ရုပ်သီးအစိုးရဖြစ်တေ သမတဦးသိန်းစိန် အစိုးရက နိုင်ငံရီးပါတီအဖြစ် မှတ်ပုံတင်ဖို့ ခိုင်းစွာ တွိရပါရေ ။ ယေကေ နောက်လာဖို့  ရွီးကောက်ပွဲမှာ ၀င်ပြိုင်ဖို့ အတွက် နိုင်ငံရီးပါတီအဖြစ် မှတ်ပုံတင်ကတ်ရပါဖို့ ဗျန်ကာ။ အခုတောင်မှ ရက်ပေါင်း-၁၀၀- လောက်ရာ ဟိသိရေ ရုပ်သီးအစိုးရ သမတ ဦးသိန်းစိန်က နောက်လာဖို့  လေးနှစ်အတွက် ပြိုင်ဖို့ စွာကို နိုင်ငံရီးပါတီအဖြစ် မှတ်ပုံတင်ဖို့ ခိုင်းစွာ ကောင်းကောင်းကြီး စောနီရေလို့  ပြောကေ ရပါဖို့ ဒေ။ ယေကေ ဒေပိုင် ဇါဖြစ်လို့  စောစောကြီး မှတ်ပုံတင်ဖို့  ခိုင်းနီလေ ဆိုစွာကို စိုင်းစားကြည့်ရပါဖို့ ယေ ။
ပထမအချက်မှာ လွန်ခရေ နှစ်ပေါင်း -၂၀- ခုလောက်က ပါလီမန် ရွီးကောက်ပွဲ လုပ်ခရေအခါ အမျိုးသားဒီမိုကရစီ အဖွဲ့ ချုပ်က မဲအများဆုံးနင့် အနိုင်ရခစွာ ဟိပေါရ ။ ယင်းပါတီကို ရွီးကောက်ပွဲ ရလဒ်အတိုင်းဆိုကေ စစ်အစိုးရက အာဏာလွှဲပြောင်းပီးခရဖို့  စွာပါရာ ။ ယေကေလေး အာဏာလွှဲပြောင်း မပီးခလို့  နိုင်ငံရေဒီးပြသနာ တက်နီကတ်ရရေလို့  ပြောနီကတ်စွာ မဟုတ်ပါလားယေ ။ ယင်းချင့်မှာ ရခိုင်ပြည်က ရခိုင်ဒီမိုကရေစီအဖွဲ့ ချုပ်လေး ပါခပါရေ၀ါ ။ ယင်းအခါက မဲအများဆုံးနင့် အနိုင်ရခရေ ပါတီတိကို န၀တ စစ်အစိုးရက ဖြိုသတ်ပလိုက်စွာ ပါတီတိ ပျက်လားပါရေ ။ ရုံးတိလေး မဟိလိုက်ပါဗျန် ။ နောက်ဆုံးမှာ အမျိုးသား ဒီမိုကရေစီအဖွဲ့ ချုပ်က ရုံးတခုရာ ထားနိုင်ဗြီးကေ နိုင်ငံရီးလှုပ်ရှားနီကတ်စွာဖြစ်ပါရေ ။ ယင်းချင့်ကလေး ဗိုလ်ချုပ်အောင်းဆန်း သမီး ဖြစ်သူ ဒေါ်အောင်ဆန်းစုကြည်က ယင်းပါတီမှာ ဟိနီလို့ ပါချင့် ။ မဟုတ်ကေ ယင်းအမျိုးသားဒီမိုကရေစီအဖွဲ့ ချုပ်ကလေး ဇါချောင်မှာ ထိုးလို့  အခုဆိုကေ ဇါပိုင်ပင် အရုပ်ပေါက်နီလီဖို့ ကား မသိပါယေ။
