အဖရခိုင်ပြည်သူပြည်သားတိသို့နှိုးဆော်လွှာ
ရခိုင်သမိုင်းအကျဉ်း
ရခိုင်ရို့သည်ဘီစီ-၃၃၂၅မှစတင်ကာကိုယ့်ထီးကိုယ်နန်းဖြင့်နိန်ထိုင်လာခကတ်တေလူမျိုးတစ်မျိုးဖြစ်ပါသည်။ရခိုင်ရို့၏တတိယ
ဓည၀တီခေတ်စန္ဒာသူရိယဘုရင်လက်ထက်တွင်ဂေါတမဗုဒ္ဓဘုရားရှင်သည်ဓည၀တီရခိုင်နိုင်ငံသို့ကြွရောက်ပြီးမဟာမုနိရုပ်ရှင်တော်အား ကိုယ်စားထားခသည်။ရခိုင်ရို့သည် ကိုယ်ပိုင်စာပီ၊ ယိုင်ကျေးမှု၊ သမိုင်းအစိုင်အလာရို့နန့် နိန်ထိုင်လာခရာမြောက်ဦး
ခေတ်မှာ အထွတ်အထိပ်ကို ရောက်ဟိန့်ခသည်။ ယင်းအချိန်က ရခိုင့်ဘုရင်တိသည် ကမ္ဘာမှာငွေဒင်္ဂါးထုတ်လုပ်အသုံးပြုနိုင်ခ
သည်။ရခိုင့်သက္ကရာဇ်၁၁၄၆ခု၊ပြာသိုလဆုတ်(၇)ရက်၊ခရစ်သက္ကရာဇ်၁၇၈၄ခု၊ဒီဇင်ဘာလ(၃၁)ရက်နိန့်တွင်ဗမာဘုရင်ဘိုးတော်မောင်ဝိုင်းသည်ရခိုင်နိုင်ငံတော်အားစစ်ကြောင်းသုံးကြောင်းဖြင့်ချီတက်သိမ်းပိုက်ခသည်။ကျူးကျော်သူဗမာရို့သည်ရခိုင့်ထီးနန်းကိုမီးရှို့ကာ ကိုယ်ဝန်ဆောင်အမျိုးသမီးတိအား ဓါးဖြင့်ထိုးသတ်ခြင်း၊ ပုခက်ထဲနိန်အချေတိအားဓါးကစပ်ခြင်း၊ မြစ်ချောင်းတိအ
တွင်း ခြံခတ်ဗနာ ရခိုင်ပြည်သူတိအား သတ်ဖြတ်ခြင်းစသည့် ဖက်ဆစ်စနစ်ဖြင့် ရခိုင်ပြည်သူပြည်သားပေါင်း နှစ်သိန်းခြောက်
ထောင်ကျော်ကိုဗမာဘုရင်စစ်တပ်မှရက်စက်စွသတ်ဖြတ်ခဲ့သည်။ကမ္ဘာမှာဖက်စနစ်ကိုကျင့်သုံးခသူသည်ဂျာမဏီခေါင်းဆောင်ဟစ်တလာမဟုတ်ဘဲဗမာဘိုးတော်မောင်ဝိုင်းဖြစ်သည်ကိုရခိုင်သားတိုင်းမမိန့်အပ်ဘာ။
ကနိန့်ရခိုင်ပြည်အနိန်အထား
အဆက်ဆက်အုပ်ချုပ်လာခရေဗမာအာဏာရှုင်များသည်ရခိုင်လူမျိုးများအားနိုင်ငံရေးအရများစွာနှိပ်ကွတ်ထားသည်။ရခိုင်ပဏ္ဍိတ်ဆရာကြီးဦးသာထွန်းအား စစ်တွေထောင်တွင် အဆိပ်ခတ်သတ်ခသည်။ ရခိုင်သမိုင်းသုတေသီ ဆရာကြီးဦးစံသာ
