မြစ်ဆံရီကာတာဆည်တည်ဆောက်စွာကို ကန့် ကွက်ခလို့  သမတဦးသိန်းစိန်က ရပ်လိုက်ရရေ ဆိုကေ ရခိုင်ပြည်က ကျောက်ဖြူရွှေဂါတ်စီမံကိန်းကို ချက်ချင်းရပ်ပီးဖို့  လိုရေလို့  ပြောနီလာကတ်ပါဗျန် ။ ယေကေ လေး ဒေရွှေဂါတ်စီမံကိန်းနင့် ပတ်သက်လို့  ရခိုင်ပြည်ကထွက်တေ သဘ၀ဓါတ်ငွေ့ ကို တကုဗပေလောက် တောင်မသုံးရဘဲ ထွက်သမျှ တရုပ်ပြည်ကို ရောင်းထားရေလို့  စွမ်းအင်ဝန်ကြီးဌါနက ၀န်ကြီးဦးသန်းဋ္ဌေး က ပြောဆိုလိုက်စွာဖြိုက်ပါရေ ။
ရခိုင်ပြည်ကို ရခိုင်လူမျိုးတိက မြီတလက်မချေလောက်တောင် မပိုင်ရေပိုင် ရီးအောက်ရီပြင်ကိုလေး တစိချေလေး မပိုင်ဆိုင်ရစွာ ဖြိုက်နီရစွာပါရာ ။ ယေဇူးနင့် ရခိုင်ပြည်ကထွက်တေ ဂါတ်စ်ကို ရခိုင်လူမျိုးတိက မသုံးရကေ ဆန္ဒပြစွာမှအပ အရာတခုချေလေး မဟိပါဗျန်လို့  ကျောက်ဖြူမြို့ နင့်စစ်တွေမြို့ မှာ ပြောနီကတ်သံ ကြားရပါရေ ။ အခုဆိုကေ မြစ်ဆုံရီကာတာ ရပ်လားခစွာနင့် ရခိုင်ပြည်မှာလေး ရပ်လားဖို့ လိုရေလို့  အချင်း ချင်း ပြောနီလာကတ်သံတိ ထွက်လာနီပါရေ ။ ရခိုင်ပြည်မှာ ဟိသမျှ မြို့ နယ်တိက မြို့ နယ်ပေါင်းစုံ ဆန္ဒပြပွဲတ ခုကို ကျင်းပဖို့ လေး ဟိရေလို့  သတင်းကြားနီရပါရေ ။
