သံဇကာထဲက လွပ်လွပ်နိန်သောအပြုံးတိကို ကျော်ဖြတ်ခြင်း
သိတော့ သိပါရေ။
ဇါပင်ဖြစ်ဖြစ် ။
ခက်နိန်စွာက အသက်ရှူရစွာကိုပင် မလွယ်ဗျန်လို့ ထင်ရေ။ ဗြုံးကနဲ နှလုံးရပ်လားလီဖို့ လား မသိ။ စိုးရိမ်စွာကတော့ အမှန်။ ကိုယ်ကိုယ်တိုင်က သီရာပါလားဖို့  ဇါတိ လုပ်ထားခဗျန်လေမသိ။ ဆုံးဖြတ်ပီးဖို့ စွာက တမလွန်ဘုံမှာ ။ ခုတော့
ဆရာတော် သင်္ဃာတော်မြတ်တိနာင့် စကားပြောဖြစ်ကေ တရားသီလ ဆောက်တည်ဖို့  ဘုန်းကြီးကျောင်းကန်လားဖို့  ကုသိုလ်ဒါနလုပ်ဖို့  ပြောပြမိန့် မြွက်ကတ်ပါရေ။ . ယင်းချင့်တိလဲ လုပ်ဖြစ်ပါရေ။ ကျွန်တော်နိန်စွာ အမေရိကန် နိုင်ငံ နယူးယောက်မြို့ မှာ ရခိုင်ဘုန်းကြီးကျောင်းက တကျောင်းတည်းရာ ဟိန့် ပါရေ။ ယင်းကျောင်းကို ဆရာတော်အသျှင်နာယာကက ဦးစီးပနာ ကျောင်းမှာ သီတင်းသုံးတော်မူပါရေ။ နိန့်ကြီးရက်ကြီး တိနာင့်ကျခါမှ အလှူအတန်းလုပ်ကတ်ဗျန်ဆိုကေ ဆရာတော်ရို့ နာင့် သီလယူစွာတိရာ ဟိန့် ပါရေဒေ။ တမင်ကလာ ကျောင်းကိုလားပနာ သီလယူဖို့  ဥပုဒ်စောင့်ဖို့ ဆိုစွာမျိုးက မလုပ်နိုင်ပါကားယေ။ ယင်းချင့်တိကြောင့် ကိုယ်ရို့  ရခိုင်နိုင်ငံက စရိုက်ဓလေ့တိနာင့် မတူရေအခါ ကိုယ်ယူထားရေ ဘာသာတရားအလှူတိက ကိုယ်သီရေအခါ ပါလားဖို့ လားလို့  စိုးရိမ်တကြီး စိတ်ထဲမှာ ပေါ်မိပါရေ။ မတတ်နိုင်ပါဗျန်လေ။ ဘုန်းကြီးကျောင်းနာင့်လဲ အပါးချေ မဟုတ်ရေအခါ တရားရိပ်-ဓမ္မရိပ်- သာသနာရိပ်ကို မခိုလှုံဖြစ်ကေလဲ စိတ်ထဲမှာတော့ ငါးပါးသီလလုံအောင် ဟိန့် နိန်တတ်ပါရေ။
ယေကေလဲ စိတ်ထဲမှာတော့ ကောင်းကောင်းကြီနပ်စွာတော့ မဟုတ်ပါနန်း ။ ယေဇူးနာင့်လဲ တခုခုဖြစ်ဗျန် ဆိုပါကေ ချက်ချင်းစိုင်းစား ပလိုက်စွာက ငါသီလားခကေ ငါ့နာင့်အတူ ဇါပါလားဖို့ လဲ စိုင်းစားမိစွာမဟုတ်ပါလားယေ။ အသက်အရွယ်က စကားပြောလာနိန်ပါဗျာန်ကာ ။ ယေခါ ကျွန်တော်ကတော့ တမလွန်ဘ၀မှာ မမြင်ရသိစွာနာင့် စိုးရိမ်နိန်စွာကို ဖြီသိမ့်နိုင်ဖို့့ အတွက် ကိုယ့်လူမျိုးတိအဖို့  တခုခုလုပ်ပီးခဗျန်လားလို့  စိုင်းစားမိပါရေ။ ယေကေ ကျွန်တော် ကြေနပ်ချင်မိပါရေ။ တခုခုအတိုင်းအတာနာင့် ကျွန်တော်က သမိုင်းပီးတာဝန်တခုကို ထမ်းနိန်ရေလို့  ထင်မိလာပါရေ။ ယင်းချင့်ကြောင့် ကျွန်တော့်နောက်မှာ ဆဲသံတိ မပါလားဖို့  ထင်ပါရေ။ တမလွန်ဘ၀မှာ နောက်ဘုံတဘုံမှာ ဇါပင်ဖြစ်ဖြစ် ကျွန်တော်မစိုးရိမ်ချင်။
ဇါဖြစ်လို့ ဆိုကေ သမိုင်းမှာ ကျွန်တော်အဆဲ မခံချင် ။ ကျန်ရစ်ခရေ လူတိ မျိုးဆက်သစ် လူသားတိ၏ အဆဲကို မခံချင်။ အဆဲလည်း ခံဖို့  မဟုတ်။
