ညဇက ချိုင်းနားဒေလီသတင်းစာနနင့် တွိ့ ဆုံပွဲမှာ CPI -China Power Investment မှာ ကုမဏီ ဥက္ကဌ Mr -Lu Quizhou က ပြောဆိုလားစွာကို ကြည့်လိုက်စွာနင့် ဗိုလ်ချုပ်မှူးကြီးသန်းရွှေမှာ မလွယ်။ သူတ ယောက်တည်းကား မဟုတ်။ သီဟသူရ ဦးတင်အောင်မြင့်ဦးလေး ပါသည်။ သူရို့့ နအဖလက် ထက်က တည်းက မြစ်ဆုံအတွက် စာချုပ်ချုပ်ထားခ့ စိုင်က လက်နက်အားကိုနှင့် လုပ်ထားနိုင်ခသည်။ အခုဆိုကေ သူရို့ က အာဏာလွှဲပြောင်းပီးထားသော သမတဦးသိန်းစိန်က ယောင်းမမြင်းစီး ထွက်လိုက်ဗျန်ဖြိုက်သည် ။
ဗိုလ်ချုပ်မှူးကြီး သန်းရွှေ လက်နနင့် ရီးခသော မြစ်ဆုံရေကာတာ တည်ဆောက်စွာကို သမတဦးသိန်း စိန်က ခြေီထောက်နင့် သုတ်ပလိုက်စွာဖြိုက်သည် ။ ရေကာတာမတည်ဆောက်စွာက က ပြသနာမဟုတ်။ လောလောဆယ်ပြသနာ တက်လာနီသည်မှာ ဖေ့ချာ ။ ဖေ့ချာက နည်းနည်းနောနော မဟုတ်။ ၃-၆ ဘီလီ ယံ ရှိနီသည်။ ယင်းအထဲက ဖေ့ချာတချို့ ကို ဗိုလ်ချုပ်မှူးကြီး သန်းရွှေနှင့် သူရဦးတင်အောင်မြင့်ဦးရို့ က အ လွှဲသုံးစားပြုပမာ မိသားစုဘဏ်စာရင်းတိမှာ ထည့်ထားလိုက်သည်ဟု သိရသည်။ ငွေတချို့ ဆိုစွာမှာ တဘီ လီယံမျှကို ဗိုလ်ချုပ်မှူးကြီးသန်းရွှေနှင့် သူရဦးတင်အောင်မြင့်ဦးတို့  ခွဲ ၀ီယူထားသည်ဟုလည်း ကြားနီရ ဗျန် ဖြိုက်သည်။ ဆိုကေ ယင်းဖေ့ချာတိကို ပြန်ဆပ်ရန် သူရို့့နှစ်ဦး သွီးအီးအီးနှင့် ဖြီရှင်းကတ်ဖို့ လား ။
အဖြီက ရှင်းနီသည် ။
သမတဦးသိန်းစိန်ကလေး သူက ပြည်သူလူထုဆန္ဒအရ မြစ်ဆုံရေကာတာဆည်ကြီးကို ရပ်တန့် ထား ကေလေး နောက်လာဖို့ အစိုးရက ဆက်လက်လုပ်လားဖို့  စွာရာဟု ပြောဆိုလားသည်။ သမတဦးသိန်း စိန်အစိုးရက အခုက ရီတွက်လျှင် ရက်ပေါင်း- ၂၀၀-တောင်မပြည့်သီး ။ နောက်လာဖို့ အစိုးရ က ပြုလုပ် မေဆိုကေ တရုပ်အစိုးက လက်သင့်ခံဖို့ မဟုတ်။ ယေဗြီးကေ နောက်လာဖို့  အစိုးရဆိုစွာမှာ မည်သည့် အစိုးရကို ပြောသနည်းဟု မီးခွန်းထုတ်စရာ ဖြစ်လာနီသည်။ အကြောင်းမှာ မြစ်ဆုံကိစ္စကို မကြီနပ်သော တရုပ်အစိုးရက