ရခိုင်ပြည်နယ်မှာ တက္ကသိုလ် တခု ထပ်မံ တည်ဆောက်ဖို့ ဟိရေလို့ တောင်ကုတ်၊ မအီ၊ ဂွနန့် သံတွဲမြို့ ကိုယ်စားပြု အမျိုးသားလွတ်တော် ကိုယ်စားလှယ် ဦးမြင့်လှိုင်က ပြောပါရေ။ ” တက္ကသိုလ်တည်ဆောက်ဖို့ အလွန်နီစပ်တေ အခြေအနီမှာဟိပါရေ၊ ရခိုင်ပြည် တောင်ပိုင်းက ကျောင်းသား၊ ကျောင်းသူတိအတွက် ပိုအဆင်ပြေလားပါဖို့” လို ပြောပါရေ။ ရခိုင်ပြည်နယ်မှာ တက္ကသိုလ်ဝင်တန်းအောင် ကျောင်းသား ကျောင်းသူတိရေ များသောအားဖြင့် ၀ိဇ္ဖာနန့် သိပ္ပံဘာသာရပ်တိကို သင်ကြားနိုင်ဖို့အတွက် အယင်းက တက္ကသိုလ်တခုတည်းကိုရာ အားကိုးခရပြီးကေ အဂုပိုင် ထပ်မံ အသစ်တစ်ခု ဆောက်ပီးလားပါက တက္ကသိုလ် နှစ်ခုဖြိုက်လားပြီးကေ အိုးမကွာ၊ အိမ်မကွာ ပညာသင်ကြားလားနိုင်ဖို့ အခြေအနေကို ရောက်ဟိလားပါဖို့လို့ တချို့ က ပြောနီကတ်ပါရေ။ လက်ဟိ လျာထားရေနီရာမှာ တောင်ကုတ်မြို့မှာ ဖြိုက်ပြိးကေ လိုအပ်တေ မြီးနီရာအချို့ကို လှူဖို့ ကုမ္ပပဏိတခုက ကမ်းလှမ်းထားစော်ကို ရဟိရေလို့ သိရပါရေ။ စီမံကိန်ကာလကိုလည်း အတိအကျ မသိရသိကေလည်း မကြာခင် စတင်နိုင်ဖို့လို့ အမျိုးသားလွတ်တော် ကိုယ်စလှယ် ဦးမြင့်လှိုင်က ပြောပါရေ။ စစ်တွေမြို့မှာ လက်ဟိတက္ကသိုလ်ကို မြောက်ပိုင်းတက္ကသိုလ်လို့ ခေါ်ဆိုလာနိုင်ပြိးကေ တောင်ကုတ်မြို့က တက္ကသိုလ်ကို တောင်ပိုင်းတက္ကသိုလ်လို့ ခေါ်ဆိုလာနိုင်ရေလို့လည်း တချို့လူတိကို ပြောနီကတ်လို့ သိရပါရေ။
ရခိုင်ပြည်နယ် တောင်ပိုင်းပိုင်က မြို့တိဖြိုက်တေ ကျောက်ဖြူ၊ သံတွဲ၊ ရမ်းဗြဲ၊ မာန်အောင်၊ အမ်း၊ တောင်ကုတ်နန့် ဂွမြို့ ရို့ ကျောင်းသားတိအတွက် စစ်တွေတက္ကသိုလ်ကို လားရောက်ပြိး ပညာသင်ယူဖို့အတွက် လမ်းပန်းဆက်သွယ်ရေး ခက်ခဲမှု ၊ စရိတ်စခကုန်ကျမှုတိကို သက်သာစီဖို့အတွက် တောင်ကုတ်တက္ကသိုလ်ကို ဖွင့်လှစ်ဖို့အတွက် စီစိုင်ရစော် ဖြိုက်တေလို့ ပညာရေး ၀န်ကြိးဌာန ပြည်ထောင်စု ၀န်ကြီး ဒေါက်တာ မြအေးက လွတ်တော်မှာ ပြောပါရေ။ လက်ဟိစစ်တွေတက္ကသိုလ်မှာ ၁၄၉၂၁ ယောက် ပညာသင်ကြားနီရေလို့ သိရပါရေ။
popular news မှာ ဖော်ထားပါရေ။
