၁၇ ၊ ၁၁ ၊ ၂၀၀၉ ရက်နိ၊ ညဇာဖက် ၆ ချက်တီလောက်မှာ မြောက်ဦးမြို့နယ် ကံလှရပ်ကွက်မှာ မီးလောင်မှု တခုဖြိုက်ပွါးပါရေလို့ လေးဝတီက စုံစမ်းသိဟိရပါရေ။ အယင်း တရက်နှစ်ရက်လောက်ပါသိမ့် မင်းပြားမြို့ ဈီးမီးလောင်းစော် မကြာသိမ့် အခု မြောက်ဦးမြို့မှာ မီးလောင်ပါဗျာလ်။ အခု မီးလောင်မှုနန့်ဆိုကေ ရခိုင်ပြည်မှာ အေတလအတိုးအတွင်းမှာ သုံးခါဟိပါဗျာလ်။ ရမ်းဗြဲမြို့နယ် ကျောက်နီမော်မှာ မီးလောင်ပြီးကေ ကကောင်းမကြာခင် မင်းပြားမြို့ အခုဆိုကေ မြောက်ဦးမြို့ရို့ကို မီးဆက်တိုက် လောင်မီတိ ဖြိုက်တေ အတွက် ရခိုင်ပြည်က အခြားမြို့နယ်တိကလည်း ရှို့မီးလောင်ဖို့စော်တိကို ကြောက်နီရပါရေလို့ သတင်းတိကိုလည်းကြားနီရပါရေ။ မြောက်ဦးမြို့၊ ကံလှရပ်ကွက် မီးလောင်မှု ဖြိုက်ပွါးရာမှာ ” အိမ်တိနန့်၊ ဗွီဒီယိုရုံတိ မီးထဲကို ပါလားရေလို့ သိရပါရေ။
မီးက ညဇာဖက် ၆ ချက်တီပတ်ဝင်ကျင်လောက်က စလောင်စော်ပါ၊ ကံလှရပ်ကွက် တံထားနားမှာ လောင်စော်ပါ၊ အိမ်တိကတော့ မနည်းအများကြီးပါလားပါရေ“ လို့ မီးလောင်မှု ဖြိုက်ပွါးရေ အနားက လူတယောက်က ပြောပြပါရေ။ မြောက်ဦးမြို့ မီးသတ်ဌာနမှာ မီးသတ်ကားတိဟိကေလည်း မီးသတ်ကာ တစီရာ ရောက်လာပြီးကေ ရောက်တေဆိုရုံလောက်ရာ ရောက်ပြီး တချက်ချေရာ ငြိမ်းသတ်နိုင်ရေလို့ လည်း ဆက်ပြောပါသိမ့်ရေ။ အနားပတ်ဝန်ကျင်မှာ ဟိရေ လူတိက ၀ိုင်းကူးလို့ရာ မီးကို ည (၇) ချက်တီလောက်မှာ ငြိမ်းသတ်နိုင်စော်ရာ ဖြိုက်ပါရေ။ ပတ်ဝင်ကျင်က လူတိရာ မကူးညီနိုင်ဆိုကေ အေထက်မက မီးက ပြင်ထန်ပြီးကေ ဆုံးရှုံးမှုတိ ဖြိုက်လားနိုင်ရေလို့ သိဟိရပါရေ။
