လက်ရှိပကတိမျက်မှောက်ကာလမှာ ရခိုင်သမိုင်းဆိုင်ရာနင့် ပတ်သက်ပနာ စာအုပ်စာတမ်းတိ ထုတ်ဝီနီကတ်ပါယင့်။ ရီးသားနီကတ်တေ စာရီးဆရာကြီးတိ သမိုင်းသုတေသီတိလေး တင်ြပရီးသား ထုတ်ဝီနီကတ်ပါယင့် ။ ပြည်တွင်းမှာဆိုကေ ရခိုင်မဂ္ဂဇင်းတိမှာ ရခိုင်ရှင်ဘုရင်ခေတ် အဆက်ဆက်နင့် ပါတ်သက်ပနာ စာအုပ်စာပီတိ ထုတ်ဝီနီကတ်စော်ပါဗျန်ကာ ။ နောက်ကိုလေး ထုတ်ဝီစော်တိ ရီးသားစော်တိ ရှာဖွီသုတေသနပြုစော်တိ ဟိလာကတ်ဖို့  ၊တင်ပြလာကတ်ဖို့  ၊ ကျိန်းသီဟိလာပါဖို့ စော်ပါရာ ။ ယင်းချင့်တိက ကမ္ဘာလောက် အားရစရာ လေးစားစရာတိပါမနား။ ဒေပိုင်စော်ကြားထဲမှာ တခုပြောချင်စော်က သမိုင်းသုတေသီတိ စာရီးဆရာကြီးတိ နင့် ပါတ်သက်လို့  အသက်ထင်ယှား ဟိနီရေအခါတော့ ပြောစရာတခုကားမဟုတ်ပါကားယင် ။ လွန်ခရေလက သမိုင်းသုတေသီ ဆရာကြီး ဦးဦးရွှေဇံတယောက် ကွယ်လွန် အနိစ္စရောက်လားခစော်ကို ၀မ်းနည်းကြီကွဲစွာနင့် ကျွှန်တော်ရို့  လက်ပိုက်ခံစားလိုက်ရပါဗျန် ။ ဆရာကြီးဦးဦးရွှေဇံကွယ်လွန်လားစော် အချိန်က အခုအချိန်မှာ ရခိုင်လူမျိုးတိအတွက် အရီးတကြီးဖြိုက်နီရေ သမိုင်းပြသနာနင့် တိုက်တိုက်ဆိုင်ဆိုင်ဖြိုက်နီရေ ကာလတခုပိုင် ကြုံနီလာစော်ပါဒေ။ ယင်းချင့်ကတော့ခါ ကျွန်တော်ရို့  ရခိုင်လူမျိုးမှာ ရခိုင်သမိုင်းဟိရေပိုင် သမိုင်းလိမ် ဘင်္ဂလီကုလားတိမှာလေး သမိုင်းဟိရေဆိုပနာ လိမ်ညာနီရေ သမိုင်းစာတမ်းတိနင့် ရခိုင်ပြည်ကို သူရို့  ပြည်လို့  လုပ်လာစော်ထိပင် ဖြိုက်လာရေ ပြသနာပါဒေ။ ဒေကိစ္စကို သာမန်စိုင်းစားစော် ညဏ်မျိုးနင့် လုပ်နီလို့  မရရေ ကိစ္စဖြိုက်နီစော်ကို နားလည်ဖို့  လိုပါရေ ။ ဒေကိစ္စက အရီးကြီးပါရေ ။ ဒေပြသနာက သာမန်ချေ မဟုတ်ပါဒေ။
ယေဇူးနင့် တဖက်က သမိုင်းလိမ်ကုလားတိက လုပ်ကြံရေသမိုင်းတိကို တင်ပြလာစော်တိ ၊ ကမ္ဘာကို ချပြလာစော်တိ ဟိလာရေ ဆိုစော်ကို သမိုင်းမှန်နင့် နီထိုင်ရေ ရခိုင်လူမျိုးတိဖက်က ချပြရဖို့  တင်ပြရဖို့  တာဝန်က ဟိနီပါရေ ဒေ။ အခုဆိုကေ ဒေကိစ္စက လုံးဝငြိမ်နီလို့  မရရေပိုင် တိမ်းနီလို့ လေး မရရေ ပြသနာပါကာ ။ ယေကေ ဒေပိုင်စော်မျိုးကို ဇါလုပ်ကတ်ရပါဖို့ လေး ။ ကျွန်တော်အထက်က တင်ပြခရေပိုင် ရခိုင်လူမျိုးသမိုင်းသုတေသီတိ အများကြီး