လျော်ကြေးဖေ့ချာတိကို တောင်းဆိုလာလျှင် ပထမ ဦးစွာ ဖြီရှင်းရဖို့  စွာမှာ သမတဦး သိန်းစိန် အစိုးရဖြိုက်သည်။ သို့ သော် သမတဦးသိန်းစိန်အစိုးရက မြစ်ဆုံကိစ္စကို တိတိကျကျ မသိ။ တိတိကျကျ ဆိုစွာမှာ ၃-၆-ဘီလီယံကို ဇါသူက ဇါသို့  ငွီကြီးဖြတ်ခုတ်ယူထားသည်ကို မသိဟိခြင်းဖြိုက် သည် ။
၂၀၀၆-ခုနှစ်က စာချုပ်ချုပ်ဆိုခစိုင်က လျှပ်စစ်စက်မှူဝန်ကြီးဌါနနှင့် Asia World တို့ က တာဝန်ဟိစွာ ပါတ်သက်နီကေလည်း ဗိုလ်ချုပ်မှူးကြီး သန်းရွှေ၏ သက်ဦးဆံပိုင်အုပ်ချုပ်မှူမှာ ယင်းအချိန်က မော်၍ တောင် ကြည့်ခွင့်မရှိရေအချိန်ဖြစ်နီသည်။
ယေဇူးကြောင့် နောက်အစိုးရကို လွှဲချလိုက်ခြင်းဖြိုက်သည်။ လွှဲချလိုက်သော နောက်လာဖို့ အစိုးရသည် ဗိုလ်ချုပ်မှူးကြီး သန်းရွှေနှင့် သူရဦးတင်အောင်မြင့်ဦး၏ သြဇါ အာဏာနှင့် မလွပ်ကင်းရေ အစိုးရဖြိုက်နိုင်သည်။ ဇါကြောင့်ဆိုကေ မြစ်ဆုံရီကာာတည်ကြီး တည်ဆောက် ရီးသည် ဘီလီယံပေါင်းများစွာနင့် လုပ်ငန်းကြီးဖြိုက်တေခါရာ ဤဖေ့ချတိကို တခါချေမျှ မလျှော်ဗျန်ဒေ ။ လျှော်ဖို့ လို့ ဟုလေး စိတ်ကူးဖို့ မဟုတ်။ နောက်တခုက ဘီလီယံပေါင်းယင်းလောက်များစွာကို ဆက် မလုပ်ပါဗျန်ဟု သမတဦးသိန်းစိန်အစိုးရက မြစ်ဆုံရီကာတာ ဆည်တည်ဆောက်မည့် ကုမဏီကို အကြောင်းမကြားစွာမှာ လွန်စွာ သတိထားစရာ ဖြိုက်နီသည်။ ယင်းမှာ ဘီလီယံငွီကြီး မြောက်မြားစွာနင့်င့် လုပ်ငန်းကြီးဆောင်ရွက်နီပါလျက် အရပ်ထဲက ကန်ဇွန်းရွက်သည် ငါးစိမ်းသည်တိနနင့် စီးပွါးဖက် လုပ်တေ ပိုင် ဇါတခုမျှ သတင်းမပီးဆိုခြင်းမှာ အဂင့်ဂင့် စိတ်ပျက်စရာဖြိုက်သည် ။ အစိုးရကောင်းတရပ်မှာ နှစ်နိုင်ငံ စီးပွါးရီးစာချုပ်များ လက်မှတ်ထိုးထားကတ်လျှင် လုပ်ငန်းစိုင်များ ရပ်ဆိုင်းလားဖို့  လက္ခဏာတိ ဟိပါကေ နှစ်နိုင်ငံ နားလည်မှူ စာချွှန်လွှာတွင် ဂတိခံဝန်ချက်တိနှင့် ပြုလုပ်ခပြီးသား ဖြိုက်သည်။ ဂတိခံဝန်ချက် အတိုင်း မဆောင်ရွက်နိုင်ပါကေ ပျက်ကွက်သူမှ ပဇေါင်ပိုင် ပဇေါင်သို့  ဆောင်းငွေများနင့် ပီးလျှော်ဖို့်ဟု စာချုပ်စာတမ်းမှာ ဟိဗြီးသားဖြိုက်သည်။ အခုလေး ဆောက်လုပ်ရေးဌါနများ မှာ မြစ်ဆုံဆောက် လုပ်ရီး အတွက် နစ်နာဆုံးရှုံးမှူတိကို လျော်ကြီး အဖြိုက် တောင်းဖို့ ဗျန်ဟု သိရသည်။
