ရခိုင် လူမျိုးတိ ဂနိ ဖြစ်ပျက်ကြုံတွိ့ နိန်ရေ အခက်အခဲနန့် အနာဂတ် ရခိုင်လူမျိုးတိလုပ်ကတ်ရဖို့ လေး ဆိုစာကို အမေရိက နိုင်ငံ မှာနိန်ထိုင်ရေ ရခိုင်ခေါင်းဆောင်တစ်ဦးဖြစ်တေ ဦးခိုင်အောင်ကျော်ကို ကြုံတောင့်ကြုံခဲ လေးဝတီမှ ရခိုင်အရေးနန့် ပတ်သတ်ဗျာလ် အင်တာဗျူးလုပ်ခွင့် ရဟိခပါရေ။
အခင်ကြီး မင်္ဂလာနှစ်သစ်ပါ.....
မိန်း။ ။အခင်ကြီး လက်ရှိ ရခိုင်နိုင်ငံရေးကို တစိတစောင်းရှင်းပြပီးစီချင်ပါရေ။
ဖြေ။ ။။ လက်ရှိ ရခိုင်လူမျိုးနန့် နိုင်ငံရီးကို တစိတစောင်း ရှင်းပြပီးပါဆိုရေ မီးခွန်းက .ကျွန်တော် ဖြေချင်ရေ ဆန္ဒဟိန့် ရေ မီးခွန်း တခုဖြစ်နိန်ပါရေ။ ယေဇူးနာင့် ကျေးဇူးတင်ပါကြောင်း ပထမဆုံး ပြောလိုက်ပါရစီ။ ဒေချင့်မှာ ရခိုင်လူမျိုးဆိုစွာ ရခိုင်နိုင်ငံတော်က ရခိုင်လူမျိုး ဖြစ်စွာကို ပထမပြောချင်ပါရေ။ ရခိုင်သမိုင်းရာဇ၀င်တိမှာ ဘုရင်မင်းအဆက်ဆက်သုံးနှုံးထားရေ ဝေါဟာရစကားက ရခိုင်လူမျိုး ဖြစ်တေစွာကို တွိကတ်မြင်ကတ်ရပါဖို့ ။ အင်္ဂလိပ်သမိုင်း သုတေသီ စာရီးဆရာတိ ပြုစုထားရေ ရခိုင်လူမျိုး အကြောင်းတိနာင့် ပါတ်သက်လို့  ရီးနိန်ရေစာပီတိမှာလဲ ရခိုင်လူမျိုးပါလို့  ရီးထားစွာကို တွိကတ်မြက်ကတ်ပါလိမ့်မေ ။ ယေကေ ရခိုင်လူမျိုးလို့  အခုခေတ်မှာ မျက်မှောက်ခေတ်မှာ ရခိုင်မျိုးဆက်သစ်တိ ရီးရသားရ အသုံးအနှုံးလုပ်ရဖို့  မဟုတ်ပါလားယေ။ နောက်တခုက ရခိုင်နိုင်ငံတော်နာင့် ပါတ်သက်လို့  အင်္ဂလိပ်တိက မြန်မာနိုင်ငံကို လွပ်လွပ်ရီးပီးခရေအခါ ရခိုင်လူမျိုးတိမှာ နိုင်ငံရီးသမားတိက အလှပလှမှားလားခလို့  (သဘောတရားမှားလားခလို့ ) အင်္ဂလိပ်တိက ဂတိစကားမတည်ခလို့  ဖြစ်တေပိုင် အောက်သားတိနာင့် ပေါင်းမိခီစွာမှာ ယင်းပိုင်လွပ်လွတ်ရီး ရလားရေအခါ ရခိုင်နိုင်ငံဆိုစွာ စုံးစုံးမြုပ်လားခစွာပါရေယေ။ ဇာဖြစ်လို့ ဆိုကေ ရခိုင်ငံရီး သမားတိ တော်လှန်ရီးသမားတိက အောက်သားတိနာင့် အင်္ဂလိပ်တိကို တော်လှန်ရီး အတူတူ လုပ်ခရေအခါ ရောပနာလုပ်နိန်ခပြီးကေ အောက်သားတိနန့်ရောပနာ ၀န်ကြီးရာထူးတိကိုလားလို့ ယူလားခကတ်ပါရေဒေ။ ယင်းချင့်ကြောင့် ရခိုင်နိုင်ငံတော်မှာ အလှပလှပျောက်လားခစွာ အခှဆိုကေ နှစ်ပေါင်း-၆၃- နှစ် ဖြစ်န်ိန်ပါရေဒေ။ ဒေချင့်က ရခိုင်နိုင်ငံနန့် ရခိုင်လူမျိုးရို့တိ လက်ငင်းခံစားနိန်ရရေ နိုင်ငံရီးမကောင်းဆိုးဝါး ပြသနာဒိဋ္ဌ ခံစားနိန်ရစွာဖြစ်ပါရေ။
မိန်း။ ။လက်ရှိကြုံတွိ့ နိန်ရေ ရခိုင့်သွီးစည်း မညီညွတ်ရေးပြသာနာကို ဇာပိုင်ဖြီရှင်လားကေ အောင်မြင်မှူးရနိုင်ပါဖို့လေး?
