မဟာဗမာဝါဒသည်ဗမာအုပ်ချုပ်သူရို့၏အစိုးရမူဝါဒမဟုတ်
မဟာဗမာအမျိုးသားရေးဝါဒသာဖြစ်သည်
တရားမ၀င်နအဖစစ်ကောင်စီကိုတရားဝင်အစိုးရတစ်ရပ်ဖြစ်ပေါ်လာရေးအတွက်
၂၀၁၀နာမယ်ခံရွီးကောက်ပွဲကကျားကန်ပီးလိုက်ပြီ
ဖြစ်တယ်။ရွီးကောက်ပွဲကနိန်ဗနာဟနိန်ရေလိုအပ်ချက်တိကိုဟြာဖွေကတ်ဖို့ဆိုရေလွှတ်တော်အမတ်မင်းတိဇာတတ်နိုင်ကတ်သီးလဲဆိုစွာမိန်းကြည့်ကတ်ပါဖိ။
ဒီမိုကရေစီနိုင်ငံတစ်နိုင်ငံရဲ
့အချုပ်အခြာဆိုစွာဟာပြည်သူတိဘားကသာအုပ်ချုပ်တေအစိုးရတစ်ရပ်ဘားကိုဆင်းသက်စွာဖြစ်တယ်။
မဟာဗမာဝါဒီစစ်ကောင်စီရဲ
့အမျိုးသားညီလာခံဆိုစွာကိုကြည့်ပါ။ ဇာသူ့ကို ကိုယ်စားပြုရေလူတိတက်ရောက်ခကတ်တေလဲ။ယင်းက
ပေါ်ထွက်လာရေ အခြေခံဥပဒေမူကြမ်းကိုဇာပိုင်အတီပြုခရေလဲ။ရွီးကောက်ပွဲဥပဒေကိုဇာပိုင်ထုတ်ပြန်ခရေလဲ။ရွီးကောက်ပွဲကော်မ
သျှင်ဆိုရေအဖွဲ့မှာကားဇာသူတိရာပါခရေလဲ။
ရွီးကောက်ပွဲဝင်ဗနာစပေးဟြာဖို့ဆိုရေ အမတ်မင်းတိစိုင်းစားကြည့်ခဖို့ကောင်းဘာရေ။
ဥပေဒရှူ့ ထောင်ကနိန်ဗနာသုံးသပ်ခကတ်ဖို့ကောင်းဘာရေ။
၂၀၁၀ခုနှစ်နိုဝင်ဘာလ(၇)ရက်နိန့်မှာဆိုကေကြံ
့ဖွံ့ပါတီရေ နာမယ်ခံရွီးကောက်ပွဲကို မသာမှုတိများစွာလုပ်ဗနာ ခြိမ့်ခြိမ့်သဲအောင်ပွဲကို
ကျင်းပခရေဆိုစွာအားလုံးသိကတ်ဘာရေ။စစ်တပ်ကနိန်ဗနာအော်တိုမစ်တစ်အမတ်မင်းနိန်ရာ
၂၅%နိန်ရာကိုရယူထားရေ။RNDPစွာ
ရေ အမတ်နိန်ရာ ၃၅
နိန်ရာ ရဟိံ့ခရေ။လွတ်တော်အရပ်ရပ်ကိုကြံ့ ဖွံ့ ကနိန်ရာယူလားခရာ။ ၂၀၀၈ ဥပဒေအရဆိုကေ နိုင်ငံတော်သမ္မတ
စွာရေ စစ်မှုထမ်းသက်တမ်းနန့်စစ်ရီးအမြင်ဟိန့်ရဖို့လို့ ပြဌာန်းထားရေအတွက် စစ်တပ်ဗိုလ်ချုပ်တိရာ
