ဇွန်လ-၃၀- -၂၀၁၁ န်ိန့်  ညဇက ကျင်းပရေ ရခိုင်ပြည်လွှတ်တော်အစည်းအဝေးမှာ ၀န်ကြီးဌာန တတိုင်ကို ဖြုတ်ပလိုက်စွာ ကြေညာလိုက်တေ သတင်းကြားသိရပါရေ ။
ဒေပိုင်ဖြုတ်ပလိုက်ခံရရေ ၀န်ကြီးဌာနတတိုင်မှာ လွန်ခရေ -၅-လ လောက်က ရခိုင်ပြည်အစိုးရကို ဖွဲ့ စည်းရေအခါ ၀န်ကြီးချုပ်
ဦးလှမောင်တင်က ၀န်ကြီးဌာန ( ၉ ) -ခု-နှင့် ဖွဲ့ စည်းထားစွာဖြစ်ပါရေ ။ အခုဝန်ကြီးဌာနတိကို ဗဟိုလ်ကချုပ်ကိုင်ပနာ လုပ်လားဖို့  ဖြုတ်ပလိုက်စွာရာလို့  သိရစွာပါ။
ဗဟိုလ်ဆိုစွာက နေပြည်တော်က တိုက်ရိုက်အုပ်ချုပ်ဖို့  စွာကို့ ပြောခြင်းဖြစ်ပါရေ ။ ဖြုတ်ပလိုက်ခြင်းခံရရေ ၀န်ကြီးဌာနတိမှာ ယိုင်ကျေးမူနာင့် ပိုင်ညာရီးဌါန။ လူဝင်ကြီးကြပ်ရီးဌန နာင့် သာသနာရီးဌါနလို့  သိရပါရေ ။ ကျန်းမာရီးဌာနနာင့် ပိုင်ညာရီးဌါဝန်ကြီးအဖြစ် ဒေါက်တာအောင်ကျော်မင်း၊ ယိုင်ကျေးမှုနှင့်ကယ်ဆယ်ရီးနန့်
ပြန်လည်နိန်ရာချထားရီးဝန်ကြီးဌါနကို ဦးအောင်သန်းတင်၊ သာသနာရီးနှင့် လူဝင်မူကြီးကြပ်ရီးဝန်ကြီးဌနကို
ဗိုလ်မှူးကြီး ထိန်လင်းက ၀န်ကြီးအဖြစ် ကိုင်တွယ်ထားကတ်စွာဖြစ်ပါရေ ။ ရခိုင်ပြည်နယ်အစိုးရကို ဖွဲ့ စည်းစိုင်က ဦးလှဟန်မှာ သာသနာရီးနာင့် လူဝင်မူကြီးကြပ်ရီးဌါနကို တာဝန်ခံကိုင်တွယ်ခကေလဲ နောက်ပိုင်းမှာ စစ်တပ်ဝန်ကြီး ဗိုလ်မှူးကြီးထိန်လင်းက လူဝင်မူကြီးကြပ်ရီးဌါနကို လက်ခံလွှဲပြောင်း ယူခရပါရေ ။
အခုပိုင်ဝန်ကြီးဌာနကို ဖြုတ်ပလိုက်ဗြီးကေ နေပြည်တော်က တိုက်ရိုက်အုပ်ချုပ်ကိုင်တွယ်လားဖို့  စွာနင့် ပါတ်သက်လို့  ၀န်ကြီးတိမှာ နေပြည်တော်ကိုပင် တာဝန်ထမ်းဆောင်ဖို့  လားရဖို့ ပိုင် ဖြစ်နိန်ရေလို့  ခန့် မှန်းနိန်ကတ်ပါရေ ။ ဌါနလက်ကိုင်ရုံး မဟိန့် ဘဲနာင့် ၀န်ကြီးအဖြစ် တာဝန်ထမ်းဆောင်နိန်ဖို့  စွာကလဲ ရခိုင်ပြည်နယ်အစိုးရအတွင်းမှာ ဘုံပျောက်လားခဗျန်ဖြစ်တေအတွက် အခုအချိန်အတွင်း ပြသနာတိ ဖြစ်သံကြားနိန်ရပါရေ ။