ဟုတ်ပါရေ ။ ကျွန်တော်လုပ်နိန်စွာက သမိုင်းမှာ အဆဲခံရဖို့  လုပ်နိန်စွာ တခုကား မဟိန့်  ။ မမြင်မသိနိုင်ရေ တမလွန်ဘ၀မှာကျွန်တော် ဇါပင်ဖြစ်ဖြစ် ကျွန်တော့်ထိုက်နာင့် ကျွန်တော် ဟိန့် ပါလီစီ ။ လူ့ လောကမှာ ကျန်ရစ်ခရေ ရခိုင်လူမျိုးတိက လှမ်းပနာ ဆဲနိန်စွာမျိုးကို ကျွန်တော် မလိုလားချင်။
ယေဇူးနာင့် သိတော့ သိပါရေ ။
ယင်းအတွက်တာနာင့် ဗေဒင်တိကို မတွက်လိုက်ချင်ပါဗျန့်။ သွီးကိုလဲ မတိုင်းချင်။ သွီးတိုးနိန်လား သွီးကျနိန်လား ။ ကျွန်တော်ဂရုမစိုက်ချင်။
စိတ္တဇ ရင်မကြီနာ သမားဖြစ်တေ ကျွန်တော်က စိတ်ဓါတ်မခံနိုင်လို့  ပါရာ ။ လူဆိုစွာက သီလားဖို့  စွာကို ကြောက်စွာပါရာဒေ။ မွီးတန်ိန့်  သီတနိန့် လို့  ပြောကတ်ကေလဲ ကြုံလာဗျန်ဆိုကေ သွီးပျက်ပနာ ဖြစ်လာတတ်တေ မဟုတ်ပါလားယေ။
ကျန်းမာရီးချို့ ယွင်းလာလို့ ဆိုကေ ဆီးစားဆီးထိုး လုပ်ကတ်တေ မဟုတ်ပါလား။ သီမင်းနာင့် စစ်ခင်းကတ်တေ အချိန်မှာ သက်လုံကောင်းဖို့  ကြိုးစားကတ်တေ မဟုတ်ပါလား။
ကျွန်တော်ကတော့ သက်လုံကောင်းအောင် ကြိုးစားထားစွာ ဟိန့် ပါရေ ။
ယင်းချင့်ကတော့ ရခိုင်လူမျိုးတိနာင့် ပါတ်သက်လို့  ကျွန်တော် ဇါလောက် လုပ်လုပ်ပီးခဗျန်လေ ၊ ဆိုစွာကိုပါ ။။။
မျိုးဆက်သစ်ကလေချေတိက တေးခင်းတိ ဆိုနိန်ကတ်ပါရေထော။ ကာလတခုက ကောင်းကောင်းကြီးတိုးတက်လာရေအခါ အရုပ်တိပါမြင်ရလာစွာနာင့် လှုပ်ရှားနိန်စွာတိပါ ကြည့်နိန်ရရေအခါ အယင်က အသံနာင့်ကြားခရရေ တေးခင်းတိကား အခုမှ ပီပီပြင်ပြင် သဘာဝကျလာကတ်ပါစွာ မနား။ ယေကေ ရခိုင်ရှင်ဘုရင်ရို့  ထီးနန်းဥကင် ချက်ကြွီမြီရာ ရွှီနန်းပြတိုက် မြို့ ရို့  တိနာင့် ပုထိုးစာတီတိကို မြင်ရပါဗျန်။ ဗဟိုရ်စည် မြည်နီခရေလို့  ကြားနိန်ရရေ ရခိုင်ရှင်ဘုရင်၏ ရွှီနန်းတော်ညီလာခံမှာ အခုဆိုကေ သောသောလဲ မညံပါဗျန်လို့  တေးခင်းအဆိုတော်က လွမ်းဆွတ်ဖွယ်ကောင်းလောက်အောင် ဖွဲ့ နွဲ့ သီဆိုနိန်စွာပါဒေ။ ရန်သူစစ်မက် မခင်းလာရအောင် မြို့  ရိုး မြို့ ကာ နန်းရာကုန်းမှာလဲ ကျိုးပဲ့ပျက်စီးလို့  အုဋ်ရိုးအုဋ်ခဲ မဟိန့် ပါဗျန်ကားယေ။ ဘုရားအဆူဆူ သျှစ်သောင်းဘုရားကြီးမှာလဲ ရှစ်သောင်းအရီအတွက် မဟိန့် ဘဲနာင့် ဘုရားအို အုဋ်ခဲပိုင်းတိ ပုံထားရေပိုင် တွိနိန်ရပါဗျန်။
