အမေရိကန်နိုင်ငံမှာ မြောက်ကာရိုးလိုင်းနားပြည်နယ် ကပင် ဟာရီကိန်းမုန်တိုင်း တိုက်လာစွာ သြဂုတ်လ-၂၇-ရက်နိ ည ဇါဖက်-၄-ချက်တီးလောက်ကပင် နယူးယောက်မြို့ ကို တိုက်လာနီစွာဖြစ်ပါရေ ။ ညဇက -၁၂-ချက်တီးကပင် ဘတ်စ်ကားတိ နင့် မြီအောက်ရထားတိကိုပါ နယူးယောက်မြို့ မှာ ပိတ်ထားလိုက်ပါဗျန် ။
လေယဉ်ပျံခရီးစဉ်ပေါင်း-၉၇၀၀- ကျော်ကို ပိတ်လိုက်ပနာ နယူးယောက်မြို့ က ပြည်သူလူ ထုပေါင်း နှစ်သိန်းခုနှစ်သောင်းခန့် ကိုလေး အန္တရယ်ကင်းရာကို ပြောင်းရွှိပီးလိုက်ပါဗျန်ကာ ။ တနင်းလာနိအထိ ကားတိနင့် ရထားတိကို ပြန်လို့  ဖွင့်ပီးဖို့  စွာကို မသီချာလို့ ပြောထားပါရေ ။ လျှပ်စစ်မီးတိနင့် ဂါစ်တိကို အခုအချိန်ထိ မပိတ်ဘဲထားရေအတွက် ဆက်သွယ်ရီးလမ်းကြောင်းနင့် ချက်ပြုတ်စားသောက်ဖို့  ကောင်းမွန်နီပါသိရေ ။ ဒေပိုင်-ဟာရီကိန်းမုန်တိုင်း တိုက်ခိုက်ခံရရေအခါ လိုအပ်တေ သောက်ရီသန့်  ၊ လက်နှိပ်ဓါတ်မီး၊ ဓါတ်ခဲရေဒီယို ၊ အရီးကြီးစာ ရွက်စာတမ်း၊ ဆီဖြည့်ထားရေ ကိုယ်ပိုင်ကား တိန့် ကို အဆင်သင့် လုပ်ထားကတ်ဖို့  အစိုးရက ကြေညာပီး ထားရေအတွက် နယူးယောက်မြို့ သားတိုင်း အားလုံးစုဆောင်းဝယ်ယူထားဗြီးသား ဖြစ်နီကတ်ပါရေ ။ ဟာရီကိန်းမုန်တိုင်းမှာ ပြင်းအား -၁-ရှိ- ပနာ မုန်တိုင်းအချင်းက မိုင်-၄၃၀-ဟိပါရေ ။ မုန်တိုင်းမျက်စိကျနီရေ မြောက်ကာရိုလိုင်းနားက မန်ဆာချူးဆက်ပြည် နယ် ဘော့စ တွန်မြို့ မှာဆိုကေ မုန်တိုင်းတိမ်တိ ဖြစ်နီရေလို သိရပါရေ ။
ဒေကနိ တနင်းဂနွီ- သြဂုတ်-၂၈-နီ မိုးထဖက် သတင်းရီးနီရေ -၉-ချက်တီးအချိန်ထိ နယူးယောက်မြို့  အထက်ပိုင်းရပ် ကွက်တိ မှာ အပင်အငယ်ချေတိ ကျိုးနီစွာကလွဲ လို့  အခြားကြီးကြီးမားမား ဇါတိဖြစ်နီကတ်တေလေဆိုစွာကို အဆက်အသွယ် လုပ်လို့  မရဖြစ်နီပါသိရေ ။ ကမ္ဘာမှာအကြီးအကျယ်ဆုံးမြို့့ ဖြစ်တေ နယူးယောက်မြို့ မှာ သမိုင်းမှာတခါချေလေး မကြုံ ဖူးအောင် ဟာရီကိန်းမုန်တိုင်းတိုက်ခတ်ဖို့ စွာဖြစ်လို့  ခါတိုင်းပိုင် မော်တော်ကားသံ ရထားသံတိနင့် လမ်းမှာတချိန်လုံး လူမစဲ လားနီကတ်တေ မြို့ မှာ အခုဆိုကေ ငြိမ်သက်တိတ်ဆိတ်နီပါရေ ဒေ။ နယူးယောက်မြို့ မှာ အာကာတခုလုံးမိုးအုံ့ ပနာ လီတိုက် နီစွာကလွဲလို့  အခုအချိန်ထိ မုန်တိုင်းမတိုက်သိကေလေး ညဥ့် -၁-ချက်တီးလောက်မှာတော့ အဖျားခတ်တိုက် ခရေပိုင် ဖြစ်လားခရေလို့  သိကတ်ရပါရေ ။ ဟာရီကိန်းမုန်တိုင်းမှာ နယူးယောက်မြို့ နင့် -၁၅-မိုင်လောက်က နီပနာ တိုက်ခတ်လားဖို့ လို့ လေး သတင်းတိမှာ ဖေါ်ပြထားပါရေ ။
