.ပါဝါ.
ပါဝါ (power) ကို အမိန့် အာဏာလို့ တချို့က ဘာသာပြန်ကတ်တေ။ အကျွန်ကတော့
လွှမ်းမိုးနိုင်ခြင်း ဂုဏ်သတ္တိ လို့ ပြန်ချင်ရယ်။ ပါဝါကို အာဏာလို့ ဘာသာပြန်ကေ
အနှုတ်သဘောဆောင်ရယ် အဓိပ္ပာယ်သက်ရောက်လားနိုင်ရယ်။ မမ တယောက် အလှကြက်သရေ နန့်
ပြည်စုံခြင်းရယ် ပါဝါ(power) ဟိခြင်းတမျိုးပါ။ ယေဒါလဲ ယင်းပိုင် အလှကြက်သရေ နန့်
ပြည်စုံရယ် မမ တယောက်ကို “ဒေမမ အလှရယ် ကောင်း အမိန့်အာဏာ ဟိရယ်လို့ ဆိုခြင်းထက်
တဘက်သားစိတ်ကို ကောင်းကောင်းလွှမ်းမိုးနိုင်ရယ်” လို့ဆိုကေ ပိုလို့ သင့်တော်ဖို့
ထင်ရယ်။ ယင်းပိုင်ပျာယ် အကျွန်ရို့ နိစ္စဓူဝ ဘ၀မှာ ဖေသာဟိရယ်လူတိ၊ တိုင်းပြည်ကို
အုပ်ချုပ်ခွင့်ဟိရယ်လူတိ၊ ရာထူးဟိရယ်လူတိ၊ ပညာဟိရယ်လူတိရယ် တခြားလူတိကို
တနည်းနည်းနန့် လွှမ်းမိုးနိုင်ရယ် ဂုဏ်သတ္တိတိဟိကတ်ပါရယ်။
သာဓကအနိန်နန့်ပြောရကေ- အစိုးရ၊ ဗိုက်စကုပ် သရုပ်ဆောင်၊ ကြော်ငြာအမျိူးမျိုး၊
အလုပ်သျှင်၊ ပညာသျှင်၊ မိဘာဆြာ၊ ဘုန်းကြီး၊ ဘာသာရေးဂေါင်းဆောင် တိရယ် သာမန်လူတိကို
လွှမ်းမိုးနိုင်ရယ် ပြယုဂ်တိပင် ဖြစ်ကတ်တေ။
ပါဝါ အကြောင်းကို မသျှင်းခင် ပါဝါနန့် ပတ်သက်လို့ လော့အတ်တန်(Lord Acton)
ပြောခရယ် စကားတခွန်းနန့် မိတ်ဆက်ပီးချင်ပါရယ်။ သူကပြောခရယ် “ပါဝါ ရယ် လူတိကို
ပျက်သုဉ်းခြင်းကို ဖြစ်စီရယ်။ အကြွင်းမိန့် ပါဝါ ရယ် လူတိကို အကြွင်းမိန့်
ပျက်သုဉ်းခြင်းကို ဖြစ်စီရယ်” လတ်။ ဒေဟင့်ရယ် နိုင်ငံရေး နန့် ဆက်နွယ်ပြီးကေ
အနှုတ်သဘောဆောင်ရယ် ပါဝါ သဘောသဘာဝတခုပင်ဖြစ်တေ။ လူတိရယ် လောက်လေးဂွဟိခါ
စိတ်တမျိူး၊ သေနတ်ဟိခါ စိတ်တမျိုးဖြစ်တတ်တေ သဘောသဘာဝကို ဖော်ကြူးထားခြင်းဖြစ်တေ။
နောက်တခုက ပါဝါရယ် ဘိန်းနန့်လဲတူရယ်။ လက်ထဲမှာဟိကေ လက်မလွှတ်ချင်လောက်အောင်
ကိုင်စွဲထားချင်ရယ် စိတ်တိကိုလဲ ဖြစ်တတ်တေ။ အထက်စီးက နိန်ချင်ရယ် လူ့ သဘာဝကို
ဖော်ဆောင်ထားခြင်းလဲ ဖြစ်တေ။
ယေဒါလဲ အကျွန်ရို့အနိန်နန့် ပါဝါ သဘောသဘာဝကို နားလည်ဖို့အတွက် ဒေထက်ပိုလို့
နက်နက်နဲနဲ စိုင်းစားသင့်ရယ်။ ရောဘတ်အေဒေါ (Robert A. dahl) ကပါဝါကို လူတယောက်က
တခြားတယောက်ကို ယင်းလူမလုပ်ချင်ရယ်ကိစ္စကို အထမြောက်အောင် လုပ်ဖို့
လွမ်းမိုးနိုင်ခြင်း (ခိုင်းနိုင်ခြင်း) ဟိခြင်းလို့ သမုတ်ခရယ်။ တနည်း- မောင်ဖြူက
မောင်မဲကို မောင်မဲ မလုပ်ချင်ရယ် ကိစ္စတခုကို လုပ်အောင် ခိုင်းနိုင်ခြင်းကို
