ကျနော် နားလည်ရေ အမျိုးသားရေးအမြင်နန့်စိတ်ဓာတ်

ကျနော်ဒေစာကို ရွီးဖို့ မရွီးဖို့ စိုဉ်းစားနိန်စွာ ရက်သတ္တပတ် ကျော်ကျော် ကြာခပါဗျာယ်။ချီတုံချီတုံလည်း ဖြိုက်နိန်မိရေ။အလုပ်က မအားလပ်စွာကလည်း တစ်ဖက်၊နောက် ကိုယ်စိတ်အတွိးတိထဲမှာ ရှိနိန်ရေ စိတ်ဓာတ်တိကို ချပြချင်ရေ စိတ်ထားကလည်း တစ်မျိုးဖြစ်တေအတွက်နန့် ချီတုံချတုံဖြိုက်နိန်မိခြင်း ဖြိုက်ပါရေ။နောက်ဆုးံမှာ ဒေစာကို ရွီးဖို့ဆုးံဖြတ်လိုက်တေအတွက်နန့် စာလုးံများကို စာရွက်ပေါ်တွင် ချရွီးလိုက်ပါရေ။
အမျိုးသားရေးစိတ်ဓာတ်ဆိုစွာ ဇာကို ခေါ်ပါသနည်း? ကိုယ့်ကိုကိုယ် အကြိမ်ပေါင်းမနည်း မိန်းခွန်းထုတ်နိန်မိရေ။ကိုယ်လူမျိုးကို ချိုက်တေစိတ်၊နိုင်ငံကို ချိုက်တေစိတ်၊ကိုယ်ကိုးကွယ်ရေဘာသာတရားကို မပျောက်ပျက်အောင် ထိန်းသိမ်းလိုရေစိတ၊်ကိုယ့်စာပီ အနုပညာကို ကြီးထွားရှင်သန်လိုရေ စိတ်၊ကုမ္ပဏီတစ်ခုမှာပင်ဖြိုက်စီ၊စက်ရုံအလုပ်ရုံတစ်ခုမှာပင်ဖြိုက်စီ ကိုယ်လူမျိုးတိက နိန်ရာရရေး၊ရာထူးမြင့်မြင့်မားမား ရှိနိန်ရေး(အရာရောက်ရေး) ဒေစိတ်တိပင် အမျိုးသားရေးစိတ်ဓာတ်လား။ စသည်ဖြင့် တွိးနိန်မိသည်မှာ အဂု စာရွီးရေ အချိန်ထိပင် ဖြိုက်ပါရေ။ ကမ္ဘာပေါ်မှာ ရှိနိန်ရေ ဇာလူမျိုးမဆိုကိုယ့်နိုင်ငံ၊ကိုယ့်လူမျိုး၊ကိုယ်ကိုးကွယ်ရေဘာသာကိုတော့ ချိုက်ခင် တန်ဖိုးထားကြပါသည်။အထူးပြောနိန်စရာပင် လိုအပ်မေ မထင်ပါ။သို့သော် မျိုးကိုချိုက်ခြင်းကြောင့် စွန့်လွတ်အနစ်နာခံခြင်း၊မျိုးချိုက်စိတ် ပြင်းထန်ခြင်း၊အမျိုးအတွက် လူမျိုးအတွက်ဆိုကေ အသက်ကိုတောင် ပီးဆပ်ရဲခြင်း၊ဆိုရေ စိတ်ဓာတ်တိ လူမျိုးတိုင်း လူသားတိုင်းမှာ မရှိပေ။ဒေပိုင်လူသားတိုင်းမှာ မရှိလို့လည်း အာဇာနီ(Martyr) ဆိုစွာ လူသားတိုင်း ဖြစ်မလာ။ယင်းချင့်သည်ပင်လျှင် အမျိုးကိုချစ်တေ မျိုးချိုက်စိတ်(Patriotism) ကွာခြားခြင်းပင် ဖြိုက်ပါသည်။ အမျိုးသားရေးသည် တစ်ဦးတစ်ယောက်နန့် မဆိုင်။ကမ္ဘာမြီကြီးပေါ်တွင် နိန်ထိုင်ရေ လူသားတိုင်းနန့် ဆိုင်သည်။ဒီမိုကရေစီ ကျသည်။အမျိုးသားကောင်းစားရေးအတွက် စိတ်ပါဝင်စားမှုရှိက စိတ်အားထက်သန်ရေလူက လုပ်သည်။ကိုယ်တစ်ကိုယ်တည်း ကောင်းစားမှုကို ကြည့်ရေလူက တစ်ကိုယ်တည်း ကောင်းစားဖို့အတွက် လုပ်သည်။မိသားစုတစ်ခု၊ဆွီမျိုးတစ်စု ကောင်းစားရေးအတွက်ကိုရာ ကြည့်ရေ လူက ယင်းမိသားစု၊ဆွီမျိုးကောင်းစားရေးအတွက်သာ လုပ်သည်။တစ်တိုင်းပြည်လုးံ ကောင်းစားဖို့ကို စိတ်ထက်သန်ရေလူက တစ်တိုင်းပြည်လုးံ ကောင်းစားရေးအလုပ်ကိုလုပ်သည်။ထို့အတူ အဖွဲ.အစည်းတစ်ခု၊ပါတီတစ်ခု၊အသင်းအဖွဲ.တစ်ခု၊ကောင်းစားရေးကိုရာ လိုလားရေလူက ယင်းပါတီကောင်းစားရေးကိုသာ လုပ်သည်။ ဇာပင်ဖြိုက်ဖြိုက် မျိုးချိုက်ခြင်းသည် အလွန်တရာမှ မြင့်မြတ်ရေ စိတ်ထား စိတ်ဓာတ်ပင်ဖြိုက်သည်။ကောင်းသော အလုပ်ပင်ဖြိုက်သည်။ဗုဒ္ဓဘာသာဝင် တစ်ယောက်အနိန်နန်. သာဓု ခေါ်ထိုက်ပါသည်။မျိုးချိုက်ခြင်းကို မော်ကြွား ပနာ ငါက ပိုချိုက်သည်။သူက ပိုချိုက်သည်လုိ့ ပြောနိန်စရာ။ပေတံနန့် တိုင်းလို့မရ။စွန့်လွှတ်အနစ်နာခံလို့ အသူပိုလုပ်နိုင်လဲဆိုပနာလည်း စိန်ခေါ်ပြနိန်စရာမလို။လုပ်ဆောင်ခြင်းကသာသက်သီပြသည်။ အမျိုးသားရေးအလုပ်သည် ၀မ်းရေးအတွက် ကိုယ်တစ်ကိုယ်တည်း ကောင်းစားဖို့အတွက်အသုးံချခံပစွည်းတစ်ခုမဟုတ်။အမျိုးသားရေးဆိုရေ စကားသည် ကြည့်လိုက်ကေ လေးလုးံတည်း။ဒေစကားလုးံ(လေးလုံး)သည်ပင်လျှင် အဓိပ္ပါယ်က အလွန်တရာ လေးနက်သည်။အဓိပ္ပါယ် အမျိုးမျိုး သတ်မှတ်လို့ရသည်။ ကျွန်တော်ရေ ရခိုင်သားတစ်ယောက် ဖြိုက်တေအတွက်နန့် ရခိုင်လူမျိုးအရေးကိုရာ စိတ်ဝင်စားသည်။ရခိုင်အမိ ရခိုင်အဖဘက်ကက မွီးဖွားလာရေ ရခိုင်သားတစ်ယောက်ဖြိုက်သည်။ရခိုင်သားတစ်ယောက်ဖြစ်တေအတွက်နန့် ရခိုင်အရေးကိုရာစိတ်ဝင်စားရေဆိုကေ လွန်အံ့ဖို့မထင်။လွန်ကေလေ့ မတတ်နိုင်။ ၂၀၁၀ ၁၁လပိုင်း ၇ရက်(စနီနိန့်)မှာ လုပ်ခရေ ရွှီးကောက်ပွဲမှာ ရခိုင်တိုးတက်ရေးပါတီကို ရခိုင်လူမျိုးတိက အသည်းကြားက မဲတစ်ပြားဆိုရေပိုင် သူရို့ပိုင်ဆိုင်ရေ မဲတစ်ပြားကို ပုံအောပနာ မဲပီးခကတ်တေ။ယင်းအတွက်နန့်လည်း ရခိုင်တိုးတက်ရေးပါတီက ရွှီးကောက်ပွဲမှာ အနိုင်ရလားပါရေ။မဲဆန္ဒနယ်မြီ (၃၄) နိန်ရာ အနိုင်ရလားပါရေ။ ပေါက်တောမြို.နယ် လွှတ်တော်ကိုယ်စားလှယ် နှစ်ယောက်ကို နောက်ပိုင်းမှာ အရှူးံပီးလိုက်လို့ (၃၂) နိန်ရာရာ ကျန်လိုက်ပါရေ။ရခိုင်ပြည်နယ်အစိုးရ ၀န်ကြီးများ အဖွဲ.မှာတော့ ရခိုင်ဝန်ကြီး (၃)ယောက် ရှိနိန်ပါသိမ့်ရေ။ ရခိုင်လူထုတိက ဇာဖြိုက်လို့ ရခိုင်တိုးတက်ရေးပါတီ(RNDP)ကိုရာ မဲထည့်ကတ်ပါလဲ။အဖြီက ရှင်းပါရေ။ရခိုင်လူမျိုးကို ကိုယ်စားပြုရေ ရခိုင်ပါတီဖြိုက်လို့ပါ။ယင်းပိုင်မဲထည့်ခြင်းသာပင်လျှင် ရခိုင်လူမျိုးကို ချိုက်တေစိတ်ကြောင့် ရခိုင်လူမျိုးနန့် အခြားလူမျိုးတိနန့် ပြိုင်လာကေ ရခိုင်လူမျိုးကရာ အနိုင်ရရမေ ဆိုရေ မွီးရာပါ အမျိုးသားရေးစိတ်ဓာတ်(Innate Nationalism) ကြောင့်ပင် ဖြိုက်ပါရေ။ လက်နက်ကိုင် တော်လှန်ရေးကို ၀ါသနာပါရေ စိတ်ထက်သန်ရေ လူကလည်း လက်နက်ကိုင်တော်လှန်ရေးဖြင့် အမျိုးသားရေးအလုပ်ကို လုပ်သည်။စာပီကို ၀ါသနာ ပါရေလူကလည်း စာပီလည်း အမျိုးချိုက်ကြောင်းကို စာပီနန့် ဖော်ထုတ်သည်။အနုပညာ၊ပန်းချီ ဂီတကို ၀ါသနာ ပါရေ လူတိကလည်း အနုပညာ ဂီတတိနန့် အမျိုးကိုချိုက်ကြောင်း အမျိုးမြတ်ကြောင်းကိုဖော်ထုတ်ပါသည်။သရုပ်ဖော်ပြကတ်ပါသည်။ အမျိုးသားစိတ်ဓာတ်ပေါ်ပေါက်အောင် သမိုင်းကြောင်းကို သိအောင် စာရွက်စာပီတိ ဖြန့်ဝီခြင်း ဟောပြောပြခြင်းသည်ပင်လည်း မျိုးချိုက်ခြင်းတစ်ရပ်ပင်ဖြစ်သည်။အခြီခံစိတ်ထား မျိုးချိုက်ခြင်းကတော့ တတူပါရာ။လုပ်ဆောင်ပုံ လုပ်ဆောင်နည်း လမ်းစိုဉ်ရာ ကွာပါရေ။ မြန်မာပြည်မှာပါ မက ကမ္ဘာမှာပါ ထင်ရှားခရေ ဆရာတော်ဦးဦးတ္တမ လက်နက်ကိုင်ပနာ တိုက်ပွဲဝင်ခခြင်း မဟုတ်ပါ။ရခိုင်-မြန်မာပဏ္ဍိတ် ဆရာကြီးဦးဦးသာထွန်း အပါအ၀င် အခြားလူပုဂ္ဂိုလ်တိလည်း အများအပြားရှိကတ်ပါသိမ့်ရေ။ မြန်မာလူထုခေါင်းဆောင်တစ်ယောက် ဖြစ်တေ ဒေါ်အောင်ဆန်းစုကြည်လည်း လက်နက်ကိုင် တွန်းလှန်နိန်ခြင်းမဟုတ်။ကိုယ်နိုင်ရာဆိုင်ရာ တက်ကျွမ်းရေဘက်က အမျိုးသားကောင်းစားရေးကို ရှေးရှူပနာ လုပ်ဆောင်ပီးနိန်ကတ်ခြင်းဖြိုက်ပါရေ။ ဒေနိန်ရာမှာ ဒေါ်အောင်ဆန်းစုကြည်ကို ကျနော်လိုလားလို့ ပြောနိန်ခြင်းမဟုတ်ပါ။ ဥပမာအဖြိုက်နန့်သာ တင်ပြခြင်း ဖြိုက်ပါသည်။ သမိုင်းပညာရှင်တိအတွက် သမိုင်းကို ရှာဖွီပနာ ဖော်ထုတ်နိန်ခြင်းသည်ပင်လျှင် သမိုင်းပညာရှင်ရို့၏ လက်နက်ပါ။စာပီပညာရှင်တိအတွက် စာပီသည် လက်နက်။အနုပညာရှင်တိအတွက် အနုပညာသည် လက်နက်ပါ။တိုင်းပြည်တစ်ပြည်မှာ အားလုးံစစ်သားဂျေးရာ ရှိနိန်လို့မရရေပိုင် သူနန့်ရာနန့် သူ ကဏ္ဍာမျိုးစုံ ထောင့်မျိုးစုံမှာ ရှိနိန်ဖို့လိုပါရေ။နိုင်ငံတစ်နိုင်ငံ(သို့)ပြည်နယ်တစ်ခုမှာ အဓိက မရှိမဖြိုက်က စစ်တပ်ပါ။ တိုင်းပြည်နန့်လူမျိုးကို မားမာရပ်ပနာကာကွယ်ပီးဖို့စစ်တပ်လိုပါရေ။ ကိုယ်ကျိုးစွန့်အနစ်နာခံပနာ တိုင်းပြည်နန့်လူမျိုးအတွက် လက်နက်ကိုင် တိုက်ပွဲဝင်နိုင်ကေတော့ အကောင်းဆုးံပါ။ယင်းပိုင် လူတိကိုလည်း ဒေနိန်ရာက နိန်ပနာ ဂါဝရ ပြုပါယင့်။ အခုဆိုကေ ရခိုင်နိုင်ငံနန့် လူမျိုး ကျွန်ဖြိုက်နိန်စွာ နှစ်ပေါင်း(၂၂၇) ရှိပါဗျာယ်။ဆရာကြီးဦးဦးသာထွန်းပြောခရေပိုင် ရခိုင်လူမျိုးရို့သည် နိုင်ငံ၏နိုင်ငံရေးကို လုပ်ဖို့အချိန်မကျပါသိမ့်။အမျိုးသားနိုင်ငံရေးကိုရာ လုပ်ဆောင်နိန်ရတုန်းပါသိမ့်လတ်။ မှန်လိုက်တေ စကားပါ။မှတ်သားလောက်ပါရေ။အဂုခေတ် ရခိုင်လူငယ် လူရွယ်ရုိ့သည် ရခိုင့်သမိုင်းကြောင်းကို မဆိုထားဖိ။လေ့လာဖို့လောက်ကိုတောင် စိတ်ဝင်စားမှု မရှိခြင်းကို တွိလာရပါရေ။ယင်းချင့်တိသည်ပင်လျှင် ရခိုင်အချင်းချင်း စည်းလုးံမှု စည်းရုးံမှု အားနည်းနိန်ခြင်းကို ပြသရေသဘောပင်ဖြစ်ပါသည်။ တစ်ယောက်ကို တစ်ယောက် ဟောပြောပြသမှု လက်ဆင့်ကမ်းမှု အနစ်နာခံမှု၊ရိုးသားမှုတိ မရှိသလောက်ပင် ဖြစ်လာသည်။အဆိုးဆုးံက တစ်ဦးကိုတစ်ဦးလေးစားမှု မရှိခြင်းပင်ဖြစ်သည်။ငါသည် တော်ရေ တတ်တေ ဆိုရေ အသိစိတ် မာန်မာန ထောင်လွှားစိတ်တိ ရခိုင်လူမျိုးအချင်းချင်းကြားမှာ ဖျောက်ဖျက်ဖို့လိုရေလို့ မြင်မိပါသည်။ ရခိုင်သား သုးံယောက် ဆုံကေ အရက်ပုလင်းထောင်ရေ အဖြစ်မျိုး အမြဲလိုလို မဖြိုက်သင့်ပါ။ကျွန်တော် နိန်ထိုင်ရေ ရပ်ကွက်မှာ အမြဲလိုလို တွိ.