ဖြေ ။ ။ရခိုင်လူမျိုးသွီးစည်းရီး မညီညွတ်စွာတိနနန့် ပါတ်သက်လို့  ဇာပိုင်ဖြေရှင်းလားကေ အောင်မြင်မူ ရနိုင်ပါဖို့ လေးလို့  မီးခွန်းကအမှန်ပင်ရခိုင်လူမျိုးတိက သွီးစည်းညီညွတ်၇ီးကို လိုချင်ပါယင့်လားလို့  မီးရဖို့ထင်ပါရေ။ ဒေပိုင်မီးကတ်ပြောကတ်တေအခါ လက်ဟိန့်ရခိုင်ငံရီးလောကနန့် တော်လှန်ရီးလောကကပါမကျန် ဒေပိုင်စကားကိုလျှာရေတမြားမြားနန့် ပြောကတ်စွာတိကိုတွိဖူးပါရေ။ မြင်ဖူးပါရေ။ ပထမအချက်က ရခိုင်နိုင်ငံရီးလောကကပုဂ္ဂိုလ်တိကို မျိုးဆက်သစ်ကလေချေတိက စာတတန်ပီတတန်တိရီးပနာ ၀ီဖန်ထောက်ပြနိန်ကတ်စွာကိုတွိရပါရေ။ ယေကေ ယင်းပုဂ္ဂိုလ်တိက ငါရို့ ကို ၀ီဖန်နိန်ဗျန်။ ရှက်ကောင်းထမန်းဖြစ်န်ိဗျန်၊ နိုင်ငံရီးလောကက ထွက်ပီးလိုက်ရဖို့ဗျန်လို့  သိတတ်ရပါဖို့ ။ ဇါဖြစ်လို့ ဆိုကေ-ယင်းပုဂ္ဂိုလ်တိကပင် စည်းလုံးကတ်ပါ၊ညီညွတ်ကတ်ပါ ဆိုစွာကို ကောင်းကောင်းပြောကတ်တေအတွက် မစည်းရုံးကတ်နိုင်၊မညီညွတ်ကတ်နိုင်စွာမှာ ဒေပိုင်ပုဂ္ဂိုလ်တိကြောင့်ဖြစ်တေလို့ ဝီဖန်နိန်ကတ်စွာ တွိနိန်ရလို့ပါဒေ။ မျိုးဆက်သစ်ကလေချေတိက ယင်းပုဂ္ဂိုလ်တိကို "မျိုးချစ်"လို့ စီသုံးကတ်ပါရေ။ ကျွန်တော်က မသုံးချင်လို့ ဒေပိုင် ပုဂ္ဂိုလ်ဆိုပနာ သုံးစွာကို နားလည်ကတ်ဖို့ ထင်ပါရေ။ မျိုးဆက်သစ်ကလေချေတိက ကောင်းကောင်းပင် စာတိရီးနိန်ကတ်စွာတိမြင်နိန်ရပါရေ ။ တွိနိန်ရပါရေ။ သူရို့ မှာ ခေါင်းဆောင်လိုနိန်ပါရေဒေ။ ယေဇူးနာင့် နိုင်ငံရီးလောကကပုဂ္ဂိုလ်တိက မျိုးဆက်သစ်ကလေချေတိက၀ီဖန်ရေအတိုင်း မစည်းရုံးနိုင်၊ မညီညွတ်နိုင်အောင် လုပ်န်ိန်ကတ်ကေ နိုင်ငံရီးလောကက ထွက်ပီးဖို့ လိုပါရေ။ တော်လှန်ရီးလက်နက်ကိုင် အဖွဲ့ဆိုစွာမှာလဲ အမှန်ပင်ရခိုင်ငံတော်အတွက် အသက်ကိုစွန့်ပနာ လုပ်နိန်ကတ်စွာလား။ ယင်းပိုင်လုပ်နိန်ယင့်သားနာင့် ဇာဖြစ်လို့  ရခိုင်လူမျိုးတိက မကြိုက်နှစ်သက်ဖြစ်နိန်ကတ်ရလေ။ ယင်းပိုင်မကြိုက်ကေ ယင်းတော်လှန်ရီးလက်နက်ကိုင်အဖွဲ့ကို ဦးဆောင်န်ိန်ရေလူတိကစိုင်းစားပနာ ရခိုင်လူမျိုးအကျိုးကို ဦးထိပ်ထားပနာ တော်လှန်ရီးလောကက နုတ်ထွက်ပီးလားဖို့ လိုပါရေ။ ဒေပိုင်စွာမျိုးကို လုပ်လားနိုင်ကတ်ကေ ရခိုင်လူမျိုးတိမှာ သွီးစည်းရီးတိ ညီညွတ်ရီးတိ ဖြစ်လားပါဖို့ လို့ မြင်ပါရေဒေ။ ဇါဖြစ်လို့ ဆိုကေ မိဖမကောင်းလို့  သားသမီးတိခေါင်းမှာ ဖြစ်နိန်ရေပြသနာမဟုတ်ပါလားယေ။
မိန်း။ ။မလေးရှားက ရခိုင်အဖွဲ့အစည်း ပေါင်းစည်းရေးအပေါ်မှာ အခင်ကြီးဇာအကြံပြု ပြောချင်ပါလေး။
ဖြေ ။ ။ မလေးရှားက ရခိုင်အဖွဲ့ အစည်းတိ ပေါင်းစည်းရီးဆိုစွာ အလှပလှလိုစွာပါကားယေ။ ပထမဆုံးစိုင်းစားဖို့ စွာက မလေးရှားမှာဖွဲ့ စည်းထားရေ ယင်းပုဂ္ဂိုလ်တိမှာ တခါတည်းတချိန်တည်း မလေးရှားနိုင်ငံမှာ ဖန်ဆင်းလိုက်လို့  ဗြုံးကနဲ ပေါ်လာကတ်တေ အဖွဲ့ မဟုတ်စွာကို နားလည်ထားဖို့လိုပါရေ။ ကိုယ့်နည်းကိုယ့်ဟန်နန့် ရောက်လာကတ်တေ လူတိပါရာကားယေ။ လူဆိုစွာက သီးခြားနိန်လို့ မရရေ သတ္တ၀ါဖြစ်တေအတွက် ယဉ်ကျေးရေကမ္ဘာမှာလူမူအဆောက်အအုံ လူစုလူဝေးနန့် အုဌ်နန့်ကျင်းနန့် နိန်ကတ်စွာပါကားယေ။ ယင်းအတွက်တာနာနင့် အုပ်စုနန့်နိန်ကေ ရန်သူတိက မနှောင့်ယှက်နိုင် အန္တရာယ်မပြုနိုင် ဖြစ်ပါရေဒေ။ ယေဇူးနာင့် မလေးရှားနိုင်ငံမှာ ရခိုင်လူမျိုးတိက တခုတည်း တဖွဲ့ တည်း တစုတည်း နိန်ရဖို့ စွာပါရာ။ အဖွဲ့ ဖွဲ့ထားလို့ လူဦးရေ များလာလို့ရံပုံငွေစုဆောင်းရရှိစွာများလာလို့ ၊ အင်အားနည်းရေလူအုပ်စုနာင့် မပေါင်းစည်းနိုင်၊ ရံပုံငွေနည်းရေလူအုပ်စုအဖွဲ့ နာင့် မပေါင်းစည်းနိုင် ဆိုစွာမျိုးမှာ မဖြစ်သင့်လို့ ထင်မြင်ပါရေ။ဇာဖြစ်လို့ ဆိုကေ အဖွဲ့အစည်း၏ တာဝန်ခံနိန်ကတ်တေ လူတိုင်းမှာ တချိန်ခါ တတိယနိုင်ငံကိုထွက်လားရဖို့  ဖြစ်တေအတွက် "ငါ့အဖွဲ့ မှ ငါ့အဖွဲ့ ၊ ပေါင်းစည်းစရာမလို "လို့ ပြောလို့ မရနိုင်ဘဲယင်းလူပုဂ္ဂိုလ် တတိယနိုင်ငံကိုလားဖို့ စွာပါကားယေ။ နောက်တခုကရခိုင်နိုင်ငံက ရခိုင်လူမျိုးတိမှာ နောက်ထပ်ရခိုင်နိုင်ငံက ထွက်လာကတ်ကေ တခုတည်းသော ရခိုင်လူမျိုးအဖွဲ့  ဖြစ်နိန်ကေ ကမ္ဘာ့ကုလသမဂ္ဂလက်အောက်ခံ ဒုက္ခသည်များဆိုင်ရာ မဟာမင်းကြီးရုံးကလဲ အသိအမှတ်ပြုစွာ ခံနိန်ရပါဖို့ဒေ။ ယင်းချင့်က ညီညွတ်ခြင်းသည် အင်အားလို့  ပြောစွာမဟုတ်ပါလားယေ။ အင်အားဟိန့် ကေ ဇာချင့်ကိုမဆို တိုက်ပွဲတိုင်းမှာနိုင်နိုင်ပါရေ။ ထင်းတချောင်းကို ချိုးလို့ရကေလဲ ထင်းစည်းအများကြီးကို လူတိချိုးလို့ မရပါကားယေ။
မိန်း။ ။ရခိုင်နိုင်ဂံနန့် ရခိုင်လူမျိုးရို့ အနာဂတ် လွတ်မြောက်ဖို့အတွက် ဇာပိုင်လုပ်ဆောင်လားပါဖို့ လေး။
ဖြေ ။ ။ ရခိုင်ငံနာင့် ရခိုင်လူမျိုး အနာဂတ်လွပ်မြောက်ရီးအတွက် ဇာပိုင်လုပ်ဆောင်လားရဖို့လေး ဆိုစွာမှာနှစ်ပိုင်းဟိန့် ပါရေ ။ ပထမအချက်က အကြမ်းမဖက် နိုင်ငံရီးနည်းကိုသုံးဖို့လိုပါရေ။ ယင်းပိုင်သုံးဖို့ အတွက် နိုင်ဂံရီးလောကကပုဂ္ဂိုလ်တိကို ဖြီရှင်းဖို့လိုပါရေ။ ပြည်တွင်းမှာ ဟိန့် နိန်ရေ ကျွန်ဖြစ်နိန်ကတ်တေ ရခိုင်လူမျိုးတိက သူရို့  တခုချေလဲ ပြောလို့ ဆိုလို့  မရနိုင်စွာမှာ ပြည်ပမှာဟိန့် နိန်ရေ နိုင်ငံရီးလောကက ရခိုင်လူမျိုးလို့  သတ္တိရှိရှိနန့် ပြောဝံ့ဖို့လိုပါရေ။ မပြောဝံ့ကေ နိုင်ငံရီးလောကထွက်လားစီရပါဖို့ ။ ရခိုင်နိုင်ငံတော်လို့ ပြောဝံ့ရပါဖို့  ။ မပြောဝံ့ကေ နိုင်ငံရီးလောကထွက်လားစီရပါဖို့  ။ ယင်းပိုင်ပြောလာကတ်ဖို့  စွာမှာ မျိုးဆက်သစ်ပညာတတ်ကလေချေတိက အများကြီးပေါ်ထွန်းဖို့ လိုပါရေ။ အမေရိကန်နိုင်ငံ နယူးယောက်မြို့  မှာ ကိုလိုနီဖျက်သိမ်းရီးကော်မီတီဟိန့် ပါရေ။ ယင်းကော်မီတီမှာ ရခိုင်လူမျိုးပညာတတ်မျိုးဆက်သစ် ကလေချေတိ အယောက် -၅၀- လောက်ရာ ဆန္ဒပြဖို့  ၊ တွေ့ ဆုံတောင်းဆိုဖို့  ရောက်လာနိုင်ရေဆိုကေ ရခိုင်နိုင်ငံတော်လွပ်မြောက်ရီးရလားဖို့ စွာ ကောင်းကောင်းလွယ်လားပါဗျန်ယေ။ နောက်တခုးက-လက်နက်ကိုင်တော်လှန်ရီး ဖြစ်ပါရေ။ ယင်းပိုင်ရခိုင်နိုင်ငံတော်လွ့ပ်မြောက်ဖို့ အတွက် လက်နက်ကိုင်တော်လှန်ရီးမှာ လက်နက်အင်အား စုဆောင်းနိုင်ဖို့ နာင့် လူအင်အားစုဆောင်းနိုင်ဖို့  ရိက္ခစုဆောင်းထောက်ပံ့ပီးနိုင်ဖို့  စွာနာင့် ကြိုးစားပနာ လုပ်ကိုင်ကတ်ဖို့လိုပါရေ ။ ဒေပိုင်နည်းနှစ်မျိုးကို သုံးမှရာတနိန့် ခါ ရခိုင်ငံတော် ကျိန်းသီလွပ်မြောက်လားဖို့ဖြစ်ပါရေ။
