ပဲခူးတိုင်းသရက်ထောင်မာ အကျည်းကျခံနီရရေ ရခိုင်သမိုင်းသုတေသီ ဆရာတော် အရှင်ပညာစာရ၏ အမှုကို ဗဟိုတရားလွှတ်တော်ကနီ ပြည်နယ်တရားလွှတ်တော်သို့ လွဲပြောင်းရန် အလားအလာရှ်ိကြောင်း ရှေ့နေနန်နီးစပ်တေ အသိုင်းဝိုင်းက ဆိုပါရေ။.
“ဒေအပတ် အတွင်းမာကြားပါရေ ၊ ဆရာတော်အမှုတွဲကို စစ်တွေမြို့သို့ ပြန်လွဲအပ်ဖို့စာကို၊ အားလုံးက စိတ်ဝင်စားနီကတ်ပါရေ၊ တချို့ကလဲ ရခိုင်ပြည်နယ် တရားလွှတ်တော်သို့ရောက်ကေ အမှုတိ ကျေအေးနိုင်ပါရေ” လို့ ဆရာတော် ဆွေမျိုးတဦးက ရခိုင်ရိုးမကိုပြောပြပါရေ။ဆရာတော်အမှုကို နေပြည်တော်အထိ အယူခံတင်သွင်းထားရာမှ ဗဟိုကနီ ပြန်လည် ရခိုင်ပြည်နယ်သို့ အမှုတွဲတိကို လွဲပြောင်းဖို့စာ ဖြစ်တေလို့သိရပါရေ။
ဆရာတော်အမှုကို လိုက်ပါဆောင်ရွက်နီရေ ရှေနေ ဒေါ်အေးနုစိန်ကမူ အယူခံတင်သွင်းမှုကို ဆက်လက်ကြိုးစားနီကြောင်း ရခိုင်ရိုးမကိုပြောပါရေ။
“ အယူခံတော့ တင်ထားပါရေ၊ ဆရာတော်မှာက အမှုငယ်တချို့ ကျခံပြီးပါဗျာယ်၊ နောက်အမှုကြီးတိရာ ကျန်ဗျာ၊ ယင်းအမှုတိကိုလဲ အယူခံတင်လားဖို့”လို့ သူက ပြောပါရေ။
ဆရာတော်ကျောင်းကို ပုသိမ်ကျောင်းက ဆက်လက်ထိန်းထားပြီးကေ လူအ၀င် အထွက်ကို လက်မခံကြောင်း ဒေသခံတိက ပြောပြပါရေ။
လက်ရှိ နေပြည်တော်က ကိုယ်တွယ်နီရေ ဆရာတော်၏ အယူခံအမှုကို ရခိုင်ပြည်နယ် တရားလွှတ်တော်ကို လွဲပြောင်းရန် အလားအလားရှိကြောင်း ဇာနိလွဲပြောင်းဖိုဆိုစာကို မပြောနိုင်သိမ့်ကြောင်း သူကဆိုပါရေ။
“အဲ -- ဆရာတော်အမှုကို ရခိုင်သို့လွဲပြောင်းဖို့လိုတော့ သိရရေ။ ယေဒါ ဇာနိဆိုစာမသိရသိမ့် ဒေ အပတ်မာလဲ ဖြစ်ချင်ဖြစ်နိုင်ရေ၊ လွဲပြောင်းဖို့အလားအလာတောရှိပါရေ” လို့ ဒေါ်အေးနုစိန်က ရှင်းပြပါရေ။
