ကြယ်ချေမှိတ်တုတ် မှိတ်တုတ်ကြယ်ချေ
အဖိုးသျှင် မျက်စိမှိတ်
အဘောင်သျင် ဇိဇိမှိတ်
မြီးချေ ဇိဇိမှိတ်
မှိတ်တုတ်မှိတ်တုတ် ကြယ်ချေကာ
ညဥ့်အခါ ဖြောက်စိဖြောက်စိပါ
နိန့် စိုင်ရာ ကြယ်ဆယ်စင်း
မလင်းတခေါက် လင်းတခေါက်ရာ ။။။။။ ။။။။။။
ပုခက်တွင်းက သျှိန်ဒိုင်သံ
လက်ခုပ်ချေ တီးလို့  ညံ
အဘုချေ ကဟန်က
ဖိုးဖိုးမျက်ရည်ကျ
အာလာ့လာ့ အာလာ့လာ့ ။။။။။ ။။။။။။
.
ယိမ်းယင်ယိမ်းယင် လွှဲလို့ ပင်
အိမ်အောက်က ကြောင်ချေ မည်လို့  ယင်
ကြွက်ဖြူချေ ကြောက်လို့  ဗြီး
အဘုချေ လက်ခုပ်တီး ။။။။ ။။။။။။
အိမ်နောက်ဖေးက အိမ်မြှောင်ချေတကောင်
မဒုံးချေထောင်လို့  ဗြီးနိန်ယောင်
မောင်သျှင်လာ လေးနာင့်ခြောက်
အဘုချေမှာ ရယ်လို့  ကြောက် ။။။။ ။။။။။
အမင့်ရင်ခွင် အိပ်ဖို့ ပျင်
အမင်ဝါ ဇါမှာမသိ
အဖရင်ခွင် အိပ်ဖို့ ပျင်
အဖ၀ါ ဇါမှာမသိ
အဖိုးသျှင်ရင်ခွင် အိပ်ဖို့ ပျင်
အဖိုးသျှင် ဇါမှာမသိ
အဘောင်သျင် ရင်ခွင် အိပ်ဖို့ ပျင်
အဘောင်သျင် ဇါမှာမသိ
အဘုချေဇိဇိ မှိတ်လို့ စိ ။။။။။ ။။။။။
အိမ်နောက်ဖေးက မှင်းကျိုးပင်
ပုခက်ဆင်ဗျန် အိပ်ရာပျင်
အဖိုးသျှင် မျက်စိမှိတ်လို့ ထား
အဘုချေဇိဇိ မှိတ်လို့ ထား ။။။။။။ ။။။။။
နတ်သမီးတိ ကလို့ နိန်
အဇိန်ဇိန်ကေ ကလို့ နိန်
သျှိန်ဒိုင်သျှိုးလို့  လက်ခုပ်တီးကေ
ကြယ်ချေမှိ်တ်တုတ် မှိတ်တုတ်ကြယ်ချေ
မှိတ်တုတ်ကြယ်ချေ ငါရို့ ပြည်မှာ
လင်းနိန်ရေလေ လင်းနိန်ရေ ။။။။။ ။။။။။
ခိုင်အောင်ကျော် ( နယူးယောက် )
.