မြူခိုးဝီလို့  မြောက်ဦးမြို့ ကို ကြည့်လီလီတိုင်း မျက်ရည်ဝိုင်းခစွာ အခုမှကား မဟုတ်ပါဒေ။ မြောက်ဦးမြို့ က အုဋ်ခဲအပိုင်းအစတိမှာ ရခိုင်လူမျိုးတိ သွီးစသွီးနတိ အခုအချိန်ထိ မခမ်းခြေက်ပါသိယေ။ ဓည၀တီ ရွှီမြောက်ဦးကို မင်းစောမွန်တည်လို့  မင်းခရီးက ဒေနိုင်ငံတော်ကား ရခိုင်နိုင်ငံတော်လို့  ကြီညာခစွာ မဟုတ်ပါလားယေ။ ဒေပိုင်နိုင်ငံတော်မှာ အခုဆိုကေ ယင်းအုဋ်ပုံအကျိုးအပဲ့ကို မြင်နိန်ရပါရေဒေ ။ နန်းရာကုန်းက အုဋ်ခဲတလုံး နာင့် သျစ်သောင်းက အုဋ်ခဲတလုံးက ကျိုးပဲ့ နိန်ရေလို့  မြင်ခဗျန်ဆိုကေ ရခိုင်လူမျိုးရို့  စိတ်ထဲ နှလုံးသားထဲမှာ ယင်းအုဋ်ခဲမှာ သွီးစက်တိ ကျံနိန်ရေလို့  မှတ်ထားဖို့  လိုနိန်ပါရေထော။ အရှင်လတ်လတ် သတ်ပခလို့  သီလားခရေ အဖိုးအဖီးရို့  အသက်တိရေ ယင်းနန်းရာကုန်း နာန့်  သျှစ်သောင်းဘုရားအုဋ်ပုံနားမှာ လဲကျလို့  သီခရပါရေယေ။ သီခါနီးမှာ အဖိုးအဖီးရို့ က မသီခင် သျှစ်သောင်းဘုရားကို တိုင်တည်ဖို့  လာယင်းပင်း ရင်ဝကို ဓါးနာင့် ထုတ်ချင်းပေါက်ထိုးလို့  ဘုရားအနားကို မရောက်ခဘဲ သီလားခရပါရေဒေ။ ဒုက္ကသိမ်ဘုရားစေတီအပေါက်ဝမှာ ရခိုင်လူမျိုးတိက နောက်ဆုံးအနိန်နာင့် ဘုရင်မင်းမြတ်ကို တိုင်တည်ယင်း အသတ်ခံလိုက်ရစွာ လူသီကောင်တိ ပုံလားပါရေဒေ။
သွီးစက်တိ အုဋ်ပုံတိ အုဋ်ခဲတိမှာ နီရဲပနာ ဟိန့် နိန်စွာရေ အနံ့ ရာပျောက်လားခကေလဲ သွီးကားမခမ်းခြောက်ဘဲ ဟိန့် နိန်စွာပါဒေ ။ ယင်းပိုင်ဖြစ်ခရေ အနားမှာ ရခိုင်အဆိုတော်က သူချစ်တေ ရခိုင်နိုင်ငံတော်ကို လွမ်းမောဘွယ်ဖြစ်အောင် တေးခင်းသီဆိုပြနိန်ပါရေ ။ သူ့ တေးခင်းကို လိုက်ဖက်ညီအောင် နွဲ့ နှောင်းလှပစွာနင့် ခြီကျဝါးကျ မှတ်ဗျန် ရခိုင်သူချေ ကပြနိန်ပါရေ ။ ကျွန်တော်မကြည့်ဝံ့ပါဒေ။ မျက်စိကို ချက်ချင်းမှိတ်ထားလိုက်ပါရေ ။
ဒုက္ကံသိမ်ပေါက်ဝနားမှာ သျစ်သောင်းဘုရားစာတီအနားမှာ နန်းရာကုန်းနားမှာ ရွီလို့ မရနိုင်လောက်အောင် ရခိုင်လူမျိုးတိ ကောင်းကောင်း သီခရပါရေ ။ ယင်းသီခရေ နိန်ရာမှာ ငိုချင်းရှည်တေးခင်းကို ဆိုနိန်ဖို့  အစား ပြုံးလို့  ရီလို့  ရခိုင်သူချေ ကချေသည်မက ညင်သာနွဲ့ နှောင်း အလှပလှ ကပြနိန်စွာ မဟုတ်ပါလားချင့်။ ကမ္ဘာကြီးတခုလုံး ချာချာလည်လားဗျန်လားလို့  ကျွန်တော့စိတ်ထဲ ခံစားမိပါရေ။ ကျွန်တော့်အဖီး သီကျလားရေ နိန်ရာမှာ ကျေးဇူးပြုလို့  တချက်ချေလောက် မကလိုက်ပါကေ့။ ကျွန်တော့်အဖိုး သီကျလားရေ နိန်ရာမှာ တချက်ချေလောက် ရယ်လို့ ပြုံးလို့  တေးခင်းမဆိုလိုက်ပါကေ့။ ယင်းနိန်ရာကား အယင်က မင်္ဂလာဟိန့် ခရေ ဘုရင့်ထီးနန်းတော်က လက်ဆယ်ခြာထိပ်မှာ မိုးလို့  ရှိခိုးရေ နိန်ရာဖြစ်ကေလဲ အခုကား အမင်္ဂလာနိန်ရာ ဖြစ်နိန်ပါဗျန်။ အမ၈င်္လာနိန်ရာကို ငိုချင်းရှည် တေးခင်းနန့်  ရတုရီးပနာ အ၀ီးက ဦးခိုက်လွမ်းလိုက်ကတ်ဖို့  ကောင်းပါရေမနား။ ကျွန်တော်ရင်နာလွန်းလို့  ပါရာဒေ။ လက်စုံမိုးလို့  ရှိခိုးတောင်းပန်လိုက်ချင်ပါရေ ။ ရခိုင်ရိုးရာအနုပိုင်ညာကို ဖေါ်ထုတ်နိန်ကေလဲ ဒေပိုင် ဖေါ်ထုတ်စွာက နိန်ရာနာင့် အထိမ်းအမှတ်နာင့် လွှဲနိန်ရေလို့  မြင်မိနိန်ပါရေဒေ။
