက်ခံပြီးကေ ဝိုင်းရံပီးကတ်ပါရေ။ သူစော် ဗိုလ်ချုပ်အောင်ဆန်း အရှိန်အဝါတိလည်းပါပါဖို့။ နိုင်ငံခြားမှာ ပညာသင်ဘနာ နိုင်ငံခြားသားကို ယူထားရေ ဗမာ အမျိုးသမီးတယောက်ပါ။ ယေကေလည်း တိုင်းပြည်အတွက် လုပ်တေအခါ အားလုံးက သူ့အနစ် အနာခံမှုတိကို အသိအမှတ်ပြုပြီးကေ ဝိုင်းရံပီးကတ်ပါရေ။ နောက်တစ်ခုက ဒေါ်အောင်ဆန်းစုကြည်၏ တိုင်းရင်းသားအပေါ်မှာထားရေ ပေါ်လစီပါ။ မြန်မာနိုင်ငံပြုပြင် ပြောင်းလဲဖို့လုပ်တေဆိုကေ တိုင်းရင်းသားအခန်းကဏ္ဍကို ပိုက်ပယ်ထားလို့မရပါ။ ပြီးကေ သုံးပွင့်ဆိုင် ဆွေးနွေးဖို့လိုပါရေ။ ဇာပင်ဖြစ်ဖြစ် သူ့အနေနန့် လွတ်တော်ထဲကို လုံးဝဝင်ပါဖို့။ နောက်လာဖို့ရွေးကောက်ပွဲစော် သူ့အတွက် လုံးဝ နိုင်ကွက်လို့မြင်ပါရေ။ နိုင်ငံတကာစောင့်ကြည့်မှုအရ ဒေါ်အောင်ဆန်းစုကြည့်ကို ဒေပိုင်လုပ်ခွင့် ပီးလိုက်တေအတွက် နိုင်ငံတကာက ထောက်ပံ့မှုတိ အများကြီးရပါဖို့။ ယင်းစော်လည်း နိုင်ငံရေး လှည့်ကွက်တစ်ခုပါ။ နအဖ ကကောင်းလည်ပါရေ။ အဂုအပြုသဘောဆောင် တွေ့ဆုံဆွေးနွေးမှု တိ၊ အပစ်အခတ်ရပ်စဲမှုတိ လုပ်လာစော် လည်းတွိရပါရေ။ တဖက်က ယင်းပိုင်လုပ်တေပိုင်၊ နောက်တဖက်ကလည်း ထိုးစစ်တိ ဆင်နိန်စော်ကိုတွိ့ရပါရေ။ အဂုဆိုကေ RCSS (Restoration Council of Shan State) နန့်လည်း သဘောတူပြီးပါယာ။ ဝနန့်လည်း သဘောတူပြီးပါယာ။ ဒေပိုင် သဘောတူ လက်မှတ်ထိုးစော်တောင်မှ ထူးခြားချက်တစ်ခု ဝပြည်သွေးစည်းရေးပါတီသည် တရုတ်နိုင်ငံနှင့်လွတ်လပ်စွာ ကုန်သွယ်ဆက်ဆံပိုင်ခွင့် ဆိုရေအချက်တစ်ခုပါ။ လက်မှတ်ထိုးစော်တောင်မှ ခွဲခြားဆက်ဆံမှုတိ လုပ်နီစော်တွိ့ရပါရေ။ ယင်းပိုင် ဆိုကေ ဒေကောင်တိကို ယုံရဖို့လား။ ဒေအစိုးရရေ နိုင်ငံတကာမှာ ကကောင်းမျက်နှာငယ်နီရ ပါရေ။ ယင်းစော်အတွက် သူ့အဖတ်ဆယ်နီစော်ပါ။ နောက်တစ်ခုက ဧရာဝတီ။ ပြည်သူ့အသံတိကြောင့် နအဖ လုပ်ဖို့စီစိုင်ထားရေ ဆည်ကြီး (၇) ခုထဲက အကြီးဆုံးစီမံကိန်းကို လောလောဆယ်ရပ်တန့်ထားပါရေ။ ဒေဧရာဝတီ ကိစ္စစော် လုံးဝ ပြီးဆုံးလားစော် မဟုတ်ပါသိမ့်။ လောလောဆယ်တန့်ထားစော်ပါ။ ပြည့်သူ့အသံတိကို လေးစားရေအနေနန့် နိုင်ငံတကာမှာ မျက်နှာပန်းလှအောင် ကလိန်ကျမှုတစ်ခုပါ။ ဒေါ်အောင်ဆန်းစုကြည်အနေနန့် သူလွတ်တော်ထဲကို ဝင်လာကေ ပြုပြင်ပြောင်းလဲမှုတိ လုပ်ဖို့စော်ကို တွိ့မြင်နိန်ရပါရေ။ ဖွဲ့စည်းပုံကိုပြောင်းဖို့။ နောက်လွတ်တော်ထဲမှာ သဘောထားကွဲလွဲလာကတ်တေအခါ uprising တိဖြစ်လာနိုင်ပါရေ။ သူက ယင်းစော်ကို ပစ်မှတ်ထားပုံရပါရေ။ မြန်မာနိုင်ငံအနေနန့် ဒီမိုကရေစီဖက်ကို လားနီရေစော်ရေ အယင်က အင်ဒိုနီရှားပြုပြင်ပြောင်းလဲမှုနန့်စိချေ တူပါရေ။ လားစော်ကတော့ လိပ်ပိုင်လားပါရေ။ ပြောင်းလဲလာစော်တော့ ပြောင်းလဲလာပါယာ။ လက်ရှိ အခြေအနေအရ မြန်မာနိုင်ငံရေ ဒီမိုကရေစီဖက်သို့ လုံးဝမလားလို့မရပါရာ။ ယင်းအတွက်နန့် လားနိန်ရေခရီးမှာ ကျွန်နော် ရို့ရခိုင်သားတိအနေနန့် ရသလောက် ကိုယ့်အိတ်ထဲကို ထည့်ပနာ နောက်ဆုံး ကျွန်နော်ရို့လိုချင်ရေ ပန်းတိုင်ကို လျှောက်လှမ်းနိုင်ကတ်ပါစီလို့ ဆန္ဒပြုယင်း။ (မြောက်ဦးနန်းတော်ကို တရက်တည်းနန့် ဆောက်လို့ပြီးခစော် မဟုတ်ပါ)
ခိုင်မင်းညို
မှတ်ချက်။ ။ နောက်အပိုင်းတိ အပိုင်းတိ ဆက်လို့ရွီးဖို့ကျန်ပါသိမ့်ရေ။

