ပထမအကြိမ် ရခိုင်ပြည်နယ်လွှတ်တော်အစီးအ၀ီးကို-၁-၇--၂၀၁၁ နိန့် က စစ်တွေမြို့  ပြည်နယ်လွှတ်တော်ရုံးခမ်းမမှာ ကျင်းပခကတ်ပါရေ။လွှတ်တော်ကိုယ်စားလှယ်တိက -၄၇-ယောက်စလုံးတက်တေအတွက်နာင့် ရာနုံးပြည့်အစီးအ၀ီး ထမြောက်ကြောင်းလို့  လဲ သိရပါရေ ။
ပြည်နယ်ဝန်ကြီးချုပ် ဦးလှမောင်တင်၊ ပြည်နယ်လွှတ်တော်ဥက္ကဌ ဦးထိန်လင်း၊ ဒုတိယဥက္ကဌ ဦးဘညွန့် ၊ နာင့် ပြည်နယ်ဝန်ကြီးတိ၊ ပြည်နယ်လွှတ်တော် ကိုယ်စားလှယ်တိ အားလုံးတက်ခကတ်စွာပါ ။ မိုးထဖက် -၁၀- ချက်တီး တိ တိ မှာ အစီးအ၀ီးကို ကျင်းပရေလို့ သိရပါရေ ။ လွှတ်တော်ကိုယ်စားလှယ်တိ တက်ရောက်တေ ပြည်နယ်လွှတ်တော်ရုံးခမ်းမှာ ညီလာခံလို့ တောင် မသုံးဘဲ အစီးအ၀ီးလို့ ရာ သုံးထားစွာ တွိရပါရေ ။
အထူးအစီးအ၀ီးလို့  တနိုင်ငံလုံးမှာ ကြီညာထားကေလဲ လုပ်လိုက်တေ အချိန်က အံ့ဖို့  ကောင်းနိန်ပါရေ။
ရခိုင်ပြည်နယ်လွှတ်တော်ကို ၁၀ ချက်တီးမှာ ကျင်းပဗြီးကေ - ၁၀ ချက်တီး-၇ - မိနစ် မှာ ဗြီးဆုံးကြောင်း ကြီညာခစွာပါ။ ရှမ်းပြည်နယ်မှာ ဆိုကေ -၁၀ မိနစ်၊ ကယားပြည်နယ်မှာ-၁၀-မိနစ်- ကချင်ပြည်နယ်မှာ -၅-မိနစ်--မန္တလေးတိုင်းမှာနာင့် တနင်းသာရီတိုင်းမှာ -၈-မိနစ်ရာ ကြာခကတ်ပါရေ ။
အစိုးရဖွဲ့ ကတည်းကပင် အခုထက်ထိ ပြည်သူတိအတွက် တခုချေလဲ လုပ်ပီးနိုင်စွာ မဟိန့် သိရေအပြင် အခုပိုင် ၀န်ကြီးဌါနတိကို နိန်ရာ ပြောင်းပနာ လုပ်ကေလဲ လူတိမှာ စိတ်လဲမ၀င်စားကတ်ပါလို့  ပြောသံတိ ကြားရပါရေ ။ အထူးအစီးအ၀ီးမှာ ခေါင်းတချက်ချေညိတ်ရ့ စွာကို အထူးကျင့်ထားခရေ လွှတ်တော်ကိုယ်စားလှယ်တိနာင့် ၀န်ကြီးတိမှာ စစ်ဖက်ဆိုင်ရာဝန်ကြီးတိ လက်အောက်မှာ ရာထူးတိကို ဖေါ်ပြထားစွာပါရာ။
အခုအချိန်ထိ စစ်အစိုးရလက်အောက်မှာ ပြည်သူတိ ဟိန့် နိန်ရေဆိုစွာထက် အခုဝန်ကြီး အပြောင်းအလဲ လုပ်စွာမှာ ယင်းဝန်ကြီးတိပါ သိလားကတ်ဗျန်လို့  အထူးအစီးအ၀ီးကို တက်ရောက်ခရေ လွှတ်တော်ကိုယ်စားလှယ်က ယင်းချင့်ကို ရည်ရွယ်ပနာ ပြောပြပါရေ။
ရခိုင်ပြည်နယ်အစိုးရမှာ (က ) ဗိုလ်မှူးကြီး -ထိန်လင်း- လုံခြုံရီးနာင့် နယ်စပ်ရီးရာဝန်ကြီး။ (ခ) ဦးစိုးအေး- ဘဏ္ဍာရီးနာင့် အခွန် ၀န်ကြီး ။(၈) ဦးကျော်သိန်း- စိုက်ပျိုးရီးနာင့် မွီးမြူရီးဝန်ကြီး။ (ဃ) ဦးအောင်သန်းတင်-သစ်တောနာင့် သတ္တုဝန်ကြီး။ (င) ဦးမြအောင်- စီမံကိန်းနာင့် စီးပွါးရီးဝန်ကြီး။ (စ) ဦးကျော်ခင်-လမ်းပမ်းဆက်သွယ်ရီးဝန်ကြီး။ (ဆ ) ဦးသာလူချေ-လျှပ်စစ်နာင့် စက်မူလက်မူဝန်ကြီး။ (ဇ) ဦးလှဟန်-စီပင်သာယာဝန်ကြီး-( ဈ ) ဒေါက်တာအောင်ကျော်မင်း-လူမူရီးဝန်ကြီးဌါတိ ဖြစ်လားခကတ်ရပါရေ ။
ယင်းအထဲမှာ ပိုင်ညာရီးဝန်ကြီးဌါန၊ သာသနာရီးဝန်ကြီးဌါနနာင့် လူဝင်မူကြီးကြပ်ရီးဝန်ကြီးဌါန။၊ ယိုင်ကျေးမူဝန်ကြီးဌါနရို့ ကို နေပြည်တော်က တိုက်ရိုက်ချုပ်ကိုင်လားဖို့ လို့  သိရပါရေ ။ ယင်းပိုင်ဆိုကေ တိုင်းရင်းသားလို့  သတ်မှတ်ခံရရေ တိုင်းနာင့်ပြည်နယ်ဒေသတိမှာ အခုဆိုကေ တိုင်းရင်းသားစာပီ ယိုင်ကျေးမူတိကို ဖေါ်ထုတ်တင်ပြခွင့်တိ အခွင့်အရီး မရနိုင်ပိုင် ပိုင်ညာရီးကဏ္ဍမှာလဲ လုံးဝတိုင်းရင်းသားလူမျိုးတိကို ပိုင်ညာ မတတ်ရအောင် လုပ်ထားဖို့  ပြင်ဆင်ရေ ချုပ်ကိုင်မူပိုင်ရာ မြင်တွိနိန်ရပါရေ ။
ဇါဖြစ်လို့ ဆိုကေ တိုင်းရင်းသားလူမျိုးတိမှာ ကျောင်းမဟိန့် ရေ ရွာတိနာင့် မူလတန်းပိုင်ညာာကိုတောင် မသင်နိုင်ရေ လူတန်းစားတိက အများကြီး ဟန့် နိန်ရေလို့  ပိုင်ညာရီးဆိုင်ရာ သုတေသနပြုစုထားကတ်တေ စာရင်းအရ သိကတ်ရပါရေ ။
လေးဝတီ