ဟိရေပိုင် နောက်လေးသမိုင်းဆိုင်ရာနင့် ရီးနီကတ်ဖို့ စော်ကို လုံးဝဥသုံ ယုံကြည်စော်ပါရာ ။ ယေကေလေး လိုအပ်နီစော်တခုကို ပြောချင်လို့ ပါဒေ။ ဒေကနိ သမိုင်းလိမ်ကုလားကိစ္စနင့် ပြောနီစော် ဆိုနီစော်ထဲမှာ ပြည်ပမှာဆိုကေ -၃-ယောက်-၄ ယောက်-လောက်ရာ ဟိပါရေ ။ ယင်းပိုင်ဟိနီစော်ကြားထဲမှာ တယောက်နင့်တယောက် ဆက်စပ်မှုမဟိဘဲ ဖြိုက်နီရေအခါ ဂျီတကြောင်း ဆတ်တကြောင်းပိုင်ဖြိုက်နီစော်ပါဗျန် ။ ယေကေလေး သမိုင်းဆရာကြီးတိ ပြောရေစကားတိကို သမိုင်းလိမ်ကုလားတိက တခုပိုင်လေး မလှန်နိုင်ရေအခါ ယင်းပိုင်ရခိုင်သမိုင်းဆရာကြီးတိ ကျေးဇူးတရားက ကောင်းကောင်းပင် ကြီးမားစော်ကို တွိကတ်ရပါယင့် ။
မလှန်နိုင်ကေလေး ဒေကိစ္စ ဒေလောက်နင့် ပြတ်လားခပါဗျန်လားလို့  မီးခွန်းထုတ်ရပါဖို့ သိပါကာ။ မဗြီးသိလို့  မြင်ပါယင့်။ ယေဇူးနင့်လေး ဒေဆောင်းပါးကို ရီးဖြိုက်စော်ပါရာ။
အခုဆိုကေ ရခိုင်လူမျိုးတိမှာ သမိုင်းသုတေသီကြီးတိ ဟိနီစော်ကို ကြည့်လိုက်ကေ မကျန်ပါဗျန်ဒေ။ အသက်အရွယ်တိ ကြီးမြင့်နီကတ်ပါဗျန် ။ တလိုင်းက ဆရာ-ငပြူး နီမကောင်းစော်ကို ကြားလိုက်ရပါရေ ။ နီမကောင်းဆိုစော်စကားက အလွယ်ကာချေဆိုကေလေး အခုဆရာ-ငပြူး - (သံတွဲ )က- လမ်းတာင်မလျှောက်နိုင်ဘဲ ဒုက္ခိတပိုင်ဖြိုက်နီပနာ အိပ်ရာထဲမှာ လှဲနီရပါရေလို့  သတင်းတိကြားလိုက်ရပါရေ ။ အခြားသမိုင်းဆရာကြီးတိကလေး အသက်ကြီးသူတိပါရာမနား။ မျိုးဆက်သစ်လူငယ်ချေတိကရာ သမိုင်းသုတေသနတိကိုရာ လက်ဆင့်ကမ်း အမွီမယူနိုင်ခကေ ကကောင်းကြောက်ဖို့  ကောင်းရေ ပြသနာတခုကို ရင်ဆိုင်ရဖို့ စော်ပါဒေ။ ယင်းပိုင်ဆိုကေ ကျွန်တော်ရို့  ရခိုင်သမိုင်းဆိုင်ရာ စာအုပ်စာတမ်းတိ ရှာဖွီသုတေသနလုပ်စော်တိ ပျောက်လားနိုင်ပါဖို့ လားလို့  မီးခွန်းကလေး ဟိနီပါသိရေထော ။ ဒေချင့်ကတော့ခါ မျိုးဆက်သစ်သမိုင်းသုတေသီတိက လက်ဆင့်ကမ်းအမွီ ယူလားကတ်ဖို့့ စော်ပါရာလို့ လေး ပြောကေတာ့ ရနိုင်စော်ပါရာချင့်။
