ရတပ တာဝန်ကျီပါဗျယ်လာ

ရခိုင်တိုင်းရင်းသားများတိုးတက်ရေးပါတီကို ရခိုင်သားတိ သောင်းသောင်းဖြဖြထောက်ခံပြီးကေ မဲပီးလိုက်ကတ်ပါရေ။ဇာဖြစ်လို့ပီးလေ သူရို့ပီးထားရေ ကတိ တိကိုကြိုက်လို့လား ရခိုင်သားတိအကျိုးအလှပလှလုပ်နိုင်ဖို့ထင်လို့လား ဟုတ်ချင်မှဟုတ်ပါလိမ့်မယ် ပွင့်ပွင့်လင်းလင်းပြောပါဆိုကေ ရခိုင်သားပါတီဖြစ်လို့ပါ ရခိုင်သားတိစိတ်မှာ ကိုယ်ရခိုင်မှာရခိုင်ပါတီရာအောင်မြင်စီချင်ပါရေ အခြားပါတီတိမှာအရွီးခံရေ ကိုယ်စားလှယ်တိမှာလေ့ ရခိုင်သားတိပါဗျယ် ထင်ရှားရေလူတိ အောင်မြင်နိန်ရေလူတိလေ့ပါပါရေ ယကေလေ့ ကျွန်တော်ရို့ က လူပုဂ္ဂိုလ်ထက် ရခိုင်ပါတီကိုဦးစားပီးပြီးကေ မဲပီးခကတ်ပါရေ၊ကိုင်း မဲတော့နိုင်လားဗျယ် ရခိုင်ပါတီဇာလုပ်ဖို့လဲ ရွီးကောက်ပွဲပြီးစော်လေ့ တစ်နှစ်ရှိဗျယ်၊ရခိုင်ပါတီဇာလုပ်ပြီးဗျယ်လေ ရခိုင်ပါတီမှဲာပီးလိုက်ကတ်တေရခိုင်ပြည်သူပြည်သားတိ အတွက် ရဲရင့်မူ၊ပြတ်သားမူ၊ဦးဆောင်မူကောင်းခြင်း၊ညီညွတ်ခြင်း၊ကိုယ်ကျိုးကြည့်မူကင်းခြင်း၊ရွီးကောက်ပွဲကြွီးကြော်သံကိုထိန်းသိမ်းနိုင်ယင့်လား၊ရွီးကောက်ပွဲ ကတိတိကို အကောင်အထည်ဖော်နိုင်ကတ်ယင့်လား၊ ကျွန်တော်ကပါတီကိုလေ့လာနိန်ရေလူတစ်ယောက်အနိန်နန့်၊ရခိုင်ပြည်သူတစ်ယောက်အနိန်နန့် ရခိုင်ပါတီကို ရခိုင်ပြည်သူတရပ်တိ တစ်လုံးကျောက်တစ်လုံးပိုင်အကဲခတ်စောင့်ကြည့်နိန်ပါရေ၊ရခိုင်ပါတီဇာလုပ်လေ၊ဗဟိုကော်မတီမှာဇာပိုင်ရှိကတ်လေ၊ပါတီမှာထမ်းဆောင်နိန်ရေလူငယ်ချေတိကဇာပိုင်လေ ယင်းပိုင်စောင့်ကြည့်ပါရေ၊အသျှင်ဦးဥတ္တမနိန့် မှာရခိုင်တိုးတက်ရေးပါတီ ဦးဆောင်ပြီးကေ ဆရာတော်ကိုပူဇော်ပါရေ အော် ငါရို့ရခိုင်ပါတီ ရဲရင့်လိုက်တေပင် ညီညွတ်လိုက်တေပင် သာယာလီစွ သာလီစွလို့ ၀မ်းမှာလှိုက်လို့ဝမ်းသာမိပါရေ။
ယကေလေ့ လုပ်စရာရှိရေအခြားကိစ္စတိမှာ အားမလိုအားမရဖြစ်မိပါရေ ၊ ရတပက Gas လို့အော်ပြီးကေ ရွီးကောက်ပွဲကိုဝင်ပါရေ၊ယင်းကိစ္စကိုလေ့ လွတ်တော်ထဲမှာတင်ပါရေ ယကေလေ့ အကုန်လုံးရောင်းလိုက်ပြီ ရခိုင်တွေအတွက်မရှိတော့ဘူး ဆိုစော်နန့် အသာပေါက်ချေပြန်လာပြီးကေ အိမ်မှာကုပ်နိန်လို့မရပါ ကျွန်တော်ရို့မဲတိယေ ယင်းပိုင်လူတိအတွက်မဟုတ်ပါလူများစိုက်ခင်းက