ကျောက်ဖြူမှာ မီးထပ်လောင်ပြန်ဗျာလ်

21.11.2011ရက်နိန် မိုးသောက်ဖက်က ဂီရီမုန်တိုင်းဒဏ်ကို အလူးအလိမ့် ခံခရရေ ကျောက်ဖြူမြို့ မြစ်နားတန်းလမ်းမှာ မီးလောင်မှု တခုဖြိုက်ပွါးရေလို့ သတင်းရဟိပါရေ။ မီးလောင်မှုဖြိုက်ပွါးရစော်ကို မီးလောင်နားက လူတယောက်က ပြောပြစော်မှာ “မီးစတင်လောင်က မြစ်နားတန်းလမ်း၊ ဗလကြီးအိမ်နောက်ဖက်မှာဟိရေ လဖက်ရည်ဆိုင်ချေ တခုက စတင်ခစော်ပါ၊ ညဥ့်ခါဖက် (၂) နာရီလောက်မှာ စလောင်စော်ဖြိုက်ပါရေ။ ကံကောင်းချင်စော်က ဖြားတက်ရေ အချိန်ဖြိုက်လို့၊ ဘောလုံးပွဲလည်းဟိရေဆိုခါ လူအင်အားလည်းကောင်းပါရေ၊ ယင်းပိုင်ဖြိုက်လို့ မီးကို သတ်နိုင်လောက်စော်” လို့ ဒေသခံ တယောက်က ပြောပြပါရေ။. အကယ်လို့ မီးကိုရာ အချိန်မီ မသတ်နိုင်ဆိုကေ ကျောက်ဖြူမြို့ ဈီးအပါဝင် အပျက်အစီ ကကောင်းများလားနိုင်ရေ၊ ဈီးထဲမှာလည်း ရနံဆီ၊ ဓာတ်ဆီရောင်းရေ ဆိုင်တိလည်း အများကြီးဟိရေ လို့လည်း ဆက်ပြောပါရေ။ အပျက်အစီ ဆုံးရှုံးမှုတိကိုတော့ မသိရပါသိမ်လို့ ပြောပါရေ။ အဂုပိုင် ရခိုင်မှာ မီးလောင်မှုတိ အေတလတည်းမှာ (၆) ကြိမ် ဆက်တိုက်ဟိနီပါယာ။ အေပိုင်ရာဆိုက်တိုက်မီးလောင်နီဖို့ဆိုကေ မီးသတိပီမှုတိကို ရပ်တိုင်ရွာတိုင်း မြို့နယ်တိုင်းမှာ ကိုယ်ထူကိုယ်ထ လုပ်သင့်နီပါဗျာလ်လို့လည်း ပြောသံတိကို ကြားနီရပါရေ။ ရခိုင်ပြည်နယ်က လူတိလည်း မီးလောင်မှုတိ ဆက်တိုက် ဖြိုက်နီရေ အတွက် ထိန့်လန်မှုတိလည်း ဖြိုက်နီကတ်တေလို့ သိရပါရေ။ Ref: http://kyaukphrunet.blogspot.com/2011/11/blog-post_20.html