ကိုလတ်
(ကျောက်ဖြူ။ ။ဓာတ်ငွေ့ ပိုက်လိုင်း တည်ဆောက်ရန်အတွက် ပိုက်လိုင်းပစ္စည်းတိကို ကံ့ကော်တော ဘုရား အနီးမှာ ထားရှိဖို့ဖြိုက်တေ အတွက် ဒေသခံ ပြည်သူတိ မကျေနပ် ဖြိုက်နိန်ကတ်ကြောင်း သိရပါရေ။
ကံ့ကော်တော ဘုရား ၀တ္တကနီမြီထဲက ရီနံနိန့် ဓါတ်ငွေ့ ပိုက်လိုင်း လုပ်ငန်းခွင် မြင်ကွင်း(ဓါတ်ပုံ-ရခိုင်ရိုးမ)
“ပါရမီ ကုမ္ပဏီကပါ ပိုက်လိုင်းတိကို ကံ့ကော်တော ဘုရားအနီးမှာ ထားဖိုဆိုပနာ မြီတိကို ညှိနိန်ပါရေ။ တခြား စက်ပစ္စည်းတိကိုလဲ ထားဖို့အတွက်ပါ။ ယင်းသူရို့လုပ်နိန်စာက ဘုရားမြီထဲမာဆိုခါ နောက်ပိုင်း ဘုရားဖူုးလာလူတိ အတွက် လားလာခွင်ရဖို့ မဟုတ်ဗျာယ်” လို့ ဂုံးချိန်ရွာသားတယောက်က ဆိုပါရေ။
ပိုက်လိုင်း သွယ်တန်းဖို့ အတွက် ဆက်စပ်တေ စက်ပစ္စည်းတိကို ပြည်တွင်းကုမ္ပဏီတိဖြိုက်တေ မြန်မာရွှေသရဖူကုမ္ပဏီလီမိတက် ၊ SHWE FIELD DEVELOPMENT PROJECT ရို့ က တာဝန်ယူဆောက်လုပ်နိန်စွာ ဖြိုက်ပြီးကေ ဒေလကုန်မှ ပိုက်လိုင်းတိရေ ကျောက်ဖြူမြို့ အနီးသို့ ရောက်ရှိလာဖိုဖြိုက်တေလို့ သိရပါရေ။
ဒေသခံ အများစု က ရေ ကံ့ကော်တောဘုရားအနီးမှာ စီမံကိန်းလုပ်ငန်းခွင်သုံးပစ္စည်းတိထားရှိလာဖို့ကို မလိုလားကတ်ပါ။
ယင်းသို့ပိုက်လိုင်းတိ ထားရှိရေနောက်ပိုင်း စံမံကိန်းမြီအတွက်းလာခွင့် မြ့ပုရန် တားမြစ်မှုတိရှိလာနိုင်ခြေရှိမှု
အပေါ်ဒေသခံတိ မကျေနပ်ဖြိုက်ကတ်စွာပါ။ အဆိုပါမြီနိရာတိကို EXCAVATOR(VOLOVO18/30) တိနန်မြီသားတိ
ညီနိစွာဖြိုက်ပြိးကေ မကြာမိ ပိုက်လိုင်းသွယ်တန်းဖိုဖြိုက်တေလို့သိရပါရေ။
“ပိုက်လိုင်းက ကလာဘာရီ မြစ်ကိုဖြတ်ဖိုလုပ်နိန်ပါဗျာယ်၊ ယင်းကနိပြီးကေ
ပင်လယ်ကမ်းခြီ တလျှောက် သွယ်တန်းလာပြီးကေ မလကျွန်းဓာတ်ငွေ့ သန့်စင်ရုံကို ရောက်ပါဖို့”လို
စီမံကိန်းမာ နိစားရခိုင်အမျိုးသားတဦးက ဆိုပါရေ။ အဆိုပါ ဓာတ်ငွေ့ပိုက်လိုင်းသွယ်တန်းရန် အတွက် ပင်လယ်ကမ်းခြီရှိ သန္တာကျောက်တန်း ( ဒေသခံအခေါ်)နတ်ကျောက်ရို့ကိုလဲ စီးမံကိန်းနယ်မြေ အဖြိုက် သတ်မှတ်လိုက်ရာ မကြာမိ မှိုင်းနန့်ဖြိုခွဲဖို့ဖြိုက်တေလို့ သိရပါရေ။“
“ခုပင်လယ်ကမ်းခြီတလျှောက်ရှိရေ ကျောက်တန်းတိကို မှိုင်းတိနန့် ဖြိုခွဲပါဖို့ ၊ ဒေကျောက်တိစွာ လှိုင်းလုံးတိကို အကာ အကွယ်ပီးစွာတိပါ။ ဒေပိုင်ကျောက်တန်းတိကိုဖြိုခွဲလိုက်ကေ လှိုင်းလုံးကြီးတိက၀င်လာနိုင်ရေ။ ယင်းအတွက် ဒေသခံတိက မဖြိုခွဲစိချင်ကတ်”လို့
အဆိုပါလုပ်သားကဆိုပါရေ။
