စစ်ဖိနပ်အောက်က မြန်မာပြည်
ပင်လုံစာချုပ်ပါအချက်တိကိုမျက်ကန်းမျိုးချစ်လူမျိုးကြီးဝါဒီဦးနုမှပြောင်တင်းတင်းချိုးဖောက်ခလို့၁၉၅၈ခုနှစ်မှာတိုင်းရင်းသားတိရဲ့လွတ်လပ်ရေးတိုက်ပွဲတိဟာအရှိန်ုအဟုန်မြင့်လာခရရေ။နိင်ငံရေးအခြေအနေကိုထိန်းသိမ်းမရဖြစ်လာရေခါဦးနုဟာဗိုလ်နေ၀င်းကို လက်သပ်ပနာတိုင်းပြည်အာဏာကို ၀ကွက်အပ်နှံခလို့ ၁၉၆၂ခုနှစ်ကစပြီးကေမြန်မာနိုင်ငံမှာစစ်တပ်အုပ်ချုပ်ရေးစ
နစ်စတင်လာခစွာ ကနိန့်ထက်ထိဖြစ်ပါရေ။ စစ်တပ်အုပ်ချုပ်လာခရေအဆက်ဆက်မှာ ပြည်သူတိအထူးသဖြင့် ဗမာကလွဲရေ
တိုင်းရင်းသားလူမျိုးတိရဲ့အခန်းကဏ္ဍစွာရေဇာပိုင်အနိန်အထားကိုရောက်လားခရဘာရေလဲဆိုစွာကိုလက်လှမ်းမီသလောက်တင်ပြလိုက်ဘာရေ။
(၁)ဘာသာတရား
ဦးနု မှ ဗုဒ္ဓဘာသာကို နိုင်ငံတော်ဘာသာအဖြစ် ပြဌာန်းခြင်းသည် မသင့်တော်ဟုသုံးသပ်ပါရေ။ ဘာသာတရားမည်
သည်မှာလူပုဂ္ဂိုလ်တစ်ဦးချင်းစီ၏သက်ဝင်ယုံကြည်မှုသာဖြစ်ပါသည်။လူတိုင်းသည်မိမိဆန္ဒအလျောက်မိမိကြိုက်နှစ်သက်ရာဘာသာကိုကိုးကွယ်ခွင့်ဟိန့်သည်ကိုကုလသမဂ္ဂ၏လူ့အခွင့်အရေးကြေငြာစာတမ်းအပိုဒ်အမှတ်(၁၈)တွင်ပြဌာန်းပေးပြီးဖြစ်ပါ
သည်။ဤသို့ဖြင့်ဗုဒ္ဓဘာသာကိုနိုင်ငံတော်ဘာသာအဖြစ်ပြဌာန်းပေးလိုက်ခြင်းဖြင့်အခြားသောဘာသာတရားကိုကိုးကွယ်နိန်ကတ်တေတိုင်းရင်းသားတိအနိန်နန့်ဇာပိုင်ခံစားရဖို့လဲဆိုစွာကိုဦးနုမစိုင်းစားခစွာလား။တမင်လုပ်စွာလား၊သို့မဟုတ်သူ့ကိုယ်သူ ဘုရားဒါယိကာကြီးဂုဏ်ပုဒ်ကိုယူကာ နိုင်ငံရေးအတွက် ဘာသာရေးကို ခုတုံးလုပ်ခစွာလား၊ သို့တည်းမဟုတ် ဗုဒ္ဓဘာသာ
တိုင်းရင်းသားတိနန့်အခြားသောဘာသာဝင်တိုင်းရင်းသားတိကြားမှာသွီးခွဲအုပ်ချုပ်ခစွာလားဆိုစွာကိုယထာဘူတကျကျလေ့လာသုံးသပ်ဖို့လိုရေထင်ဘာရေ။
ကမ္ဘာအေးစေတီနန့်မဟာပါသဏလိုဏ်ဂူတည်ရုံ၊ဆဌမသံဃာယနာတင်ပွဲကျင်းပရုံနန့်ပင်ဦးနုကိုလူအများစုကအထူးသဖြင့်ဗမာလူမျိုးတိကသာသနာ့ဒါယိကာဟုသတ်မှတ်ကတ်သည်။ ဦးနု သည် ဘုရားဒါယိကာကြီးမဟုတ်ပါ။ ဦးနု သည်ပြည်
တွင်းစစ်ဖြစ်ပွားရသည့် ပြစ်မှု၏တရားခံ ၊ သန်းပေါင်း(၆၀)နီးပါးရှိ မြန်မာပြည်သူတိကို စစ်ကျွန်ဘ၀ကိုရောက်အောင် တွန်းပို့ခ
ရေတရားခံ၊ တိုင်းရင်းသားစီးလုံးညီညွတ်မှုကို ဖျက်ဆီးခသည့်တရားခံ ၊ ကနိန့်ကမ္ဘာဇတ်ခုံမှာ ရိုဟင်ဂျာ ဆိုရေနာမယ် တစ်ခု
ရောက်ဟိန့်လာအောင်ဖန်တီးခရေတရားခံတစ်ယောက်ရာဖြစ်တယ်။ဇာကြောင်းလဲဆိုစွာကိုရှင်းဘာဖို့။ပင်လုံစာချုပ်ပါအချက်
တိကိုဦးနု ကချုိးးဖောက်ခလို့ ပြည်တွင်းစစ်ဖြစ်လာခရရေ။ ပြည်တွင်းစစ်ကြောင်း တိုင်းပြည်အခြေအနိန်ကို ထိန်းမရရေအခါ
ဗိုလ်နေ၀င်း ကို တိုင်းပြည်အာဏာကို ၀ကွက်အပ်ခရေကအစပြုကာစစ်ကောင်စီအဆက်ဆက်ကနိန့်ထိတိုင်းပြည်အာဏာကို
ရယူထားကတ်တေ။တိုင်းရင်းသားခေါင်းဆောင်အချင်းချင်းကိုမတည့်အောင်သွီးခွဲ့အုပ်ချုပ်ခရေ။ရခိုင်မှာဆိုကေစစ်တကောင်းနွယ်ပေါက်ကုလားတိကို နိုင်ငံသားမှတ်ပုံတင်ထုတ်ပီးဗနာ ရခိုင်-ကုလားပြဿနာကိုဖန်တီးခရေ။ သူ့ရဲသန့်ရှင်းဖဆပလကအ
မတ်နိန်ရာအများကြီးရဖို့အတွက်ကုလားတိကိုလွတ်တော်ထက်ကိုရောက်အောင်လုပ်ခရေ။ ယင်းဘင်္ဂါလီကုလားတိကို ရိုဟင်
ဂျာဆိုရေ နာမယ်အသစ်ကိုပီးဗနာတိုင်းရင်းသားအစီအစဉ်နိန်ဗနာအသံလွင့်ခွင့်ပီးခရေ။ ကနိန့်အချိန်မှာ ယင်းဘင်္ဂါလီကုလား
အန္တရယ်ဟာမြန်မာနိုင်ငံတစ်ခုကိုသာမကကမ္ဘာကြီးကိုပါခြိမ်းခြောက်နိန်ဘာယာ။
(၂)ဘာသာစကား-စာပီ-ယိုင်ကျေးမှု
ဗိုလ်နေ၀င်းရဲ့တော်လှန်ရေးကောင်စီလက်ထက်မှာဗမာစာကိုရုံးသုံးစာအဖြစ်သတ်မှတ်ခြင်းမှာလည်းမဟာဗမာဝါဒကို
ချဲ့ထွင်ခြင်းသာဖြစ်ရေ။ ရခိုင်တစ်ယောက်နန့်ကရင်တစ်ယောက်တွိကေ ဗမာစကားနန့်ပြောရရေ။ ဗမာနန့်ရခိုင်တွိကေ ဗမာစ
ကားပြောရရေ။ ဒေစွာတိက ဗမာစာပီကိုအခြားတိုင်းရင်းသားတိ တမင်အထင်ကြီးလာအောင်လုပ်ထားခြင်းရာဖြစ်တယ်။ အာ
ဏာရဗမာလူမျိုးကြီးဝါဒီအဆက်ဆက်ဟာ ဗမာကလွဲဗနာ ကျန်တိုင်းရင်းသားတိရဲ့စာပီ၊ယိုင်ကျေးမှု၊သမိုင်းတိကိုဖော်ထုတ်ခွင့်
မရအောင်ဘက်ပေါင်းစုံကနိန်ဗနာတားဆီးပိတ်ပင်မှုတိကိုလုပ်နိန်ရေ။သူရို့လုပ်နိန်စွာကိုကြည့်ရဖို့ဆိုကေမြန်မာ့ရိုးရာဆိုကရေး
တီးပြိုင်ပွဲကိုသုံးသပ်ကတ်ရအောင်ပါ။နအဖကျင်းပနိန်ရေ “ဆိုကရေးတီး”ဆိုစွာကဗမာ့ရိုးရာဆိုကရေးတီးပြိုင်ပွဲရာ။ယင်းပြိုင်ပွဲ
ဟာအသူရို့အတွက်ကျင်းပရေလဲ၊
ဇာအတွက်ကျင်းပနိန်စွာလဲ။ယင်းပြိုင်ပွဲမကျင်းပခင်လေးငါးလအလိုကပင်အခြာသောတိုင်း
ဇာအတွက်ကျင်းပနိန်စွာလဲ။ယင်းပြိုင်ပွဲမကျင်းပခင်လေးငါးလအလိုကပင်အခြာသောတိုင်း
ရင်းသားတိဟာဗမာ့တိရဲ့အဆို၊အက၊အတီး၊အရီးအသားတိကိုကြိုတင်ဗနာလေ့ကျင့်ရရေ။ပြီးကေလားပြိုင်ရရေ။ပြိုင်ရေလူတိဆုရရေ၊ နိုင်ငံတော်ကအေပြိုင်ပွဲကျင်းပဖို့အတွက် ငွေကျပ်သိန်းပေါင်းမြောက်မြားစွာအကုန်အကျခံရေ။ ဒေ မြန်မာ့ရိုးရာဆိုက
ရေးတီးပြိုင်ပွဲဆိုစွာရေ ဗမာ့ရိုးရာဆိုကရေးတီးပြိုင်ပွဲရာဖြစ်တေ။ ဒေချင့်တိစွာရေ ဗမာကလွဲရေအခြားတိုင်းရင်းသားတိကိုစော်
ကားခြင်းရာဖြစ်တေ။ရခိုင်ကရခိုင်စာသင်ကေ၊ရခိုင်သမိုင်းကိုရီးကေ၊ရခိုင့်ယိုင်ကျေးမှုကိုဖော်ထုတ်ကေတော့ခါတချက်လွှတ်ဥပဒေအမျိုးမျိုးတိတပ်ဗနာဖမ်းဆီးရေ။နအဖရဲ့တိုင်းရင်းသားစီးလုံးညီညွတ်ရေးဆိုစွာရေဗမာကလွဲရေအခြားတိုင်းရင်းသားတိကိုဗမာ့စာပီ၊ယဉ်ကျေးမှုတိကိုလေးစားလာအောင်လုပ်နိန်ရေအဓိပ္ပါယ်ဖွင့်ဆိုချက်ရာဖြစ်တယ်။
