နေ့စွဲ။ ၁၃။၎။၂၀၅၀ အင်္ဂါနိန့် 
မလေးရှားမှ လွန်ခရေ နှစ်ပေါင်း ၄၀ကျော်က ဒုက္ခသည်အဖြစ်နန် အမေရိက ကို ထွက်ခွါလာရေ မောင်မြတ်ခိုင် နန် မသန္တာ ရိုစွာ ရခိုင်ပြည်ဖွား ရခိုင်လူမျိုးစစ်စစ် တိဖြစ်ကတ်ပါရေ ။ ကုလသမဂ္ဂဒုက္ခသည် အစီးစိုင်နန် အခြီချလာစွာ မှာ အချေ ကိုယ်ဝန်သုံးလတစ်ယောက်ပါလာဘာရေ ။ အမေရိက မှာအခြီချ နိန်ထိုင်ယင့် အသက်အရွယ် ကြီးရင်လာဗျာလဖြစ်လို သီဆုံးလာဗျာလ်ကာယေ။ သားသမီးနှစ်ယောက် ကျန်ခပါရေ သားချေ မောင်စိတ် ၊ နန်သမီးချေ စောသန္တာဖြူ ဖြစ်ပါရေ။ သူ ရို့လည်း ပညာလည်းစုံ ရာထူရာ ကန်ချေတိ ကိုယ်ပိုင်စီးပွါးရေး နန်ဖြစ်လားပါဗျာလ် ။ သားဖြစ်သူ က အမေရိ ကန်အဲဝေး မှာပိုင်လော့စ် လုပ်ပါရေ။ သမီးဖြစ်သူက ကိုယ်ပိုင်လုပ်ငန်းဖြစ်တေ ဆူချီး ဆိုင်များများပိုင် ဆိုင်ထား ပါရေ၊ မောင်စိတ် နန် စောသန္တာ ရိုစာ ဗိုလ်လိုပြော ဗိုလ်ယဉ်ကျေးမှူးတိ အရိုးစွဲဗျာလ် ကိုယ်ရို ရခိုင်လူမျိုး ဓလေ့ စ ရိုက် တစ်ဖေ့ချေလေ့ မတွိ့  ရပါဗျာလ် ။
သူရို တိ နန်ပေါင်းသင့် နိန် ကတ်တေ လူတိကလည်း ၊အာဖရီကန် တိ၊ နန်အဖြူ အနီအကျားစုံလင်လှပါရေ၊ သူရို နုတ်ဖျားက မှာတော အေးရှား မန် ဆိုဗျာလ် ၊ ရခိုင်နာမ နန်ရခိုင်စိတ်လုံးလုံးပျောက်ကွယ် လားကတ်ပါဗျာလ်၊ လူတကာ ရှီမှာ အိုင်အန်းအမေရိကန် ဆတ်တစိန်ရှိစ် ဆိုဗျာလ် လူမျိုး ပျောက် နိန်ထိုင် စွာ အကျင့် ရလာဗျာလ်ဖြစ်လို မိမိကိုယ်မိမိ ဇာလူမျိုးမှန်မသိ ပါဗျာလ်။ မောင်စိတ် က ပြည်ပ နိုင်ငံ တိကို လားနိန်လာနိန်ရရေ လူတစ်ယောက် ဖြစ်လို အမေရိကန် အေးယာဝဲ ထိုင်းနိုင်ငံနန်အနီးအနားက ဗမာ ပြည်ကို အလုပ်တာဝန် နန် လား ရောက် ခပါဗျာလ် မိုးတိမ်တိုက် တိကြားက လေယာဉ်ပျံ စွာ တဖြေဖြေ ဆင်းလာ ပြီးကေ ရန်ကုန် အေးယာပိုစ် ကိုရောက်ဟိန်လားပါဗျာလ်။ လေယာဉ် ထက်ကခရီသည်တိ အားလုံးဆင်း လားခပါဗျာလ် မောင်စိတ်လည်း ဗမာပြည်ကိုရောက်ခိုက် ခွင့်တစ်ပတ်လောက်ယူဗျာလ် လည် ကြည့်ဖို့  ဆုံးဖြတ် ချက်ချလိုက်ပါရေ။ ရန်ကုန် မြို့တွင်း ထဲ ကို တက္ကဆီ အငှားကား နန် စီးဗျာလ် လေဆိပ်ကနိန် ဟိုတယ် ဟိန်ရာကို လားခပါဗျာလ်။ ဟိုတယ်အိပ် ခန်း ရောက် တေခါ ရုပ်မြင်သံကြား သတင်း တစ်ခု လာနိန်စာကို မောင်စိတ် ငေးကြည်ဗျာလ် လူတိရီလောင်းနိန်စာကို သဘောကျ နိန်ပါဗျာလ်၊ အယင်ဆိုကေ ထိုင်းနိုင်ငံ မှာ မြင်ဖူး တွိ့ စာနန် မတူ ဖြစ်န်ိရေအတွက် ကြောင်း လီ့လာဖို့  ဆုံးဖြတ်လိုက်ပါရေ။ ဟိုတယ်လမ်းညွန် စာအုပ်အထဲက ဗမာပြည်မြီ ပုံ ကိုကြည်လိုက်ပါရေ။ သင်္ကြန်ကျရေ နိန်ရာအညွန်း စာတိ ကိုကြည်ဗျာလ် လားဖို့ နိန်ရာကို မှင်နီတန်းဗျာလ် အမှတ်အသား လုပ်ထားလိုက်ပါရေ။
မောင်စိတ် မိုးလင်းရေခါ အိပ်ရာမှ ထဗျာလ် တန်းခါးဖွင့်ကြည်လိုက်တေခါ ကားတ၀ီဝီနန် ရီလောင်းနိန်ကတ်တေ ဗမာလူမျိုးတိကို တွိ့ ရလို လေ့လာချင်စိတ် ပေါက်လာပါရေ။ မောင်စိတ် အတွင်းစိတ်မှာ က ဒေယာဉ်ကျေးမှူး ကအဆန်း တစိမျိုး ဓာတ် ပုံ ကောင်းကောင်းရိုက်ဗျာလ် အမေရိက ကိုပြန်ရောက်ကေ သူငေချင်တိကို ပြဖို့  လောက်ရာ အသိစိတ်ဟိန်ပါရေ ။ မောင်စိတ် ကတောစိတ်ပြေ လက်ပျောက် ရန်ကုန် မြို့ထဲ လျှောက်လည် ပါရေ ၊ သင်္ကြန်ရီတိလည် စွတ်စိုစို နန် ဓာတ်ပုံလည်း ရိုက် ဗျာလ် လားယင့် လားယင့် ကြီးကျယ် ခန့် နားရေ အဆောက်အဦးတစ်ခု ကို တွိ့ လိုက်ရပါရေ၊ LOST ETHNIC MUSEUM လို စာလုံးကြီးကြီး နန်ရွီးထားပါရေ ယင်းပြတိုက်ကို မောင်စိတ် ကြည်လိုက်စာနန် စိတ်ဝင်စားလို မောင်စိတ် ၀င်လားပါရေ၊ ၀င်ကြေးကဒေါ်လာ ၁၀ ပီးရပါရေ။ မောင်စိတ် အစီအစုံကြည် ဗျာလ် ဓာတ်ပုံ လည်း ရိုက်ယင် ထောင့်တနိန်ရာ မှာ စာလုံးကြီးကြီး ရွီး ဗျာလ် ရခိုင်လူမျိုးပြခန်း ဆိုဗျာလ် ခန်းခန်းနားနား နန် နှစ်အလိုက် ရခိုင်လူမျိုး ပျောက် ကွယ်လားပုံ ပြောင်ရွီ လားပုံ ၊သဘာဝဘေဒဏ် ကြောင်း ပျောက်ကွယ်လားပုံ ၊ စစ်ဘေးစစ် ဒဏ် ကြောင်း ပျောက်ကွယ်လားပုံ ရခိုင်လူမျိုး ရောနှောပုံတိ ကို ရှင်းလင်း ထားပါရေ။
မောင်စိတ် က သူကိုသူ အမေရိကန် ဟုခံယူထားဗျာလ် မိမိလူမျိုး ရခိုင်ဖြစ်စွာကို သိပုံမပေါ် ။ မောင်စိတ် ကတော ရခိုင်အနုပညာပြခန်း ကိုရောက်တေအခါ မှာ အဆိုတော် ၀င်းကိုခိုင် အရုပ် နန်တေခြင်းသံ ကို နားထောင် လိုက်သည်။ သူစိတ်က တစ်မျိုးခံစား ရမိ ရေပိုင်တွိ့ လိုက်ပါရေ။ မောင်စိတ် က ဒေတေခြင်း ကို ဖာသာ(အဖ) ကောင်းကောင်း ဆိုခ ဖူရေ ဒေ သံစိုင်တီလုံး အတူတူဖြစ်နိန်ရေ၊ အခုပြတိုက်အထဲက ၀င်းကိုခိုင် ဆိုသူ ပို့ စတာလည်း အငေချေက အိမ်မှာ ရင်းရင်း နှီးမြင်ဖူး ခရေပိုင်တွိ့ ရေ ၊ နောက်တည်နိန်ရာ မြီပုံကို ကြည်လိုက် တေခါ သူအဖ မသီခင် ပြောပြ နိန်ရေ အဖရို အာရက်ကန်နိုင်ငံမြီပုံ ဒေ ဝေးလို မကြာမကြာပြောဖူးရေ ။
