မြန်မာနိုင်ငံအတွင်းမှာ မီတာခတိကို ကောက်ခံရေအခါ တယူနစ်ကို -၂၅- ပြားရာ ပီးရရေလို့  သိရပါရေ ။ ယေကေလေး အခုရခိုင်ပြည်မှာ ကျရေခါကား တယူနစ်ကို ပီးရစော်က -၄၀၀- လောက်ကပင် -၆၀၀- လောက်ထိ ပီးနီရရေအခါ လူတိကား မခံနိုင်ကတ်ပါဗျန်ကာ ။ ယင်းပိုင်လျှပ်စစ်မီး-မီတာခ ဈီးနုံးကြီးနီစော်ကတကြောင်း- သဘာဝဂါတ်စ်တိ ထွက်နီသိတိုင်အောင် ဂါတ်စ်နင့် ထမင်းချက်စားရရေ ဘ၀မျိုးကို မရဘဲ တရုပ်ပြည်ကို ရောင်းစား ထားရေအတွက်နင့် ရခိုင်ပြည်မှာ မီးပြသနာက မကန်ပြသနာဖြိုက်လာပါရေ ဒေ။ ယင်းချင့်ကို ရခိုင်ပြည်လွှတ်တော်ကျင်းပနီစော်မှာ ပြည်သူလူထုတိက လွှတ်တော်အတွင်းမှာ လျှပ်စစ်မီးကိစ္စနင့် တင်ပြထားစော်တိကို မြို့့ နယ်လွှတ်တော်ကိုယ်စားလှယ်တိက တင်ပြကတ်ပါရေထော ။
လျှပ်စစ်မီတာခ-၀န်ဆောင်မှုတထောင်ကောက်စော်ကို ပယ်ချပီးပါလို့  ဆိုပနာ လွှတ်တော်မှာ တင်ပြရေအခါ လျှပ်စစ်ဝန်ကြီးက ဇါပိုင်ဖြီလေးဆိုကေ ကုမဏီအရှုံးပေါ်လားဖို့  ဖြိုက်လို့  ယင်းအတွက်ကြောင်း တင်ပြစော်ကို ပယ်ချပနာ ဆက်လက်ကောက်ခံခွင့်ပြုရေလို့  ဖြီပါရေထော ။ စစ်တွေမှာ မီတာအိုးက တသောင်းကျောက်လောက် ဟိရေအခါ လွှတ်တော်ကိုယ်စားလှယ်က ပြည်သူလူထုတိမှာ သိန်းတရာလောက်ကို လစိုင်မစားရ မသောက်ရဘဲ မြို့  အကျိုးပြုလုပ်ငန်းကဏ္ဍမှာ မသုံးရဘဲဖြိုက်လို့  ပယ်ဖျက်ပီးပါလို့  တောင်းဆိုခစော်ဖြိုက်ပါရေ။ ယင်းပိုင်လွှတ်တော်မှာ တင်ပြစော်ကို ကြံ့ဖွံ့ပါတီက ဖြီရေဆိုကေ ခွင့်လွှတ်နားလည်လို့  ရပါသိန့် ရေလတ်။ အခုက ရခိုင်တိုင်းရင်းသားတိုးတက်ရီးပါတီက လျှပ်စစ်ဝန်ကြီးဝန်ကြီးဖြိုက်လားသူ ဦးသာလူချေက မီတာခဈီးနုံးကို မပြင်ဆင်ပီးနိုင်ရေပိုင် ကုမဏီရှုံးလားလီဖို့ စော်ကို ကြောက်လို့  ယင်းပိုင်ရာဖြီပါရေလတ်ထော ။ လျပ်စစ်ဝန်ကြီး ဦးသာလူချေမှာ စစ်တွေမြို့ က ရွီးချယ်ခံခရေ ရခိုင်တိုင်းရင်းသားလွှတ်တော်ကိုယ်စားလှယ်ဖြိုက်ဗြီးကေ ရခိုင်ပြည်အစိုးရမှာ လျှပ်စစ်ဝန်ကြီး ဖြိုက်ပါရေ ။ ၀န်ကြီးဖြိုက်လားရေ နိကပင့် စပနာ ပါတီရုံးကိုလေး တခါချေပင် မလာဗျန်လို့  သတင်းတိ သိရပါရေထော။ လျှပ်စစ်ဝန်ကြီး ဦးသာလူချေမှာ-ဗမာလူမျိုးပိုင်ဖြိုက်တေ- ဖိုးသီးချိုကုမဏီက အရှုံးပေါ်လားဖို့  စော်ကို ကြောက်လို့  ရခိုင်လူမျိုးတိက မတန်မဆကောက်ခံခွင့်အမိန့် ကို ထုတ်ထားသူဖြိုက်တေအတွက်နင့် ဖိုးသီးချိုကုမဏီက ဇာလောက်အထိ လဘ်စားထားရလေ ဆိုစော်ကို မသိဖြိုက်နီကတ်ပါရေ ။ ထိုတရက်နိက ရခိုင်တိုင်းရင်းသားတိုးတက်ရီးပါတီရုံးမှာ လျှပ်စစ်မီးရရှိရီး စာတမ်းဖတ်စော်တိ ။ ကော်မီတီဖွဲ့ စော်တိမှာ အခန်းအနားကို တက်ရောက်ခယင့်လားလို့  မီးရေအခါကား ၀န်ကြီးဦးသာလူချေမှာ ပါတီရုံးကို မလာစော် ( ၈ ) လောက်ပင် ဟိလားခပါဗျန်။ ပါတီရုံးခမ်းအတွက် ငှားရမ်းထားရေ ဖေ့ချာကို ပီးဖို့  အတွက် လွှတ်တော်ကိုယ်စားလှယ်တိ -၀န်ကြီးတိက စုပနာ ပီးကတ်ဖို့  စော်မှာ-တပြားချေပင် မပီးဘဲ ဘ၀ကို မိန့် လားခရေလူပါရာလို့  ပြောသံတိ -ရရောင်းသတ်နီပါရေဒေ။