အငယ်ချေခါဘ၀ကို အမှတ်ရမိန့်ဘာသီးရေ။ အငယ်ချေခါကကျနော်ရို့ကျောင်းတက်တေခါ စာသင်ကျောင်းတိမှာက
ကျန်စစ်သားအသင်း၊ဘုရင့်နောင်အသင်း၊ဗန္ဓုလအသင်း၊အလောင်းဘုရားဆိုဗနာကျောင်းသားအသင်းချေတိကိုရက်အလိုက်တာဝန်ချိန်ခွဲထားရေ။ကျနော်ရေဗန္ဓုလအသင်းမှာတာဝန်ကျခစွာများဘာရေ။ပန်းဝါတိုက်ပွဲကိုတိုက်ခရေမောင်ရစ်ကိုဗန္ဓုလဘွဲ့နာမယ်ကိုပီးလိုက်စွာကိုဂုဏ်ယူမိခဘာရေ။ကျနော်ဆယ်တန်းအောင်ပြီးလို့ရခိုင်နန့်ပါတ်သက်တေစာအုပ်တိကိုလက်လှမ်းမိန်သလောက်ဖတ်ဖြစ်ခဘာရေ။အမှတ်ရဆုံးစာအုပ်တစ်အုပ်ကထိုင်းဘက်အခြေစိုက်ရခိုင်သမိုင်းသုတေသနဖွံ့ဖြိုးရေးအသင်းကထုတ်ဝေရေ“ရခိုင့်အားမာန်”စာစောင်ပါ။ဒေစာစောင်ကို ရန်ကုန်တက္ကသိုလ်မှာပထမနှစ်တက်နိန်တုန်း ကေအင်ယူတပ်ဖွဲ့က ရဲ
ဘော်တစ်ယောက်ဘားကနိန်လက်ဆောင်ပီးခစွာဘာ။ယင်းစာစောင်မှာပါရေ“ကျွန်ပြုခံရခိုင်နိုင်ငံ”ဆိုရေဆောင်းပါးတစ်ပုဒ်ကိုဖတ်မိရေခါဗန္ဓုလအသင်းမှာတာဝန်ကျခလို့မိမိကိုယ်ကိုဂုဏ်ယူမိခလို့မိမိကိုယ်မိမိကကောင်းဒေါသထွက်မိခဘာရေ။ဗန္ဓုလကရခိုင်သက္ကရာဇ်၁၇၈၄ခုနှစ်မှာ ရခိုင့်ဘုရင့်နိုင်ငံကိုသိမ်းပိုက်တုန်းက ရခိုင်သားတိကိုဇာပိုင်သတ်ပခရေလဲဆိုစွာသိလိုက်ရရေခါ
ကြက်သီးမွိန်းညှင်းထမိခဘာရေ။ ကမ္ဘာမှာဖက်ဆစ်စနစ်ကိုကျင့်သုံးခစွာရေဟစ်တလာမဟုတ်ဘဲ ဗမာဘိုးတော်မောင်ဝိုင်းဖြစ်
တေမနားဆိုစွာကိုသိလိုက်ရဘာရေ။ဆိုလိုစွာကဗမာကလွဲရေအခြားတိုင်းရင်းသားတိစွာရေမိမိရို့သမိုင်းစာပီတိကိုဖော်ထုတ်
ခွင့်မရရေအတွက်မိမိရို့သမိုင်းကိုမသိရဖြစ်နိန်ကတ်ဗနာဗမာသမိုင်းစာပီတိကိုရာလေ့လာနိန်ကတ်ရရေ။အေချင့်ဟာဗမာတိကိုအခြားတိုင်းရင်းသားတိကအထင်ကြီးလာအောင်နန့်အမျိုးသားရေးစိတ်ဓါတ်ငုပ်လျိုးလားအောင်ဗမာအုပ်ချုပ်သူအဆက်
ဆက်ကနည်းဗျူးဟာမြောက်တမင်လုပ်ဆောင်နိန်ခြင်းဖြစ်ဘာရေ။
(၃)နိုင်ငံနာမယ်ကိုဗမာမှမြန်မာဟုပြောင်းလဲသတ်မှတ်လိုက်ခြင်း
န၀တစစ်ကောင်စီမှနိုင်ငံအမည်ကိုဗမာမှမြန်မာဟု၁၉၈၉ခုနှစ်တွင်ပြောင်းလဲသတ်မှတ်ခဘာရေ။ဗမာနိုင်ငံဟူသည်မှာဗမာလူမျိုးတစ်တည်းကိုကိုယ်စားပြုနိန်ရာရောက်တေ။ ယင်းကြောင့်ကျန်တိုင်းရင်းသားတိကိုအကြိုက်တွိဇီရန် ဤသို့ပြောင်း
လိုက်ခြင်းပေလားဆိုစွာစိုင်းစားစရာဟိန့်လာဘာရေ။ပုံတောင်ပုံညှာတောင်တွင်ပရိုင်းမစ်တစ်ခုကိုဟြာတွိရုံဖြင့်ပင်“လူသားအစမြန်မာက”ဆိုသည့်စကားကိုန၀တကနိန်မရှက်မကြောက်ပြောလာခရေ။နိုင်ငံအမည်ကိုမြန်မာဟုပြောင်းလဲလိုက်ခြင်းသည်
န၀တမှသွီးရိုးသားရိုးလုပ်ဆောင်ခစွာမဟုတ်ဟုသုံးသပ်မိဘာရေ။ ဗမာကိုမြန်မာဟုပြောင်းလဲလိုက်ခြင်းဖြင့် ဗမာကလွဲရေကျန်
တိုင်းရင်းသားတိကိုမိမိရို့၏တိုင်းရင်းသားနာမယ်ကိုစွဲလန်းနိန်မှုနှင့်ဗမာလူမျိုးအောက်ကိုအလိုအလျောက်ကျရောက်လာဇီရန်နည်းဗျူဟာမြောက်သိမ်းသွင်းလိုက်ခြင်းပင်ဖြစ်တေ။ယင်းအတွက်နန့်နိုင်ငံနာမယ်ကှိုဗမာနိုင်ငံလို့ဘဲခေါ်ခေါ်၊မြန်မာနိုင်ငံလို့ဘဲပြောင်းပြောင်းနာမယ်နှစ်ခုလုံးစွာရေကျန်တိုင်းရင်းသားတိကိုဗမာလူမျိုးအောက်ကိုဇတ်သွင်းခြင်းပင်ဖြစ်တေ။
(၄)အရပ်ဘက်-စစ်ဖက် ပညာရေးအရခွဲခြားဆက်ဆံမှု
အရပ်ဘက်တက္ကသိုလ်နှင့်စစ်ဘက်ဆိုင်ရာတက္ကသိုလ်တိကိုနအဖကဇာပိုင်ခွဲခြားထားဘာရေလဲ။အရပ်ဘက်ကျောင်းတိမှာကမူကြိုအချေတစ်ယောက်ကျောင်းအပ်ကေတောင်အနည်းဆုံးကငွေတစ်သောင်းလောက်ကုန်ကျဘာရေ။တက္ကသိုလ်တက်ဖို့အရပ်သားကျောင်းသားတစ်ယောက်ဆိုကေမိမိအစီအစဉ်နန့်နိန်ထိုင်စားသောက်ပါဖို့နန့်နိုင်ငံရေးလုပ်ငန်းတိမာမပါဝင်ဆိုရေခံဝန်ချက်တိကိုမိဘတိနန့်အတူ မြို့နယ်ပညာရေးမှူးရုံးမှာ ၀န်ခံလက်မှတ်ထိုးရဘာရေ။ ကျောင်းတက်ရေအချိန်ခါလည်း
ကျောင်းရဲ့ဗျူရိုကရက်အုပ်ချုပ်ရေးအဖွဲ့ကပါမောက္ခချုပ်ကအစဆရာ၊ဆရာမတိဘားမှာဟိုစွာမလုပ်ဖို့ဒေစွာမလုပ်ဖို့တားမြစ်အမိန့်တိအမျိုးမျိုးကိုလိုက်နာရဘာသီးရေ။ကျောင်းပြီးလို့ဘွဲ့ရကေ၀ါ့အလုပ်ကနတ္ထိ၊ဖေ့သာတိအော့ဗနာပီးကတ်ရသီးရေ။အရပ်ဘက်တက္ကသိုလ်တိအာလုံးဟာ မြို့တိနန့်အများကြီးဝီးရေဇနပုဒ်မှာဆောက်ထားစွာချည်းပါ။ သမိုင်းဝင် ရန်ကုန်တက္ကသိုလ်ကို
တောင် စစ်ဘက်ဆိုင်ရာပါရဂူ တိ မွိန်းထုတ်တေတက္ကသိုလ်လုပ်ထားစွာကို စိတ်မကောင်းစွာ တွိနိန်ရဘာရေ။
စစ်ဘက်တက္ကသိုလ်တိကိုကြည့်လိုက်ပါ။ကာကွယ်ရေးဝန်ကြီးဌာနအောက်မှာစစ်တက္ကသိုလ်၊တပ်မတော်နည်းပညာတက္ကသိုလ်၊တပ်မတော်ဆေးတက္ကသိုလ်၊တပ်မတော်သူနာပြုတက္ကသိုလ်၊တပ်မတော်ဆေးဘက်ဆိုင်ရာတက္ကသိုလ်စရေတက္ကသိုလ်ကောလိပ်ပေါင်း မြောက်မြားစွာဟိန့်ထားရာ။ ဒေစစ်ဖက်ဆိုင်ရာတက္ကသိုလ် နှင့် ကောလိပ်အသီးသီးကိုတက်ဖို့ ကျောင်း
သားတိကျတော့ခါနိုင်ငံတော်ဖေ့သာကျခံဗနာစားဝတ်နိန်ရေးကအစလိုလေသီးမဟိန့် တာဝန်ယူပီးရေ။ ကျောင်းတက်ရောက်
နိန်စိုင်မှာပင်ပြန်တမ်းဝင်အရာဟိန့်တစ်ယောက်ရဲ့လစာတစ်ဝက်ကိုခံစားပိုင်ခွင့်ဟိန့်ရေ။ကျောင်းပြီးကေပြန်တမ်းဝင်အရာဟိန့်တန်းဖြစ်တေ။နိန်ထိုင်မကောင်းဖြစ်ကေယင်းစစ်ဗိုလ်အပါအ၀င်ဆွေခုနစ်ဆက်မျိုးခုနစ်ဆက်ကတပ်မတော်ပိုင်ဆေးရုံတိမှာနိုင်ငံတော်စရိတ်နန့်ဆေးရုံတက်ခွင့်ဟိန့်ရေ။စစ်သားလေးယောက်ပေါင်းလို့ဆယ်တန်းမအောင်လို့အပြောခံခရာစွာကိုသန်းရွှေကလက်စားခြေလိုက်ခြင်းဖြစ်ဖို့ထင်ဘာရေ။ရန်ကုန်တက္ကသိုလ်မှာလက်ထောက်ကထိကနန့်တာဝန်ကျနိန်ရေသူငယ်ချင်းဆရာမတစ်ယောက်ကပြောပြဖူးဘာရေ။သူရို့ကပါရဂူဘွဲ့သင်တန်းတက်ဖို့အတွက်အရေးပိုင်းမှာအောင်ပြီးရာ၊ယဒါလည်းနှတ်ဖြေမှာကျကေအရပ်သားကျောင်းသားတိကတစ်ယောက်လည်းပါရဂူသင်တန်းအတွက်ရွီးချယ်မခံရဘဲစစ်ဘက်ကလာရေစစ်ဗိုလ်တိရာအရွီးခံရရေဆိုဘာရေ။ကကောင်းရင်နာဖို့ကောင်းဘာရေ။