မြစ်ဆုံရီကာတာ ဆည် ဆောက်လုပ်ရီးတွင် ၉၀% ခန့် တရုပ်နိုင်ငံက ယူလားစွာဖြိုက်ပနာ ကျန်-၁၀%ခန့် သာ အကျိုးခံစားခွင့် ဟိသော ဤဆည်ဆောက်လုပ်ရီးမှာ အဓိကဆုံးရှုံးသူမှာ သမတ ဦးသိန်းစိန်အစိုးရဖြိုက်သည်။
အခုအချိန်ထိ တရုပ်နိုင်ငံက ကျားကန်ပီးထားသော သမတဦးသိန်းစိန်အစိုးရမှာ သူရို့့ ၏ ငြိုငြင်မှူကို ခံနီရဗျန်ဖြိုက်သည် ။ ယေဇူးနင့် တရုပ်အစိုးရက ခြိမ်းခြောက်နီမှူများကို လျော့ပါးစီရီးအတွက် အမေရိကန် အစိုးရနှင့်လေး အဆင်မပြီသီး ။ အမေရိကန်အစိုးနှင့် အဆင်ပြီချင်သပဆိုလျှင် နိုင်ငံရီးအကျဉ်းသားတနှင့် အလှဲအလှယ် ပြုလုပ်ပီးရန်ဖြိုက်သည်။ နိုင်ငံရီးအကျဉ်းသားများ လွှတ်ပီးရီးသည် သမတဦးသိန်းစိန်အစိုးရ ၏ ပြင်ဆင်၍မရရေ ဗိုလ်ချုပ်မှူးကြီး သန်းရွှေအမိန့် ဖြင့် ဖမ်းဆီးထားမှူဖြစ်နီသည်။ သူရို့့ တိကို ကို လွှတ်ပီး လိုက်လျှင် တစ်တီတူးငှက်ပိုင် အာကာကို ခြီထောက်ထောင်ပနာ ပက်လက်အိပ်နီရပါသည်ဆိုသော သမ တဦးသိန်းစိန်ရို့  အဖြိုက်မှာ ရယ်စရာဖြစ်နီသည်။ သရို့့မှာ လက်နက်အားကိုးနှင့် နီကတ်ပါလျက် လွပ်လာ ဖို့  လက်နက်မပါသော လူပေါင်း -၂၀၀၀- ကျော်ကို ကြောက်လန့် နီခြင်းမှာ အဂင့်ရင့် ဟာသတပုဒ်ပိုင် ဖြိုက်နီသည် ။ အယင်က ဒေါ်အောင်ဆန်းစုကြည်ကို ကြောက်ရွံ့နီသည်ဟု ထင်မှတ် ပြုထားခကတ် သည်မှာ လုံးဝမှားယွင်းနီဗျန်ဖြိုက်သည်။
ဗိုလ်ချုပ်မှူးကြီးသန်းရွှေက အဂင့်ရင့်တမ်းရာ ကြေက်ရွံ့နီသူမှာ မင်းကိုနိုင်မှန်း သိလာရဗျန် ။ မင်းကိုနိုင် မှာ လူငယ်တယောက်ဖြစ်၍ လူငယ်ထုက လေးစားသူဖြိုက်ပနာ သူကအဓိက နီရာမှာ ဟိနီသည်ကို သ မတဦးသိန်းစိန်က သိရှိထားနီသည်။
