အရူးထခွင့်ပြုပါ၊ အစွမ်းရောက်ခွင့်ပြုပါ
ခရစ်သက္ကရာဇ် ၂၀၁၀ ကို နောက်ခိုင်းပြီးကေ ၂၀၁၁ ကိုကြိုဆိုဖုိ့ ကမ္ဘာသူကမ္ဘာသားတိ ပြင်ဆင်ကတ်တေအခါ ကမ္ဘာကြီး ထောင့်ဂျိုင်သျှေ တနိန်ရာမှာ အထင်အရှားဟိရယ် ရခိုင်ပြည်နန့် ဆက်နွယ်နိန်ရယ် အမေရိကန်ရောက် ရခိုင်အမျိုးသား တစုက အမေရိကန်က ကုလသမဂ္ဂယုန်း ရှိမှာ ရခိုင်ပြည် အချုပ်အချာ ကျဆုံးခြင်း အထိမ်းအမှတ် အနိန်နန့် ဆန္ဒပြလားခကတ်ပါရယ်။ ယင်းအထဲမှာ ဆြာကြီး ဒေါက်တာ ဦးအေးကျော်ကိုလဲ တွိလိုက်ရရယ်။ နှင်းဖွဲတိ ကျနိန်ရယ် ဒီဇင်ဘာကုန်ဆုံးရယ်နိန်တရက်မှာ ရခိုင်တစုက ကိုယ်ပင်ရို့တိ ဆုံးယှံးနိန်ရယ် အရာတခုကို လူသိရှင်ကြားဖော်ထုတ်လိုက်ပျာယ်ဖြစ်တေ။ ထူးခြားစွာတခုက ဗမာပြည်မှာ ထပိန်ခိုး၊ အိုးစုတ်ပလုတ်ဆိုးခိုးစွာကို တောင် သတင်းလုပ်လို့ အော်နိန်ရယ် ပြည်ပသတင်းဌါနတိနန့်၊ ဗမာပြည် လွတ်လပ်ရေး နိန့်တိကျကေစီ စတိတ်မန့်ထုတ်နိန်ကတ်တေ ရခိုင် နိုင်ငံရေး အဖွဲ့ တချို့ တတိတ် တိန်းနိန်ကတ်စွာကိုလဲ တွိရရယ်။ ယင်းအပြင် ယင်းဆန္ဒပြပွဲ နန့် ပတ်သက်လို့ ကောင်းကျိုးဆိုးကျိုးဝေဖန်ရယ်လူတိ၊ စုိုးရိမ်မကင်းဖြစ်မိရယ် လီသံတိ၊ သံသယ ဖြစ်မိရယ် လီသံတိလဲ ပိတ်ပင်တားဆီးလုိ့မရရယ် အိန်တာနတ် စာမျက်နှာတိ ထက်မှာ ပလူပျံအောင် ထွက်ပေါ်လာကတ်ပါရယ်။
အဂုပုိုင် ဖယ်ဒရယ်ပြည်ထောင်စုကို တိုင်းရင်းသားညီနောင်တိ တတူ လက်တွဲပနာ တည်ဆောက်ဖို့ စစ်အစိုးရကို တိုက်နိန်ရယ် အချိန်မှာ ဒေလုပ်ရပ်ရယ် မလုပ်သင့်လို့ တချို့က ဝေဖန်ကတ်တေ။ ဒေပိုင် ဆန္ဒပြလိုက်တေအတွက်နန့် စစ်အစိုးရက ရခိုင်သားတိကို ဒုက္ခ ပီးဖို့လို့ တချို့က စိုးရိမ်ကတ်တေ။ ကမ္ဘာရွာ တည်ဆောက်ဖို့ ပြင်နိန်ရယ် ခစ်မှာ ဒေလုပ်ရပ်ရယ် ကကောင်းအမြင်ကျဉ်းမြောင်းရယ်အလုပ်၊ တဖက်စွန်းရောက်တေ အပြုအမူဖြစ်တေလို့ မှတ်ချက်ပီးကတ်တေ။ အဂုပိုင် ဘုံရန်သူ စစ်အစိုးရကို တိုက်နိန်ရယ် အချိန်မှာ ကိုယ်ပင်ရုို့ လိုချင်ရယ် ပန်းတိုင်ကို တွန်းဆွီးမျိုချပိုင်မျိုချပနာ ခစ်နန့်အညီ ဒီပလိုမေစီကို သုံးပနာ ဗမာတိကို အချိုသတ် ဖယ်ဒရယ်ရအောင် အယင်လုပ်ပြီးမှ လွတ်လပ်ရေးကို ယူဖို့ ကြိုးစားသင့်ကြောင့်လဲ တချို့က အကြံပြုကတ်တေ။ အဆိုးဆုံးက 'မ' တရာရခိုင်သားတိ အကြံကုန်လို့ ဂလုံဆားချ အရူးထကတ်စွာရာလို့ ပြောကတ်သံကို ရခိုင်သားတိ ပစကပင် မချီမဆန့် ကြားကတ်ရခြင်းပင်ဖြစ်တေ။ ယေဇု နန့် လွန်ခရယ် ဆယ်စုနှစ်တခု လောက်က လူတစ်ယောက်ပြောခရယ် 'ရခိုင်ပြည်လွတ်လပ်ရေးယူဖို့အတွက် ရခိုင်သားတ၀က်လောက်ကို သတ်ပလိုက်ကတ်ရဖုို့သိမ့်' ဆိုရယ် စကားကို ပြန်လို့ ကြားယောင်လာပါရယ်။ ယင်းပိုင်ပျာယ် အိုက်ယာလန် လွတ်လပ်ရေးယူဖို့ခါ မြောက်ပုိုင်း နန့် တောင်ပိုင်း ခွဲရေး၊ တွဲရေး ပြသနာဖြစ်ပြီးကေ ကိုယ့်အချင်းချင်း ပြန်တိုက်ဖို့ အဆင့်ထိ ရောက်ခရစွာကိုလဲ အမှတ်ရလာပါရယ်။
ပထမဆုံးအနိန်နန့် ကုလသမဂ္ဂယုန်းရှိမှာ ရခိုင်ပြည်အချုပ်အချာ အာဏာ ကျဆုံးခြင်း အထိန်းအမှတ်နန့် ဆန္ဒပြကတ်ကေ ပဇာဖြစ်လဲ ဆိုရယ် အမိန်းတခုကို ၀သျှေတန်းအဘုသျှေတယောက်ပိုင် ပိုင်ကိုယ်စွာကိုယ်ပြန်မိန်းမိရယ်။ ယူအမ်က ယင်းပိုင် ဆန္ဒပြစွာ နန့် ပင် ရခိုင်ပြည်ကို လွတ်လပ်ရေးပီးဖို့ယာလား ဆိုပနာလဲ တွေးကြည့်မိပါရယ်။ ဒေပုိုင်ကိစ္စတိကို ယူအမ်က ရာ ဖြေယှင်းလို့ ကျင်းဖို့ဆိုကေ ကမ္ဘာမှာ ရခိုင်နည်းတူ မလွတ်လပ်သိမ့်ရယ် လူမျိူးတိဖြစ်တေ (ဥပမာ- စကော့တလန်ရို့၊ တမိန်းလူမျိုးရို့) တိလဲ လွတ်လပ်ရေးရခစွာကြာခပျာယ်ဖြစ်လီဖုို့လို့ အတွက်ခံမိပါရယ်။ ယင်းပိုင်ရာ အရာရာကို ယူအမ်က ပြေလည်အောင်ဖြေယှင်းနိုင်ကေ အရှိအလယ်ပိုင်းက ပြသနာတိလဲ ပြေလည်လီဖို့ရာလို့လဲ စိုင်းစားမိပါရယ်။ ယင်းပိုင်ဆိုကေ ယင်းဆန္ဒပြကတ်တေ ရခိုင်သားတိ ရယ်ဒေ၀သျှေတန်း အသျှေတယောက်တောင် စိုင်းစားလို့ ရရယ် ကိစ္စတခုကို မစိုင်းစားမိပါဘဲ ပဇာဖြစ်လို့ အချိန်ကုန်ခံ အပင်ပန်းခံ ပနာ နှင်းတော ထဲမှာ ဆန္ဒပြကတ်တေလဲဆိုစွာကို သေခြာစိုင်းစားဖို့ လိုအပ်လာပါရယ်။ သေခြာစွာတခုကတော့ ယင်းပိုင် ဆန္ဒပြစွာလောက်နန့် ရခိုင်ပြည်ရယ် ဆုံးယှံးနိန်ရယ် အချုပ်အချာ အာဏာကို ပြန်လို့ ရဖို့စွာ ဖြစ်နိုင်ခြေ မဟိပါ။ ယေဒါလဲ သွင့်ခစ်အဆက်ဆက် မျိုသိပ်ထားခရယ် ဆန္ဒတခုကို ထုတ်ဖော်ပနာ ကမ္ဘာသူ ကမ္ဘာသား၊ ဗမာသူ ဗမာသား နန့် ရခိုင်သူ ရခိုင်သားတိကို "ငါရို့လွတ်လပ်ရေး ကျဆုံးလာခစွာကို မမိန့်သိမ့်ဒေကား၊ ငါရို့ အတွက်ပေါ်သိမ့်ရယ်ဒေကား၊ ငါရို့ လိုချင်သိရယ်ဒေကား" ဆိုရယ် သတင်းသျှေတခု ပီးလိုက်ခြင်းပင်ဖြစ်တေ။ ဆန္ဒပြခြင်းအဓိက ရွယ်ရည်ချက်ရယ် မိမိ ဆန္ဒကို အများသိအောင် ထုတ်ဖော်ပြောဆိုခြင်းဆိုစွာကို လူတိုင်းသိကတ်ပါရယ်။ ယင်းပိုင် ဆန္ဒပြလိုက်တေအတွက်နန့်လဲ ယင်းဆန္ဒပြည့်မြောက်လာဖို့လို့ တယောက်လဲ အာမ မခံပါ။ ယေဒါလဲ ဆန္ဒပြခြင်းမှာ မိမိဆန္ဒကိုယ် ထုတ်ဖော်ပြသ နိုင်ခြင်းရယ် အဓိက သော့ချက်ဖြစ်ပါရယ်။ အကျွန်ရို့တိမှာ စစ်အစိုးရ အချုပ်အချယ် လက်အောက်က လွတ်ပနာ တိုင်းတပါးခြားကို ရောက်နိန်ကေတောင်မှ အကြောင်းအမျိုးမျိုးကြောင့် ကိုယ်ဆန္ဒကိုယ် ကိုယ်ပိုင်ရယ် ပစ ကတောင် ထုတ်မဖော်ဝံ့ဘဲ ပြည်ထောင်စုကိုလွမ်း၊ ဒီမိုကရေစီကို စုံမက်၊ လူအခွင့်အရေးကို လျှာရည်ကျပနာ အမျိုးသားအခွင့်အရေး နန့် ပတ်သက်တေ ဆန္ဒတိ ထုတ်ဖော်ဖို့စွာကိုတော့ သီလောက်အောင်ကြောက်တေ အခြေအနေတိဟိပါရယ်။ ယေဇု နန့် ကိုယ့်တိုင်းပြည်နန့် ကိုယ်လူမျိုးကို အဂယင့်လွတ်မြောက်စီချင်ကေ ကိုယ်စွာကိုယ်ခန်း အယင်လွတ်လပ်တေ လူသားတယောက်ဖြစ်အောင် ပြုလုပ်ကြံဆောင်ဖို့ အရေးကြီးပါရယ်။ ကိုယ်က ပူးပေါင်းပါဝင်ဖို့ မတတ်နိုင်ကေလဲ လုပ်လားကတ်တေလူတိကို ထောက်ခံအားပီးသင့်ပါရယ်။
ဒုတိယအချက်အနိန်နန့် ရခိုင်တိ ကုလသမဂ္ဂယုန်းရှိမှာ ရခိုင်ပြည်အချုပ်အချာ အာဏာကျဆုံးခြင်း အထိမ်းအမှတ် နန့်ပတ်သက်လို့ ဆန္ဒထုတ်ဖော်ပြလိုက်တေအတွက်နန့် ဖြစ်ပေါ်လာနိုင်ရယ် အကျိုးဆက်ဖြစ်တေ။ ဒေပိုင် လုပ်လိုက်တေအတွက် နန့် စစ်အစိုးက ပြည်တွင်းရခိုင်တိကို ဒုက္ခပီးပနာ ရခိုင်ပြည် ငါးပါးမှောက်ဖို့လို့ တချို့က စိုးရိမ်မကင်းဖြစ်ကတ်တေ။ ဖြစ်သင့်ပါရယ်။ ဒုက္ခလဲ တနည်းတဖုံ ပီးလောက်ပါရယ်။ ဒေကိစ္စကိုတော့ တခုလဲ မဖြစ်လာနိုင်လို့ မပြောလိုပါ။ ယင်းပိုင်ပျာယ် အမောင် တိုင်းရင်းသားရခိုင်သားတိ နန့် တတူလက်တွဲပနာ ဒီမိုကရေစီတိုက်ပွဲဝင်နိန်ကတ်တေ ဗမာတိလဲ ရခိုင်တိကို အမြင်မကျီလဲ ဖြစ်လားနိုင်ပါရယ်။ မတတ်နိုင်ပါ။ ကမ္ဘာမှာ ဟိရယ် လွတ်လပ်ပြီးနိုင်ငံတိ နန့် မလွတ်လပ်သိမ့်ရယ် နိုင်ငံတိ လွတ်လပ်ရေးကြိုးပမ်းမှု သမိုင်းတလျှောက်ကို အကြမ်းဖျင်းပြန်ကြည့်ကေ လွတ်လပ်ရေးလိုချင်လူတိကတော့ လွတ်လပ်ရေးကို နည်းမျိုးစုံနန့် တောင်းပြီးကေ၊ ပေါင်းစည်းရေးလိုလားလူတိက ပေါင်းစည်းရေးကို တောင်းခကတ်စွာလူတိုင်းအသိပါ။ တိုင်းပြည်နန့် လူမျိုးတခုရယ် လူတယောက် တည်းနန့် ဖွဲ့ စည်းထားခြင်းမဟုတ်ပါ။ လူအမျိုးမျိူး အမြင်အမျိုးမျိုး ဟိကတ်တေအတွက်နန့် သဘောထားတိ လွတ်လပ် လပ်လပ် ကွဲလွဲပိုင်ခွင့်ဟိပါရယ်။ သာတူညီမျှ အတွေးအခေါ်နန့် ဖယ်ဒရယ် စနစ်ကို တည်ဆောက်ဖို့တောင် အိမ်မက် မက်နိုင်ကတ်ကေ အကျွန်ရို့တိ ပဇာဖြစ်လို့ လွတ်လပ်ရေးကို အိမ်မက် မမက် နိုင်စရာအကြောင်းဟိပါဖို့လဲ။ တချို့က ဒီမိုကရေစီ နန့် ဖယ်ဒရယ်စနစ်တောင်မတည် ဆောက်နိုင်သိမ့်ဘဲ လွတ်လပ်ရေးယူဖို့စွာ အိမ်မက်တခုလုိုပြောကေ ဗမာပြည်မှာ သာတူညီမျှ ဖယ်ဒရယ် စနစ်ကို တည်ဆောက်ဖို့စွာကိုလဲ အိမ်မက်တခုလို့ ဘဲ အကျွန်ပြောချင်ပါရယ်။
ကျွန်ဘ၀ နှစ်ပေါင်းနှစ်ရာကျော် အထဲမှာ အကျွန်ရို့ ပိုင်ဆိုင်ရယ် လွတ်လပ်ခွင့်၊ စာပီ၊ တန်ဖိုး၊ ယုိုင်းကျေးမှု၊ သာဘာ တိရယ် ရစရာ မဟိအောင် ပျက်စီးကုန်ဆုံးလားခပြီးပါယာ။ အဂုထက်ထိလဲ ဖျက်နိန်တုန်းပါသိမ့်။ ဒေဟင့်ထက်ပုိုလို့ အရာ ဇာတိ အဖျက်ခံစရာ ဟိပါသိမ့်လေ။ ကုလသမဂ္ဂယုန်းရှိမှာ ဆန္ဒပြလုိုက်မှ ပြည်တွင်းက ရခိုင်တိ အခြေအနေ ပိုလို့ ဆိုးလားနိုင်ရယ် ဆုိုရယ် စကားမှာ ဟာသ ပျက်လုံးတခုပိုင်ဖြစ်နိန်ပါရယ်။ အကျွန်ရို့ ရခိုင်သားတိ ဘ၀က တိုးလဲခံ၊ ဆုတ်လဲနာ ဘ၀ဖြစ်နိန်ပြီးသားပါ။ ယေဇု နန့် မလွဲမသွေ ဒုက္ခတိကြုံလာဖို့ အတူတူ ယင်းဒုက္ခတိကို အဂုကပင် ရင်ဆိုင်သင့်ပါရယ်။ ရခိုင်တိ လိုလားရယ် ဆန္ဒကိုထုတ်ဖော်ပြသလိုက်တေအတွက် နန့် စစ်အစိုးရ၊ ဗမာနိုင်ငံရေးသမားတိ အငြိုအငြင်ခံရဖို့ ကြောက်တေအသံတိ၊ အောင်ဆန်းစုကြည် ယုံကြည်မှုကို မရဖို့စွာကြောက်တေ အသံတိလဲ ကြားရပါရယ်။ ယုံကြည်မှုဆိုစွာ တဖက်သတ်လားရိုး ထုံးစံမဟိပါ။ အပြန်အလှန်သက်ရောက်မှု ဟိရပါဖို့။ ယင်းဟင့်မှာ ရခိုင်တိက ဗမာတိ ယုံကြည်မှု ရအောင်ကြိုးစားသင့်ရယ်ဆိုရယ် စကားစွာ ကောင်းသံဝေဂ ရဖို့ ကောင်းရယ် စကားပါ။ ယုံကြည်မှု ခံယူချင်းယူ ဗမာတိကဘဲ ရခိုင်တိ ယုံကြည်မှု ရအောင်လုပ်ရပါဖို့။ သမိုင်းတလျှောက် ယုံကြည်မှုကို ချိုးဖောက်ခစွာ ရခိုင်မဟုတ်ပါ။ ဗမာတိဘဲ ဖြစ်ပါရယ်။ စစ်အစိုးရကို အကျွန်မယုံပိုင် အောင်ဆန်းစုကြည်ကိုလဲ အကျွန်မယုံပါ။ ယေဇု နန့် ဗမာတိ မာန်ပါလားဖို့စွာကြောက်လို့ ကိုယ့်ရုို့တိ ဆုံးယှံးနိန်ရယ် အရာတခုကို မထုတ်ဖော်ကေ့လို့ ပြောစွာရယ် ကိုယ့်လူမျိူးကိုယ် ကိုယ်ရို့ နှစ်သတ်စွာနန့်တူပါရယ်။ အကျွန်ရို့တိ လွတ်လပ်ရေးပန်းတိုင်ကို အကောင်အထည်မဖော်နိုင်သိမ့်ကေလဲ လွတ်လပ်ရေးရယ် အကျွန်ရို့ အန္တိမပန်းတိုင် ဖြစ်တေဆိုစွာကို အစရှင်း နောင်ရှင်းကြိုတင်သိအောင်လုပ်ထားသင့်ပါရယ်။ စကော့တလန်ရယ် ဂနိန့်ထက်တိုင် အင်္ဂလန်က ပါလီမန်မှာ လွတ်လပ်ရေး တောင်းတုန်းပါ။ ဒေကိစ္စက ကောင်းဆန်းရယ်ကိစ္စတော့ မဟုတ်ပါ။ မ တရာသားတိဟိရယ် လူမျိုးတခုမှာ လွတ်လပ်ရေးလိုချင်ရယ်လူတိက လွတ်လပ်ရေးတောင်းနိန်စွာကိစ္စရယ် ဗမာတိ နန့် ဖယ်ဒရယ် စနစ်တည်ဆောက်ဖို့ ယုံကြည့်ဝံ့ရယ်လူတိထက်စာကေ ပိုလို့ လက်တွိကျရယ် အတွေးအခေါ်တရပ်လို့ အကျွန်မြင်ပါရယ်။
နောက်ဆုံးတချက်က ရခိုင်သားတိ လွတ်လပ်ရေးကိစ္စကို ပြောလိုက်တိုင်း ရခိုင်အချင်းချင်းပါ၊ ဗမာတိကပါ ကိုယ်ပင်ရို့ကို အစွမ်းရောက်တေ၊ အမြင်ကျဉ်းရယ် ဆိုပနာ ပြောကတ်ခြင်းပါ။ အမျိုးသားရေးဝါဒ (Nationalism)ရယ် တစ်ဆယ့်ကုိုးရာစု အနောက်တိုင်းထုတ်ကုန်တခုလို့ တချို့က ပြောကတ်ပါရယ်။ တချို့က ယင်းမတိုင်ခင် ကပင် ဟိရယ်လို့ ငြင်းချက်ထုတ်ကတ်ပါရယ်။ ပဇောင်ဘဲ ဆိုဆို အမျိုးသားရေးဝါဒရယ် နိုင်ငံထူထောင်ခြင်း နန့် ဆက်နွယ် ပတ်သက်နိန်ပါရယ်။ လူမျိုးတမျိုးတမျိူး (သို့) လူမျိူးစုတိက ကိုယ်ပိုင် အချုပ်အချာ နိုင်ငံထူထောင်ဖို့ စိတ်အားထက်သန် ရည်စူးခြင်းရယ် အမျိုးသားရေးဝါဒ ပုံစံတိ အများထဲက တခုပင်ဖြစ်ပါရယ်။ ကိုယ်ရုို့ဆုံးယှံးလားရယ် ရခိုင်အချုပ်အချာ အာဏာကို ပြန်လည်ရယူဖို့ ဆန္ဒထုတ်ဖော်ပြသ ခြင်းရယ် လောကကြီးမှာ ကကောင်းရိုးယှင်းရယ် ကိစ္စတခုရာဖြစ်ပါရယ်။ ကိုယ့်ပိုင်ရယ် ပစ္စည်းတခုကို ကိုယ်ရအောင်ကြိုးစားခြင်းရယ် မှန်ကန်ရယ် အပြစ်ကင်းစင်ရယ် (morally right) ကိစ္စတခုရာဖြစ်ပါရယ်။ သူများပိုင်ရယ် အရာကို ချုပ်ကုိုက် ချယ်လှယ်ဖို့ ကြိုးစားခြင်းမဟုတ်ပါ။ ကိုယ့်လွတ်လပ်ရေးကို ကိုယ်တောင်းစွာရယ် အစွမ်းရောက်တေ၊ အမြင်ကျဉ်းမြောင်းရယ်ဆိုကေ အကျွန်ရို့ကို တန်းတူသတ်မှတ်တောင် အင်တင်တင်ဖြစ်နိန်ရယ် ဗမာနိုင်ငံရေး အဖွဲ့ အစည်း နန့် ဗမာတိကို အမြင်ကျယ်ရယ်၊ အလယ်အလတ်လမ်းစိုင် ကျရယ်လို့ ပြောရပါဖို့လား။ အကျွန်ရို့တိမှာ ကမ္ဘာရွာ တည်ဆောက်ရေး ၀ါဒီတိက ဥရောပယူနီယံကို လက်ညှိးထိုး၊ သတင်းမီဒီယာခစ်ကို ဗန်းပြ ပနာ အချုပ်အချာ အာဏာနန့် လွတ်လပ်ရေး တောင်းဆိုမှု ရယ် ဒိတ်အောက်လားပျာယ်လို့ ပြောကတ်ပါရယ်။ ယေဇု နန့် ဖယ်ဒရယ်စနစ်ကို တည်ဆောက်ပနာရာ ပြည်ထောင်စုအထဲမှာ နိန်ခြင်းအားဖြင့် ရခိုင်တိအတွက် ပိုလို့ အကျိူးရနိုင်ကြောင်း ငြင်းချက်ထုတ်ကတ်ပါရယ်။ လွတ်လပ်ရေးအတွေးအခေါ်ကိုကျကေတော့ "အူး...ဖြစ်နိုင်ဖို့လား၊ ယင်းချင့်က" ဆိုပနာလဲ ညိန်းကတ်ပါရယ်။ ယင်းပိုင်ဆိုကေ ဗမာပြည်မှာ သာတူညီမျှ စနစ်လို့ ဆိုကတ်တေ ဖယ်ဒရယ်ကိုတည်ဆောက်ဖို့စွာကိုတော့ "အူး...ဒေဟင့်က ဖြစ်နိုင်ဖို့လားလို့" တချက်တလီ မတွေးမိကတ်ပါလား။ လူအချင်းချင်း အမြင်အမျိုးမျိုးကွဲလွဲနိုင်ရယ်အတွက် လွတ်လပ် လပ်လပ် သဘောထား ကွဲလွဲပိုင်ခွင့်ဟိပါရယ်။ ယေဒါလဲ အကျွန်ရို့တိကိုတော့ ရခိုင်ပြည်လွတ်လပ်ရေးအတွက် အရူးထခွင့်ပြုပါ၊ အစွမ်းရောက်ခွင့်ပြုပါ။ ပဇာဖြစ်လုိ့လဲ ဆိုကေ ဒေအရာအကို အကျွန်ရို့တိ တန်ဖိုးထားရယ် အတွက်ကြောင့်။ ။
