ရခိုင်ပြည် စစ်တွေမြို့ တရားလွှတ်တော်ရုံးမှာ ပြည်နယ်လွှတ်တော် တရာသူကြီးရေ ရုံးအတွင်း ကန့်သတ်မှု အမျုိုးမျိုးပြုလုပ်လာနိန်ကြောင်း သိရပါရေ။
ရခိုင်ပြည် လွှတ်တရားသူကြီး တဦးဖြိုက်တေ ဗမာ အမျိုးသားဦးကျောက်ရေ ရခိုင်ပြည် တရားသူကြီး ချုပ် ဥပဒေချုပ် တိထက် ဂုဏ်မောက်ဗြီးကေ ရုံး အတွင်း ကန့်သတ်မှု တိ ပြုလုပ်လာကြောင်း ရှိနေတဦး ကပြောပါရေ။
“လွှတ်တော်တရားသူကြီးဦးကျောက်ဆိုစွာ ၊ ရုံးမှာ အမျုိုးမျိုး ကန့်သတ်မှုတိလုပ်နိန်ရေ၊ တရားရုံးရှိက မူလ၀င်ပေါက်ကြီးနှစ်ခုစလုံးကို တရားသူကြီးကားတိက လွဲလို့ ဇာသူတဦးက တယောက် က ၀င်ထွက်ခွင့်မပြုရဆိုပနာ ဇွန်ကနောက်ဆုံးပတ်က သော့ခတ်ထားလိုက်ပါရေ”လို့ ရှေနေတဦးက ရခိုင်ရိုးမကိုပြောပါရေ။
အဆိုပါ တရားရုံးမူလ၀င်ပေါက်ကို အရင်က အသုံးပြုထားရေ အတွက် အမှုလိုက် ရှိနေအပါ အ၀င် ရုံးဝန်ထမ်း တိ အတွက် ၀င်ထွက်လားလာမှု အဆင်ပြေခကေလဲ ဇွန်လ နောက်ဆုံးအပတ်က စလို့ ယင်းဝင်ပေါက်ကို ပိတ်ထားလိုက်ရေ အတွက် ၀န်ထမ်း တိ အဖို့ လားလာရ အဆင် မပြီဖြိုက်နိန်ပါရေ။
ဝင်ပေါက်ထွက်ပေါက်ကို ပိတ်ထားရေ အတွက် ပြည်နယ်လွှတ်တော် အတွင်း အမှုလိုက်ဆောင်ရွက်နိန်သူတိ အတွက် ညစ်ပတ်တေ လမ်းကိုရာ အသုံးပြုနိန်ရကြောင်းသူ က ဆက်ပြော ပါရေ။
“ ရုံးတိမှာ အမှုလိုက်ပါဆောင်ရွက်နိန်ကတ်တေ ဥပဒေ အရာရှိတိ၊ ရှိနေတိ၊ နန့် တရားရုံးဝန်ထမ်းတိ အမှုသည်တိရေ၊ အိမ်သာ ကျင်း ၊ပိုက်လိုင်းတိကြားက တစ်ပီခန့် သာသာရှိရေ ညစ်ပတ်တေ မြီလမ်းချေ တခုကို လမ်းလုပ်ပနာ ၀င်ထွက်လားနိန်ရပါရေ။ တရားလွှတ်တော် ဦးကျောက် က ရခိုင်တိကို ကကောင်း သရော် ပါရေ”လို့ဆိုပါရေ။
ဦးကျောက်က တရားရုံးဝန်ထမ်းတိကို မလေးစားရေအပြင် လွှတ်တော်ရုံး အတွင်း ရှိ စည်းကမ်းတိကိုလဲ ဖျောက်ဖျက်မှုတိရှိကြောင်းသိရပါရေ။
“ ယင်းတရားသူကြီးလွှတ်တော် ထပ် ခန့်နိန့် က တခေါက် တက်လာပါရေ ။ လွှတ်တော်မှာ ဖုန်းယူမလာရ ဆိုစွာကို ဖုန်းတကားကား နာင့် လုကပ်နိန်လို့ တာဝန်ရှိသူတိဟန့်လိုက်မှ အရှက်ရခသိမ့်ရေ” လို့ လွှတ်တော် အမတ် တဦးက ပြောပါရေ။
ဒေဂုပိုင် တရားရုံးမှာ တင်းကျပ်မှုတိနန့် ကန့်သတ်မှုတိကို ဗမာ အမျိုးသား လွှတ်တော် တရားသူကြီး ဦးကျောက် က အဓိကလုပ်ဆောင်နိန်စွာ ဖြိုက်တေလို့ ၀န်ထမ်းတိ အပြောအရသိရပါရေ။
ဝန်ထမ်းတိကို အချိန်ပိုသာမက စနီ၊ တနင်္ဂနီနိတိမှာလဲ ရုံးတက်လာရကြောင်း အခုခါရေ တရားလွှတ်တော်ရုံးမှာ တရားသူကြီး ဦးကျောက်နန့် ဒုခရိုင်တရားသူကြီးဒေါ်ဝါ၀ါထွန်း ရို့ရေ ရုံးစီးကမ်း ကိုချိုးဖောက်မှုတိရှိပနာ ၀န်ထမ်းတိ ရှိနိတိကိုလဲ မောက်မာဆက်ဆံမှုတိရှိလာကြောင်း၊တရားဝန်ကြီးချုပ်ရုံး နန့် ဥပဒေရုံးတိမှာလဲ လုံခြုံရီးကိုအကြောင်း ပြပြီးကေ လူမျိုးရီးအရ ခွဲခြားမှုတိ ရှိနိန်ကြောင်း ၀န်ထမ်းတိ အပြောအရ သိရပါရေ။
တရားလွှတ်တော် မှာ တပြိုင်တည်း အမှုသုံးမှု လေးမှုစစ်ဆီးမှုတိရှိလာဗြီးကေ တရားခံမပါ၊ ရှိနေ မပါ ရုံးချိန်မဟုတ်ဘဲ စစ်ဆေးမှုတိလဲ ဟိန့် နိန်လာကြောင်းသိရပါရေ။
အခုဆိုကေ အဆိုပါတရားလွှတ်တော်ရုံးရေ ရုံးစီးကမ်းပိုင်းဆိုင်ရာ အကျင့်ပျက်ခြစားမှု ဖြိုက်လာနိန်ခြင်းတိလည်း ဟိန့် လာပါရေ။
အမှုလိုက်ရှိနိတဦးက အပြောအရ ရုံး အတွင်း လာဘ်ပီးလာဘ်မှု၊ ၀န်ထမ်းတိကို အချိန်ပိုသာမက စနိန် ၊တနင်္ဂနွနိတိမှာလဲ ရုံးတက်ရကြောင်း၊။ အမှုပွဲစား မူဆလင်တိရေ ရုံးခန်း တိုင်းဝင်ထွက်မှုတိရှိပြီး၊ အချိန်မတော် မိန်းမကိစ္စတိ သောင်းကျန်း နိန်စွာကို တရားသူကြီး ဦးကျောက်က မသိချင်ယောင်ဆောင်နိန်ခြင်းအပေါ် လူတိုင်း ခံပြင်းနိန်ကတ်ကြောင်း သိရပါရေ။