အောင်အားလည်းဆီးထိုးကာလုပ်ကြံသတ်ဖြတ်ခသည်။ကနိန့်အချိန်အခါမှာလည်းရခိုင်သမိုင်းသုတေသီအသျှင်ပညာစာရအားမတရားစွတ်စွဲချက်မျိုးစုံနန့်ထောင်သွင်းအကျဉ်းချထားသည်။ ရခိုင်သမိုင်း၊ စာပီ၊ ယိုင်ကျေးမှုတိကိုဖော်ထုတ်ခွင့်မရအောင်ပိတ်
ပင်ထားကာဗမာလူမျိုးကြီးဝါဒကိုလေးစားလာအောင်ဇတ်သွင်းနိန်သည်။စီးပွားရေးဘက်တွင်လည်း ရခိုင့်မြိန်ပေါ်မြိန်အောက်ရီ
ပြင်ရီအောက်သဘာဝသယံဇာတတိကို ဗမာစစ်ဝါဒီတိက လက်ဝါးကြီးအုပ်ထားသည်။ ရခိုင်နိန်မြိန်တိများစွာတွင် ဗမာစစ်တပ်
အများအပြားနိန်ရာချထားဗနာရခိုင်လူမျိုးပျောက်ကွယ်ရေးကိုစနစ်တကျလုပ်ဆောင်နိန်သည်။တနိန့်တခြားစီးပွားရေးချွတ်ခြုံကျလာမှုကြောင်းကျန်းမာရေး၊ပညာရေးစသည့်နိန်ပါယ်အသီးသီးမှာကချွတ်ခြုံကျလာ၍အရွယ်ရောက်သူရခိုင်ယောက်ကျား
ချေတိအပါအ၀င်အိမ်ထောင်ဦးစီးအများအပြားတိသည်မလေးသျှား၊ထိုင်းစသည့်ပြည်ပနိုင်ငံများသို့အလုပ်လုပ်ကိုင်ရန်ထွက်
လာခကတ်ရသည်။ရခိုင့်ပင်လယ်ပြင်ကငါးပုဇွန်တိကိုရခိုင်သားတိမစားရ၊ရခိုင်ရိုးမကထွက်တေသစ်ဝါးတိနန့်ရခိုင်သားတိအိမ်မဆောက်ရ၊ရခိုင်ပင်လယ်ပြင်ကထွက်တေသဘာဝဓါတ်ငွိန့်ကိုရခိုင်သားတိမသုံးရဘဲနန့်ရခိုင်သားတိမှာအုပ်ချုပ်သူနယ်ချှဲ့ဗမာတိလက်အောက်ကျွန်သပေါက်ဘ၀နန့်အငတ်ငတ်အပြတ်ပြတ်ဖြစ်နိန်ကတ်ရဘာရေ။ရခိုင်နိန်မြိန်မှာအခြေချနိန်ကတ်တေဗမာစစ်တပ်ကစစ်သားတိဘားမှာညှန်းပန်းနှိပ်စက်မှုအမျိုးမျိုးကိုခံ၊လယ်မြေတိအသိမ်းခံ၊ လျော်ကြေးက မရ၊ လုပ်အားပီးချောဆွဲခံရ၊
အချို့ရခိုင်သမီးပျိုချေတိအတင်းဓမ္မပြုကျင့်ခံရစရေညှန်းပန်းနှိပ်စက်မှုတိ အ၀၀ကို ခါးစီးခံဗနာနိန်လာကတ်ရရေ။စီးပွရေးဆင်းရဲ
ကျပ်တည်းမှုဒဏ်ကြောင့်မိသားစုအတွင်းရိုက်ခတ်မှုများလာရာအိမ်ထောင်ဦးစီးအများအပြားသည်လည်းမိမိနိန်ရပ်နန့် မိသားစု