မျိုးကို ချစ်လို့

မျိုးကိုချစ်လို့ မျိုးစောင့်တရား
ငါ ဟောရေ။
မျိုးကိုချစ်လို့ မျိုးချစ်စိတ်ဓာတ်
ငါ ရိုက်သွင်းရေ။
မျိုးကိုချစ်လို့ မျိုးဂုဏ်တက်ဖို့
ငါ ကြိုးစားရေ။
မျိုးကိုချစ်လို့ ကိုယ်ကျင့်သီလ
ငါ စောင့်ထိန်းရေ။
မျိုးကိုချစ်လို့ မာနဒေါသ ငါမထား
သည်းခံခွင့်လွှတ် နားလည်ပီးရေ။
မျိုးကိုချစ်လို့ မနာလိုစိတ် အတ္တစိတ်ကို
အသိနန့်ချုပ်တည်း ငါမျိုးရိုးမို့
ငါရို့လူမျိုး ကောင်းစားရေးကို
ငါ လိုလားရေ။
မျိုးကိုချစ်လို့ အမြင်မတော်
လမ်းမှားတိမှာ တစ်ဝဲလည်လည်
ဇာသူမဆို သွီးရင်းသားမို့
လမ်းကြောင်းမှန်ကို အမှန်ရောက်အောင်
ငါ လမ်းပြရေ။
မျိုးကိုချစ်လို့ သူ.ကျွန်ဘ၀
လွှတ်မြောက်စီဖို့
ကြံဆရှာဖွေ လွှတ်မြောက်လမ်းကို
ငါ အားထုတ်ရေ။
ရက္ခအလံ ကမ္ဘာအလည်
ထည်ထည်ဝင်ဝင် မြဲမြံစီဖို့
ရခိုင်ထဲက ရခိုင်တစ်ယောက်
ငါလည်းရခိုင် ရခိုင်သားမို့
ဇွဲမာန်ပြည့်ဖြင့် လုံ့လချီကာ
ကြံဆောင်ပါမေ အို...ရခိုင်ရို့။
(ရွီမြောက်ဥူး-ခိုင်ကျော်ဆန်း)

စာရီးဆရာကြီး အောင်သင်း ပြောပြရေ ရိုဟင်ဂျာ အကြောင်း

မီး =  ရိုဟင်ဂျာရေ မြန်မာပြည်မှာ တိုင်းရင်းသားတိထဲမှာ ပါ ဘာရေ လား ဆရာ၊ သူ့သမိုင်းက၀ါ ဇာပိုင်ပါလဲ။ ဘီဘီစီက မြန်မာပြည်မြေပုံထဲမှာ ရိုဟင်ဂျာကို ထည့်သွင်းထားစော်အတွက် ပြသာတိဖြိုက်နီပါရေ။ ဆရာ အနီနန် ဇာပိုင်မြင်မိပါလဲ။

ဖြေ =  ဆရာအနီနန်ကတော့ ရိုဟင်ဂျာကို တိုင်းရင်းသားထဲပါရေလို့ တခါလည်း မယူဆခပါ။ သူ့သမိုင်းကြောင်းကို ပြန်ကြည့်ကေလည်း သူရို့တိရေ ရင်းရင်းသားထဲမှာ မပါဘာ။ ဗမာပြည်လွတ်လပ်ရေး ရရေ အချိန်မှာ သူ့ရို့တိက နီရာယူလာရေ။ နယ်ပစ်မှာ ဖြိုက်နီရေ အတွက် အစိုးရဖက်လည်း မလွမ်းမိုးနိုင်။
ယင်းအခါမှာ ရိုဟင်ဂျာက ပြည်တွင်းမှာ သူပုန်းတိအနီနန့် ၀င်လာပြီးကေ သောင်းကျန်းမှုတိ အများကြီးလုပ်ခပါရေ။ ယင်းချင့်နန့် ပတ်သတ်လို့ ဗမာစာရီးဆရာကြီးတချို့ကလည်း ရိုဟင်ဂျာ အကြောင်းတိကို ၀တ္ထုတိထဲမှာ အများကြီးရေးထားခကတ်တေ။ ရိုဟင်ဂျာတိကလည်း လက်နက်ကိုင်ပြီးကေ လွှမ်းမိုးလာချင်ရေ။ ယင်းနီရာမှာနီရေ မြန်မာတိုင်းရင်းသားတိကလည်း လက်နက်က မဟိရေအခါကျကေ ခံရစော်တိ ဟိလာရေ။ မြန်မာတိကလည်း ကကောင်းမုန်းတီခကတ်တေ။ ဆိုလိုစော်က တိုင်းရင်းသားတိထဲမှာ ရိုဟင်ဂျာကို တခါလည်းသို့ တိုင်းရင်းသားအဖြိုက် မသတ်မှခပါ။ သူရို့တိက ပြည်ထဲကို အတင်းဝင်ဇွတ်နိရာယူ သောင်းကျန်ရေ လူတိဖြိုက်တေလို့ ဆရာက ယင်းပိုင်ပဲ မြင်ပါရေ။ 
Source: May Thingyan Hein (facebook's wall)