ပါဝါလို့ ခေါ်ရယ်။ ယင်းဟင့်ကို မောင်ဖြူမှာ ပါဝါ ဟိရယ်လို့ ခေါ်ရယ်။ ဒေနိန်ရာမှာ
မောင်မဲ မလုပ်ချင်ရယ် ကိစ္စကို မောင်ဖြူက လုပ်အောင် လွှမ်းမိုးခြင်းကို ပါဝါလို့
သတ်မှတ်စွာကို သတိပြုမိပါလိမ့်မေ။ ယေဇု နန့် တယောက်က မလုပ်ချင်စွာကို တခြားတယောက်က
လုပ်အောင် လွှမ်းမိုးရရယ် အတွက် နန့် ယင်းနှစ်ယောက်ကြားမှာ ပဋိပက္ခ
ဆိုစွာဟိနိန်ရယ်။ မောင်ဖြူ နန့် မောင်မဲ ရာ အလုပ်တခု အတွက် နှစ်ယောက်စလုံး
သဘောထားကိုက်ညီခကေ တယောက်အပေါ် တယောက်က တခုလဲ လွှမ်းမိုးစရာမလိုပါ။ မောင်ဖြူ
ခိုင်းခိုင်း မခိုင်းခိုင်း မောင်မဲက သူလုပ်ချင်စွာ(မောင်ဖြူဆန္ဒ) ကို
လုပ်ဖို့စွာဖြစ်တေ။ ယင်းပိုင် နှစ်ဦးနှစ်ဖက် သဘောထား ကိုက်ညီရယ် အခြေအနေ တခုမှာ
ပါဝါဆိုစွာ မထွက်ပေါ်တတ်။ အကျွန်ရို့တိရယ် တခါတလီ လူကြီးမိဘတိနန့်
ဆက်ဆံရယ်အချိန်မှာ သဘောထားမကိုက်ညီခြင်းတိ ဟိတတ်တေ။ ယေအခါ အမိအဘ တိက သားသမီးတိကို
မိဘ ပါဝါကို သုံးပြီးကေ အကျွန်ရို့ မလုပ်ချင်ရယ် အရာတခုကို
လုပ်စီအောင်ခိုင်းတတ်တေ။ အကျွန်ရို့ကလဲ ကိုယ်က မလုပ်ချင်ဘဲ တဘက်သား ပါဝါ ကို
မတွန်းလှန်နိုင်လို့ လုပ်ပီးလိုက်ကေ နှစ်ဦးနှစ်ဘက်ကြားက ပါဝါ လွှမ်းမိုးခြင်း
အထမြောက်တေလို့ ခေါ်ရယ်။ အမိအဘတိမှာ ဘလောက်ပင် ပါဝါဟိဟိ သားသမီးတိက မလုပ်ဘဲ နိန်ကေ
အမိအဘတိမှာ ယင်းကိစ္စအတွက် ပါဝါဟိရယ် လို့ မဆိုနိုင်။ ယင်းပိုင်ပျာယ် အမိအဘ
နန့် သားသမီးဆန္ဒ တထပ်တည်းကျခကေလဲ နှစ်ဦးနှစ်ဖက်ကြားမှာ ပါဝါဆိုစွာ မပေါ်လာနိုင်ပါ။
မိဘတိက သားသမီးတိကို လွှမ်းမိုးစရာလဲ မလိုအပ်ပါ။
·
ပါဝါ လို့ဆိုရယ် လွှမ်းမိုးနိုင်ခြင်း ဂုဏ်သတ္တိ အသွင်သဏာန် သုံးမျိုး
ဟိရယ်လို့ ဆိုရယ်။ ပထမအသွင် သဏာန် ရယ် အကျွန်အထက်က ပြောခရယ် လူတိကြားမှာ
သဘောထားကွဲလွဲမှုတိဖြစ်ကတ်တေအခါ ဆံုးဖြတ်ချက် တခု ချက်ဖို့အတွက် လွှမ်းမိုးခြင်း
ဟိခြင်းပါ။ လူတိမှာ ကိုယ့် ကြိုက်နှစ်သက်ရာ အကြိုက်တမျိုးစီ ဟိကတ်တေအတွက်
ကိုယ်သဘောတွိစွာကိုဘဲ ကိုယ်လုပ်ချင်ကတ်တေ။ ကိုယ်တယောက်တည်းခါ
ကိုယ်ကြိုက်တေပိုင်လုပ်နိုင်ရယ်။ ယေဒါလဲ အများနန့်ကျလို့ ဆုံးဖြတ်ချက်တခုတည်းချ
ရဖို့ကျလာခါ ကိုယ်ကြိုက်စွာကိုယ်ကျည်း လုပ်လို့မရ။ ညှိနှိုင်းခြင်းတိလုပ်ရရယ်။
ဒေနိန်ရာမှာ လူတိရယ် ညှိနှိုင်းခြင်းနည်းကို မသုံးဘဲ ကိုယ်ဖြစ်ချင်စွာကို
ဖြစ်အောင်၊ ဆုံးဖြတ်ချက် ချနိုင်အောင် ပါဝါကို သုံးတတ်ကတ်တေ။ ယင်းဟင့်ကို ပါဝါ ပထမ
