နေပြည်တော်က သတင်းစဉ်ဆိုပနာ နိုဝင်ဘာလ-၁၂-ရက် ညဇါဖက် -ရ -ချက်တီးမှာ မင်းပြားမြို့ ဈီးကြီး မီေးလာင်စော်က ဦးမောင်ကျော်စိန်ဆိုင်ခန်းအထဲ စားအုန်းဆီမီးအပူပီးစော်က စပနာ မီးလောင်လားဗြီးကေ ဆိုင်ခန်းပေါင်း -၅၆ရ-ခန်း ခန့်  မီးလောင်ဆုံးရှုံးမှုဖြစ်ခကြောင်းနင့် လူအသီအပျောက်က မဟိဆိုရေပိုင် ညဥ့်-၁၀--ချက်တီး-၄၅-မိနစ်မှာ မီးငြိမ်းလားခရေလို့  ဖေါ်ပြထားပါယင့်။ ဒေချင့်က -၁၄-ရက်နိထုတ်-ကြေားမုံသတင်းစာရို့ မှာ ပါလာစော် သတင်းပါယေ ။ ဒေပိုင်ဆိုကေ သတင်းစာက ထုတ်ပြန်ရေ သတင်းအတိုင်းဆိုကေ ဒေလောက် လူတိမှာ အတိဒုက္ခရောက်စော် သတင်းကို ဒေပိုင်ထုတ်ပြန်စော်ကိုပင် ကျေးဇူးတင်လိုက်ရပါဖို့  သိလားချင့် ။ မဟုတ်ကေ သတင်းစာတိကို တစောင်လေး မ၀ယ်ကတ်ဘဲ ဆန္ဒပြလိုက်ရဖို့ လားလို့  ပြောစရာဖြိုက်နီပါဗျန်ဒေ။ မီးလောင်ရေ သတင်းကို -၂-ရက်နိဗြီးမှ သတင်းတိုချေတခုကို ထုတ်ပြန်လိုက်စော်က လူထုကို အလှပလှ အားမနာ စော်ကားလိုက်စော်ဖြိုက်ပါရေ ယေ ။ နောက်တခုက မီးလောင်ရေဆိုကေ မီးသတ်ဦးစီးဋ္ဌနက မီးသတ်ကား ဇါနှစ်စီးက လာလို့  ငြိမ်းသတ်ပီးလေဆိုစော်ကို မဖေါ်ပြဘဲ ထားလို့  ဟိပါသိရေ ။
နောက်တခါ မီးသတ်ကားမှာ ရီအဆင်သင့် ဖြည့်လို့  ဟိ -မဟိဆိုစော်ကို ဖေါ်ပြထားစော်လေး မဟိပါဒေ။ ယေဗြီးကေ မီးလောင်ရေအခါ မီးသတ်ဦးစီးဋ္ဌါန၊ ရဲ နင့် စစ်တပ် အပါအ၀င် မင်းပြားမြို့ အုပ်ချုပ်ရီးပိုင်းဆိုင်ရာ အာဏာပိုင် အဖွဲ့ အစီးတိက ဇါလုပ်နီကတ်လေဆိုစော်ကို သတင်းမှာ ဖေါ်ပြစော်လေး မဟိပါဒေ။ မိးလောင်လို့  ဗြီးစော်နင့် မီးဘေးခံစားရရေ ဆိုင်ခန်းရှင်တိအတွက် အကူအညီတိ ပီးဖို့ စော်တိ ၊ အထောက်အပံ့ပီးဖို့  စော်တိကို ဇါပိုင်ဖြီရှင်း ဆောင်ရွက်နီကတ်စော်လေး သတင်းမှာ တလုံးတပါဒချေပင် မဖေါ်ပြဘဲ ဟိနီစော်က သတင်းစာအင်္ဂါနင့် မညီညွတ်လို့  လူတိ သိနီကတ်ပါရေ ။ ။ အဆိုးဆုံးက ရခိုင်ပြည်နယ် ၀န်ကြီးချုပ်-ဦးလှမောင်တင်က မင်းပြားဈီးကြီး မီးလောင်စော်နင့် လားခြီစော်မှာ မီးလောင်လားခရရေ ဆိုင်ခန်းပိုင်ရှင်တိနင့် မတွိခလို့  သတင်းတိကြားနီရပါယင့် ။ အင်္ဂလိပ်လက်ထက်က ဥပဒေအတိုင်း မီးလောင်ကေ မီးစလို့  လောင်ခရေ ပုဂ္ဂိုလ်ကိုရာ ပေါ့ဆမီးဆိုပနာ ဖမ်းဆီးဖို့  ဖြိုက်နီရေ ဥပဒေက ဟိနီရေအတွက်နင့် အခုဆိုကေ ဦးကျော်စိန်မောင်ကိုပင် ဖမ်းလို့  ရဲတိက ဖေ့ချာတောင်းပနာ ခြိမ်းခြောက်လို့  ဟိနီဖို့  သိလို့  ထင်ရပါရေ ။ ဆိုင်ခန်းမီးလောင်လို့  စီးပွါးရီးတခုချေလေး မကျန်ခရေ ဦးကျော်စိန်မောင်မှာ ယင်းပိုင်ဥပဒေဆိုးတိ ဟိနီသိရေ အတွက် မီးလေးလောင် ထောင်လေးကျရဖို့ သိပိုင်ဖြိုက်နီပါသိယင့်ယေ ။ မီးသတ်ဋ္ဌါနက မီးသတ်ကားမှာ ရီမဟိစော်တိနင့် ၀န်ထမ်းမဟိစော်တိ ။ ဈီးကြီးအထဲကို လားစော်လမ်းမှာ လူနှစ်ယောက်စာလောက် ဟိရေလမ်းကျဉ်းချေဖြိုက်လို့  ဈီးအထဲကို မော်တော်ကား မ၀င်ရောက်နိုင်စော်တိ ၊ အာဏာပိုင်အုပ်ချုပ်ရီးအဖွဲ့ တိက ဖေ့ချာရကေ ဗြီးဗျန်ဆိုပနာ လောင်စာဆီတိကို ဈီးအထဲမှာ စည်ပင်သာယာက ထားရေအတိုင်း လက်ပိုက်ကြည့်ပနာ ထားစော်တိကို တခုချေလေး မလုပ်ဘဲ အခုပိုင် ဒုက္ခကျရေလူကိုရာ အနိုင်ယူဖို့  လို့  လုပ်နီကတ်တေမျိုး သတင်းကြားရပါရေ ။ နောက်ဆုံးသတင်းအရ မီးလောင်ခံရရေ ဆိုင်ခန်းပိုင်ရှင်တိကို နောက်ထပ်ဆိုင်ခန်းအတွက် ဆိုင်ခန်းနီရာ ချပီးဖို့ အခါ စည်ပင်သာယာ ရံပုံငွေ ၊ စစ်တပ်ရံ့ပုံငွေ ။ ထိုရံပုံငွေ ဒေရံပုံငွေ ဆိုပနာ တင်ဒါခေါ်ပနာ ဖေ့ချာအများကြီး ပီးနိုင်ရေလူကို ပီးဖို့ စော်မျိုး လုပ်ဖို့ ကြံနီရေလို့  သတင်းကြားရပါရေ ဒေ။