နိန်ရလို့ ပြောခြင်း ဖြိုက်ပါရေ။တစ်ခါက ကျနော် နန့်ရင်းနှီးရေ သူငယ်ချင်းတစ်ယောက်ဘက်ကို သူငယ်ချင်းတစ်ယောက် ရောက်လာပါရေ။ယင်းသူက အလုပ်မှာ သဌေးနန့် စကားများလို့ဆိုလား လစာနည်းလို့ဆိုလားမသိ အလုပ်လောလောဆယ် မရှိသိမ့်လို. ဆိုပနာ ကျနော်သူငယ်ချင်းအိမ်သို့ အလည်ရောက်လာပါရေ။ယင်းမှာ ရက်သတ္တပတ် ကျော်ကျော် လ၀က်နီးပါး နိန်ခပါရေ။နိန်ထိုင်ခစွာကတော့ အကြောင်းမရှိပါ။ အကြောင်းရင်းက ယင်းသူကို ညတိုင်း အရက်တိုက်ရခြင်းဖြိုက်ပါရေ။ကျနော်သူငယ်ချင်းက အရက်သီစာ သောက်စားခြင်း နည်းပါရေ။မသောက်လို့တောင် ပြောရပါဖို့။ ယင်းသူဘက်ကို ယင်းသူ.သူငယ်ချင်း ရောက်လာရေ နိန်.့ကပင်စလို. ညတိုင်းအရက်ပုလင်းထောင်ဖြိုက်လာပါရေ။ထမင်းလည်း ကျွေးရ အရက်လည်း တိုက်ရဆိုကေ တစ်ရက်လည်း မဟုတ် နှစ်ရက်လည်း မဟုတ် နိန့်စိုဉ်လိုလို ဖြိုက်လာကေ ကျနော် စိတ်ထဲ လွန်ရေပိုင် တွိ.လာပါရေ။ နောက်တစ်ချက်က ကျနော်သူငယ်ချင်းလည်း ယင်းသူနန့် တတူအရက်သောက်ယင်းနန့် ယစ်ရေ နိန့်တိ များလာလို့ အလုပ်လည်း မဆင်းနိုင် ဖြိုက်လာပါရေ။’တံငါနားနီး တံငါ’ဆိုစွာ ဒေချင့်ကို ဆိုလိုစွာပါလား မသိ။ကျနော်လည်း ဘ၀င်မကျပိုင် တွိ.လာလို့ ယင်းသူရို့အရက်သောက်နိန်ကတ်ရေခါ ကျနော်သူငယ်ချင်းကို လားပြောပါရေ။ အရက်နိန့်စိုဉ်မသောက်ဖို့နန့် ကိုယ်ရည်မှန်းချက် အကောင်အထည်ပေါ်အောင်ရာ အာရုံစူးစိုက်ဖို.သင့်ကြောင်း ပြောလိုက်ပါရေ။ ယေအခါ ယင်းသူဘက်ကို အလည်ရောက်နိန်ရေ လူက အရက်သောက်စွာ ဆန်းပါလားလတ်။တရုတ်တိက နိန့်တိုင်း သောက်ကတ်ပါရေလတ်။ ကျနော်ကလည်း စိတ်က ခံပြင်းစိတ် ဖြိုက်လားပနာ တရုတ်က တစ်ရက်မှာ ဖေ့သာ ၅၀၀ ၀င်လို့ ၅၀ဖိုး သောက်စွာ။ငရို့ရခိုင်သားတိမှာ တစ်ရက်မှာ ၂၀ မ၀င်ပဲ ၅၀ဖိုးသောက်ကတ်တေလို့ ပြောလိုက်ပါရေ။ယင်းပိုင်ပြောပြီးပြီးချင့် ကျနော်လည်း လှည့်ထွက်ပါလတ်ပါရေ။ စာဖတ်သူတိ စိုဉ်းစားကြည့်ကတ်ပါ။ပြောလိုက်ကေ ဗမာကိုမကောင်းဂျေးပြောကတ်တေ။ ဗမာတိ အုပ်ချုပ်လို့ ဒေပိုင်ကျွန်ဘ၀ကို ရောက်နိန်ရစွာလို့ ပြောလေ့ပြောထ ရှိတတ်ကတ်ပါရေ။မှန်ပါရေ။ရခိုင်သားတိက၀ါ ဗမာ့လက်အောက်က အုပ်ချုပ်မှုအောက်က လွတ်မြောက်အောင် ကြိုးစားအားထုတ်မှု ဟိကတ်ပါယင့်လား။နိန့်စိုဉ် ညစိုဉ် အရက်သောက်ခြင်း ဆီးခြောက်သောက်ခြင်းတိနန့် အချိန်ကုန် ဘ၀ကို ဖြတ်သန်းကတ်ပါရေ။ ကျနော် တွိးတွိးကြည့်လိုက်ကေ မွန်းပါလတ်ပါရေ။ရခိုင်အားလုးံကို မဆိုလိုပါ။ အများစုက ဒေပိုင်ဖြိုက်နိန်လို့ ပြောရခြင်းဖြိုက်ပါရေ။ အရက်ယစ်လာကေ တစ်ယောက်နန့် တစ်ယောက် အချင်းချင်းစကားများပနာ ထသတ်ကတ်ပါရေ။ဒေပိုင်ဖြစ်ရပ်တိ မကန်ပါ။”ပြောမဆုးံပေါင် တောသုးံထောင်” ဖြိုက်နိန်ပါရေ။ဒေပိုင် သောက်စားနိန်ခြင်းကို ဇာရခိုင်သမကလည်း မကြိုက်ပါ။အမြဲလိုလို မှူးယစ်နိန်ကေ သီလလည်း မဆောက်တည်နိုင်။ကျင့်ဝတ်လည်း မရှိပါဗျာယ်။’သီလကျင့်ဝတ် မမြဲ’ဆိုကေ အကုသိုလ်က နောက်က လိုက်ပါရေ။ဇာပင်လုပ်လုပ် အဆင်မပြေဖြိုက်လာပါရေ။ကပ်ဆိုးတိ ကျရောက်လာတတ်ပါရေ။အခုတစ်လော ရခိုင်ပြည်တစ်လွှားမှာ မီးလောင်မှုတိ ဆက်တိုက်ဆိုရေပိုင် လောင်ရေ သတင်းတိ ကြားလာရပါရေ။ ရခိုင်လူမျိုးတိ သီလ မမြဲ ကျင့်ဝတ်ဖောက်ပျက်ရေ အတွက်နန့် အကုသိုလ်တိ ၀င်လာစွာ ဖြိုက်တေလို့ ကျနော့်ကို ကိုယ်တော်တစ်ပါးက တရားစကားနန့် ဟောပြောဖူးလို့ သိမှတ်ထားဖူးပါရေ။ကိုယ့်ရခိုင်သားတိကို ရခိုင်သမက မကြိုက်ကေ ရခိုင်သမတိ ဇာလူမျိုးတိနန့် ရလီကတ်ပါဖို့လဲ တွိးကြည့်ကတ်ပါဖိ။ဒေပိုင်ရာ နိန်ကတ်ကေ ဒေပိုင်ပုံစံမျိုးနန့် ခရီးဆက်လားကေ ဖရခိုင်ပြည် ဗမာ့လက်အောက်က လွတ်မြောက်ဖို့ နိန်နိန်သာသာ ရခိုင်လူမျိုးပါ ပျောက်လားပါလိမ့်မေ။ ရခိုင်သားတိကလည်း ရခိုင်သမကို မယူ ရခိုင်သမကလည်း ရခိုင်သားကို မယူဆိုကေ ရခိုင်ဆိုရေ အမျိုးနန့် သီလကို စောင့်ရှောက်တေ လူမျိုး ဒေကမ္ဘာမြီထက်က ပျောက်လားပါလိမ့်မေ။ပေါ့ပေါ့ဆဆ မထားကတ်ပါကေ့။တွိးကြည့်လီ နက်ရှိုင်းလာလီပါဗျာယ်။ နောက်တစ်ခု ကျနော်ရို့ရခိုင်ပြည်မှာ ပညာတတ် စာတတ် ရခိုင်လူမျိုး နည်းပါးလာခြင်းပင်ဖြိုက်ပါရေ။ပညာတတ်တိ နည်းပါးလာခြင်းကြောင့် ဦးဆောင်နိုင်မှု စွမ်းရည်ရှိရေ လူမရှိသလောက်ဖြိုက်လာခြင်း၊အတွိးအခေါ် စိုဉ်းစားချင့်ချိန်မှုတိ အားနည်းလာခြင်း၊ခေါင်းဆောင်ကောင်း မရှိခြင်း၊စံနမှုယူထိုက်တေ ခေါင်းဆောင်မရှိခြင်းကြောင့် ရခိုင်လူမျိုးအချင်းချင်းကြား စိတ်ဝမ်းကွဲပြားမှုများ ဖြစ်ပေါ်လာခြင်း၊ညီညွတ်မှုမရှိခြင်း ရို့ကြောင့် အကွဲအပြားဖြိုက်လာပါရေ။ ဟိုတစ်လောက ဘီဘီစီ အာရှ-ပစိဖိတ်မှာ ရွီးထားရေ ဆောင်းပါးနန့် အတူ ရခိုင်မြီပုံမှာ ကုလားပုံကို ထည့်ထားခြင်းကြောင့် ရခိုင်သားတိရို့၏ ဒေါသ အထွက်အထိပ် ရောက်လားကတ်ပါရေ။အေပိုင် ဖြိုက်လာကတ်လို့ ရန်ကုန်မြို့လန်ဒန်သံရုးံရှီမှာဆန္ဒပြကတ်ဖို့လို့ သတင်းတိလည်း ထွက်ပေါ်လာပါရေ။နောက် ယင်းဆန္ဒပြပွဲကို ဦးဆောင်နိုင်ဖို့ လူမရှိလို့ ဆိုပနာဆန္ဒအပြ မဖြိုက်ခပဲ ပျက်ပယ်လားပါရေ။ယင်းချင့်တိပင်လျှင် ဦးစီးဦးဆောင် တာဝန်ခံလုပ်ပနာ လုပ်ဖို့လူ မရှိခြင်း စည်းလုးံမှု မရှိခြင်းကို ပြသလိုက်ခြင်းနန့် တူပါရေ။ နိုင်ငံမဲ့(StateLess)လို့ သတ်မှတ်ထားကတ်တေ ဘင်္ဂလီကုလားတိမှာတောင် ကမ္ဘာအရပ်ရပ်မှာ စည်းစည်းလုးံလုးံနန့် တစ်ခါမှ မဟိခရေ အကြောင်းအရာတိကို လီဆယ်လို့ ရိုဟင်ဂျာလူမျိုးဆိုပနာ အသက်သွင်းပါရေ။အနှိပ်ခံလူမျိုးဖြိုက်နိန်ရေ ဆိုပနာ ကမ္ဘာကလူတိကို မျက်ရည်ခံထိုးရေ။ရလာရေ အခွင့်အရေးဟူသမျှကို လက်လွတ်မခံ အသုးံချကတ်တေ။ မီဒီယာ နန့် ၀ါဒဖြန့်ရေ။ကျောထောက်နောက်ခံ ပီးဖို.မှီလို့ရဖို့နိုင်ငံလူမျိုးတိကိုရှာကတ်ပါရေ။ ကမ္ဘာအလုပ်သမား ညီလာခံတိမှာတက်ရောက်ပနာစကားပြောကတ်တေ။ငိုပြကတ်တေ။ ယင်းပိုင်နန့် ကမ္ဘာက သတိထားလာရေ။အရေးပီးခြင်း ခံလာရပါရေ။ ရခိုင်လူမျိုးရို့၏ မြို့နယ်တိ ဖြစ်တေ ဘူးသီးတောင်၊မောင်တောတိမှာ ကုလားတိက ကြီးစိုးလာရေ။ကုလားအယောက် ၁၀၀မှာ ရခိုင်သားတစ်ယောက်နုန်းကျ ဖြိုက်လာရေ။ရခိုင်လူမျိုးတိ နည်းပါးခြင်းကြောင့် လုံခြုံမှုတိ ကင်းမဲ့လာရေ အတွက်နန့် နိန်ရာဒေသ ဘေးလွတ်ရာတိကို ပြောင်းရွိ.