ရွီးသားသူ
စံသာအောင်
ခရစ်သက္ကရာဇ် ၂၀၁၀ ကို နောက်ခိုင်းပြီးကေ ၂၀၁၁ ကိုကြိုဆိုဖုိ့ ကမ္ဘာသူကမ္ဘာသားတိ ပြင်ဆင်ကတ်တေအခါ ကမ္ဘာကြီး ထောင့်ဂျိုင်သျှေ တနိန်ရာမှာ အထင်အရှားဟိရယ် ရခိုင်ပြည်နန့် ဆက်နွယ်နိန်ရယ် အမေရိကန်ရောက် ရခိုင်အမျိုးသား တစုက အမေရိကန်က ကုလသမဂ္ဂယုန်း ရှိမှာ ရခိုင်ပြည် အချုပ်အချာ ကျဆုံးခြင်း အထိမ်းအမှတ် အနိန်နန့် ဆန္ဒပြလားခကတ်ပါရယ်။ ယင်းအထဲမှာ ဆြာကြီး ဒေါက်တာ ဦးအေးကျော်ကိုလဲ တွိလိုက်ရရယ်။ နှင်းဖွဲတိ ကျနိန်ရယ် ဒီဇင်ဘာကုန်ဆုံးရယ်နိန်တရက်မှာ ရခိုင်တစုက ကိုယ်ပင်ရို့တိ ဆုံးယှံးနိန်ရယ် အရာတခုကို လူသိရှင်ကြားဖော်ထုတ်လိုက်ပျာယ်ဖြစ်တေ။ ထူးခြားစွာတခုက ဗမာပြည်မှာ ထပိန်ခိုး၊ အိုးစုတ်ပလုတ်ဆိုးခိုးစွာကို တောင် သတင်းလုပ်လို့ အော်နိန်ရယ် ပြည်ပသတင်းဌါနတိနန့်၊ ဗမာပြည် လွတ်လပ်ရေး နိန့်တိကျကေစီ စတိတ်မန့်ထုတ်နိန်ကတ်တေ ရခိုင် နိုင်ငံရေး အဖွဲ့ တချို့ တတိတ် တိန်းနိန်ကတ်စွာကိုလဲ တွိရရယ်။ ယင်းအပြင် ယင်းဆန္ဒပြပွဲ နန့် ပတ်သက်လို့ ကောင်းကျိုးဆိုးကျိုးဝေဖန်ရယ်လူတိ၊ စုိုးရိမ်မကင်းဖြစ်မိရယ် လီသံတိ၊ သံသယ ဖြစ်မိရယ် လီသံတိလဲ ပိတ်ပင်တားဆီးလုိ့မရရယ် အိန်တာနတ် စာမျက်နှာတိ ထက်မှာ ပလူပျံအောင် ထွက်ပေါ်လာကတ်ပါရယ်။
အဂုပုိုင် ဖယ်ဒရယ်ပြည်ထောင်စုကို တိုင်းရင်းသားညီနောင်တိ တတူ လက်တွဲပနာ တည်ဆောက်ဖို့ စစ်အစိုးရကို တိုက်နိန်ရယ် အချိန်မှာ ဒေလုပ်ရပ်ရယ် မလုပ်သင့်လို့ တချို့က ဝေဖန်ကတ်တေ။ ဒေပိုင် ဆန္ဒပြလိုက်တေအတွက်နန့် စစ်အစိုးရက ရခိုင်သားတိကို ဒုက္ခ ပီးဖို့လို့ တချို့က စိုးရိမ်ကတ်တေ။ ကမ္ဘာရွာ တည်ဆောက်ဖို့ ပြင်နိန်ရယ် ခစ်မှာ ဒေလုပ်ရပ်ရယ် ကကောင်းအမြင်ကျဉ်းမြောင်းရယ်အလုပ်၊ တဖက်စွန်းရောက်တေ အပြုအမူဖြစ်တေလို့ မှတ်ချက်ပီးကတ်တေ။ အဂုပိုင် ဘုံရန်သူ စစ်အစိုးရကို တိုက်နိန်ရယ် အချိန်မှာ ကိုယ်ပင်ရုို့ လိုချင်ရယ် ပန်းတိုင်ကို တွန်းဆွီးမျိုချပိုင်မျိုချပနာ ခစ်နန့်အညီ ဒီပလိုမေစီကို သုံးပနာ ဗမာတိကို အချိုသတ် ဖယ်ဒရယ်ရအောင် အယင်လုပ်ပြီးမှ လွတ်လပ်ရေးကို ယူဖို့ ကြိုးစားသင့်ကြောင့်လဲ တချို့က အကြံပြုကတ်တေ။ အဆိုးဆုံးက 'မ' တရာရခိုင်သားတိ အကြံကုန်လို့ ဂလုံဆားချ အရူးထကတ်စွာရာလို့ ပြောကတ်သံကို ရခိုင်သားတိ ပစကပင် မချီမဆန့် ကြားကတ်ရခြင်းပင်ဖြစ်တေ။ ယေဇု နန့် လွန်ခရယ် ဆယ်စုနှစ်တခု လောက်က လူတစ်ယောက်ပြောခရယ် 'ရခိုင်ပြည်လွတ်လပ်ရေးယူဖို့အတွက် ရခိုင်သားတ၀က်လောက်ကို သတ်ပလိုက်ကတ်ရဖုို့သိမ့်' ဆိုရယ် စကားကို ပြန်လို့ ကြားယောင်လာပါရယ်။ ယင်းပိုင်ပျာယ် အိုက်ယာလန် လွတ်လပ်ရေးယူဖို့ခါ မြောက်ပုိုင်း နန့် တောင်ပိုင်း ခွဲရေး၊ တွဲရေး ပြသနာဖြစ်ပြီးကေ ကိုယ့်အချင်းချင်း ပြန်တိုက်ဖို့ အဆင့်ထိ ရောက်ခရစွာကိုလဲ အမှတ်ရလာပါရယ်။