နိုင်ငံတော်သမ္မတဖြစ်ဘာဖို့။ဗြီးကေပြည်နယ်ဝန်ကြီးချုပ်ဆိုစွာရေနိုင်ငံတော်သမ္မတကရာအဆိုပြုခန့်အပ်လားဖို့ဖြစ်ပြီးကေနိုင်ငံတော်သမ္မတကိုသစ္စာခံသူဖြစ်ရဖို့လို့အတိအလင်းပြဆိုထားရေ။ယင်းအတွက်နန့်ပြည်နယ်ဝန်ကြီးချုပ်ဆိုရေရခိုင်သားထဲကပင်ဖြစ်ဘာဇီဦး။တပ်မတော်ကာကွယ်ရေးဦးစီးချုပ်သစ္စာကိုစောင့်သိရိုသီရရေနိုင်ငံတော်သမ္မတဆိုသူရဲ့လုပ်ပိုင်ခွင့်အာဏာကင်းမဲ့နိန်ရေရုပ်သီးရုပ်
တစ်ရုပ်ရာဖြစ်နိန်စွာကိုတွိရရေ။ပပွင့်လလင်းပြောရကေ
ရွီးကောက်ပွဲဝင်လိုက်တေပါတီတိအားလုံးစွာရေ နအဖစစ်ဘီလူးတိကို
တရားဝင်အာဏာရှင်တစ်ရပ်ဖြစ်လာအောင်
ကျားကန်ပီးလိုက်စွာဖြစ်တေလို့ပြောလိုဘာရေ။
ကနိန့်မြန်မာ့နိုင်ငံရေး၊
ရခိုင့်နိုင်ငံရေးနယ်ပါယ်ကပုဂ္ဂိုလ်အသီးသီးတိလျောက်လှမ်းလာကတ်တေနိုင်ငံရေးအခင်းအကျင်းတိအားလုံး
စွာရေ ရန်သူနအဖစစ်ကောင်စီကခင်းပီးလိုက်တေလမ်းကိုရာတစိုက်မတ်မတ်လျောက်လှမ်းလာကတ်တေအခင်းအကျင်းရာဖြစ်တေ
ဆိုစွာကိုအားမနာတမ်းပြောရဘာလိမ့်မယ်။
၁၉၉၀ ရွီးကောက်ပွဲဆိုစွာလည်းန၀တအခမ်းအကျင်းရာဖြစ်တေ။ယင်းရွီးကောက်ပွဲစွာရေ
ဖက်ဒရယ်လမ်းစိုင်ကိုလားရေရွီးကောက်ပွဲလည်းမဟုတ်တေအတွက်ဗမာကလွဲကေကျန်ရေလူမျိုးတိအတွက်ဝမ်းသာဖို့ကောင်းရေရွီး
ကောက်ပွဲလည်းမဟုတ်ဘာ။ဇာလို့လဲဆိုကေ
အန်အယ်ဒီတစ်ခုကကိုမဲဆန္ဒနယ်အားလုံးရဲ့  ၈၂% ကိုရယူခလို့ဖြစ်တေ။ယင်းကြောင်း
လွတ်တော်ပေါ်ပေါက်ခကေတောင်မှ
ဗမာကလွဲရေကျန်လူမျိုးတိမှာမိမိရို့ လူမျိုးတိရဲ့ အရေးကိစ္စကိုလွှတ်တော်မှာအဆိုတင်သွင်းဗနာ
အောင်မြင်မှုကိုရနိုင်ဖို့လဲ။ဖက်ဒရယ်လမ်းစိုင်ကိုအကောင်အထည်အမှန်ဖော်ဖို့ဆိုကရခိုင်မှာရခိုင်လူမျိုးနိုင်ငံရေးပါတီနှစ်ခုရာဟိ့ခရ
ဘာဖို့။ယေမရာယင်းပါတီနှစ်ခုစွာရေရခိုင်လူမျိုးအကျိုးကိုသယ်ပိုးကတ်ဖို့ဖြစ်တေ။ရခိုင်မှာအနိုင်ရရေအန်အယ်လ်ဒီကဇာပိုင်နည်းနန့်
