တခါတခါ ကိုယ်ပြောချင်စော်က ကိုယ်နင့်ရာ ဆိုင်ရေလို့  ထင်သည် ။ ယေကေလေး ကိုယ်နင့်အပြင် အခြားပတ်ဝန်းကျင်တိ သက်ဆိုင်စော်ကို သတိ မရချင်တတ် ။ အတ္တကလေး ဟိနီစော်တိ ပါရေထင်သည် ။ ရခိုင်လူမျိုးဆိုစော်က အတ္တမာန ကြီးစော်ကိုတော့ စကားပြောကေ ပြောမဆုံး ။ ငယ်ငယ်ကြီးကြီး မာနက ထိပ်ဆုံးက ။ ဒေါသက ရှေ့မှာ ။ တခါက ပြောသံတိ နားထဲမှာ ကြားတုံးသိ ။ ရခိုင်သားထဲမှာ တယောက်ထဲဆိုကေ ကောင်းရေ ။ စုခြီကေ မရဗျန် လတ် ။ ဇါက ထွက်လာရေ စကားပုံလေး မသိပါကားနန်း ။ ရခိုင်ပြည်ထဲမှာတော့ ယင်းပိုင် တခါချေလေး မမြင်ဖူးခပါချင့် ။ နောက်ဆုံးမှ သတိရလာသည် ။ လူဆိုစော်က လာရာလမ်းကြောင်းတိ မတူကတ်တေအခါ အကြောင်းအရာတခုကို ခံစားကတ်စော်က မတူပါကားယေ ။ ယေအေခါ အမြင်မတူ စိတ်ဓါတ်ချင်းမတူ ။ နားလည်ပုံချင်းမတူ ။ ခင်မင်ရင်းနှီးရာ လူပုဂ္ဂိုလ်ချင်းမတူ ။ ယေဇူးနင့် ယင်းချင့်ကစလို့  အဖွဲ့ တိထဲမှာ ပါတီတိထဲမှာ လူကွဲ ဂိုင်းကွဲ ။ ယေကေ ယင်းပိုင် ဆင်းသက်လာရေ မြစ်ဖျားခံစော် ရီစီးကြောင်း မတူစော်ကစလို့  အားလုံးဝီဖန်ခံလိုက်ရစော်ပါကာ ။ နောက်ဆံးမှာ ပန်းတိုင်တူကေလေး ရည်ရွယ်ချက် တိ ပျောက်ပနာ အမြင်စောင်းလို့  ရန်ခဲသဖက်ဖြစ်လာသော ရခိုင်မျိုးချစ်ဘင် ဖြိုက်လားစော်ပါရာ ။ နိုင်ငံတကာရောက်နီရေ ကိုယ့်လူရို့  အကျင့်ကို ပြောစော်ပါဒေ ။
အခုတော့ကာ ပြည်တွင်းက ရခိုင်လူမျိုးတိနင့်ပါတ်သက်လို့  ပြောချင်စော်က အာသီသဖြိုက်လာသည် ။ ရခိုင်တိုင်းရင်းသားတိုးတက်ရီးပါတီက ထုတ်ပြန်ရေ စာနင့်ဘင် ပြောချင်စော်ပါဒေ။ ARAKAN ဆိုရေ နာမည်ကို -၁၉၇၈-ခုနှစ်က မဆလအစိုးရက ပိတ်လိုက်တေအတွက် ရခိုင်ပြည်မှာ ရခိုင်လူမျိုးတိက မသုံးလိုက်ရကြောင်း ယင်းကန့် ကွက်စာမှာ ဖေါ်ပြထားစော် တွိရသည်။ ယင်းချင့်က ကမ္ဘာလောက် စိုးရိမ်ဖို့  ကောင်းစော်ပါကားယေ ။ယင်းနာမည်ကို မသုံးရလို့  ပြောခစော် တခါလေး မကြားဖူးခ ။ ရခိုင်လူမျိုးတိမှာ သုံးချင်ပိုင် သုံးနီခရေ နာမည်ဖြိုက်သည်။ ဇါဖြိုက်လို့  ဒေအသံ ထွက်လာရလေး ဆိုစွာကို စိုင်းစားဖို့ လိုသည်။ ယင်းပိုင်ဆိုကေ သမိုင်းလိမ်ကုလားတိက ငါရို့ က ဒေနာမည်ကို အယင်ကလေး သုံးသည် ။ အခုလေး သုံးသည်။ နောက်လေး သုံးမေ ဆ်ိုကေ ဇါလုပ်ရဖို့ လေး ။ မဆလအစိုးရက ပိတ်ခကေလး ငါရို့  အသုံးပြုသည် လို့  ဆိုကေ ဇါချင့်ကို