(၅)မြန်မာပြည်သူလူထုကိုစီးပွားရေးပိတ်ဆို့ထားရေနအဖ
နအဖစစ်ကောင်စီအနိန်နန့်အနောက်နိုင်ငံတိရဲ့စီးပွားရေးပိတ်ဆို့နိန်စွာကိုကျကေဆန့်ကျင်နိန်ပြီးကေစီးပွားရေးပိတ်ဆို့ဖို့အတွက်တောင်းဆိုနိန်ကတ်တေအတိုက်အခံနိုင်ငံရေး၊တော်လှန်ရေးအင်အားစုတိကိုပြည်ပအားကိုပုဆိန်ရိုးဆိုဗနာပုတ်ခတ်မှုတိလုပ်နိန်စွာတွိနိန်ရရေ။ယင်းပိုင်ဆိုကေသန်း(၆၀)နီးပါးဟိန့်ရေမြန်မာပြည်သူတိကိုစီးပွားရေးပိတ်ဆို့ထားစွာကအသူရို့လဲ။သန်းရွှေနန့်လက်တစ်ဆုပ်စာနအဖစစ်ကောင်စီရာဖြစ်တေ။ ပြည်တွင်းမှာကဖုံးတစ်လုံးကိုအရင်ကဆိုကေ ကျပ်(၄၅)သိန်း
လောက်ပီးခရရေ။ မိသားစုစီးကားတစ်စီးဆိုကေသိန်း(၄၀၀)လောက်အနည်းဆုံးဟိန့်နိန်ရေ။ နိုင်ငံခြားတိုင်းပြည်မှာက မြန်မာ
နိုင်ငံမှာကျပ်သိန်း(၄၅)လောက်ပီးရရေဖုံးကဒ်တစ်ခုကိုမြန်မာငွေသုံးထောင်လောက်ရာဟိန့်ရေ။ ကျပ်သိန်း(၄၀၀) ပီးရရေဆို
ရေကားတစ်စီးကိုမြန်မာကျပ်ငွေ(၁၅)သိန်းလောက်ရာဟိန့်ရေ။အရစ်ကျစနစ်နန့်ဝယ်စီးလို့ရရေ။ ယင်းအတွက်နန့်မြန်မာနိုင်ငံ
မှာကဖုံးကိုင်ကားစီးနိုင်ရေလူတန်းစားတိကိုဖုံးမကိုင်ကားမစီးနိုင်ရေလူတိကလက်အုပ်ချီဗနာဟြိခိုးရဖို့ပိုင်ဖြစ်နိန်စွာကိုတွိဟိန့်နိန်ရရေ။ဖုံးနန့်ကားဆိုစွာကလူ့ဘောင်အသိုင်းအ၀ိုင်းကိုလူတန်းစားခွဲခြားဖို့အတွက်မဟုတ်ပါ။လူတိုင်းကိုင်နိုင်စီးနိုင်ဖို့လူ့အသုံးအဆောင်ပစ္စည်းတစ်ခုရာဖြစ်ဘာရေ။တိုင်းပြည်နန့်လူမျိုးအပေါ်ထားဟိန့်ဆိုရေနအဖရဲ့တိုင်းချစ်ပြည်ချစ်စိတ်ဆိုစွာဇာလဲ။
(၆)ချွတ်ခြုံကျလာရေစီးပွားရေး
ဦးနေ၀င်းမှသည်ကနိန့်နအဖစစ်ကောင်စီလက်ထက်အထိနှစ်ပေါင်းငါးဆယ်နီးပါးအတွင်းမှာနိုင်ငံရဲ့စီးပွားရေးကိုကြည့်လိုက်ဖို့ဆိုကေပြည်သူလူထုရဲ့စီးပွားရေးဟာတနိန့်တခြားချွတ်ခြုံကျလာစွာကိုတွိလာရဘာရေ။လူတစ်ယောက်ရဲ့ဝင်ငွေစွာရေထွက်ငွေထက်နည်းလာကေလူထုအတွက်စီးပွားကျဆင်းမှုဆင်းရဲမွဲတေမှုအတွက်ပြယုဂ်တစ်ခုဖြစ်လာဘာရေ။၁၉၉၃ခုနှစ်ကတက္ကသိုလ်ကကျူတာတစ်ယောက်ရဲ့လစာစွာရေကျပ်သုံးထောင်ပတ်ဝန်းကျင်ဟိန့်ဘာရေ။အသုံးစရိတ်က တစ်လကိကျပ်သုံး
ထောင်ပတ်ဝန်းကျင်ကုန်ကျရေ။ကနိန့်မှာယင်းဆရာတစ်ယောက်ရဲ့လစာစွာရေသုံးသောင်းကိုးထောင်ဟိန့်ဘာရေ။တစ်လအသုံးစရိတ်စွာရေကျပ်ငွေတစ်သိန်းအနည်းဆုံးဟိန့်ဘာရေ။သာမန်အရပ်သားတစ်ယောက်စွာရေမြို့ထဲကကန်ထရိုက်တိုက်တစ်ခုမှာအုတ်ပြောင်းသို့မဟုတ်ပန်းရံလားလုပ်ကေတစ်ရက်ကိုကျပ်ငွေ(၁၅၀၀)၀င်ငွေဟိန့်ဘာရေ။ကားခကအလားအပြန်လေးရာကျပ်ကုန်ဘာရေ။သူ့မိသားစုနန့်စားဖို့ကဆန်အညံ့စားတစ်ပြည်ကို(၇၀၀)ကျဘာရေ။ ကန်းစွန်းရွက်တစ်စီးနန့်စားဖို့အတွက် င
ရုတ်သီးအပါအ၀င်ဆိုကေနှစ်ရာကျပ်လောက်ကုန်ပြန်ဘာရေ။ငါးနန့်စားဖို့စွာဝေလာဝီး။ကနိန်မြို့ကြီးအချို့မှာဆိုကေဒန်အိုးသံသရာလည်နိန်ကတ်ဘာရေ။ဒန်အိုးသံသရာဆိုစွာကမြို့ထဲမှအလုပ်လုပ်တေအလုပ်သမားတစ်ယောက်စွာရေထမင်းဟင်းချက်
ပြီးကေဒန်အိုးတိကိုပြောင်လက်နိန်အောင်တိုက်ရဘာရေ။ပြီးကေအပေါင်ဆိုင်မှာပေါင်ဗနာကားစရိတ်ယူလားရဘာရေ။ညစာဖက်ကိုအလုပ်ကဖေ့သာရလာရေခါမိုးသောက်ပေါင်ထားခရေဒန်အိုးကိုအတိုးနန့်ပြန်ရွီးဗနာထမင်းဟင်းချက်ရဘာရေ။နောက်တစ်ရက်လာကေလည်းယင်းပိုင်ယင်းပိုင်နန့်ဒန်အိုသံသရာလည်နိန်ကတ်စွာတိကိုစိတ်မကောင်းစွာတိဟိန့်နိန်ရဘာရေ။
(၇)စီးပွားရေးအဆင်မပြေမှုကြောင့် ကွဲပြားနိန်ရရေ မိသားစုဘ၀တိ
နိစ္စဓူဝစားဝတ်နိန်ရေးအဆင်မပြေကတ်လို့အိမ်ထောင်ဦးစီးယောက်ကျားအများအပြားစွာရေထိုင်း၊မလေးသျှားစရေသူများတိုင်းပြည်တိကိုလားဗနာအလုပ်လားလုတ်နိန်ကတ်ရရေ။ရရိုင်းပြောရကေနအဖစစ်ကောင်စီကအိမ်ထောင်ဦးစီးတိကိုကျွန်ဇတ်သွမ်းလိုက်ခြင်းဖြစ်တေ။ “သခင်မျိုးဟေ့-ဒို့မြန်မာ”ဆိုရေစကားရပ်နိန်ရာမှာ “ကူလီမျိုးဟေ့-ဒို့မြန်မာ” ဆိုရေစကားက
နိန်ရာယူလားဗျယ်။ယင်းပိုင်အလုပ်လားလုပ်ရရေခါနှစ်တိများစွာမိသားစုနန့်ဝီးကွာနိန်ရရေအတွက်ကျန်ခရေအချေတိမှာအဖ
တစ်ယောက်ရဲ့မေတ္တာကိုပြပြည့်၀၀မရရေခါစိတ်ပိုင်းဆိုင်ရာချွတ်ယွင်းချက်တိဘာဖြစ်ပေါ်ရရေဆိုစွာကိုကမ္ဘာကျော်စိတ်ပညာရှင်ဆိုက်ကမန်ဖရွိုက်ကလည်းမှတ်ချက်ပြုတင်ပြထားစွာကိုတွိရရေ။အနာဂါတ်တိုင်းပြည်ကိုပက်ခုံးလွဲပြောင်းကာတာဝန်ထမ်း
ဆောင်ကတ်ဖို့ အချေတိမှာအငယ်ချေကပင် စိတ်ပိုင်းခံစားချက်တိနန့်ကြီးထွားလာခရရေ။ နအဖအမြဲတမ်းပြောနိန်ရေစကား
တစ်ခွန်းကို သတိရမိန့်ဘာရေ။ “ပြည်ပတိုင်းပြည်တိကဇာလောက်ပင် စီးပွားရေးပ်ိတ်ဆို့ပိတ်ဆို့ပျင်းတောင်ပျင်းသီးရေ။ တိုင်း
ပြည်မှာကငါးနှစ်စာဆန်ရီးစပါးအဆင်သင့်”ဆိုဝါ့။လူဆိုစွာအာဟာရပြပြည့်၀၀နန့်လူပိုင်စားရဖို့၊သန့်ရှင်းရေးအ၀တ်အစားတိကိုလူပိုင်ဝတ်နိုင်ရဖို့၊ရာသီဥတုကျန်းမာရေးနန့်ညီညွတ်တေအဆောက်အဦးမှာလူပိုင်နိန်ထိုင်နိုင်ရဖို့(တိုက်ခန်းပိုင်ရဖို့လို့ပြောစွာမဟုတ်ဘာ)။ကနိန့်အနိန်အထားမှာမြန်မာပြည်သူတိဘ၀စွာရေလူပိုင်မစားရ၊လူပိုင်မ၀တ်ရ၊လူပိုင်မနိန်ရရေအာဖရိကအဆင့်မှာရာဟိန့်နိန်သီးပါလျက် ဦးသန်းရွှေနန့် အပေါင်းအပါစစ်ဗိုလ်တစ်စုရဲ့ပါးစပ်က ယင်းပိုင်စာကားထွက်ရဲစွာရေ သူရို့အနိန်နန့်တိုင်း
သူပြည်သားတိအပေါ်မှာဇာလောက်စေတနာထားရေလဲဆိုစွာကိုပြသလိုက်တေစကားလို့ပြောလို့ရဘာရေ။ဗိုလ်ချုပ်တိနန့်သူရို့နန့်ပလူးပနန်သင့်ရေလူအချို့ကလွဲပြီးကေကျန်ပြည်သူလူထုတိစွာရေလူပိုင်မစားရ၊လူပိုင်မ၀တ်ရ၊လူပိုင်မနိန်ရရေအထိဆင်းရဲမွဲတေမှုကိုခံနိန်ရရေ။နအဖပြောရေစားဝတ်နိန်ရေးပြေလည်ြ့ပီးသားဆိုစွာကဇာလဲရကေ။ကုလသမဂ္ဂရဲ့လူ့အခွင့်အရေးကြေ
ငြာစာတမ်းမှာနိုင်ငံသားတိုင်းအတွက်အလုပ်အကိုင်အခွင့်အရေးနန့်လူဂုဏ်သိက္ခာနန့်ညီသောလူမှုပတ်ဝန်းကျင်ကိုနိုင်ငံတော်ကဖန်းတီးပီးရဖို့ဆိုစွာပါဘာရေ။ရက်စက်ရာမှာဟစ်တလာကအဖိုးရှင်ခေါ်ရဖို့နအဖ။
(၈)အကျင့်ပျက်ခြစားမှု
ကနိန့် အချိန်ခါ နအဖစစ်ကောင်စီရဲ့  ရုံးအသီးသီးကို လားကြည့်ကတ်ဘာ။ ထောက်ခံစာချေတစ်ရွက် တောင်းစွာကို
တောင်မှအနည်းဆုံးငွေကျပ်ငါးရာလောက်ပီးရဘာရေ။မင်းကျင့်တရားဆယ်ပါးမှာဝန်ထမ်းတိကိုလုံလောက်တေလစာရိက္ခာပီးရဖို့ဆိုစွာလည်းပါဘာရေ။ဝန်ထမ်းတိစွာရေလစာမလုံလောက်တေအတွက်နန့်အကျင့်ပျက်လာဘ်စားရရေဆိုစွာကိုတစ်ဖက်ကလက်ခံရေပိုင်ပြည်သူတိကသဒ္ဒါသလောက်ပီးစွာကိုတော့လက်ခံဖို့လိုဘာရေ။မဟုတ်ကေ၀န်ထမ်းမဟုတ်ဘဲတရားဝင်လိုင်စင်ရဓါးပြတိဖြစ်လားကတ်ပါလိမ့်မယ်ဆိုစွာကိုလည်းပြည်သူ့ဝန်ထမ်းတိအနိန်နန့်နားလည်သဘောပေါက်ဖို့လိုဘာရေ။ဆေးရုံတက်ခါညဖက်မှာတာဝန်ကျရေသူနာပြုတိကိုလဖက်သုပ်ကျွေးနိုင်ရဖို့၊သားသမီးတိကိုကျောင်းအပ်ကေကျောင်းအုပ်ကြီးကိုပူဇော်သက္ကာရပြုနိုင်က အတန်း(အေ)မှာနိန်ရာရဖို့၊ ယင်းကတဖန်အတန်းပိုင်ဆရာမကို လာဘ်ထိုးနိုင်ကေဟြိဆုံးမှာနိန်ရာရဖို့၊
ပတ်စ်ပို့ရုံးမှာ ငွေခုနစ်သိန်းပီးကေရက်ချင်း အိမ်အရောက်စာအုပ်လာပီးဖို့၊ တက္ကသိုလ်မှာလည်းပါမောက္ခကိုကန်တော့နိုင်ကေ
ဂုဏ်ထူးတန်းကိုတက်ရောက်ခွင့်ရဖို့၊ကျောင်းဆရာမလုပ်ချင်ကေမြို့နယ်ပညာရေးမှူးကိုအနည်းဆုံးငါးသိန်းပီးနိုင်ရဖို့၊ယင်းကတဖန်မိမိဇာတိမှာတာဝန်ကျကေနှစ်သိန်းပီးရဖို့။မတရားသောအမှုတစ်ခုကိုနိင်ဇီချင်ကေတရားသူကြီးကိုဆယ်သိန်းပူဇော်ရဖို့။ရပ်ကွက်အတွက်ကင်းမစောင့်ချင်ကေရယကဥက္ကဌကိုငါးထောင်ပီးရဖို့၊စစ်တပ်မှာရာထူးတိုးဖို့အတွက်သက်ဆိုင်ရာစစ်ရာထူးခန့်ချုပ်ရုံးကဗိုလ်ချုပ်တိကိုအနည်းဆုံးဆယ်သိန်းပီးရဖို့။တပ်မမှူးဖြစ်ချင်ကေဦးသန်းရွှေကိုသစ္စာခံရဖို့၊မယ်တော်ကြိုင်ကြိုင်ကိုပူဇော်ကန့်တော့ရဖို့သစသည်ဖြင့် နအဖအုပ်ချုပ်ရေးယန္တရားတစ်ခုလုံးမှာအောင်ခြီကနိန်အထက်ထိ လာဘ်စားအကျင့်ပျက်ခြ
စားမှုတိက ကြီးထွားလာနိန်စွာကိုတွိရရေ။ အဆိုးဆုံးကတော့မြန်မာနိုင်ငံသားတစ်ယောက်ဖြစ်ပါလျက် မိမိနိုင်ငံသားဟုတ်မှန်
ကြောင်းကဒ်ကိုင်ဆောင်ဖုိ့အတွက်လူဝင်မှုကြီးကြပ်ရေးဌာနကိုအနည်းဆုံးငွေနှစ်သောင်းပီးနိန်ရသည်။နိုင်ငံသားတစ်ယောက်
ဖြစ်ပါလျက်မိမိနိုင်ငံသားဖြစ်သည့်အထောက်အထားကဒ်ကိုရဟိန့်ရန်ငွေပီးရသည်မှာကမ္ဘာပေါ်မှာမြန်မာနိုင်ငံတစ်ခုရာဟိန့်
ဖို့ထင်ဘာရေ။လာဘ်စားမှုကိုတိုင်ဖို့လား။မိမိသာလျင်ထောင်ထဲတန်းရောက်လားဖို့စွာသေချာရေ။
(၉)မင်းကျင့်တရားဆယ်ပါးမှာတစ်ပါးလည်းမဟိန့်ရေနအဖ
နအဖအနိန်န့်တောထဲတောင်ထဲမှာ ကျင်လည်ကျက်စားနိန်ကတ်တေတောရိုင်းအဟိတ်တိရိစ္တာန်ဆင်တိကိုတောနင်း
ဟြာဖွေပြီးကေဒေါက်တာခင်မောင်ညွန့်ရို့ပိုင်နအဖဖော်လံဖားပညာမပြည့်ရေပညာရှင်နာမယ်ခံလူတိက နအဖစစ်ကောင်စီစွာ
ရေ မင်းကျင့်တရားဆယ်ပါးနန့်ညီလို့ဆင်ဖြူတော်ပေါ်ရေဆိုဗနာ ပြည်သူပြည်သားတိကို အဟြက်မဟိန့်ဝါသီးရေ။ ပြီးကေ ဦးသန်းရွှေကဘုရင်ရူးရူးဗနာဘိသိက်မင်္ဂလာလုပ်လိုက်သီးရေ။ဆင်နန်းတော်ဆောက်တယ်။မြန်မာပြည်သူသန်းခြောက်ဆယ်နီးပါးရဲ့ကံကြမ္မာကိုအဟိတ်တိရိစ္ဆန်တစ်ကောင်ကဖန်တီးနိုင်ရေလို့လား။ဆင်ကိုတောင်ကိုးကွယ်လိုက်တေအတွက်ဦးသန်းရွှေအပါအ၀င်နအဖစစ်ဗိုလ်ချုပ်တိမှာလူစိတ်ကားဟိန့်ကတ်သီးလားမိန်းစရာဖြစ်လာဘာရေ။နအဖစစ်ကောင်စီစွာရေမင်းကျင့်တ
ရားဆယ်ပါးနန့်ပြည်စုံဖို့မပြောကေ့၊တစ်ပါးလည်းမညီဘာ။ မင်းကျင့်တရားဆယ်ပါးမှာ နောက်ဆုံးကျင့်ဝတ်စွာရေ အ၀ိရောဓန
ကျင့်စဉ်(Non-Opposition)ဆိုစွာရေ တိုင်းပြည်ကိုအုပ်ချုပ်တဲ့ အစိုးရဆိုစွာသည် အများပြည်သူတိ၏ဆန္ဒကို မဆန့်ကျင်ရလို့
ပြောထားရေ။ ပြည်သူ့ဆန္ဒကိုမလိုက်လျော့ဘဲအာဏာကိုမလွတ်တမ်းဆုတ်ကိုင်ထားရေ။အေကျင့်စိုင်တစ်ခုတည်းနန့်ပင်သန်း
ပေါင်း(၆၀)နီးပါးဟိန့်ပြည်သူလူထုမှာစစ်ကျွန်ဘ၀ရောက်ပြပြားမှောက်နိန်ရရေ။
(၁၀)သံဃာသတ်နအဖ
ဇာဘာသာမှာပဲဖြစ်ဖြစ်ဘာသာရေးမှာထိပ်ဆုံးနိန်ရာမှာဟိန့်ကတ်တေပုဂ္ဂိုလ်တိကိုယင်းဘာသာဝင်တိအားလုံးတိကလေးစားကြည်ညိုကတ်ဘာရေ။ဗုဒ္ဓဘာသာမှာဆိုကေဘုရား၊တရား၊သံဃာဆိုဗနာရတနာမြတ်သုံးပါးဟိန့်ဘာရေ။ဗုဒ္ဓဘာသာဝင်တိစွာရေ အိပ်ရာဝင်အိပ်ရာထအချိန်တိမှာ ယင်းရတနာမြတ်သုံးပါးကိုရှိခိုးကန်တော့ပြီးကတ်ဘာရေ။၂၀၀၇ခုနှစ် စက်တင်
ဘာလဆန်းမှာ မြန်မာနိုင်ငံမှာလောင်စာဆီဈေးနှုန်းတိခုန်တက်လားခဘာရေ။ ပြည်သူတိအကျပ်အတည်းကို လက်ပိုက်ဗနာ
ကြည့်မနိန်နိုင်ကတ်တေသံဃာတော်အရှင်သူမြတ်တိကလောင်စာဆီဈေးနှုန်းကျဆင်းဖို့ရန်အတွကငြိမ်းချမ်းစွာနန့်ပင်မေတ္တာပို့ဆုတောင်းပွဲတိကိုပြုလုပ်ခကတ်ဘာရေ။ယင်းချင့်ကိုပင်နအဖစစ်ကောင်စီကသေနတ်နန့်ပစ်ခတ်မှုတိပြုခရေ။သံဃာတော်တိကိုအတင်းဓမ္မလူဝတ်လူခိုင်း၊ထောင်သွင်းအကျဉ်းချ၊ညှန်းပန်းနှိပ်စက်မှုတိအမျိုးမျိုးပြုလုပ်ခရေ။နအဖစစ်တပ်ဟာတိပိဋကဓရ တိပိဋကကောဝိဒဆရာတော်ကြီးများကိုတောင်မှထောင်သွင်းအကျဉ်းချဖူးဘာရေ။ပိဋကတ်သုံးပုံအာဂုံဆောင်ရေ ထိုဆ
ရာတော်သံဃာတိစွာရေသုတဗုဒ္ဓမည်ဘာရေ။ နအဖစစ်တပ်စွာရေ အာဏာလက်လွတ်ဆုံးရှူံးဖို့အတွက် ဇာလောက်ရမ်းကား
လာခရေလဲဆိုစွာစိုင်းစားကြည့်ကတ်ပါ။ကနိန့်အထိနအဖရဲ့အကျဉ်းထောင်ထဲမှာသံဃာတော်တိစွာအကျဉ်းကျခံနိန်ရဘာရေ။သံသရာကိုမကြောက်တေမိစ္ဆာဒိဌိဦးသန်းရွှေကယင်းပိုင်ရက်ရက်စက်စက်လုပ်လုပ်လိုက်စွာရေမြန်မာလူထုတစ်ရပ်သာမကကျန်ကမ္ဘာ့ဗုဒ္ဓဘာသာလူမျိုးတိအားလုံးကိုပါစော်ကားလိုက်ခြင်းဖြစ်တေ။
(၁၁)တောင်းရမ်းစားသောက်ခြင်းကြီးထွားလာမှု
စီးပွားရေးချို့တဲ့လာကတ်တေကနိန့်အချိန်မှာမြန်မာနိုင်ငံအနှံမှာတောင်းရမ်းစားသောက်မှုတိပိုမိုများပြားလာစွာကိုတွိရဘာရေ။အသက်(၄)နှစ်လောက်ကပင်အချေတိဟာတောင်းရမ်းစားသောက်နိန်ကတ်ရစွာတိကိုကြည့်ဗနာရင်ထုမနာဖြစ်မိရဘာရေ။ ဒေအချေတိဆိုစွာရေ အနာဂါတ်တိုင်းပြည်ရဲ့  ခေါင်းဆောင်ဖြစ်လာဖို့ လူတိပါ။ မိဘတိက စီးပွားရေး အဆင်မပြေလို့
ကျောင်းစာကိုမသင်နိုင်၊ပညာရေးက၀ီးသထက်ဝီးလားရေခါလူငယ်တိရဲ့စိတ်ထဲမှာကသဘောထားတိမမြင့်နိုင်၊သဘောထားမ
မြင်ဘဲနိမ့်ကျနိန်လာရေလူ့ဘောင်အသိုင်းအ၀ိုင်းမှာလည်းအနိဌာရုံမြင်ကွင်းတိကရာပိုများစွာကိုတွိလာနိန်ရရေ။လူငယ်တိပညာရေးနန့်ကင်းဝီးလားမှုသည်တိုင်းပြည်အတွက်ကြီးမားသော လူ့စွမ်းအားဆုံရှုံးမှုတစ်ရပ်သာဖြစ်သည်။ အထူးဝမ်းနည်းဖွယ်
ကောင်းစွာကဘ၀ရဲ့နိန်ဝင်ချိန်ကိုရောက်ဟိန့်နိန်ကတ်တေအသက်(၇၀)အထက်ဟိန့်အဘိုးရှင်အဘောင်ရှင်တိဟာလည်းဘဲလမ်းဘေးမှာတောင်းရမ်းစားသောက်နိန်ကတ်ရရေဘ၀ကိုရောက်နိန်ကတ်ပါဗျယ်။သန်းရွှေအနိန်နန့်သူ့သားသမီးတိနန့်သူ့မိဘတိကယင်းပိုင်တောင်းရမ်းစားသောက်နိန်ရကေဇာပိုင်ခံစားရဖို့လဲဆိုစွာကိုမခံစားတတ်၊ကိုယ်ချင်းမစာတတ်ဘာ။ကိုယ်ချင်းစာတတ်သည့်နှလုံးသားကသူ့မှာမပါ။သူနှလုံးသားကရက်စက်ကြမ်းကြုတ်သည့်သားသတ်သမားတစ်ယောက်ရဲ့ ဟိံသက
နှလုံးသားပါ။
(၁၂)တိုင်းရင်းသားနိန်မြိန်တိမှာစစ်ရေးကိုဇာလို့ချဲ့ထွင်နိန်ရေလဲ
ကနိန့်အချိန်အခါမာလည်းဘဲဗမာအုပ်ချုပ်သူတိဟာစစ်ရေးအင်အားကိုလိုအပ်သည်ထက်အများကြီးချဲ့ထွင်နိန်ဘာဗနာတိုင်းရင်းသားနန်မြိန်တိအသီးသီးမှာဖြန့်ကျက်ချထားစွာကိုတွိနိန်ရရေ။စစ်တပ်အင်အားကိုဇာလို့ယင်းလောက်ထိချဲ့ထွင်နိန်ရရေလဲ။ဇာလို့တိုင်းရင်းသားနိန်မြိန်တိမှာဖြန့်ကျက်ချထားရရေလဲဆိုစွာကိုဆန်းစစ်ဖို့လိုအပ်ပါလိမ့်မယ်။ကနိန့်မှာတိုင်းပြည်စီးပွားရေးကချွတ်ခြုံကျလာနိန်ရေမလို့ပြည်သူတိမှာဆင်းရဲတွင်းနက်သထက်နက်လာရေ။ယဒါလည်း နအဖစစ်ကောင်စီဖက်က
စစ်ရေးအင်အားကိုတဟုန်ုထိုးချဲ့ထွင်ဗနာတိုင်းရင်းသားနိန်မြိန်တိမှာစစ်တပ်ဖြန့်ကျက်ချထားလာနိန်စွာကိုတွိလာရဘာရေ။ဇာကြောင့်ယင်းပိုင်စစ်တပ်ကိုဖြန့်ကျက်ချထားလာရရေလဲဆိုစွာကိုသုံသပ်ဖို့လိုအပ်ပါလိမ့်မယ်။
Genocide,EthnicCleansingဆိုရေလူမျိုးပြုန်းတီးအောင်ပြုလုပ်ခြင်းလို့အဓိပ္ပါယ်ဆောင်သည့်ဝေါဟာရသည်လူမျိုးတမျိုးကိုသတ်ဖြတ်ဗနာလုပ်ဆောင်ခြင်းတစ်ခုတည်းကိုမဆိုလိုဘဲအုပ်ချုပ်သူတစ်စုကနိုင်ငံရေး၊စီးပွားရေးနှင့်လူမှုရေးအကျပ်အတည်းတိကိုဖန်တီးဗနာထိုလူမျိုးတိအနိန်ဖြင့်မိမိရို့ဒေသကိုစွန့်ခွာလားစီအောင်ပြုလုပ်ခြင်းသည်လည်းလူမျိုးပြန်းတီးအောင်လုပ်ခြင်းပင်ဖြစ်တေ။ ကနိန့်အခါ ရခိုင်ပြည်မှာ တပ်ရင်းပေါင်း(၇၀)နီးပါးဟိန့်ရေ။ စစ်တပ်ဖွဲ့စည်းပုံအရ တပ်ရင်းတစ်ရင်းမှာ အ
ရာဟိန့်အပါအ၀င် အားလုံး(၈၀၀)ဖြစ်တေ။ယင်းကြောင့်ရခိုင်ပြည်မှာ စစ်သားအင်အားငါးသောင်းကျော်ဟိန့်သည်ကို အကြမ်း
ဖျင်းတွက်ချက်နိုင်ဘာရေ။အသက်၁၄နှစ်ကစဗနာအရွယ်ရောက်တေရခိုင်သားချေတိအများစုဟာထိုင်နန့်မလေးသျှားပိုင်နိုင်ငံတိကိုထွက်ဗနာအလုပ်လာလုပ်ကတ်တေ။ရခိုင်ရွာတိမှာကာလသားလူပျိုချေတိ မကျန်သလောက်ဖြစ်လားဗျယ်။ယင်းပိုင် ဆို
ကေကျန်ခရေရခိုင်သမချေတိစွာရေစစ်သားတိနန့်သွီးနှောကတ်ရလီဖို့ရာ။ယကေရခိုင်လူမျိုးတိတဖြည်းဖြည်းနန့်ပျောက်လာဘာဖို့မနားယေ။ယုတ်မာပက်စက်လိုက်တေနအဖ။ကောက်ကျစ်လိုက်တေနအဖ။
(၁၃)တိုင်းရင်းသားအရေးကိုပစ်ပါယ်လို့ရဖို့လား
ကနိန့်ဖြစ်ပျက်နိန်ရေ မြန်မာနိုင်ငံရေးဟာ ဒီမိုကရေစီအရေးထက် တိုင်းရင်းသားတန်းတူအခွင့်အရေး ဆိုကေ ပိုမှန်ဖို့
လို့ပြောချင်ဘာရေ။မြန်မာနိုင်ငံဟာမတူကွဲပြားရေဘာသာ၊စာပီ၊ ယိုင်ကျေးမှု၊ သမိုင်းအစိုင်အလာ အသီးသီးဟိန့်နိန်ကတ်တေ
တိုင်းရင်းသားပေါင်းစုံနန့်နိန်ထိုင်နိန်ကတ်တေMulti Nation Stateဖြစ်ဘာရေ။ ဒေပိုင်နိုင်ငံမှာ ငါကလူမျိုးကြီး၊ငါရို့စာကရုံးသုံး
စာ၊ငါရို့ကိုးကွယ်ရေဘာသာကနိုင်ငံတော်ဘာသာ၊ငါရို့သမိုင်းကိုရာလေ့လာကတ်၊ငါရို့ဘာသာတရားကိုရာကိုးကွယ်ကတ်ဆိုဗနာမျက်ကန်းမျိုးချစ်လူမျိုးကြီးဝါဒလွမ်းမိုးနိန်သရွိဒေနိုင်ငံရဲ့နိုင်ငံရေးဟာတည်ငြိမ်မှုကိုမရနိုင်ဘာ။တိုင်းရင်းသားတိရဲ့တန်းတူညီမျှခွင့်ကိုနအဖအနိန်နန့်လက်ခံအသိအမှတ်မပြုသရွိ ပြည်တွင်းစစ်ဟာဆက်လက်လောင်ကျွမ်းနိန်ဖို့ဖြစ်တေ။ လက်နက်ကိုင်ဗ
