ဦးသန်းရွှေသည် အုပ်ချုပ်ရေး ရာထူးမှာ မဟိယာကြောင်းကို အစိုးရ စစ်ခေါင်းဆောင် တယောက်က သောက်ကြာနိက ပြောကြားလိုက်ပါရေ။ “ဗိုလ်ချုပ်မှူးကြီးက အမှန်အနားယူလားပါဗျာလ်” လို့ အောက်လွှတော် ဥက္ကဌ သူရ ဦးရေမန်းက နေပြည်တော် လွှတ်တော် အစည်း အဝေး နောက်ဆုံးနိမှာ သတင်းထောက်တိကို ပြောကြားလားပါရေ။ စစ်အာဏာရှင် ဦးသန်ုးရွှေရေ မြန်မာနိုင်ငံကို စစ်အာဏာနန့် ဆယ်စုနှစ် ၂ ခုကြာအောင် အုပ်ချုပ်ခပြီးကေ တိုင်းပြည်ကိုလည်း အမျိုးမျိုးရောင်းစားခရေ ခပါရေ။ သူ့လက်ထက်မှာ သူအာဏာ တည်မြဲရေးအတွက် တိုင်းပြည်ကို အမျိုးမျိုး အုပ်ချုပ် ချယ်လှယ်ခပါရေ။ ကဘာ ရက်စက်မှု သမိုင်းမှာ တတိယ နီရာမှာဟိပါရေ။
အသက် ၇၈ နှစ် ဟိနီယာ ဦးသန်းရွှေရေ စစ်တပ်က အဓိက ထောက်ခံပီးထားရေ ကြံခိုင်ရေးပါတီကို ကဘာအလည် ရုပ်သီ ဒီမိုကရေစီအစိုးရအောင် ဖြိုက်အောင် လုပ်ခပြီးကေ ကဘာကို မျက်လှည့်ပြလားပါရေ။ ဦးရွှေမန်းက ထပ်ပြောပြစော်မှာ “ ထပ်ပြီးကေ ရှင်းရှင်းလင်းလင်းပြောရဖို့ဆိုကေ ဗိုလ်ချုပ်မှူးကြီးရေ ပါတီမှာပင်၊ အစိုးရ အဖွဲ့မှာပင်၊ လွှတ်တော်မှာပင် လုံးဝ ပါဝင် ပတ်သတ်ခြင်းမဟိပါဗျာလ်” လို့ ပြောလားပါရေ။ အခု တလိုင်းမှာလည်း ဗိုလ်ချုပ်မှူးကြီးနန့် ပတ်သတ်ပြီးကေ သတင်းတိ အမျိုးမျိုးထွက်နီခပါရေ။ အခု အေသတင်းကို APP မှာ ဖော်ပြလားစော်ဖြိုက်ပါရေ။