အယုဒ္ဒယမြို့ ကိုရောက်တေခါ နန်းရာကုန်းက အုဋ်ခဲအကျိုးအပဲ့ နာင့် မြင်ရပါရေ ။ မြိုံတံတိုင်းက တပိုင်းကကျိုး တပိုင်းကပြတ်နာင့် မြို့ ကိုကာရံထားခရ အယင်က ရှင်ဘုရင် တည်ဆောက်ထားခစွာလို့  ဇါသူက ယုံပါဖို့ လဲ ယေ။ ဘုရင်နာင့် မိဖုရားအပေါင်းရို့  ထီးနန်းစံပျော်ရာက နိန်ပနာ ပန်းခြံကို ဆင်းလို့ လာကေ စေတီဘုရားနာင့် လှပသာယာစွာ ဟိန့် နိန်ဖို့  နိန်ရာမှာ အခုတော့ အုဋ်ကျိုးအုဋ်ပဲ့ နာင့် ရာ နိန်ရာတိုင်းမှာ မြင်ရပါရေဒေ။ စေတီတဆူမှာ ခါးလောက်ကပင် ပြတ်ပနာ ကျိုးကျန်ိန်ပါရေထော။ မြတ်စွာဘုရား ဆင်းထုတော်တပါးမှာ လိုင်ပင်းပြတ်လို့  တွိပါဗျန်။ ပန်းခြံထဲ ဆက်လို့  လားကြည့်ပါရေ ။ ဒေနိန်ရာကား ဘုရားကျောင်းကန် ဟိန့် ရေ နိန်ရာ ဖြစ်ပါရေ။ ဆည်းလည်းသံတညံညံနာင့် ဟိန့် န်ိန်ရေ နိန်ရာပါဒေ။ သစ်ရွက်သစ်ခက်တိက အရောင်မတောက်ဘဲ ၇ွက်ဝါကြီကျနိန်ပါရေဒေ။ နွီပူလီက တိုက်နိန်ရေအတွက် အပင်အောက်မှာ ထိုင်မိလီရေဆိုကေ အိပ်ချင်ငိုက်ချင် မျက်စိမှေးချင် ဖြစ်ဖို့ ကောင်းရေ နိန်ရာပါဒေ။
ဒေပိုင်နွီပူန်ိန်စွာမှာ လီပူတိုက်စွာ ဟိန့် နိန်ကေလဲ ပူမှန်းသတိမထားမိခ။ ဇါဖြစ်လို့ ဆိုကေ ရင်ထဲက အပူက ကျွန်တော့ကို ပူလောင်ပြင်းပြ န်ိန်စီပါဗျန်။ ကျွန်တော်ဇါဖြစ်လို့  ပူလောင် မျက်ရည် ကျနိန်ရပါလေချင့်။
ဘုရားပရ၀ုဏ်တခုလုံး ပန်းခြံတခုလုံး စေတီတိက အကျိုးကျိုး အပဲ့ ပဲ့ ။ မြတ်စွာဘုရားဆင်းထုတော်တိ လိုင်ပင်းကျိုးလို့  ။ တဆူတည်းသောဘုရားကား ဒေန်ိရာမှာ ဟိန့် လီ၏လို့  လက်ညိုးထိုးလို့  မရနိုင်သော နိန်ရာ ဖြစ်နိန်ပါရေ။ ယင်းနိန်ရာမှာ လူပေါင်းများစွာ သွီးမြီကျလို့  သီဆုံးခရပါရေ ။ မြို့ ပျက် ရွာပျက် ထီးနန်းပျက်နာင့် လူမျိုးတိ အားလုံးမသီခင် နိုင်ငံမပျောက်ခင် ဒေလူမျိုးကား ယင်းနိန်ရာက ရီကြိုင်ရာကို ပြောင်းလိုက်ကတ်ပါရေ။ ယင်းနိုင်ငံကား ထိုင်းနိုင်ငံလို့  ခေါ်စွာပါဒေ။ ထိုင်းနိုင်ငံ အယုဒ္ဒယမြို့ ကို ကျွန်တော်လည်ဖို့့ ရောက်လာချိန်မှာ သူရို့ နာင့် ကျွန်တော်က သွီးစွန်းသောအဖြစ်အပျက် တူနိန်စွာပါဒေ။