မိန်း။ ။ရခိုင်ပြည်သူတီကို အခင်ကြီးအနိန်နန့် ဇာအမှာစကားပြောချင်ပါလေ။
ဖြေ ။ ။။ ဒေမျက်မှောက်ခေတ်မှာ ကျွန်တော်ရို့က ကမ္ဘာ့ကုလသမဂ္ဂရုံးရှေ့မှာ ရခိုင်နိုင်ငံတော်ကို ကိုလိုနီဖျက်သိမ်းပီးဖို့ တောင်းဆိုဆန္ဒပြခြီပါဗျန်။ နိုင်ငံတကာမှာ ရောက်နိန်ကတ်တေ ရခိုင်လူမျိုးတိကလဲ အချိန်ရသရွိယင်းပိုင် ဆန္ဒထုတ်ဖေါ်ပီးဖို့လိုပါရေ။ ရခိုင်နိုင်ငံတော် လွပ်မြောက်ရီးအတွက် စိတ်ဆန္ဒဟိန့် ခကတ်ကေ တယောက်ကိုတယောက် အခြင်းပြောနိန်စွာတိ။ အမိအဖထက်၊အဖိုးအဖီးထက်ကြီးရေ ရခိုင်လူကြီးတိကို အားမနာမဆဲကတ်ဖို့ စွာတိ။ ရခိုင်လူမျိုးပါလို့  ပြောနိန်ကတ်ဖို့  စွာတိကို လုပ်ပီးကတ်ဖို့ တိုက်တွန်းချင်ပါရေ။ ကျွန်တော်ပြောစွာ မေတ္တာရပ်ခံစွာထဲမှာ ရခိုင်လူမျိုးတိ မလုပ်နိုင်စရာ တခုချေလဲ မပါပါကားယေ။ အခြင်းမပြောကေမရပါလား။ ရပရေနားရာ။ လူကြီးတိကို မဆဲကေမရပါလား။ အားမနာမပြောကေမရပါလား။ ရပါရေနားရာ။ ရခိုင်လူမျိုးပါလို့ ပြောကေ မရပါလား။ ရပါရေနားရာ။
ယင်းလောက်ရာ ပြောကြည့်ကတ်ပါ။ရခိုင်လူမျိုးတိအတွက် ရခိုင်နိုင်ငံတော်လွပ်မြောက်ရီးအတွက် မျိုးဆက်သစ်ကလေချေတိက ရခိုင်နိုင်ငံရီးသမားကြီးတိက ရခိုင်နိုင်ငံရီးလောက မနှင်ထုတ်သမျ
ကျွန်တော်ရို့ က သီအောင်အထိ သမိုင်းကပီးရေတာဝန်ကို ထမ်းဆောင်လားပါဖို့ လို့  ပြောလိုက်ပါရစီ။ ဦးခိုင်အောင်ကျော် - ရခိုင်နိုင်ငံရီးလောကမှာ မလိုဗျန်လို့  တခွန်းချေရာ ၀ီဖန်စာရီးပီးပါ။ ရီးရေအခါ နာမည်အမှန်နာင့် ဇာမြို့ က ဆိုစွာနာင့် ဇာနိုင်ငံ က တယ်လီဖုံးနံပါတ်တိကို ဖေါ်ပြပီးကေ ၀ီဖန်လိုက်ပါ။ ချက်ချင်း ရခိုင်နိုင်ငံရီးလောကက ထွက်လားဖို့  အဆင်သင့် ဟိန့် ပါရေ ။ ရခိုင်နိုင်ငံရီးလောကက လူတိ တော်လှန်ရီးလောကကလူတိကိုလဲ ကျွန်တော် မေတ္တာရပ်ခံလိုက်ပါရစီ ။ အားလုံးကို ကျေးဇူးတင်ပါရေ ။