အသွင်သဏာန်လို့ခေါ်ရယ်။။ ဥပမာ- မောင်ဖြူနန့် မောင်မဲ ဈီးကိုလားရယ်။
နှစ်ယောက်ပေါင်းဖေသာ ၁၀ ပါရယ်။ မောင်ဖြူက ကြက်သားဝယ်ချင်ရယ်၊ မောင်မဲက ၀က်သားဝယ်ချင်ရယ်။
သူရို့မှာပါလာရယ် ဖေသာ တစ်ဆယ်နန့် ဆိုကေ တခုဘဲ ၀ယ်လို့ရဖို့ဆိုရယ်အချိန်မှာ
ကြက်သားဝယ်ဖို့လား၊ ၀က်သားဝယ်ဖို့လား ဆိုရယ် ဆုံးဖြတ်ချက်ကို ချရပါဖို့။
ယင်းအချိန်မှာ မောင်ဖြူက သူဝယ်ချင်ရယ် ကြက်သားကို ၀ယ်လို့ရအောင်
မောင်မဲအကြိုက်ဖြစ်တေ ၀က်သားကို ဘေးဖယ်လို့ သူ့ အကြိုက် ၀ယ်နိုင်အောင်
ဆုံးဖြတ်ချက်ချဖို့ လွှမ်းမိုးနိုင်ခြင်းကို ပါဝါ ပထမ အသွင်သဏာန်လို့ ခေါ်ရယ်။ ယေဇု
နန့် ပါဝါ ပထမ အသွင်သဏာန်ဆိုစွာ ဆုံးဖြတ်ချက် ချကတ်တေ (Decision Making) တိမှာ
ကိုယ်ကြိုက်တေ ကိစ္စကို ရွီးခြယ်ချ မှတ်နိုင်အောင် လွှမ်းမိုးရယ် ဂုဏ်သတ္တိ
ပင်ဖြစ်တေ။
ပါဝါ ဒုတိယ အသွင်သဏာန်ကတော့ ယင်းဆုံးဖြတ်ချက် ချဖို့ကိစ္စမပေါ်လာအောင်
ကြိုတင် လွှမ်းမိုးပြီးကေ တားဆီးပိတ်ပင်ထား နိုင်ခြင်းဂုဏ်သတ္တိပါ။ ဆိုလိုစွာက
ဆုံးဖြတ်ချက် ချဖို့ ကိစ္စကို ရောက်မလာအောင် တားဆီးထားနိုင်ခြင်း ဂုဏ်သတ္တိပါ။ အထက်က
ဥပမာကို ပြန်ဆက်ရကေ မောင်ဖြူ နန့် မောင်မဲ ဈီးလားကတ်တေအချိန်မှာ မောင်ဖြူက
မောင်မဲ ၀က်သားကြိုက်စွာကို ကြိုလို့သိထားရယ်။ သူ(မောင်ဖြူ)က ကြက်သားကြိုက်တေ။
ဈီးကိုရောက်လို့ ဇာဝယ်ဖို့လဲ တယောက်ကို တယောက် မိန်းကတ်ခါ
အကြိုက်ချင်းမတူလို့ သဘောထားကွဲလွဲလာနိုင်စွာကို မောင်ဖြူက ကြိုသိလို့ ယင်းအခြေ
အနေ မရောက်အောင် ကြိုလို့ တားဆီးထားနိုင်ရယ် ဂုဏ်သတ္တိကို ပါဝါ ဒုတိယ
အသွင်သဏာန်လုိ့ဆိုခြင်းပါ။ မောင်ဖြူအနိန်နန့် မောင်မဲကို ကို နည်းမျိုးစုံနန့်
ယင်းပိုင် ဆုံးဖြတ်ချက် ချဖို့ အနိန်အထားမရောက်လာအောင် လွှမ်းမိုးထားနိုင်ပါရယ်။
ဥပမာ- မောင်မဲမှာ ဖေသာမပါခလို့ဟိကေ သူ့ အတွက် ပိုလို့ ကောင်းပါသိမ့်ရယ်။ မောင်ဖြူ
အနိန်နန့် သူ့မှာ ဖေသာပါကြောင်းပြောပြီးကေ သူဝယ်ချင်စွာကို ကြိုပြောထားကေ
မောင်မဲက ကြက်သားမကြိုက်ခကေတောင်မှ ၀က်သားဝယ်ဖို့ စကားထွက်ချင်မှထွက်လာဖို့။
ယင်းပိုင်ပျာယ် မောင်ဖြူက သူအငယ်အတည်းကပင် ၀က်သားမစားဆိုစွာကို ကြိုပြောထားကေ
မောင်မဲ အနိန်နန့် ၀က်သားဝယ်ဖို့ စကားပြောထွက်ချင်မှ ထွက်ပါဖို့။ ယေအခါ ဈီးကို
ရောက်ကေ ဇာဝယ်လို့လဲ ဆိုရယ် ဆုံးဖြတ်ချက် ချရလောက်တေ အနိန်အထားကို မရောက်လာအောင်
မောင်ဖြူက အစကတည်းကပင် ကြိုလို့ဟန့်တားလို့ရပါရယ်။ ယေဇုနန့် တဘက်သားကို