တခြားတိုင်းရင်းသားတိက ကြောက်ကေလဲ ရခိုင်လူမျိုးဖြစ်တေ ကျွန်တော်က ထိုင်းလူမျိုးတိနာင့် စကားပြောဖြစ်ကတ်ပါရေ ။ ယေအခါ သူရို့ တိမှာ ခံစားမူ ပီးနိုင်ကတ်ပါရေ ။ အယင်ကဆိုကေ ဖါးမားတိရာလို့ ပြောလိုက်ကေ ကောင်းကောင်း ပြသနာဖြစ်ပါရေ ။ ဖါးမားဆိုစွာက အောက်သားတိကို ခေါ်စွာပါဒေ။ အခုတော့လူတိလဲ အနာကျက်လားခဗျန်လို့ လား မပြောတတ်ပါဒေ။ ပြသနာမရှာကတ်ပါဗျန်။ ယေကေလဲ သမိုင်းနာင့်နာသော သွီးစွန်းရေ အဖြစ်အပျက်တိကို သူရို့ ရင်ထဲမမိပါဒေ။
ယေဇူးနာင့် ထိုင်းနိုင်ငံမှာ သမိုင်းရှပ်ရှင်ပြဗျန်ဆိုကေ အယုဒ္ဒယမြို့ ကို ဖျက်ဆီးစွာ ပြသပါရေ ။ ဘုရားဆင်းထုတော်တိကို လိုင်ပင်းချိုးပလိုက်စွာတိ ပြပါရေ ။ စေတီတိ အပိုင်းပိုင်း ပြတ်ပါလားစွာတိ ပြသပါရေ ။ လူတိ ကောင်းကောင်း သီလားကတ်စွာ ပြသပါရေ ။ ယင်းပိုင်ပျက်စီးလားခစွာကို အခုအချိန်ထိ ထိုင်းနိုင်ငံ ဘုရင်အဆက်ဆက်က ဒေအတိုင်းထားပါရေ ။ တခုချေလဲ မလုပ်ရပါဒေ။ သူရို့  ဘုရင်က လွှားကျိတ်ပနာ ဓါးရှည်ဆွဲလို့  တိုက်ပွဲ ၀င်ခစွာကို ရုပ်ထုနာင့် ပြထားပါရေ ။ ယင်းအချိန်ကာလက ဘုရားအို ကျောင်းပျက်က ရှိနိန်ရေအတိုင်း အုဋ်ခဲနှစ်ပိုင်းကျိုးတိကိုလဲ နိန်ရာမပြောင်းပါယေ။ ဒေအတိုင်း ကျိုးပဲ့နိန်ရေ စွာကို အခုအချိန်ထိ ထိုင်းနိုင်ငံသားတိ မျက်ရည်စက်လက်နာင့် လားကြည့်နိန်ကတ်ပါရေ။ သူရို့ အဖိုးအဖီးတိ သီကျလားရေနိန်ရာ ဘုရားရုပ်ဆင်းထုတော်အနားမှာ ဘုရားကို လိုင်ပင်းမကျိုးရအောင် ကာကွယ်ယင်း သီလားခရေ စွာကို လက်သီးဆုပ်ပနာ ထိုင်လို့  ငိုကြွီးနိန်စွာ ထိုင်းလူမျိုးတိကို မြင်ရပါရေထော။
ယင်းပိုင်အယုဒ္ဒယမြို့ ကို အရိုင်းအစိုင်း တိပိုင် ဘာသာတရား မဟိန့် ရေ လူရိုင်းတိက တိုက်ခိုက်ဖျက်ဆီးခလို့  မြတ်စွာဘုရားရုပ်ထုတိ ကျိုးပဲ့ လားစွာကို ဇါသူလုပ်ခပါလေယေ။
အယုဒ္ဒယမြို့  တခုလုံး လူတိ သောင်းနာင့်ချီလို့  သီဆုံးလားခစွာ ဇါသူရို့ ကြောင့်ပါလေ။ ထိုင်းလူမျိုးတ ယင်းပိုင် အယုဒ္ဒယမြို့ ကို ဖျက်ဆီးပခစွာကို အခုထက်ထိ နာကြင်နိန်စွာကို ဇါသူရို့  ခံစားနိန်ကတ်ပါလေ။
ဘာသာမသိ တရားမသိ နာမည်ကြီးရေ အောက်သားတိပါယေ။ ယင်းပိုင်အောက်သားတိကြောင့် ထိုင်းနိုင်ငံက လူမျိုးတိမှာ အခုထက်ထိ သူရို့ အဖိုးအဖီးတိ သီလားခစွာကို သမိုင်းနာင့် ပြသနိန်ပါရေ ။ ဇါတိသွီး ဇါတိ မန် တေးခင်းတိနာင့် အဆိုတော်တိက ရတုရကန် တေးသီချင်းနာင့် သီဆိုန်ိန်ကတ်ပါရေ ယေ။ ကျွန်တော်ရို့  ရခိုင်နိုင်ငံတော်လဲ ထိုင်းနိုင်ငံပိုင် အချိန်က ဘုရားရုပ်ဆင်းထုတော် ပျက်စီးခရပါရေ ။ မဟာမြတ်မုနိဘုရား အတင်းအဓမ္မ လုယူလားခံခစွာပါရာ ။ မြို့ ရိုးတံတိုင်းတိလဲ ကျိုးပဲ့  ပျက်စီးလားစွာချင်း တူပါရေ ။