ပထမဆုံးအနိန်နန့် ကုလသမဂ္ဂယုန်းရှိမှာ ရခိုင်ပြည်အချုပ်အချာ အာဏာ ကျဆုံးခြင်း အထိန်းအမှတ်နန့် ဆန္ဒပြကတ်ကေ ပဇာဖြစ်လဲ ဆိုရယ် အမိန်းတခုကို ၀သျှေတန်းအဘုသျှေတယောက်ပိုင် ပိုင်ကိုယ်စွာကိုယ်ပြန်မိန်းမိရယ်။ ယူအမ်က ယင်းပိုင် ဆန္ဒပြစွာ နန့် ပင် ရခိုင်ပြည်ကို လွတ်လပ်ရေးပီးဖို့ယာလား ဆိုပနာလဲ တွေးကြည့်မိပါရယ်။ ဒေပုိုင်ကိစ္စတိကို ယူအမ်က ရာ ဖြေယှင်းလို့ ကျင်းဖို့ဆိုကေ ကမ္ဘာမှာ ရခိုင်နည်းတူ မလွတ်လပ်သိမ့်ရယ် လူမျိူးတိဖြစ်တေ (ဥပမာ- စကော့တလန်ရို့၊ တမိန်းလူမျိုးရို့) တိလဲ လွတ်လပ်ရေးရခစွာကြာခပျာယ်ဖြစ်လီဖုို့လို့ အတွက်ခံမိပါရယ်။ ယင်းပိုင်ရာ အရာရာကို ယူအမ်က ပြေလည်အောင်ဖြေယှင်းနိုင်ကေ အရှိအလယ်ပိုင်းက ပြသနာတိလဲ ပြေလည်လီဖို့ရာလို့လဲ စိုင်းစားမိပါရယ်။ ယင်းပိုင်ဆိုကေ ယင်းဆန္ဒပြကတ်တေ ရခိုင်သားတိ ရယ်ဒေ၀သျှေတန်း အသျှေတယောက်တောင် စိုင်းစားလို့ ရရယ် ကိစ္စတခုကို မစိုင်းစားမိပါဘဲ ပဇာဖြစ်လို့ အချိန်ကုန်ခံ အပင်ပန်းခံ ပနာ နှင်းတော ထဲမှာ ဆန္ဒပြကတ်တေလဲဆိုစွာကို သေခြာစိုင်းစားဖို့ လိုအပ်လာပါရယ်။ သေခြာစွာတခုကတော့ ယင်းပိုင် ဆန္ဒပြစွာလောက်နန့် ရခိုင်ပြည်ရယ် ဆုံးယှံးနိန်ရယ် အချုပ်အချာ အာဏာကို ပြန်လို့ ရဖို့စွာ ဖြစ်နိုင်ခြေ မဟိပါ။ ယေဒါလဲ သွင့်ခစ်အဆက်ဆက် မျိုသိပ်ထားခရယ် ဆန္ဒတခုကို ထုတ်ဖော်ပနာ ကမ္ဘာသူ ကမ္ဘာသား၊ ဗမာသူ ဗမာသား နန့် ရခိုင်သူ ရခိုင်သားတိကို "ငါရို့လွတ်လပ်ရေး ကျဆုံးလာခစွာကို မမိန့်သိမ့်ဒေကား၊ ငါရို့ အတွက်ပေါ်သိမ့်ရယ်ဒေကား၊ ငါရို့ လိုချင်သိရယ်ဒေကား" ဆိုရယ် သတင်းသျှေတခု ပီးလိုက်ခြင်းပင်ဖြစ်တေ။ ဆန္ဒပြခြင်းအဓိက ရွယ်ရည်ချက်ရယ် မိမိ ဆန္ဒကို အများသိအောင် ထုတ်ဖော်ပြောဆိုခြင်းဆိုစွာကို လူတိုင်းသိကတ်ပါရယ်။ ယင်းပိုင် ဆန္ဒပြလိုက်တေအတွက်နန့်လဲ ယင်းဆန္ဒပြည့်မြောက်လာဖို့လို့ တယောက်လဲ အာမ မခံပါ။ ယေဒါလဲ ဆန္ဒပြခြင်းမှာ မိမိဆန္ဒကိုယ် ထုတ်ဖော်ပြသ နိုင်ခြင်းရယ် အဓိက သော့ချက်ဖြစ်ပါရယ်။ အကျွန်ရို့တိမှာ စစ်အစိုးရ အချုပ်အချယ် လက်အောက်က လွတ်ပနာ တိုင်းတပါးခြားကို ရောက်နိန်ကေတောင်မှ အကြောင်းအမျိုးမျိုးကြောင့် ကိုယ်ဆန္ဒကိုယ် ကိုယ်ပိုင်ရယ် ပစ ကတောင် ထုတ်မဖော်ဝံ့ဘဲ ပြည်ထောင်စုကိုလွမ်း၊ ဒီမိုကရေစီကို စုံမက်၊ လူအခွင့်အရေးကို လျှာရည်ကျပနာ အမျိုးသားအခွင့်အရေး နန့် ပတ်သက်တေ ဆန္ဒတိ ထုတ်ဖော်ဖို့စွာကိုတော့ သီလောက်အောင်ကြောက်တေ အခြေအနေတိဟိပါရယ်။ ယေဇု နန့် ကိုယ့်တိုင်းပြည်နန့် ကိုယ်လူမျိုးကို အဂယင့်လွတ်မြောက်စီချင်ကေ ကိုယ်စွာကိုယ်ခန်း အယင်လွတ်လပ်တေ လူသားတယောက်ဖြစ်အောင် ပြုလုပ်ကြံဆောင်ဖို့ အရေးကြီးပါရယ်။ ကိုယ်က ပူးပေါင်းပါဝင်ဖို့ မတတ်နိုင်ကေလဲ လုပ်လားကတ်တေလူတိကို ထောက်ခံအားပီးသင့်ပါရယ်။
ဒုတိယအချက်အနိန်နန့် ရခိုင်တိ ကုလသမဂ္ဂယုန်းရှိမှာ ရခိုင်ပြည်အချုပ်အချာ အာဏာကျဆုံးခြင်း အထိမ်းအမှတ် နန့်ပတ်သက်လို့ ဆန္ဒထုတ်ဖော်ပြလိုက်တေအတွက်နန့် ဖြစ်ပေါ်လာနိုင်ရယ် အကျိုးဆက်ဖြစ်တေ။ ဒေပိုင် လုပ်လိုက်တေအတွက် နန့် စစ်အစိုးက ပြည်တွင်းရခိုင်တိကို ဒုက္ခပီးပနာ ရခိုင်ပြည် ငါးပါးမှောက်ဖို့လို့ တချို့က စိုးရိမ်မကင်းဖြစ်ကတ်တေ။ ဖြစ်သင့်ပါရယ်။ ဒုက္ခလဲ တနည်းတဖုံ ပီးလောက်ပါရယ်။ ဒေကိစ္စကိုတော့ တခုလဲ မဖြစ်လာနိုင်လို့ မပြောလိုပါ။ ယင်းပိုင်ပျာယ် အမောင် တိုင်းရင်းသားရခိုင်သားတိ နန့် တတူလက်တွဲပနာ ဒီမိုကရေစီတိုက်ပွဲဝင်နိန်ကတ်တေ ဗမာတိလဲ ရခိုင်တိကို အမြင်မကျီလဲ ဖြစ်လားနိုင်ပါရယ်။ မတတ်နိုင်ပါ။ ကမ္ဘာမှာ ဟိရယ် လွတ်လပ်ပြီးနိုင်ငံတိ နန့် မလွတ်လပ်သိမ့်ရယ် နိုင်ငံတိ လွတ်လပ်ရေးကြိုးပမ်းမှု သမိုင်းတလျှောက်ကို အကြမ်းဖျင်းပြန်ကြည့်ကေ လွတ်လပ်ရေးလိုချင်လူတိကတော့ လွတ်လပ်ရေးကို နည်းမျိုးစုံနန့် တောင်းပြီးကေ၊ ပေါင်းစည်းရေးလိုလားလူတိက ပေါင်းစည်းရေးကို တောင်းခကတ်စွာလူတိုင်းအသိပါ။ တိုင်းပြည်နန့် လူမျိုးတခုရယ် လူတယောက် တည်းနန့် ဖွဲ့ စည်းထားခြင်းမဟုတ်ပါ။ လူအမျိုးမျိူး အမြင်အမျိုးမျိုး ဟိကတ်တေအတွက်နန့် သဘောထားတိ လွတ်လပ် လပ်လပ် ကွဲလွဲပိုင်ခွင့်ဟိပါရယ်။ သာတူညီမျှ အတွေးအခေါ်နန့် ဖယ်ဒရယ် စနစ်ကို တည်ဆောက်ဖို့တောင် အိမ်မက် မက်နိုင်ကတ်ကေ အကျွန်ရို့တိ ပဇာဖြစ်လို့ လွတ်လပ်ရေးကို အိမ်မက် မမက် နိုင်စရာအကြောင်းဟိပါဖို့လဲ။ တချို့က ဒီမိုကရေစီ နန့် ဖယ်ဒရယ်စနစ်တောင်မတည် ဆောက်နိုင်သိမ့်ဘဲ လွတ်လပ်ရေးယူဖို့စွာ အိမ်မက်တခုလုိုပြောကေ ဗမာပြည်မှာ သာတူညီမျှ ဖယ်ဒရယ် စနစ်ကို တည်ဆောက်ဖို့စွာကိုလဲ အိမ်မက်တခုလို့ ဘဲ အကျွန်ပြောချင်ပါရယ်။
ကျွန်ဘ၀ နှစ်ပေါင်းနှစ်ရာကျော် အထဲမှာ အကျွန်ရို့ ပိုင်ဆိုင်ရယ် လွတ်လပ်ခွင့်၊ စာပီ၊ တန်ဖိုး၊ ယုိုင်းကျေးမှု၊ သာဘာ တိရယ် ရစရာ မဟိအောင် ပျက်စီးကုန်ဆုံးလားခပြီးပါယာ။ အဂုထက်ထိလဲ ဖျက်နိန်တုန်းပါသိမ့်။ ဒေဟင့်ထက်ပုိုလို့ အရာ ဇာတိ အဖျက်ခံစရာ ဟိပါသိမ့်လေ။ ကုလသမဂ္ဂယုန်းရှိမှာ ဆန္ဒပြလုိုက်မှ ပြည်တွင်းက ရခိုင်တိ အခြေအနေ ပိုလို့ ဆိုးလားနိုင်ရယ် ဆုိုရယ် စကားမှာ ဟာသ ပျက်လုံးတခုပိုင်ဖြစ်နိန်ပါရယ်။ အကျွန်ရို့ ရခိုင်သားတိ ဘ၀က တိုးလဲခံ၊ ဆုတ်လဲနာ ဘ၀ဖြစ်နိန်ပြီးသားပါ။ ယေဇု နန့် မလွဲမသွေ ဒုက္ခတိကြုံလာဖို့ အတူတူ ယင်းဒုက္ခတိကို အဂုကပင် ရင်ဆိုင်သင့်ပါရယ်။ ရခိုင်တိ လိုလားရယ် ဆန္ဒကိုထုတ်ဖော်ပြသလိုက်တေအတွက် နန့် စစ်အစိုးရ၊ ဗမာနိုင်ငံရေးသမားတိ အငြိုအငြင်ခံရဖို့ ကြောက်တေအသံတိ၊ အောင်ဆန်းစုကြည် ယုံကြည်မှုကို မရဖို့စွာကြောက်တေ အသံတိလဲ ကြားရပါရယ်။ ယုံကြည်မှုဆိုစွာ တဖက်သတ်လားရိုး ထုံးစံမဟိပါ။ အပြန်အလှန်သက်ရောက်မှု ဟိရပါဖို့။ ယင်းဟင့်မှာ ရခိုင်တိက ဗမာတိ ယုံကြည်မှု ရအောင်ကြိုးစားသင့်ရယ်ဆိုရယ် စကားစွာ ကောင်းသံဝေဂ ရဖို့ ကောင်းရယ် စကားပါ။ ယုံကြည်မှု ခံယူချင်းယူ ဗမာတိကဘဲ ရခိုင်တိ ယုံကြည်မှု ရအောင်လုပ်ရပါဖို့။ သမိုင်းတလျှောက် ယုံကြည်မှုကို ချိုးဖောက်ခစွာ ရခိုင်မဟုတ်ပါ။ ဗမာတိဘဲ ဖြစ်ပါရယ်။ စစ်အစိုးရကို အကျွန်မယုံပိုင် အောင်ဆန်းစုကြည်ကိုလဲ အကျွန်မယုံပါ။ ယေဇု နန့် ဗမာတိ မာန်ပါလားဖို့စွာကြောက်လို့ ကိုယ့်ရုို့တိ ဆုံးယှံးနိန်ရယ် အရာတခုကို မထုတ်ဖော်ကေ့လို့ ပြောစွာရယ် ကိုယ့်လူမျိူးကိုယ် ကိုယ်ရို့ နှစ်သတ်စွာနန့်တူပါရယ်။ အကျွန်ရို့တိ လွတ်လပ်ရေးပန်းတိုင်ကို အကောင်အထည်မဖော်နိုင်သိမ့်ကေလဲ လွတ်လပ်ရေးရယ် အကျွန်ရို့ အန္တိမပန်းတိုင် ဖြစ်တေဆိုစွာကို