ရွှီခိုင်မြီသည် ၊ စည်စည်ပင်ပင်
ပပြုံးရွှင်ဗျာန် ၊ ကြိုင်လင်ချမ်းမြ
အီးကြှို်င်လှချင့် ၊ ပိတောက်ပွင့်ရို့ 
ခက်နှာင့်ညီညီ ၊ ရနံ့လီဖြန်း
ငုရွှီပန်းခိုင် ၊ ပင်ချင်းမြိုင်၍
လည်တိုင်ကြော့ရှင်း ၊ ယမင်းသူဇါ
ဆင်းသွင်ခါပြုံး ၊ နှလုံးပျော်မွိ
အီးချမ်းဘိသည် ၊ ဂိမာန်နွီပြောင်း
ရက်သစ်လောင်းသော် ၊ ညစ်ဟောင်းခန္ဓာ
သန့် စင်ဗျာလ်သို့ ၊ စိတ်မှာရွှင်မြူး
သောသောရှူးနာင့် ၊ သင်္ကြန်ခါတွင်
ဘ၀င်ရွင်သည် ၊ ရပ်ခွင်အီးချမ်း သာဘိတောင်း ။။ ။။။။။။
ဓည၀တီ ၊ တိုင်းဌါနီလည်း
ရွှီပန်းရွှီပေါက် ၊ ရနံ့ လှောက်ယင်း
ပန်းကောက်သည့်သူ ၊ ကိုလူပျိုချေ
မဏ္ဍပ်လည်ပြီး ၊ ရွှီရည်တွဲလက်
မျှော်လင့်ချက်နာင့် ၊ ပင့်သက်ချဗျာန်
ရီလောင်းဟန်ရို့  ၊ ယိုင်ကျေးလို့ ရာ
ကပို့ ကရို ၊ အမိကိုချောင်း
ဖကိုချောင်းကြည့် ၊ လက်လှည့်ပိုင်ညာ
ဇါခါမသိ ၊ ပန်းပီးမိယင့်
ပြုံးသိပြုံးသွင် ၊ မောင်ကြီးရှင်မှာ
ရဗျာန်လားကေ ၊ ဖလားခွက်တွင်
ရီစက်မြင်သည် ရင်မှာဆူဘိ လွန်ဘိနှောင်း ။။ ။။။။။
ရွှီပြည်ရွှီမြို့ ၊ ရွှီနန်းသို့ နာင့်
ရွှီနန်းသခင် ၊ ဆင်ယင်ကျင်းခ
အတာလမှာ ။ မေတ္တာ့ရီစင်
ပြည့်ရွာပင်ဖြန်း ၊ ငြိမ်းချမ်းလန်းယင့်
နှောင်းအတိတ်လည်း ၊ အရိပ်ပိုင်ရာ
ထပ်မလာကေ့ ။ ၀ီးဗျလ်ကင်းကွာ
ဓညမြီသည် ၊ ရွှီပြည်သာစွ
ဟိန့် စီခချင့် ၊ ဆန္ဒပြည့်ယောင်
ဆုတောင်းဇေါင်နာင့် ၊ ဦးသျှောင်ညွတ်ကျ
ဆယ်လက်ခဖူး၊ ဦးခိုက်စူး၍
ရွှင်မြူးစိတ်မှာ ။ သင်္ကြန်ခါတွင်
ရီးချမ်းဆက်သည် ငြိန်ဗျာန်အီးဘိ နိန်ဘိတောင်း ။။။ ။။။။။
ခိုင်အောင်ကျော် ( နယူးယောက် )
