NCGUB အဖွဲ့ ဝင် ANC နာယက ALDအမတ် ဦးအောင်ထွန်းစိန်နှင့် ပတ်သတ်ဗျာလ် ALDပြည်ပ ယာယီအတွင်းရေးမှူး ဦးသန်းဖေ ကို လေးဝတီ မှ မိန်းမြန်းချက်
၂၂၊၄၊၂၀၁၁
NCGUB အစိုးရအဖွဲ့ ဝင် ၀န်ကြီး ဦးအောင်ထွန်းစိန် မှာ ဒေကန်ိန့်  မဲဆောက် က လာရေသတင်းအရ မြ၀တီဖက်ကမ်းကနိန်ပနာ ရန်သူစစ်အစိုးရပါးမှာ ဒူးထောက်လားခဗျန် လို့သတင်းကြားရပါရေ ။
(၁၉၉၀)-ခုနှစ်ပုဏ္ဍားကျွန်း မဲဆန္ဒနယ်မြီက လွှတ်တော်ကိုယ်စားလှယ် ဦအောင်ထွန်းစိန် မှာ (၂၀၀၆)- ခုနှစ် ထိုင်းနိုင်ငံဖက်ကို ထွက်လာပြီးကေ ပြည်ပတော်လှန်ရီးအဖွဲ့ တိနန့်  ပူးပေါင်း ပနာ စစ်အစိုးရကို ဆန့် ကျင်နိန်ခသူဖြစ်ပါရေ ။
(၂၀၁၀)- ခုနှစ် စစ်အစိုးရက ရွီးကောက်ပွဲလုပ်ပြီးကတည်းက ရန်သူပါးမှာ ၀င်ဖို့  လုပ်န်ိန်စွာမှာ DKBA ဗိုလ်နှုတ်ခမ်းမွှေး စောလားဘွယ်တပ်က ရွီးကောက်ပွဲန်ိန့် မှာ စစ်အ စိုးရကို မြ၀တီမှာ တိုက်ခပါရေ။ ယင်းပိုင်တိုက်ခလို့ လဲ ရန်သူပါးမှာ ဒူးထောက်လားဖို့ လူတိ မ၀င်ဖြစ် ဘဲ ဟိန့် န်ိစွာက ပြည်ပအခြီစိုက် ပြည်ထောင်စုမြန်မာနိုင်ငံ အမျိုးသားညွန့်ပေါင်း အစိုးရ ( NCGUB) ၀န်ကြီးတဦးက တော်လှန်ရီးကို သစ္စာဖေါက်ပနာ လားခရေအတွက် (၁၉၉၀)ပြည့်နှစ် ရခိုင်လူထုတိအားကိုးအားထားပြုခရေ ရခိုင်ဒီမိုကရေစီပါတီနာင့် ရခိုင်လူမျိုး တိအတွက် အဖတ်ဆည်မရအောင် သိက္ခာချလားစွာဖြစ်ကြောင်း ၀ီဖန်သံတိထွက်လာနိန် ပါရေ ။
ဦးအောင်ထွန်းစိန်ရေ ရန်သူပါးမှာ ဒူးထောက်လားရေကိစ္စနန့်ပတ်သက်လို့ ရခိုင်ဒီမိုကရေ စီပါတီ(ပြည်ပ) ယာယီအတွင်းရေးမှူးဖြစ်သူ ဦးသန်းဖေအား လေးဝတီသတင်းဌာနက ဆက် သွယ် မိန်းမြန်းကြည့်ရာ-
ဖြေ။ ဦးအောင်ထွန်းစိန်ရေ လွှတ်တော်အမတ် တယောက်ဆိုစော် ငြင်းစရာမဟိပါ မှန်ပါရေ၊ သူပြည်ပကို ထွက်လာရေ အချိန်ကပင်စလို့ (၂၀၀၈) ခုနှစ်( ၃) လပိုင်းထိ ပါတီပိုင်ဆိုင်ရာကို လွှတ်တော်အမတ်နန့်အညီ ပါတီတွင်းလုပ်ဆောင်ခစော် မဟိသလောက်လို့ ပြောလို့ရပါရေ။ ယင်းချင့်တောင်မကသိမ့်၊ ပါတီဆိုင်ရာ (ပြည်ပ)ညီလာခံကို မလေးသျားနိုင်ဂံတွင်(၂၀၀၈) ခုနှစ် မတ်လမာ ကျင်ပပြုလုပ်ရာ သူကိုမဲစနစ်အရ နာယကအဖွဲ့ဝင်ဖြစ် ရွီးချယ်လားကတ် ပါရေ။ ယင်းချင့်နောက်ပိုင်းသူရေ ရခိုင်ဒီမိုကရေစီပါတီ(ပြည်ပ)နန့် အဆက်အသွယ်မလုပ်ပဲ ကိုယ်ထင်ရာကိုယ်လုပ်နိန်သူဖြစ်တေအတွက် သူ၏လုပ်ရပ်ဖြစ်တေ ရန်သူပါးမာဒူးထောက် လားခြင်းသည် ကျနော်ရို့ ရခိုင်ဒီမိုကရေစီပါတီ (ပြည်ပ)နန့် လုံးဝ မသက်ဆိုသည့်အတွက် နစ်နာဆုံးချုံးခြင်းလည်း လုံးဝမဟိကြောင်း၊ ပါတီသည် ဒေနိန့်အချိန်ထိ နိုင်ဂံတကာရောက် ဌာနခွဲများမှာ(Internet) သတင်းကွန်ယက်ကြောင့် ဆက်လက်ရှင်သန်နိန်တောင်မက ပိုလို့ရာ ခိုင်မာကျစ်လစ်နိန် ကြောင်းဖြေ ကြားလား ပါရေ။