ယင်းပိုင်နင့်ပင် အားလုံးသိကတ်တေအတိုင်း -၂၀၁၀- ရွီးကောက်ပွဲလုပ်တေအခါ အခု ရုပ်သီးသမတ ဦးသိန်းစိန်အစိုးရ ဖြစ်လာအောင်အထိ ရွီးကောက်ပွဲ ရလဒ် လုပ်ဗြီးခပါဗျန်ဝါ ။ ယင်းပိုင်အတွက်နင့် ရုပ်သီးသမတ ဦးသိ်းစိန်က နောက်လာဖို့  ရွီးကောက်ပွဲ လုပ်တေအခါ ၀င်လို့  ပြိုင်ကတ်ဖို့ ဆိုကေ နိုင်ငံရီးပါတီအဖြစ် မှန်ပုံတင်ကတ်ပါလို့  ပြောလိုက်စွာဖြစ်ပါရေ ။ ဒေပိုင် ပြောလိုက်စွာက အစိုးရတရပ်အနီနင့် ဆိုကေ အားလုံးမှန်နီစွာပါရာ ။ ယေကေလေး ပြောရဖို့  စကားက ဟိနီပါသိရေထော ။ ဇါဖြစ်လို့ ဆိုကေ ၁၉၉၀-ခုနှစ်မှာ ရွီးကောက်ပွဲ အနိုင်ရခရေ အမျိုးသားဒီမိုကရေစီအဖွဲ့ ချုပ်က ပါ အခြား ရခိုင်ဒီမိုကရေစီအဖွဲ့ ချုပ်ကပါ ဒေနီရာမှာ ရောဂါဖြစ်လာပါဗျန် ။ ယင်းရောဂါကတော့ခါ မှတ်ပုံတင်ဖို့  မတင်ဖို့ ဆိုရေ နိုင်ငံရီး နှလုံးရောဂါ ပါကားယေ။ အမျိုးသားဒီမိုကရေစီအဖွဲ့ ချုပ်က မှတ်ပုံမတင်နိုင်လို့  ဆိုပနာ -၂၀၁၀- ရွီးကောက်ပွဲကို မ၀င်ခစွာ ဟိပါရေ ။ သဘောကု၂၀၀၈- ဖွဲ့ စည်းအုပ်ချုပ်ပုံ အခြီခံ ဥပဒေကို အသိအမှတ်မပြုနိုင်လို့  ဆိုပနာ မှတ်ပုံမတင်ခပါ ။ ယေဇူးနင့် ရွီးကောက်ပွဲလေး မ၀င်ခပါကားယေ။ ယေကေ အခုတခါ မှတ်ပုံတင်ဖို့  ခိုင်းနီရေအခါ ယင်းအဖွဲ့ တိ ယင်းပါတီတိ က ဇါလုပ်ကတ်ပါဖို့ လေး။
လက်ဟိမျက်မှောက် နိုင်ငံရီးမြင်ကွင်းအရ ဒေါ်အောင်ဆန်းစုကြည့်နင့် ရုပ်သီးသမတ ဦးသိန်းစိန် အစိုးရ နင့် ဒေါ်အောင်ဆန်းစုကြည်က အလွမ်းသင့်လားခပါဗျန်ဒေ။ ယင်းပိုင်စွာကို မြင်လို့  နိုင်ငံရီးပါတီအဖြစ်မှတ်ပုံတင်ဖို့  သင့်လားပါဖို့ လားချင့် ။ ကမ္ဘာ့ကုလသမဂ္ဂ ဥပဒေပညာရှင်နင့် ဒေအချက်ကို သုံးသပ်ပနာ မှတ်ပုံတင်ဖို့  မတင်ဖို့  လုပ်ဖို့  ပြင်ဆင်နီပါဗျန် ။ ယေကေ ဒေချင့်မှာ နှစ်ပိုင်းဟိနီစွာကို တွိလာပါလိမ့် မေ ။ ပထမအပိုင်းက မှတ်ပုံမတင်ကေ -၁၉၉၀- ခုနှစ် ရွီးကောက်ပွဲ ရလဒ်ကို တစိုက်မတ်မတ် တောင်းဆိုလို့  ရပါရေ ။ တွိဆုံဆွီးနွီးရီးကို တောင်းဆိုနီဖို့  ရပါရေ ။ ယင်းချင့်က နိုင်ငံရီးပြသနာကြီး တခုဖြစ်ပါရေ ။ ဒုတိယအပိုင်းဖြစ်တေ နိုင်ငံရီးပါတီအဖြစ် မှတ်ပုံတင်ခြီကေ လက်ဟိ နိုင်ငံရီးပါတီအဖြစ် လှုပ်ရှားလို့  တရားဝင် ရပါဖို့  ကာ ။ ယေဗြီးကေ နောက်လာဖို့  ၄-နှစ်မှာ ရွီးကောက်ပွဲ ၀င်လို့ ရလာဖို့ စွာပါ ။ ဒေချင့် ရာ ဟိနီရေ အတွက် -၁၉၉၀-ခုနှစ် ရွီးကောက်ပွဲ ၀င်ခရေ ပါတီတိက ဒေအချိန်မှာ စိုင်းစားရဖို့  အချိန်ဖြစ်နီလာပါဗျန် ။ တသက်လုံးမ၀င်လို့ ပြောခရေ အမျိုးသား ဒီမိုကရေစီအဖွဲ့ ချုပ်က အခုအချိန်မှာ ရုပ်သီးအစိုးရနင့် ပဏာသင့်နီစွာကို သတိထားဖို့ လိုလာပါရေ ။ ပက်ခုံးတိမှာ အနာရွတ်တိ မကန်လောက် ဟိနီရေ လူတိက အခုအချိန်ထိ -၂၀၀၈- ဖွဲ့ စည်းအုပ်ချုပ်ပုံ အခြီခံဥပဒေကို လက်မခံ - ၂၀၁၀- ရုပ်သီးအစိုးရကို အသိအမှတ် မပြုလို့  လက်သီးလက်မောင်း အော်ပြောနီခကတ်စွာတိက အခုအချိန်ထိ အသံတိ မပျောက်ကတ်ပါသိဒေ။ ယင်းပိုင် နှစ်ပေါင်း-၂၀- အော်နီခကတ်စွာ လူတိ ထောင်ထဲ ရောက်လားခကတ်စွာ အခုအချိန်မှာ အတိုက်အခံ ပါတီနင့် ရုပ်သီးအစိုးရနင့် ပေါင်းလို့  သင့်လို့  ဖြစ်လားစွာကို ကြည့်ကေ နိုင်ငံရီး ရီစီးကြောင်း သိနားလည်ဖို့  လိုပါရေ ။
ယင်းသူရို့ အတိုင်း ရခိုင်လူမျိုးတိက လိုက်လို့ လုပ်သင့်လားဆိုစွာကို သတိထားကြည့်ဖို့  လိုပါရေ ဒေ။ ရုပ်သီးသမတ ဦးသိန်းစိန် အစိုးရထဲမှာ ရခိုင်တိုင်းရင်းသားတိုးတက်ရီးပါတီက နိုင်ငံရီးပါတီအဖြစ် ရပ်တည်လို့  ပါနီစွာ ဟိပါရေ ။
ပဇေါင်ပင်ဖြစ်ဖြစ် နိုင်ငံရီးပါတီအဖြစ် ဟိနီရေအခါ တခုချေလေး မလုပ်နိုင်စွာကြားက တခုချေလောက်တော့ လုပ်နိုင်ကတ်စွာပါဗျန်ကာ။ စိတ်ကြီနပ်စရာဖြစ်အောင် မလုပ်ပီးနိုင်စွာကို ရခိုင်လူမျိုးတိုင်း သိကတ်ဖို့  စွာပါရာ ။ မလုပ်နိုင်စွာကို အပြစ်တင်လို့ လေး မရနိုင်ရေပိုင် အားမတန်လို့  မန်လျှော့နီရစွာကိုလေး နားလည် နိုင်ကတ်ဖို့ လို့  ထင်ပါရေ ။ ဇါဖြစ်လို့ ဆိုကေ ကိုယ့်ကြမ္မာကို ကိုယ်ဖန်တီးလို့  မရနိုင်ရေ ဘ၀မှာ ၀င်ကစွပ်ခရုပိုင် ဖြစ်နီရလို့  ရရေပိုင် လှုပ်ရှားနီကတ်ရရေစွာကိုလေး နားလည်သဘောပေါက်ကတ်ဖို့ လိုပါရေ ဒေ။ ဒေနီရာမှာ ရခိုင်တိုင်းရင်းသားတိုးတက်ရီးပါတီက ၀န်ကြီးဖြစ်လားခရေ လူတိ-လွှတ်တော်ကိုယ်စားလှယ်တိ- ဖြစ်လားခရေလူတိက အကျင့်စာရိတ္တတိနင့် ဘ၀-မိလားခစွာတိနင့် ကြ့ဖွံ့ပါတီနင့် ပေါင်းပနာ မိခင်ပါတီကို ဂရုမစိုက်စွာတိ - ဟိလားကေတော့ မကောင်းရေ လက္ခဏာတခုလို့  ပြောရပါဖို့ ဗျန်ကာ ။ ယင်းပိုင်ရာ ဖြစ်လားခကေောတ့ခါ နောက်လာဖို့  -၄-နှစ်မှာ ယင်းလွှတ်တော်ကိုယ်စားလှယ်တိက နီရာပျောက်လားပနာ ဘ၀ပါပျောက်လားကတ်ဖို့ စွာပါရာ ဒေ ။