နာတိုက်ပွဲဝင်နိန်ကတ်တေတိုင်းရင်းသားအဖွဲ့အစည်းတိစွာရေသူပုန်တိမဟုတ်ပါ။မိမိရို့ရဲ့လွတ်လပ်ရေးအတွက်တိုက်ပွဲဝင်န်ိန်ကတ်တေလွတ်လပ်ရေးသူရဲကောင်းတိရာဖြစ်ပါရေ။နအဖစွာရေတိုင်းရင်းသားလက်နက်ကိုင်တိကိုနှိမ်နင်းဖို့အတွက်စစ်တပ်အင်အားကိုတိုးချဲ့နိန်ဗနာကျန်ရေကဏ္ဍတိကိုလျစ်လျူရှူ့ထားစွာကကကောင်း အသိညဏ်ကင်းမဲ့ရာရောက်ဘာရေ။ ဥပမာအ
နိန်နန့်ရုရှားဘားက၀ယ်လိုက်တေ တိုက်လေယဉ်တစ်စီးတန်ဖိုးစွာရေ အမေရိကန်ဒေါ်လာသန်း(၁၄၀)လောက်ကုန်ကျရေလို့
လေတပ်မှာတာဝန်ကျနိန်ရေသူငယ်ချင်းအရာဟိန့်တစ်ယောက်ကပြေပြဖူးဘာရေ။ဒေါ်လာသန်း(၁၄၀)ကုန်ကျရေလေယဉ်တစ်စီးကိုဝယ်လိုက်ကေလေယဉ်ပိုင့်လော့စစ်ဗိုလ်တစ်ယောက်တော့အလုပ်ရလားဘာရေ။နအဖအနိန်နန့်ရာတိုင်းပြည်နန့်လူထုအကျိုးစီးပွားကိုကြည့်ဖို့ဆိုကေဒေလောက်တိုင်းပြည်ဆင်းရဲတွင်းနက်နိန်ရေအချိန်မှာဒေါ်လာသန်း(၁၄)တိုက်လေယဉ်တစ်စီးဝယ်ဖို့အစားစက်မှုဇုံတစ်ဇုံရာထူထောင်လိုက်ဖို့ဆိုကေအလုပ်လက်မဲ့ဖြစ်နိန်ကတ်တေပြည်သူသောင်းချီဗနာအလုပ်အကိုင်အခွင့်အလင်းပေါ်လာနိုင်ဘာဖို့ဆိုစွာကိုနအဖကမတွေးမိခစွာကိုတော့အံသြမိဘာယင့်။
(၁၄)နအဖ၏ ဒီမိုကရေစီ နှင့် ရွီးကောက်ပွဲဆိုသည်မှာ
ဒီမိုကရေစီဆိုစွာပြည်သူတိကရွေးချယ်လိုက်တေကိုယ်စားလှယ်တိကနိန်ပြီးကေပြည်သူ့အကျိုးစီးပွားအတွက်ပြည်သူတိကအုပ်ချုပ်တဲ့နည်းစနစ်ဘာ။ဥပဒေပြုခြင်း၊တရားစီရင်ခြင်းနှင့်အုပ်ချုပ်ခြင်းဆိုရေအချုပ်အခြာအာဏာသုံးရပ်ဟာပြည်သူတိဘားကနိန်ဆင်းသက်လာစွာရာဖြစ်ရမယ်။အခြေခံဥပဒေဆိုစွာရဲ့အဓိပ္ပါယ်ဟာအုပ်ချုပ်သူအစိုးရတိကိုအာဏာကိုအလွဲသုံးစားမလုပ်နိုင်အောင်တားဆီးထားကာပြည်သူတိရဲ့အကျိုးစီးပွားကိုကာကွယ်ပေးရေနိုင်ငံတစ်နိုင်ငံရဲ့အမြင့်ဆုံးသောဥပဒေဖြစ်ပါရေ။ကနိန့်နအဖရဲ့ဒီမိုကရေစီ၊အချုပ်အခြာအာဏာနှင့်ဖွဲ့စည်းပုံအခြေခံဥပဒေဆိုစွာတွိဟာဒေစံနုန်းတိကင်းမဲ့နိန်စွာကိုတွိရရေ။ရွီးကောက်ပွဲဆိုစွာလည်းပြည်သူကိုယ်စားမပြုရေပုတ်သင်ညိုကိုယ်စားလှယ်တိနန့်ကျင်းပခရေညီလာခံကထွက်ပေါ်လာရေမူတိကိုအခြေခံဗနာကျင်းပစွာဖြစ်တေအတွက်နန့်၂၀၁၀ရွီးကောက်ပွဲဆိုစွာရေနအဖကစစ်တပ်အာဏာရှင်စနစ်ကိုအရပ်သာအာဏာရှုင်စနစ်သို့လှည့်ဖျားကူးပြောင်းခံခြင်းရာဖြစ်ဘာရေ။
(၁၅)၂၀၁၁ မှာတိုင်းပြည်ရဲနိုင်ငံရေး၊စီးပွားရေး၊လူမှုရေးနယ်ပါယ်မှာဇာတိဖြစ်လာနိုင်ရေလဲ
နအဖအနိန်နန့်ပြည်သူကိုကိုယ်စားမပြုဘဲပညမတတ်၊လူရမ်းကားသူခိုးဂျပိုးနာမယ်ခံလွတ်တော်ကိုယ်စားလှယ်ဆို
ရေနအဖလက်ကိုင်တုတ်တိနန့် အမျိုးသားညီလာခံကျင်းပဗနာအခြေခံဥပဒေကိုရေးဆွဲခရေ။ပြည်သူတိကိုယ်စားမပြုရေ ရွီး
ကောက်ပွဲကိုအတင်းဓမ္မကျင်းပဗနာမဲမသာမာမှုတိလုပ်ခရေ။၂၀၁၀ရွီးကောက်ပွဲဆိုစွာ စစ်တပ်အာဏာရှင်စနစ်ကနိန်ဗနာအ
ရပ်သားအာဏာရှုင်စနစ် ကို အသက်သွင်းလိုက်ခြင်းရာဖြစ်တေ။ နိုင်ငံသားအခွင့်အရေးနန့် တိုင်းရင်းသားအခွင့်အရေးကို နှိပ်
ကွတ်ဗနာစစ်တပ်ကိုဥပဒေကြောင်းအရအာဏာသိမ်းပိုင်ခွင့်ပီးလိုက်ခြင်းရာဖြစ်တယ်။၂၀၁၀ရွီးကောက်ပွဲဆိုစွာကလူလည်းမ
ပြောင်း၊စနစ်လည်းမပြောင်း၊ပြောင်းစွာကယူနီဖောင်းရာဖြစ်စွာမို့ပြည်သူဘ၀ဆင်းရဲတွင်ဆက်နက်ရဖို့သီးဖြစ်တေ။နိင်ငံရေး၊စီးပွားရေးနန့်လူမှုရေးနုယ်ပယ်အသီးသီးမှာပြည်သူလူထုတိအနိန်နန့်ဆက်လက်ဆင်းရဲတွင်းနက်ဖို့ရာဟိန့်ဘာရေ။
(၁၆)တိုင်းရင်းသားစီးလုံညီညွတ်မှုကိုဇာပိုင်တီဆောက်ကတ်ဖို့လဲ
တိုင်းရင်းသားစီးလုံးညီညွတ်ရေးသည်မြန်မာ့နိုင်ငံရေး၏အဓိကကျသောအခန်းကဏ္ဍတွင်ပါဝင်နိန်ဘာရေ။တိုင်းရင်းသားစီးလုံးညီညွတ်မှုကိုဇာပိုင်တီဆောက်ကတ်ဖို့လဲ။တိုင်းရင်းသားစီးလုံးညီညွတ်ရေးကိုနအဖကဲ့သို့ဆိုင်းဘုတ်ထောင်၊အသံလွင့်ကြေငြာရုံဖြင့်မပြီးဘာ။ လက်တွိ လုပ်ဆောင်ရန်လိုအပ်ဘာရေ။အထက်မှာပြောခရေပိုင် မျက်ကန်းမျိုးချစ်ဝါဒီဦးနုရဲ့လုပ်
ဆောင်ချက်ကို သမိုင်းသင်ခန်းစာယူရဘာလိမ့်မယ်။အထူးသဖြင့်ဗမာလူမျိုးနိုင်ငံရေးသမားတိမှ အခြားတိုင်းရင်းသားများအ
ပေါ်တွင်ပို၍နားလည်မှုပီးရန်လိုအပ်ဘာရေ။တိုင်းရင်းသားစီးလုံးညီညွတ်ရေးအတွက်(၁)အချင်းချင်းနားလည်မှုဟိန့်ရမည်၊(၂)အချင်းချင်းလေးစားမှုဟိန့်ရမည်၊(၃)အချင်းချင်းညီညွတ်မှုကိုတီဆောက်ရန်လိုသည်၊(၄)ဗမာလူမျိုးတိအနိန့်အခြားတိုင်းရင်းသားတိစွာရေဗမာလူမျိုးအပေါ်ခံစားချက်မျိုးစုံနန့်နာကျဉ်းချက်တိဟိန့်နိန်ကတ်တေဆိုစွာကိုအသိအမှတ်ပြုလက်ခံဖို့လိုရေ။
အမှတ်တရအဖြစ်တစ်ခုတင်ပြချင်ဘာရေ။၀၇.၀၈.၂၀၁၀နိန့်ကဖြစ်ဘာရေ။ကျနော်ရေနိုင်ငံရေးကိစ္စအချို့ကိုဆွေးနွိန်းဖို့ရန်အမျိုးသားဒီမိုကရေစီအဖွဲ့ချုပ်(မလေးသျှားဌာနခွဲ)သို့ရောက်ဟိန့်ခဘာရေ။ယင်းမှာထိုင်းအခြေစိုက်FTUBကဦးလှဦး၊NLD
(ပြည်ပဗဟို)နိုင်ငံခြားရေးတာဝန်ခံဦးညိုအုန်းမြင့်ရို့နန့်ဆွေးနွေးဖြစ်ဘာရေ။ကျနော်ကမလေးသျှားမှာတိုင်းရင်းသားတိညီညွတ်ရေးကို တည်ဆောက်တေနိန်ရာမှာ အခက်အခဲတိကြုံရစွာတိကို ပြောပြရေခါ မလေးသျှားမှာဟိန့်ရေ ကိုဘမ် ခေါ် COBEM
