၁၉၉၀- ခုနှစ်မှာ ရခိုင်ပြည်နယ်က မဲဆန္ဒနယ်မြီ-၁၁- နယ်မြီမှာ လွှတ်တော်ကိုယ်စားလှယ်တိက အနိုင်ရခကေလေး စစ်အစိုးရက ရွီးကောက်ပွဲရလဒ်ကို ယင်းအချိန်ကပင် အကောင်အထည် မဖေါ်ပီးခပါယေ ။ ယင်းအတွက်တာနင့် ပြည်သူ့ လွှတ်တော်ခေါ်လို့  အစိုးရ မဖွဲ့ နိုင်ခကတ်တေပိုင် ဒေါက်တာစောမြအောင်+ ဦးအေးသာအောင်ရို့ မှာ ထောင်ကျခံခရပါသိရေ ယေ ။ ၂၀၀၈- ခုနှစ် ဖွဲ့ စည်းပုံအခြီခံ ဥပဒေကို လက်မခံလို့  ရခိုင်ဒီမိုကရေစီအဖွဲ့ ချုပ်က မ၀င်ခရေအတွက် ရခိုင်တိုင်းရင်းသား တိုးကတ်ရီးပါတီက ရခိုင်ပြည်မှာ တပါတီထဲအဖြိုက် ပါဝင်ယှဉ်ပြိုင်ခလို့  မဲဆန္ဒနယ်မြီ -၃၄-နီရာမှာ အနိုင်ရခပါယင့်ယေ ။
ပေါက်တောမြို့ နယ် လွှတ်တော်ကိုယ်စားလှယ်နှစ်ယောက်ကို နောက်ပိုင်းမှာ လွှတ်တော်တရားခုံရုံးက ဆုံးဖြတ်ချက်ချပနာ အရှုံးပီးလိုက်ရေအတွက် အခုဆိုကေ -လွှတ်တော်ကိုယ်စားလှယ်-၃၂- ယောက်နင့် ရခိုင်ပြည်နယ်အစိုးရထဲမှာ ၀န်ကြီး-၃-ယောက်အပါအ၀င် ဟိနီပါရေဒေ။ အခုတလိုင်း ကြားရရေ သတင်းတိက ရခိုင်ဒီမိုကရေစီအဖွဲ့့ ချုပ်က နိုင်ငံရီးပါတီအဖြိုက် မှတ်ပုံတင်ဖို့ လိုလို ကြားနီရစော်ကို ပါတီတာဝန်ဟိရေလူတိက ယင်းစကားကို ငြင်းဆိုဆိုလိုက်ပနာ အခုဆိုကေ ရခိုင်တိုင်းရင်ား တိုးတက်ရီးပါတီနင့်ပင် တွိဆုံပနာ ပါတီချင်း ပူးပေါင်းလားဖို့  ဆိုစော် သတင်းတိ ကြားနီရပါရေ ထော။ ရခိုင်လူမျိုးတိမှာ ရခိုင်ပြည်မှာ တပါတီထဲရာ ဟိသင့်ရေ မူဖြိုက်သင့်ရေလို့  လက်ခံထားရေအတွက်နင့် အခုဆိုကေ ရခိုင်ပြည်မှာ တပါတီထဲရာ ဟိကတ်ဖို့ ဗျန်ဆိုစော် သတင်းတိကြားလို့  ရခိုင်သားတိ ၀မ်းသာနီကတ်ပါရေလို့  သိရပါရေ ဒေ။