မိခင်ပါတီက လွှတ်တော်ကိုယ်စားလှယ်ဖြစ်စွာကို မိလားပနာ ကြ့ဖွံ့နင့် ပေါင်းလားလို -့ ကြံ့ဖွံ့က ဆလွန်းကား တစီး ပီးလိုက်လို့  ကချင်လက်နက်ကိုင် အဖွဲ့ ကို မကောင်းကြောင်း ပြောစွာမှာ လက်မှတ်ထိုးခရေ ရသေ့တောင်မြို့ နယ် လွှတ်တော် ကိုယ်စားလှယ် ဒေါ်ခင်စောဝေပိုင် မဖြစ်ကတ်ဖို့  အရေးကြီးပါရေ ဒေ။ ရခိုင်တိုင်းရင်းသားတိုးတက်ရီးပါတီမှာ တခုခုလုပ်ကေ မိခင်ပါတီရုံးမှာ အစီးအ၀ီး ဆုံးဖြတ်ချက်ကို ရယူဗြီးမှ လုပ်ကတ်ရဖို့  စွာ ဟိလီပါဖို့ ရာ ။ ယင်းချင့်ကို ရသေ့တောင်မြို့ နယ် လွှတ်တော်ကိုယ်စားလှယ် ဖြစ်ူ ဒေါ်ခင်စောဝေက အစီးအ၀ီးမှာ မှာ မတင်ပြဘဲ ကိုယ်သဘောကျရေပိုင် တိတ်တိတ်ချေ လက်မှတ်ထိုးလိုက်တေ စွာမျိုးကတော့ခါ မလုပ်ကောင်းလို့ ပြောရပါဖို့ စွာပါရာ ။ ဒေပိုင်စွာတိရေ ကြောက်ကောင်းထမန်း ဖြစ်တေ ပြသနာတိဖြစ်လို့  နောက်ကို ဒေပိုင်စွာမျိုး မလုပ်မိကတ်ဖို့  အခြားလွှတ်တော်ကိုယ်စားလှယ်တိလေး လိုက်နာဖို့ လိုပါရေ ဒေ။ လွှတ်တော်ကိုယ်စားလှယ်တိကအစ ၀န်ကြီးတိကိုပါ ရခိုင်လူထုတိက စောင့်ကြည့်နီကတ်တေ ဆိုစွာကို နားလည်ပီးကတ်စီချင်ပါရေ ။ ၀န်ကြီးတိကလေး ပါတီတရပ်လုံး ဆုံးဖြတ်ရဖို့  စွာကို အစီးအ၀ီးမှာ မတင်ပြဘဲ ကိုယ်ဖြစ်ချင်စွာအတိုင်း ကိုယ့်သဘောနင့် ကိုယ်ရာ လုပ်လိုက်ကေတော့ခါ ပါတီငါးပါး မှောက်လီဖို့  စွာ မဟုတ်ဘဲ ကိုယ်ရာ ငါးပါးမှောက်လီဖို့  စွာပါရာ ယေ ။
ဇါဖြစ်လို့ ဆိုကေ ရခိုင်လူမျိုးတိက ရခိုင်ပြည်ကို ချစ်တေစိတ်နင့် တိုတက်ဖြစ်ထွန်း စီကတ်ချင်စွာပါရာ ။ ယင်းချင့်မှာ အခုလုပ်ပိုင်ခွင့် တဖေ့ချေ ရထားရေ ရခိုင်တိုင်းရင်းသားတိုးတက်ရီးပါတီက ၀န်ကြီးတိနင့် လွှတ်တော်ကိုယ်စားလှယ်တိက ပျင်ချင်ပိုင်ပျင်လို့  လုပ်ချင်လို့  လုပ်နီကတ်ကေ နောက်လာဖို့  ရွီးကောက်ပွဲမှာ ၀င်ပြိုင်ဖို့  ရခိုင်လူမျိုး နိုင်ငံရီးပါတီ မပေါ်လာဘဲ ဟိပါဖို့ လားယေ ။ ဒေချင့်ကို ရခိုင်လူမျိုးတိ က စိုင်းစား နီကတ်စွာ အကြောင်း ကြားရလာပါဗျန်ဒေ။ -၁၉၉၀- ခုနှစ်မှာ မဲအများကြီး အနိုင်ရလားခရေ ရခိုင်ဒီမိုကရေစီအ ဖွဲ့ ချုပ်က လူဟောင်းတိ ပါပနာ ဦးဆောင် ဖွဲ့ စီးကတ်ဖို့ လို့  ပြောသံကြားနီရပါဗျန် ။ ရခိုင်ဒီမိုကရေစီအဖွဲ့ ချုပ်နာမည်နင့် မ၀င်ဘဲ အခြားနာမည်အသစ် တခုနင့် ၀င်ဖို့ လို့ လေး ကြားနီရပါရေ ။ အမှန်က ရခိုင်တိုင်းရင်းသားတိုးတက်ရီးပါတီမှာ ရခိုင်ဒီမိုကရေစီ အဖွဲ့ ချုပ်က လူတိလေး ပါရေအတွက်နင့် နောက်ထပ် ပါတီအသစ် ဖွဲ့ ဖို့  လုပ်စွာကတော့ခါ လက်ခံနိုင်စရာ မဟိလို့ ထင်ပါရေ ဒေ ။ ဇါဖြစ်လို့ ဆိုကေ အခု ရတပ-ပါတီမှာလေး ရခိုင်ဒီမိုကရေစီအဖွဲ့ ချုပ်က ပါနီရေအတွက်နင့် နောက်လာဖို့  -၄-နှစ်မှာ ယင်းပါတီကိုရာ အားဖြည့်ပီးဖို့  သင့်စွာမြင်မိပါရေ ။ ယင်းပိုင်မဟုတ်ဘဲနင့် နောက်ထပ်ပါတီအသစ် တခုကိုရာ ဖွဲ့ ဖို့  အတွက် မှတ်ပုံတင်လာဖို့ ဆိုကေ ယင်းရခိုင်လူမျိုးတိမှာ စီးလုံးညီညွတ်ရီး ရထားရေ ရခိုင်နိုင်ငံရီးအင်အားစုနင့် ရခိုင်လူထုအတွက် အကြီးမားဆုံး မျိုးဖျက် ရခိုင်သား အုပ်စု ဖြစ်လားဖို့  စွာကို အသိအမှတ် ပြုထားရပါဖို့ ဒေ။ ယင်းအတွက်နင့် ရခိုင်ဒီမိုကရေစီအဖွဲ့ ချုပ် က သက်ဆိုင်ရာ လူကြီးတိကလေး ဒေကိစ္စကို ကောင်းကောင်းကြီးစိုင်းစားပနာ သမိုင်းမှာ အမှားမဖြစ်လားရအောင် မလုပ်မိဖို့  လိုပါရေ ယေ ။
ဒေနီရာမှာ တခြားနိုင်ငံရီးပါတီတိကတောင် နိုင်ငံရီးပါတီတိအဖြစ် မှတ်ပုံတင်ကတ်သိနီယင့်သားနင့် ရခိုင်လူမျိုး နိုင်ငံရီးပါတီက နောက်ထပ်အသစ် မဖွဲ့ သင့်ဗျန်လား ဆိုစွာကို လူ့ အခွင့်အရီးစံနှုံးနင့် ပြောလာတတ်ပါဖို့  စွာ ဟိပါရေ ။ ယင်းချင့်က လူ့ အခွင့်အရီးနင့် တခုချေလေး မပတ်သက်ပါဒေ ။ ပါတ်သက်နီစွာက ရခိုင်လူမျိုးတိနင့် တိုက်ရိုက် ပတ်သက်နီစွာပါရာ ။ -၂၀၁၁- ရွီးကောက်ပွဲမှာ ရခိုင်တိုင်းရင်းသားတိုးတက်ရိးပါတီက ရခိုင်ပြည်မှာ မဲအနိုင်ရလို့ အခုအချိန်ထိ ရခိုင်နိုင်ငံရီး စာမျက်နှာ မွှီးနီပါသိရေ ဒေ။ ယင်းအချိန်က ရတပ-ပါတီကရာ မနိုင်ခကေ ကုလားတိကို