စစ်တွေမြို့  မင်းဂံရပ်ကွက် လမ်းထိပ်မှာ ပညာဒါန ကျောင်းထဲကမြင်ကွင်း စိတ်ချမ်းမြိစရာ
ပညာဆိုစွာက သင်ယူသူအဖို့  မကုန်မခမ်းနိုင်။ လူ့ ဘ၀မှာ ဖြတ်သန်းလားလီဖို့  အတွက် အကောင်းဆုံး မိတ်ရင်းဆွီရင်း။ ချမ်းသာရေလူတန်းစားက မွီးဖွါးလာရေ လူသားတိအတွက် ဇါပင်ဖြစ်ဖြစ် ပြသနာမဟုတ်။ ဆင်းရဲရေ မိသားစုအတွက်ဆိုကေ လူ့ ဘ၀တလျှောက်မှာ အသက်ရှင်ရပ်တည်ဖို့  အတွက် ပညာညဏ် မဟိန့် ကေ တသက်လုံး ဆင်းရဲလီဖိ။ . အတန်းပညာ မသင်ကြားရခကေ ဇါပိုင်အသက်မွီးဝမ်းကျောင်း လားနိုင်ပါဖို့ လဲ ချင့်။ ယင်းပိုင်ကလေချေတိက များပြားလာရေအခါ ဇါမှာထိခိုက်လေဆိုကေ ရခိုင်နိုင်ငံနာင့် ပတ်သက်လားပါဗျန် ။ ရခိုင်မျိုးဆက်သစ်ချေတိက လူလာဖြစ်ကေလဲ ဆင်းရဲလို့  ကျောင်းစာမသင်နိုင်ကေ ဇါပိုင် ကိုယ့်ဝမ်းကိုယ်ကျောင်း နိုင်ဖို့ လဲ ။ ကိုယ့်ရပ်ရွာ ကြီးပွါးတိုးတက်အောင် လုပ်နိုင်ပါဖို့ လဲ ။ကိုယ့်နိုင်ငံ ဖွံ့ဖြိုးအောင် ဇါပိုင်လုပ်ပီးနိုင်ပါဖို့ လဲ ။ဒေပိုင်စွာမျိုးကို သိကတ်တေ ရခိုင်လူမျိုးတိက ကိုယ်တတ်နိုင်ရေဖက်က လုပ်လာကတ်တေ ထောက်ပံ့ကူညီလာကတ်တေ ဆိုစွာကို ကြားလာရရေအခါ မျက်ရည်တိတောင် ကျလာမိပါဗျန်။ စစ်တွေမြို့  မင်းဂံရပ်ကွက်မှာ အချေတိကို အင်္ဂလိပ်စာနာင့် သင်္ချာတိကို သင်ပီးစီချင်ရေအတွက်
တတ်နိုင်ရေဖက်က ကူညီလာကတ်တေအကြောင်း ကြားရပါရေ။
ဆရာမဖြစ်သူက စေတနာနာင့် ပြချင်ကလေဲ အလုပ်တဖက်နာင့် တခြားဝိုင်း သင်ပီးနိန်ရရေအတွက် အလုပ်ချိန်ကို ဖဲ့ ပနာ သင်ပီးဖို့  မေတ္တာရပ်ခံရပါသိရေလတ်။ ယေကေ ဆရာမ ဒေါ်တင်တင်သိန်းက အခြားဝိုင်းတိကို ပြနိန်ရေကြားက အားလပ်ချိန်တိ မယူဘဲ ၀ချေတန်းကပင် -၅- တန်းထိ စာသင်ဖို့  စွာကို အိမ်နားမှာ အဖီချပနာ ပြလားပါဗျန်ကာ။ ဆရာမဒေါ်တင်တင်သိန်းနာင့်အတူ အခြားဆရာမ ကိုပါ ပညာသင်ပီးခအနိန်နာင့် တလကို -လေးသောင်းစီ ထောက်ပံ့ကတ်ပါရေ ။ ကျောင်းပညာသင်ကြားမှုမှာ အမေရိကန်နိုင်ငံမှာ သင်ကြားရေပိုင် အချေတိကို တုတ်နာင့် မသတ်ဘဲ စာသင်နည်းနာင့် အားလပ်ချိ်န်မှာ အချေတိကို မုနု့် န့်ကျွေးပနာ သင်ကြားပီးစီပါရေလတ်။ တလမှာတကြိမ် အချေတိကို မုန့် လုပ်ပနာ ကျွေးဗျန်
ကျောင်းတက်နိန်စွာ အခုလက်ဟိန့် မှာ ၃၀-ကျော်လောက် ဟိန့် နိန်စွာ မြင်တွိနိန်ရပါဗျန်ဒေ။ ဒေပိုင်ပညာဒါနကျောင်းအဖြစ် လစဉ်ထောက်ပံနိန်ရေ ပညာမျိုးစေ့ ချပီးသူတိကတော့ခါ ဦးအောင်ဇေါ်မိုး ( ရိုချက်စတာမြို့  -နယူးယောက်ပြည်နယ် အထက်ပိုင်း ) ၊ ဦးချစ်ဟန်- ( မနီဆိုးနားပြည်နယ်) ၊ ဦးဝင်းကျော်( နယူးဂျာစီပြည်နယ် ) ရို့့့တိဖြစ်ပါရေထော။ရခိုင်လူမျိုးဆိုစွာ ဇါနိုင်ငံကို ရောက်ရောက် ကိုယ့်လူမျိုးကို သတိကတ်စွာဗျန် ဖြစ်တေအတွက် အ၀ီးရောက်ရခိုင်လူမျိုးတိမှာ အိမ်လွမ်းဝီဒနာတိနာင့် မြီလွမ်းရင်နာဖြစ်နိန်စွာကို ဒေပိုင် ထောပက်ပံ့ကူညီယင်းပင်း ဖြီသိန့် နိုင်ကတ်စွာပါဗျန်လို့  အလှူရှင်တိက ပြောလားခကတ်ပါရေထော။ သူရို့ တိ အန္တိမ မျော်မှန်းရည်ရွယ်ထားစွာကတော့ခါ ရခိုင်လူမျိုးတိုင်း စာတတ်ရဖို့  ပါလတ်။။။။
လေးဝတီ
.
