ရခိုင်စာပီ ဟောပြောပွဲ လုပ်ခွင့်မရလို့  လူငယ်အဖွဲ့ က တောင်းပန်ရှင်းလင်းပွဲ အခန်းအနားမှာသမိုင်းဆရာ ကြီး ဒေါက်တာ စောထွန်းအောင်က ရခိုင်စာပီမူအသစ်ကို လက်မခံနိုင်ကြောင်း ထောက်ပြ ခရေလိုသတင်း ရဟိန်ပါရေ။ ရန်ကုန်မြို့  ရခိုင်စာပီနင့် ယိုင်ကျေးမူမြှင့်တင်ရီးအဖွဲ့ က သြဂုတ်လ-၁၄-ရက်နိခါ ရခိုင်စာပီ ဟောပြောပွဲ လုပ်ဖို့  လို့  ပြင်ဆင်ထားခကေလဲ အချိန်ကန့် သတ်မူတိ ဟိလို့  ပါမစ် မရနိုင်ခကြောင်း သတင်းရဟိပါရေ ။
ယေဇူးနင့် ယင်းပိုင် ဟောပြောပွဲ မလုပ်နိုင်ခစွာကို တောင်းပန်ရှင်းလင်းရေ အခန်းအနားကိုရာ ဓည၀တီဘုန်းကြီးကျောင်းမှာ ဒေကနိ လုပ်ဖြစ်ခကတ်တေလို့  အစီးအ၀ီး တက်ခကတ်တေ ကလေချေတိက ပြောပြပါရေ ။ ယင်းတောင်းပန်ရှင်းလင်း အခန်းအနားမှာ သမိုင်းဆရာကြီး ဒေါက်တာစောထွန်းအောင် ၊ စာရီးဆရာ ဇေါ်ခိုင်သန့်  တေးသံရှင် ဂီတာဖေ၀င်း ၊ စာရီးဆရာ အဏ္ဍ၀ါစိုးမိုး စရေ ပုဂ္ဂိုလ်ကြီးတိနင့် ဆရာတော်ရို့ ပါ လူငယ်ချေတိ စုံစုံလင်လင် နင့် ပြုလုပ် ခကတ်တေလို့  သိရပါရေ ။ သမိုင်းဆရာကြီး ဒေါက်တာစောထွန်းအောင်က အခန်းအနားမှာ သမိုင်းဆရာကြီး ဦးစံသာအောင်၏ အကြောင်းအရာတိနင့် ဟောပြောခရေပိုင် ရခိုင်စာပီ အကြောင်းကိုလဲ ကွန်ပြူတာနင့် စလိုက်ရိုးပြကာ သီသီချာချာ ရှင်းလင်း ပြခရေလို့  သတင်းရဟိပါရေ ။ ရခိုင်စာပီနင့် ပါတ်သက်ပနာ ရှင်းလင်းပြခစွာမှာ ဗြဟ္မီအက္ခရာက ဆင်းသက်လာစွာနင့် အခုခေတ်ထိ မြောက်ဦးခေတ်သုံး အက္ခရာတိကို ရှင်းလင်းပြပါရေ ။
ရခိုင်ပြည်မှာ ထေရ၀ါဒ ဗုဒ္ဒဘာသာ ဆင်းသက်လာပုံကိုပါ ဓါတ်ပုံအကိုးအကားတိနင့် ရှင်းလင်း ပြရေလို့  သိရပါရေ ။ ရခိုင်စာပီ မူတခုအသစ် ပြုလုပ်ဖို့  စွာနင့် ပါတ်သက်လို့  မဟာပညာကျော်မူကို တကြိမ်တခါချေလဲ မကြးဖူး မမြင်ဖူးရေအတွက် ရောနှောထားရေ ဒေပိုင် နယူးယောက်မြို့ မှာ နီထိုင်ရေ ဒေါက်တာ အေးကျော်က မဟာပညာကျော် မူလို့  လုပ်နီစွာကို လက်ခံနိုင်ဖို့  ခဲယဉ်းကြောင်းနင့် အခုခေတ်သုံး မြောက်ဦးခေတ်ဗျည်းကိုရာ အသုံးပြုရဖို့  အကြောင်း ရှင်းလင်း ပြောပြခကြောင်း သတင်းရဟိပါရေ ။ ယင်းပိုင် တက်ရောက်ကတ်တေ အထဲမှာ ဒေကနိ စာပီရီးသားနီကတ်တေ စာရီးဆရာကြီး အဏ္ဍ၀ါစိုးမိုးရို့ လဲ တက်ရောက်ကတ်စွာ ဟိရေပိုင် မြောက်ဦးခေတ်ဗျည်းကိုရာ အသုံးပြုရဖို့  ဆိုစွာကို လူငယ်ချေတိကို မှာကြားခရေလို့ လဲ သတင်းရဟိပါရေ ။
အခုပိုင် ပါမစ်မရလို့  ရခိုင်စာပီ ဟောပြောပွဲ မလုပ်ခကေလဲ ဒေါက်တာစောထွန်းအောင်က လူငယ်ချေတိ တောင်းပန်ရှင်းလင်းပွဲမှာ ရခိုင်သမိုင်းကို ဟောပြောခရေအတွက် ကောင်းကောင်းပင် ၀မ်းသာပီတိ ဖြစ်ကတ်ရရေလို့  ပြောသံတိ ကြားကတ်ရပါရေအကြောင်း ကလေချေ တယောက်က ပြောပြပါရေ ။