ဇါပင်ဖြိုက်ဖြိုက် အရီးကြီးနီစော်တခုကတော့ခါ ရခိုင်သမိုင်းဆိုင်ရာနင့် ပါတ်သက်လို့ စုလို့ စီးလို့  တညီတညွတ် ဖြိုက်နီစော်မျိုးနင့်ဆိုကေ လုပ်ရကိုင်ရစော် အဆင်ပြီဖို့  ပြသနာတခု ဟိနီပါရေထော ။ ယင်းချင့်ကတော့ခါ ရခိုင်သမိုင်းဆိုင်ရာနင့် ပါတ်သက်ကေ တာဝန်ခံပနာ ပြောကတ်ဖို့  ဆိုကတ်ဖို့  ကော်မီတီတခုလိုအပ်နီစော်ပါဒေ ။ ဥပမာအားဖြင့် စာပီလုပ်သားတိ စာပီသမဂ္ဂတိ -ရှေးဟောင်းယိုင်ကျေးမှုဋ္ဌါန ဆိုစော်မျိုးပိုင် လုပ်ဖို့ စော်ပါရာ ။ ယေကေ ရှေးဟောင်းယိုင်ကျေးမှုဦးစီးဋ္ဌါ့န ဆိုစော်နင့် ပါတ်သက်လို့ ယင်းဋ္ဌါနက အစိုးရက ခန့် အပ်ထားရေ ဋ္ဌါနဖြိုက်လို့  သူရို့ မှာသူရို့ နင့် သက်ဆိုင်ရေ လုပ်ငန်းကိုင်ငန်းနင့်ရာ ဟိနီကတ်လီဖို့ စော်ပါရာ ။ ကျွှန်တော်ရို့  ရခိုင်လူမျိုးနင့် ပါတ်သက်လို့  စင်းသီးလုံးဝ တာဝန်ခံပနာ ဖြီရှင်းချင်ရေ ဆန္ဒလေးမဟိရေပိုင် ဖြီရှင်းဖို့ အနီအထားကလေး မဟိစော်ပါရာ ။ ကျွှန်တော်ရို့  ရခိုင်လူမျိုးမှာကျကေ ဖြီရှင်းရဖို့  ဆန္ဒဟိရရေပိုင် - ဖြီရှင်းရဖို့  အနီအထားလေး ဟိနီရစော်ပါကာ ။ ယင်းပိုင်ဖြီရှင်းရဖို့  ဆိုစော်ကလေး လူမျိုးကိုကိုယ်စားပြုရေပုံစံမျိုးနင့် ဖြီရှင်းစော်မျိုးဆိုကေ တိတိအကျကျ ဖြီရှင်းရဖို့  စော်ပါဗျန် ။
အခုအချိန်မှာက ရခိုင်လူမျိုးကို ကိုယ်စားပြုရေ ကော်မီတီအခြီအနီနင့် ကျိန်းသီလုပ်ရဖို့  ပြသနာက ရှေ့မှာတန်းစီလို့  ဟိနီပါယင့်ဒေ ။ ပထမဆုံးအချက်မှာ ဒေပိုင်သမိုင်းလိမ် ဘင်္ဂလိမ်ကုလားတိက ဇါကိုဦးတည်ပနာ တင်ပြနီရေအချက်တိ ။ စာတမ်းတိကို သုတေသနပြုဗျန် လုပ်ရဖို့ ပါထော ။ ယင်းပိုင်သုတေသနပြုဗျန် ဇါနီရာက သမိုင်းအမှား ဖြိုက်နီစော်ကို အချက်အလက်အမှန်တိနင့် ကိုက်ညီအောင် တိုက်ဆိုင်ကြည့်ထားရဖို့  အချက်အလက်ပြုစုရဖို့  စော်ပါရာ ။ ဒေပိုင်သမိုင်းအမှားတိကို မှတ်ချက်လုပ်ပနာ သုတေသနပြုထားဗြီးစော်နင့် ယင်းချင့်က သမိုင်းအမှန်နင့် အချက်အလက်တိကို ခုနှစ်သက္ကရာဇ်တိနင့် ယှင်းယှင်းလင်းလင်း လုပ်ထားဖို့  လိုအပ်နီပါရေ ။ ဒုတိယအချက်က ဒေပိုင်သမိုင်းအမှားတိနင့် လုပ်ထားစော်ကို ရခိုင်ပြည်တွင်းနင့် ရန်ကုန်မြို့ မှာ ရခိုင်သမိုင်းအမှန် ဖြီရှင်းချက်တိ စာအုပ်စာပီ ထုတ်ဝီစော်နင့် လူထုကွင်းဆင်း ဟောပြောပွဲတိ လုပ်ရဖို့ စော်မျိုးကို လုပ်ရဖို့  အချိန်ဖြိုက်ပါရေ ။ လူထုပိုင်ညာပီးဟောပြောပွဲကို ကျယ်ပြန့် နိုင်သလောက် ကျယ်ပြန့် အောင် လုပ်လားရဖို့ စော်ဖြိုက်ပါရေ ယေ ။ တတိယအချက်မှာ နိုင်ငံခြားသံတမန်တိနင့် နိုင်ငံတကာအစိုးရတိ နားလည်ဖတ်လီနိုင်အောင် အင်္ဂလိပ်ဘာသာနင့် ထုတ်ဝီရေ စာအုပ်စာပီ ထုတ်ဝီစော်မျိုး ၊ ဟောပြောပွဲမျိုးတိကို ကျယ်ကျယ်ပြန့် ပြန့်  လုပ်လားရဖို့  ဖြိုက်ပါရေ ယေ ။ စတုတ္ထအချက်မှာ နိုင်ငံတကာကို ထွက်ပနာ ဟောပြောပွဲတိ လုပ်လားဖို့  စော်နင့် သက်ဆိုင်ရာနိုင်ငံတကာတိမှာ ထိရောက်တေပုံစံမျိုးနင့် တင်ပြလားဖို့ စော်မျိုး ၊ တွိဆုံပနာ သမိုင်းဖြိုက်ရပ်မှန်တိကို အချက်အလက်ခိုင်ခိုင်လုံလုံနင့် တင်ပြလားဖို့  စော်ပင် ဖြိုက်ပါယင့် ။
ဒေပိုင်ရခိုင်သမိုင်းဆိုင်ရာ ကော်မီတီကို ဖွဲ့ စီးရေ ဆိုစော်မှာ သမိုင်းသုတေသီတိနင့် မျိုးဆက်သစ် သမိုင်းစာရီးဆရာကြီးတိ အပါအ၀င် အနုပိုင်ညာရှင် အဆိုကျော်တိ တေးခင်းရီးဆရာတိနင့် နိုင်ငံရီးအဖွဲ့ အစီးတိက စိတ်ါဝင်စားရေ လူတိကို ပါဝင်ပနာ ဖွဲ့ ကေ အကောင်းဆုံးပါဗျန်ကာ။ ရခိုင်သမိုင်းဆိုင်ရာကော်မီတီဆိုလို့  သမိုင်းသုတေသီသတ်သက်ကိုရာ ဖွဲ့ စော်မျိုး မဟုတ်ဘဲ ကိုယ်နိုင်ရာတာဝန်ကို ယူကတ်တေ ဆိုစော်မျိုးနင့် ဖွဲ့ စီးကတ်ရဖို့ စော်ဖြိုက်ပါယင့် ။ ယေမှရာ တက်ညီလက်ညီနင့် ရခိုင်သမိုင်းဆိုင်ရာကော်မီတီအဖွဲ့ က ပိုလို့ ပင် ပပီပပြင် ဟိလာဖို့ စော်လို့  မြင်မိလို့ ပါဒေ ။ ဒေပိုင်ဖွဲ့ စီးမှရာ ရခိုင်လူမျိုးတိမှာ လူမျိုးကို ကိုယ်စားပြုပနာ ပြောနိင်ဆိုင်နိုင်သူ ရခိုင်သမိုင်းကော်မီတီ တခု ဟိနီရေ မနားဆိုပနာ လူရိုသေ ရှင်ရိုသေ ဖြိုက်နီကတ်ပါဖို့ စော်ပါဒေ ။ ဇါဖြိုက်လို့ ဆိုကေ အခုမျက်မှောက်ကာလမှာ ရခိုင်သမိုင်းနင့် ပါတ်သက်လို့  ပြောနီကတ် ရီးနီကတ် ဟောပြောပွဲ လုပ်နီကတ်တေ လူတိ ဆိုစော် ရခိုင်လူမျိုးကို ချစ်လို့  ရီးနီ ပြောနီ ဟောနီရေ ဆိုစော်ကို သံသယကင်းကင်းနင့် အားလုံးယုံကြည့်ကတ်စော်ပါရာ ။ ယေကေလေး ကျစ်ကျစ်လစ်လစ်နင့်ရာ ကော်မီတီပိုင်အဖွဲ့ မျိုးဆိုကေ ဇါလောက်ကောင်းပါဖို့ လေးယေ ။
ယေဇူးနင့် ရခိုင်သမိုင်းဆိုင်ရာကော်မီတီကို ဖွဲ့ စီးဖို့  အချိန်အခါက တောင်းဆိုနီပါဗျန်ထော ။ ဇါဖြိုက်လို့ ဆိုကေ ရခိုင်သမိုင်းကော်မီဆိုစော်က ရခိုင်လူမျိုးကို ကိုယ်စားပြုစော်ပါရာ မနား လို့  ပြောချင်စော်ပါ ဒေ။
ခိုင်အောင်ကျော် ( နယူးယောက် )