မောင်စိတ် က ရင်ထဲမှာတစ်မျိုးခံစားယင့် ဟိုတည် ဟိန်ရာကို ပြန်လာခ ပါရေ။ မောင်စိတ်ခွင့်က တစ်ပတ်ယူထားစာ ဖြစ်လို ရခိုင်ပြည်ဆိုရေ နိန်ရာကို ကြည်ဖို့  လာမေ ဆိုဗျာလ် ကားလက်မှတ် ကို အွန်လှိုင်း က၀ယ်ယူလိုက်ပါရေ ။ မောင်စိတ် တစ်ယောက် ရခိုင်ရိုးမ ကိုကျော်လို အမ်းကိုရောက် ဟိန် လာပါဗျာလ် ။ လမ်ဘေးဝဲယာ တစ်ချက်စီ မှာ ဗမာတိဂျေပါဗျာလ် ၊ဗမာ မမတိရီလောင်းယင့် လမ်းလျှောက်နိန်ကတ်ပါရေ၊ အ၀ီးဗြီးကားဂိတ်တိမှာလည်း ဗမာအစားအစာ ဗမာကိုရာ တွိ့ ရပါရေ၊ စားသောက်ဆိုင် တိမှာလည်း ၀က်သား ငပိရည် ပုန်းရည်ကြီး ရ ရေ အတွက် မောင်စိတ်မကြိုက်ပါ။ မောင်စိတ့် HOTDOGပေါင်မုန့် နန် စားဗျာလ် ခရီလားနိန်ရပါရေ ယင်းမာ ကတစ် ဆင့် မြောက်ဦး၊ကျောက်တော် ၊ပုဏ္ဏားကျွန်း၊စစ်တွေ မြို့ ကို ရောက် ဟိန်လာပါရေ ၊ ယင်းအချိန်ကား 2050 APRIL 14 သင်္ကြန်ရက် ဖြစ်ပါရေ ။ စစ်တွေမြို့  အထဲမှာ လမ်းလားလမ်းလာ တိ က ရခိုင်ရိုးရာ ရီလောင်ပုံစံ နန် မတူ ရန်ကုန်မှူ ဗမာမှူ့ ပုံစံအတိုင်း ရီလောင်းနိန်ကတ်ပါရေ ။ ပြတိုက်အထဲက ရခိုင်ပုံစံ နန် မတူဘဲ ၀ါးမျိုခံ ဗမာ မမ တိ ကိုတွိ့ ရဗြီးကေ ရခိုင်ပုံစံ ရီလောင်းရေ လူတိ ကလုံးဝမဟိန်ပါ။ ပင်လယ်ကမ်းစပ် နားက အပန်ဖြေ စခန်းကိုလာခပါရေ မောင်စိတ် ပွိင့် ကိုမြင်လိုက် စွာနန် စိတ်ထဲမှာ အမြဲလာနိန်ကျ နီရာလို ခံစားရပါရေ ။ အမှတ်တရ အတွက် မှတ်စရာ တိကို မှတ်သားဖို့ အတွက် မောင်စိတ် အိပ် က မီမိုရီ စာအုပ်ချေကို ထုတ် လိုက်ပါရေ ။
ယင်းမာ မောင်စိတ် အဖ ဓာတ်ပုံ ထွက်ကျလာပါရေ၊ ယေခါ မောင်စိတ် လက်ဟိန် ရောက်နိန်ရေ ပွိင့် နန် အဖဓာတ်ပုံ နောက်ခံ ကြည်လိုက်ပါရေ အားလုံးအတူတူ ဖြစ်နိန်ရေအ တွက် ယေခါ မောင်စိတ် က ငါရိုမျိုးရိုး တိစာ ဒေနိန်ရာ က ရခိုင်လူမျိုးတိဖြစ်တေ ဇာတွက်ကြောင်း ဒေပိုင်ဖြစ်လာ ရလေ အခု ဒေနိန်ရာတိ မှာ ဗမာ တိ က ၀ါးမျိုလားဗျာလ် ။ ရခိုင်လူမျိုးအကြောင်း ကိုလည်း ပြတိုက်ကိုလားဗျာလ် လေ့လာမှ သိ လာရရေ ။ မောင်စိတ် တစ်ယောက် အကြီးအကျယ် စိတ်ဓာတ်ကျ ဗျာလ် ရန်ကုန်-စစ်တွေ အမြန်ကားနန် ရန်ကုန်ကိုပြန် လာခပါရေ ။ မောင်စိတ် ရခိုင်လူမျိုးအကြောင်း လေ့လာ လို အပြန် မှာ ည်ီမဖြစ်သူ ပါးက ၀မ်းသာစရာ အစ်ကိုဖြစ်သူကို မင်္ဂလာစကားပြော လိုက် စွာ က မောင်ကြီး အကျွန် အိမ်ထောင်ပြုလိုက်ဗျာလ် အာဖရီကန် တစ်ယောက် နန် အကျွန်ကို ဂုဏ်ပြုပီးပါ ။ မောင်ကြီးရှင်အတွက် လည်း ယောက်မ တော် ကို အောင်သွယ်ပီးမေ လို ပြောလိုက်ပါရေ။ မောင်စိတ်က THANK YOU ညီမချေ လို ပြောလိုက်ပါယင့်။ မောင်စိတ် အမေရိကန်နိုင်ငံ ကို ၂၀၊၄၊၂၀၅၀ မှာပြန်လခပါယင့်ယေ။
အဆိုးချေ