ကင်းဇွန်းဝင်ချိုးကေတောင် ယာရှင်အတွက်တစ်စားစာတော့ထားပခရပါရေ အခုကကင်းစွန်းတစ်ရိုးတောင်ပြန်မထားခချင်ရေအဖြစ်ပါ ရခိုင်သားတိဇာဘ၀ရောက်လားလေ ရခိုင်ဦးဆောင်ပါတီဇာဘ၀ရောက်နိန်ဗျယ်လေဆိုစော်ကို စိုင်းစားကြည့်ရပါဖို့။ တစ်နှစ်ရာရှိသိရေနုငယ်သိလို့ဆိုကေလေ့ ဇာလောက်စောင့်ရပါဖို့လဲ တစ်နှစ်ချင်းတတူ အခြားပါတီတိက လူထုနန့်ပူပေါင်းပြီးကေ ဧရာဝတီမြစ်ရို့ကိုကယ်တင်နိုင်လိုက်ကတ်ပါရေကာ မပြောဝံ့မဆိုဝံ့ အဖမ်းခံရဖို့လား လွတ်တော်ကထွက်ရဖို့လား ရှိရင်းစွဲရာထူးပြုတ်လားဖို့လား ဆိုရေ အကြောက်တရား ရှိကေ အစကပင်နိုင်ငံရေးမလုပ်ပါကေ့ စောင့်ကြည့်နိန်ပါရေ ဆိုကေလေ့ စောင့်ကြည့်နိန်ဖို့အချိန်မဟုတ်ပါဗျယ် ဆင်းရဲမူမှာ ရခိုင်ပြည်ဒုတိယလိုက်နိန်ပါရေ စာတမ်းဖတ်နိန်ပါရေ ဆိုကေလေ့ ယင်းစာတမ်းလီမှာမပျောက်လားဖို့လိုပါရေ ကြာကေ အသံရာရှိရေ အဆံမရှိရေ သင်္ကြန်မမြောက်ပိုင်တော့ရခိုင်ပါတီကိုမဖြစ်စီချင်ပါကြားရရေသတင်းကတော့ကေ ဗဟိုကော်မတီမှာ ညီညွတ်မူအားနည်းခြင်း တိရှိပါရေလို့ ၀မ်းနည်းစွာကြားရပါရေ ဇာဖြစ်လို့ပါလေ ရခိုင်သားတိကို ညီညွတ်တေ ရခိုင်ပါတီကရာဦးဆောင်စီချင်စော်ယေ ရခိုင်သားတိရင်ထဲဆန္ဒပါ ဗဟိုကော်မတီယေ တစ်သံတည်းထွက်နိန်ရပါဖို့ ဗဟိုကော်မတီကရာမီးစိမ်းပြလိုက်ပါ ကျွန်တော်ရို့အားတင်ထားပြီးသားလို့ စိတ်မကောင်းစွာနန့်ပြောလားရေ ရခိုင်တိုင်းရင်းသားများတိုးတက်ရေးပါတီက ပါတီဝင်လူငယ်တိယေ စွန့်လွတ်အနစ်နာခံဖို့ ရခိုင်သားတိတိုးတက်ဖို့အတွက် လိုအပ်တေအရာတိကို လိုအပ်ကေနည်းမျိုးစုံနန့်ကြိုးစားလုပ်ဆောင်လားကတ်ဖို့လို့ ဆုံးဖြတ်ထားရေ လူငယ်ချေတိမျက်နှာကို ဗဟိုကော်မတီနိန်နန့်ကြည့်သင့်ပါရေ ပါတီအနိန့်နန့် တရားဥပဒေဘောင်ထဲမှာညီညီညွတ်ညွတ်နန့်ကြိုးစားလို့ရရေအကြောင်းတရားတိအများကြီးရှိပါရေ ဆိုစော်ကိုအားလုံးသူအသိပင်ဖြစ်ပါရေ၊ဂျာနယ်တိမှာတောင်ပွင့်ပွင့်လင်းလင်းပြောနိန်ကတ်တေအချိန်မှာ ရခိုင်ပါတီက ပါးစကိုပိတ် လက်မလုပ်ခြွီမလုပ်ဆိုကေ နောက်ကလိုက်ရိဖို့ပြည်သူတိ အားမလိုအားမရဖြစ်နိန်ကတ်ရပါရေ ၊ ဇာပိုင်ပါလေ ရတပ တာဝန်ကျီပါဗျယ်လာ မဲလ်ထဲမှ ပီးစာတစောင်ကို ပြန်လည် ဖော်ပြပီးလိုက်စော်ပါ။