ဘင်္ဂလာက မြန်မာ မွတ်ဆင် ဒုက္ခသည်တိကို ဇာမှာ ထားဖို့လဲ

ဘင်္ဂလားဒေ့ရ်ှနိုင်ငံမှာဟိရေ မြန်မာမူဆလင် ဒုက္ခသည် စခန်းနှစ်က ဒုက္ခသည်ပေါင်း ၂၉၀၀၀ ကျော်ကို ပြန်ပို့ဖို့လို့ မြန်မာနိုင်ငံ အစိုးရနန့် ဘင်္ဂလားဒေ့ရှ် အစိုးရကြားမှာ သဘောတူညီမှု ရခကတ်တေလို့ သိရပါရေ။ ယင်းပိုင်ဆိုကေ ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာ က မြန်မာပြည်ခရီးစိုင်မှာ သူရို့နိုင်ငံမှာ သဘာဝပတ်ဝန်ကျင် ပျက်ဆီးမှု၊ လူမှုရေး မတည်ငြိမ်မှုတိနန့် အတူ ၀န်ထုပ်ဝန်ပိုးဖြိုက်နီရေ အေဒုက္ခသည်ကုလားတိကို မြန်မာနိုင်ငံကို အမြန်ဆုံးပို့ချင်နီပါရေ။ ယေကေလည်းသို့ ဒုက္ခသည်တိက မြန်မာနိုင်ငံကို ပို့ရေအခါ ဇာမှာထားဖို့လဲ ဆိုစော်ကို မြန်မာနိုင်ငံသားတိမှာ ကုလားရန်ကနီ စိုးရိမ်းနီရပါရေ။ အေကုလားတိရေ သားပေါက်နှုန်းမြန်မှု၊ ဘာသာရေး အစွန်ရောက်မှုတိအတွက် အဂုဆိုကေ မြန်မာပြည်သူရို့မှာ ကိုယ်နိုင်ငံသားလို့ ပြောရခက်တေပိုင် လက်ခံရလည်းခက် လက်မခံရလည်းခက် ဖြိုက်နီကတ်ရပါရေလို့ သိဟိရပါရေ။

ပါမောက္ခ ဒေါက်တာ အေးချမ်း ဟောပြောပွဲတခုကို ဘန်ကောက်မှာ ကျင်းပလားပါဖို့

သမိုင်းပညာရှင် ဒေါက်တာ အေးချမ်း(ကန်ဒါတက္ကသိုလ်- ဂျပန်နိုင်ငံ)က ၂၀၁၂ ခုနှစ် မတ်လထဲမှာ ထိုင်းနိုင်ငံသို့ လာရောက်ပြီးကေ ရခိုင်လူထုတိကို အသိပညာဗဟုသုတတိုးပွါးစီဖို့အတွက် သမိုင်းအကြောင်းအရာတိနန့် ခေတ်သစ်ရခိုင်သမိုင်းထဲက သိသင့်သိထိုက်တေ သမိုင်းဆိုင်ရာ အချက်အလက်တိကို ဟောပြောလားဖို့ ဖြိုက်ပါရေ။ ယင်းပိုင်ဖြိုက်လို့ ဒေါက်တာအေးချမ်း ဟောပြောပွဲ စီစိုင်ရာမှာ ပူပေါင်းပါဝင်လိုရေ လူတိ အနီနန့် အားလုံးသူပါဝင် ဆက်သွယ်နိုင်ပါရေလို့ ရခိုင်အမျိုးသားသတင်းစာမှာ ဖော်ပြထားပါရေ။ အပြုသဘောဆောင်ပြီးကေ ပူးပေါင်းပါဝင်ချင်ရေ လူတိအနီနန့် အေဒီဇင်ဘာလထဲမှာ ညှိုနှိုင်းတိုင်းပင်စရာဟိရေ အတွက်နန့် ဆက်သွယ်နိ်ုင်ပါရေလို့လည်း သိရပါရေ။ 

ဆက်သွယ်ချင်ကေ 

ဌေးဝင်း (အယ်ဒီတာ) 

ရခိုင်အမျိုးသားသတင်းစာ 

arakannes@gmail.com 

Ph-0869368721

Demonstration on BBC NewsDepartment by Myanmar In USA

အမေရိကန်ရောက် မြန်မာများတိက BBC သတင်းဌာနက အင်နာဂျုံးဝန်ချ တောင်းပန်ဖို့ ဆန္ဒပြ တောင်းဆို