ရခိုင်အမျိုးသားအရေးကိုအကောင်အထည်ဖော်နိုင်ဘာဖို့လဲ။၂၀၀၈ နာဂစ်အခြေခံဥပဒေပါအချက်တိကိုပြင်ဆင်ခြင်း၊ဖျက်သိမ်းခြင်း၊
အစားထိုးခြင်းတိပြုလုပ်နိုင်ဖို့အတွက်ဆိုကေနောက်နှစ်ပေါင်းငါးဆယ်လောက်နန့်တောင်မဖြစ်နိုင်ဘာ။ယကေရခိုင်လူမျိုးတိမှာယင်းအချိန်ကာလမှာဇာတိဖြစ်လားနိုင်ဘာရေလဲဆိုစွာကိုကြိုဗနာတွီးကြည့်ဂတ်ဘာ။
ယင်းအတွက်နန့် ရခိုင်သားနိုင်ငံရေးသမားတိ
အဖပြည်အနာဂါတ်အရီးကို သေချာစိုင်းစားဗနာ မူဝါဒအသစ်တိနန့် ကြိုးပမ်းအကောင်
အထည်ဖော်ဖို့အချိန်ကျရောက်နိန်ဘာရာလို့ထင်ဘာရေ။ဗမာအုပ်ချုပ်သူအဆက်ဆက်စွာရေ
ဖက်ဒရယ်ပြည်ထောင်စုကိုဇာခါလည်း
ပီးလိုက်မယ်မဟုတ်ဘာ။ဇာကြောင့်လဲ။ဖက်ဒရယ်ပြည်ထောင်စုကိုအမှတ်တီဆောက်ကတ်ဖို့ဆိုကေသမိုင်းကြောင်းအရပိုင်ဆိုင်ခ
ကတ်တေနိန်မြီတိကိုပိုင်းခြားဂတ်ရပါဖို့။ယင်းခါရခိုင်ကတောင်ဘက်မှာဆိုကေမော်တင်စွန်းအထိ၊မြောက်ဖက်မှာဆိုကေပလက်ဝအထိ၊အဟြိဘက်မှာဆိုကေဥသျစ်ပင်အထိပိုင်လားဘာဖို့။ယင်းအတူမွန်ကလည်းတနင်္သာရီတိုင်းနိန်မြီအချို့တ၀က်နန့်ရန်ကုန်ကိုပိုင်လာဖို့။ကရင်ကလည်းဧရာဝတီတိုင်းနန့်တနင်္သာရီတိုင်းအချို့တ၀က်နန့်တောင်ငူအထိကိုပိုင်လာဖို့။ကချင်ကမိုးကုတ်အထိပိုင်လာဖို့။ချင်းကစစ်ကိုင်းတိုင်းအထိပိုင်လာဖို့။ရှမ်းကလည်းမေမြိ့အထိပိုင်လာဖို့။။ယကေဗမာတိပိုင်ဆိုင်လာဖို့နိန်မြေသည်ထန်းရည်နန့်သနပ်ခါးတုံးရာထွက်တေအပူပိုင်းဇုံအညာတစ်ဝိုက်ဖြစ်လားဘာဖို့။ယင်းခါပထ၀ီနိုင်ငံရေးသဘောတရားအရဗမာလူမျိုးတိစွာရေကုန်းတွင်းပိတ်လူမျိုးတစ်မျိုးဖြစ်လားလီဖို့။ဗြီးကေယင်းသူရို့မှာစီးပွားရေးအရဖွံ့ဖြိုးနောက်ကျဟိ့လားခဖို့ဆိုစွာကိုလည်းအုပ်ချုပ်သူလူမျိုးကြီးဝါဒီတိကသိ
ပြီးသား။
ယင်းချင့်နန့်ဒေါ်အောင်ဆန်းစုကြည်ပဲဖြစ်ဖြစ်၊ဇာသူပဲဖြစ်ဖြစ်ဗမာတိစွာရေဖက်ဒရယ်ဆိုရေအသံကိုမကြားချင်လောက်အောင်ဖြစ်