လားပြောခြီရဖို့ လေး ။ ကိုယ့်လက်ထဲက ကိုယ့်နာမည်ကို သမိုင်းလိမ်ကုလားတိရအောင် လုပ်လိုက်စော်နင့် တချိန်းတည်း လုပ်ပလိုက်စော်ဖြိုက်သည်။ ကိုယ်သိထားစော် ကိစ္စ ပြသနာကို ဇါဖြိုက်လို့  လူတကာ သိအောင် ချပြလိုက်ချင်စော်လေး မသိ။ သိလားလို့ က ဇါအကျိုးအမြတ် ဟိလားဖို့ လေး မသိ။ ဒေပိုင်ပြောစော်ကို ၀ပ်ဆိုက်တိမှာ အင်တာနတ်တိမှာ တင်လိုက်သိယင့် ။
ဒေအကြောင်းအရာက ဂျပန်က ထွက်လာရေ စာသားမျိုးဖြိုက်နီစော်မျိုးပိုင် တွိရသည် ။ ဂျပန်ရောက် ရခိုင်သားတိက အကြံပီးလို့  ရခိုင်တိုင်းရင်းသားတိုးတက်ရီးပါတီက ကန့့် ကွက်စာ ထုတ်စော်လား ။ ရခိုင်တိုင်းရင်းသားတိုက်ရီးပါတီက ကန့် ကွက်စာ ထုတ်လို့  ဂျပန်ရောက် ရခိုင်လူမျိုးတိက ထောက်ခံပနာ ထုတ်စော်လား မသိ ။ ယေကေလေး နှစ်တိုင်စလုံးက အမှားကြီး မှားလားခဗျန်ဆိုစော်ကို ပြောချင်သည် ။ ယင်းစာသားမျိုးက တချိန်မှာ ကိုယ့်ဘားကို ပတ်လာနိုင်ဖို့  ပြသနာ အကြောင်းအရာဖြိုက်လားနိုင်သည် ။ ဂျာမဏီမှ သမိုင်းသုတေသီ ဦးခင်မောင်စော ထောက်ပြလာသောအခါမှ သတိရမိသည်။ ယင်းဆရာဦးခင်မောင်စောမှာ နုတ်တရာ စာတလုံးကို ဖြီရှင်းနီရသူဖြိုက်သည် ။ အန္တရယ် ဖြိုက်လာနိုင်ပါရေလို့  သူပြောသော သမိုင်းပြသနာတိကို သူတွိကြုံထားသမျှစော်တိနင့် ပြောလာရေအခါ ဂရုစိုက်ဖို့  လိုသည်။ ကိုယ့်အိပ်ထဲက စိုက်ပနာ ဖြိုက်လားရဖို့  စော်မျိုးကို တခါချေလေး မလုပ်ဖြိုက်အောင် လုပ်သင့်သည်။ နောက်တခုက ကန့် ကွက်စာတိ နင့် ကြီညာချက်တိနင့် ထုတ်ပြန်ချင်ကေ ၀ိုင်းလို့  တွက်ချက်ပနာ ထုတ်သင့်စော်ပါရာ ။ ကိုယ့်အဖွဲ့ နာမည်ကို လူတိကို သိစီချင်လို့  ဇါဘင်ဖြိုက်ဖြိုက် ပစ္စလက္ခတ်လုပ်စော်မျိုးကိုတော့ခါ ကျွန်တော်ရို့ က လက်သင့်မခံနိုင်ပါ ဒေ ။
နောက်တခုက ရခိုင်သမိုင်းနင့် ပါတ်သက်လို့  ကော်မီတီ ဆိုစော်မျိုးကို ရခိုင်လူမျိုးတိမှာ ဟိနီသင့်ဗျန်ဖြိုက်သည် ။ ပြည်ပမှာ သမိုင်းလိမ်လူမျိုးတိအကြောင်းတိကို ဖြီရှင်းနီ တင်ပြနီကတ်သော ရခိုင်လူမျိုးတိကို လက်ချိုးရီတွက်လိုက်ကေ ဆယ်ယောက်တောင် မပြည့် ။ တတ်နိုင်ရေဖက်က ပြောနီကေလေး သဘာဝမကျသိ ။ ကျွန်တော်က ယင်းပုဂ္ဂိုလ်တိကို ကော်မီတီတခုအဖြိုက် စုစီးပနာ ဟိစီချင်သည် ။ ပြောစရာဟိကေ နိုင်ငံတကာအစိုးရတိနင့် ပြောဖို့  ကျလာရေအခါ ကော်မီတီနင့် ပြောမှ ၊ ရခိုင်လူမျိုးကို