အမေရိကန်ရောက် ရခိုင်လူမျိုးတိ အပါအ၀င် တခြားမြန်မာနိုင်ငံက တိုင်းရင်းသားတိ အားလုံး အပါဝင်း လူ ၁၅၀ ခန့်လောက်ရေ BBC Worldwide Americas ရှေ့မှာ ဆန္ဒ လားရောက် ပြခကတ်ပါရေ။ ဆန္ဒပြစော်နန့် ပတ်သတ်ပြီးကေ ဦးဆောင်ပါဝင်ရေ တယောက်ဖြိုက်တေ ကိုကျော်ထူးအောင်က အဂုပိုင် လေးဝတီကို ပြောပြပါရေ။ “ရည်ရွယ်ချက်ကတော့ BBC အာရှပစိဖိတ်ဌာနခွဲက အင်နာဂျုံး ဆိုရေ မိမ်မတယောက် Bleak Outlook for Burma's Ethnic Groups ဆိုရေ ဆောင်းပါး ခေါင်းစိုင်အောက်မှာ မြေပုံအမှားတိပါနီရေ အတွက်ကြောင်း ကျနော်ရို့ ယင်းချင့်ကို ဘီဘီစီက ပြန်လည်တောင်းပန်ပီးဖို့နန့်၊ နောက်နောင်အေပိုင်အမှားမျိုးထပ်မပြုလုပ်ရအောင် တောင်းဆိုရခြင်းဖြိုက်ပါရေ၊ နောက်ပြီးကေ တိုင်းရင်းသားပေါင်းစုံနန့် လူထု အသံတိကို BBC က ကြားနိုင်အောင်လို့ အမှန်တရားဖက်က ရပ်တည်နိုင်အောင်ဆိုပြီးကေ ဆန္ဒပြရခြင်းဖြိုက်ပါရေ”
တောင်းဆိုမှုတိကတော့ “ BBC သတင်းဌာနက အင်နာဂျုံဆိုရေ မိမ်မကို အရေးယူပီဖို့၊ သူ့အမှားလုပ်မိစော်ကို တရားဝင်တောင်းပန်ဖို့၊ ရခိုင်အပါအ၀င် ကျနော်ရို့ တိုင်းရင်းသားညီအစ်ကိုတိ တောင်းဆိုရစော်ပါ” လို့ ဆန္ဒပြစော်ထဲမှာ ပါဝင်ရေ ကရင်တိုင်းရင်းသားတယောက်ကလည်း ပြောကြားလားပါရေ။ ဆန္ဒပြစော်မှာ တစုံတရာ အနှောင့်အယှက် မဟိရေအပြင် ဆန္ဒပြရေလူတိကိုပင် တာဝန်ဟိရေလူက ကူညီဆောင်ရွက်ပီပါရေ လို့လည်း သိရပါရေ။ “ဆန္ဒပြဖို့ ပါမစ်လျှောက်ရပါရေ၊ သက်ဆိုင်ရာ BBC ဌာနက 6 Avenue လမ်းထက်မှာ ဟိပါရေ၊ ယင်းလမ်းနန့် ပတ်သတ်တေ ရဲစခန်းကို လားပြီးကေ ရဲစခန်း Community နန့်် ပတ်သတ်တေ ဌာနခွဲဟိပါရေ။ ယင်းဌာနတိကို လားပြီးကေ ကျနော်ရီု့ တရားဝင်ပါမစ်တောင်းရပါရေ။ သူရို့တိပါးမှာ တပါတ်ကြိုတင်ပြီးကေ ဒီဇင်ဘာလ ၂ ရက်နိကပင် တရားဝင်ပါမစ်တောင်းထားစော်ပါ။ ရဲတိကလည်း ကျနော်ရို့ လုံခြုံရေးအတွက် စနစ်တကျ ဆန္ဒပြနိုင်အောင်ဆိုပြီးကေ စီစစ်ပီးပါရေ” လို့ ပါဝင်ရေ လူတယောက်က ဆက်ပြောပါရေ။ အခုဆိုကေ BBC သတင်းဌာနကို ကန့်ကွက် ဆန္ဒပြမှုတိရေ ဆက်တိုက်ဖြိုက်ပေါ်နီပါရေ။ အင်္ဂလန်နိုင်ငံ၊ ရန်ကုန်၊ မလေးသျှားနန့် အမေရိကန်နိုင်ငံရို့အပါအ၀င် လူမှု ကွန်ယက် တခုဖြိုက်တေ Facebook မှာလည်း သုံးမိနစ်မကြာ ဘီဘီစီစာမျက်နှာကို လားရောက် ကန့်ကွက်နီကတ်ပါရေ။