ဆုံးဖြတ်ချက် မချ နိုင်အောင် (နည်းတမျိုးမျိုးနန့်) ကြိုလို့
ဟန့်တားထားနိုင်ခြင်းကို ပါဝါ ဒုတိယ အသွင်သဏာန်လို့ခေါ်ရယ်။
ပါဝါ တတိယ အသွင် သဏာန်ကတော့ ပထမ နန့် ဒုတိယ အသွင်သဏာန်ထက် ပိုလို့
နူးညံသိမ်မွေ့ ရယ်။ ဇာဖြစ်လို့ဆိုကေ ကိုယ်လိုချင်ရယ် ကိစ္စတခုကို တခြားလူလဲ
လိုချင်လာအောင် ဆွဲဆောင်ထားနိုင်လို့ဘဲဖြစ်တေ။ ယင်းပိုင်
ဆွဲဆောင်လွှမ်းမိုးထားနိုင်ခကေ ဆုံးဖြတ်ချက် ချသည်ဘဲ ဖြစ်ဖြစ်၊ မချသည် ဘဲ ဖြစ်ဖြစ်
ကိ်ုယ်လိုချင်စွာကို ရလို့ပါ။ တီဗွီကြော်ငြာ တိရယ် ယင်းပိုင်ချောင် ပါဝါ
ဟိတတ်ပါရယ်။ ၀ယ်ယူသူတိစိတ်ကို အဆိုပါ ပစ္စည်းကို ၀ယ်ချင်စိတ်ဟိလာအောင် ဆွဲဆောင်ထားနိုင်ရယ်
အင်အားဟိလို့ပါ။ ဘာသာရေး မှိုင်းမိအောင်လုပ်ခြင်း၊ နိုင်ငံရေး မှိုင်းမိအောင်လုပ်
ခြင်းတိမှာ တတိယ ပါဝါ အသွင်သဏာန်တိပင်ဖြစ်တေ။မောင်ဖြူ မောင်မဲ ကိစ္စကို ပြန်ဆက်ရကေ
မောင်မဲ အနိန်နန့် သူကြိုက်တေ ကြက်သားကို လဲ မောင်ဖြူက ကြိုက်လာအောင် ကြိုလို့
ဆွဲဆောင်ထား ခြင်းဘဲ ဖြစ်ပါရယ်။ ယင်းပိုင်ရာလုပ်နိုင်ခကေ သူ အနိန်နန့် မောင်မဲကို
သူကြိုက်တေ ကြက်သားဝယ်ဖို့ လွှမ်းမိုးစရာလဲ မလိုရယ်ပိုင်၊ ဆုံးဖြတ်ချက် မချရအောင်လဲ
ဟန့်တား စရာမလိုပျာယ်။ လွှမ်းမိုးနိုင်ခြင်းပါဝါမှာ ရုပ်ပိုင်းဆိုင်ရာအင်အားကို
သုံးရယ် ပါဝါ နန့် နူးညံ့ သိမ့်မွေ့ ရယ် ပါဝါဆိုပြီးကေ နှစ်မျိုးဟိရယ်။
ရုပ်ပိုင်းဆိုင်ရာ အင်အားကို သုံးရယ် ပါဝါက တခုခု မလုပ်ကေ သတ်ဖို့ ဖြတ်ဖို့
ခြိမ်းခြောက်တတ်တေ ဖိအားပီးတတ်တေ နည်းလမ်းတိကို သုံးတတ်တေ။ ယင်းနည်းကို ပါဝါ ပထမ
အသွင်သဏာန်ဖြစ်တေ ဆုံးဖြတ်ချက်ချစွာမှာ ကိုယ့်အကြိုက်ကို ချနိုင်အောင်လွှမ်းမိုးနိုင်ခြင်းနန့်
ဒုတိယ အသွင်သဏာန်ဖြစ်တေ ယင်းပိုင် ဆုံးဖြတ်ချက်တိ မချနိုင်အောင်
တားဆီးပိတ်ပင်ထားခြင်းတိမှာ တွိရတတ်တေ။ နူးညံ့ သိမ်မွေ့ ရယ် ပါဝါကတော့
ယင်းပိုင်မဟုတ်။ တဖက်သားစိတ်ကို ကိုယ်ဖြစ်စီချင်ရယ် ကိစ္စကို သူ့  ဖာသာသူ
လုပ်လာအောင် ကြိုလို့ ရုပ်ပိုင်းဆိုင်ရာအင်အားသုံးစရာမလို့ဘဲ
လွှမ်းမိုးထားနိုင်လို့ပါ။ ပါဝါ အသွင်သဏာန် သုံးမျိုးထဲမှာ ကြောက်စရာအကောင်းဆုံး
လွှမ်းမိုးနိုင်ခြင်းနည်းရယ် တတိယ ပါဝါ အသွင်သဏာန်ပင် ဖြစ်တေ။
တရုတ်ပြည်သူ့ သမ္မတနိုင်ငံကို စလို့ တည်တောင်ခရယ် သမာပဓိကြီး မော်စီတုန်းက
“လွှမ်းမိုးနိုင်ခြင်းအာဏာရယ် သေနတ်ပြောင်းဝမှာ တည်ရယ်လို့ပြောခရယ်။”
