တနိသ၌ အထက်အောက်ပြည်ကို ခရီးလားရာက ရွာကို ပြန်ရောက်လာသူ ဖိုးသူတော်နင့် တွိ၏ ယေခါ သူတယောက်တည်း လာစွာမဟုတ်ကြောင်း ပြောပြ၏ ဇါသူမသေ ပါယင့်လဲ ဆိုပနာ မီးကြည့်ရေအခါ ဖိုးသူတော်မှာ အိမ်သူသက်ထား မယား တယောက်ပါ ခေါ်လာရေဟု ဆို၏ ယေဇူးနင့် ဖိုးသူတော်က မိတ်ဆွီဟောင်းကို တွိ၍ ထမင်းကျွေးဖို့  ခေါ်ရေအတွက် လိုက်လားခရသည်။ အိမ်မှာ ဖိုးသူတော် မယားကို တွိ၍ စကားပြောပြီးနောက် အိမ်ရှေ့ ကွပ်ပြစ်မှာ ထိုင်ဗျာ စကား ပြောနီကတ်ရသည်။ ထမင်းစားချိန်လည်း မရောက်သိရေအတွက် အရက်ပုလင်းကို လူအလယ်မှာ ထားဗျယ် အငယ်ချေခါက အကြောင်းတိကို သောက်ယင်းစားယင်း ပြောဖြစ်နီကတ်သည်။
ဖိုးသူတော် ။ ။ ဟလူ-ယောက်ဖ- ငါကား သီရကျိုးပင် နပ်တေထင်ရေ - ဇါဖြစ်လို့ ဆိုကေ ငါ့ အတွက် အိမ်ဖေါ်ကောင်းတယောက် ကောင်းကောင်း ရလားခစွာရာမနား နန်း ။
သူငယ်ချင်း။ ။ အော် -ဟလူရို့ က မယားတယောက်ရလို့  ယင်းချင့်ကို ပြောစွာရာလား - ယင်းပိုင်ဗျန်ကား ဟလူ- အိမ်ထောင်ကျကေ အိမ်ထောင်တာဝန် ယူကတ်ရစွာက မမ တာဝန်တိရာမနား ယေ ။
ဖိုးသူတော် ။ ။ မတူပါဝေ- ဟလူ- ငါ့မယားက တခြားလူမျိုးဆိုရေအခါ ငါ့အလိုကိုလဲ ကောင်းကောင်းလိုက်ရေကာ ဝေ-
သူငယ်ချင်း။ ။ ဟုတ်ဖို့ လားချင့်ဝေ- မင်းအလိုကို လိုက်တေ ဆိုစွာ - ငါ့ကိုတော့ မလ်ိမ်ကေ့နန်း - ငါက လက်တွိ သမားဝေ- ။
ဖိုးသူတော် ။ ။ ငါတခွန်းထဲ ပြောမေဝေ- ငါက ငါ့မယားကို လုပ်ကျွေးနီစွာနန်း- ယင်းပိုင်လုပ်ကျွေးနီယင့်သားနင့်ရာ ငါ့စကားကို နားမထောင်ကေ အခုအိမ်ထက်က ကျောက်ထုတ်ပလိုက်ဖို့ ယေ ။
ဖိုးသူတော်နင့် သူငယ်ချင်းနှစ်ယောက်မှာ မီးတောက် တောအရက် တပုလင်းခွဲ ကုန်လို့  နောက်တပုလင်းမှာ တပိုင်းတောင် ကုန်နီပါဗျယ်။ အောက်သူမယားကလညဲ ချက်ပြုတ်နီရာက မကျက်သိလား မဆိုနိုင်။ ထမင်းစား
ဖို့  အချိန် ကျဗျယ်လို့  မခေါ်သိ ။
သူငယ်ချင်း ။ ။ ဖိုးသူတော် -ဟလူ- ငါ့အပြောင်းကိုလဲ မမင်းသိရေ - မင်းအကြောင်းကိုလဲ ငါသိရေ ဝေနန်း- ကောင်းဗျယ် ဝေး -မင်းစကားကို မင်းမယား ဇါလောက်နားထောင် လေ ဆိုစွာကို ကြည့်ရဖို့ နားရာ ယေ-
ဝေး ။ ဒေမှာ ထမင်းစားဖို့  အတွက် လောင်ပွန်းကို ယူခဖိလို့  ပြောလိုက်ဝေ-
ဖိုးသူတော် ။ ။ အိမ်ထက်မှာ မစားလားဝေ ။ ကွပ်ပြစ်မှာရာ စားဖို့ လား ။ ကောင်းယင့် - ဟလူ- အခု ပြောလိုက်မေဒေ။
သူငယ်ချင်း ။ ။ တခွန်းထဲ ပြောနန်း ။ ထမင်းစားဖို့  စွာကို ရှင်းပြနီစရာ မလိုဒေ။
ဖိုးသူတော် ။ ။ လောင်ပွန်း - လောင်ပွန်း လောင်ပွန်း
သူငယ်ချင်း ။ ။ သုံးခွန်းတောင် ခေါ်လိုက်ရဗျယ်ကား ဝေ- ဟလူယောက်ဖ- ရခိုင်သား သိက္ခာကျရေ ဝေး ။ ဒေပိုင် ကလေ့မေ မျိုးဆိုကေ ငါက နရင်းအုပ်ပနာ အခုချက်ချင်း ကွာပလိုက်တေယေ-
ဖိုးသူတော် ။ ။ လောင်ပွန်း ။ လောင်ပွန်း လောင်ပွန်း လောင်ပွန်း ။ ထမင်းစားဖို့  လောင်ပွန်း မပီးလာကေ နင်ဆင်းလာလီဖိ - ဝေး ။။။။။။။။။။။။။