ယေကေ အယုဒ္ဒယကို မြင်လို့  ဓည၀တီ ရွှီမြောက်ဦးကို ကျွန်တော် သတိမရဘဲ နိန်ပါဖို့ လားယေ။။။
==== ====== ===== ===== ====== ======= ===== ====== ====== ===== === ======
သတိက ရနိန်စွာပါဗျန်ဒေ။
ကျွန်တော်က ရခိုင်နိုင်ငံက ရခိုင်လူမျိုးပါရာမနား။ ဓည၀တီရခိုင်နိုင်ငံတော်က ရခိုင်လူမျိုးတယောက်ပီပီ ကျွန်တော့်မှာ လွမ်းခွင့် ဟိန့် နိန်စွာပါဒေ။ ခက်န်ိန်စွာက ငိုကြီးချက်မနာင့် ကျွန်တော် လွမ်းစာဖွဲ့ လို့  ရတုရကန် ရီးန်ိန်ရပါဖို့ လားချင့်။ ကျွန်တော့်အလွမ်းကို အဆုံးသတ်လိုက်ချင်ပါဗျန် ။ မျက်ရည်တိကို ခမ်းခြောက်လိုက်ချင်ပါဗျန်။ ယေကေ ကျွန်တော်ဇါပိုင်လုပ်ရပါဖို့ လဲ ။ တချိန်က ကျွန်တော်ရို့  ရခိုင်နိုင်ငံကို ကမ္ဘာက သိစီချင်ရေ ဆန္ဒ ကောင်းကောင်း ပြင်းပြင်းထန်ထန် ဟိန့် ခပါရေ ဒေ။ ကံကောင်းရေလို့ လား ပြောရဖို့ လား ၊ ကံဆိုးရေလို့  ပြောရဖို့  လား မပြောတတ်ပါဒေ။
ကျွန်တော့်ဖက်က အခုအချိ်န်မှာ စစ်တုရင်ကစပ်တေပိုင် အကွက်ရွိ့ စွာ သာနိန်ရေ အခြီအနိန်ပါဒေ။ ရှေ့ ကိုတက်လို့ လားတိုက်ဖို့  စစ်သားတိက ဟိန့် နိန်ပါရေ ။ နောက်ခံ သမိုင်းကြောင့်လဲ ဟိန့် နိန်ပါရေ၀ါ။ လားတိုက်ဖို့  အချက်အလက်ကလဲ တပုံတခေါင်းနာင့် ပိုင်ပါရာ ။ ယေကေဇါသူ လားလို့  တိုက်ကတ်ဖို့ လဲ ။ အဖြီရှာဖို့  လိုလာပါဗျန် မဟုတ်ပါလားယေ။
ယေကေတိုက်ဖို့ အတွက် အခြီအန်ိကို သုံးသပ်ကြည့်ပါရေ ။
ပထမနည်းက အကြမ်းမဖက်ရေ နိုင်ငံရီးနည်းပါထော။ ဒေနည်းကို ကျွန်တော် သိနိန်စွာ ကြာပါဗျန်ဒေ။ ဒုတိယကမ္ဘာစစ် ဖြစ်ပြီးနောက်မှာ ဓနသဟာယနိုင်ငံတိက သူရို့ နိုင်ငံ၏ လက်အောက်ထဲမှာ နိန်ချင်ရေ နိုင်ငံတိကို လွပ်လွပ်ရီး ပီးဖို့ လို့  ကြီညာခပါရေ ။ ယေဇူးနာင့် ဗမာပြည်လဲ လွပ်လွပ်ရီးအတွက် လှုပ်ရှားလိူ့  ရလားခစွာပါ ။ ရန်ကုန်မှာ ဘုရင်ခံက ရုံးစိုက်လို့  န်ိန်ရေအခါ အောင်ဆန်းရို့  က အင်္ဂလန် နိုင်ငံ လန်ဒန်ကို လားရေအခါ ဘုရင်ခံကိုယ်တိုင်က လွပ်လွပ်ရီးတောင်းဖို့  စွာမှာ ဘုရင်ခံ ကိုယ်စားလှယ်တောင် ထည့်ပီးလိုက်ပါသိရေ ။ ယင်းပိုင်အောင်ဆန်းရို့့  လွပ်လွပ်ရီးရဖို့ အတွက် ကြိုးပမ်းနိန်ရေအခါ ရခိုင်လူမျိုးဖြစ်တေ ဦးအောင်ဖံဝေက အောင်ဆန်းနာင့် အတူတူပါယေ။ ဓနသယာယ နိုင်ငံက စာချုပ်အတိုင်း လွပ်လွပ်ရီး ပီးလိုက်တေအခါ မြန်မာနိုင်ငံထဲမှာ ရခိုင်နိုင်ငံတော်က နိုင်ငံတော်အဖြစ် မပါခဘဲ တိုင်းရင်းသား အနိန်နာင့် ပါလားခစွာပါယေ။ အောက်သားတိကို ရခိုင်နိုင်ငံက