ယင်းပိုင်ပျာယ် “တော်လှန်ရေး တရပ်မှာ အရေးကြီးဆုံးရယ် စိတ်ဓာတ်ပင်” ဖြစ်တေလို့ လဲ
ပြောခရယ်။ ယင်းပိုင်ပျာယ် စီးပွားရေးအင်အား၊ ပညာအင်အား၊ စည်းရုံးရေးအင်အား၊
သတင်းဖြန့်ချီရေးအင်အား(properganda)၊ လူ့ အရင်းအမြစ်အင်အား၊ မဟာမိတ်ဖွဲ့ 
ခြင်းအင်အား၊ စစ်ရေးအင်အား၊ ထောက်ခံမှု အင်အား တိရယ်လဲ ယင်းလွှမ်းမိုးခြင်း အင်အား
အသွင်သဏာန်သုံးရပ်ကို အသုံးချဖို့အတွက် လိုအပ်တေ အသုံးချပစ္စည်း(tools) နန့်
အရင်းအမြစ် (resourses) တိပင်ဖြစ်ကတ်တေ။ အထက်ပါ လက်နက်၊ စိတ်ဓာတ်၊ ပညာ၊
ဖေသာ….စည်းရုံးခြင်းအင်အား ဆိုရယ် လိုအပ်ချက်တိကို ပိုင်ဆိုင်နိုင်ခါမှ အင်အားစု
တရပ်ဆိုပြီးကေ ဖြစ်လာဖို့ဖြစ်တေ။ ယေဇု နန့် တော်လှန်ရေး တရပ်ကို
ဆင်နွဲဖို့အတွက် သနတ်အင်အားဟိစွာတခုလောက်နန့် မလုံလောက်ပါ။ စိတ်ဓာတ်အင်အား၊
လူထုထောက်ခံမှုအင်အား၊ ပညာအင်အား၊ ဖေသာအင်အားတိလဲ အကျွန်ရို့တိအတွက်လိုအပ်တေ။
ဗမာစစ်အစိုးရ နိုင်ငံကို ထိန်းချုပ်ထားခြင်းတိရယ် ယင်းဟင့်တိကို
အတိုင်းအတာတခုတိ ပိုင်ဆိုင်ထားနိုင်လို့ဖြစ်တေ။ ယင်း အရင်းအမြစ်တိကို သူရို့ 
ပိုင်ဆိုင်နိုင်လို့ လွှမ်မိုခြင်း အသွင်သဏာန် သုံးမျိူးထဲက ကြိုက်စွာကို သူရို့
အသုံးချနိုင်ရယ်။ ပထမ အသွင်သဏာန်အရ ဆုံးဖြတ်ချ တခုချဖို့စွာမှာ
သူရို့ကြိုက်တေပိုင်ချနိုင်ရယ်။ ရီဗုံးပေါက်စွာကို မလိုချင် ရီပါစွာကိုဘဲ
မြင်ချင်ရယ် ဆိုရယ် စကားမှာ တဘက်သားကို လွှမ်းမိုးထားနိုင်ခြင်းကို ပြစွာ ဖြစ်တေ။
အသူ့ ကို မဆို ကြိုက်တေပိုင် ဖမ်းဖို့၊ သတ်ဖို့၊ တရားစီရင်အမိန့်ချ ဖို့စွာမှာ
သူရို့ ကြိုက်တေပိုင် လွှမ်းမိုးချုပ်ကိုင်လို့ရရယ်။ ဇာဆုံးဖြတ်ချက်ကို မဆို သူရို့
သဘောထားဆန္ဒအတိုင်းလုပ်နိုင်ရယ် အင်အားဟိရယ်။ ယင်းပိုင် လွှမ်းမိုးနိုင်ဖို့အတွက်
သူရို့တိမှာ လက်နက်အင်အား၊ စစ်ရေးအင်အား ဟိနိန်လို့ဘဲဖြစ်တေ။ ယင်းဟင့်ရယ်
မော်စီတုန်းပြောခရယ် အာဏာရယ် သေနတ်ပြောင်းဝမှာတည်ရယ် ဆိုရယ်စကားနန့် ကိုက်ညီရယ်။
ယင်းပိုင်ပျာယ် အတိုက်အခံ အင်အားစု တိနန့် ဆွေးနွေးရယ် အဆင့်ကို မရောက်အောင်လဲ
ကြိုတင်လို့ တားဆီးထားနိုင်ရယ် အာဏာလဲ သူရို့မှာဟိရယ်။ ယင်းဟင့်ကတော့
လက်နက်ကိုင်အင်အားစုတိကို မ၀ရီစာ စီးပွားရေးလုပ်ဖို့အခွင့်အလမ်းစကေ ပီးပြီးကေ
အဓိကအကြောင်းအရာတိကို ဆွေးနွေးပနာ ဆုံးဖြတ်ချက်မချရအောင် ကြိုလို့