ကတ်ရရေ။ဒေချင့်သည်အုပ်ချုပ်တေဗမာအစိုးရအဆက်ဆက်ရဲမူဝါဒလည်းမဟုတ်။မဟာဗမာအမျိုးသားရေးမူဝါဒတစ်ရပ်သာဖြစ်
တေ။သူရို့ ကိုဇာလောက်ပင်ယုံခရရေလဲ။အရင်ကလည်းယုံလို့မရခ။အဂုလည်းယုံလို့မရရေပိုင်နောက်ကိုလည်းယုံလို့ရလိမ့်မယ်မ
ဟုတ်ဘာ။ဘုန်းကြီးလောကကိုကြည့်ဘာ။နာဂစ်မုန်တိုင်းတိုက်ခတ်တုန်းကဆိုကေသီတဂူဦးညာဏိသရစွာရေလေဘီးသင့်ပြည်သူတိကိုကိုယ်တိုင်ကိုယ်ကျလားဗြီးကေအကူအညီတိပီးခီရေ။ရခိုင်သားတိဂီရိမုန်တိုင်းဒဏ်ကိုခံရရေခါဦးညာဏိသရလားဗနာအကူအညီပီးစွာကိုမတွိရရေပိုင်ဝမ်းနည်းစကားတောင်မပြောဖူးဘာ။အင်္ဂလိပ်လက်အောက်ကိုကျရောက်ပြီးရေခါကပင်ဗမာ့လွတ်လပ်ရေးရယူရေမှသည်၁၉၅၈ကာလအထိရခိုင့်နိုင်ငံရေးသမားတိစွာရေဗမာနောက်လိုက်နိုင်ငံရေးကိုရာလုပ်ဆောင်ခကတ်ပြီးကေရခိုင်အမျိုးသားနိုင်ငံရေးလမ်းကြောင်းကနိန်သွီဖယ်ခကတ်စွာကိုတွိဟိ့ရရေ။မဟာဗမာဝါဒလွမ်းမိုးထားရေနိုင်ငံရေးအခင်းအကျင်းကနိန်ရုန်းထွက်ကတ်ဖို့လိုအပ်ရာလို့သုံးသပ်မိဘာရေ။
အဖပြည်ကိုလွတ်မြောက်စီချင်ကေလူစကားကိုနားမလည်ရေအာဏာအတွက်အဟြက်သိက္ခာမဟိန့်ရေမဟာဗမာဝါဒီစစ်ဘီလူးဖက်ဆစ်တိနန့်နိုင်ငံရေးဆွေးနွေးပွဲစကားဝိုင်းဆိုစွာကိုထပ်တလဲလဲပြောနိန်ခြင်းသည်ကားမိမိရို့ရဲ့မောဟဖုံးလွမ်းနိန်မှုလို့ရာမြင်ဘာရေ။
ဆရာဝန်တစ်ယောက်ဆီးထိုးမှားကေလူတစ်ယောက်ရာသီဘာဖို့။အင်ဂျင်နီယာတစ်ယောက်အတွက်အချက်မှားလို့တိုက်ပြိုကေလူငါးဆယ်ရာသီဘာဖို့၊တော်လှန်ရေးမှာနည်းပရိယယ်တစ်ခုမှားကေတပ်ရင်းတစ်ရင်းရာကျဆုံးဘာဖို့၊နိုင်ငံရေးမှာအယူအဆမူဝါဒတစ်ခု
မှားလားကေမျိုးဆက်ပေါင်းများစွာဒုက္ခရောက်ဗနာကမ္ဘာစစ်ကြီးလည်းဖြစ်လာနိုင်ရေ။ကမ္ဘာကြီးလည်ပျက်လားနိုင်ရေ။