စစ်တိုက်လို့  နှင်ထုတ်ပြီးကေ အင်္ဂလိပ်ရို့ က ရခိုင်လူမျိုးတိကို ရခိုင်နိုင်ငံတော်ပီးဖို့ လို့  စာချုပ်ချုပ်ဆိုခစွာ ဟိန့် ပါရေ ။ ယင်းဂတိကို အင်္ဂလိပ်ရို့ တိက ဂတိမတည်ဘဲ နိန်ခရေပိုင် ဦးအောင်ဇံဝေရို့ ပိုင် ၀န်ကြီးနိန်ရာရှူးခရေ ရခိုင်နိုင်ငံရီးသမားးတိကြောင့်လဲ ဒေပိုင်ရခိုင်နိုင်ငံတော်ပျောက်လားခစွာပါယေ။
ရခိုင်နိုင်ငံက ရခိုင်လူမျိုးဆိုစွာက စစ်ရှုံးကေလဲ လူမျိုးတမျိုးအဖြစ် ရပ်တည်လို့  ရစွာပါရာ - လွန်ခရေ -၆၃-နှစ်က ရခိုင်လူမျိုးဆိုစွာ တိုင်းရင်းသားဖြစ်လားခပါရေ ။ တိုင်းရင်းသားဆိုစွာက မြန်မာနိုင်ငံအတွင်းနယ်နမိတ်ထဲမှာ တမြီထဲနိန် တရီထဲသောက် တိုင်းရင်သားညီအကိုဆိုပနာ အလုပ်ခံထားရစွာပါ။ ဒေပိုင်တိုင်းထဲမှာ နိုင်ငံထဲမှာ တအူတုံဆင်း ညီအကိုလို့  ဇါပိုင်ပြောလို့  ရပါဖို့ လဲ။ တိုင်းရင်းသားလို့  လုပ်ထားစွာရေ ကျွန်အဖြစ်လုပ်ထားစွာပါဒေ။ တိုင်းရင်းသားဆိုစွာ ကိုလိုနီအဖြစ် အလုပ်ခံထားရစွာပါကားယေ။ ကျွန်တော်ရို့  ရခိုင်နိုင်ငံတော်နာင့် အောက်သားနိုင်ငံဆိုစွာ အယင်ကပင် သီးခြားနိုင်ငံစီ ဖြစ်ကတ်ပါရေ ။ လူမျိုးချင်းလဲ မတူပါဒေ။ ယိုင်ကျေးမူလဲ မတူပါကားယေ။ စကားပြောစွာလဲ မတူ ၊စရိုက်လဲ မတူ အကျင့်လဲ မတူ ၊ ကိုယ့်မြီကိုယ်ရွာ ကိုယ့်နိုင်ငံနာင့် နိန်ကတ်စွာ ။
ဒေပိုင်မတူစွာကို ကိုလိုနီဖြစ်လားခရေခါ အခုအချိန်မှာ -၆၃- နှစ် ကြာနိန်စွာကို သတိထားပနာ ကြည့်ကတ်ပါဖို့ ဗျန်။ ဇါနိုင်ငံမဆို ကိုလိုနီဖြစ်နိန်ရေဆိုကေ လွပ်လွပ်ရီးကို လုပ်ကတ်ရပါရေ ။ ဒေချင့်က ခွဲထွက်စွာမဟုတ်ပါဒေ။ အခုအချိန်မှာ ဖက်ဒရယ်ပြည်ထောင်စု ဆိုပနာ ပြောသံကြားနိန်ရပါရေ ။ ဖက်ဒရယ်ပြည်ထောင်စုဆိုစွာ ရခိုင်နိုင်ငံနာင့် ရခိုင်လူမျိုးရို့့ အတွက် တခုချေလဲ မပါတ်သက်ပါကားယေ။ ဇါဖြစ်လို့ ဆိုကေ ဖက်ဒရယ်ဆိုစွာက ခွဲထွက်ရီးမပါသော ပြည်ထောင်စု စနစ် ဆိုပနာ ပြောနိန်ကတ်စွာမျိုး ၊ ခွဲထွက်ရီးပါသော ပြည်ထောင်စုစနစ် ဆိုရေ ပြောနိန်ကတ်စွာမျိုး ကြားနိန်ရပါရေ ။ ကျွန်တော်ရို့ က ခွဲထွက်ရီး ပြောနိန်စွာမဟုတ်ပါဒေ။ ကိုယ့်နိုင်ငံကို ပြန်လို့  လိုချင်န်ိန်စွာဖြစ်ပါရေ ။ တအူတုံဆင်း ညီအကိုဖြစ်နိန်ရာက နိန်ပနာ ခွဲထွက်ရီးလို့  ပြောနိန်စွာမဟုတ်။ စရိုက်မတူ ယိုင်ကျေးမူမတူ စကားမတူ နှစ်ပေါင်းများစွာ ရန်သူအဖြစ် သဘောထားနိန်ရရေ ဒေပိုင်လူမျိုးလက်အောက်က မနိန်ချင်လို့  ကိုယ့်နိုင်ငံကို ကိုယ်ရို့  လိုချင်နိန်စွာဖြစ်ပါရေ ။ ဒေချင့်က ခွဲ ထွက်ရီးဆိုစွာ စကားထက် ပိုလို့  အဆင့်မြင့်ပါရေ ။ သီးခြားကိုယ့်နိုင်ငံ ဆုံးရှုံးလားစွာကို လိုချင်စွာဖြစ်တေ။ သူရို့ က ရခိုင်လူမျိုးတိအတွက် ကမ္ဘာကြီသရွီ ကမ္ဘာ့ရန်သူဖြစ်တေ။
