ရမ္မာဝတီ
ဇင်ကီး
နိုဝင်ဘာလ ၂၂ရက်နိက အောင်တံခွန် အမှတ်(၂) သင်္ဘောသည် စစ်တွေက တောင်တုတ်ကို ကျွန်းပတ်ခရီးစဉ်နန့် လားခါ နောင်တော်မြစ်မှာ ရီကြောင်းလိုင်းလွဲချော်နာ သံသမ ကျောက်ဆောင်ကို ၀င်တိုက်မိလားရေအတွက်ကြောင့် သင်္ဘော ခေါင်းပိုင်းပေါက်ကွဲလားပြီး ရီတိဒလဟောဝင်လာက သင်္ဘောမှာပါလာရေ ခရီးသည် ပစ္စည်းတန်ဖိုးတိ သိန်း(၇၀၀) ဖိုးလောက် ဆုံးရှုံးလားရေလို့ သတင်းရဟိပါရေ။
သင်္ဘောမြုပ်လားရရေ အကြောင်းကို ခရီသည် တစ်ဦးက အဂုပိုင်ပြောပြပါရေ။
“ ယင်းနိခါ သင်္ဘောဟာ မြေပုံက စထွက်လာရေခါ သင်္ဘောမောင်းရေ ဆလင်က အရက်မူးနိန်ပါဗျယ်။ မြေပုံက ထွက်လာလို့ လမ်းကိုရောက်ရေခါ တပည့်ကို မောင်းခိုင်းဘာရေ၊ ဆရာက အရက်မူးနာ အိပ်ပျော်လားခပါဗျယ်၊ တပည့်ကလည်း လမ်းကြောင်းမကျွမ်းကျင်၊ နောင်တော်မြစ်ကို ရောက်ရေအခါ တပည့် ဆရာကို တပည့်ကပြောပါရေ၊ ဆရာထထ၊ ဒေမှာ ရီတိုင်းစွာမှာ ဒီကဂရီ အမှတ်က (၁၃၀) ဟိဗျယ်၊ ဆရာကလည်း ထရက ထလာပြီးကေ အပြင်ကိုလည်း ထွက်မကြည့်ပဲနန့် လက်ဝဲဘက်ကို အမှတ်(၂၀၀) ပြည့်အောင်မောင်း လို့ပြောလိုက်ရေ၊ ယင်းခါ တပည့်ကလည်း အမှတ်(၂၀၀) ပြည့်အောင်သင်္ဘောကို လက်ဝဲဘက်လှည့်ချလိုက်ရေ၊ ယင်းခါ သင်္ဘောက သံသမ ကျောက်တန်းကို ဦးတည်ပနာလားပြီး ကျောက်ဆောင်ကိုဝင်တိုက်ပစ်လိုက်ပါယင့်၊ သင်္ဘော ခေါင်းပိုင်းကွဲထွက်လားနာ ရီတိ ဒလလောဝင် လာဗျယ်၊ သင်္ဘေထက်မှာ ပါလာရေ ပစ္စည်းတိလည်း အားလုံး ရီမြုပ်လားပြီးကေ ပျက်စီးလားပါဗျယ်” လို အမည်မဖော်လိုရေ ခရီးသည်က ပြောပါရေ။
သင်္ဘောမှာ ပါလာရေ ပစ္စည်းတိက ရွေပုစွန်ခြောက်တိ၊ ဆန်တိ၊ ငါးပိ၊ ငါးခြောက်၊ ရီခဲစိမ်ငါး နန့် နောက်ထပ်ပစ္စည်း တိလည်းပါလာကြောင်သိရပါရေ၊
ဒေအောင်တံခွန် အမှတ်(၂) သင်္ဘေဟာ ကျွန်ပတ်ခရီနန့် စစ်တွေက နိုဝင်ဘာ ၂၁ ရက်နိ မိုးထ (၆) နာရီက စထွက်လာပြီး၊ မင်းပြားမြို့နယ် ကျွဲရီပြင်ရွာနားမှာလည်း မိုးထ (၉ နာရီခွဲလောက်)မှာ သောင်တင်နိန်ခသိရေ။ မြေပုံကိုရောက်ရေအချိန်မှာ ၀န်တင်ဝန်ချ လုပ်ပြီးကေ ယင်းက ည(၁၀) ခွဲလောက်က စထွက်လာစွာဖြစ်ပါရေ။ ၂၂ နိ နောက်တော်မြစ်ကိုဖြတ်ရာမှာ ရီလမ်းကြောင်းလွဲပြီးကေ မိုးထဖက် ၄ နာရီခွဲလောက်မှာ သံသမ ကျောက်တန်းကို ၀င်တိုက်မိလားရေ။ ယင်းနိန်ည (၉) နာရီမှာ သင်္ဘောနစ်မြုပ်လားခကြောင်းသိရပါရေ။
ရခိုင်မှာ ပြည်ထဲရီကြောင်းလိုင် ဆွဲနိန်ရေ အောင်တံခွန်သင်္ဘော အမှတ်(၁) ကပင် (၆) ထိ သင်္ဘော ၆စီးဟိပါရေ၊ အဂု မြုပ်လားရေ အောင်တံခွန်(၂) သင်္ဘောဟာ လွန်ခရေ ၂၀၁၀ ကုန်ခါနီးမှာ ပြည်တွင်းရီကြောင်း သင်္ဘောပိုင်ကို ပုဂ္ဂိလိကပိုင် အဖြစ်ငှာရမ်းရေအခါ တောင်ကုတ်မြို့မှ ဦးကျောက်တောင်က ငှားရမ်းပနာ ပြေးဆွဲနိန်ကြောင်းကို သိရှိရပါရေ။
