နော်ဝေးနိုင်ငံ အစိုးရ၀န်ကြီး Espen Barth Eaide အစ်ပန်ဘာ့ဒီဒဲက အမျိုးသားလွတ်တော် ဥက္ကဌ ဦးရွှေမန်း နင့် တွိရေအခါ အောက်တိုဘာလ -ရ-ရက်နိက ပြောလိုက်စွာဖြိုက်ပါရေ ။ အခုဆိုကေ မြန်မာ နိုင်ငံထောင်တိမှာ နိုင်ငံရီးအကျဉ်းသား ပေါင်း - ၂၀၀၀- ကျော် ဟိနီရေအတွက် စာရင်း ကွာနီသိရေလို့  သမတဦးသိန်းစိန် ဦးဆောင်ရေ ရုပ်သီးအစိုးရက ပြောနီပါသိရေ ။ ယေကေလေး သမတဦးသိန်းစိန်က အိန္ဒိယနိုင်ငံကို မလားခင် လွှတ်ပီးဖို့ လို့ ထင်ရရေလို့  ပြောသံတိ ကြားနီရပါရေ ။
မိဖမဲ့  အချေကျောင်းက ဆရာတော် ဦးပညာစာရကိုလေး မြန်မာနိုင်ငံရီးအကျဉ်းသား ကူညီ စောင့်ရှောက် ရီး AAPP - က နိုင်ငံရီးအကျဉ်းသား စာရင်းမှာ ဖေါ်ပြထားရေပိုင် လွပ်လာ ဖို့ လို့ လေး ပြောသံတိ ကြားလာကတ်ပါရေ ။ အခုဆိုကေ ဘူးသီးတောင်မှာ အဖမ်းခံနီရရေ ရခိုင်နိုင်ငံ ရီးအကျဉ်းသားတိထဲမှာ ရွှေဝါရောင် တော်လှန်ရီးအရီးအခင်းမှာေ ခါင်းဆောင်အဖြိုက် ပါဝင်ခရေ ဦးဇင်း ဦးအရိသရိယ နင့် အတူ အခြားရဟန်းတိလေး ဟိရေပိုင် မီဒီယာသမား ဦးမောင်သာထွန်းကလေး အဖမ်း ခံနီရစွာ ဟိပါရေ ။
စစ်တွေထောင်နင့် ဘူးသီးတောင်ထောင်မှာ ရခိုင်နိုင်ငံရီးသမားတိနင့် ရဟန်းသင်္ဃာတော်တိ ဟိနီကေလေး အမျိုးသားဒီမိုကရေစီအဖွဲ့ ချုပ်ဝင်အဖြိုက် ရခိုင်လူမျိုးထဲက တယောက်ချေလေး အဖမ်းခံလို့  မဟိကြောင်း သိရပါရေ ။ နိုင်ငံရီးအကျဉ်းသား လွပ်မြောက်လာရေလို့  ဆိုကေ -၂၀၁၀- ရွီးကောက်ပွဲမှာ အနိုင်ရခရေ ရခိုင်တိုင်းရင်းသား တိုးတက်ရီးပါတီက နိုင်ငံရီးအကျဉ်းသားတိကို ကူညီစောင့်ရှောက် အားပီးဖို့ လို့ ရေလို့ လေး ပြောနီသံတိ ထွက်ပေါ်လာနီပါရေ ။ ယင်းအထဲမှာ AASYC က အဖမ်းခံထားရရေ ကိုရဲထွဋ်စိုး ။ ကိုကျော်မိုး ။ ကိုထွန်းလင်းကျော် ။ ကိုခိုင်ကျော်မိုး။ ကိုအောင်မိုးဇေါ် ။ ကိုအောင် နိုင် ။ကိုမဲလုံး။ ကိုအောင်နိုင်စိုး။ ကိုကျော်စံသိန်း ။ ကိုဇေါ်ထွန်းနိုင် ရို့ တိလေး နိုင်ငံရီးအကျဉ်းသားတိဖြိုက်လာဖို့ လို့  လွပ်လာဖို့  ထင်ရရေလို့ လေး ပြောဆိုသံတိ ကြားရပါရေ ။
