လွဲမှားနီရေ အမြင်တိ

ကျနော်ရေး အမျိုးသားရေးဆောင်ပါးရီးခဲပါရေ။ တခါတလီစိတ်ကူးပေါက်ပြီးကေ ကဗျာချေ တပုဒ်တလီရီပြီးကေ အွင်းလိုင်းပေါ်ကိုလည်း မတင်ဖြိုက် ကိုယ်ကွန်ပျူတာထဲမှာပဲ သိမ်ထားလိုက်မိရေ။ တခါတလီ Facebook ထက်ကိုတော့ တင်ဖြိုက်တေ။ တခုတလိုင်းမှာ ဖြိုက်ပျက်လားရေ ကိစ္စတခုကြောင်း ဆောင်းပါးတပုဒ်ရီသင့်ဗျာလ်ထင်ပြီးကေ ရီးဖြိုက်လာပါရေ။ လေးဝတီ ဘလော့မှာ ကျနော် ဖတ်ဖြိုက်လိုက်တေ တင်ပြချက်ဆောင်းပါး တပုဒ်ကြောင်းပါ။ ရီးရေလူက ရခိုင်သား ရခိုင်စကားလုံးအရ သုံးနီကျစကားအတိုင်း သုံးလိုက်တေ။ ယင်းသုံးနှုန်းမှုအောက်မှာ ရိပ်ခတ်မှုတိက ကကောင်းများလာပါရေ။ စာကို ဖတ်ကြည့်ရေအခါ သူအမှားရေ စေတနာ အမှားပါ။ စာဖတ်တေလူကလည်း ဖတ်ပြီးစော်နန့် ဒေါသက အယင်ရောက်ပါလတ်တေနန့် တူရေ။ ယင်းအချိန်မှာ ၀ုန်းဒိုင်ကြဲပါဗျာလ်။

ဝုန်းဒိုင်ကြဲစော်မှာ အမျိုးသားရေး ရှူဒေါင့်ဆိုစော်ထက် ပုဂ္ဂိုလ်ရေး အရ တိုက်ခိုက်မှုကို ဦးစားပီးစော်ကို တွိ့ရပါရေ။ ပုဂ္ဂိုလ်ရေးအရ တိုက်ခိုက်တေအခါ မလိုလားအပ်တေ ပြသာနာတိ နောက်ဆက်တွဲတိ တောက်လျှောက်ကို လိုက်ပါလတ်စော်ကို တွိ့ရပါရေ။ အေအဖြိုက်ပျက်ကို ကျနော် နည်းမျိုးစုံနန့် တောင်းပန်ခပါသိမ့်ရေ။ အေပိုင် ဖြိုက်ပျက်လားရေအခါ ကျနော် အတွိ့အကြုံတိ အများကြီးရလိုက်ပါရေ။ တခုက ပါတီစွဲအမျိုးသားရေးပါ။ ရခိုင်အမျိုးသားရေးကို ရခိုင်မျက်လုံးနန့် မကြည့်ဘဲ ပါတီ မျက်လုံးကြည့်ရေခါ သူ့ပါတီက လူမဟုတ်ကေ ကျန်ရေလူအားလုံးကို သူနန့် မဆိုင်သလို သဘောထားစော်ကို တွိ့ရပါရေ။ နောက်တချက် ပြသာနာတခု ဖြိုက်လာယာဆိုကေ အမျိုးသားရေးအမြင်အရ မကြည့်ဘဲ ပုဂ္ဂိုလ်ရေး တိုက်ခိုက်မှုပါ။ ပုဂ္ဂိုလ်ရေး တိုက်ခိုက်မှုပေါင်းများခလို့လည်း အေနိ ရခိုင်အဖွဲ့အစည်း မြောက်များစွာ အကွဲအပြဲ ဇာတ်လမ်းတိကို မကြားချင်ကေလည်း ကြားနီရရေ။ အမျိုးသားရေးကဏ္ဍမှားကေ အမျိုးသားရေးအရ ဖြေရှင်းကတ်ရဖို့ လိုအပ်ချက်တိ အများကြီးဟိနီစော်ကို တွိ့ရပါရေ။ တခါတလီ တောင်းပန်ကေ ခွင့်လွတ်ပီးရေ ဆန္ဒမှာလည်း အားနည်းပါရေ။ ယေပြီးကေ မှားရေ အခါ တောင်းပန်ပါရေ ဆိုရေ အပြုအမှုလည်း အားနည်းပါရေ။ ကိုယ်အမှားတခုကို ပြုလုပ်မိဗျာလ်ဆိုကေ ကိုယ်အမှားကို မယင်း မဆန်စစ်ဘဲ သူများကို အပြစ်စီလားပုံချရေ အကျင့်က အရိုးစွဲနီကပါဗျာလ်။ လူတယောက်မှာ အားနည်းချက်ဆိုစော် အားလုံးသူမှာ ဟိပါရေ။ ယင်းသူမှားရေယေ၀ိုင်းလို့ ပြောဖို့ဆိုကေ ငါကားမမှားလားဆိုရေ အသိစိတ်ကို အယင်းမမွီးဘဲ ယင်းအမှားကို နန့်ကြွက်ကန်းလမ်းလျှောက်ပြီးကေ ပြသာနာတိ ဖြိုက်ပြီးကေ အဆုံးမှာ အကွဲအပြဲနန့်စီအဆုံးသတ်လားရေ။ တချို့ဆိုကေ စိတ်ဓာတ်ကျပြီး ရှေ့ကို မတိုးလာဘဲ နောက်ဆုတ်လားစော်တိက မကန်ပါ။ လုပ်တေ လူ မှားပါဖို့။ မမှားချင်ကေ မလုပ်ကဲ့။ ထိုင်ကြည့်နီ။ ယင်းအကွဲအပြဲဇာတ်လမ်းတိကြားမှာပဲ အမျိုးသားတော်လှန်ရေးတခုကို တည်ဆောက်ဖို့ နောက်မျိုးဆက် ဆိတ်သုံးမှုကို အေနိ ခံနီရေကို မသိချင်ယောင်ဆောင်နီကတ်စော်လား။ မဟုတ်ဘဲ မလိုလားအပ်လို့လား။ ပြသာနာတခုဖြိုက်လာကေ အသူရယ်ဖို့လဲ။ အဆုံးမှာ ဒိုင်စားတတ်တေနန့်။ ဝေဖန်ဖို့ဆိုကေ အယင်းဆန်းစစ်ပါ။ ဝေဖန်ရေဆိုစော် အကောင်းဖက်ကို ဦးတည်ပါရေ။ အပြစ် မတင်ပါကဲ။ အပြစ်တင်ရေဆိုစော် အဆိုးဖက်ကို ဦးတည်ပါရေ။ ယင်းပိုင်ဖြိုက်လို့ ဝေဖန်ပါ အပြစ်မတင်ပါကဲ။ မဝေဖန်တတ်ဘဲ ဝေဖန်ယာဆိုကေ ပုဂ္ဂိုလ်ရေး တိုက်ခိုက်မှုကို ရောက်လားပါလိမ်မယ်။ တိုက်ခိုက်ဖို့ဆိုကေ လူတိုင်းမှားအားနည်းချက်ဟိပါရေ။ အားနည်းချက်ို တိုက်ခိုက်မိဗျာလ်ဆိုကေ ပြသာနာက တောက်လျှောက်လိုက်လာပါဗျာလ်။ ယင်းအတွက်နန့် လူတယောက်ကို ကြည့်လို့ ဝေဖန်ဖို့ခါ ပုဂ္ဂိုလ်ရေးမသင့်မြတ်မှုကို မကြည့်ပါကဲ။ အမျိုးသားရေး မျက်လုံးနန့် အမှားအမှန်ကို ဆုံးဖြတ်စီချင်ပါရေ။
အဲချင့်အားလုံးသည် အမျိုးသားရေးက ရလိုက်တေ ကျနော်သင်ခန်းစာပါ/ လွတ်လပ်စွာ သဘောထားကွဲလွဲပိုင်ခွင့်ဟိပါရေ။
ခင်မင်လျှက်
သျှင်သွီး