ကိုစွန့်ခွာဗနာထိုင်းနန့်မလေးသျှားစရေနိုင်ငံရပ်ခြားတိုင်းပြည်အသီးသီးသို့အလုပ်လုပ်ရန်ထွက်ခွာလာကတ်ရရေ။ကျန်ခရေဇနီးမယားကမိမိယောက်ကျားဘားကပို့ပီးဖုိ့ငွေကိုချွေတာသုံးဗနာမိသားစုကိစ္စအ၀၀ကိုဖြေရှင်းနိန်ကတ်ရရေ။ဒေကြားထဲမှာမတော်လို့ရာမိမိရဲ့အိမ်ထောင်ဦးစီးပုလိပ်အဖမ်းခံရကေကျန်ခရေမိသားစုမှာလည်းဒုက္ခရောက်ရဘာရေ။ရခိုင်ပြည်သူပြည်သားတိဟာယင်းပိုင်နန့်ဗမာနယ်ချဲ့ကိုလိုနီတိဘားမှာဒုက္ခအ၀၀ကိုလှိမ့်ပစ်ဗနာခံနိန်ကတ်ရဘာရေ။ရခိုင်သားတိုင်းစိုင်းစားကြည့်ကတ်ပါ။
ရခိုင်သားတိဇာလုပ်ကတ်ဖို့လဲ
ရခိုင်ပြည်သူပြည်သားတိစွာရေနှစ်ပေါင်းနှစ်ရာကျော်ဗမာတိဘားမှာကိုလိုနီကျွန်ပြုခံနိန်ရရေအတွက်မိမိရို့သမိုင်း၊စာပီ၊ယိုင်ကျေးမှုတိကိုအမှန်အတိုင်းသိခွင့်မရဘဲဗမာနယ်ချဲတိဘားမှာအ၀ိဇ္ဖာမျက်နှာဖုံးတပ်ပီးထားခြင်းခံနိုန်ရဘာရေ။ယင်းအတွက်နန့်တိမ်မြုပ်နိန်ရေသမိုင်း၊စာပီ၊ယိုင်ကျေးမှုတိကိုဖော်ထုတ်ဗနာရခိုင်သားတိုင်းသိလာအောင်လုပ်ရဘာဖို့၊ယင်းမှသာငုပ်လျိုးနိန်ရေ အမျိုးသားရေးပြန်လည်နိုးထလာဘာဖို့၊ အမျိုးသားရေးနိုးထလာမှသာရန်သူကိုအနိုင်ယူနိုင်ဖို့ဖြစ်ဘာရေ။ အဖရခိုင်ပြည်သူ
ပြည်သားတိအနိန်နန့်သမိုင်းကိုအများကြီးသိအောင်ကြိုးစားကတ်ရဘာဖို့၊ရန်သူဗမာတိသွီးခွဲခလို့အချင်းချင်းနားလည်မှုလွဲဗနာညီညွတ်ရေးပျက်ပြားခစွာကိုသင်ခန်းစာယူရဘာဖို့။ရခိုင်သားမှာကုလားရန်၊ ဗမာရန် နန့် အရက်ရန်ဆိုဗနာ အမျိုးသားအန္တရယ်
သုံးခုဟိန့်ဘာရေ။ကနိန့်ရခိုင်လူငယ်မျိုးဆက်သစ်တိစွာရေ အေချင့်ကို သတိမထားလို့မရဘာ။မျက်ခြေမပြတ်ဆန်းစစ်ဖို့လိုရေ။
အကြောင်းအမျိုးမျိုးကြောင်း ပြည်ပကိုရောက်ဟိန့်နိန်ကတ်တေ ရခိုင်ပြည်သူပြည်သားတိမှလည်း မိမိရို့စွာရေ ဇာ
ကြောင့်မိမိနိန်ရပ်ကိုစွန်ခွာလာရရေလဲဆိုစွာဆန်းစစ်ကတ်ဖို့လိုဘာရေ။ အမေရိကန်၊ နော်ဝေး၊ နယ်သာလန်၊ကနေဒါကိုဒုက္ခ