အမေရိကန်အစိုးရ၏ နိုင်ငံရီးအကျဉ်းသား -၂၀၀၀-ကျော် လွှတ်ပီး လိုက်လျှင် မြစ်ဆုံအကြွီးတွေ ကြီပါဖို့  မနားဆိုသောအတွီးဖြင့် ဗိုလ်ချုပ်မှူးကြီးသန်းရွှေနှင့် သူရဦးတင် အောင်မြင့်ဦးရို့ က အခုအချိန်မှာ တွက်ချက်နီလောက်ဗျန်ဖြိုက်သည် ။ နိုင်ငံရီးကစားကွက်များမှာ နအဖစစ်အစိုးရထက် ညံ့လှသော အမေရိကန်အစိုးရသည် ယခုအချိန်တွင်လည်း သမတ ဦးသိန်းစိန် အစိုး ရ၏ ကစားကွက်ကို လိုက်မမှီဘဲ ရှိနီနိုင်သည်။ လောလောဆယ်တွင် အိန္ဒိယနိုင်ငံသို့  နှစ်နိုင်ငံချိုက် ကြည် ရီး ခရီးစိုင်လားမေဟု ကြီညာထားပနာ တရုပ်နနင့် မတည့်လျှင် အမြဲတမ်းစီးပွါးရေး ရန်ဖက်ဖြစ်နီသော နိုင်ငံသို့  လားပြစွာရာ ဖြိုက်သည်။ အဓိကအားဖြင့် နိုင်ငံရီးအကျဉ်းသား -၂၀၀၀- ကျော်လေးး မလွှတ်၊ မြစ်ဆုံရီကာတာ ဆည်ဆောက်လုပ်ရီးကိုလေး ဆက်လက်လုပ်နိုင် ။ လျှော်ကြီးလေး မပီးရအောင် အကြံ ညာဏ်တိ လားယူရန်ပင်ဖြစ်သည်။ တခုရာ ဟိသည် ။ တရုပ်က နိုင်ပေါက်အများကြီးနင့် လိုင်ခြောင်းကို ကိုင်ထားသည်။ စီးပွါးရီးဟူသမျှ တရုပ်လက်ထဲမှာ ရောက်နီသည်ဆိုကေ ယင်းချင့်တိ ယင်း အရာများကို လက်လွတ်စွာနင့် ခေါင်းနနင့်ကိုုယ် အိုးစားကွဲ ဗျန်ရာ မှတ်လီဖိလို့ု တရုပ်က ခြိမ်းခြောက်ထားသည်။ ဇါသို့ ပင်ဆိုစီ ကုလသမဂ္ဂညီလာခံတွင် တရုပ်အစိုးရက ဗီတိုအာဏာ သုံးပီးခရသော ဗိုလ်ချုပ်မှူးကြီး သန်းရွှေမှာ သမတ ဦးသိန်းစိန်၏ လုပ်ရပ်ကြောင့် အိပ်ကပ်ထဲရောက်နီသော ဘီလီယံများကို ထုတ်ပီး ရဖို့ ဗျန်ဖြိုက်သည်။
ယခင်က မြန်မာနိုင်ငံသားတိ အရှူးမီးဝိုင်းတောက်နီရေ မြစ်ဆုံပြသနာသည် အခုအချိ်န် မှာ ရုပ်သေးအစိုးရထံတွင် အကြီးအကျယ်ဖြိုက်နီဗျန် ။ ။ ၃-၆ ဘီလီယံ ရစရာဟိ၍ တရုပ်ရို့့ က နယ်ချဲ့  ကျူးကျော်ဖို့ လို့ လေး မထင်ရ။ သူရို့ က စီးပွါးရီး မလုပ်ရလျှင် ဖေ့ချာပြန်ပီးရန်သာ လိုသည်။
