ဒေပင်လုံညီလာခံ ဆိုစော် ရခိုင်လူမျိုးတိ အတွက် ရခိုင်နိုင်ငံပျောက်လားစီစော်ရာ ဖြိုက်တေ ။ ဇါဖြိုက်လို့ ဆိုကေ ရခိုင်တော်လှန်ရီးသမားတိက ဘိုးတော်မောင်ဝိုင်း သိမ်းပိုက်လားရေ -၁၇၈၄-ခုနှစ်မှာ မဟာသမရာဇါက စစ်ရုံးလို့  ရခိုင်နိုင်ငံတော်က အောက်သားကျွန်ဖြိုက်လားခရပါရေ ။ ရခိုင်နိုင်ငံကို ဒေပိုင် စစ်နိုင်လို့  နီခကေလေး ရခိုင်သားတိက လက်နက်ကိုင်တော်လှန်ရီးကို နှစ်ပေါင်း( ၄၀ ) တိတိ တိုက်နီခစော်ပါရာ ။ ကိုလိုနီကျွန်ဖြိုက်နီခကေလေး တော်လှန်ရီးက ဟိနီခစော်ပါ ။ အင်္ဂလိပ်နယ်ချဲ့ တိက -၁၈၂၅ -ခုနှစ်က ရခိုင်ပြည်ကို သိမ်းပိုက်လားရေအခါ အောက်သားတိနင့် တခုချေလေး မဆိုင်ပါဗျန်ယေ ။ အင်္ဂလိပ်တိဘားမှာ ကိုလိုနီကျွန်ဖြိုက်နီယင်းပင်း ၁၉၄၁- ခုနှစ် မြန်မာနိုင်ငံက ဒုတိယကမ္ဘာစစ်အထဲ ပါလားရေအခါ ဂျပန်တိဘားမှာ -၁၉၄၂ -ခုနှစ်မှာတခါ ရခိုင်လူမျိုးတိက ကိုလိုနီဖြိုက်လားပါသိရေ ။ -၁၉၄၅- ခုနှစ် ဂျပန်တိက လက်နက်ချလားရေအခါ အင်္ဂလိပ်တိဘားမှာ ရခို်င်လူမျိုးတိက ကိုလိုနီကျွန်ဖြိုက်လားခပါသိရေ ။ ၁၉၄၈-ခုနှစ်မှာ မြန်မာနိုင်ငံကို လွပ်လွပ်ရီး ပီးလိုက်တေအခါ ရခိုင်လူမျိုးတိက ယင်းအထဲမှာ ပါလားခပါရေ ။ ရခိုင်နိုင်ငံရီးသမားတိက မြန်မာနိုင်ငံ လွပ်လွပ်ရီးယူဖို့  လုပ်စော်မှာ ၀န်ကြီး ယူသူယူ နင့် လွပ်လွပ်ရီး ရလားရေအခါ ၀န်ကြီးယူသူယူလို့  ဖြိုက်လားခပါရေ ။ မြန်မာနိုင်ငံ လွပ်လွပ်ရီး ယူရေအခါ ရှမ်းပြည်မှာ ဟိရေ ပင်လုံမြို့ မှာ တောင်တန်းဒေသမှာ နီထိုင်ကတ်တေ ရှမ်းလူမျိုး ၊ ချင်းလူမျိုး ။ ကရင်လူမျိုး ။ ကချင်လူမျိုးတိက ဗိုလ်ချုပ်အောင်ဆန်းနင့် တွိဆုံပနာ ညီလာခံ လုပ်ခစော်ပါရာ ။
ယင်းပင်လုံမြို့ မှာ ညီလာခံ လုပ်ခလို့  ပင်လုံညီလာခံ လို့  ခေါ်စော်ပါယေ ။ ယင်းညီလာခံက မြန်မာနိုင်ငံ ဖွဲ့ စည်းအုပ်ချုပ်ပုံ အခြီခံ ဥပဒေ တခုကို ရီးဆွဲ စော်မှာ ခွဲ ထွက်ချင်ကေ ခွဲ ထွက်ပိုင်ခွင့် ရှိရေလို့  ဥပဒေတခုကို ရီးဆွဲ ထားခပါရေ ။ ယေကေလေး ယင်းပင်လုံညီလာခံ မှာ ချမှတ်ထားခရေအတိုင်း တခုချေလေး မဖြိုက်လားပါကားယေ ။ ခွဲ့ ထွက်ဖို့  စကားကိုတောင် ပြောလို့  မရလိုက်ပါဗျန် ။ နောက်ဆုံးမှာ ရခိုင်လူမျိုးတိဘားမှာ ရခိုင်နိုင်ငံတော်ပျောက်လားခပါရေ ။ ပင်လုံညီလာခံမှာ မြန်မာနိုင်ငံ လွပ်လွပ်ရီးရအောင် လုပ်ခနိုင်ကေလေး ရခိုင်လူမျိုးတိမှာ ရခိုင်နိုင်ငံတော် ပျောက်ဆုံးလားရစော် ပါမနား ။ ယင်းပိုင်ရခိုင်နိုင်ငံတော်ပျောက်လားခစော်က စစ်တိုက်လို့  မဟုတ်ဘဲ အင်္ဂလိပ်တိက လွပ်လွပ်ရီးပီးရေအခါ ရခိုင်သားတိက ၀န်ကြီးနီရာ ယူခီမှားလို့  ဖြိုက်ပါရေ ။ မင်းသားကြီး ရွှေဘန်းရို့ က အင်္ဂလိပ်တိကို တော်လှန်ရီး လုပ်ခစော်ပါဒေ ။ ယင်းအချိန်က ရခိုင်တော်လှန်ရီး ဆိုစော် ရခိုင်နိုင်ငံပြန်လည် ရရှိရီးပါကာ ။ နောက် ဂျပန်ခေတ် တော်လှန်ရီး လက်ထက်မှာ ရခိုင်နိုင်ငံကို ပြည်လည်ရချင်လို့ တော်လှန်ကေလေး အောက်သားနင့် ပေါင်းရေ နိုင်ငံရီးဖြိုက်လားခလို့  နောက်ဆုံးမှာ ဘုံပေါက်သာကျော် ။ ဦးပညာသီဟ။ ဆရာတော် ဦးစိန္တာရို့ မှာ တခုချေလေး လုပ်လို့  ကိုင်လို့  မရလိုက်ပါဗျန်ကာ ။ ယေဇူးနင့် ပင်လုံညီလာခံဆိုစော်က ရခိုင်နိုင်ငံကို ပျောက်ဆုံးအောင် လုပ်လိုက်တေ ညီလာခံ ခြိုက်စော်ပါယေ ။ ရခိုင်နိုင်ငံတော် လိုချင်ကေ ပင်လုံညီလာခံအကြောင်းကို မပြောမိဖို့  လိုပါရေ ။ ။
ခိုင်အောင်ကျော် ( နယူးယောက် )
ခိုင်အောင်ကျော် ( နယူးယောက် )