(Coalition of Burmese Ethnic Groups in Malaysia)အကြောင်းပြောဖြစ်ဘာရေ။ ဦးညိုအုန်းမြင့်ကကိုဘမ်ဆိုစွာဇာလဲလို့
မိန်းရေခါမလေးသျှားNLDမှနိုင်ငံခြားရေးတာဝန်ခံဖြစ်သူမှ Coalition of Burmese Ethnic Minorities ဟုပြောလိုက်ပါရေ။
ယင်းခါဦးညိုအုန်းမြင့်ပြောလိုက်တေစကားက “Minorityလို့ပါကတည်းကကျုပ်တို့တွေမပါသင့်ဘူးလေ”ဆိုဝါ။ သူဆိုလိုစွာဇာ
လဲ။ဗမာသည်Minority (လူနည်းစု)မဟုတ်၊Majority (လူမျိုးကြီး)သာဖြစ်တေလို့ ပြောလိုက်ခြင်းရာဖြစ်ပါရေ။ မြန်မာနိုင်ငံမှာ
ဟိန့်ကတ်တေ တိုင်းရင်းသားတိစွာရေ ဗမာတိက ညီနောင် ဆိုရေစကားတစ်လုံးနန့်ခံခရပေါင်းများဘာယာ။ ဇာပိုင်ယုံရဖို့လဲ။
ဗမာနိုင်ငံရေးသမားတိ သတိပြုသင့်စွာက ဗမာဘုရင်တိစွာရေ တိုင်းရင်းသားပိုင်နယ်မြေတိကို အတင်းဓမ္မ သိမ်းပိုက်ခရေခါ
လူပေါင်းများစွာကိုသတ်ဖြတ်ခရေ။ယင်းတွက်နန့်တိင်းရင်းသားအသီးသီးမှာဗမာတိအပေါ်မှာခါးသီးနာကျဉ်းမှုတိဟိန့်ရေဆိုစွာကိုနားလည်ပီးဖို့၊လက်ခံပီးလိုဘာရေ။အတိတ်ကဖြစ်ခစွာတိကိုအားလုံးမိန့်ပျောက်လားရအောင်ကျနော်ရို့သည်ဘုရား၊ရဟန္တာသူတော်စင်မဟုတ်ပါ။ယင်းအတွက်နန့်လည်းနိုင်ငံရေးအမျိုးသားလွတ်မြောက်ရေးကိုလုပ်နိန်ရခြင်းဖြစ်ဘာရေ။ဆရာဝန်တစ်
ယောက်ဆီးထိုးမှားကေလူနာတစ်ယောက်ရာသီဘာဖို့၊အင်ဂျင်နီယာတစ်ယောက်အတွက်အချက်မှားလို့တိုက်ပြိုကျကအများဆုံးလူငါးဆယ်ရာသီဘာဖို့၊နိုင်ငံရေးသမားတိဆုံးဖြတ်ချမှားလို့ရာစစ်မက်တိဖြစ်ခဖို့ဆိုကေလူထောင်ပေါင်းမြောက်မြားစွာသီကတ်ရဘာဖို့၊ကမ္ဘာကြီးလည်းပျက်လားနိုင်ရေဆိုစွာကိုကနိန့်နိုင်ငံရေးသမားတိအထူးသတိထားဖို့လိုအပ်ဘာရေ။
(၁၇)လွှတ်တော်အမတ်တိဇာလုပ်သင့်ဘာလဲ
(၁)နိုင်ငံရေး-မြန်မာ့နိုင်ငံရေးရဲ့အဓိကပြဿနာစွာရေတိုင်းရင်းသားအားလုံးတန်းတူညီမျရေးဖြစ်ဘာရေ။တိုင်းရင်းသားတန်းတူ
ရေးကိုလျစ်လျူရှူ့ထားသရွိတော့ပြည်တွင်းစစ်မီးလျံတိဆက်လောင်နေဖို့ရာဖြစ်တေ။၁၉၄၈မှာနိုင်ငံတော်အာဏာကိုရယူခရေဦးနုရဲ့ မျက်ကန်းမျိုးချစ်ဝါဒကြောင့် တိုင်းပြည်မှာပြည်တွင်းစစ်မီးတိစွာလောင်လာနိန်စွာဖြစ်တေ။ကနိန့်အထိမြန်မာပြည်သူတိ
စွာရေ စစ်ကျွန်ဘ၀ကိုရောက်နိန်ကတ်ရပြီးစီးပွားရေး၊ လူမှုရေးနယ်ပါယ်တိမှာ လူလုံးမလှဆုံးရှုံ့းနိန်ကတ်ရစွာဖြစ်တေ။ ကနိန့်
ဗမာလူမျိုးနိုင်ငံရေးသမားတိအထူးသတိထားရဖို့အချက်ဖြစ်တယ်။မိမိရို့ကိုယ်တိုင်ကလူမျိုးကြီးဝါဒကိုပယ်နိုင်သောနိုင်ငံရေးသမားဖြစ်ရာလားဆိုစွာကို အားမနာတမ်းမိန်းခွန်းထုတ်သင့်ဘာရေ။ လူမျိုးရေးအစွန်းရောက်တေ လွှတ်တော်ကိုယ်စားလှယ်
တိပါနိန်သရွိတော့နိုင်ငံရေးအရသိသာထင်ဟြားရေပြောင်းလဲမှုတစ်ခုကိုဖော်ဆောင်နိုင်ဖို့မဟုတ်စွာသေချာဘာရေ။တိုင်းရင်းသားစီးလုံးညီညွတ်ရေးဆိုစွာကို နအဖပိုင်ပြောနေရုံနဲ့မပြီးဘာ။လက်တွိကျရေ နားလည်မှု၊ အပြန်အလှန်အသိအမှတ်ပြုမှုရို့နိန်
ပြီးယုံကြည်မှုကိုတည်ဆောက်ဖို့လိုရေ၊ယင်းကမှတဆင့်ညီညွတ်ရေးကိုတည်ဆောက်ရပါလိမ့်မယ်။
(၂)စီးပွားရေး----တိုင်းပြည်စီးပွားရေးကချောက်ကမ်းပါးမကအ၀ီစီကိုရောက်နိန်ရာ။ ယင်းစွာနန့်စီးပွားရေးဦးမော့လာအောင်
ဇာပိုင်လုပ်ကတ်ဖုိ့လဲ..စီးပွားရေးအတတ်ပညာရှင်တိနန့်တိုင်ပင်ကတ်ရပါလိမ့်မယ်။သဘာဝသယံဇာတတိနဲ့ပေါကြွယ်ဝခရေတိုင်းပြည်အခုအခါမှာကမ္ဘာ့အဆင်းရဲဆုံးနိုင်ငံကိုရောက်နိန်ယာ။“သခင်မျိုးဟေ-့ဒို့မြန်မာ”ဆိုရေကြွေးကြော်သံကတော့ကနိန့်
မှာ“ကူလီမျိုးဟေ့-ဒို့မြန်မာ”ဖြစ်လားရာ။လွှတ်တော်အမတ်တိအမတ်ဖြစ်လားပြီးရာ ဆိုပြီးကေမိန့်မလားကတ်ပါကေ့အုံး။
(၃)ပညာရေး---ပညာရေးဆိုစွာဟာတိုင်းပြည်ရဲ့အသက်သွေးကြောဖြစ်တေ။နိုင်ငံကိုတိုးတက်စီချင်သလား၊ကြွယ်ဝစီချင်သ
လား၊ဆူပါပါဝါဖြစ်စီချင်သလား၊ပညာရေးကိုမြှင့်တင်ဖို့လိုဘာရေ။စင်္ကပူကိုဥပမာယူရပါဖို့။ပညာရေးမမြင့်ဆိုကေလူ့စွမ်းအားမ
မြင့်၊လူ့စွမ်းအားမမြင့်ကေတိုင်းပြည်နစ်နာရေ။ယင်းချင့်နန့်အနာဂါတ်ပညာရေးစနစ်မျာလူတိုင်းအတွက်အထက်တန်းအထိ
အခမဲ့ပညာရေးစနစ်ကိုပြဌာန်းပီးဖို့လိုပါရေ။
(၄)လူမှုရေး----နိုင်ငံရေးအရမတည်ငြိမ်ကေတိုင်းပြည်စီးပွားရေးကျဆင်းရေ။တိုင်းပြည်စီးပွားရေးကျဆင်းကေရာဇ၀တ်မှုတိက
ထူပြောလာနိန်ရေ။လမ်းဘေးဝဲယာမှာလေးနှစ်သားအရွယ်အချေတိကနိန်ဗနာသက်ကြီးရွယ်အိုအထိတောင်းရမ်းစားသောက်မှုတိများလာနိန်စွာကိုတနိန့်တခြားတွိလာနိန်ရရေ။မြန်မာ့အမျိုးသမီးငယ်ချေတိစွာလည်းမြန်မာ့ယဉ်ကျေးမှု၊လူ့ဘောင်အသိုင်းအ၀ိုင်းနန့်မကိုက်ညီရေငွေဟြာနည်းတိကို မတတ်သာအဆုံးလုပ်လာနိန်ကတ်ရရေ။ နောက်ဆက်တွဲအနိန်နန့် STD ရောဂါတိ
ပြန့်ပွားလာနိန်ရေ။ မြန်မာ့လူ့ဘောင်အသိုင်းအ၀ိုင်းဟာ ကနိန့်အချိန်ခါမှာဆိုကေ အာဖရိကအဆင့်မှာရာဟိန့်သီးရေ ဆိုစွာကို
လွှတ်တော်အမတ်တိအနိန်နဲ့မမိန့်ကတ်ပါကေ့အုံး။နအဖရဲ့သွီးခွဲသပ်လျိုမှုနည်းဗျူဟာကို ယထာဘူတကျကျ ရှူမြင်ပြီးကေ အ
များပြည်သူလွတ်မြောက်ရေးအတွက်ဆက်လက်တိုက်ပွဲဝင်ကတ်ပါ၊ပြည်သူ့လွှတ်တော်ကိုယ်စားပြုကော်မတီနဲ့လက်တွဲကတ်ပါ၊၂၁ရာစုပင်လုံကိုဝိုင်းဝန်းအကောင်အထည်ဖော်ပီးကတ်ပါလို့ပြောကြားချင်ဘာရေ။
(၁၈)ရခိုင်သားတိဇာလုပ်ကတ်ဖို့လဲ
ရခိုင်ပြည်သူပြည်သားတိအနိန်နန့်ပြည်ပမှာလှုပ်ရှားနိန်ကတ်တေရခိုင့်နိုင်ငံရေး၊တော်လှန်ရေးအင်အားစုတိကိုအပြုသဘောဆောင်ရေအမြင်တိထားပီးကတ်ဖို့လိုဘာရေ။ ယင်းအဖွဲ့အစည်းအသီးသီးမှ ခေါင်းဆောင်များမှလည်း ပြည်သူတိ ယုံ