တားထားလိုက်ခြင်းဖြစ်တေ။ တဘက်အင်အားစုတိမှာလဲ စစ်အစိုးရနန့်
အင်အားချင်းမညီမျှရယ်အတွက် နန့်ပီးစွာကို ယူ ရစွာ နန့် ကြေနပ်ခရရယ် အဖြစ်တိဟိခရယ်။
စစ်အစိုးရ နောက်ဆုံး အနိန်နန့် လူတိကို လွှမ်းမိုးထားစွာရယ် တတိယ ပါဝါ
အသွင်သဏာန်နန့်ဖြစ်တေ။ သူရို့စစ်အာဏာသျှင်စနစ် နန့် ဗမာလူမျိုးကြီးဝါဒ
ကိုထောက်ခံလာအောင် လူတိစိတ်ကို သတင်းဖြန့်ဝီခြင်းနည်းနန့် လွှမ်းမိုးထားရယ်။
ဗမာ့ပညာရေး နန့်လွှမ်းမုိုးထားရယ်။ လူတိ ပဇောင်ပိုင် တွေးလာဖို့လဲ ဆိုစွာကို
ကြိုလို့ စိတ္တဗေဒ နည်းအရ လွှမ်းမိုးချုပ်ကိုင်ထားခြင်းဖြစ်တေ။ တချို့ကပြောကတ်တေ။
ထောက်ခံရယ်လူမဟိရယ်အတွက်နန့် ဗမာစစ်အစိုးရရယ် တရားဝင်အစိုးရမဟုတ်လို့။ အကျွန်က
ဒေပိုင်ပြောချင်ရယ်။ ထောက်ခံရယ် လူမဟိဘဲ အစိုးရတရပ်ရယ်လဲ
ဒေလောက်ထိအချိန်အကြာကြီးမရပ်တည်နိုင်ပါ။ ယေဇု နန့် ဗမာ စစ်အစိုးရကို
ထောက်ခံရယ်လူတိ ကန်ကကန်ဟိနိန်လို့ ဒေလောက်ထိ သက်ဆိုးရှည်နိန်စွာဖြစ်တေ။ အာဏာကို
လူတယောက်တည်းက မောင်ပိုင်စီးထားလို့မရ။ ယင်းလွှမ်းမိုးထားနိုင်ခြင်းအာဏာကို
ထောက်ပံ့ပီးဖို့ ထောက်တိုင်တိဆိုစွာလိုအပ်တေ။ ယင်းအာဏာသျှင်ရယ် သူ့ ကို
ထောက်ပံ့ထားရယ် ထောက်တိုင် တိကို မှီပြီးကေရာ ပါဝါ အသွင်သဏာန် သုံးမျိုးနန့်
အုပ်ချုပ်နိန်ခြင်းဖြစ်တေ။ ရခိုင်သားတိစာပီယိုင်ကျေးမှု။ လွတ်လပ်ရေးကို
လိုချင်စိတ်တိ ပျောက်ပျက်လားပြီးကေ ပြည်ထောင်စု အတွေးအခေါ်နန့်အောက်သားကို
အထင်ကြီးစိတ်တိဖြစ်လာအောင် လုပ်ထားစွာရယ် ယင်း ပါဝါ တတိယ အသွင်သဏာန် နန့် ပင်ဖြစ်တေ။
ဗမာစာ နန့် ရွီးထားရယ်စာအုပ်၊ ဗမာအသံနန့်ဆိုထားရယ် တေးခြင်း၊ ဗမာဗွီဒီယိုကားတိရယ်
ယင်းပါဝါ လွှမ်းမိုးနိုင်ဖို့အတွက် အဓိကကျရယ် နိန်ရာက ပါဝင်ကတ်တေ။ ယင်းဟင့်ကို
နူးညံ့သိမ်မွေ့ ရယ်ပါဝါ (soft power) လို့ခေါ်ကတ်တေ။ အဂုခစ် ဗမာအစိုးရက အစ
အမေရိကန်အစိုးရအထိ ရုပ်ပိုင်းဆိုင်ရာလွှမ်းမိုးခြင်း ပထမ ပါဝါ အသွင်ကနိန်
စိတ်ပိုင်းဆိုင်ရာလွှမ်းမိုးခြင်း တတိယပါဝါ အသွင်အထိ ဒေ့ဒို့းကြီးဖြစ်ဖြစ်
သွယ်ဝှိက်လို့ ဖြစ်ဖြစ် သုံးနိန်ကတ်တေ။ ယင်းဟင့်တိကို ဂနိန့်လက်ဟိအနိန်အထားမှာ
စစ်ရေးနိုင်ငံရေးက အစ လူမှုရေးက အလယ် စီးပွားရေးအဆုံးအထိ ကန်ဒ အသီးသီးမှာတွိရရယ်။
ကိုယ်ရို့ကို လွှမ်းမိုးထားရယ် ပါဝါတိကို တိုက်ခိုက်ဖျက်ဆီးဖို့အတွက်
တခုတည်းသော နည်းလမ်းက သူရို့ လွှမ်းမိုးချုပ်ကိုင်ခြင်းကို ခုခံနိုင်အောင်
