အမေရိကန်နိုင်ငံခြားရေး ၀န်ကြီး ဟီလာရီကလင်တန် မြန်မာနိုင်ငံကို လည်ပတ်စော်မှာ ပြည်သူ့လွတ်တော် ကိုယ်စားပြု ကော်မတီ CRPP လည်း တွိ့ဆုံခရေလို့ သိရပါရေ။ NLD က ဦးတင်ဦး၊ ဦးဝင်၊ ရခိုင်အမျိုးသားဒီမိုကရေစီအဖွဲ့ချု (ALD)က ဦးအေးသာအောင်၊ မွန်အမျိုးသား ဒီမိုကရေစီအဖွဲ့ချုပ်(MNDF)က ဥက္ကဌ နိုင်ငွေသိမ်း၊ ဇိုမီအမျိုးသားကွန်ကရက်(ZNC)က ဦးပူကျင့်ရှင်းထန်နန့် ရှမ်းအမျိုးသား ဒီမိုကရေစီအဖွဲ့ချုပ်(SNLD)က စိုင်းစော်အောင်ရို့ကို ဒီဇင်ဘာလ (၁)ရက်နိက ဒေါ်အောင်ဆန်စုကြည်နေအိမ်မှာ နာရီဝက်လောက် တွိ့ဆုံလားပါရေလို့ သိရပါရေ။
ဖမ်းထားရေ လူတိကို လွတ်ပီးဖို့၊ အနှစ် ၆၀ လောက်ဟိရေ တိုင်းရင်းသားဒေသ တိုက်ပွဲတိကို ရပ်စဲပီးဖို့၊ တွိ့ဆုံဆွေးနွေးရေးဖြိုက်ဖို့ ယင်းအချက်တိကို တင်ပြခပါရေလို့ မွန်အမျိုးသား ဒီမိုကရေစီအဖွဲ့ချုပ်(MNDF)က ဥက္ကဌ နိုင်ငွေသိမ်းက ပြောခရေလို့ဆိုပါရေ။ ကျနော် ခေါင်းဆောင်တိကလည်း ယင်းအချက်ကို ထပ်ကာ တလဲ လဲ တောင်းဆိုခကတ်တေလို့ သိရပါရေ။ CRPP ဆိုစော်ရေ ၁၉၉၀ ခုနှစ် ရွေးကောက်ပွဲဝင် နိုင်ငံရေး ပါတီတိန့် ဖွဲ့ထားရေ အဖွဲ့အစည်းတခု ဖြိုက်ပါရေ။ ဟီလာရီကလင်တန်နန့် တွိ့ဆုံခစော်မှာ အားရကျေနပ်မှုတိဟိပြီးကေ စကားပြောရစော်လည်း ပွင့်လင်း မြင်သာမှုတိ အများကြီးဟိပြီးကေ အေပုံစံအတိုင်းဆက်လားဖို့ဆိုကေ ရှေ့ကိုလည်း အမေရိကန်နိုင်ငံနန့် ဆက်ဆံမှု ကောင်းတိဟိလာနိုင်ပါရေလို့ သိရပါရေ၊