ဆံတော်သျှင်ပွဲ ခြိမ်ခြိမ်းသဲ

အေနှစ် ဆံတော်သျှင်ပွဲရေ အယင်နှစ်တိက ထက် စည်ကားရေလို့ သိရပါရေ။ ဆံတော်သျှင်ပွဲကို နှစ်တိုင် တန်ဆောင်မုန်လပြည့်နိ လောက်ကပင် နတ်တော်လပြည့်နိလောက်ထိစီ ကျင်ပပါရေ။ ယကေလည်းသို့ ပွဲက တန်တော်လ လဆန် လောက်ပင် လပြည့်နိလောက်ထိ ရခိုင်ပြည်အနှံအပြားက ဘုရားဖူးသားတိ၊ ရွှေသင်္ကန်းကပ်လှူရေလူတိ၊ ပင်လယ်အလှနန့် ကျောက်ဆောင်တိကို ခံစားယင့်နန့် ပင်လယ်လီကို ရူလာဖို့လာရေ လူတိနန့် ကကောင်းစည်ကားရေ ဘုရားပွဲတခုပါ။ ရခိုင်ပြည်မှာ အထင်ကရ ဘုရားပွဲတိ ဟိကေလည်း ပင်လယ်ကျွန်းထဲမှာ ဟိနီရေ ဆံတော်သျှင်ဘုရားကိုတော့ ရာသီအလိုက်ဖူးမျှော်ရပါရေ။
အေရာသီစော် ဆံတော်သျှင်ဘုရားပွဲရာသီပါ။ ပင်လင်လှိုင်းကငြိမ်းပြီးကေ ပွင့်လင်းရေ ရာသီမှာ ကျင်ပရေ ပွဲတော်တခုပါ။ဆံတော်သျှင် ဘုရားမှာ အထင်ကရ စေတီတဆူးနန့် ဘုရားခြေတော်ရာ တခု ဟိပါရေ။ ဘုရားဖူးလားရေလူတိရေ ကုန်ကြောင်းခရီထက် ရီကြောင်းခရီးဖြိုက်တေ စက်လှေတိ၊ ဘဘောင်္တိနန့် လာပြီးကေ စောမဲကျီးဆိပ်ကမ်းမှာ စုပနာ တောင်ကို ဖြတ်ပြီးကေ ဆံတော်သျှင်ဘုရားကို လားရစော်လည်း အရသတမျိုးပါ။ လမ်းမှာ ကုသိုလ်ယူကတ်တေ လူတိကလည်း ၀ါကြီး ၀ါကြီးမတိကို ဖေးမကူးညီပနာလားကတ်စော်တိနန့် လမ်းတလျှောက် ရီဖုံစင်တိမှာလည်း ရီဖြည့်ပြီးကေ ကူးသိုလ်ယူကတ်ရစော်တိလည်း တမျိုးကြီးပါ။ တောင်တက်ပြီးကေ မောလာသလောက် ဘုရားကို ရောက်တေအခါ လီညင့်ခံရပြီး ပင်လယ်လီကို ရှုးလိုက်စော်နန့် ညောင်းသမျှအားလုံးကို ပျောက်စီပါရေ။ ဘုရားဖူးလားရေ လူတိရေ မိုးသောက် အစောဖက်မှာ ဘုရားဆွမ်းတော်ကပ်ပြီးကေ ခြေတော်ရာကို လားရစော်လည်း ပျော်စရာတခုပါ။
Ref: ဓာတ်ပုံတိ အားလုံးကို ကိုဒီနွေဦး facebook photo က ယူသုံးထားလိုက်ပါရေ။ ရခိုင်ပြည်ကို သတိရ အလွမ်းပြေပါစေ-

နော်ဝေး အစိုးရ ရွှေဂစ်မှာ ရင်းနှီးမြုပ်နှံ လားစော်ကို ရွှေဂစ်အဖွဲ့က ကန့်ကွက်ရှုတ်ချ

နော်ဝေး အစိုးရ ဘဏ္ဍာရေး ၀န်ကြီးဌာက တရုတ် CNPC ကုမ္မဏီ လက်အောက်ခံ ပထရို ချိုင်းနားကုမ္မဏီမှာ အမေရိန်ကဒေါ်လာ သန်း(၉၀) ဖို့ ထည့်ဝင်လားလို့ ကြောညာချက်ကို ထုတ်ဖော်လားပါရေ။ ယင်းအတွက် နော်ဝေးအစိုးရကို လုပ်ရပ်တိရေ ကျနော်ရို့ ရခိုင်ပြည်နယ်မှာ လူ့အခွင့်အရေး ချိုးဖောက်နီရေလူတိကို ကူးညီရာ ရောက်ပြီးကေ တရုတ်တိ လုပ်ရပ်ကိုလည်း ထောက်ခံရေပိုင် ဖြိုက်နီပါရေ။ ယင်းပိုင်ဖြိုက်လို့ Shwe Gas လှုပ်ရှားမှု အဖွဲ့ ဒီဇင်ဘာလ (၈) ရက်နိ ရက်စွဲပါ ကြေငြာချက်တစောင်ကို ထုတ်ပြန်လားပါရေ။ အဂုဆိုကေ ရခိုင်ပြည်နယ်မှာ တရုတ်ရီနံပိုက်လိုင်း စီမံကိန်းကြောင်း မြေသိမ်းမှုတိ ၊ နေရာ တိကို အားဓမ္မမ ရွေ့ပြောင်းစော်တိ ၊ လုပ်အားပီးမှုတိ၊ မထီမဲ့မြင် ဖမ်းဆီးမှုတိနန့် လူ့အခွင့်ရေးတိကို နည်းလမ်းမျိုးစုံနန့် ချိုးဖောက်နီစော်ကို ရခိုင်ပြည်သူတိ အလူးအလိမ်ခံနီရပါရေ။
ထွက်လာရေ ရွှေဂစ်ကိုလည်း ရခိုင်ပြည်သူလူထု မခံစားရဘဲ၊ ရခိုင်ပြည် နီရာ အနံအပြားမှာ ရွှေဂစ်လှုပ်ရှားမှုတိလည်း နိစိုင်နန့် အမျှ ပေါ်ပေါက်နီပါရေ။ နော်ဝေး အစိုးရရေ ပင်စင်ရံပုံငွေကို ရခိုင်ကမ်းရိုးတန်းက ရွှေသဘာဝ ထုတ်လုပ်ရေး လုပ်ကွက် အပါအ၀် လုပ်ကိုင်နီကတ်တေ ကိုးရီးယားအခြေစိုက် ဒေ၀ူးအင်တာနယ်ရှင်နယ်၊ ကိုးဂတ်စ်ကုမ္ပဏီ၊ ပေါ်စကို နန့် အိန္ဒိယ ရေးလ်ကုမ္ပဏီတိုကလည်း ထည့်ဝင်ထားကတ်ပါရေ။ ရွှေဂစ်က လှုပ်ရှားမှုက ခေါင်းဆောင်ဖြိုက်တေ ကိုဝင်းအောင်က နော်ဝေးအစိုးရ ထည့်ဝင်ထားရေ ငွေကို ပြန်လည် ထုတ်ယူဖို့နန့် ကျင့်ဝတ်သိက္ခာပိုင်ဆိုင်ရာအသစ်ကောင်စီက တင်သွင်းရေ စာကိုလိုက်နာဖို့၊ လူခွင့်အရေး ချိုးဖောက်နီစော်တိကို ရပ်တန့်ပီးဖို့အတွက် တောင်းဆိုရခြင်း ဖြိုက်ပါရေ လို့ သိရပါရေ။ 
Source: RFA News