လာကတ်တေ။ အမှန်ပြောရဖို့ဆိုကေ ကုလားရန်ကို ကြောက်လို့ ရခိုင်သားအများစု ရှိနိန်ရေ နိန်ရာတိကို ပြောင်းလာကတ်ပါရေ။ယင်းရခိုင်သားတိ နိန်ရာတိမှာ ကုလားတိက အစားထိုး နိန်ရာ ယူလာကတ်တေ။လူမျိုးရေးအရ တစ်ဖြည်းဖြည်း ၀ါးမျိုလာရေ။ရခိုင်သမချေတိ မုဒိန်းကျင့်ခံရခြင်း၊အလောင်းကောင် မပေါ်အသတ်ခံရခြင်းတိ ဖြစ်ပေါ်လာပါရေ။တစ်လောက ကြားလိုက်ပါသိမ့်ရေ။ဘူးသီးတောမှာ ရှိနိန်ရေ ကုလားတိ “Mother Land “ဆိုပနာ စာတန်းတိထိုးလို့ မြို.ကို ကားနန့်ပတ်လို့ လည်ကတ်တေလို့ စစ်တွေဘက်က လာရေ သတင်းအရ သိရှိခရပါရေ။ ရခိုင်ဖိုးဖီးရို့ ပိုင်ဆိုင်ရေ(Arakanese Descendant Land) ရခိုင်လူမျိုးရို့၏ သွီးသားအစစ်ဖြင့် တည်ဆောက်ထားရေ ရခိုင်မြီကို ကုလားတိက “Mother Land “ဆိုပနာ စာတန်းတိ ရွှီးလို့ ကားနန့် မြို.ကို ပတ်လို့ လည်ပြလာခြင်း လုပ်လာခြင်းရေ ရခိုင်မြီမှာ နိန်ပနာ ရခိုင်လူမျိုးကို စော်ကားခြင်း ဖြစ်ပါရေ။ချချင်းသျှေ ပြောရဖို့ဆိုကေ ရခိုင်လူမျိုးကို မမှုခြင်း၊ဂရုမထားခြင်းဖြစ်လို့ ပေါ်တင်လုပ်ဝံ့ခြင်း ဖြစ်ပါရေ။ ဒေအယောင်ဆောင် သမိုင်းလိမ် ကုလားနန့် ပတ်သတ်လို့ ဂျပန်ရောက် သမိုင်းပညာရှင် ဒေါက်တာအေးချမ်းက သမိုင်းစာအုပ်တိ ထုတ် ဟောပြောပွဲတိ လုပ်ပနာကန့်ကွက်နိန်စွာရေ အခုအချိန်ထိပင် ဖြိုက်ပါရေ။ဒေါက်တာအေးချမ်းပိုင် သမိုင်းဆရာ တစ်ယောက် ရှိလို့ တော်ပါသိမ့်ယင့်လို့ ဆိုရပါဖို့သိမ့်။ယင်းဆရာကို ကျနော် ဒေနိန်ရာက နိန်ပနာ လက်အုပ်ချီ ရှိခိုးပါယင့်။ဗမာက ရခိုင်ကို အုပ်ချုပ် ကုလားက နယ်မြီလုနန့် ရခိုင်ရို့ဘ၀အကြောင်း ကို စစိနနစ် တွိးကြည့်ကေ ကြောက်ခမန်းလိလိ ဖြစ်လာပါရေ။ ဗမာအုပ်ချုပ်မှုဘက်ကို လှည့်ကြည့်လိုက်ပါမေ။ပြည်သူ့လွှတ်တော်တွင် ကျောက်ဖြူမြို့နယ် ပြည်သူ့လွတ်တော်အမတ် ဦးဘရှင်က ကျောက်ဖြူမြို့ မြောက်ဖက် ၂၅ မိုင်အကွာ တွင်ရှိသော "ရွှီ" သဘာဝဓါတ်ငွေ့သိုက်မှ ရရှိလာသော သဘာဝဓါတ်ငွေ့များကို အသုံး ပြုပြီး ကျောက်ဖြူမြို့ အတွက် လျှပ်စစ် ဓါတ်အား ဖြန့်ဝီပီးရန် အစီအစဉ် ရှိမရှိ စက်တင်ဘာင်္လ ၂၇ ရက်နိန့်က ကျင်းပခရေ ပြည်သူ့လွတ်တော်တွင် မိန်းမြန်းခပါသည်။ အဆိုပါ မိန်းမြန်းချက်ကို စွမ်းအင် ၀န်ကြီး ဦးသန်းဌေး ဖြီကြားချက်မှာ ရွှီသဘာဝ ဓါတ်ငွေ့သိုက်က ရရှိလာသော သဘာဝ ဓါတ်ငွေ့များကို မြန်မာ-တရုတ် သဘာဝဓါတ်ငွေ့ပိုက်လိုင်းက တဆင့် တရုတ်ပြည်ကို တင်ပို့လားရန် ဖြစ်ကြောင်းနန့် တရုတ်-မြန်မာ ချုပ်ဆိုထားသောစာချုပ်ကို ဆန့်ကျင်ပြီး ဓါတ်ငွေ့များကို အသုံးပြု၍ မရဟု ဖြေကြားလားခရေလို့ နရီဥွရာသတင်းအရ သိခွင့်ရခပါရေ။ ရခိုင်ပြည်က ထွက်တေ ရွှီဂစ်ကို ရခိုင်လူမျိုးကို အသုးံပြုခြင်းမပီးဆိုပနာ စွမ်းအင်ဝန်ကြီးဌါနက ၀န်ကြီးဦးသန်းဌေးက ပြောခြင်းရေ ရခိုင်တစ်မျိုးသားလုးံကို