ထိုအယင်ခါက သစ်ကိစ္စဖြင့် အရှေ့ကုမဏီက မြန်မာနိုင်ငံကို သိမ်းခရေ နယ်ချဲ့  သိမ်းပိုက်ခြင်းမှာ အခုအချိန်၌ မဖြိုက်လာနိုင်။ အခြားတဖက်မှာ ကာကွယ်ရီးစစ်ဦးစီးချုပ် မင်းအောင်လှိုင်က ရှိနီရာ စစ်တပ်မှ အာဏာသ်ိမ်းယူနိုင်သော အခြီအနီ ဟိနီသည် ။ မလွှဲမရှောင်သာသော အခြီအနီများကြောင့် မြန်မာနိုင်ငံ၏ လွပ်လွပ်ရီးနှင့် အချုပ်အချာ အာဏာထိပါးရီးကို ခြိမ်းခြောက်လာနီမှူများ ဖြိုက်စွာတိ ပေါ်လာနီသည် ။ ယေ ဇူးကြောင့်တပ်မတော်မှ ပြည်သူပြည်သားတို့ ၏ အသက်အိုးအိမ်ကို စောင့်ရှောက်က ကာကွယ်သည့် အား ဖြင့် -၂၀၀၈- ဖွဲ့ စည်းအုပ်ချုပ်ပုံ အခြီခံဥပဒေအရ အာဏာသိမ်းလိုက်ရသည်ဟု တနိ ကြီညာလာဖို့ ဗျန် ဖြိုက်သည်။ စစ်တပ်မှ အာဏာသိမ်းရန် အကြောင်းပြချက်မှာ တခုတည်းသော ယင်းအချက်က ဟိနီသည်။ ယင်းမှာ အာဏာသိမ်းပိုင်ခွင့် ဥပဒေက ပြဋ္ဌန်းပြီးသား ဖြစ်နီသည်။ ယေဗြီးကေ့  မြစ်ဆုံရီကာတာ ဆည် ဆောက်လုပ်ရီးအတွက် ဗိုလ်ချုပ်မှူးကြီးသန်းရွှေအနီနှင့် သီဟသူရ ဦးတင်အောင်မြင့်ဦးရို့ က သူရို့ ယူ ထားနှင့်သော ငွီကြီးများကို ပြန်မပီးလိုကတ် ။ ယင်းအချက်မှာ အဓိကအချက်ဖြိုက်သည် ။ စစ်တပ်က အာဏာသိမ်းကေ နိုင်ငံရေးအကျဉ်းသား -၂၀၀၀- ကျော်ကို ပီးလွှတ်နိုင်စရာ ဟိနီသည်။ ယင်းမှာ အမေရိ ကန်အစိုးရနနင့် ဆက်သွယ်ရီးကောင်းမွန်စီရီးကို ရှေးရှူလားရီးအတွက် ဖြိုက်သည်။
တရုပ်နိုင်ငံနင့်လေး လျှော်ကြီးကိစ္စ ဆူဆူပူပူ မဟိရအောင် ရီရှည်မှာ ထိမ်းသိမ်းလားရေပိုင် နိုင်ငံရေးအကျဉ်းသားတိ ထောင်ထဲမှာ မရှိကေ့  နိုင်ငံတကာအစိုးရများက ဗိုလ်ချုပ်မင်းအောင်လှိုင်၏ စစ်အစိုးရကို လက်ခံထားကတ်ဖို့  ဖြိုက်သည်။ ယေတာကြောင့်လေး အခုအချိန်တွင် ရှဥ့်လေးလျှောက် သာ ပျားလေးစွဲသာ နိုင်ငံရီးနည်းလမ်းများကို ချနီကတ်ဗျန်ဟု ပြော၍ရဗျန်ဟု သတင်းတိ ထွက်ပေါ်လာနီ ဗျန်ဖြိုက်သည် ။ စစ်တပ်မှ အာဏာသ်ိမ်းရန် ကြံစည်နီမှူကို သမတဦးသိန်းစိန်အစိုးရက ဦးနေ၀င်းလက် ထက်က သမတစပ်ရွှေသိုက်နှင့် ဦးနုတို့  အုပ်စုတိပိုင် သူရို့ အား မဖမ်းဆီးလျှင် လက်ခံနိုင်လောက်တေလို လေး ၀ီဖန်သံများကို ကြားနီရသည်ဟု ပြောဆိုနီကတ်ဗျန်ဖြိုက်ပါသည် ။
ခိုင်အောင်ကျော် ( နယူးယောက် )