ရခိုင်ပြည်လွတ်မြောက်ရေး တပ်မတော်(ALA)နန့် အစိုးရ အဖွဲ့ကြား တိုက်ပွဲဖြိုက်

နိုဝင်ဘာ ၂၇ ရက်နိ ညဇာဖက် 5:30 လောက်မှာ ရခိုင်ပြည်လွတ်မြောက်ရေးပါတီ(ALP) လက်အောက်ခံ တပ်မတော် ဖြိုက်တေ ရခိုင်ပြည်လွတ်မြောက်ရေး တပ်မတော် (ALA)က တပ်မှူးဗိုလ်ခိုင်နိုင်စိုး ဦးဆောင်ရေ တပ်ဖွဲ့၊ အဖွဲ့ဝင် ၂၀ ကျော်လောက်ရို့ရေ အစိုးရဖက်က ခမရ ၃၄၄ စစ်တွေအခြေစိုက်တပ်ရင်း လက်အောက်ခံ စစ်ကြောင်း ဖြိုက်တေ စစ်ကြောင်းအမှတ် (၂) က စစ်ကြောင်းမှူး ဗိုလ်မှူး စန်မောင်သန်း ဦးဆောင်ပြီးကေ အင်အား သုံးဆယ်ကျော်လောက်ဟိရေ စစ်ကြောင်းနန့် ရင်ဆိုင်တိုက်ပွဲတခုကို ပလက်ဝမြို့နယ် အထဲ ခမောင်းဝကျေးရွာနန့် ကင်တလင်းကျေးရွာကြားမှာ ဖြိုက်ပွါးခပါရေ၊ယင်းတိုက်ပွဲမှာ ရခိုင်ပြည်လွတ်မြောက်ရေးတပ်မတော်ဖက်က တစုံရာ ထိခိုက်မှု မဟိခကြောင်းကိုလည်း သိခရပါရေ။ အစိုးရဖက်က ထိခိုက်ကျဆုံးမှုကိုလည်း မသိရှိရသိမ်ပါ။

အဂုနှစ်အတွင်းမှာ ရခိုင်ပြည်လွတ်မြောက်ရေးတပ်မတော်(ALA)နန့် ရခိုင်ပြည်နယ် အတွင်းသာမက ကရင်ပြည်နယ်မှာ ဟိရေ ရခိုင်ပြည်လွတ်မြောက်ရေးတပ်မတော်(ရမ္မာဝတီ) တပ်ရင်းမှာလည်း တိုက်ပွဲတိ မကြာမကြာ ဖြိုက်ပွါးပြီးကေ နှစ်ဖက် အကျအဆုံးမှုတိများပါရေ။ ရခိုင်ပြည်နယ်မှာ အယင်းနှစ်တိက မဟိဖူးခရေ ဗျူဟာမှူးကိုယ်တိုင် ဦးဆောင်ပြီးကေ အင်အားအမြောက်အမြားတိနန့် ထိုးစစ်ဆင်စော်တိကို လုပ်လာရေလို့လည်း သိရပါရေ။ ယင်းစစ်ဆင်ရေးတိ လုပ်ငန်စိုင်မှာ ရခိုင်ပြည် လွတ်မြောက်ရေး တပ်မတော်က ရှေ့ထွက်မိုင်း၊ လက်လုပ်မိုင်းတိကို အသုံးပြုခပြီးကေ ပြောက်ကျား စစ်နန့် ခုခံတိုက်ခိုက်ခရေအတွက် အစိုးရတပ်ဖက်က ဗိုလ်တိအပါအ၀င် ရဲဘော် အများအပြား ကျဆုံး ဆုပ်ခွါခရေပါရေလို့လည်း သိရပါရေ။ ရခိုင်ပြည် လွတ်မြောက်ရေးပါတီအစိုးရ(ALP)နန့် ငြိမ်းချမ်းရေး ဆွေးနွေးပွဲ အခြေအနေ မဟိရေအတွက်နန့် လာဖို့ နှစ်မှာ ရခိုင်ပြည်လွတ်မြောက်ရေး တပ်မတော်နန့် အစိုးရတပ်ဖွဲ့တိကြားမှာ တိုက်ပွဲ ပိုမိုပြင်ထန်လာဖို့ဟိရေလို့လည်းသိရပါရေ။ 