ကြည်မှုကိုရလောက်တေအလုပ်တိကိုမားမားမတ်မတ်လုပ်ပြဖို့လိုဘာရေ။ကျနော်ရို့ရခိုင်အဖွဲ့အစည်းတိမှာရခိုင်ပြည်သူပြည်သားတိအတွက်လုပ်စရာအများကြီးဟိန့်နိန်ဘာရေ။နိုင်ငံတကာကိုရောက်ဟိန့်နိန်ကတ်တေပညာရှုင်အသိုင်းအ၀ိုင်းမှလည်းလူငယ်ပညာတတ်မျိုးဆက်တိကိုမွိန်းထုတ်ပီးဖို့အတွက်ရေဟြည်စီမံကိန်းတိဆွဲသင့်ဘာရေ။အဖရခိုင်ပြည်လွတ်မြောက်ရေးအတွက်ဘက်ပေါင်းစုံနယ်ပါယ်အသီးသီးမှာထူးချွန်ရေပညာရှင်တိကို မွိန်းထုတ်နိုင်အောင် ကြိုးပမ်းကတ်ရဘာဖို့။ နိုင်ငံရေးဆိုစွာ
ရေ မိမိပြည်သူပြည်သားတိမှာလိုအပ်နိန်ရေကွက်လပ်ချေတိအားလုံးကို ဖြည့်စွက်ပီးရေအကြီးမားဆုံးသော ပရဟိတလုပ်ငန်း
ကြီးတစ်ခုလို့ခံယူဘာရေ။ယင်းချင့်နန့်အမျိုးသားအောင်ပွဲကိုအမှန်လိုချင်ဘာရေလား၊ရခိုင်သားပညာတတ်တိအများကြီးမွိန်းထုတ်နိုင်အောင်ကြိုးပမ်းသင့်ဘာရေ။ နိုင်ငံတကာကို အကြောင်းအမျိုးမျိုးကြောင့်ရောက်ဟိန့်နိုန်ကတ်တေ ရခိုင်ပြည်သူပြည်
သားတိအနိန်နန့်လည်းအဖရခိုင်မြီမှာသုခချမ်းသာနန့်တစ်ရက်ကျကေပြန်နိန်ကိုနိန်နိုင်ရဖို့ဆိုရေစိတ်ကိုမွိန်းဗနာမိမိရို့ရခိုင့်ဇာတိမာန်ကိုထိန်းသိမ်းကတ်ဖို့လိုဘာရေ။
ရခိုင်ပြည်သူပြည်သားတိစွာရေနှစ်ပေါင်းနှစ်ရာကျော်ကိုလိုနီကျွန်ပြုခံနိန်ရရေအတွက်မိမိရို့သမိုင်း၊စာပီ၊ယိုင်ကျေးမှုတိကိုအမှန်အတိုင်းသိခွင့်မရဘဲဗမာနယ်ချဲတိဘားမှာအ၀ိဇ္ဖာမျက်နှာဖုံးတပ်ပီးထားခြင်းခံနိုန်ရဘာရေ။ ယင်းအတွက်နန့် တိမ်မြုပ်
နိန်ရေသမိုင်း၊စာပီ၊ယိုင်ကျေးမှုတိကိုဖော်ထုတ်ဗနာရခိုင်သားတိုင်းသိလာအောင်လုပ်ရဘာဖို့၊ယင်းမှသာငုပ်လျိုးနိန်ရေအမျိုးသားရေးပြန်လည်နိုးထလာဘာဖို့၊ အမျိုးသားရေးနိုးထလာမှသာ ရန်သူကိုအနိုင်ယူနိုင်ဖို့ဖြစ်ဘာရေ။
အဖရခိုင်ပြည်သူပြည်သားတိအနိန်နန့်သမိုင်းကိုအများကြီးသိအောင်ကြိုးစားကတ်ရဘာဖို့၊ရန်သူဗမာတိသွီးခွဲခလို့အချင်းချင်းနားလည်မှုလွဲဗနာညီညွတ်ရေးပျက်ပြားခစွာကို သင်ခန်းစာယူရဘာဖို့။ရခိုင်သားမှာအမျိုးသားရေးအန္တရယ် သုံးခုဟိန့်
ရေလို့မြင်ဘာရေ။ကုလားရန်၊ဗမာရန်နန့်အရက်ရန်ဖြစ်ဘာရေ။ရခိုင်သားတိမှာအရက်သောက်လို့ကုန်ကျလားဖို့ဖေ့သာတိကိုအမျိုးသားရေးအတွက်အသုံးချကတ်ဗနာနိုင်ငံရေးတော်လှန်ရေးအင်အားစုတိနန့်လက်တွဲကတ်ရဘာဖို့။ရခိုင်အမျိုးသားတိနိုင်ငံရေးတော်လှန်ရေးနိုင်ငံရေးတိစွာရေနောက်လိုက်ဖြစ်နိန်ရေအနိန်အထားကနိန်ဗနာလုပ်သင့်လုပ်ထိုက်စွာကိုပြပြတ်သသားလုပ်ကတ်ဖို့လိုဘာရာ။ပြည်ပရောက်ရခိုင်အဖွဲ့အစည်းတိနန့်ရခိုင်ပြည်သူတိပူးပေါင်းဗနာရခိုင်အသံလွှင့်ဌာနတစ်ခုကိုလည်းအကောင်အထည်ဖော်ဗနာအမျိုးသားနိုးကြားရေးလုပ်ငန်းစဉ်တစ်ခုကိုထူထောင်ဖို့လိုဘာရေ။မသေမချာမရေမရာသောနိုင်ငံရေးတော်လှန်ရေးမူဝါဒတိကိုလက်ကိုင်မထားဘဲပြောင်းလဲလာနိန်ရေမြန်မာ့နိုင်ငံရေး၊ကမ္ဘာ့နိုင်ငံရေးအခင်းအကျင်းမှာရခိုင့်အမျိုးသားလွတ်မြောက်ရေးအတွက်စီမံကိန်းတစ်ရပ်ကိုပူးပေါင်းဆောင်ရွက်သင့်ဘာရေ။ ကမ္ဘာအရပ်ရပ်မှာဟိန့်နိန်ကတ်တေ ရခိုင့်
နိုင်ငံရေး၊ တော်လှန်ရေးအဖွဲ့အစည်းတိနှင့် ပညာရှင်တိ မှလည်းအနည်းဆုံး (၂)လတစ်ကြိမ် Net Confernce မှာ တွိဆုံဗနာ
အမျိုးသားလွတ်မြောက်ရေးအတွက်အဖြေရှာသင့်ဘာသည်။ “ငါ” ဆိုရေအစွဲတိကိုဖြုတ်ကတ်ပနာ အပြုသဘောဆောင်ဆွေး
နွိန်းအဖြေဟြာဗနာလက်တွိကျရေလုပ်ဆောင်ချက်တိကိုလုပ်ဆောင်လားရဖို့လိုရေထင်ဘာရေ။နိုင်ငံရေး၊တော်လှန်ရေးအဖွဲ့အစည်းအသီးသီးကလည်းနောက်လိုက်မူဝါဒ(Fellow- Policy) မှသည် ပွင့်လင်းရေအမျိုးသားရေးမူဝါဒ(National Open -Policy) ကို ချမှတ်ဗနာအမျိုးသားအောင်ပွဲကိုချီတက်သင့်ဘာရေ။
အကြောင်းအမျိုးမျိုးကြောင်း ပြည်ပကိုရောက်ဟိန့်နိန်ကတ်တေ ရခိုင်ပြည်သူပြည်သားတိမှလည်း မိမိရို့စွာရေ ဇာ
ကြောင့်မိမိနိန်ရပ်ကို စွန်ခွာလာရရေလဲဆိုစွာ ဆန်းစစ်ကတ်ဖို့လိုဘာရေ။ အမေရိကန်၊ နော်ဝေး၊ နယ်သာလန်၊ကနေဒါကိုဒုက္ခ
သည်အဖြစ်ထွက်ခွာကတ်ရစွာသည်ဝမ်းသာစရာလား၊၀မ်းနည်းစရာလားဆိုစွာမိမိကိုယ်မိမိသေချာဆန်းစစ်ကတ်ဖုိ့လိုဘာရေ။မိမိ၏မွိန်းရပ်မြိန်ကိုစွန့်ခွာဗနာနိန်ထိုင်ရခြင်းလောက်ဝမ်းနည်းစရာကောင်းစွာမဟိန့်ဘာ။ခြီအကောင်းလက်အကောင်းနန့်ဒုက္ခသည်ဘွဲ့ကိုခံယူရစွာ ဇာလောက်ဟြက်ဖို့ကောင်းရေလဲ။ ရခိုင်ပြည်သူပြည်သားတိကို ဆင်းရဲတွင်းထဲကိုသွတ်သွင်းနိန်သူသည်
ဗမာအုပ်ချုပ်သူတိဖြစ်တေ။ယင်းချင့်နန့်ကမ္ဘာ့ဇာဒေသကိုရောက်ရောက်ရခိုင့်အမျိုးသားအားမာန်တိကိုအမြဲတမ်းမွိန်းကတ်ဖို့လိုဘာရေ။မိမိရို့နန့်ဆက်နွယ်ရေရခိုင်အသိုင်းအ၀ိုင်းကိုလည်းအမျိုးရေးစိတ်ဓါတ်နိုးကြားလာအောင်တိုက်တွန်းစီးရုံးပီးကတ်ဖို့လိုဘာရေ။
ရခိုင့်ကံကြမ္မာသည်ရခိုင်ရို့လက်ထဲမှာရာဟိန့်ရေအတွက်ရခိုင်သားတိအမျိူးသားရေးနိုးကြားမှုတိကတဆင့်ညီညွတ်ကတ်ဗနာရန်သူကိုသတ္တိဟိန့်ဟိန့်တော်လှန်ကတ်ဖို့ဆိုကေ ကနိန့် ရခိုင်ပြည်သူပြည်သားတိရဲ့ အန္တိမပန်းတိုင်ကို ရဟိန့်ပါလိမ့်မယ်။
ရခိုင့်စီးလုံးညီညွတ်မှုနန့်ရန်သူကိုတိုက်ထုတ်ဗနာအဖရခိုင်ပြည်လွတ်မြောက်ရီးကိုချီတက်ကတ်ပါဇို့။
အမျိုးသားရေးသစ္စာဖြင့်
မောင်သာကီ
၂၀၁၁ခုနှစ်၊ဇန်န၀ါရီလ(၁၂)ရက်