ရခိုင်ပြည်နယ်အစိုးရထဲမှာ ယိုင်ကျေးမူဝန်ကြီး ဦးအောင်သန်းတင်မှာ ရခိုင်တိုင်းရင်းသားတိုးတက်ရီး ပါတီက ရွီးချယ်ခံရရေ ၀န်ကြီးတယောက်ဖြစ်ကေလဲ ၀န်ကြီးရာထူးကို လက်ခံ ရရှိချိန်ကစလို့  ရတပ-ပါတီရုံးကိုပင် မလာစွာ ကောင်းကောင်းကြာဗျန်လို့  အသံတိ ထွက်နိန်ရေ လူဖြစ်ပါရေ ။ ၀န်ကြီးဖြစ်လားစွာနာင့် ပါတီတွင်း သဘောထားကွဲလွှဲမူတိ နာင့် အကျင့်စာရိတ္တပျက်ပြားရေ အသံတိကို ကြားနိန်ရရေပိုင် မြောက်ဦးက တွိခရေ ရွှီဘုရားဆင်းထုတော်နာင့် ပတ်သက်လို့  နေပြည်တော်က အမိန့် အတိုင်း ဘုရားဆင်းထုတော်ကို ယူဖို့  လားခသူလို့ လဲ နာမည်ဆိုး ထွက်ခသူဖြစ်ပါရေ ။ အခုအချိန်မှာ ၀န်ကြီးရာထူးက ပြုတ်လားစွာမျိုးပိုင် အာဏာမဲ့  ရုပ်သီးဝန်ကြီးပိုင် ရုံးမဟိန့်  ကန်မဟိန့် ပိုင် ဖြစ်နိန်ရေခါ ယင်းချင့်အတွက်နာင့် ၀န်ကြီးအဖြစ်က ပြုတ်ဖို့ ပိုင် ဖြစ်နိန်စွာကို ပါတီရုံးက လူတိက အကာအကွယ် ပီးကတ်ဖို့ လားလို့  စိတ်ဝင်စားနိန်ကတ်တေလို့  သတင်းရရှိပါရေ ။
ရခိုင်ပြည်နယ်အစိုးရမှာ ၀န်ကြီးချုပ် ဦးလှမောင်တင်က ဆောင်ရွက်ဗြီးကေ ဗိုလ်မှူးကြီးထိန်လင်းက စစ်တပ်ဝန်ကြီး - ( လုံခြုံရီးနှင့် နယ်စပ်ရီးရာဝန်ကြီး-) အခုဆိုကေ လူဝင်မူကြီးကြပ်ရီးဌါန လက်ခံ ယူပါရေ ။ ဦးကျော်ခင်က လယ်ယာနာင့် သစ်တောဆည်မြောင်းဝန်ကြီး၊ ဒေါက်တာအောင်ကျော်မင်း- ကျန်းမာရီးနာင့် ပိုင်ညာရီးဝန်ကြီး၊ ဦးစိုးအေး- ပို့ ဆောင်ဆက်သွယ်ရီးဝန်ကြီး၊ ဦးသာလူချေက အလုပ်သမားနာင့် အားကစားးဝန်ကြီးဌာန၊ ဦးကျော်သိန်းက သားငါးပုဇွန်နာင့် စွမ်းအင်ဝန်ကြီးဌန ၊ ဦးအောင်သန်းတင်က ယိုင်ကျေးမှူနာင့် ပြန်လည်ကယ်ဆယ်ရီးဝန်ကြီး၊ ဦးလှဟန်က သာသနာရီးနာင့် လူဝင်မှူကြီးကြပ်ရီးဝန်ကြီးအဖြစ် တာဝန်ယူအပ်နှင်းခံရသူတိ ဖြစ်ပါရေ ။
ရခိုင်ပြည်နယ်အစိုးရအနိန်နာင့် ရုပ်သီးအစိုးရလို့  လူတိသိနိန်ကေလဲ အခုပိုင် ၀န်ကြီးဌါန တိကို ဖြုတ်ပလိုက်တေအခါ ပိုလို့ တောင် လူသိလားခကတ်တေလို့  ပြောသံတိကြားနိန်ရပါရေ ။ လုပ်ပိုင်ခွင့်အာဏာကို တစိချေလဲ မဟိန့် စွာကြားမှာ အခုပိုင် ဗဟိုလ်က ချုပ်ကိုင်ပနာ ၀န်ကြီးတိကို လုပ်လိုက်တေဆိုစွာ လွှတ်တော်ကိုယ်စားလှယ်တိကို အားမနာလုပ်စွာပိုင် မဲဆန္ဒပီးလိုက်တေ ရခိုင်လူမျိုးတိကိုပါ နပ်ယောင်ကား အားမနာ လုပ်စွာလို့  ၀ီဖန်သံတိ ထွက်နိန်ကတ်ပါရေ ။
လေးဝတီ