သက်တော် ၅၇ နှစ်အရွယ်ရှိ ဆရာတော်ကို စစ်တွေခရိုင်တရားရုံက ဇူလိုင်လ ၂ရရက် နိမာ စစ်တွေရဲဌာနက မာတုကာမနန့်ဖောက်ပြားရေ စွဲချက်နန့် ဖမ်းဆီးလိုက်စာဖြစ်ပြီးကေ ဆရာတော်စောင့်ရှောက်ထားခရေ မိဘမဲ့အချေတိကိုလဲ မန္တလေးနန့် မကွေးမြို့သို့ ယူဆောင်လားကြောင်း သိရပါရေ။ ကျန်ခရေ အချေတချို့လဲ စစ်တွေမြို့မာ ဒုက္ခရောက်နီရေလို့ သိရပါရေ။
ပြည်မသို့ ဖမ်းဆီးရာက ကျန်ခရေ အသက် ၁၄ အရွယ်ရှိအချေတယောက်ကရေ သူကြုံခစွာကို အခုပိုင်ပြောပြပါရေ။
“ရဲနန့်စစ်တပ်က အချေတိကိုလာယူရေ၊ တချို့သိရေ အချေတိငိုကတ်တေ။ အချေတိ အ၀တ်တိတောင် အစုံမပါလားလီ၊ တချိုကလဲ ပုန်းနီကတ်လို့လွတ်လားရေ၊ ယင်းနိ ကျနော် အမှတ်ရပါရေ၊ ကျနော်ညီချေ ညမချေတိ ရှင်ကွဲ ကွဲရရေနိ ။ ကျနော်ရိုနန့် တွိချင်မှ တွိရဖို့ယာ၊ ဆရာတော်ကိုလဲ သတိရပါရေ။ ဇာပင်ဆိုဆို ဆရာတော်ရေ ကျနော်ရိုဘာဘာပါ “လို့ သူက ရှင်းပြခပါရေ။
ယင်းအပြင် မိဘမဲ့ကလေးတချို့ကိုလဲ စစ်တွေ အရံရဲတပ်ဖွဲမှာ ခေါ်ဆောင်ထားရေပိုင် အရွယ်မရောက်ရေ အချေ ၈ယောက်ကို အမ်းစစ်တပ်မှာ ထားရေလို့ သိရပါရေ။
ဆရာတော်ရေ ရခိုင်ပြည်နယ် ကျောက်ဖြူခရိုင် ရမ်းဗြဲမြို့နယ် ခွဆုံရွာဇာတိဖြစ်ပြီးကေ ၁၉၉၅ ခုနှစ်ဝန်းကျင်ကပင် စစ်တွေမြို့ ကန်တော်ကြီးရပ်ကွက် မဟာမုနိဗုဒ္ဓဝိဟာရကျောင်းမာ ပရဟိတလုပ်ငန်းတိကို ဆောင်ရွက်ခသူဖြစ်ပြီးကေ သာသနာတော် ညှိုးနွမ်းစီမှု ပုဒ်မ ၂၉၂ အရ ထောင်ဒဏ် ၃ လ၊ ၂၉၅ အရ အလုပ်နှင့် ထောင်ဒဏ် ၂ နှစ်၊ ယုံကြည်အပ်နှံမှုကို ဖောက်ဖျက်မှု ပုဒ်မ ၄၀၆ အရ အလုပ်နှင့် ထောင်ဒဏ် ၃ နှစ်၊ နိုင်ငံခြားငွေ လဲလှယ်မှု အက်ဥပဒေ ပုဒ်မ ၂၄ (၁) အရ အလုပ်နန့် ထောင်ဒဏ် ၃ နှစ်၊ စည်ပင် အက်ဥပဒေ ပုဒ်မ ၆၈ (ဂ) စရေ ပုဒ်မတိနန် အလုပ်ကြမ်းနန့်ထောင်ဒဏ် ၈ နှစ်(၃) လ ကျခံနီရစာ ဖြစ်ပါရေ။
ဆရာတော်၏ ထောင်တွင်းကျန်းမာရေးအခြေနေကို မသိရသိမ့်ကြောင်း၊ ထောင်ဝင်စာတွိရေ အပိုင်းမာလဲ ခက်ခဲမှုတိရှိကြောင်း နီးစပ်သူတိက ပြောပါရေ။
.