ကိုယ့်ရို့လဲ ပါဝါ ဟိအောင်ကြိုးစားအားထုတ်ခြင်းပင်ဖြစ်တေ။ နိုင်ငံတကာဆက်ဆံရေး
နယ်ပယ် နန့်ပတ်သက်လို့ ကနိန့်ခစ်ကမ္ဘာမှာ ရီပန်းစားနိန်ရယ်
အတွေးအခေါ်နှစ်မျိုးဟိရယ်။ တခုက အတွေးအခေါ်ပဓာနကျဝါဒဖြစ်တေ (idealism) နန့်
နောက်တခုက လက်တွိကျဝါဒ (realism) ဖြစ်တေ။ အတွေးအခေါ်ပဓာနကျဝါဒီတိက ပြီးပြည့်စုံရယ်
အခြေအနေ ဖြစ်တေ (utopia) နိုင်ငံရေးအခြေအနေကို ဖန်တီးချင်ကတ်တေ။ တနိုင်ငံနန့် တနိုင်ငံဆက်သွယ်ဖို့အတွက်
သံတမန်ရေးရာနန့် ပျော့ပျောင်းညှင်သာရယ် နည်းကို သုံးချင်ကတ်တေ။ အင်္ဂလန်က နိုင်ငံတကာ
ဆက်ဆံရေးဘာသာရပ်တိဟိရယ် တက္ကသိုလ်တိမှာ ယင်းအတွေးအခေါ်ပဓာနကျရယ် မူကို
လက်ကိုင်ထားရယ် ပါမောက္ခတိကို ဘဲခန့်ပနာ ယင်းအတွေးအခေါ်ကို ဘဲ
မြှင့်တင်ကတ်စွာတိများရယ်။ အင်္ဂလန်နန့် စာကေ အမေရိကန်က လက်တွိကျဝါဒကို
အလေးပီးရယ်။ သူရို့မူအရ နိုင်ငံတကာ ဆက်ဆံရေးမှာအရေးကြီးဆုံးရယ်
ကိုယ့်အင်အားကို ကိုယ်တည်ဆောက်ထားခြင်းဘဲဖြစ်တေလို့ဆိုရယ်။ ယေဇု နန့် ကိုယ်ရုို့
အင်အားဟိပြီးကေ လွှမ်းမိုးနိုင်မှုဟိဖို့က အရေးကြီးရယ် လို့ သူရို့က ဆိုရယ်။ အတွေးအခေါ်ပဓာနကျ
ဝါဒ နန့် လက်တွိကျ ၀ါဒ နှစ်ရပ်ရယ် သူ့ နိန်ရာနန့် သူအသုံးဝင်ရယ်အတွက်နန့် တခုခုကို
ယတိပြတ်စွန့်လွှတ်ပစ်ဖို့စွာကားမဖြစ်နိုင်။ ဘလောက်ဘဲ ကမ္ဘာရွာအတွေးအခေါ်မကလို့
ပေါ်ချင်ရယ် ဂလိုဘယ်လိုင်ဇေးသျှန်းအတွေးအခေါ်ပေါ်လာလာ ဂနိန်အချိန်အထိ နိုင်ငံတကာ
ဆက်ဆံရေးမှာ အဓိက ကျရယ် ဇာတ်ကောင်တိရယ် အချုပ်အချာ ပိုင် နိုင်ငံတိပင်ဖြစ်တေ။
နောက်ဆုံးတော့ သူရို့အချင်းချင်းဘဲ ထိပ်တိုက်တွိရစွာဘဲဖြစ်တေ။ ယေဇု နန့် ပါဝါ
အခန်းကန်ဒ ရယ် ပိုလို့ အရေးကြီးလာရယ်။ အဂုပိုင် ကမ္ဘာ့နိုင်ငံရေးစာမျက်နှာမှာ
တရုတ်ပေါက်ဖော်ဂေါင်းထောင်လာစွာကိုကြည့်ကေ နိုင်ငံ့ အခန်းကန်ဒ မပျောက်ပျက်ဘဲ
ပိုလို့ ခိုင်မြဲလာရယ်လို့ ကောက်ချက်ချရဖို့ပိုင်ဖြစ်နိန်ရယ်။
ယေဇု နန့် လက်ဟိရခိုင်သားတိအနိန်နန့် ပါဝါဟိနိန်ကတ်တေ ကုလားနန့် ဗမာကို
ရင်ဆိုင်ဖို့အတွက် ကိုယ်ရို့အင်အားကို ကိုယ်ရို့တည်ဆောက်ဖို့လိုအပ်တေ။
စည်းရုံးခြင်းအင်အား၊ စိတ်ဓာတ်အင်အား၊ ပညာအင်အား၊ စီးပွားရေးအင်အား၊
စစ်ရေးအင်အားတိကို တပြေးညီရရယ်ဘက်က တည်ဆောက်ကတ်ရဖို့ဖြစ်တေ။ အကျွန်ရို့အဂု
နိန်ရယ်ကမ္ဘာစွာ ငြိမ်းချမ်းပြီးကေ လိုလီသီး မဟိရယ် အခြေအနေမဟုတ်။
အချင်းချင်း တယောက်နန့်တယောက် ယှဉ်ပြိုင်နိန်ကတ်တေ အားစမ်းနိန်ကတ်တေ အခြေအနေမှာ