အစရှင်း နောင်ရှင်းကြိုတင်သိအောင်လုပ်ထားသင့်ပါရယ်။ စကော့တလန်ရယ် ဂနိန့်ထက်တိုင် အင်္ဂလန်က ပါလီမန်မှာ လွတ်လပ်ရေး တောင်းတုန်းပါ။ ဒေကိစ္စက ကောင်းဆန်းရယ်ကိစ္စတော့ မဟုတ်ပါ။ မ တရာသားတိဟိရယ် လူမျိုးတခုမှာ လွတ်လပ်ရေးလိုချင်ရယ်လူတိက လွတ်လပ်ရေးတောင်းနိန်စွာကိစ္စရယ် ဗမာတိ နန့် ဖယ်ဒရယ် စနစ်တည်ဆောက်ဖို့ ယုံကြည့်ဝံ့ရယ်လူတိထက်စာကေ ပိုလို့ လက်တွိကျရယ် အတွေးအခေါ်တရပ်လို့ အကျွန်မြင်ပါရယ်။
နောက်ဆုံးတချက်က ရခိုင်သားတိ လွတ်လပ်ရေးကိစ္စကို ပြောလိုက်တိုင်း ရခိုင်အချင်းချင်းပါ၊ ဗမာတိကပါ ကိုယ်ပင်ရို့ကို အစွမ်းရောက်တေ၊ အမြင်ကျဉ်းရယ် ဆိုပနာ ပြောကတ်ခြင်းပါ။ အမျိုးသားရေးဝါဒ (Nationalism)ရယ် တစ်ဆယ့်ကုိုးရာစု အနောက်တိုင်းထုတ်ကုန်တခုလို့ တချို့က ပြောကတ်ပါရယ်။ တချို့က ယင်းမတိုင်ခင် ကပင် ဟိရယ်လို့ ငြင်းချက်ထုတ်ကတ်ပါရယ်။ ပဇောင်ဘဲ ဆိုဆို အမျိုးသားရေးဝါဒရယ် နိုင်ငံထူထောင်ခြင်း နန့် ဆက်နွယ် ပတ်သက်နိန်ပါရယ်။ လူမျိုးတမျိုးတမျိူး (သို့) လူမျိူးစုတိက ကိုယ်ပိုင် အချုပ်အချာ နိုင်ငံထူထောင်ဖို့ စိတ်အားထက်သန် ရည်စူးခြင်းရယ် အမျိုးသားရေးဝါဒ ပုံစံတိ အများထဲက တခုပင်ဖြစ်ပါရယ်။ ကိုယ်ရုို့ဆုံးယှံးလားရယ် ရခိုင်အချုပ်အချာ အာဏာကို ပြန်လည်ရယူဖို့ ဆန္ဒထုတ်ဖော်ပြသ ခြင်းရယ် လောကကြီးမှာ ကကောင်းရိုးယှင်းရယ် ကိစ္စတခုရာဖြစ်ပါရယ်။ ကိုယ့်ပိုင်ရယ် ပစ္စည်းတခုကို ကိုယ်ရအောင်ကြိုးစားခြင်းရယ် မှန်ကန်ရယ် အပြစ်ကင်းစင်ရယ် (morally right) ကိစ္စတခုရာဖြစ်ပါရယ်။ သူများပိုင်ရယ် အရာကို ချုပ်ကုိုက် ချယ်လှယ်ဖို့ ကြိုးစားခြင်းမဟုတ်ပါ။ ကိုယ့်လွတ်လပ်ရေးကို ကိုယ်တောင်းစွာရယ် အစွမ်းရောက်တေ၊ အမြင်ကျဉ်းမြောင်းရယ်ဆိုကေ အကျွန်ရို့ကို တန်းတူသတ်မှတ်တောင် အင်တင်တင်ဖြစ်နိန်ရယ် ဗမာနိုင်ငံရေး အဖွဲ့ အစည်း နန့် ဗမာတိကို အမြင်ကျယ်ရယ်၊ အလယ်အလတ်လမ်းစိုင် ကျရယ်လို့ ပြောရပါဖို့လား။ အကျွန်ရို့တိမှာ ကမ္ဘာရွာ တည်ဆောက်ရေး ၀ါဒီတိက ဥရောပယူနီယံကို လက်ညှိးထိုး၊ သတင်းမီဒီယာခစ်ကို ဗန်းပြ ပနာ အချုပ်အချာ အာဏာနန့် လွတ်လပ်ရေး တောင်းဆိုမှု ရယ် ဒိတ်အောက်လားပျာယ်လို့ ပြောကတ်ပါရယ်။ ယေဇု နန့် ဖယ်ဒရယ်စနစ်ကို တည်ဆောက်ပနာရာ ပြည်ထောင်စုအထဲမှာ နိန်ခြင်းအားဖြင့် ရခိုင်တိအတွက် ပိုလို့ အကျိူးရနိုင်ကြောင်း ငြင်းချက်ထုတ်ကတ်ပါရယ်။ လွတ်လပ်ရေးအတွေးအခေါ်ကိုကျကေတော့ "အူး...ဖြစ်နိုင်ဖို့လား၊ ယင်းချင့်က" ဆိုပနာလဲ ညိန်းကတ်ပါရယ်။ ယင်းပိုင်ဆိုကေ ဗမာပြည်မှာ သာတူညီမျှ စနစ်လို့ ဆိုကတ်တေ ဖယ်ဒရယ်ကိုတည်ဆောက်ဖို့စွာကိုတော့ "အူး...ဒေဟင့်က ဖြစ်နိုင်ဖို့လားလို့" တချက်တလီ မတွေးမိကတ်ပါလား။ လူအချင်းချင်း အမြင်အမျိုးမျိုးကွဲလွဲနိုင်ရယ်အတွက် လွတ်လပ် လပ်လပ် သဘောထား ကွဲလွဲပိုင်ခွင့်ဟိပါရယ်။ ယေဒါလဲ အကျွန်ရို့တိကိုတော့ ရခိုင်ပြည်လွတ်လပ်ရေးအတွက် အရူးထခွင့်ပြုပါ၊ အစွမ်းရောက်ခွင့်ပြုပါ။ ပဇာဖြစ်လုိ့လဲ ဆိုကေ ဒေအရာအကို အကျွန်ရို့တိ တန်ဖိုးထားရယ် အတွက်ကြောင့်။ ။
ရွီးသားသူ
စံသာအောင်