ကိုယ်စားပြုသူတိဖြိုက်တေဆိုပနာ တာဝန်ခံပြောမှ ။ ရခိုင်သမိုင်းဆရာကြီး သုတေသီတိက ရခိုင်သမိုင်းကို ညီလာခံ လုပ်လို့  ရှင်လင်းရေအခါ ကျွန်တော်ရို့ က လက်ခုပ်လက်ဝါတီးလို့  နောက်က ထောက်ခံပီးမှ ။ ညီလာခံအတွိအကြုံကို စာတစောင် ပီတဖွဲ့  ရီးမှ ။ ယင်းပိုင်စော်မျိုးကို ကျွန်တော်က လုပ်ချင်သူဖြိုက်သည်။
ကံကောင်းချင်လို့ လား မသိ ။ အခုတော့ ရှမ်းလူမျိုးဖြိုက်သူ ဦးဟန်ညောင်ဝေက အခု ရန်ကုန်ကို သမတဦးသိန်းစိန်က ပြည်တော်ပြန်လာနိုင်ရေလို့  ကြီညာချက် ထုတ်လိုက်စော်နင့် လားခရေ ( ၅ ) ယောက်မြောက် လူဖြိုက်နီသည်။
သူနင့် ရန်ကုန်ရောက် ရခိုင်လူမျိုးတိက တွိရဖို့  ဖြိုက်လာနိုင်သည်။ ယေအခါ ဦးဟန်ညောင်ဝေနင့် တခါက ထိုင်းနယ်စပ်မှာ ဆုံခဖူးသူ ALD မှ ဦးအောင်ထွန်းစိန်က ပါဝင်လာပါနာ ပြောလာချင် ပြောလာနိုင်သည်။ သူ့ ကို ဂရုစိုက်စရာ မလိုပါကားယေ ။ ဇါဖြိုက်လို့ ဆိုကေ ဦးအောင်ထွန်းစိန်မှာ လက်နက်ချ အညံ့ခံ လားခရေ လူဖြိုက်လို့  သူ့ ကို ဇါနိုင်ငံရီးလောကမှာမှ အသုံးမပြုနိုင်ပါဗျန်ကာ ။ သူနင့်လေး ဒေကိစ္စကို စကားလုပ်ပနာ ပြောစရာ အကြောင်းမဟိပါဒေ ။ နောက်တခုက ရခိုင်တိုင်းရင်းသားတိုးတက်ရီးပါတီက ကန့် ကွက်စာကို ပီးစော်မှာ -၁၉ရ၈-ခုနှစ်က ARAKAN - လို့  သုံးစွာ မဟိခပါယေ လို့ - ဆိုပနာ ရီးထားရေ ကန့် ကွက်စာကို မပီးပါလီကတ်ကေ့။ နောက်တခုမှာ ဦးဟန်ညောင်ဝေက ဗမာစကားကို ပြောတတ်တေ လူဖြိုက်လို့  ရခိုင်သားတိက အလှပလှ ပြောပြလို့  ရပါရေ ။ အရီးကြီးစော်က နိုင်ငံခြားမှာ နီရေ လူဆိုပနာ အထင်ကြီးစရာလေး မလိုပိုင် စိုးရိမ်ကြောက်ရွံ့ နီစရာလေး မလိုပါယေ ။
ဦးဟန်ညောင်ဝေနင့် တွိဗျန်ဆိုကေ သူ့ ကို ရခိုင်သမိုင်းအကြောင်းနင့် ရီးထားရေ စာအုပ်တိကို လက်ဆောင်ပီးလိုက်ဖို့  လိုပါယင့် ။ နောက် အခြားတိုင်းရင်းသားလူမျိုးတိနင့် တွိကေ ကောင်းဖို့  စော်ကို အကြံပီးဖို့  လို ပါသိရေ ။ ယေဗြီးကေ သမိုင်းလိမ် ဒေကုလားလူမျိုးကို တွိချင်ကေ ဇါမှာ တွိနိုင်ပါဖို့ သိလေးလို့  သူ့ ကို မီးကြည့်ရပါဖို့ သိ ။ ရခိုင်ပြည်တွင်းနင့် ဗမာပြည်ဖက်မှာ ဦးဟန်ညောင်ဝေ တွိရဖို့  မူဆလင် တိလက်ထဲမှာ ပါလာရေ မှတ်ပုံတင်သည် ဇါလူမျိုးလေးဆိုစော်ကို ဖေါ်ပြနီစော်ဖြိုက်ပါသည် ။ ယေအခါ မြန်မာနိုင်ငံအတွင်းမှာ လူမျိုးစုများမှာ ( ၁၃၅ ) မျိုးရာ ဟိရေလို့  ဆိုစော်ကို သိလားအောင် လုပ်ဖို့  လိုပါယင့် ။ အဓိကမှာ ရခိုင်လူမျိုးတိက ရခိုင်သမိုင်းကို ပြောနိုင်ပနာ ဗမာလူမျိုးတိက မြန်မာသမိုင်းကို ပြောရေအခါ ဦးဟန်ညောင်ဝေ နားလည်အောင် ပြောလိုက်ဖို့  ရာဖြိုက်သည်။ သူက ရခိုင်သမိုင်းဆိုင်ရာ စာအုပ်တိကို ယူလားပနာ ကွယ်ရာမှာ ဝေးပလိုက်စော်ကို လုပ်ကေလေး လုပ်လီပါဖိ ။ အရီးကြီးစော်က ရခိုင်သမိုင်းဆိုင်ရာ သုတေသနအဖွဲ့ က တွိဆုံရှင်းလင်းစော်နင့် သမိုင်းဆိုင်ရာယဉ်ကျေးမှုစာအုပ်စာတမ်းတိကို ပီးလိုက်နိုင်စော်ကရာ အဓိကပါယေ ။
ယင်ပိုင်တွိဆုံလိုက်စော်နင့် ကျွန်တော်ရို့ ဖက်က ကောင်းကောင်းကြီး အလုပ်လုပ်လို့ ရပပါသည် ။ သူ့ ကို နောက်ဆုံးပြောလိုက်ဖို့ စော်က ဒေပိုင်စော်မျိုးကို နောက်ကို မလုပ်မဖို့  လိုကြောင်း ခြိမ်းခြောက်ပနာ လီသံတိကို ထည့်ပီးလိုက်ဖို့  လိုပါရေ ။ ဇါဖြိုက်လို့ ဆိုကေ သူ့ နောက်မှာ အခြားဒီမိုကရက်တစ် အင်အားစုတိ တခုချေလေး မဟိဗျန်ဖြိုက်လို့ ပါရာ ။ တွိဆုံကတ်ဗျန်ဆိုကေလေး ကမ်မရာနင့် ဗွီဒီိယို ရိုက်ထားပနာ မှတ်တမ်းတင်ထားဖို့ လိုပါရေ ။ သတင်းထောက်တိကို ခေါ်ထားဖို့  လိုပါရေ ။ မှတ်တမ်းတင် ဗွီဒီိယို ရိုက်ဖို့ လိုအပ်ကေ ကျွန်တော့်ကို ပြောနိုင်ပါသည်။ မလိုအပ်လို့  သူက ပြောကေလေး ကိုယ်ရို့ က ရိုက်ထားဖို့  လိုပါသည်။ သူနင့်အတူ ဓါတ်ပုံ တွဲ ရိုက်ထားဖို့  လိုပါသည် ။ ယေမှရာ ကိုယ့်ဖက်က အချက်အလက်တိကို ပြည့်ပြည်စုံစုံနင့် တင်ပြလို့  ရပါယင့် ။ ကျေူးဇူးပြုလို့  မေတ္တာရပ်ခံပါရစီ ။ ဒေပုဂ္ဂိုလ်က အကြံအဖန်သမားဖြိုက်လို့  လျော့မတွက်မိဖို့ လိုပါသည်။ ယေဇူးနင့် သတိထားပနာ ဟန်နင့် မန်နင့် နီပြကတ်ဖို့  လိုပါသည်။ သူ့ ကို နိုင်ငံခြားက လာရေ လူဖြိုက်လို့  -သီလားခရေ သမတ ကြီး စပ်ရွှေသိုက်-သား- ဖြိုက်လို့  အထင်ကြီး လေးစားစရာ တခုချေလေး လုပ်ဖို့  မလိုအပ်ပါ။ သူက ပြည်တော်ပြန်လူဖြိုက်လို့  တစိချေလေး နာမည်ကောင်း ရနီသူ မဟုတ်ပါကားယေ ။ ဇါဖြစ်လို့ ဆိုကေ ဒေလူက အခုအချိန်မှာ မျက်နှာပြစရာ တစက်လေး မဟိရေ လူဖြိုက်နီစော်ပါရာ ။ ယေဇူးနေင့် ကျွန်တော် အထပ်ထပ်အခါခါ ပြောပြလိုက်ပါရဇီ ။
နွဲ့ ဗျန်ခေါ်ယင့် ကလို့ ဟန်ပျင် မနီစကောင်းပါရာလို့ ။။။။။ ။။။။။
ခိုင်အောင်ကျော် ( နယူးယောက် )
ခိုင်အောင်ကျော် ( နယူးယောက် )