Contact 

Phone No. 0091-8826212763 

Freeburma4@SkyFile.com 

arakan44@email.com

အဓိကလိုအပ်နီရေကိုလိုနီစနစ်ဖျက်သိမ်းရေး

အဂုနီထိုင်နီကတ်တေ ရခိုင်ပြည်စွာ အယင်ကကြီးကျယ်ခမ်းနားရေ ဘုရင့်နိုင်ငံတခုအဖြစ် ရခိုင်သမိုင်းနန့် ကမ္ဘာသမိုင်း ရို့မာ ထင်သျှားစွာတွိ့ရပါရေ။။ ၁၇၈၄-ခုမာ တိုင်းတပါးသားဗမာလူမျိုးတိက စစ်မကြေညာပေး တိုက်ခိုက်လိုက်တေ အတွက်ကြောင့် ရခိုင်ရို့ အချုပ်အချာအာဏာပျက်သုံးပြီးကေ ကျွန်ကိုလိုနီပြုစွာကိုခံလားကရပါရေ ။။ ယင်းအချိန်က ရခိုင်သူရဲဂေါ င်းတိဖြစ်ကတေ ဗိုလ်ကျော်ထွီး။ ဗိုလ်ချင်းပျံ နန့် အခြား ခေါင်ဆောင်းကြီးတိမှာ ပပြင်းထထန် တော်လှန် ခကတ်လို့ နယ်ချဲ့ဗမာတပ်သားတိ အကြီးအကျယ် သီကတ်တေထိတော်လှန်ခကတ်ပါရေ။။ ယေ့ကေလေး အင်အားမမျှရေ အတွက် တော်လှန်ရေးမအောင်မြင်ခကတ်ပါ။။ ယင်းအချိန်ကပင် ဂနိန့်အချိန်ထိ တော်လှန်နီကတ် တုန်းဖြစ်ပါရေ။။
တဖက်မာလေးသို့ ဗမာတိုင်းရင်းသားအပါအဝင် ချင်း၊ ကချင်၊ ကရင်၊ ကယား၊ မွန်၊ ရခိုင်၊ သျှမ်း တိုင်းရင်းသား လူမျိုးကြီးရို့ဟာ တန်းတူအခွင့်အရေးရဟိပြီးကေ စစ်မှန်ရေပြည်ထောင်စုနိုင်ငံတခုဖြစ်လာဖို့အတွက် အကျိုးတူးပူး ပေါင်းပနာ နီထိုင်ဖို့ ကြိုးစားကစွာ ရာစုနှစ်တခုနီးပါးဟိပါယာ။။ ယေ့ကေလေး လူမျိုးကြီးဝါဒကိုလက်ကိုင်ထားရေ ဗမာတိုင်းရင်းသားရို့ဟာ သူရို့ပိုင်ရေ စစ်အင်အားကိုသုံးပနာ အကြမ်းဖက်အုပ်ချုပ်မှုတိကိုရာ တတွင်ကျကျယ် လုပ်လာ နီပါရေ။။ ဇာတန်းတူအခွင့်အရေးကိုလေးမပီးချင်စွာ လူတိုင်းအသိပင်ဖြစ်ပါရေ။။ ဗမာကိုလိုနီနယ်ချဲ့ရို့ရေ အကျွန်ရို့ ဘုရင့်ရခိုင်နိုင်ငံက ရွီနန်းတော်ကြီးကိုမီးတိုက်ပြီးကေ များပြားလှရေ ရတနာရွီငွေတိ။ ကြေးနီပြား။ ပီရွက်ရို့မာရီးထိုးထားရေ ပ္တွိကတ်တော်တိ။ ရခိုင်ရာဇဝင်တိ၊ လင်္ကာကဗျာတ၊ ဆီးကျမ်းတိနန့် ဗုဒ္ဓရုပ်ပွါးတော်မြတ်ပေါင်း မြောက်မြားစွာရို့ကိုအားဓမ္မသိမ်းယူပြီးကေ ရခိုင်ဘုရင်မိသားစုအပါအဝင် သိန်းပေါင်းများစွာဖြစ်တေ ရခိုင်သူ။ ရခိုင်သားရို့ကို ရရက်စစက်သတ်ဖြတ်ပိုက်ခကတ်တေ။။ အဂုကာလမာလေး မြီထက်မြီအောက် ထွက်ထွက်သလောက်သယံဇာတတိကို ရခိုင်ပြည်နန့် ရခိုင်လူမျိုးရို့အတွက် လုံးဝ အသုံးမပြုရေအပြင် ညှင်းပန်းနှိက်စက်ရေ။ လူသတ်ရေ၊ မုဒိန်းးကျင့်ရေ၊ သမိုင်းဝင်အဆောက်အဦးတိကိုဖျက်ဆီးရေ၊ ရခိုင်ရို့ထေရဝါဒဗုဒ္ဓဘာသာ ကို ဗမာရို့ကိုးကွယ်ရေပိုင်နတ်ဆန်ရေဗုဒ္ဓဘာသာအဖြစ်ပြုလုပ်ရေ ။ ရခိုင်စာပီ ယိုင်ကျေးမှုတိကိုဖျက်ဆီးရေ။ လူမျိုးရေး သွီးနှောရေ။ လူမျိုးရေးအဓိကရုန်းတိဖန်တီးရေ။ ယင်းပိုင်ချောင် ပြသာနာပေါင်းသောင်းခြောက်ထောင်တိကိုဖန်တီးပနာ ရခိုင်လူမျိုးနန့် ရခိုင်ပြည် နယ်နမိတ်တိကို ကမ္ဘာ့မြီပုံကနီပြီးကေ ပျောက်လားအောင်လုပ်နီကတ်တေ။။ ဗုဒ္ဓဘာသာဝင်ရခိုင်လူမျိုးဟိကေ ရခိုင်နိုင်ငံဟိရဖို့ဆိုစွာ ရခိုင်လူမျိုးတိုင်းတာဝန်တခုအဖြစ်နှလုံးအိမ်မာထားပြီးကေ သွီးစီးညီညွတ်ရေစိတ်ဓါတ်နန့် နယ်ချဲ့ကိုလိုနီ ဗမာရို့ကို ရခိုင့်မြီကြီးထက်က လုံးဝပပျောက်လားအောင် နီးမျိုးစုံသုံးပြီးကေ တိုက်ထုတ်ကရဖို့ဖြစ်ပါရေ။ အဂုလုပ်နီရေ ဗမာကိုလိုနီစနစ်ဖျက်သိမ်းရေးအခန်းအနား သို့လေးစားစွာပီးပို့လိုက်ပါရေ။။ ရခိုင်ပြည်သူ ပြည်သားအပေါင်းရို့ ဖိနှိက်ခံကိုလိုနီဘဝက အယင်ဘယင်လွတ်မြောက်ကပြီးကေ တိုးတက်ခေတ်မီရေ ရခိုင်နိုင်ငံသား အယင်ဆုံးဖြစ်နိုင်ဂတ် ပါဇီလို့ ဆုတောင်းမိတျွှာပို့လိုက်ပါရေ။။ ရခိုင်နိုင်ငံသားစိဓါတ်နန့် ရွီဝတီ ၁၂။ ဝ၈။၂ဝ၁၁