သည်အဖြစ်ထွက်ခွာကတ်ရစွာသည်ဝမ်းသာစရာလား၊၀မ်းနည်းစရာလားဆိုစွာမိမိကိုယ်မိမိသေချာဆန်းစစ်ကတ်ဖုိ့လိုဘာရေ။မိမိ၏မွိန်းရပ်မြိန်ကိုစွန့်ခွာဗနာနိန်ထိုင်ရခြင်းလောက်ဝမ်းနည်းစရာကောင်းစွာမဟိန့်ဘာ။ခြီအကောင်းလက်အကောင်းနန့်ဒုက္ခသည်ဘွဲ့ကိုခံယူရစွာဇာလောက်ဟြက်ဖို့ကောင်းဘာရေလဲ။ရခိုင်ပြည်သူပြည်သားတိကိုဆင်းရဲတွင်းထဲကိုသွတ်သွင်းနိန်ရေသူသည်ဗမာအုပ်ချုပ်သူတိဖြစ်တေ။ ယင်းကြောင့်ရခိုင်ပြည်သူပြည်သားတိသည် နယ်ချဲ့ ဗမာတိလက်အောက်က လွတ်မြောက်
အောင်တိုက်ပွဲဝင်ဖို့တာဝန်သည် ရခိုင်သားတစ်ဦးချင်းစီမှာ တာဝန်ဟိန့်ဘာရေ။ ယင်းချင့်နန့် ကမ္ဘာ့ဇာဒေသကိုရောက်ရောက်
ရခိုင့်အမျိုးသားအားမာန်တိကို အမြဲတမ်းမွိန်းကတ်ဖို့လိုဘာရေ။ မိမိရို့နန့်ဆက်နွယ်ရေ ရခိုင်အသိုင်းအ၀ိုင်းကိုလည်း အမျိုးရေး
စိတ်ဓါတ်နိုးကြားလာအောင် တိုက်တွန်းစီးရုံးပီးကတ်ဗနာ ဗမာတိလက်အောက်က လွတ်မြောက်အောင် တိုက်ပွဲဝင်ကတ်ရဖုိ့
လိုအပ်ဘာရေ။ရခိုင့်ကံကြမ္မာသည်ရခိုင်ရို့လက်ထဲမှာရာဟိန့်ရေအတွက်ရခိုင်သားတိအမျိူးသားရေးနိုးကြားမှုတိကတဆင့်ညီညွတ်ကတ်ဗနာရန်သူတိကိုသတ္တိဟိန့်ဟိန့်တော်လှန်ကတ်ဖို့ဆိုကေကနိန့်ရခိုင်ပြည်သူပြည်သားတိရဲအန္တိမပန်းတိုင်ကိုရဟိန့်ပါလိမ့်မယ်။
ညီကတ်ရခိုင် ရခိုင်ညီကတ်
တစ်နပ်စာကို တစ်သက်တာထင်
ခွီးအမြင်ကြောင့် ရခိုင်သားမှာ
သူ့ကျွန်ဖြစ်ရ ၀မ်းနည်းစွတည်း။
ညဏ်ငနက်နန့် မဟာဝါဒီ
ဖက်ဆစ်တိန်ရဲ သွီးခွဲထိုးနှက်
ကြားဂယက်ကြောင့် ရခိုင်သားမှာ
တောင်ပိုင်းမြောက်ပိုင်း သွီးကွဲခရ။
ဖရခိုင်ပြည် လွတ်မြောက်စီဖို့
လခြမ်းမြီဖွား ညီနောင်များကို
တိုက်တွန်းချင်ရေ ညီကတ်ရခိုင်
ရခိုင်ညီကတ် စီးလုံးကတ်မေ
ညီကတ်မေ။ မောင်သာကီ
