ကမ္ဘာတ၀ှမ်းမှာ ရခိုင်လူမျိုးတိ ရောက်နီရေအခါ ရခိုင်ပြည်က သတင်းအချက်အလက်တိကို လူတိုင်းသိချင်ကတ်စော်ပါဗျန် ။ ယေကေလေး ရခိုင်ပြည်မှာ ဇါဖြိုက်နီရေဆိုစော်ကို တခုချေလေး မသိရပါကာလို့့ ပြည်ပရောက်ရခိုင်လူမျိုးတိက ပြောနီကတ်ပါရေ ။ တချို့  ပြည်တွင်းက ရခိုင်လူမျိုးတိမှာ ရခိုင်ပြည်မှာ ပြသနာတခုလေးမဖြိုက် ၊ အီးအီးဆီးဆီးပါလို့  ပြောကတ်ပါသိယင့်။ ဂီရိမုန်တိုင်းပိုင် လူတိသီ ၊ ရီမြုပ်လို့  သီမှ ရခိုင်ပြည်သတင်းကို ကြားရဖို့ ဆိုကေ ယင်းပိုင်စော်မျိုးကား မဖြိုက်နိုင်ပါကားယေ ။ ဂီရိမုန်တိုင်းကလေး နှစ်စိုင်တိုက်နီဖို့  စော်ကား မဟုတ်ပါကားယေ။ ကွန်ပြူတာအွန်လိုင်းမှာ လာကတ်တေ လူငယ်ချေတိမှာလေး ကွန်ပြူတာမှာ မှတ်တမ်းမတင်ရေနည်းနင့် စာရီးလို့  ရကေလေး သတင်းအစအနဘင် မပြောပြတတ်ကာပါဒေ။ ရခိုင်ပြည်က နိုင်ငံရီး၊ စီးပွါးရီး ၊လူမှုရီး ၊ ပိုင်ညာရီး သတင်းတိကို အများဆုံးဖြန့် ပီးနိုင်ရေလူတိက ရခိုင်တိုင်းရင်းသားတိုးတက်ရီးပါတီရာ ဖြိုက်ပါရေ ။
ယေဇူးနင့် ယင်းပါတီမှာ ပြန်ကြားရီးဌါန မဟိလားလို့  မီးကေလေး ဟိရေလို့  ပြောသံတိ ကြားရပါသိယင့် ။ ယေကေ ပြန်ကြားရီးဌါနက ထုတ်တေ ရခိုင်တိုင်းရင်းသားစာစော်တိမှာကျကေလေး အောက်သားစာနင့် ရီးလို့  ထုတ်ထားစော်ကိုလေး မြင်ရပါသိရေ ။ လူသိရှင်ကြား ပြောရေအခါ ရခိုင်လူမျိုး စာပီ ထုတ်ဝီရီးလို့  ပြောပနာ ပါတီက ထုတ်တေ စာစောင်မှာကျခါ အောက်သားစာနင့် ထုတ်စော်ကလေး လက်မခံနိုင်စရာဖြိုက်နီပါရေ ဒေ။ ယေဇူးနင့် ရခိုင်တိုင်းရင်းသားတိုးတက်ရီးပါတီက ပြန်ကြားရီးနင့် သတင်းဖြန့် ချီရီးဌါန ဟိခကေ နိုင်ငံတကာကို ရောက်နီကတ်တေ ရခိုင်လူမျိုးတိ သိအောင် သတင်းအချက်အလက်တိကို ပီးနိုင်အောင် အင်တာနတ်ဆိုင်မှာ ရက်ပြတ်ထိုင်ပနာ သတင်းတိ ထုတ်ပြန်ပီးဖို့ လိုအပ်နီပါရေ ယေ ။