နိန်နိန်ရစွာဖြစ်တေ။ အင်အားကြီးရယ်လူဘဲ
နောက်ဆုံးအသက်ရှင်ရပ်တည်ကျန်လိုက်ဖုို့စွာဖြစ်တေ။ လက်ဟိ အရင်းသျှင်ဝါဒ သည်ပင်
ပြိုင်ဆိုင်ခြင်းကို အားပီးထားခြင်းဖြစ်တေ။ ပြိုင်ဆိုင်ခြင်းကို တိုးတက်ခြင်းလို့
ယူဆထားရယ် စနစ်တခုဖြစ်တေ။ ယင်းဟင့်တိကို ရင်ဆိုင်ဖို့အတွက် ပထမဆုံးအနိန်နန့် စည်းရုံးခြင်းအင်အားကို
အကျွန်ရို့တိတည်ဆောက်ကတ်ရဖို့။ လူတိပဇာဖြစ်လို့ စည်းလုံးကတ်တေလဲလို့မိန်းကေ
တချို့က တယောက်နန့်တယောက်နန့်ချစ်လို့၊ တယောက်နန့် တယောက် အပီးအယူမျှတလို့ လို့
ဖြေကတ်တေ။ အကျွန့်အမြင်က စည်းလုံးခြင်းရယ် ဘုံအကျိုး(common interests)ကို
လိုလားရယ်လူတိ အထဲမှာရာ တည်ဆောက်လို့ရရယ်။ တကိုယ်ကောင်းဆန်ရယ်လူတိထဲမှာ
ယင်းအခြေအနေကို တည်ဆောက်ဖို့စွာမဖြစ်နိုင်။ ဥရောပ ပါလီမန်အဖွဲ့ ၊ အာစီယံအဖွဲ့ ၊
နေတိုး(NATO)အဖွဲ့ တိရယ် လူမျိုးချင်းမတူ၊ ယိုင်ကျေးမှုချင်းကွဲပြားကတ်ကေလဲ
အားလုံးသူလိုလားရယ် ဘုံအကျိုးတခုကြောင့် အစုအဖွဲ့ ဖွဲ့ ပနာ
နိန်နိုင်ကတ်ခြင်းဖြစ်တေ။ ယေဇုကြောင့်နန့် ရခိုင်သားတိအနိန်နန့်
ရခိုင်သားတိုင်လိုလားရယ် ပန်းတိုင်တခုကို ပြတ်ပြတ်သားသား
မြင်အောင်ကြိုးစားသင့်ရယ်။ ယင်းပန်းတိုင်ရယ် ရခိုင်အားလုံးကို
ရောင်ပြန်ဟပ်ရဖို့ဖြစ်တေပိုင် လူတိုင်းလိုလားရယ် ဘုံအကျိုးတခုလဲ ဖြစ်ရဖို့။
ယင်းပန်းတိုင်ကို ရခိုင်သားတိက မလိုချင်သိမ့်ဆိုကေ လက်နက်ကိုင်တော်လှန်ရေးလဲ
နှစ်ကာလကြာရှည်လားနိုင်ရယ်ပိုင်၊ ပြည်ထောင်စု အတွက်ကြိုးပမ်းမှုတိလဲ ဆားမရ ရီမရ
ဖြစ်လားလီဖို့။ ယင်းပန်းတိုင်ကို အမြင်ယှင်းပနာ အားလုံးသူကလိုလိုလားလားဟိခါမှ
ရခိုင်သားတိအချင်းချင်းကြားမှာ စည်းလုံးမှုကို တည်ဆောက်လာနိုင်ဖို့။ ယင်းပိုင်
ရခိုင်သားတိ စည်းလုံးခါမှ ဘုံအကျိုးတိဖြစ်တေ ပညာရေး၊ စီးပွားရေး၊ စစ်ရေး
အင်အားတိကို တည်ဆောက်ပြီးသောကေ ကိုယ်ရို့ပန်းတိုင်တိကို
အနှောင့်အယှက်ဖြစ်အောင်လုပ်နိန်ရယ် အဟန့်အတားတိကို ယှင်းလင်းနိုင်ဖို့ဖြစ်တေ။ ကိုယ်ရို့
ကိုလွှမ်းမိုးထားရယ် ပါဝါတိကို မတွန်းလှန်နိုင်ရယ် ပါဝါမဟိဘဲ၊
မထိုးဖောက်နိုင်ရယ်ပါဝါမဟိဘဲ အလုပ်တခုကို အကောင်အထည်ဖော်ကေ ပီးဆပ်ရဖို့ တန်ဖိုးက
မမျှဖြစ်နိန်ပါရယ်။ ယေဇု နန့် ရခိုင်သားတိ ရင်ဆိုင်ခြင်းအင်အား၊
လွှမ်းမိုးခြင်းအင်ထား၊ ထိုးဖောက်ခြင်းအင်အားတိ ဟိအောင်ကြိုးစားသင့်ရယ်။
ရေးသားသူ
ခင်မောင်မောင်