စော်ကားလိုက်ရုံသာမက အင်္ဂလိပ်ခေတ်၊ဂျပန်ခေတ်က ဆီပီးကေ ဆန်ရသိမ့်ရေ အုပ်ချုပ်မှုထက် ဗမာလူမျိုးရို့က ရခိုင်လူမျိုးရုိ့အပေါ် ဗိုလ်ကျစိုးမိုး အုပ်ချုပ်ခြင်းကို တိုက်ရိုက်ပြသလိုက်ခြင်းပင် ဖြစ်သည်။ဒေပိုင် လုပ်ရပ်မျိုးသည် ရခိုင်အားလုးံကို ကိုယ်စားပြုရေ ရခိုင်တစ်မျိုးသားလုးံကို ကိုယ်စားပြုရေ ရခိုင့်တပ်မတော် (Arakan National Army)မရှိခြင်းကြောင့် ဖြစ်သည်လို့ ထင်မြင်လာမိပါရေ။ ကျနော်သူငယ်ချင်းတိပြောကတ်တေ စကားတစ်ချို့ဒေနိန်ရာမှာ သတိလားရပါရေ။အာဏာက သီနတ်ပြောင်းဝ မှာရာ ရှိရေလတ်။ယင်းချင့်သည်ပင် အမှန်ဖြစ်လာပါရေ။ ရှီးခေတ် သမိုင်းအစိုဉ်အလာအရအားဖြင့်လည်း ကြီးမားမြင့်မြတ်ရေလို့ ခံယူထားရေ ရခိုင်လူမျိုး၊ရဲရင့်ပနာ သတ္တိရှိရေလို့ ခံယူထားကတ်တေ ရခိုင်လူမျိုးမှာ ကရင်၊ကချင်၊ချင်း၊ရှမ်း၊မွန်၊ကရင်နီ လောက်ပင် စည်းလုးံမှုမရှိ ယင်းလူမျိုးတိပိုင် ရခိုင်တစ်မျိုးသားလုးံကို ကိုယ်စားပြုရေ ဗမာတိမျက်စိထဲမှာ မှုရလောက်အောင် စစ်တပ်မရှိခြင်းကြောင့် ဒေပိုင် ပြောဝံ့ခြင်း လုပ်ရဲခြင်းဖြစ်တေလို့ မြင်မိလာပါရေ။ ရခိုင်မှာ စစ်တပ်မရှိစွာက မဟုတ် ရှိရေကားလို့ စောဒကတက်ကတ်ပါဖို့လား။တက်ကတ်ပါ။ ကျနော်ဆိုလိုစွာက ရခိုင်တစ်မျိုးသားလုးံကို ကိုယ်စားပြုရေ အင်အားတောင့်တင်းရေ တစ်ခုတည်းသော ရခိုင်တပ်မတော်ကို ဆိုလိုခြင်း ဖြစ်ပါရေ။ ဒေပိုင် အင်အားတောင့်တင်းရေ တပ်မတော်တစ်ရပ် မတည်ဆောက် နိုင်ခြင်းရေ ရခိုင်လူမျိုး စည်းလုးံမှု မရှိခြင်းကို ပြသခြင်းနန့် သဏ္ဍန်တူ လာပါရေ။စည်းလုးံမှုကို ဆောက်တည်ဖို့ ပညာတတ်လူတန်းစားတိ ရှားပါးလာခြင်း၊ အတွိးသစ်အမြင်သစ် ရှိရေ ပုဂ္ဂိုလ်တိ မရှိခြင်းကြောင့် ဦးဆောင်မှုအင်အားလျှော့ပါးလာခြင်း၊အများအားဖြင့် ရခိုင်လူငယ်လူရွယ်တိရေ အရက်သီစာ ဆီးခြောက်တိ သုးံစွဲလာခြင်းကြောင့် အသိစိတ်တိ ပျောက်ပြားပနာ အမျိုးသားစိတ်ဓာတ်တိ လျှော့နည်းလာခြင်း၊တစ်ဦးကိုတစ်ဦး အသိပညာတိ ဖလှယ်မှုတိ နည်းပါးလာခြင်း၊သူထက်သာ မနာလိုဆိုရေ စိတ်ဓာတ်တိ ကိန်းအောင်းများပြားလာခြင်းတိ အကျိုးဆက်ကြောင့်လို့ ကျနော် ထင်မြင်လာပါရေ။ ၂၀၁၀ ခုနှစ် ဒီဇင်ဘာလ ၃၁ရက်နိန့်မှာဒေါက်တာဦးအေးကျော်၊ဦးခိုင်အောင်ကျော်ရို့အပါအ၀င် အမေရိကန်ရောက်ရခိုင်မျိုးသျှစ်တိက နယူးယောက် မြို့ ကမ္ဘာကုလသမဂ္ဂရုးံရှီမှာ ရခိုင်ပြည်နယ်လွတ်မြောက်ဖို့ ကိုလိုနီစနစ်ကို ဖျက်သိမ်းပီးဖို.ကို တောင်းဆိုဆန္ဒပြခကတ်ပါရေ။ ဒေချင့်တိပင်လျှင်မျိုးကိုသျှစ်တေစိတ်၊အမျိုးသားရေးစိတ်ဓာတ်ပြင်းထန်လွန်းရေစိတ်တိကြောင့် ကိုယ်ယုံကြည်ချက်နန့် ကိုယ် ကမ္ဘာသိ ရခိုင်နိုင်ငံတော် ဗမာ့အုပ်ချုပ်မှုက လွတ်မြောက်ဖို့ တောင်းဆိုရေသတင်းကို ကြားလိုက်ရ ဖတ်လိုက်ရရေ အချိန်မှာ ကြက်သီး ဖြဖြန်းထမိခပါရေ။ လူတိုင်းလူတိုင်းမှာ ကိုယ့်ယုံကြည်ချက်နန့် ကိုယ် ရှိတတ်ကတ်ပါရေ။ကမ္ဘာကုလသမဂ္ဂက ၁၉၆၀ ဒီဇင်ဘာလ ၁၄ရက်နိန့်မှာ ထုတ်ပြန်ထားရေစာတမ်းမှာ ကျွန်ပြုခံထားရရေ နိုင်ငံဆိုစွာ မရှိစီရ။ ကမ္ဘာမှာ လွတ်လပ်တေ နိုင်ငံတိရာ ဖြိုက်သင့်ရေ။ လွတ်လပ်တေနိုင်ငံတစ်ခုအနိန်နန့် ရှိခပါကေ နိုင်ငံတစ်နိုင်ငံအဖြစ် ရပ်တည်ခရေ သမိုင်းအထောက်အထားတိနန့် တင်ပြတောင်းဆိုကေ ကိုလိုနီစနစ်ကို ဖျက်သိမ်းပီးနိုင်ရေလို့ ခံယူချက် ယုံကြည်ချက်နန့် ဆန္ဒပြတောင်းဆိုခကတ်တေ မဟုတ်ပါလား။ဒေပိုင်လုပ်ရပ်တိလည်း ရောက်နိန်ရေ နိုင်ငံတိုင်းလိုလိုမှာ လုပ်ဆောင်သင့်ရေလို့လည်း မြင်မိပါယင့်။အခုဆိုကေ ရခိုင်ကျွန်သက် ဗမာ့လက်အောက်မှာ နောက်ထပ်တစ်နှစ်တိုးလို့ လာပါဗျာယ်။ ဗမာ့လက်အောက်မှာ ဗမာကျူးကျော်သူ နယ်ချဲ.တိက ရခိုင်လူမျိုးတိကို နှိပ်စက်ကာလူ ပြုကျင့်ခလို့ လူမျိုးပြုန်းသတ်ဖြတ်ခြင်းကို ခံခရလို့ ‘သဇင်ပန်းခိုင် တစ်မြိုင်မြိုင် ရခိုင်ဘုရားပေါင်း’ လို့ ကျက်သရေရှိ ဆောင်ပုဒ်နိန်ရာမှာ ‘သဇင်ပန်းခိုင် တစ်မြိုင်မြိုင် ရခိုင်အလောင်းပေါင်း’ လို့ အမင်္ဂလာ စကားတစ်ခု ဖြိုက်ပေါက်လာစွာကို ရခိုင်လူမျိုးတိုင်း အသိပင်ဖြိုက်ပါသည်။ ဗမာလူမျိုးရေ သမိုင်းအဆက်ဆက် ခေတ်အဆက်ဆက်ကပင် ရခိုင်လူမျိုးအပေါ် ဇာတစ်ခုမှ ကောင်းကျိုးမပီးခ။ခေတ်အဆက်ဆက်မှသည် အဂုအချိန်ထိ နည်းအမျိုးမျိုးနန့် ဒုက္ခပီးနိန်တုန်း နှိပ်စက်နိန်တုန်း ဖိနှိပ်နိန်တုန်းပင်ဖြိုက်ပါသည်။ သို.သော် ဒေကနိန့်အချိန်မှာ ဗမာကို မုန်းပြနိန်လို့မရရေ အချိန်၊နားလှည့်ပနာ ပါးရိုက်ရဖို့အချိန်၊ချိုက်ကတ်ဆောင်ပြီး နောက်ကျောကနိန်ပနာ ကျောက်ချပစ်လိုက်ရဖို့ အချိန် ဖြိုက်နိန်ပါရေ။မြီခွီးထက် ကောက်ကျစ်တေ ဗမာတိကို ကိုယ်ဖက်ကိုရာ ယှက်တတ်တေ လိပ်ပိုင် စိတ်ထားသင့်ပါသည်။ဗမာတိနန့် ပတ်သတ်လာကေ ရခိုင်လူမျိုးရို့သည် တစ်ခါလေ့သင့် အသာမရစဖူး။အမြဲတမ်း အနာခံဂျေးရာ ဖြိုက်နိန်ပါရေ။ မကြာရေ ရက်ပေါင်းအတွင်းမှာ ရခိုင်ကျွန်သက် နှစ်ပေါင်း ဗမာ့ဘုရင်ဘိုးတော်မောင်ဝိုင်း စစ်မကြီငြာ ပဲ ရခိုင်နိုင်ငံကို ကျူးကျော်ဝင်ရောက်သိမ်းပိုက်ခစွာ အခုဆိုကေ ၂၂၇ နှစ် ပြည့်ပါဖို့ဗျာယ်ထော။ နောက်ထပ် ဇာနှစ်နှစ်ကြာပါဖို့လဲ။ ဇာခါပင် လွတ်လပ်တေနိုင်ငံမှာ လွတ်လပ်တေ ရခိုင်လူမျိုးတစ်ယောက်နန့် ဇာခါ နိန်ထိုင်ဖို့ အသက်ရှင်သန်ခွင့် ရပါဖို့လဲလို့ တွိးမိတိုင်း မောရပြန်ပါရေ။ ရခိုင့်နိုင်ငံနန့် ရခိုင်လူမျိုးအနာဂတ် ကြာလီကြာလီ မှုန်ဝါးလီ မဖြိုက်စီချင်ပါ။ရခိုင်နိုင်ငံတော်ကို ရခိုင်သားတိ ပြန်လည် အုပ်ချုပ်ခွင့်ရဖို့ ရခိုင်လူမျိုးအားလုးံ စစည်းလလုးံနန့် ကျရာတာဝန်တိကို ထမ်းရွက်ရင်း မဆုတ်မနစ် ဇွဲမာန်တိနန့် လုပ်ဆောင်ကတ်ပါမေလို့ တိုက်တွန်းယင်း ဒေစာကို အဆုးံသတ်လိုက်ပါရေ။(ရွှီမြောက်ဦး-ခိုင်ကျော်ဆန်း) (ဒေစာသည် မည့်သည့်တစ်ဦးတစ်ယောက်၊အဖွဲ.အစည်းကိုမျှ မရည်ရွယ်ပါ။ခံစားချက်မျှသာဖြိုက်ပါရေ)