အဖွဲ့ဝင် တယောက်က ပြောပြစော်မှာ "ကျနော်ရို့ ရခိုင်ပြည်မှာ သဘာဝဓာတ်ငွေ့ အများအပြားထွက်ပါရေ၊ ယေကေလည်းသို့ ကျနော်ရို့ ရခိုင်လူမျိုးတိ ဖောင်းစီရင် ရီငတ် ၊ ညှော်ခံဒဏ်- ဆိုရေပိုင် ဘ၀အခြေအနီတိကို ရင်ဆိုင်နီရပါရေ။ ရခိုင်ပြည် မြို့တော် ဖြိုက်တေ စစ်တွေမြို့မှာတောင် တရက်ကို လျှပ်စစ်က (၅) နာရီလောက်ရာ ရပါရေ။ လျှပ်စစ်ခ တယူနစ်ကို ၅၀၀ ကျပ်လောက်ပီးရပါရေ။ ရန်ကုန်၊ မန္တလေး၊ နည်ပြည်တော်စရေ မြို့တိမှာ လျှပ်စစ် တယူနစ်ကို ၂၅ ကျပ်လောက်ရာဟိပါရေ။ ယင်းပိုင်ဆိုကေ ကျနော်ရို့ ရခိုင်လူမျိုးတိရေ အဆနှစ်ဆယ်လောက် နာနီပါစော်ကို တွိ့ရပါရေ။ ရခိုင်ပြည်နယ်က ထွက်တေ သဘာဝဓာတ်ငွေ့ကို ရခိုင်ပြည်သူ ပြည်သားတိ အကျိုးခံစားခွင်ဟိရပါဖို့။ ယကေလည်းသို့ ကျနော်ရို ရခိုင်ပြည်က ထွက်တေ သဘာဝဓာတ်ငွေ့ကို ဖွံ့ဖြိုးတိုက်တက်မှု နှေးကွေးရေ ရခိုင်ပြည်မှာ အသုံးပဲ တရုတ်နိုင်ငံကို တင်ပို့ ရောင်းချနီပါရေ။ ကျနော်စော်ကို မြန်မာနိုင်ငံ ပြည်မမှာ အသုံးပြုနီပါရေ။ အေကိစ္စရေ ကျနော်ရို့ ရခိုင်ပြည်သူလူထုအပေါ်ကို နိုင်ငံတော် အစိုးရအနီနန့် မငဲ့ကွက်ပဲ လက်လွတ်စပါတယ် လုပ်စော်ဖြိုက်ပါရေ။ အေ သဘာဝဓာတ်ငွေ့စီမံကိန်ရေ မြန်မာအစိုးရ လုပ်ရပ်တိရေ ရခိုင်ပြည်နန့် ရခိုင်လူမျိုးအတွက် ကောင်းကျိုးမဖြိုက်ပဲ ၊ ဆိုးကျိုးကို ဖြိုက်စီပါရေ လို့ ကျနော်ရို့ ခံစားရပါရေ။ "ယင်းပိုင်ဖြိုက်လို့ အေလှုပ်ရှားမှုကို လုပ်ရစော် ဖြိုက်တေလို့ ပြောကြားလားပါရေ။
"ငါရို့ ရွှေဂစ်(စ်)ကို ငါရို့ သုံးစွဲခွင့်ဟိရမည်။ အဂုချက်ချင်း ၂၄ နာရီ မီးပီးပါ"
၂၄ နာရီလှုပ်ရှားမှုအင်အားစု (ရခိုင်ပြည်)
24 Hours Action Groups (Rakhine State)
24.basic.rights@gmail.com