======== ======= ======= ======= ======== ======== ====== =======
ဒေပိုင်စွာမျိုးတိမှာ ကမ္ဘာ့ကုလသမဂ္ဂလက်အောက်ခံ ထဲမှာ လူနည်းစုကော်မီတီတိ ဟိန့် ပါရေ ။ ယင်းအထဲမှာ တခြားလူမျိုးတိက ပါဝင်နိန်ပါဗျန်။ ရခိုင်လူမျိုးတိက မပါဝင်ပါသိဒေ။ ယင်းချင့်မှာ ရခိုင်လူမျိုးတိက ပါဝင်ဖို့  လိုပါရေ ။ ချင်းလူမျိုးတိ ၊ နာဂလူမျိုးတိ ၊ မွန်လူမျိုးတိတောင် ပါဝင်န်ိန်ပါဗျန် ။ ယင်းပိုင်ပါဝင်နိန်ရေအခါ ကမ္ဘာ့ကုလသမဂ္ဂက ယင်းလူနည်းစုဖြစ်တေ လူမျိုးတိအကြောင်းကို သိနိန်ကတ်ပါရေ ။ သဘောကို ပြောရဖို့ ဆိုကေ တရားဝင် သိအောင် လုပ်ထားကတ်စွာမျိုးပါရာ ။ အခုလဲ ရခိုင်နိုင်ငံတော်က ရခိုင်လူမျိုးတိမှာ လူနည်းစုကော်မီတီထဲမှာ ပါဝင်နိုင်အောင် လုပ်ကတ်ဖို့  လိုနိန်ပါဗျန်ကာ။
ယင်းပိုင်ရာ လုပ်ထားလိုက်ကေ ကမ္ဘာ့ကုလသမဂ္ဂလက်အောက်ခံ ကိုလိုနီဖျက်သိမ်းရီးကော်မီတီမှာ ရခိုင်လူမျိုးအရီး တက်လာရေအခါ အားလုံးက သိလာဗျန်ဖြစ်တေ အတွက် လုပ်ရကိုင်ရစွာ အခက်အခဲ မဟိန့် ပါဗျန်ကားယေ။ ယေကေ ဇါလုပ်သင့်ပါဗျန်လေ ။ ရခိုင်နိုင်ငံရီးလောကက အဖွဲ့ တိဖွဲ့ လို့  ဟိန့် နိန်ကတ်တေ အဖွဲ့ တိက ( အောက်သားတိနာင့် ပေါင်းနိန်ရေ လူတိက ) ရခိုင်လူမျိုးအဖြစ် ရပ်တည်ဖို့  လိုရေမဟုတ်ပါလားယေ။ ဇါဖြစ်လို့ ဆိုကေ ယင်းအဖွဲ့ တိက ကိုလိုနီအဖြစ် ခံယူထားရေ တိုင်းရင်းသားအဖြစ် ခံယူထားနိန်ကတ်စွာဖြစ်လို့ ပါဒေ။ အစကပင် ရှင်းထားမှ နောက်ပိုင်းခါ လုပ်ရကိုင်ရစွာ ရှင်းဖို့ လိုနိန်ပါရေ ။ ယေကေ ကျွန်တော်ကံကောင်းစွာလား ကံဆိုးစွာလား မပြောတတ်။
ကမ္ဘာ့ကလုသမဂ္ဂရုံးစိုက်ရာ နယူးယောက်မြို့ မှာ ကျွန်တော်နီထိုင်နိန်ပါဗျန်။ ကျွန်တော့်အလုပ်ကို ကျွန်တော်သိနိန်ပါဗျန်။
ရခိုင်နိုင်ငံတော် လွပ်လွပ်ရီးနာင့် ရခိုင်လူမျိုးအကြောင်းကို ကျွန်တော်ရို့  ရင်ကော့ပနာ လုပ်ဖို့  ကျနိန်ပါဗျန်ထော ။
အသက်က စကားပြောလာရေအခါ အချိန်နာင့် ရန်ဖြစ်န်ိန်ပါဗျန်။ ကျွန်တော်အရှုံး မပီးချင်သိပါ။ အချိန်ကာလတိကို အနိုင်ယူချင်ပါသိရေ ။
သံဇကာထဲက လွပ်လွပ်နိန်သော အပြုံးတိကို ကျော်ဖြတ်ဖို့  အတွက် စကြ၀ဋာကို ကျွန်တော်ထွက်ချင်လိုက်ပါယင့်။
ယင်းပိုင်ပါဗျန် ။ ရခိုင်လူမျိုးတိကိုလဲ ထွက်လိုက်စီချင်ပါရေ ဒေ ။။။။။။။။။။။။။
ခိုင်အောင်ကျော် ( နယူးယောက် )
၎-၂၈-၂၀၁၁
အမေရိကန်နိုင်ငံ
.