စစ်မှုမထမ်းမနိန်ရဥပဒေကိုသန်းရွှေဘ၀ရှင်ဖွတ်တရားကြီးကပြဌာန်းလိုက်ရာ။စစ်မှုမထမ်းမနိန်ရ၊ထောင်ငါးနှစ်ချဆိုရေယုတ်မာပက်
စက်တေဥပဒေသစ်ကြောင်းကာလသားရခိုင်သားချေတိစွာအဖပြည်ကနိန်အများကြီးထွက်လာကတ်ဖို့သီး၊ရခိုင်မှာစစ်တပ်တပ်ရင်း
(၇၀)နီးပါးချထားဗြီးရာ။ကျန်ခရေရခိုင်သမိန်းပျိုချေတိဝါ့ယကေ၊ဇာသူနန့်အိမ်ထောင်ကျကတ်လီဖို့လဲ။ရဲရဲကြီတွီးဂါတ်ပါမယ်။ရခိုင်လူ
မျိုးတိစွာရေမျိုးပြုန်းတီးရေးအန္တရယ်ကြီးကိုကြုံနိန်ရဘာယာ။အဖရခိုင်ပြည်ကိုလွတ်မြောက်စီလိုရေနိုင်ငံရေး၊တော်လှန်ရေးနှင့်ရခိုင်
ပြည်သူပြည်သားတိအနိန်နန့်လာလတ္တံ့သောဆယ်စုနှစ်တစ်နှစ်စာရခိုင့်ကံကြမ္မာကိုရဲ
ရဲကြီးတွက်ကြည့်ကတ်ဘာမေ။
အသူကမကောင်း၊ငါကအကောင်းဆိုရေအတ္တစွဲဝါဒ၊ပုဂ္ဂိုလ်ရေးဟြိတန်းတင်ကိုးကွယ်ကတ်တေပုဂ္ဂိုလ်စွဲဝါဒ၊ဇာဝါဒကကောင်းရေ၊ဇာဝါဒကမကောင်းဆိုရေ၀ါဒစွဲဝါဒ၊သူကတော့ဇာအရပ်သား။ငါကတော့ဇာအရပ်သားဆိုရေဒေသစွဲဝါဒစရေ၀ါဒစွဲအမျိုးမျိုးတိကိုဖယ်ရှား
ကတ်ဘာမေ။အမျိုးသားရေးကိုလုပ်ဆောင်စွာမှန်ကေရခိုင်သားတိအားလုံးညီညွတ်ရေးပန်တိုင်မှသည်လွတ်မြောက်ရေးပန်းတိုင်ကိုချီတက်ရဘာဖို့။Statement
Politics, Assembly Politics ဆိုစွာနှစ်ပေါင်းကြာလားဘာရာ။အဖပြည်လွတ်မြောက်ရေးအတွက်
ဗမာ့တိခင်းကျင်းရေးနိုင်ငံရေးအခင်းအကျင်းမှရုန်းထွက်ဗနာရခိုင်သားတိကိုယ်တိုင်ခင်းကျင်းရေးနိုင်ငံရေးအခင်းအကျင်းကိုအကောင်အထည်ဖော်ဖို့လိုဘာရေ။အချင်းချင်းတိုက်ခိုက်ပုတ်ခတ်နိန်ကတ်ဗနာရန်သူထောင်ချောက်ထဲကိုမဆင်းကတ်ဘဲနန့်ညီညွတ်မှုပန်းတိုင်ကနိန်လွတ်မြောက်ရေးပန်းတိုင်ကိုအားမွိန်းလုပ်ဆောင်လားကတ်ဖို့လိုဘာရေလို့
အကျွန့်အမြင်ကိုတင်ပြအပ်ဘာရေ။
သမဂ္ဂါနံ တပေါသုခေါ။
မောင်သာကီ
၀၃.၀၁.၂၀၁၁