မျက်နှာငယ်ရရေ ကော်ပီးတေးခြင်းလောက

ပြည်ပကိုရောက်တေခါ ကိုယ်ရို့ ရခိုင်တေးခြင်းချေတိကို နားထောင်ရရေခါ တခါချေလည်း မျက်နှာငယ်ခရရေ အဖြိုက်မျိုး မဟိပါ။ ယင်းပိုင်ဖြိုက်လို့ ရခိုင်အဆိုတော်တိကိုလည်း ကျေးဇူးတင်မိပါရေ။ ညှာစိမ်းခိုင် အာရီယာန်နွယ်က စပြီးကေ ရခိုင်တေးခြင်းချေတိလည်း လမ်းလွဲလာရေ မြင်ပါရေ။ အင်္ဂလိပ်တေးခြင်းကို ကော်ပီကူးစော်က ပြသာနာမဟုတ်ပါ။ အင်္ဂလိပ်တေးခြင်းကို တိုင်းရင်းသားတိက ဇာလောက်ပင်ကော်ပီကူးကူး၊ ဗမာက ကော်ပီကူးဆိုလိုက်တေဆိုကေ နီယင့်ထိုင်ယင့် တိုင်းရင်းသားတေးခြင်းတိက မျက်နှာငယ်ရရေ ဘ၀မျိုးကို ရောက်လားပါရေ။ တခြား တိုင်းရင်းသားတိနန့် ရင်းပေါင်းတန်လို့ တေးခြင်းနားထောင်လာရေခါ သူရို့တိနန့် စာကေ ကျနော်ရို့ ရခိုင်တိစော် နှာတဖျားလောက်စီသာပါရေ။
ကျနော်က အပြတ်ပြောလိုက်တေ ရခိုင်မှာ ကော်ပီးတေးခြင်းမဟိပါလို့။ အေနိ အေတေးခြင်း တပုဒ် အွင်းလိုင်းကို တက်ပါလတ်တေ။ နားထောင်ကြည့်ရေ ကကောင်းကောင်းပါရေ၊ ဘေးနားက ဗမာတယောက်ပြောပါရေ ၀ိုင်းစုခိုင်သိန်းတေးခြင်းကို ကော်ပီးကူးထားစော်ပါလတ်။ ကျနော် youtube မှာ ရှာကြည့်လိုက်တေ။ ကွက်တိယာ။ ချက်ချင် ကိုယ်စကားနန့်ကိုယ် မျက်နှာငယ်ရရေ ဘ၀မျိုးကို ရောက်လားပါရေ။ ရခိုင်သား ရခိုင်မူနန့်ပဲ လမ်းလျှောက်ကတ်ပါ။ မဟုတ်ကေ ရခိုင်သားအားလုံး မျက်နှာငယ်ရပါရေ။ ကိုယ်မူနန့် ကိုယ်လမ်းလျှောက်ပြီးမှ လမ်းသစ်ဖောက်ပါ။ တနိ နီရာတခုမှာ စံတခုအဖြိုက်နန့် သမိုင်းပီတာဝန်ကို ကျီပွန်ကတ်ပါလိမ်မယ်။ ကိုးရီယားကိုကြည့်၊ တရုတ်ကိုကြည့်၊ အန္ဒိယကိုကြည့်၊ သူရို့နည်း သူရို့ဟန်နန့်ပဲ လားပါရေ။ ရခိုင်သားလည်း ယင်းလမ်းကိုပီး ဖောက်စီချင်ပါရေ။ ဖြိုက်နိုင်ကေ ကိုယ်ပိုင်သံစိုင်နန့် ဗမာတေးခြင်းဆိုပါ၊ အားလုံးသော ရခိုင်တေးချစ်ပရိတ်သတ်တိက လက်ခံကတ်ပါလိမ်မယ်။ ဗမာတေးခြင်းကို ကော်ပီး(ပုံတူး)ကူးပြီးကေ ရခိုင် အသံလောက်ရာ မထွက်လိုက်ပါကဲ့။ ရခိုင်တေးချစ်ပရိတ်သတ်တိကို တဖဲ့ချေလောက် ငဲ့ပီးပါ။ ရခိုင်သား ရခိုင်တေးခြင်းကိုပဲ ချစ်ပါရေ။ ရခိုင်သား ကော်ပီတေးခြင်းကို မကြိုက်ပါ။
Ref: ပီးစာတစောင့်