မိန်း။ ဦးအောင်ထွန်းစိန်ရေ မလေးရှားနိုင်ငံမှာ ပြုလုပ်ခရေ (ANC) ညီလာခံသဘာပတိ ဖြစ်ပြီးကေ လွန်ခရေ (၃)-လလောက်ကလည်း သဘာပတိဖြစ်သူ ဦးပဒီးဖြူက ဒူးထောက် လားခပြီးကြောင်းသိရပါရေ။ ယင်းချင့်နန့်ပတ်သက်လို့ ဇာပိုင်မြင်ပါလဲလို့ မိန်းကြည့်ရေခါ-
ဖြေ ။ အထက်ကလူတိဒူးထောက်လားလို့ ရခိုင်အမျိုးသားကောင်စီ(ANC) ဆိုစော်သိက္ခာ ကျလားခြင်းမဟိပါ။ အစွာဖြစ်လို့လဲဆိုကေ ထိုင်းမြန်မာနယ်စပ်မာ အခြီချလုပ်ကိုင်နိန်ရေ လက်ဟိ (ANC) အတွင်းရေးမှူး တာဝန်ကိုထမ်းဆောင်နိန်သူ ၊ရခိုင်ကျောင်းသားလူငယ်အဖွဲ့ (AASYC)မှ ကိုထွန်းဇော်က တိုင်းရင်းသားလူမျိုးများကောင်စီ(ENC)နန့် လက်တွဲပနာ နိုင်ဂံရေး ကိစ္စ အ၀၀ကိုလုပ်ဆောင်နိန်ရေအတွက် ရခိုင်ပြည် အမျိုးသားကောင်စီအတွက် နစ်နာဆုံး ချုံးခြင်းမဟိလို့ ဖြေကြားလားပါရေ။
မိန်း။ ဦးအောင်ထွန်းစိန်ရေ မလေးရှားနိုင်ငံမှာပြုလုပ်တေညီလာခံက တင်မြှောက်ခရေ (ANC) သဘာပတိ မဟုတ်ပါလားလို့မိန်းရေခါ-
ဖြေ။ ရခိုင်အမျိုးသားကောင်စီ(ANC)ကို ကိုယ်စားလှယ်လားရေခါ၊ ရခိုင်ဒီမိုကရေစီပါတီက ဥက္ကဌ၊ အတွင်းရေးမှူး နန့် လိုအပ်ကေ ဗဟိုကော်မီတီဝင်တယောက်ယောက်ရာ လားရပါရေ၊ ဦးအောင်ထွန်းစိန်ရေ (၂၀၀၈) ခုနှစ် ပါတီညီလာခံက သူ့ကိုနာယကအဖွဲ့ဝင်ဖြစ် ရွီးချယ်ထား သူဖြစ်ပါရေ၊ ယေဇုနန့် သူ့မာ(ANC)သို့ ကိုယ်စားလှယ်လားပိုင်ခွင့် မဟိစော်ကတကြောင်း၊ နောက်ပြီး ကိုညီညီလွင်သည် ရခိုင်အမျိုးသားကောင်စီ(ANC)က (၂၀၀၆) ခုနှစ်က တည်းက တရားဝင် နှုတ်ထွက်ထားပြီးသား လူတယောက်ဆိုစော်ကိုမမိသင့်ပါ၊ မိမိဆန္ဒအလျောက်နှုတ် ထွက်ထားရေ လူတယောက်က ရခိုင်ပြည်အမျိုးသားညီလာခံကို ခေါ်ပိုင်ခွင့်မဟိပါ၊ ယင်းပိုင် အကြောင်း ကြောင်း လွှတ်တော်အမတ် ဦးအောင်ထွန်းစိန်သည် ရခိုင်ပြည်အမျိုးသားကောင်စီ (ANC)၏ သဘာပတိတယောက် မဖြစ်မြောက်ဟု ဖြေကြားလားပါရေ။
မိန်း။ နောက်ဆုံး ပြည်သူကိုဇာပိုင်မှာကြားချင်ပါရေလဲ?
ဖြေ။ ရခိုင်ပြည်သူပြည်သားတိကို ပြောကြားလိုသည်မှာ “ရခိုင့်ကြံကြမ္မာကို၊ ရခိုင်သားဖန်း တီးနိုင်အောင် နိုင်ရေဖက်က ၀ိုင်းဝန်းလုပ်ဆောင်ဂတ်ဖို့၊ ရန်သူပါးမာ ယောက်စပေါက်စဒူး ထောက်လားစော်ကို စိတ်မပျက်ပဲ ဆက်လက်ကြိုးစားဂတ်ပါ”လို့တိုက်တွန်းလားကြောင်း လေးဝတီသတင်းဌာနသတင်းရဟိပါသည်။-
အခုပိုင်စိတ်ရှည်ရှည် နန်ဖြေပီးရေ ALD ယာယီအတွင်းရေးမှူး ဦးသန်းဖေ ကို လေးဝတီမှ ကျေးဇူးတင်ပါရေ နောက်နောင်ကိုလည်း တိုင်ပြည် နန့် လူမျိုးအကျိုး ကိုဒေထက်ပို ဗျာလ်လုပ်နိုင်ပါဇီ လိုဆုတောင်းလိုက်ပါရေ။
လေးဝတီ
