ကိုလတ်- ခိုင်မောင်စိုး(လေးမြို့ချောင်း) May 06, 2011
“ကမ်းနီ တိုင်းဗဟို (၉) မာဆိုကေ စစ်တပ်က လယ်ယာမြီသိမ်းထားစွာ ဧကထောင်ကျော်လားဗျာယ်။ ပြည်သူတိ လုပ်စားဖို့ လယ်ယာမရှိသလောက်ဖြစ်လားယာ၊ လယ်လုပ်ချင်ကေ ယင်းစစ်တပ်က ငှားရရေ။ ကျွဲနွားကအစ သူရို့ပါးက ငှားရစာပါ။ ဖေသာကျကေ စပါးပီးသူပီးရရေ။ လူကိုကြည့်တောင်စွာဗျာယ်။ စပါးတောင်းငါးဆယ် ပီးရစာလည်းရှိရေ။ မရှိလူတိဆိုကေ လယ်ယာလုပ်ကိုင်မှုခက်ခဲလာပါရေ”လို့ ကမ်းနီက ဒေသခံတယောက်က သူကြုံခရစွာကို ရှင်းပြခပါရေ။
ရခိုင်ပြည်နယ်အတွင်း လယ်ယာပိုင်ဆိုင်မှုမှာရေ စစ်တပ်က ၄၅ % ရာခိုင်နှုန်း လူမျိုးခြားက ၂၅ ရာခိုင်နှုန်းရှိနီကြောင်း နယ်ဘက်ဒေသတိမာဆိုကေ တောင်ယာ တောင်တန်း၊ ဥယာဉ်နန့် လယ်ယာမြီတိကို သိမ်းယူမှုရေ နှစ်ပေါင်းနှစ်ဆယ်ကျော်ထိ ရှိနီယာဖြစ်ကြောင်း ဒေသခံလယ်သမားတိက ပြောပါရေ။
“ကျောက်တော် ၊မြောက်ဦးရို့မာဆိုကေ လယ်ယာမြီတိ သိမ်းထားစွာ မကန်၊ လယ်လုပ်ချင်ရေလူတိက သူရို့ဘားက ငှားလာရရေ” လို့ကျောက်တော်မြို့နယ်က လယ်သမားတဦးကဆိုပါရေ။
ယင်းအပြင် စစ်တပ်ကရေ လယ်ယာမြီနန့် ကျွဲနွားတိကို စီးပွားရေးဆန်ဆန် လုပ်ကိုင်လာကြကြောင်းသိရသည်။
ထိုတလိုင်းက ခမရ ( ၅၄၁) (၃၇၉) ရို့ရေ မင်းပြားမြို့နယ် ဆင်ကြီးပြင်ကျေးရွာက ပြည်သူပိုင်လယ်ယာမြီ တချို့ သိမ်းယူလိုက်တေလို့ကြားရေ။ နောက်တခုဆိုးစာတခုက စစ်တပ်ထဲကို ၀င်လားမိရေ ကျွဲနွားတိကို ပြန်မပီးဘဲ သိမ်းယူမှုတိ ရှိလာရေ။ တောင်းလို့လဲမရ။ ဒဏ်ငွေရိုက်ခိုင်းရေ။ ဒဏ်ငွေကလဲ နွားဈီးထက်ကြီးရေ ”လို့ မင်းပြားမြို့မှ မြို့ခံတဦးက ပြောပါရေ။
ရခိုင်လူထုကမူ မိမိရို့ဖိုးဖီးပိုင်လယ်ယာမြီတိကို ပိုင်ဆိုင်ရန် အခွင့်အလမ်း နည်းပါးလာနီကြောင်း သိရပါရေ။
ယင်းအပြင် လူမျိုးခြား မူဆလင်ဘာသာဝင် ဘင်္ဂလီတိလဲ ရခိုင်ပြည်နယ် စစ်တွေခရိုင်အတွင်းမာ လယ်ယာပိုင်ဆိုင်မှုတိ များလာကြောင်း မောင်တောမြို့နယ်မှ ဒေသခံတိဘားက သိရပါရေ။
လွန်ခရေ ၂၀၀၆ ခုနှစ်က လယ်ယာမြီဖော်ထုတ်ရေး အစီအစဉ်ကို အစိုိးရက စီစဉ်ခကေလဲ လက်တွိမာ ဆောင်ရွက်မှုတိ မရှိခကြောင်း ပုဏ္ဏားကျွန်းမြို့နယ်မှ မြိုခံတဦးက ပြောခပါရေ။
စစ်တပ် အသိုင်းဝိုင်းအဆိုအရ တပ်တွင်းကျပ်တည်းမှု အနီအထားကို လယ်ယာမြီကရာ ဖြေရှင်းပီးနီရကြောင့် အမည်မဖော်လိုရေ တပ်ကြပ်ကြီးတဦးက ရခိုင်ရိုးမကို ပြောပါရေ။
“ အောက်ခြီသိမ်း တပ်သားတိကတော့ခါ ကြားကတ်တေ အတိုင်းပါ၊ ဖုံလှုံစာကားမဟုတ်၊ တိုင်းဗဟို(၉) မှာ စစ်သင်တန်းလားတက်ကေတောင်မှ ကိုယ့်စရိတ်နန့်ကို လားတက်ရစာတိ ဖြစ်လာရေ။ သင်တန်းကပြန်လာကေ ရှိစွာကိုရောင်းပနာလာရရေ။ ရှင်းရှင်းပြောရဖို့ဆိုကေ ရခိုင်ပြည်မာရှိရေ စစ်တပ်အသိုင်းဝိုင်းရေ လယ်ယာကထွက်စာနန့် ကျင်လည်နီကတ်မှုတိ ပိုများလာရေ” လို့ဆိုပါရေ။
အတည်မပြုနိုင်ရေ သတင်းတရပ်အရ ရခိုင်ပြည်နယ်မာ အရပ်သားအစိုးရလို့ခေါ်ဆိုနီရေ ပြည်နယ်လွှတ်တော်အစိုးရအဖွဲ့ တက်လာရေနောက်ပိုင်း စစ်တပ်အတွင်း ၀င်ငွေရှာဖွေမှု အလွယ်တကူမရနိုင်ယာလို့ ပြင်ပစီးပွားရေဆန်ဆန် အနှိုပ်ခန်းနန့် စားသောက်ဆိုင်လုပ်ငန်းတိကို လုပ်ကိုင်မှုရှိလာရေလို့ စီးပွားရေး အသိုင်းဝိုင်းကဆိုပါရေ။
ရခိုင်ပြည်အတွင်း ပြည်သူပိုင်လယ်ယာမြေတိ ဆုံးရှုံးလာမှု ကျွဲနွားတ်ိအတွက် စားကျက်မြီတိ ရှားပါးလာမှုစရေ ဆိုးကျိူးတိကို ရခိုင်ပြည် လူထုအများစုက ကြုံနီရရေပိုင် လက်ရှိ ပြည်နယ် အစိုးရသစ်အနီနန့် ဇာပိုင်ကိုင်တွယ်လားဖို့ဆိုစာကို လူထုတိမျှော်လင့်နီကြောင်း သိရပါရေ။
.