ဆရာခေါ်နီကတ်ရဖို့  ရခိုင်သားတိကို အခုအချိ်န်မှာ မျက်စိထဲ မြင်ယောင်နီပါရေ ဒေ။ ရခိုင်နိုင်ငံကို အောက်သားတိ ဖျက်ဆီးနယ်ချဲ့ ပခလို့  ရခိုင်နိုင်ငံပျောက်ကွယ်လားလို့  မဗြီးပါသိဒေ။ အခုတခါ မြီမြိုလို့  လူမျိုးပျောက်အောင်မက အရုပ်ဆွဲ ပြလို့  ဒေ ချင့်ရခိုင်လူမျိုးပါလို့  ပြောလို့  မရအောင် သမိုင်းလိမ်ကုလားတိက လုပ်နီစွာကို သတိထားကတ်ဖို့ လိုပါရေ ။
ယေဇူးနင့် ရခိုင်ပြည်မှာ နောက်ထပ် ရခိုင်နိုင်ငံရီးပါတီတခုကရာ ပေါ်လာရေဆိုကေ ယင်းပါတီကို ၀ိုင်းပနာ ကန့် ကွက်ကတ်ရပါဖို့ ယေ ။ ယင်းပါတီပေါ်လာစွာနင့် ရခိုင်တိုင်းရင်းသားတိုးတက်ရီးပါတီနင့် ရွီးကောက်ပွဲမှာ မဲပြိုင်ဖို့  ဖြစ်လာပါဖို့ ယေ- ယေကေ သမိုင်းလိမ်ကုလားတိက အလယ်က ဒိုင်စားရေပိုင် -၁၉၉၀-ခုနှစ်ကပိုင် ဒိုင်စားလားလီပါဖို့ ဒေ။ ယေကေ ယင်းချင့်ကို ရခိုင်အမျိုးသားချစ်စိတ်နင့် ကာကွယ်ကတ်ဖို့  လိုစွာ မဟုတ်ပါလားချင့် ။
ယေဇူးနင့် ရခိုင်ပြည်မှာ ရခိုင်လူမျိုး နိုင်ငံရီး တပါတီရှိရီးကိုရာ လုပ်စွာကို ကျင့်သုံးပီးကတ်စီချင်ပါရေ ။ ယောင်လို့ တောင်မှ ယင်းပိုင် ပါတီတိအများကြီး ဖွဲ့ ဖို့ စွာကို မစိုင်းစားကတ်ပါကေ့လို့  ဖွဲ့ ဖို့ - လှုပ်ရှားနီရေ လူတိကိုလေး တောင်းပန်လိုက်ရပါရေ ။ ရတပပါတီကလေး လွှတ်တော်ကိုယ်စားလှယ်တိ အပါအ၀င်- ၀န်ကြီင်္းတိကလေး- အကျင့်စာရိတ္တတိကို အချိန်မှီ ပြုပြင်ကတ်ပါလို့  မေတ္တာရပ်ခံလိုက်ချင်ပါရေ ဒေ။ ယင်းပိုင်ရာ မဟုတ်ဘဲ နောက်ထပ် ရခိုင်လူမျိုးတိက ဒေပိုင် လွှတ်တော်ကိုယ်စားလှယ်တိကြောင့် ပါတီအသစ် ဖွဲ့ စီးဖို့  ဖြစ်လာရေဆိုကေ ရခိုင်လူမျိုးတိမှာ ရဗြီးသား စီးရုံးရီး ညီညွတ်ရီးတိ နောက်ထပ်တခါ ဖြစ်လာဖို့ စွာကား မလွယ်ဗျန်လို့ ရာ ပြောရလီပါဖို့ ဗျန် ကာ ။ ယေဇူးနင့် ရခိုင်သားတိ နိုင်ငံရီးကို စိတ်ဝင်စားလို့  ဟိရေ ဆိုကေ နိုင်င့ရီးပါတီအဖြစ် မှတ်ပုံတင်ဖို့ ဆိုကေ အနားမှာ ဟိရေ အမျိုးသားရန်သူတိကို စိုင်းစားကြည့်ကတ်ပါဖိလို့  ပြောပြလိုက်ပါရ ဇီ ။။။။။။။
ခိုင်အောင်ကျော် ( နယူးယောက် )
